مشاهدة النسخة كاملة : براءة شاب من خدش حياء طالبة "الأطلنطي"
QATAR 11
07-11-2009, 08:06 AM
http://3.bp.blogspot.com/_jTeHUlmO_cQ/SiducE1R93I/AAAAAAAAApU/_LuuD7V5Fkg/S220/profile+medium.jpg
الدوحة-الشرق:
برأت محكمة الجنح شاباً أتهم بخدش حياء أنثى بأن تفوه بكلمات قاصداً منها تشويه سمعتها. جاء نطق الحكم في جلسة ترأسها السيد القاضي إبراهيم الخليفي ووكيل النيابة العامة محمد المحمود.
وكانت المحامية هند الصفار قد قدمت دفوعها بحق موكلها الذي أتهم بخدش الحياء بعد أن تقدمت طالبة جامعية تدرس بكلية شمال الأطلنطي ببلاغ مفاده أنّ الشاب زميلها في الدراسة كان يضحك عليها مع أصدقائه أثناء مرورها ويتلفظ بعبارة "الحمدلله والشكر" وردت عليه بنفس اللفظ.
وطالبت المجني عليها بحقها القانوني إلا أنّ المتهم أنكر الإتهام المنسوب إليه، وبالتالي فإنّ الأحكام تبنى على حجج قطعية الثبوت تفيد الجزم واليقين لا على الظن والاحتمال، إذ يكفي أنّ القاضي تشكك في صحة إسناد التهمة إلى المتهم ومن ثمّ قضى بالبراءة.
هذه نتيجة الاختلاط لعلها تحيي قلوب ميتة
"استخدام سياسة تبنيج العقول واستخدام مصطلح الاختلاط كي نستسيغه ونطبقة بطريقة الا وعي"
هي مايهتم به اولئك المحترفين المنحرفين من المسؤلين في المناصب العليا
لاحول ولاوقوه الا بالله
jajassim
07-11-2009, 08:20 AM
لاحول ولا قوه الا بالله
فرحة الكواري
07-11-2009, 08:23 AM
قضية على كلمة انقطت !!
ومنشورة في الجرايد بعد !!
ماقول غير .. ماعلى الدنيا عتب
ريماس الغلا
07-11-2009, 08:25 AM
صج ما عندها سالفـــه
لا حول ولا قوة الا بالله
مستثمره جديده
07-11-2009, 08:29 AM
وانا بعد اقول الحمدلله والشكر من هالاشكال من البنات ..
شكلها كانت تبي تعويض مادي بس ماعطوها ويه :)
خل تروح تشتكي علي وترفع علي قضيه عادي :tease:
حدالكلمه
07-11-2009, 08:34 AM
صج الحمد الله والشكر -- يحليلهم مكبرين السالفة وموصلينها للمحاكم -- ومحامية ادافع وسالفة -- جان الموضوع انحل مع ادارة الجامعة وخلااص --
موضي قطر
07-11-2009, 08:48 AM
ياناس ودي اعلق بس خايفة :secret:
بس فيه شي يقرقع في قلبي اللي نادوا بالاختلاط وينهم ؟؟
ترى السؤال برئ
مستثمره جديده
07-11-2009, 08:56 AM
ياناس ودي اعلق بس خايفة :secret:
بس فيه شي يقرقع في قلبي اللي نادوا بالاختلاط وينهم ؟؟
ترى السؤال برئ
لاتعلقين ترى بيعلقونج من شعرج وبيضربونج بالخيازرين :tease:
امزح حبيبتي عادي علقي الشيخه انتي في بلد الديموقراطيه .. :)
موضي قطر
07-11-2009, 09:00 AM
لاتعلقين ترى بيعلقونج من شعرج وبيضربونج بالخيازرين :tease:
امزح حبيبتي عادي علقي الشيخه انتي في بلد الديموقراطيه .. :)
يمه صدقت :tease: لا يالغالية خذي راحتك بس الغريب للحين ماتعلموا ان الاختلاط
ماوراه الا البلاوي :anger1: الله يستر علينا وعلى بنات المسلمين
مسكين
07-11-2009, 09:04 AM
هذه حادثة بسيطة جدا والمصايب اللي يشيب منها الراس بتكشفها الأيام
حسبي الله على من دمر بلادنا وضيع عادات وسنع أهلها
اييييييييييييييييييييييييييييييييييييييييييييييه الله المستعان
مستثمره جديده
07-11-2009, 09:15 AM
الحين الدول الغربيه توها واعيه للمخاطر اللي تنتج من جراء الاختلاط في المدارس والجامعات وحاليا يسعون للفصل بين الجنسين فيهم .. واحنا نركض بشتى الطرق ورى الاختلاط والسعي لتطبيق نظام المدارس والجامعات المختلطه كاسرين بذلك حاجز الدين اولا ثم العادات والتقاليد..
وين قطر أيام قبل .. الله يرحم ذيك الايام يوم كانوا البنات درر مكنونات :( اما الحين .. الله يستر عليهم بس :secret:
miss-qatr
07-11-2009, 09:55 AM
بـــــــــل محكمة وقضيه وخدش حياء عشان الحمدلله والشكر !!!!!!
إذا فعلاً صح هذا الكلام المفروض تتركه عنها عساه يتحمد ربه ليل ونهار ليش هي ماعندها ثقه بنفسها
مرده بيتعب وبيسكت :omen2:
الوجبه
07-11-2009, 10:14 AM
الحمدلله والشكر
سداوي&مدريدي
07-11-2009, 10:21 AM
انا واحد من الي يدرسون في كلية شمال الأطلنكي (( توني جديد ))
أسمحولي على هالكلمه الي شفته في الكلية
(( قمة المصخره ))
شله بنات يتحرشون في شباب والعكس الحياه عندهم Free
لاكن كلمة حق تقال .. والله في بنات محتشمات وفي حالهم ومحد يتجرأ يقولهم كله
والدراسه هي الي أجبرتهم على الأختلاط
ماقول الا الله يستر علينا وعليهم
العداله
07-11-2009, 10:36 AM
عش رجبا ترى عجبا
ابن مانع
07-11-2009, 10:41 AM
لاحول ولاوقوه الا بالله
خاطري اعرف ايش استفادة من هالسالفة غير الفضيحة
المفروض سترة على نفسها من البداية حتى لو كان الكلام عليها من سفيه
انا واحد من الي يدرسون في كلية شمال الأطلنكي (( توني جديد ))
أسمحولي على هالكلمه الي شفته في الكلية
(( قمة المصخره ))
شله بنات يتحرشون في شباب والعكس الحياه عندهم free
لاكن كلمة حق تقال .. والله في بنات محتشمات وفي حالهم ومحد يتجرأ يقولهم كله
والدراسه هي الي أجبرتهم على الأختلاط
ماقول الا الله يستر علينا وعليهم
اعجبني ردك المتوازن العاقل - مثل ما قلت انت كثير توجهو للأختلاط غصبا عنهم لأسباب منها بعث جهت العمل لهم - لكن اذا بغيت الحق حتى في الحرم في مكه تجد وتشاهد معاكسات
لأن اي تواجه للجنسين في اي مكان ينتج عنه ردود فعل بعضها ايجابيه وبعضها سلبيه
قله الأدب والتحرش تعتبر تصرفات شخصيه وليست جماعيه الى في حاله الشغب حين يجتمع مجموعه وفي نيتهم المعاكسه .
ارجو ان تقف القوانين الداخليه بصرامه ضد التحرشات من الجنسين لأن ليس كل الرجال ملائكه وليس كل النساء شياطين
ALRAYYAN
07-11-2009, 10:50 AM
والله ان قلبي معورني على بلادي وخانقتني العبره
:weeping:
شمعة الدوحه
07-11-2009, 11:22 AM
انا واحد من الي يدرسون في كلية شمال الأطلنكي (( توني جديد ))
أسمحولي على هالكلمه الي شفته في الكلية
(( قمة المصخره ))
شله بنات يتحرشون في شباب والعكس الحياه عندهم free
لاكن كلمة حق تقال .. والله في بنات محتشمات وفي حالهم ومحد يتجرأ يقولهم كله
والدراسه هي الي أجبرتهم على الأختلاط
ماقول الا الله يستر علينا وعليهم
انا طرشوني جهة عملي 6 شهور هناك
وفعلا المناظر والتصرفات مثيره للاشمئزاز ..
عادي تشوف لك شلة شباب وبنات قاعدين مع بعض وضحكتهم واصله لي آخر الممر
بس على قولتهم طنش تعش تنتعش
اهم شي الواحد يخلص دراسته ويسوي اللي عليه
وهالبنيه ماعندها سالفه اللي مسويه قضيه
شمعة الدوحه
07-11-2009, 11:27 AM
هالمواقف تصير بكل مكان بالسوق او بالكليه او غيره
يعني كل من قالها الحمدلله والشكر او قط عليها كلام بترفع عليه قضيه :rolleyes2:
ماصارت هذي :)
اللي واثقه من نفسها بتطنش .. واللي بتسوي من الحبه قبه وبتشهر في نفسها هذي شخصيتها مهزوزه
غير البشر
07-11-2009, 11:29 AM
لاحول ولاقوه الابالله
يعني بعض البنات صارو فيهم من القوه ان ترفع قضيه وتجيب الكلام حق نفسها
عشان كلمه انقالت ماتسوى والمفروض ماتحط ببالها لان هذي الكلمه ممكن اتواجهها
من اي شخص بالشارع :rolleyes2:
طلعة الروح
07-11-2009, 11:50 AM
هذي وحده من مزايا القضايا الاخلاقيه بالبلد انك ماتربح ابدا
انا اقول الحمدلله والشكر يالقاضي ويا مدير النيابه
باجر الكل يخاف يرفع هالنوعيه من القضايا والعله محد قادر يثبت التهم المنسوبة للمخالفين
وبعدين زين سوت هالبنت الجريئه يوم اشتكت يستاهلون من يفضحهم لانهم مصخوها كل من هب ودب قام يغلط ويتحرش وبروحكم تشوفون وانا مستغربه من ردودكم يالبنات الحين تقولون لا عيب وغلط وماتسوى احنا ماندري شنو ظروف هالبنت ولا حجم الاهانه وتكرارها ولازم نحط نفسنا مكانها اكيد ما بهدلت عمرها واهلها وياها واشتكت الا والسالفه جايده..
شجرة الدر
07-11-2009, 11:56 AM
الحمدلله والشكر
ابو ماجد
07-11-2009, 11:56 AM
اخوى خلنا نفرض قصه ثانيه
شاب صايع و مغازلجى وبنت جميله جداجدا ومحترمه ومحتشمه وفى حالها ماعندها صديقات
من المحاضره لين البيت
الشاب حاول ايتحرش فيها وما قدر لين اوصلت به من الياس ان كل ما مرت جدامه قالها كلام بذيء وفي اهانه
عقب ماوصلت القضيه المحكمه حكم القاضى بالبراءه لعدم ثبات الدلائل مع ان المفروض
ايحلفه اليمين
اللى اقصده ان الشاب الصايع مستعد كل دقيقه ايهين البنت بحجه مافى دلائل
صج صج الحمدلله والشكر عليها !!
خله يتحمد وين المشكله
شاكه بنفسها هي !!!
وان كان يتحمد عليها ويتطنز
لها اجر في الاخره
شمعة الدوحه
07-11-2009, 12:04 PM
هذي وحده من مزايا القضايا الاخلاقيه بالبلد انك ماتربح ابدا
انا اقول الحمدلله والشكر يالقاضي ويا مدير النيابه
باجر الكل يخاف يرفع هالنوعيه من القضايا والعله محد قادر يثبت التهم المنسوبة للمخالفين
وبعدين زين سوت هالبنت الجريئه يوم اشتكت يستاهلون من يفضحهم لانهم مصخوها كل من هب ودب قام يغلط ويتحرش وبروحكم تشوفون وانا مستغربه من ردودكم يالبنات الحين تقولون لا عيب وغلط وماتسوى احنا ماندري شنو ظروف هالبنت ولا حجم الاهانه وتكرارها ولازم نحط نفسنا مكانها اكيد ما بهدلت عمرها واهلها وياها واشتكت الا والسالفه جايده..
خلاص اذا هي معاها حق خليها ترفع قضيه على كل واحد يقط عليها كلام بالشارع او بالمجمعات لانها ماراح تخلص اصلا من قضيه في قضيه ثانيه :telephone:
الواحد يترفع عن هالامور ويكبر عقله
زين عادي الواحد يحمد ربه ويشكره بكل وقت وين المشكله؟
هههههههههههههههههه
الحمد لله والشكر
لله الحمد
07-11-2009, 12:06 PM
ماصدق ان الكلمه الحمد لله والشكر هي اساس القضية
السالفه فيها أنّ !!
وفيها علوم
ورقــة أمــل
07-11-2009, 12:14 PM
مب صاحية
بس صج هناك في بنات وشباب الواحد صج صج يقولهم الحمدلله والشكر عليهم
والجريده ماعندها سالفة تنشر الخبر،، مافي قضايا ثانية ارقى وتستاهل النشرر
فارس قطر333
07-11-2009, 12:17 PM
اول مره اعرف انه كلمه الحمد لله والشكر تخدش الحياء
واللي انشوفه في الاماكن العامه وغير ما يخدش الحياء
ما اقول غير الله يستر علينا دنيا واخره يارب
BURBERRY
07-11-2009, 12:39 PM
الحمدلله و الشكر
law girl
07-11-2009, 12:42 PM
هذي أقل مصيبة تصير فالأطلنطي ..
مجتمع هالكلية دمرآن ..
كل من هب ودب دخلهآ ..
وأغلب اللي يدآومون فيهآ مطرودين ..
بس يدآومون حق اللعب والمسخره ..
صج الحمدلله والشكــــر ..
رهج السنابك
07-11-2009, 12:52 PM
شكلها بنت فقر وشافت الولد كل يوم يجي الكلية برينج سبورت قالت بس خلاص كنز وانفتح لي خلني اترزق منه وراه
PARIS
07-11-2009, 12:53 PM
الله يصلح الحال .................
عـ العبيدلي
07-11-2009, 12:54 PM
والله ان قلبي معورني على بلادي وخانقتني العبره
:weeping:
والله نفسك والله العظيم
ماعرف شاقوووول عن الي قاعد يصيييييير ..
الله المستعـــان
بس اتوقع انه هي فيها شي يخلي الواحد يحمد ربه على الي فضله عنها
ساحل الشمال
07-11-2009, 01:00 PM
تفاعلا مع الموضوع الذي يخفي كثير من الحيثيات وعدم الجديه في علاج اصل المشكلة الا وهو الاختلاط القذر الذي ينتشر كل النواحي الحياتية في بلدنا النظييف اصلا من هذه الترهات ولا نقول الا حسبنا الله ونعم الوكيل على من تسبب في حصول هالمهازل اليوميه اللي سمحوا بالاختلاط في التعليم وفرضوا الاختلاط في مجالات العمل المختلفة ، وكان لو ما اشتغلت المراة في تلك المجالات او ما درست ف الجامعات المختلطه سوف يحكم عليهم بالاعدام او يصيبهم مس من الجنون ، والله انك لتعجب من عقلاء هذا البلد وين راحوا ؟؟؟؟؟ هل اكتفى كل واحد منهم بالحد الادنى؟؟؟الانكار بالقلب ؟؟؟اللهم احي قلوبنا حتى نعلم ان ما امرت به هو الحق وما نهيتنا عنه هو الضلال المبين والشر المستطير ..اللهم احفظ بلادنا وسائر بلاد المسلمين من كل سوء ومكروه .
(بوعوف)
07-11-2009, 01:01 PM
شكلها بنت فقر وشافت الولد كل يوم يجي الكلية برينج سبورت قالت بس خلاص كنز وانفتح لي خلني اترزق منه وراه
ومن قال انه البنت الفقيرة ماعندها شرف وبيئتها واهلها ما يعلمونها الادب والسنع ، ايش هالتفكير، والتعميم
ياريت حكمنا على الامور يكون على اسس صحيحة
سداوي&مدريدي
07-11-2009, 01:03 PM
اعجبني ردك المتوازن العاقل - مثل ما قلت انت كثير توجهو للأختلاط غصبا عنهم لأسباب منها بعث جهت العمل لهم - لكن اذا بغيت الحق حتى في الحرم في مكه تجد وتشاهد معاكسات
لأن اي تواجه للجنسين في اي مكان ينتج عنه ردود فعل بعضها ايجابيه وبعضها سلبيه
قله الأدب والتحرش تعتبر تصرفات شخصيه وليست جماعيه الى في حاله الشغب حين يجتمع مجموعه وفي نيتهم المعاكسه .
ارجو ان تقف القوانين الداخليه بصرامه ضد التحرشات من الجنسين لأن ليس كل الرجال ملائكه وليس كل النساء شياطين
الله يرحم والديك أخوي طارق .. وتسلم :nice:
وكلامك بعد عين العقل :victory:
انا طرشوني جهة عملي 6 شهور هناك
وفعلا المناظر والتصرفات مثيره للاشمئزاز ..
عادي تشوف لك شلة شباب وبنات قاعدين مع بعض وضحكتهم واصله لي آخر الممر
بس على قولتهم طنش تعش تنتعش
اهم شي الواحد يخلص دراسته ويسوي اللي عليه
وهالبنيه ماعندها سالفه اللي مسويه قضيه
اي والله :(
شكلها بنت فقر وشافت الولد كل يوم يجي الكلية برينج سبورت قالت بس خلاص كنز وانفتح لي خلني اترزق منه وراه
هههههههههههههههههههههههههههههههههههههه
هههههههههههههههههههههههههههههههههههههههههه
ممكن ليش لا :omen2:
وممكن اتكون جيكره وتبي اتسوي نفسها جميله وتطلع فيها قدام ربعها :telephone:
كل شي جايز :nice:
رهج السنابك
07-11-2009, 01:29 PM
ومن قال انه البنت الفقيرة ماعندها شرف وبيئتها واهلها ما يعلمونها الادب والسنع ، ايش هالتفكير، والتعميم
ياريت حكمنا على الامور يكون على اسس صحيحة
لما قلت بنت فقر قصدت انها فقيره بكل شي مال وادب واخلاق وتربية .. اجل فيه وحده عاقلة تمر جنب واحد ويقط عليها كلمة تقوم تركض للمحاكم وتفشل نفسها وتفشل اهلها وتشوه سمعتها بنفسها في الكلية والمجتمع والجرايد ؟!!
لو هي وحده تبي الستر على نفسها كان لزمت بيتها وترا كلية شمال الاطلنطي مجرد كماليات حتى شهادتهم مجرد دبلوم مايفرق عن الثانوية يعني مو ذيك الشهادة اللي الناس ممكن تضحي عن اشياء كبيرة عشان تدخلها
امل الحب
07-11-2009, 01:36 PM
لما قلت بنت فقر قصدت انها فقيره بكل شي مال وادب واخلاق وتربية .. اجل فيه وحده عاقلة تمر جنب واحد ويقط عليها كلمة تقوم تركض للمحاكم وتفشل نفسها وتفشل اهلها وتشوه سمعتها بنفسها في الكلية والمجتمع والجرايد ؟!!
لو هي وحده تبي الستر على نفسها كان لزمت بيتها وترا كلية شمال الاطلنطي مجرد كماليات حتى شهادتهم مجرد دبلوم مايفرق عن الثانوية يعني مو ذيك الشهادة اللي الناس ممكن تضحي عن اشياء كبيرة عشان تدخلها
الله يستر عالجميع واخر سطرين مالهم داعي .. دعي الخلق للخالق محد عارف ظروف الناس ولااحوالهم ولا شيجبرهم وش مايجبرهم ..
الله يهدي الجميع
المغترب 123
07-11-2009, 01:44 PM
بـــــــــل محكمة وقضيه وخدش حياء عشان الحمدلله والشكر !!!!!!
إذا فعلاً صح هذا الكلام المفروض تتركه عنها عساه يتحمد ربه ليل ونهار ليش هي ماعندها ثقه بنفسها
مرده بيتعب وبيسكت :omen2:
هههههههههههااااي اي والله :nice:
الحمدالله والشكر ماعندها سالفه شكلها متعقده وبلشت الولد المسكين :secret:
شموع قطريه
07-11-2009, 01:53 PM
شموديها المحاكم جليلة الحيا !!! كله علشان كلمة الحمدلله والشكر ؟؟؟
الظاهر هي كانت تبي تلفت نظره ويوم صدمها وفشلها وقال مقولته الشهيره :nice: احترت ورفعت عليه قضيه ..
ناس فاضيه تحاول تسوي اهميه لنفسها ومب عارفه شلون .. ولو فيها خير ماراكضت واشتكت في المحاكم على كلمة الحمدلله والشكر جان بلغت حد من اخوانها ولا اهلها وهو يوقفه عند حده لازم يعني محاكم وقضايا ما أمها داعي ؟؟:eek5:
حنان الدنيا
07-11-2009, 02:11 PM
والله اذا الشاب قال هالشئ بصراحه ماينلام والله من اللى يصير هناك
واللى نشوفه والحمدلله اني تخرجت
كنا نشوف العجب العجاب وبعدين اي كلمه بتسمعها في اي مكان بتقوم ترفع قضيه ههههههههههه :)
sweet qatar
07-11-2009, 02:18 PM
غريبة ان الكل متحامل على البنت...احنا سمعنا القصة من طرف احد..
صح ان ردها كان اوفر... لان فعلا الكلمة ممكن الوحدة تنساها ولاترد عليهم...
لكن الحق عالادارة الي ما خذت حق البنت.. واجبرتها تطلع للمحاكم...ترى يمكن في شي ما ذكرته الجريدة... مب معقولة ان البنت بتكبر السالفة على كلمة مثل هذي ..
الله يهدي الجميع...
by the way .... المحامية الي دافعت عن الشاب ماتعجبني بالمرة.. ما ارتحت لها ولاسلوبها ... استغفر الله ...
رهج السنابك
07-11-2009, 02:26 PM
غريبة ان الكل متحامل على البنت...
صح ان ردها كان اوفر... لان فعلا الكلمة ممكن الوحدة تنساها ولاترد عليهم...
لكن الحق عالادارة الي ما خذت حق البنت.. واجبرتها تطلع للمحاكم...
By the way .... المحامية الي دافعت عن الشاب ماتعجبني بالمرة.. ما ارتحت لها ولاسلوبها ... استغفر الله ...
لا تقولين استغفر الله .. ترا تتعاملين نفس الولد لما قال الحمدلله والشكر
وبيرفعون عليج قضية انتبهي
رهج السنابك
07-11-2009, 02:28 PM
الله يستر عالجميع واخر سطرين مالهم داعي .. دعي الخلق للخالق محد عارف ظروف الناس ولااحوالهم ولا شيجبرهم وش مايجبرهم ..
الله يهدي الجميع
ممكن اعرف شنو الظروف القاهره اللي تجبر بنت تدرس دبلوم بهالكلية ؟؟
دون سيرفانتس
07-11-2009, 02:33 PM
من حقها اللجوء للقضاء وان كان من الافضل ان تلجأ لادارة الكلية ومما سبق اتوقع يجب ان يكون هناك اجراءات تأديبية قوية ورادعة في اماكن الدراسة حتى يمكن للجميع ان يحظى بفرصة للدراسة والتحصيل بعيدا عن الازعاج والمضايقات التي يمكن ان تحصل
ريم المدينة
07-11-2009, 02:41 PM
شموديها المحاكم جليلة الحيا !!! كله علشان كلمة الحمدلله والشكر ؟؟؟
الظاهر هي كانت تبي تلفت نظره ويوم صدمها وفشلها وقال مقولته الشهيره :nice: احترت ورفعت عليه قضيه ..
ناس فاضيه تحاول تسوي اهميه لنفسها ومب عارفه شلون .. ولو فيها خير ماراكضت واشتكت في المحاكم على كلمة الحمدلله والشكر جان بلغت حد من اخوانها ولا اهلها وهو يوقفه عند حده لازم يعني محاكم وقضايا ما أمها داعي ؟؟:eek5:
واذا هي وحدة ما وراها ريايل شتسوي؟؟
ابو ماجد
07-11-2009, 02:41 PM
اشهد انها بنت اصل ومتربيه على دين وخلق لانها مارضت بالغلط وراحت اشتكت هذيلن هم البنات .......
..الاميرة..
07-11-2009, 02:55 PM
ماصدق ان الكلمه الحمد لله والشكر هي اساس القضية
السالفه فيها أنّ !!
وفيها علوم
وأنا اقول بعد السالفه مب سالفة كلمه مثل هذي اكيد فيها علوم مثل ما قلت ..
ولا تنطرون تفاصيل القضية لان مثل هالقضايا تكون سريه ..
سهم مديون
07-11-2009, 02:56 PM
شخصيتها مهزوزة للاسف كلمة عابرة قومت الدنيا وفي النهاية عادت بخفي حنين:eek5:
الصريحه
07-11-2009, 03:02 PM
احول ولا قوه الابالله
انا اساسا مب مقتنعه بالموضوع مره
وبنتي وولدي اذا الله احيانا وياهم ماراح اخليهم يختلطون بالجنسين
لان والله اشياء واجد تنكسر اولها الحياء وماخفي اعظم.....:eek5:
sweet qatar
07-11-2009, 03:08 PM
لا تقولين استغفر الله .. ترا تتعاملين نفس الولد لما قال الحمدلله والشكر
وبيرفعون عليج قضية انتبهي
هههههههههههه... oh my god يعني بنتفاهم بالإشارة من اليوم ورايح... فديتج والله :shy:
انا مع الراي الي يقول ان القضية اكبر من كلمة الحمدلله والشكر ...
ولا نسيتوا سالفة بنت جامعة قطر الي ضربوها شباب في سلم 7 ... ما يحتاي اذكركم فيها وبالخرابيط الي انقالت عالبنت واهلها وكلنا عارفين الي صار بالضبط ومن وراها..
الله يستر من الجاي...
بنت ذياب
07-11-2009, 03:27 PM
ههههههههههههههههههههههههههههه
:funny:
اصلا الحمدلله والشكر عليهم هم الاثنين
غباااااااءهم فوق احتمااااالي
يعني شستفادت افضحت نفسها بنفسها
ومحاكم وقضايا وحاله
والسالفه انتشرت
وجرايد
والله عيب !!
وين الحياااء
اولا واخيرا .. هالنوعيه من البنات والشباب
يبيلهم خيزرانه تلعب على ظهورهم علشان يتسنعون
المفروض في ضوابط
عجبي !!!!
hamoor4ever
07-11-2009, 03:33 PM
بأختصار ماعندها سالفه ، وشكله الشاب ماغلط يوم قال عنها الحمدلله والشكر وشكله القاضي يوم شافهم مالام الشاب وطلعه براءه انا بدال القاضي احكم عليها بعد تهمه ازعاج السلطات بموضوع فاضي وياليت لو عندها مشكله ان اتحاول اتحلها مع اداره الكليه وهي بدوها تاخذ تعهد من الطالب بعدم التعرض لها مره ثانيه وكان الله غفورا رحيما اما ارفع قضيه واحط محامي علشان واحد قال لي الحمدلله والشكر بعد شاتمها قايل عنها شي بقول معليش صج ناس فاضيه شكلها ماخذه مقلب في نفسها وايد
المغترب 123
07-11-2009, 03:36 PM
شموديها المحاكم جليلة الحيا !!! كله علشان كلمة الحمدلله والشكر ؟؟؟
الظاهر هي كانت تبي تلفت نظره ويوم صدمها وفشلها وقال مقولته الشهيره :nice: احترت ورفعت عليه قضيه ..
ناس فاضيه تحاول تسوي اهميه لنفسها ومب عارفه شلون .. ولو فيها خير ماراكضت واشتكت في المحاكم على كلمة الحمدلله والشكر جان بلغت حد من اخوانها ولا اهلها وهو يوقفه عند حده لازم يعني محاكم وقضايا ما أمها داعي ؟؟:eek5:
:nice::nice::nice:
انشهد انك جبتها واعتقد بان الشاب ماقال مقولته المشهورة الا ان البنت فعلا الحمدالله والشـــــكر
مايمدح السوق
07-11-2009, 04:41 PM
واذا هي وحدة ما وراها ريايل شتسوي؟؟
تكلم النشامي وهم بيقومون بالواجب :)
الأسد
07-11-2009, 07:05 PM
لاحول ولا قوه الا بالله
ريم المدينة
07-11-2009, 07:23 PM
تكلم النشامي وهم بيقومون بالواجب :)
من؟؟ وين تلقاهم؟؟
راجية الرحمة
07-11-2009, 07:33 PM
فعلاً هذه حصيلة الأختلاط
والله أمركم غريب يالبنات بس من ناحيتي أقول ان هي كبرت السالفه لكن زين سوت فيه خل يكون درس له ولغيره من المتحرشين
PARIS
07-11-2009, 07:36 PM
لاحول ولا قوة الا بالله الكل قاعد يتكلم ويحلل ويفسر على كيفه وكأن هو كان موجود في قلب الحدث وشاف وسمع كل حاجة ...لاتتكلمون في اعراض الناس سواء البنت او الولد الله وحده اعلم بخفيات الامور ...اليوم لك وبكرة عليك ... ومايلفظ من قول الا لديه رقيب عتيد ... اتقوا الله فيما تكتبون وفيما تقولون ...
لاحول ولا قوة الا بالله العلي العظيم.......
Just a Gurl
07-11-2009, 07:46 PM
اشفيكم ع البنت؟؟؟ مب معقوله هالسالفه كلها على "الحمدلله والشكر".... اكيد في شي ثاني
وهي ماراحت مرمطت نفسها الا لانه "خدش حياءها صج"!!!!
وبالعكس انا اشوفها زين سوت... عشان هالشباب مايتجرأون حتى يحمدون ربهم جدامها :nice: هههههههههههههههههه
ANONYMOUS
07-11-2009, 08:02 PM
انا لو من الشاب
برفع قضية تشهير ورد اعتبار وتعويض مادي عن الضغوطات النفسيه اللي تعرض لها الشاب وجرجرته بالمحاكم
الحين وين يقدر يخطب
وين يقدر يكمل دراسته بالجامعه
الله يهديها ضيعت مستقبله الاجتماعي والمهني والوظيفي
الهاجري87
07-11-2009, 09:37 PM
انا لو من الشاب
برفع قضية تشهير ورد اعتبار وتعويض مادي عن الضغوطات النفسيه اللي تعرض لها الشاب وجرجرته بالمحاكم
الحين وين يقدر يخطب
وين يقدر يكمل دراسته بالجامعه
الله يهديها ضيعت مستقبله الاجتماعي والمهني والوظيفي
المفروض هذا اللي يصير :victory:
الشاااهين
07-11-2009, 10:02 PM
:telephone:الجيل الجديد خطير الله يرحم على ايامنا كله مدنعين والكحفيه مغطيه عيونا:shy:
kooool
07-11-2009, 10:57 PM
سود الله وجه ..هذا المفروض يحلقون راسه ويركبونه حماااار بالمقلوب ...شنو هالمصخرة
..الاميرة..
07-11-2009, 11:06 PM
انا لو من الشاب
برفع قضية تشهير ورد اعتبار وتعويض مادي عن الضغوطات النفسيه اللي تعرض لها الشاب وجرجرته بالمحاكم
الحين وين يقدر يخطب
وين يقدر يكمل دراسته بالجامعه
الله يهديها ضيعت مستقبله الاجتماعي والمهني والوظيفي
ان كان على حق ..
لانه مش معقوله بتفوت عليه أو على اهله هالسالفه في رد حقه !!
وفي الاخير العلم عند الله ..
الجوكر90
07-11-2009, 11:18 PM
السلام عليكم
تصدقون يالربع اول مره اشوف الكل ضد البنيه
ترى انا ادرس فالاطلنطي واعرف بناتهم زين
يعني عادي تجيكم وحده قوية عين وترادد وهم تشتكي بس بعقل مافي وحده بتعور راسها عشان كلمه الحمدلله والشكر
بس انتوا تحبون تقروون الردود الي تبونها والرد الي مايعجبكم جنكم ماتشوفونه
ومب عدله تتكلمون فعرض البنيه هاي عشان مارضت ع نفسها واشتكت ع الولد
لانه مايسحتي
اصلا ليش يكلمها او ليش يقول اي شي عنها هو يروح هناك يدرس ولا يتحرش فالبنات
ولا عشان هالبنيه تدرس فالاطلنطي طلعت ماتستحي وماعندها سالفه
قلنا ان هالمكان كلش ماينفع والي يروح هناك بس حق شيئين الراتب والبنات بس اصابعكم مب سووا كلش
في الزين والشين بس دوم الشين يغطي ع الزين
انا ادرس هناك وقبل مادرس كنت اروح اقعد مع الربع وكنت اشوف وكنت نفسكم اشوف البنات نفس الشي
بس يوم درست هناك شفت ان في بنات محترمات وحتى مايفكرون يحطون عيونهم فعيون الشباب وفي بنات الله يستر عليهم
صج عليكم سوالف يالشباب
المفروض كل واحد يقول الله يستر علينا وع كل شباب وبنات المسلمين مب كل واحد يقط كلمه ع البنيه
افرضوا لو اخوها او ولد عمها او واحد يقربلها هني معانا فالمنتدى شراح يقول عن الي تقرب له
او يمكن تصير مشاكل بينهم بس عشان فلان تكلم وفلان قال ولاهاي يدري عن الموضوع ولا ذاك بس كل واحد يبي يزيد عدد مشاركاته
الله يهديكم بس
ام سلمى
07-11-2009, 11:23 PM
وانا بعد اقول الحمدلله والشكر ..
عاشقة الطاووس
08-11-2009, 12:02 AM
وي حمدلله والشكر وين عايشين ؟
مايسوى عليها فضحت نفسها ووصلت الموضوع للمحاكم وخلت نفسها بيزه ماتسوى !!!!
المشكله مب بالاختلاط ،،، المشكله بالعقول الصغيره :)
عبير وردة
08-11-2009, 12:19 AM
وأنا اقول بعد السالفه مب سالفة كلمه مثل هذي اكيد فيها علوم مثل ما قلت ..
ولا تنطرون تفاصيل القضية لان مثل هالقضايا تكون سريه ..
:nice: نفس الرأي .... ما أعتقد أنه أبو البنت جرجر نفسه وبنته بالمحاكم علشان هالكلمه بس !!!!! والله أعلم .....
سعادة الوزير
08-11-2009, 12:58 AM
اتعرفون ما تعريف "الحماقة"؟ .. الحماقة يا اخوان هي عدم التعلم من اخطائك أوأخطاء الغير!!
شيط ويط
08-11-2009, 12:58 AM
الحمدلله والشكر :secret:
£عبدالعزيز£
08-11-2009, 01:09 AM
الحمدلله والشكر
انا باجر بشتكي على اي واحد احصله فالشارع
باقول قالي (الحمدلله والشكر)
من متى كلمة الحمدلله صارت خدش للحياء
..
وبعيدا عن سخافة السالفة
بس هاذي اول بلاوي الاختلاط والخافي اعظم
هبوب الشمال
08-11-2009, 01:25 AM
عشان تعرفون ان كلشي خرطي وخربطه
عشان قال الحمد لله والشكر خدش حياء
شدددددددددددددددددخل
هذي سب واهانه مب خدش حياء
اللهم لك الحمد والشكر
i.qatar
08-11-2009, 01:59 AM
صج ما عندها سالفـــه
لا حول ولا قوة الا بالله
وانا بعد اقول الحمدلله والشكر من هالاشكال من البنات ..
شكلها كانت تبي تعويض مادي بس ماعطوها ويه :)
خل تروح تشتكي علي وترفع علي قضيه عادي :tease:
بـــــــــل محكمة وقضيه وخدش حياء عشان الحمدلله والشكر !!!!!!
إذا فعلاً صح هذا الكلام المفروض تتركه عنها عساه يتحمد ربه ليل ونهار ليش هي ماعندها ثقه بنفسها
مرده بيتعب وبيسكت :omen2:
لاحول ولاوقوه الا بالله
خاطري اعرف ايش استفادة من هالسالفة غير الفضيحة
المفروض سترة على نفسها من البداية حتى لو كان الكلام عليها من سفيه
هالمواقف تصير بكل مكان بالسوق او بالكليه او غيره
يعني كل من قالها الحمدلله والشكر او قط عليها كلام بترفع عليه قضيه :rolleyes2:
ماصارت هذي :)
اللي واثقه من نفسها بتطنش .. واللي بتسوي من الحبه قبه وبتشهر في نفسها هذي شخصيتها مهزوزه
صج صج الحمدلله والشكر عليها !!
خله يتحمد وين المشكله
شاكه بنفسها هي !!!
وان كان يتحمد عليها ويتطنز
لها اجر في الاخره
مب صاحية
بس صج هناك في بنات وشباب الواحد صج صج يقولهم الحمدلله والشكر عليهم
والجريده ماعندها سالفة تنشر الخبر،، مافي قضايا ثانية ارقى وتستاهل النشرر
شكلها بنت فقر وشافت الولد كل يوم يجي الكلية برينج سبورت قالت بس خلاص كنز وانفتح لي خلني اترزق منه وراه
شموديها المحاكم جليلة الحيا !!! كله علشان كلمة الحمدلله والشكر ؟؟؟
الظاهر هي كانت تبي تلفت نظره ويوم صدمها وفشلها وقال مقولته الشهيره :nice: احترت ورفعت عليه قضيه ..
ناس فاضيه تحاول تسوي اهميه لنفسها ومب عارفه شلون .. ولو فيها خير ماراكضت واشتكت في المحاكم على كلمة الحمدلله والشكر جان بلغت حد من اخوانها ولا اهلها وهو يوقفه عند حده لازم يعني محاكم وقضايا ما أمها داعي ؟؟:eek5:
غريب ان يكون رأي البنات في بنت بهذه الطريقه !!
وللأسف الكل حكم على البنت بناء على سطرين انكتبو في الجريده !!
وللعلم الكلمه ماكانت " الحمدلله والشكر"
الكلمه كانت اكبر ولو انقالت لأي وحده فيكم بتركض عند ابوها او اخوها
اوزوجها تشتكي وتصيح وتطلب منه يتصرف مع اللي قالها ..
والله يكون في عونها المسكينه راعية القصه
اللي مالقت لا اب ولا اخ ولا زوج ولا حتى ولد عم او خال يدافع عنها
ماعندها الا امها الكبيره والقانون ياخذ حقها بعد ماتكررت المسبات
من الشخص نفسه ..
وعلى فكره النيابه هي اللي ارفعت الموضوع للمحكمه كاجراء طبيعي
الله يكون في عونها
والله يجعل كل كلمة انقالت في حقها حسنه في ميزان حسناتها ..
هبوب الشمال
08-11-2009, 02:09 AM
اختي اذا تعرفينها خل تشتكي حتى على المصدر اللي كتب كلامها وقضيتها بهالطريقه .. الجريده او المصدر اللي جابو منه الخبر
لانهم هم اللي تركوا الناس يتكلمون بهالطريقه لعدم وضوح الموضوع واختصاره بشكل لا يليق بالبنت
والله يكون بعونها
المتضرعه لله
08-11-2009, 02:33 AM
زين يمكن مسكين قاعد يحمد الله ويشكره على شئ صاير له
بس من قال الحمد لله والشكر نرفع عليه قضيه
اذا كذا بروح لجدتي كل ما نمر من عندها تقول الحمد لله والشكر اللي خلاني اشوفكم بعد غيبه :)
مسباح عاج
08-11-2009, 02:48 AM
لا يعلم التفاصيل بحذافيرها ، إلا من أطلع على حيثيات حكم المحكمة المختصة وهو عنوان الحقيقة
انا ضد تفكيركم ... تتوقعون هو كان يتحمد ربه ويشكره لمجرد الشكر؟؟؟؟
لا تطبعا انتوا عارفين هالمقووولة متى نقوولها ومعروفة انها تستفز الشخص اللي تنقال له هالعباره...
لو هو صج يبي يتحمد ربه ماعتقد المفروض يجمع ربعه ولما تمر هالبنت يردد هالعبارة...!!
الحمد والشكر مايتذكرها الا عند مرور البنت؟؟؟
هاي ان دل يدل انه يبي يتحرش فيها
لولوتي
08-11-2009, 04:31 AM
تستاهل ان كانت مسويه من نفسها مهزله
والأشكال اللي يستحقون هالجمله في هالمكان بالأخص كثيييييييييير
£عبدالعزيز£
08-11-2009, 04:48 AM
غريب ان يكون رأي البنات في بنت بهذه الطريقه !!
اختي شدخل يكون راي البنات في بنت بهالطريقة
يعني بعيدا عن هالموضوع .. لو واحد من الشباب سوى شي غلط
الشباب لازم يمدحونه ويوقفون معاه والبنات بس لهم الحق بانتقاده ؟
وللأسف الكل حكم على البنت بناء على سطرين انكتبو في الجريده !!
اختي اكيد الردود بتكون على الكلام اللي فالجريدة
وممكن بعد توضيحج بعض المنتقدين يغيرون رايهم
وللعلم الكلمه ماكانت " الحمدلله والشكر"
الكلمه كانت اكبر ولو انقالت لأي وحده فيكم بتركض عند ابوها او اخوها
اوزوجها تشتكي وتصيح وتطلب منه يتصرف مع اللي قالها ..
والله يكون في عونها المسكينه راعية القصه
اللي مالقت لا اب ولا اخ ولا زوج ولا حتى ولد عم او خال يدافع عنها
ماعندها الا امها الكبيره والقانون ياخذ حقها بعد ماتكررت المسبات
من الشخص نفسه ..
وعلى فكره النيابه هي اللي ارفعت الموضوع للمحكمه كاجراء طبيعي
الله يكون في عونها
والله يجعل كل كلمة انقالت في حقها حسنه في ميزان حسناتها
الله يعينها
لكن مثل هالمواقف ما تنئخذ بهالطريقة
يعني على حسب اللي فهمته من الجريدة انها راحت للشرطة وقالت لهم
فلان قالي كذا كذا .. اوكي شاللي يثبت انه قال هالكلام ؟
ودليل على ان الشرطة وقفوا معاها انهم خذوا الموضوع بجدية
والسالفة وصلت المحكمة .. مع انه مافي اي دليل
يعني انا لو باجر رحت مركز الشرطة .. وقلت حق الضابط فلان سبني
اعتقد ان ردة فعله الطبيعية هي انه راح يصرفني
..
وبعدين شاللي خلاه يسبها ؟ (اذا كان الكلام صحيح)
يعني مب بس تعال وسب (كل يوم او اكثر من مرة على كلامج) بدون سبب واضح !!
والاخت كانت تقدر تتجنب هالكلام كله بطرق ابسط .. اصعبها هو انها تطلع من الجامعة
وتقدر تحصل وظيفة جيدة لان عندها شهادة ثانوية
ودامنها وصلت للشرطة كانت تقدر تقولهم يطرشون اشخاص بلباس مدني
ويمسكونه متلبس لو كان كلامها صحيح
..
وفالنهاية انا ما اقصد اني اسيء للاخت او للي سبها باي شكل من الاشكال
لاني ماعرفهم طبعا .. وكلامي كان مبني على كلام الجريدة وتوضيحج البسيط
فاذا تقدرين تذكرين لنا الموضوع بالتفصيل راح تتوضح امور كثيرة
..
والله يرجع الحق لاصحابه
..
واسمحولي على الاطالة واللقافة =9
بوعمير
08-11-2009, 07:26 AM
والله يأهل قطر انكم طيبين ومن كثر طيبتكم صرتوا تصدقون أي شيء ...
عجل قاضي و محكمة وجلسة وقضية علشان كلمة عادية تنقال في اليوم ألف مرة ؟؟؟
المفروض الجريدة المحترمة الي نشرت الخبر يكون عندها شفافية ومصداقية فيما تنقله من أخبار أو على الاقل تنشر السبب الرئيسي للقضية ولا تزيف الحقيقة.
الموضوع اكبر من كلمه انقالت كفاية سذاجه.
ParadEyes
08-11-2009, 07:37 AM
استغرب شلون تلومون الاختلاط كـ سبب لهذي الهوشة الاقل من تافهه
هالتصرفات واردة في أي مكان.. و شي محزن ان "سوالف" سخيفة مثل هذي تنشر في الجرايد والمحاكم..ناس فاضية
ANONYMOUS
08-11-2009, 07:46 AM
ان كان على حق ..
لانه مش معقوله بتفوت عليه أو على اهله هالسالفه في رد حقه !!
وفي الاخير العلم عند الله ..
اكيد على حق..
الحبيب طلع برائه.. ولا وش تقصدين :secret: .. قوليها بطريقه ثانيه :whistling:
بس شكله اجودي.. وماحب يلته بنت الناس
وهذي النقطه تحسب له
الكصيده كانت معبره.. وخاليه من الصور.. والفنيات..
:p
abn qatar
08-11-2009, 08:00 AM
ماستبعد ان البنت متحرشه فيه ولاعطاها وجهه راحت اشتكت عليه صارت حق واحد اعرفه
في احد المجمعات وحده تحرشت فيه واطلبت منه الرقم ولكن مارد عليها راحت اشتكت عليه
وبعدين انكشفت وقت ماطلبو منها تقول الرقم توهقت لان البنت قالت هو متحرش فيني ومرقمها
وتبقى الدنيا حلوه
08-11-2009, 08:04 AM
المفروض الحين تشتكي على الجريدة
عشان شهروا بالقضية
والا شرايكم !
الخارجية
08-11-2009, 08:43 AM
هذه بعض الاعترافات من رجال الغرب والشرق بمضار الاختلاط ومفاسده :
قالت الكاتبة الإنجليزية اللادي كوك: (إن الاختلاط يألفه الرجال، ولهذا طمعت المرأة بما يخالف فطرتها، وعلى قدر كثرة الاختلاط تكون كثرة أولاد الزنا وههنا البلاء العظيم على المرأة... إلى أن قالت: علموهن الابتعاد عن الرجال أخبروهن بعاقبة الكيد الكامن لهن بالمرصاد).
وقال شوبنهور الألماني: (قل هو الخلل العظيم في ترتيب أحوالنا الذي دعا المرأة لمشاركة الرجل في علو مجده وباذخ رفعته، وسهل عليها التعالي في مطامعها الدنيئة حتى أفسدت المدنية الحديثة بقوى سلطانها ودنيء آرائها).
وقال اللورد بيرون: (لو تفكرت أيها المطالع فيما كانت عليه المرأة في عهد قدماء اليونان لوجدتها في حالة مصطنعة مخالفة للطبيعة ولرأيت معي وجوب إشغال المرأة بالأعمال المنزلية مع تحسن غذائها وملبسها فيه وضرورة حجبها عن الاختلاط بالغير) اهـ.
وقال سامويل سمايلس الإنجليزي: (إن النظام الذي يقضي بتشغيل المرأة في المعامل مهما نشأ عنه من الثروة للبلاد فإن نتيجته كانت هادمة لبناء الحياة المنزلية، لأنه هاجم هيكل المنزل، وقوض أركان الأسرة، ومزق الروابط الاجتماعية، فإنه يسلب الزوجة من زوجها والأولاد من أقاربهم فصار بنوع خاص لا نتيجة له إلا تسفيل أخلاق المرأة، إذ وظيفة المرأة الحقيقية هي القيام بالواجبات المنزلية مثل ترتيب مسكنها وتربية أولادها والاقتصاد في وسائل معيشتها مع القيام بالاحتياجات البيتية، ولكن المعامل تسلخها من كل هذه الواجبات بحيث أصبحت المنازل خالية وأضحت الأولاد تشب على عدم التربية، وتلقى في زوايا الإهمال وأطفئت المحبة الزوجية وخرجت المرأة عن كونها الزوجة الظريفة والقرينة المحبة للرجل، وصارت زميلته في العمل والمشاق، وباتت معرضة للتأثيرات التي تمحو غالبا التواضع الفكري والأخلاقي الذي عليه مدار حفظ الفضيلة).
وقالت الدكتورة إيدايلين: (إن سبب الأزمات العائلية في أمريكا وسر كثرة الجرائم في المجتمع هو أن الزوجة تركت بيتها لتضاعف دخل الأسرة فزاد الدخل وانخفض مستوى الأخلاق ثم قالت: إن التجارب أثبتت أن عودة المرأة إلى الحريم هو الطريقة الوحيدة لإنقاذ الجيل الجديد من التدهور الذي يسير فيه).
وقال أحد أعضاء الكونجرس الأمريكي: (إن المرأة تستطيع أن تخدم الدولة حقا إذا بقيت في البيت الذي هو كيان الأسرة).
وقال عضو آخر: (إن الله عندما منح المرأة ميزة إنجاب الأولاد لم يطلب منها أن تتركهم لتعمل في الخارج بل جعل مهمتها البقاء في المنزل لرعاية هؤلاء الأطفال).
وقال شوبنهور الألماني أيضا: (اتركوا للمرأة حريتها المطلقة كاملة بدون رقيب ثم قابلوني بعد عام لتروا النتيجة ولا تنسوا أنكم سترثون معي للفضيلة والعفة والأدب وإذا مت فقولوا: أخطأ أو أصاب كبد الحقيقة)،
ذكر هذه النقول كلها الدكتور مصطفى حسني السباعي رحمه الله في كتابه (المرأة بين الفقه والقانون).
sendarala
08-11-2009, 08:49 AM
والله لها عين تشتكي بعد واحد ذم او سب اروح اشتكي ( اقول للي ما تفرج تعال وتفرج )
ما نقول الا حسبي الله ونعم الوكيل
nooora
08-11-2009, 08:50 AM
لا للتعليم المختلط :discuss:
بنت قطر202
08-11-2009, 08:53 AM
ماقالها حمدلله والشكر الا انها من هالطالبات الي فاصخين الحيا
بنت ابوها 19
08-11-2009, 09:05 AM
الحمدالله والشكر على الموضوع بكبره
المقهوره
08-11-2009, 09:10 AM
الحين بذمتكم كلمه الحمد لله والشكر هذه تعتبر خدش حياء هههههههههههههههههه
شر البليه مايضحك
تدرون من الوم في هالموقف
اهل البنت الي ارفعوا قضيه على هالجمله
وبعدين بصراحه 90% من طلاب وطالبات شمال اطلنطي لبسهم مايصلح كلششششششششششششش للدراسه او للمكان العام بالذات البنات
فشي طبيعي ينقال الحمد لله والشكر على اشكالهم
الي علبه مكياج ماشيه
والي حاطه على راسها قوطي روب ماادري قوطي نيدو وطاير فوق كنه جبل
والي مرصرصه العبايه والعبايه تقول ارحميني من الضيق وكل جزء من جسمها باين
يعني حدث ولا حرج
انا رحت اقدم اختبار لاني مبتعثه عن طريق شغلي هناك
يوم شفت المسخره بصراحه مارحت اقدم الدوره
قدمت امتحان القبول ويوم قالوا يله روحوا داوموا هناك
قلت سوري حطونا في مكان محترم وذيك الساعه نروح ناخذ دورات .
ولا ننسى ان فيه ناس محترمين في الكليه بس بنسبه ضئيله
بو الجوري
08-11-2009, 09:25 AM
والله يالمقهوره :.. للمره الثانيه أقولها :.. بيض الله وجهك :..
وكلامج صحيح :..
الصراحه فيها بنات وايد فاصخين الحيا :.. الشعر طالع والرقبه مبينه والعباه ضيقه والريحه فايحه :..
أنا عن نفسي أقول الحمد لله والشكر :.. والله هالبنات شوهو سمعت القطريات :..
لأن هالاشكال زايده هالايام :..
الله يستر عليهم :.. وويرزقهم رجال عنده غيره :..
الحمد لله والشكر :)
التيما
08-11-2009, 09:27 AM
صج الحمد لله والشكر
المقهوره
08-11-2009, 09:27 AM
والله يالمقهوره :.. للمره الثانيه أقولها :.. بيض الله وجهك :..
وكلامج صحيح :..
الصراحه فيها بنات وايد فاصخين الحيا :.. الشعر طالع والرقبه مبينه والعباه ضيقه والريحه فايحه :..
أنا عن نفسي أقول الحمد لله والشكر :.. والله هالبنات شوهو سمعت القطريات :..
لأن هالاشكال زايده هالايام :..
الله يستر عليهم :.. وويرزقهم رجال عنده غيره :..
الحمد لله والشكر :)
وبيض الله وجهك
abn qatar
08-11-2009, 09:30 AM
والله يالمقهوره :.. للمره الثانيه أقولها :.. بيض الله وجهك :..
وكلامج صحيح :..
الصراحه فيها بنات وايد فاصخين الحيا :.. الشعر طالع والرقبه مبينه والعباه ضيقه والريحه فايحه :..
أنا عن نفسي أقول الحمد لله والشكر :.. والله هالبنات شوهو سمعت القطريات :..
لأن هالاشكال زايده هالايام :..
الله يستر عليهم :.. وويرزقهم رجال عنده غيره :..
الحمد لله والشكر :)
ليس في الكليه فقط حتى بعض مراكز والمعاهد مثل نيوهورايزون تشوف العجب
العجاب
موظف بالبورصه
08-11-2009, 09:34 AM
اييه انتوا تقولون هذي نتايج الاختلاط !!
والله اني سمعت سوالف اعبر واعبر من هذي انكم تسمعونها تستغربون شلون يصير هالكلام ..
هذي اخرة الاختلاط .. كلاس فيه 5 رجال و4 بنات وكل يوم مع بعض يشاهدون بعض من 7 الصبح حتى 2.30
الظهر ..
بذمتكم ماراح يصير شي ؟؟
الله المستعان والله يستر على بناتنا ..
المقهوره
08-11-2009, 09:35 AM
شفتهم بعد في نيوهورايزون بس شنقول
انا الي استغرب منه وقسمن بالله اتعجب
اهلهم اهلهم شلوووووووووووون يخلونهم يطلعون بالصوره هذه
يعني مايسألون نفسهم بناتنا كاشخين بالطريقه هذه ليش ولمن؟؟؟؟
يعني بصراحه الي استنكر منه قصه ان الاخ ولا الاب هو الي يودي بنته ونتزل من السياره وهي كاشخه كنها عروس يعني لهذه الدرجه مايحسسسسسسسسسسسسسسسسسسسس مافيه غيره كلششششششششش
المقهوره
08-11-2009, 09:39 AM
اييه انتوا تقولون هذي نتايج الاختلاط !!
والله اني سمعت سوالف اعبر واعبر من هذي انكم تسمعونها تستغربون شلون يصير هالكلام ..
هذي اخرة الاختلاط .. كلاس فيه 5 رجال و4 بنات وكل يوم مع بعض يشاهدون بعض من 7 الصبح حتى 2.30
الظهر ..
بذمتكم ماراح يصير شي ؟؟
الله المستعان والله يستر على بناتنا ..
والله قد درسنا مع بعض ماصار هالشي
يوم شفنا الشباب يقطون نغزات على البنات طلبت من الا داره تحط لنا حاجز بينا وبينهم وكان في معهد التنميه .
بس البنات عصبوا علي هههههههههههه قالوا انتي شدخلك تشتكين وتطلبين حاجز
طبعا مار ديت عليهم اهم شي ان الحاجز انحط وبس
بس ما افتكينا قاموا يطرشون بلوتوث مع بعض
المصيبه ان البنات مستقبلات حركات الشباب
كنت اقوووووووووووووووول في خاطري
الحمد لله والشكر ماكنهم شافوا خير واول مره يشوفون رجاجيل
للعلم كان سنه 2006 هالموضوع
وكنت اكبر الموجودات كان عمري تقريبا 24 وهم الي 17 والي 20 والي 19 يمكن على شان كذا
nouar
08-11-2009, 10:02 AM
ايش بيها هالكلمه ..:)
ياريت يرجعوا نظام الطلاب لحال والطالبات لحالهم ...
بوحماني
08-11-2009, 10:05 AM
صج ما عندها سالفـــه
لا حول ولا قوة الا بالله
ملسونه
08-11-2009, 10:06 AM
لا لا يبه اخاف ارد على هالموضوع :secret: :secret:
اخاف يعدموني رميا بالرصااص :nice: :nice:
..الاميرة..
08-11-2009, 10:39 AM
اكيد على حق..
الحبيب طلع برائه.. ولا وش تقصدين :secret: .. قوليها بطريقه ثانيه :whistling:
بس شكله اجودي.. وماحب يلته بنت الناس
وهذي النقطه تحسب له
الكصيده كانت معبره.. وخاليه من الصور.. والفنيات..
:p
اقولها بطريق ثانية هههههههههههههه ليه لايكون فيه قضيه ثانية بتنرفع ياكافي الشر !!
ابسط الأمور انت شايف الخبر منشور بالجريده (يعني كلام جرايد )في الغالب لا يكون فيه مصداقية مع إحترامي الشديد للجرايد ..
وإلي كاتب الموضوع اتوقع كاتب عادي ماله أي احقيه انه يطلع على قضايا نفس هذي ولا اش رايك !!
وعاد شوف من إلي راح للجريدة وطلب منه انه يكتب عن هالقضة او طلب منه تغطيه على الموضوع ..
المختصر نبي مصدر الكاتب نفسه ويكون موثق .. :) .. وعقب نقدر نتكلم ..
Amigo
08-11-2009, 10:56 AM
حلوه هاي :eek5:
والله مااسميها الا قضية الحمدلله والشكر
يعني بنت في حالها ومستوره ومالها خص في حد بيجي مني والطريق
وبيقول الحمدلله والشكر لها ؟؟؟؟؟؟؟؟؟؟ لا والي يقهرني بعد تروح وتشتكي عشان هالكلمه صج صج صج الحمدلله والشكر
والف مليون تريليون الحمدلله والشكر اذا كل من هب ودب بيروح يشتكي وانا بتشكي عليكم كلكم :tease:
والله الدنيا خربوووووووووووووووووووطه
ANONYMOUS
08-11-2009, 11:04 AM
اقولها بطريق ثانية هههههههههههههه ليه لايكون فيه قضيه ثانية بتنرفع ياكافي الشر !!
ابسط الأمور انت شايف الخبر منشور بالجريده (يعني كلام جرايد )في الغالب لا يكون فيه مصداقية مع إحترامي الشديد للجرايد ..
وإلي كاتب الموضوع اتوقع كاتب عادي ماله أي احقيه انه يطلع على قضايا نفس هذي ولا اش رايك !!
وعاد شوف من إلي راح للجريدة وطلب منه انه يكتب عن هالقضة او طلب منه تغطيه على الموضوع ..
المختصر نبي مصدر الكاتب نفسه ويكون موثق .. :) .. وعقب نقدر نتكلم ..
والله تبين الصج.. معلوماتي الإعلاميه ضعيفه
ولكن طالما نشر في الجريده يعني الخبر صحيح وخصوصا حطوا اسم المحاميه اللي ترافعت عن الشاب المظلوم :weeping:
..الاميرة..
08-11-2009, 02:15 PM
والله تبين الصج.. معلوماتي الإعلاميه ضعيفه
ولكن طالما نشر في الجريده يعني الخبر صحيح وخصوصا حطوا اسم المحاميه اللي ترافعت عن الشاب المظلوم :weeping:
الاعتراض على سالفه (الحمد الله والشكر) انها سبب رفع القضية ..
سعر الدعم الحمد الله والشكر فهمت ..:secret:
الصيـاد
08-11-2009, 02:28 PM
مبين عليها ما تتغشمر كلمة علي المحكمة علي طول عمموا اوصافها علشان محد يقط وجهه
وعقب ينقط بين اربع اطوف
زين اللي فلت الشاب حظة مافي دليل ملموس تسجيل او شي بس شالفايدة انفضح
بنت قطر202
08-11-2009, 02:33 PM
اسكتو لاتشتكي عليـــــــــــــــنا بعد ،،،،
بنت العلي
08-11-2009, 02:48 PM
الحمد الله والشكر شكلها شاكة في روحها
قطريه ماتهاب
08-11-2009, 05:26 PM
اولاالضليمه شينه حنا سمعنا من طرف واحد ماسمعنا من طرف البنت
ثانيا شباب الاطلنطي اعرفهم ينطر اقل زله عشان يتحرشووون في البنت ويقلبوها تحدي بينهم
خصوا ان بعضهم مراهقييين
ممكن اعرف شنو الظروف القاهره اللي تجبر بنت تدرس دبلوم بهالكلية ؟؟
شوفي ياماما الي يبي يدرس يدرس بكيفه مومجبور يعطي الاسباااب
الحمدلله درست وخلصت ووظيفتي احسن مايكووون ويكفي اخدم بلدي
الجمارك
09-11-2009, 12:20 AM
اولاالضليمه شينه حنا سمعنا من طرف واحد ماسمعنا من طرف البنت
ثانيا شباب الاطلنطي اعرفهم ينطر اقل زله عشان يتحرشووون في البنت ويقلبوها تحدي بينهم
خصوا ان بعضهم مراهقييين
شوفي ياماما الي يبي يدرس يدرس بكيفه مومجبور يعطي الاسباااب
الحمدلله درست وخلصت ووظيفتي احسن مايكووون ويكفي اخدم بلدي
:playball:
هدي اعصابج
الموضوع ما يستاهل
ريم المدينة
09-11-2009, 12:57 AM
انا لو من الشاب
برفع قضية تشهير ورد اعتبار وتعويض مادي عن الضغوطات النفسيه اللي تعرض لها الشاب وجرجرته بالمحاكم
الحين وين يقدر يخطب
وين يقدر يكمل دراسته بالجامعه
الله يهديها ضيعت مستقبله الاجتماعي والمهني والوظيفي
واااااااال يا حبك حق عوار الراس والملاسن...
غريب ان يكون رأي البنات في بنت بهذه الطريقه !!
وللأسف الكل حكم على البنت بناء على سطرين انكتبو في الجريده !!
وللعلم الكلمه ماكانت " الحمدلله والشكر"
الكلمه كانت اكبر ولو انقالت لأي وحده فيكم بتركض عند ابوها او اخوها
اوزوجها تشتكي وتصيح وتطلب منه يتصرف مع اللي قالها ..
والله يكون في عونها المسكينه راعية القصه
اللي مالقت لا اب ولا اخ ولا زوج ولا حتى ولد عم او خال يدافع عنها
ماعندها الا امها الكبيره والقانون ياخذ حقها بعد ماتكررت المسبات
من الشخص نفسه ..
وعلى فكره النيابه هي اللي ارفعت الموضوع للمحكمه كاجراء طبيعي
الله يكون في عونها
والله يجعل كل كلمة انقالت في حقها حسنه في ميزان حسناتها ..
الله يكون بعون اللي ما وراهم ريايل.. والله عالظالم...
سوووووووير
09-11-2009, 02:31 AM
سخافه
الجوكر90
09-11-2009, 06:15 AM
ماستبعد ان البنت متحرشه فيه ولاعطاها وجهه راحت اشتكت عليه صارت حق واحد اعرفه
في احد المجمعات وحده تحرشت فيه واطلبت منه الرقم ولكن مارد عليها راحت اشتكت عليه
وبعدين انكشفت وقت ماطلبو منها تقول الرقم توهقت لان البنت قالت هو متحرش فيني ومرقمها
قول حق رفيجك خل يكثر منها
ترى احنا شباب ونفهم
يمكن ابتسمت له او حاولت تجذب انتباهه
بس تطلب منه الرقم
قوله ترى احنا قطريين مب هنود
دلة الرسلان
09-11-2009, 07:33 AM
لسانك لا تذكر به عورة امرئ **** فكلك عورات وللناس ألسن
abn qatar
09-11-2009, 07:40 AM
قول حق رفيجك خل يكثر منها
ترى احنا شباب ونفهم
يمكن ابتسمت له او حاولت تجذب انتباهه
بس تطلب منه الرقم
قوله ترى احنا قطريين مب هنود
ماتبغي تصدق بكيفك
asadfg
09-11-2009, 12:16 PM
قول حق رفيجك خل يكثر منها
ترى احنا شباب ونفهم
يمكن ابتسمت له او حاولت تجذب انتباهه
بس تطلب منه الرقم
قوله ترى احنا قطريين مب هنود
لا ياحبيبي سلامتك ترى تصير واذا ماتدري اسمحلي اقولك انت مسكين ذاك اول يا حبيبي والله انكم ماتدرون عن سوالف احين
ولدالمنتدي
09-11-2009, 12:20 PM
لاحول ولا قوه الا بالله
صج ما فيه حيى
المقهوره
09-11-2009, 12:51 PM
واااااااال يا حبك حق عوار الراس والملاسن...
الله يكون بعون اللي ما وراهم ريايل.. والله عالظالم...
بصراحه حتى لو سمعت الكلمه مستحيل ثم مستحيل اروح لاهلي واقول لهم ترى فيه شخص تحرش فيني
اطنش وخلاص وفيه اشياء تصير اكبر من كذا وسكتنا وماقلنا شي
لانه من ناس تافهه ماتستاهل نعطيها اهتمام
بو شريم
09-11-2009, 01:21 PM
لو اللي ماسك الموضوع عاقل كان وقفها عند حدها
المحاكم ماوجدت عشان مضيعه الوقت على هذه التوافه
الدوحي7
09-11-2009, 01:29 PM
من فوائد الاختلاط،،
بومحمد المطاوعه
09-11-2009, 02:54 PM
اللهم استر عليهم
طلعة الروح
09-11-2009, 04:02 PM
لو اللي ماسك الموضوع عاقل كان وقفها عند حدها
المحاكم ماوجدت عشان مضيعه الوقت على هذه التوافه
من وجهة نظرك تشوفه امر تافه
بس من وجهة نظر المعنيين مايشوفونه تافه وبعدين اذبحونا الاخوان هنيه ماسكين على كلمة تافه وتافه صايرين بغباوات يرددون نفس العبارات على اي اساس تحكمون محد فيكم اطلع على تفاصيل القضيه فصعب تحكم..
عيل باجر اي واحد نذل قط علي كلمه مثل ويهه بالشارع هذا حبيبي معروف يسمونه قذف علني ومن حقك ترفع قضيه ومب شي تافه على قولتك باجر يتجرئون وتصير الدعوه عامه بحجة مافيه شهود مافي دليل مافي قرينه خل القانون ياخذ مجراه يا بابا وبلا كلام فاضي....
لعيونهم
09-11-2009, 04:23 PM
لاحول ولا قوة الا بالله
الله يستر على من يحب الستر
اسعاف
09-11-2009, 04:43 PM
اللهم انتقم لمن قصد وتعمد في اختلاط الجنسين في الجامعات
قولول آمين
لعيونهم
09-11-2009, 06:22 PM
اللهم انتقم لمن قصد وتعمد في اختلاط الجنسين في الجامعات
قولول آمين
اميييييييييييين
cobra
09-11-2009, 09:01 PM
صباحية عيد الحب المزعوم عندنا يالشباب اللي انتشر للاسف
في مواقف مبنى 10 النورث
اول مانزلت من السيارة راجع من بريك الفطور الا سياره اتهزهز
الكارثه بكل براءه طالعت الا واحد ويا وحده يتبادلون الهدايا وتبووووس في بعض
ولا حاسبين حساب العالم
المشكله طلبة من اخوانا العرب
طبعاّ انا كملت وانا متقزز من هالمنظر
ماقدرت اقول ولا كلمة ليش مادري
يمكن من الصدمه
لازم ارفع قضيه للاضرار النفسيه اللي صادتني
واذا لم تستح فافعل ماشئت
الحمدلله طلعت منها وحصلت لي بديل اكمل دراستي
الله لايعيدها من ايام في النورث
والله مااستفدت ولا كلمه من النورث لا قواعد ولا كلمات ولا اي شي
بس الصراحه الظليمه شينه استفدت شلون اطور نفسي اكل بالشوكه بدون مااطلع صوت طقطقه في الصحن لاغير
غناتي1
09-11-2009, 11:50 PM
لاحول ولا قوه الا بالله
احدى مشاكل الاختلاط !!!!
biz-qtr
10-11-2009, 03:28 AM
الا انا اللي بقول عنها الحمدلله والشكر
وحده ما عندها سالفه من جد ... فاضيه عمل ... وهاي القواه الزايده ما اقول الا العقل نعمه والله يستر علينا بس ......
فهد24
10-11-2009, 09:43 AM
هههههههههههههههههههههههههههههههههههههههههههههه
اللهم لاتبلينا
الحين لان قالها الحمدلله والشكر رفعت عليه قضيه؟
صج الحمدلله والشكر
A.L.I
10-11-2009, 09:47 AM
لاحول ولا قوه الا بالله
elwefa
10-11-2009, 10:34 AM
والله البنت باحتشامها
خل تسمع تعليقات من اليوم لباجر دامها واثقه من نفسها
شلي بينقص منها
يالله الله كريم
بويعقوب
10-11-2009, 10:44 AM
صباحية عيد الحب المزعوم عندنا يالشباب اللي انتشر للاسف
في مواقف مبنى 10 النورث
اول مانزلت من السيارة راجع من بريك الفطور الا سياره اتهزهز
الكارثه بكل براءه طالعت الا واحد ويا وحده يتبادلون الهدايا وتبووووس في بعض
ولا حاسبين حساب العالم
المشكله طلبة من اخوانا العرب
طبعاّ انا كملت وانا متقزز من هالمنظر
ماقدرت اقول ولا كلمة ليش مادري
يمكن من الصدمه
لازم ارفع قضيه للاضرار النفسيه اللي صادتني
واذا لم تستح فافعل ماشئت
الحمدلله طلعت منها وحصلت لي بديل اكمل دراستي
الله لايعيدها من ايام في النورث
والله مااستفدت ولا كلمه من النورث لا قواعد ولا كلمات ولا اي شي
بس الصراحه الظليمه شينه استفدت شلون اطور نفسي اكل بالشوكه بدون مااطلع صوت طقطقه في الصحن لاغير
اسمحلي اخوي
أنت ماعندك غيرة على حرمات الله ولا على بلادك
المفروض تكلمة وتسكر عليه بموترك وتبلغ عليه الشرطة والامن الوقائي
لاحول ولاقوة الا بالله
هذا منكر ليش ماغيرته الله يسامحك
bu 3li
10-11-2009, 01:24 PM
والله فكرة الاختلاط صحيح دخيله علينا
لكن لو هالناس اللي وصلوا لي المحكمه
لو كانت عقولهم في راسهم وصاحيين
جان ماشفنا هالمهازل اللي تصير وعقب يقولون الاختلاط السبب
وايد شباب وبنات يشتغلون في قطاعات مختلطه مانشوف منهم هالسوالف
بس شنقول .. نعيش ونشوف !!
[quote=بويعقوب;5069414]
اسمحلي اخوي
أنت ماعندك غيرة على حرمات الله ولا على بلادك
المفروض تكلمة وتسكر عليه بموترك وتبلغ عليه الشرطة والامن الوقائي
لاحول ولاقوة الا بالله
هذا منكر ليش ماغيرته الله يسامحك [/quot
عشان يتهمونه بالتعدي على حرمات الناس - الحين الواحد في قطر اذا عربدت اخته وطقها اشتكت عليه الشرطه وبهدلوه وسجنوه - وين عايش انت
للأسف هذا العالم الواقعي
cobra
11-11-2009, 09:46 AM
والله ياخوي تبي الصدق اولا من الصدمه
ثانيا خايف على نفسي من القضايا اللي مالها داعي عشان واحد مايستاهل
ثالثا ّ خل يلمسون فوائد الاختلاط على الطبيعه
قطرية مثقفة
13-11-2009, 01:37 PM
لاحول ولا قوة الا بالله الكل قاعد يتكلم ويحلل ويفسر على كيفه وكأن هو كان موجود في قلب الحدث وشاف وسمع كل حاجة ...لاتتكلمون في اعراض الناس سواء البنت او الولد الله وحده اعلم بخفيات الامور ...اليوم لك وبكرة عليك ... ومايلفظ من قول الا لديه رقيب عتيد ... اتقوا الله فيما تكتبون وفيما تقولون ...
لاحول ولا قوة الا بالله العلي العظيم.......
:app2::app2::app2::app2::app2::app2::app2::app2:
دورني
16-11-2009, 10:48 AM
لا تعلييييييق
آنــه
16-11-2009, 11:21 AM
مع احترامي للجميع
واللي علقوا على الاختلاط
انا ابي اعرف شنو اللي تعرفونه عن كلمة الاختلاط ؟
في وايد بنات في اعمال وجامعات مختلطه بس الحمدلله صاينين نفسهم
الاول والاخير المسؤول عن هذه الشواذ الناس اللي مو متربيه صح
اللي تفكيرهم غلط
هذا احنا في عمل مختلط من 7 سنوات عمر ما واحد جا وقط الميانه او قال شلونج
البنت تقدر توقف كل واحد عند حده بمجرد ترفعها عن التفاهات
وهالموضوع عرفته من وحده في القسم معاهم البنت اجنبيه
وتاخذ وتعطي مع اللي معاها من كذا تجرأ الولد وتلفظ عليها بالعبارات البذيئه
وهي كبرت الموضوع وهو ارجع القضيه للاختلاط
انا معهم لو انوضعت ضوابط معينه والتزموا فيها ما اعتقد بيكون الاختلاط بمفهومه الحالي عند الجميع
fandi
16-11-2009, 11:24 AM
الحمدالله والشكر
Doha Sun
16-11-2009, 12:14 PM
وطلع الشاب براءة .., ايش استفادت الحين لما وصلت السالفة للمحاكم ..,؟؟
غيرالقيل والقال ..,
بواردي
16-11-2009, 12:47 PM
شرانية من قلب
وبتخسر سمعتها اذا كل ما حد قاله شي بتسوي له قضية
الله المستعان
الدوحي7
16-11-2009, 07:57 PM
مع احترامي للجميع
واللي علقوا على الاختلاط
انا ابي اعرف شنو اللي تعرفونه عن كلمة الاختلاط ؟
في وايد بنات في اعمال وجامعات مختلطه بس الحمدلله صاينين نفسهم
الاول والاخير المسؤول عن هذه الشواذ الناس اللي مو متربيه صح
اللي تفكيرهم غلط
هذا احنا في عمل مختلط من 7 سنوات عمر ما واحد جا وقط الميانه او قال شلونج
البنت تقدر توقف كل واحد عند حده بمجرد ترفعها عن التفاهات
وهالموضوع عرفته من وحده في القسم معاهم البنت اجنبيه
وتاخذ وتعطي مع اللي معاها من كذا تجرأ الولد وتلفظ عليها بالعبارات البذيئه
وهي كبرت الموضوع وهو ارجع القضيه للاختلاط
انا معهم لو انوضعت ضوابط معينه والتزموا فيها ما اعتقد بيكون الاختلاط بمفهومه الحالي عند الجميع
قومك مب شاب انتي علشان تعرفين ايش تفكير الشباب وتقزقزهم، وكلامهم بين بعض بعد مايطلعون عنكم وامانيهم، واسف اذا جرحت حد بكلمه القصد التوضيح،،،،
صمت القلوب
16-11-2009, 08:07 PM
ياااااماااا سوالف صارت في كليه الشمال الاطلنطي !!! ...غريبه انهم سوو هالكلمتين سالفه ...
وبعدين كلمه الحمدالله والشكر ... لازم تتعودون عليها اذا دشيتو الاطلنطي ...
الحمدالله والشكر على نعمه العقل ...
وشكرا للنقل
آنــه
17-11-2009, 07:45 AM
قومك مب شاب انتي علشان تعرفين ايش تفكير الشباب وتقزقزهم، وكلامهم بين بعض بعد مايطلعون عنكم وامانيهم، واسف اذا جرحت حد بكلمه القصد التوضيح،،،،
مع احترامي لك
يعني اللي يتكلم في وحده ومن وراها هذا مب رجال اذا انت تتكلم عن الرجاجيل اللي فيهم غاريه و محترمين
وكلامك ينطبق بعد على السوق لان لو شافوا الوحده بيكون تفكيرهم نفس تفكير البلشتيه اللي انت تتكلم عنهم
اللي يشوفون بنات خلق الله ويتكلمون فيهم في الاخير يطلعون هم وسوالفهم بسواد الوجه
والبنت جايه تتعلم وجايه تكسب رزقها وترفع من مدخولها
لكن يوم بتكلم عن الاخت اللي في الموضوع " هي اللي خلت الشباب يتمادون معاها ولا كان زين سترت على نفسها كبرت الموضوع بدون اي داعي "
الدوحي7
17-11-2009, 12:53 PM
مع احترامي لك
يعني اللي يتكلم في وحده ومن وراها هذا مب رجال اذا انت تتكلم عن الرجاجيل اللي فيهم غاريه و محترمين
وكلامك ينطبق بعد على السوق لان لو شافوا الوحده بيكون تفكيرهم نفس تفكير البلشتيه اللي انت تتكلم عنهم
اللي يشوفون بنات خلق الله ويتكلمون فيهم في الاخير يطلعون هم وسوالفهم بسواد الوجه
والبنت جايه تتعلم وجايه تكسب رزقها وترفع من مدخولها
لكن يوم بتكلم عن الاخت اللي في الموضوع " هي اللي خلت الشباب يتمادون معاها ولا كان زين سترت على نفسها كبرت الموضوع بدون اي داعي "
كلامي واضح بارك الله فيني وفيك،اعتقد في كل مكان فيه الشين والزين يعني بتجي تقول كل الى يشتغلون من لرجال محترمين ومنقين فانت غلطان واذا تعتقد كل الحريم محترمين انت غلطان،اتمنى قدرت اوصل لك النقطه الى ابقيك تفهمهااا،،
المتهم بريء حتى أن تثبت أدانته ...
Khaled Qatar
19-11-2009, 07:53 AM
ليش كلكم متحملين على البنت!!
الولد قل أدبه وخله يتحمل اللي يجيه
قاعد وسط ربعه ومسوي نفسه الظريف بينهم ويضحك ربعه على حساب بنات الناس ، وخله عبره لغيره من الشباب
والله بنت رجال وزين سوت اشتكت عليه
يا شباب شوي فكرو عدل لو اختك او زوجتك او اي وحده من هلك صارلها هالموقف ومب شرط في الكليه ، نفترض في سوق او بنك او اي مكان ومب شرط كانت الكلمه الحمدلله والشكر وكانت اي كلمه ثانيه بس مقصوده للبنت ايش بيكون موقفك!!
الله يهدي الجميع
الباش مهندس
19-11-2009, 08:08 AM
قضيه ومحكمه ونيابه ومحامي علشان كلمة الحمدلله والشكر
خلاص لاتزعل وانا الي ألف الحمدلله والشكر
الناس خذوا هالكلمه كأنها مسبه
وهي شكر لله وتمجيد له
ف الحمدلله رب العالمين والشكر له وحده
جوال 11
19-11-2009, 08:27 AM
هذه من مصايب الأختلاط وما خفي أعظم
Powered by vBulletin® Version 4.2.5 Copyright © 2024 vBulletin Solutions Inc. All rights reserved.