للاسف قصه المستشفى الخاص عندنا

[الصريحه]

السلام عليكم
للاسف اليوم موضوعي عن احدى المستشفيات الخاصه .افضل واحد في قطر .
وحده من قرايبنا بنتها الله يحفظها كانت تحس بالم في ركبتها وهي عمرها 3 سنيين وكم شهر راحت ويا زوجها للمستشفى هذا الخاص والدكتور قال لهم لازم البنت تتصور رنيين مغناطيسي علشان اعرف وين المشكله ونزلوا عند الاستقبال وقالوا لهم نبي نسوي رنيين للبنت ردوا قالوا مافيه لهذا العمر لان الطفله صغيره وراح تتحرك لكن مر دكتور همه جمع الفلوس قال لا فيه وخلوها علينا ونادى نيرس عربيه وكلمها بالانجليزي عن حاله البنت وردت صعب البنت بتحرك قال لها مافيه مشكله عطيها مخدر وبعدين فوقيها واذا نجحتي بخليك الهيد نيرس
زوج بنت عمي كان في لندن 7 سنيين وفهم وحذر زوجته وراحت تسال النيرس وتحلفها انتي اول مره تسوين تخدير قالت لا انا اشتغلت في حمد سنتين وهنا 8 شهور ولكن اول مره اخدر طفله واعرف ولاتخافين ومن هذا الكلام:eek5:
للاسف وثقت وخدروها ودخلوها الرنيين والموضوع كان الصبح بعدين يبون يوقظونها وماقامت البنت ويحاولون يشفطون من جسمها علشان تفوق ولافيه فايده كانها ماتحملت الكميه :(
لين اركضوا على غرفه الطوارى والبنت في حاله مخيفه ولين الليل وادويه علشان تفوق وبعد لطف الله فاقت وردت الحمد لله بيت اهلها ولازالت بعدها بيوميين مفهييييييييييييييييه ومخدره
لين الحمدلله تشافت ولكن للاسف مااشتكوا عليهم لان محد فاضي لعوار الراس
كان الله في عونا جميع ماداو هذا حالنا والموضوع كله تجاره في تجاره ابي اسمع تعليقاتكم.:rolleyes2:

[ANONYMOUS]

الحمدلله على سلامتها

وانتبهوا المرات القادمه

[روعه]

لا حول ولا قوة الا باالله العلي العظيم

يوم حسوا انه في مناوشات بينهم وشكوا كان مادخلو البنت حرام والله

الحمدلله على سلامتها

[المزن الرياني]

يستاهلون الخوف اللي جاهم
يعني شافوا التمثيليه ومع هذا وافقوا يحطون بنتهم بين يديهم

الحمدلله على سلامه البنت وهذا الاهم

[ســـهم]

المفروض ان الوالد او والدة الطفله لما عرفوا هالكلام ماسوو لها تخذير

والحمدلله على سلامتها ..

[الصوت المبحوح]

هذا و هو فاهم لغتهم ووافق عيل شلون اللي مايعرف حق الرطنه!!

[المحاميه]

اشدعوه ماشتكو عليهم
ليييييييييييييييييييييييه

ليش تضيعون حقوقكم بيدكم ياناس
والله شي يبط الجبد

وابشركم بيزيد عدد الضحايا مره بعد مره لان محد موقف الفسااااااااااااااااااااااااااااااد
كلن ساكت عن حقه

واشلون مب فاضين حق عوار الراس .. هذي بنتهم يه ..

[قطر دزاين]

هولا الدكاتر المزورين لا يعرف ماذا يفعل وهنا لا يكشف على الشهادات
لو فيه خير ما فرطت فيه بلاده

[£عبدالعزيز£]

لكن للاسف مااشتكوا عليهم لان محد فاضي لعوار الراس


وهل حياة بنتهم ما تستاهل عوار الراس ؟

[La Bella]

لو سمحتي أسم المستشفى الخاص وأسم الدكتور وأسم الطفله
على الخاص راح أوصل موضوعج للجهة المختصة

[alrheeb2020]

الحمدلله على سلامتها ..


المفروض يرفعون شكوى.

شهالمسخره والله ..؟؟!!!

[ريم المدينة]

اشدعوه ماشتكو عليهم
ليييييييييييييييييييييييه

ليش تضيعون حقوقكم بيدكم ياناس
والله شي يبط الجبد

وابشركم بيزيد عدد الضحايا مره بعد مره لان محد موقف الفسااااااااااااااااااااااااااااااد
كلن ساكت عن حقه

واشلون مب فاضين حق عوار الراس .. هذي بنتهم يه ..


من له اعصاب يلاسن هالكلاب العليمية...

الله ياخذ حقهم ان شاء الله...



هولا الدكاتر المزورين لا يعرف ماذا يفعل وهنا لا يكشف على الشهادات
لو فيه خير ما فرطت فيه بلاده

:victory::victory::victory:

[hamoor4ever]

اكيد هاذه المستشفى التجاري اللي اول حرف منهم حرف ( ع ) بصراحه لحد الحين ندمان اني تعاملت معاهم للاسف خربو اضروسي كلهم والسبب يبغون فلوس فقط

[VIP-QATAR]

الصراحه شي غريب

اختي ليش طارحه الموضوع ؟؟

اذا كان ردت تحذير .. شلون تحذرينا وانتي ماكتبتي اسم المستفى ولا الدكتور

ابغي اعرف ليش هالتستر يعني الجرايد قلنا يمكان يخافون لكن اعضاء المنتدى من بيعرفكم

وثاني شي مفروض من بدال ماتقولين لنا ومحد بيستفيد شي .. مفروض تشتكون على الدكتور والمستشفى

لان يمكن يسوون مثل الي صار معاكم حق طفل ثاني فهذا واجب عليكم تشتكون عليه

وانا استغرب ابو بيخلي دكتور يتطببون في بنته مع انه سامعهم

الله يشفيها يارب

[هبوب الشمال]

جنب مهب جنبك جر عليه الشوك

حسبي الله ونعم الوكيل

لو هو كفو خل يخدر ولده ولا بنته

[بوعمير]

حسبي الله ونعم الوكيل في ها الاب والام ما يخافون الله في بنتهم، لهذي الدرجة مب مهتمين في بنتهم .. المفروض إبلاغ الجهات المسؤلة عن إهمال الاب والام إتجاه بنتهم ، وبعدين نحاسب المستشفى الخاص الي في شارع رايح جاي !!

[بنت العلي]

اهم شي ان البنت ما فيها الا العافيه والحمد الله على سلامتها ومثل ما قالوا الاخوان والخوات المفرووض تشتكون عليهم عند الجهات المختصة عشان ما يعيدونها مع غيركم .....

[Marshmallow]

الصراحه شي غريب

اختي ليش طارحه الموضوع ؟؟

اذا كان ردت تحذير .. شلون تحذرينا وانتي ماكتبتي اسم المستفى ولا الدكتور

ابغي اعرف ليش هالتستر يعني الجرايد قلنا يمكان يخافون لكن اعضاء المنتدى من بيعرفكم

وثاني شي مفروض من بدال ماتقولين لنا ومحد بيستفيد شي .. مفروض تشتكون على الدكتور والمستشفى

لان يمكن يسوون مثل الي صار معاكم حق طفل ثاني فهذا واجب عليكم ت

ايارب

فعلااا انا مع اخوي ليش تنزلون الموضوع مدام ماتذكرون اسم المستشفى او الدكتور ع الاقل?!!!!
ووبعدين العتب مو ع الممرضه ولا ع الدكتوررر
ع الام والابووووووو:@

دام انهم عارفييييين ليش يوافقوون
عاد هاي بنج مو لعبه،الحمد لله انها قامت
بعضهم يدخل ف غيبوبه واذاااااا قام وظائف المخ عنده تكون مضطرررربه

وووالله يشفيها

[راشد محمد]

الحمد لله على سلامتها..حسبي الله على المستشفى ..

[راعية السيكل]

اعتقد مش مستشفى (ع) أعتقد إنه مستشفى (الأ)

[شجرة الدر]

اعتقد مش مستشفى (ع) أعتقد إنه مستشفى (الأ)



ههههههههه

حلو استخدام الرموز ،،

تستاهلون سلامة الحلوة ،،

وحسبي الله على هالمستشفيات ،، الله لايحوجنا لهم ،،

[Gentleman]

المستشفى الأهلي لهم تاريخ طويل في مشاكل التخدير والعشوائية. توهم ذابحين دكتورة أسنان السنة اللي طافت:
http://www.qatarshares.com/vb/showthread.php?t=240054&highlight=%D2%DB%E3%E6%CA

[بن درويش]

حطى اسم الدكتور والمستشفى عشان الناس ياخذون الحذر من هاى الاشكال

[الصريحه]

المستشفى الأهلي لهم تاريخ طويل في مشاكل التخدير والعشوائية. توهم ذابحين دكتورة أسنان السنة اللي طافت:
http://www.qatarshares.com/vb/showthread.php?t=240054&highlight=%D2%DB%E3%E6%CA

انا مب خايفه من احد لاكن اخاف يحذفون الموضوع لاني كل ماكتبت شي ابي احذر الناس احذفوا موضوعي واعتقد اجابتك 100 صح اما الدكتور ماسالت عنه
هي وثقت لانها مب متعلمه حدها ابتدائيه والنيرس احلفت لها انه شي طبيعي وعادي ولاتخافين وهي حلفتها والمسكينه علشان انها مب متعلمه ماعرفت اخطار التخدير الكامل
اسلوب قديم من زمان كنسلوه لاضراره وحتى اصعب العمليات تخدير موضعي اغو نصفي
وطرحت الموضوع للفايده علشان التنبيه من المستشفيات الخاصه اللي ماعندهم ذمه موليا
وعلشان الجميع يكون حذر وفاهم لان اكثر هلنا في قطر طيبيين وعلى نياتهم ويستحووووووووووووووووووووووووووووووووووووووووووووو وووون للاسف انهم يقولون لا ثم لا ثم لا
ويصدقون بسهوله والناس ماياخذون حقهم مادام فيه ناس دايم تغطي عليهم::weeping:

[الصريحه]

الحمدلله على سلامتها ..


المفروض يرفعون شكوى.

شهالمسخره والله ..؟؟!!!

لو انا كان خدرت الدكتور والنيرس لكنهم كانوا مرهقييين وتعبانييين وعندهم مسؤوليات كثيره ومب فاضييين للجيه والروحه

[الصريحه]

هذا و هو فاهم لغتهم ووافق عيل شلون اللي مايعرف حق الرطنه!!

مسكين علشان بنته قال
لازم اعرف وش في ركبتها لو يدري كان ماوافق
لانه مافيه حل ثاني للاسف

[black@white]

لا حول ولا قوه الا بالله
الحمدلله على سلامتها

[بن داوود]

اولا . حمد الله على سلامه البنت
ثانياً . ما اسم المستشفى الخاص والطبيب علشان نأخذ حذرنا منهم
ثالثاً .اقول حسب الله ونعم الوكيل منهم
رابعاً . مافي مفر من الاطباء الفاشلين عندنا يتدربون على مرضانا
اتمنى للجميع الصحه والعافيه

[غناتي1]

هاذي غلطتنا احنا اهل القلوب الطيبة -- ما اشتكوا عليهم مع ان بنتهم بغت تروح منهم

ولكن الله سلمها !!!!!

[روح-قطر]

باااااااااااااااااااااااااااااااال بس الصج صار عادي مو بنتي وديتها الاهلي يقولي يمكن مراره يمكن دوده وديها اشعه والا اقولج بعطيها مغذي مسكينه بنتي تكرمون كانت ترجع،، قلت له دكتور انت شايف حالتها وهي صغير اصلا بتستحمل اللي تقوله وهي مو قادره تشيل نفسها..

قلت له على مسؤوليتي عطها دوا للجرثومه واصلا الحمدلله انا صرت اعرف متى وقت الصخونه ومتى وقت الجرثومه بالجو خصوصا اني ما اكلتهم من برا..

والحمدلله ماعليها شر واوكي،، بس يبون يسونا حقل تجارب والسلام ويسحبون بفلوسنا:)..

خلها تشتكي افضل..

[دكتورة روح]

شلون مايشتكون شنو موفاضيين حق عوار الراس :anger1:
ومن الاصل ليش يوم انهم فهمو دخلوها اساسا :eek5:
والي مايعرف حق الرطنة يعني عادي يتبهدل :secret:
يعني عدد الضحايا ف2010 بيوصل اضعاف الاضعاف :secret:
لو ماتت بنته بيتفرغ حق عوار الراس ؟؟؟؟؟؟؟؟؟؟؟
رجاء ذكر اسم المستشفى ع العام عشان الكل ياخذ الحذر
ولا بعد هالامر راجع لعوار الراس

[Gentleman]

رجاء ذكر اسم المستشفى ع العام عشان الكل ياخذ الحذر
ولا بعد هالامر راجع لعوار الراس

الموضوع واضح جداً وما يحتاج سؤال. لعب وخربطة في التخدير يعني شيء واحد:
المستشفى الأهلي

[abdullamohd]

بسم الله الرحمن الرحيم

السلام عليكم اخواني اعضاء المنتدى

ليش كل من قال اي شي في المنتدى صدقناه وهل فعلا الحادثة حصلت او لا
يمكن الشخص اختلق القصه من اساسها لمجرد موضوع يطرح في المنتدى و يمكن حصلت فعلا لكن احنا ما انعرف ايش الملابسات و الله وحده اعلم

يا اخوان عشان نحكم لازم نسمع من الطرفين

و انا شخصيا اشكك في حدوثها لأن صاحب المشكلة ما عمل حاجة لين الحين يعني لا جرايد و لا محكمة
بس في المنتدى!!!!!!!!!!!!!!!!!!!!!!!!!!!!!!:omg:

[بويعقوب]

هذا عيبنا الرئيسي
( مهب فاضيين عوار راس )
وش ننتظر يعني ؟؟ الواحد يموت وبعدين نشتكي !!!!!
اتمنى من كل قلبي انهم يشتكون ومايخلون السالفه تمر على خير , لأن مهب كل مره بتسلم الجره

[بوهلال]

الطيبه لاعبه فينا ونقول عادي وهم يسوون تجارب ويسحبون فلوسنا واحنا ساكتين

ما عليها شر الطفله

وشو نتيجه الطنين المغناطيسي

عسى مافيها الا العافيه

[كازانوفا]

يعني ما سمعتو عن الدكتوره اللى ماتت في مستشفى خاااااص بسبة المخدر الزياده خافت انها تسوي العمليه بمستشفى حمد وراحت خااااص ما تدري ان الموت هناك ينتظرها ربي يرحمها المهم الحمدلله على السلامه
ولعلمكم قالي واحد من اللى يشتغلون في شركات التامين ان المستشفيات الخاصه شغلهم شغل تجاره في البشر بطريقه حلوه وانتو بكيفكم