تحذير .. من اشهر محل فحص سيارات

[PathFinder]

قبل مدة عزمت على شراء سيارة واخذت السيارة الى ما يعتبر افضل محل لفحص السيارات للفحص الكامل , التقرير اللي طلع في بوشات وكرسي مكينة لا غير واشتريت السيارة وانا مغمض. والحمدلله ما صار مع اي حادث الا بعض الخدوش البسيطة, الآن اريد ان ابيع السيارة وجاء اكثر من واحد لمعاينة السيارة وكل واحد يقولي سيارتك مدعومة من هنا ومن هنا !! وانا متأكد انه الكلام غير صحيح .. حتى اتصل بي شخص يريد ان يشتري السيارة وطلب رقم السيارة واعطيته اياه, بعد شوي الا متصل علي يقول لي سيارتك فيها اربع حوادث .. سألته شلون انا فاحصها في افضل مكان للفحص.. قالي هذا اللي جاك!
على كل حال الشخص اللي اشتريت منه السيارة وبعد الفحص وعند التسجيل في معرض اكتشفت انه معظم اصحاب المعارض يعرفوه وممكن يكون على معرفة باصحاب محل الفحص.
وتقرير الفحص موجود عندي, ممكن اخوني احصل تقرير من المرور بالحوادث اللي قبل تقرير الفحص وأرفع قضية على المحل ؟

مع الشكر الجزيل

[بويعقوب]

نعم تقدر تروح المرور وتاخذ تقرير بالحوادث
الله يكون في عونك , الظاهر كل واحد يفحص في البيت احسن له

[برشلوني قطر]

والله ياخوي لا تهمل الموضوع...هذا نصب عيني عينك..واشكال ماتخاف الله..

بس ياريت اخوي تفيدنا بأسم المحل ؟؟

والله يسهل امورك اخوي

[الخاطف]

السلام عليكم

هلا فيك اخوي ..

قبل فترة واحد من ربعنا في قطر عمل فحص وطلع ان المعرض متفق مع الفحص وطلعت السيارة سليمه ما فيها مشاكل ..

عقب يومين طلعت فيها مشاكل ، واشتكى عند المرور ..

ورجع له المبلغ كامل ( حق السيارة اللي اشتراها ) ورجّع لهم سيارتهم وفوق كِذا عطوه تعويض غرامه 50 ألف من صاحب المعرض ..

لانه مكتوب بند في الفحص ، لك الحق في مراجعة الفحص خلال 7 ايام ،

[PathFinder]

السلام عليكم

هلا فيك اخوي ..

قبل فترة واحد من ربعنا في قطر عمل فحص وطلع ان المعرض متفق مع الفحص وطلعت السيارة سليمه ما فيها مشاكل ..

عقب يومين طلعت فيها مشاكل ، واشتكى عند المرور ..

ورجع له المبلغ كامل ( حق السيارة اللي اشتراها ) ورجّع لهم سيارتهم وفوق كِذا عطوه تعويض غرامه 50 ألف من صاحب المعرض ..

لانه مكتوب بند في الفحص ، لك الحق في مراجعة الفحص خلال 7 ايام ،

اخوي انا لي 8 شهور مشتري السيارة

[ولد النوخذة]

ممكن تحط اسم الفحص واذا صار لك 8 شهور ماشتكيت الله يعوض عليك ارجو انك تحط اسم الفحص لوسمحت
او ع الخاص

[PathFinder]

نعم تقدر تروح المرور وتاخذ تقرير بالحوادث
الله يكون في عونك , الظاهر كل واحد يفحص في البيت احسن له
مشكور اخوي على المعلومة المفيدة.


والله ياخوي لا تهمل الموضوع...هذا نصب عيني عينك..واشكال ماتخاف الله..

بس ياريت اخوي تفيدنا بأسم المحل ؟؟

والله يسهل امورك اخوي

انا ما راح اهمل الموضوع , والموضوع للفائدة والحذر.

[PathFinder]

ممكن تحط اسم الفحص واذا صار لك 8 شهور ماشتكيت الله يعوض عليك ارجو انك تحط اسم الفحص لوسمحت
او ع الخاص

انا ما اكتشفت الا لما نويت ابيع الموتر للأسف, ولكن اذا حصلت تقرير من المرور ما قبل الفحص وورقة الفحص عندي اعتقد انه حقي لن يضيع.

[cartier]

ممكن اسم الفحص

[ابوصالح1]

كل محلات الفحص نصابين ولا واحد منهم سليم من النصب اذا انت تبيع وتشتري في السيارات ومعروف عندهم يطلعون مشاكل كثير في السياره وخاصه تصفيه بخاخ تبديل بلك ميزانيه صباب ترا ماحد فيهم درس فني ميكانيكا ولا فني كهرباء كلهم خرطي واليومين اغلب الناس تقول السياره فيها شي يقول لا لاكن انا اذا جيت باشتري سياره قلت لصاحب السياره اذا في السياره صبغ الفحص عليك نتفق اولا

[البيت بيتك]

ممكن اسم الفحص على العام او على الخاص لان انا شاك فى واحد والشباب طيحين فيه مع العلم انه اغلاء واحد فيهم

[مالي ومال الناس]

ابي افحص موتر ياليت تفيدني اخوي

[PathFinder]

ممكن اسم الفحص على العام او على الخاص لان انا شاك فى واحد والشباب طيحين فيه مع العلم انه اغلاء واحد فيهم

خليني اطلع تقرير الشرطة أول

[الشاااهين]

والله العظيم السالفه من اقل من اسبوع صارت ويا واحد اعرفه شرى سياره من سنتين من معرض مشهور ووداها فحص شارع سلوى المراد يوم جا بيبيع السياره اطلعت مقلوبه والشاصي مضروب صوبين المسكين الجمعه باعها مكرفون . اللي بيفحص لازم يودي معاه خبير في الصبغ

[PathFinder]

والله العظيم السالفه من اقل من اسبوع صارت ويا واحد اعرفه شرى سياره من سنتين من معرض مشهور ووداها فحص شارع سلوى المراد يوم جا بيبيع السياره اطلعت مقلوبه والشاصي مضروب صوبين المسكين الجمعه باعها مكرفون . اللي بيفحص لازم يودي معاه خبير في الصبغ

اخوي يعني شنو الفايدة من دفع مبالغ طائلة لمراكز الفحص واللي يشبكون البلكات على الكمبيوتر ويعطيك تقرير بدائي بعدين تقعد معاه الفهمان ويعطيك نسب قال 90 % و 96% صدقوني يا جماعة كله كذب وغش, كان عندي كامري 2004 وماشي 280 ألف وفحصتها عندهم ويومها قلتله ترى دقق على الفحص لانه الموتر ماشي وايد, كتب على التقرير المكينة تحت الوسط!! ولكن انا اشتريتها لانه سعرها زين وما اقتنعت من كلامه شلون طلع المكينة تحت الوسط!!. وبعد سنة بعتها وفحصها المشتري عند المحل اللي جنبه وما قلناله انه الموتر ماشي 300 ألف, التقرير طلع 94% للمكينة ... يا اخوان ترى في نصابين بالفحص ويراويك تقرير الكمبيوتر واللي اصلا ما يدل على شئ غير البلاكات والدينمو !!

[PathFinder]

ابي افحص موتر ياليت تفيدني اخوي

اخوي شوفلك كراج عادي ابركلك, انا صراحة ما عدت اثق بمراكز الفحص بالكمبيوتر!! مرة فحصت عند كراج عادي فيه سوداني ودفعتله 50 ريال ونصحني بالسيارة والحمدلله قعدت معي 3 سنوات بدون اي مشاكل وبعتها بسهوله.

[qatar.com]

افحصوا عند دكا ولا الطاير البقية كلهم نصب والعم عند الله

[العساس]

ياخي انا انصح الاخوان باقدم محل فحص كمبيوتر وهو معروف باسمه (العريق)
وانصحكم بانكم تطلبون اقدم واحد فيهم،وهو مشالله عليه لسه شباب .
(بس ضروري امرين الاستشارة والاستخارة)
والله الموفق

[السهم الجريح]

ما يخافون الله ... اخوي لو تقدر تفيدنا باسم الفحص للمصلحة العامة على العام ولا الخاص وانشاء الله حقك مايضيع اهم شي ماتضيع ورقة فحص الموتر قبل لا تشترية عقب تاخذ ورقة الفحص الجديدة ان السيارة مدعومة واما بخصوص انك شاري السيارة قبل 8 شهور فعادي لانك ماسويت حادث بالموتر واذا انك سويت حادث بيكون مسجل بالشرطة ... والمسامح كريم... و الله يوفقك يالغالي

[الشاااهين]

افحصوا عند دكا ولا الطاير البقية كلهم نصب والعم عند الله

صح لسانك نعم دكا والا الطاير اما غيرهم والله اعلم يبيعون ويشترون بالفحص.

[ابن مانع]

الفحص مايقدر يعطيك الكلام النهائي او حالة الموتر
بس يقدر يوصلك اشياء ظاهره بسيطه مب كل شي
انا شريت موتر وبعته عقب 6 شهور وانفحص في نفس المكان وطلع مصبوغ جنب وفي البدايه يقول مافيه صبغ
وامس فاحص موتر جديد مامشه شي توه طالع من الوكالة وبعد طلعوا لي مصبوغ
اكيد عرفتوا الوكالة التويوتا

[طبـ الود ـعي]

الله المستعان

:eek5: :eek5: :eek5: :eek5:

[سعد81]

يمكن يقولك انت سافرت بالسياره او دعمت وصلحتها بدون ورقه
كل شي جايز