يرجى الأفادة أفضل مكيف سبلت

[mE mYself & i]

السلام عليكم

حاب أشتري مكيف أسبلت 2 طن لغرفة 5*8 بس محتار من كثر الأنواع أبغي نوع يكون هااادي بس أكثر الناس نصحوني بهالثلاثة فياريت اللي عنده خبره يفيدني

OGeneral
Mitsubishi
LG- Art Cool

[La Bella]

نصيحة أبتعد عن ال جي

[mE mYself & i]

نصيحة أبتعد عن ال جي

طيب أيش تنصحني ؟

[خذاني الشوق]

بلا ال جي بلا جنرال سمسونج خياااااااااااااااااااااااااااااااااااااااااااااال وفعلا مكيف خطير اما الجنرال يعفس الديكور اللي داخل البيت مايمديج تركبينه الا خر ماي وال جي خرابه واااااااااااااااايد انا جربت سمسونج فعلا فعلا رووووووووووووووووووووووووعه كل شي من سمسونج ممتاز فتره يتم ومايخترب وعليه بروده مش طبيعيه وارررررررررررررررررررررررشح السمسونج وبقوة هاي رايي

[فويرط]

اخوي ممكن هذا الموضوع يفيدك

http://www.qatarshares.com/vb/showthread.php?t=302862

[مسكين]

الكارير لايعلى عليه

[فتى الدوحة]

السلام عليكم

شوف أخوي العزيز أنا عندي مكيفات فوجي من عند الريس اللي في شارع الخليج
فوجي عبارة عن قطع ياباني تجميع كوريا والحقيقة أنا مجربها وحلوة ،، بس في إعتقادي أحس أنه فيه اللي أحسن منها وإن شاء الله يفيدونك الشباب ...
بس فيه نقطة مهمة وهي خدمة ما بعد البيع ( الصيانة ) لازم تسأل الشركة هل خدمة الصيانة متوفرة عندهم عند الطلب ؟؟
وبالتوفيق إن شاء الله

[حقل الشمال]

توشيبا ممتاز صراحة
عند المناعي

[المـــــ$$$ـــــتثمر]

أرشح لك كارير وبقوة
شوف هذا الربط لموضوع فية معلومات عن أغلب أسعار الشركات ومعلومات عن التصنيع ونوع الكمبرسر

معلومات عن أغلب المكيفات السبلت في قطر (الأسعار+التقنية+التصنيع+التجميع+نوع الكمبرسر) (http://www.qatarshares.com/vb/showthread.php?p=5070148)

شكلي خلاص عزمت على كارير .. شوف الرابط الي فوق وبتعرف فرق سعر شركة كارير عن الشركات الثانية ,, وشركة كارير يمدحونها ناس كثير وسعرها أقل

[بوجاسم 75]

Mitsubishi

[r07]

السلام عليكم

حاب أشتري مكيف أسبلت 2 طن لغرفة 5*8 بس محتار من كثر الأنواع أبغي نوع يكون هااادي بس أكثر الناس نصحوني بهالثلاثة فياريت اللي عنده خبره يفيدني

OGeneral
Mitsubishi
LG- Art Cool

ogeneral___mitsubishi
افضل شيء
لكن lg محد يمدحه
وبالنسبه لحجم الغرفه ترى تحتاج 3طن ...

[احمد بن علي]

توشيبا
او
جنرال
وبالتوفيق

[$بنت شيوخ$]

انا احس باناسونيك اوك

[العنان]

ogeneral___mitsubishi
افضل شيء
لكن lg محد يمدحه
وبالنسبه لحجم الغرفه ترى تحتاج 3طن ...

كلام اخوي سليم :nice: ، انت تحتاج اقل شي 2طن ونص اذا مب 3 طن حق المساحه ، وانا استبعد lg لأنه يخر ماي ومحد يمدحه ، وارسج جنرال كول ، الوالد مركبه في البيت وماشاءالله عليه فريزر مب مكيف

[طرابلس]

انا انصحك بجنرال كوووول هو يعتبر الافضل والارخص فالسوق الله يسلمك

الصراحه تبريده مب طبيعي وخدمتهم فوق الممتازه

انصحك بها انا مجرب مكيفاتهم ولا احسن والله وانصحك بنوع المكيف جنرال كول تيربو

[eXpert*]

سامسونج

[مهره]

بصراحة جنرال احسن شي بس شركتهم الله يعين بس لا صيانة عدلة ولا شي احنا خذنا للبيت تقريبا 33 مكيف سبليت يعنى كل البيت ويوم احتجنا صيانة من عندهم طلعت روحنا الورشة عندهم تعبانة والله يعنى باختصار الشركة جنرال ممتازة بس لو يعدلون وتكون الورشة عندهم ممتازة ودقيقة بمواعيدها جان احسن

[twilight]

بالنسبة لغرف النوم أحسن نوع Toshiba

مافيه صوت بالمرة والهواء مايصكك بالقو

عندك LG حجري أحسه صج برودته قوية بس ما أنصح فيه للغرف لأن الهواء فيه قوي

ما تتحمل قوة اندفاع الهواء منه ونادر ما يخترب

عندك جنرال بعد حلو لكن الصيانة تعيسة عادي تقعد سنتين تنتظر حد يجيك من الشركة عشان يصلحونه
بس برودته هادية ومعتدلة

ميتسوبيشي بعد رائع مافيه صوت أبدا يصلع بعد لغرف النوم بس شوي غالي

وعلى فكرة جربت كل الأنواع جنرال - توشيبا - إل جي - سامسونج - ميتسوبيشي

كلهم ينقطون ماي في البداية بس أكثرهم الجنرال (للحين ينقط ماي من فترة لأخرى)

وبالنسبة للصيانة كلهم شركات تحسهم بروفيشينال ما عدا جنرال صعب تلاقيهم

[حمد]

ياشباب وخاصة المشاركين بالموضوع

بعد تركيبكم للمكيفات ... ايش رايكم الحين هل مكيفاتكم جيده ومازالت تؤدي اداء جيد ولالا ...؟

رايكم مع ضرورة ذكر اسم المكيف

اخوكم محتار

[موضي قطر]

موضوع مهم حبيت ارفعه بس lg لا تاخذه بتحس ان سيول جده وصلت بيتكم

[المضعد]

فوجي عند الريس

[بوبندر]

جنرال كول مسوي عرض طنين ونص 2600 ريال

[انتظار مصير]

عندك يا خوي جنرال عند العمادي أو فوجي عند الريس

[QTR Pearl]

Panasonic

[السد]

موضوع في غاية الاهمية
يفضل توجيه السؤال لمن يملك المكيف لمدة تزيد عن 3 سنوات
اول سنة كل المكيفات ممتازة

عن نفسي اخذت لبيت العمر مكيفات فوجي من محمد ناصر الريس
وبالتوفيق