عيل المدرسّه تضرب ولدي

[رمــش الغلا]

السلام عليكم ورحمه الله وبركاته

بقولكم سالفة صارت اليوم
امي راحت تاخذ ولدي من الروضه وكان ايصيح سألته اشفيك قال المدرسه ضربتني وانا زعلان ماحب الروضه خلاص
عاد امي دشت الصف وقالت حق المدرسّة شمسوي الولد عشان تضربينه ماردت عليها وسألتها مرة ثانية وبعد تمت ساكته .... آه ياحرقة قلبي لو آنا مكان أمي جان سطرتها :mad:

عاد انا بكرة باغيب وبروح الروضة من الفجر انطرها ما اظن اليوم ارقد من الحره

شتنصحوني قبل لااتهور وافنشه من الروضه مع انه مابي هالشي ايصير لأنه روضه معروفه ومستواها عالي جدا

أبي رايكم ؟؟؟؟؟؟؟؟؟

[قناص الخليج]

لا تتسرعين

شووفي الولد شمسووي بالاول وهل صحيح ان المدرسة ضربته او لا

وبعدين لادشين بنقاش مع المدرسة روحي للمديره وخليها تطلبها والادارة تاخذ حقج

[بوطويشم]

السلام عليكم

تفاهمي معاها بالعدال

اذا ما فاد كلمي المديرة

واذا مافاد اكفخي راسها

والله التعليم ومستوى التدريس صار مهزلة

[مسكين]

الله يحفظه لج .... بس كم عمره الولد

[السد]

الله بعرفه شلون الواحد يدخل على مدرس بالفصل من غير ان يكون هناك مرور على ادارة المدرسة؟؟

[ولد الشحانية]

لا تتسرعين

شووفي الولد شمسووي بالاول وهل صحيح ان المدرسة ضربته او لا

وبعدين لادشين بنقاش مع المدرسة روحي للمديره وخليها تطلبها والادارة تاخذ حقج

ولد صغير يعني ويش بيسوي
نصيحه اقرب مركز لشرطه قدمي عليها شكوه

[سداوي&مدريدي]

اذكري الله أختي .. وهدي اعصابج شوي :omen2:

كل شي بالتفاهم

وان شاء الله بتاخذين حقج :nice:


لا تتسرعين

شووفي الولد شمسووي بالاول وهل صحيح ان المدرسة ضربته او لا

وبعدين لادشين بنقاش مع المدرسة روحي للمديره وخليها تطلبها والادارة تاخذ حقج

انا مع أخوي قناص الخليج :victory:

[رمــش الغلا]

لا تتسرعين

شووفي الولد شمسووي بالاول وهل صحيح ان المدرسة ضربته او لا

وبعدين لادشين بنقاش مع المدرسة روحي للمديره وخليها تطلبها والادارة تاخذ حقج

انا متاكده ان المدرسّه ضربته وامي أكدت لي هالشي وإلا يوم سألتها الوالدة جان ردت وانكرت وقالت ماضربته ليش ساكته اتسوي نفسها ماتسمع..
بروح للمديرة وأمري لله
شكرا على الرد

[العلم الوكاد]

المفروض تتأكدين من الموضوع اول

واسمع من المدرسة واعرف الغلط وين

وبعدين لاتنسين انتي كأم احيانا تضريبن ولدك

بس ضرب عن ضرب يفرق

اذا كان ضرب بسيط للتعليم

غير عن اني افش غيضي فيه

وبعدين يمكن ماردت على الوالدة ....احتمال شافتها منفعله واااااااااااايد

وانتي بعد باين عليك الانفعال

ولاتنسين الحلم سيد الاخلاق

لا تغضب لاتغضب لاتغضب

[وحش قطر]

الله يذكر ذيك الايام

قبل يقولون
(لكم اللحم ولنا العظم )

[رمــش الغلا]

ولد صغير يعني ويش بيسوي
نصيحه اقرب مركز لشرطه قدمي عليها شكوه

ولد الشحانيه هههه ضحكتني حسبي الله على ابليسك
الشرطه اش بيسوون بيقولون مافيه دليل كله جذيه تعقدت منهم :(

[ضوى]

سبحان الله شوفي انتي ام واللي انضرب ولدج ، كيف لو اللي انضرب يتيم وماله بالدنيا احد ؟؟؟

[ولد الشحانية]

ولد الشحانيه هههه ضحكتني حسبي الله على ابليسك
الشرطه اش بيسوون بيقولون مافيه دليل كله جذيه تعقدت منهم :(

من حقج اختي والله
الضرب واضح اختي
هاي شغلنا ونعرفه:telephone:

[رمــش الغلا]

السلام عليكم

تفاهمي معاها بالعدال

اذا ما فاد كلمي المديرة

واذا مافاد اكفخي راسها

والله التعليم ومستوى التدريس صار مهزلة

ايه والله مهزله التعليم ,, مابيني وبينها تفاهم
بنشوف هالمديرة
اش بتسوي
شكرا على الرد اخــــــــوي

[B-GMC]

مسكين: تقول في الروضه يعني كم تعتقد بيكون عمره... 23 مثلاً
رمش الغلا: يمكن الولد يبي يتدلع شوي ومن حقه, بس اقول مثل ماقال اخوي قناص روحي حق المديره وتفاهمي بالعدال, اذا شافوج عصبيه بيقولون البيت كله مشاغب وبيحطون اللوم على ولدج, بس اذا طلع الحق معاه بلبكس على وجهها والكوع في بطنها, وخليها تتأسف منه واكيد بيسامح وبينسى.

[رمــش الغلا]

من حقج اختي والله
الضرب واضح اختي
هاي شغلنا ونعرفه:telephone:

انته تشتغل اهناك :secret:

[مسكين]

مسكين: تقول في الروضه يعني كم تعتقد بيكون عمره... 23 مثلاً
رمش الغلا: يمكن الولد يبي يتدلع شوي ومن حقه, بس اقول مثل ماقال اخوي قناص روحي حق المديره وتفاهمي بالعدال, اذا شافوج عصبيه بيقولون البيت كله مشاغب وبيحطون اللوم على ولدج, بس اذا طلع الحق معاه بلبكس على وجهها والكوع في بطنها, وخليها تتأسف منه واكيد بيسامح وبينسى.


لا فديت خشمك يدخل الروضة حتى بو ٤ سنوات

وكل مرحلة عمرية ابتداءاً من السنتين لها طريقة في التربية والتعامل ... مشكلتكم كلكم أنكم تفكرون في مابين الأم والمدرسة ولا فكرتوا مابين الطفل مع نفسه ومايترتب عليه

لهذا السبب كان سؤالي عن العمر ولكل سن نصحية تختلف

[رمــش الغلا]

الله يحفظه لج .... بس كم عمره الولد

عمره 4 سنوات من مواليد 2006

[ولد الشحانية]

يـــــــــــــــــــــــــــــــــــــــــــــــــ ـــــــــــــــــــــــســ

[وطن]

وااااااااااااااي حبيبي
:(

عور قلبي :(

الضرب مو اسلوب للعقاب
خصوصا انه طفل للحين في الحضانه
ما يحق لها تمد ايدها وتضربه
خل تضرب عيالها

اختي روحي لادارة المدرسة مباشره
ولا تمرين عليها ولا تتهورين

[ابن مانع]

سبحان الله شوفي انتي ام واللي انضرب ولدج ، كيف لو اللي انضرب يتيم وماله بالدنيا احد ؟؟؟

دخلت الموضوع وماحبيت اعلق بس كلامج اختي يعور القلب

[شموع قطريه]

تخسي الا هي سواء كان مشاغب الولد ولا لا تطقه وتخرعه من الروضه وتكرهه فيها ليش ؟؟ يوم انها مب قد المسؤوليه اشله رازه ويها وقاعده ويا اليهال جان اشتغلت في مكان غير .. عيالنا يالله يالله يروحون الصبح الروضه بالدز والمز بعد يخوفونهم ويضربونهم هزلت والله ..

[رمــش الغلا]

الله بعرفه شلون الواحد يدخل على مدرس بالفصل من غير ان يكون هناك مرور على ادارة المدرسة؟؟

شنو يعني؟؟؟

[بنت الرجال]

و الله حتــى لو شمسـووي الولــد ماتوصــل أنهـا تضربـه و هالولـد في الرووضـه صغييير شبيسووي يعنـي غييير شقاووة أطفاال صغاار ...

وين قااعدين حنــا فيـه أوليـاااء أمـوور أن زاادت شقااوة الولـد يطلبونهـم و يخبروونهـم بدوون ضـرب ..!!!!

ولـد في ســن الروضـه يجب أن يكـون التعامـل معـااه سلــس و دقيـق ...

لأنـه في أول سنـه لـه تأسيسيــه ...

و يا أختـي لآ تسكتيـن عـن حـق ولـدج ...

أنتـي لآ ترووحين لها دايركـت هــذا غلــط ,,, رووحـي للسكرتيره و قولي لها اللي حصـل و طلبـي مقاابلــة المديـره في نفـس الوقــت ...

و وااجهـي المديـره مـع المدرسـه و بينـي لهـا غلطتهــا حتـى لوكـان اي سبـب ما تمـد يـدهـا عـلى الولـد و أكيـد المديـره بتتخــذ ماينـاسب هالمـدرســه ...

وطالبـي بنقـل ولــدج لصــف ثاانــي حتــى لو أعتــذرت المدرســه ...

أنـا صادتنـي موآقــف مـن هالقبيـــل مـع عيااالـي و كنــت أتبـع مـع مدرستهــم هالنظــاام ...

و رووحـي بهـدووء و بـدوون عصبيـه و حقـج بتااخذينــه بالتفااهـم عمـر المشاكـل ما أنحلــت بالصراااخ و التكفــخ ... اللسـاان هـو أداااة التفاهــم ...

و وسعـي صدررج و نـااامــي يامـا بتشوووفيـن مـن هالمـدااارس تـوج بأوول الطريــق ...

[رمــش الغلا]

اذكري الله أختي .. وهدي اعصابج شوي :omen2:

كل شي بالتفاهم

وان شاء الله بتاخذين حقج :nice:



انا مع أخوي قناص الخليج :victory:

لا اله الا الله
لو شنو سوى هاذيه ياهل ومايصير تضربه

[أم الحنايا]

شوفي الصراخ والهواش ما يفيد ... تكلمي مع المديرة والمدرسة بهدؤ ... عشان المدرسة تستحي وماتحط حق ولدج العداوة ..

[ضوى]

الضرب له اساليب ، حتى لو اخطا الولد ضرب التاديب معروف ، ولكن هذا الولد طفل صغير لا يعامل بالضرب ابدا ومهما كانت الاسباب فهو في سن تأسيسي ، لربما اصابته عقدة من شئ اسمه مدرسة لا قدر الله وهذا حدث كثيرا الى الان نرى رجالا كبارا يتذكرون ماحصل لهم ويتعقدون من ذكر هذا الحدث امامهم

نصيحتي توجهي للمدرسة واطلبي من المدرسة التي ضربت ولدك ان تعتذر لك ولولدك امام الجميع حتى تعرف ان لكل انسان كرامة وحق وليست هي من تريق هذه الكرامة

[sendarala]

بما انج تقولين الروضة على مستوى اسألي المدرسة ليش ضربت الولد واذا ما ردت بعدها روحي للادارة خلهم يتفاهمون معها ( خليج حليمة واخذيها بالزين لحسن بعدين تستفرد بالولد )

[رمــش الغلا]

المفروض تتأكدين من الموضوع اول

واسمع من المدرسة واعرف الغلط وين

وبعدين لاتنسين انتي كأم احيانا تضريبن ولدك

بس ضرب عن ضرب يفرق

اذا كان ضرب بسيط للتعليم

غير عن اني افش غيضي فيه

وبعدين يمكن ماردت على الوالدة ....احتمال شافتها منفعله واااااااااااايد

وانتي بعد باين عليك الانفعال

ولاتنسين الحلم سيد الاخلاق

لا تغضب لاتغضب لاتغضب

انا عمري ماضربته عشان دراسه بالعكس هالعمر لازم انحببهم في التعليم مب العكس

والوالدة يوم تسأل ماكنت امعصبه كلش عاديه

عموما شكرا اخوي على الرد

[مسكين]

عمره 4 سنوات من مواليد 2006

سؤال : هل أنتي ترسلينه الروضة عشان يتعلم ويستفيد ولا عشان محد عنده في الفترة الصباحية !!

سؤال آخر : هل تعتقدين أن الروضة تأثر على طبائع وتصرفات ولدج سلبا ( الخوف ، الصياح ، الجهد والأرق ... )

نصيحتي هي جواب السؤاليين ... يروى عن علي وعمر رضي الله عنهما قالا : لاعبوهم سبعا وعلومهم سبعا وصاحبوهم سبعا

[رمــش الغلا]

سبحان الله شوفي انتي ام واللي انضرب ولدج ، كيف لو اللي انضرب يتيم وماله بالدنيا احد ؟؟؟

صاجه

لاتصيحيني :(
الله يخليني حق ولدي
ومشكوره على الرد حبيبتي

[nasser 519]

اقررب مركز

كاان عندنا استااذ توه جااي صار له 3 اسابيع وضرب واحد من الطلاب والطالب راح المركزواشتكا وتسفر الاستااذ

فاخذي حقج بالقانون احسن

[غناتي1]

مهما سوى الولد من شطانه لازم ياخذونه بالهداوة مب بالضرب

روحي المديرة وناقشي الموضوع معاها

ولد عمي صغيرون تخيلوا شيسوون به عشانه شويطين وحركي شوي

كل ما يروح له ابوه والا امه يلقونه مداوم في مكتب المديرة ---

يا بالفيت يعاقبونه ويودونه لمكتب المديرة يخوفونه -- وهو مطنش

[رمــش الغلا]

وااااااااااااااي حبيبي
:(

عور قلبي :(

الضرب مو اسلوب للعقاب
خصوصا انه طفل للحين في الحضانه
ما يحق لها تمد ايدها وتضربه
خل تضرب عيالها

اختي روحي لادارة المدرسة مباشره
ولا تمرين عليها ولا تتهورين

صح مالها حق
عيل انا ما أنلام يوم عصبت على المدرسّه
وانا بكرة رايحه مشكورة على الرد

[رمــش الغلا]

تخسي الا هي سواء كان مشاغب الولد ولا لا تطقه وتخرعه من الروضه وتكرهه فيها ليش ؟؟ يوم انها مب قد المسؤوليه اشله رازه ويها وقاعده ويا اليهال جان اشتغلت في مكان غير .. عيالنا يالله يالله يروحون الصبح الروضه بالدز والمز بعد يخوفونهم ويضربونهم هزلت والله ..

اايه والله ايروحون بالدز
والله يا اختي ماتتصورين المعاناة العام يوم دخلته حضانه مايدش الا بصياح لين ايرد البيت
بس مدرساته ماشاء الله خلوه ايحب الحضانه غصب

أما هاذي المدرسّه كله ماده البوز وتهاوش اليهال والله على كلام خدامتي لين اتوصله الصبح بس قلت مابي اتسرع
لكن الحين الموضوع ماينسكت عليه كل شي ولا الضرب

[رمــش الغلا]

و الله حتــى لو شمسـووي الولــد ماتوصــل أنهـا تضربـه و هالولـد في الرووضـه صغييير شبيسووي يعنـي غييير شقاووة أطفاال صغاار ...

وين قااعدين حنــا فيـه أوليـاااء أمـوور أن زاادت شقااوة الولـد يطلبونهـم و يخبروونهـم بدوون ضـرب ..!!!!

ولـد في ســن الروضـه يجب أن يكـون التعامـل معـااه سلــس و دقيـق ...

لأنـه في أول سنـه لـه تأسيسيــه ...

و يا أختـي لآ تسكتيـن عـن حـق ولـدج ...

أنتـي لآ ترووحين لها دايركـت هــذا غلــط ,,, رووحـي للسكرتيره و قولي لها اللي حصـل و طلبـي مقاابلــة المديـره في نفـس الوقــت ...

و وااجهـي المديـره مـع المدرسـه و بينـي لهـا غلطتهــا حتـى لوكـان اي سبـب ما تمـد يـدهـا عـلى الولـد و أكيـد المديـره بتتخــذ ماينـاسب هالمـدرســه ...

وطالبـي بنقـل ولــدج لصــف ثاانــي حتــى لو أعتــذرت المدرســه ...

أنـا صادتنـي موآقــف مـن هالقبيـــل مـع عيااالـي و كنــت أتبـع مـع مدرستهــم هالنظــاام ...

و رووحـي بهـدووء و بـدوون عصبيـه و حقـج بتااخذينــه بالتفااهـم عمـر المشاكـل ما أنحلــت بالصراااخ و التكفــخ ... اللسـاان هـو أداااة التفاهــم ...

و وسعـي صدررج و نـااامــي يامـا بتشوووفيـن مـن هالمـدااارس تـوج بأوول الطريــق ...

ردج بـــــــّرد قلبي
خلاص ان شاء الله بروح حق السكرتيره وباقول لها السالفه
وبانقله صف ثاني نفس ماقلتي
وشكرا على الرد

[رمــش الغلا]

شوفي الصراخ والهواش ما يفيد ... تكلمي مع المديرة والمدرسة بهدؤ ... عشان المدرسة تستحي وماتحط حق ولدج العداوة ..

:)

إن شاء الله
شكرا على الرد

[رمــش الغلا]

الضرب له اساليب ، حتى لو اخطا الولد ضرب التاديب معروف ، ولكن هذا الولد طفل صغير لا يعامل بالضرب ابدا ومهما كانت الاسباب فهو في سن تأسيسي ، لربما اصابته عقدة من شئ اسمه مدرسة لا قدر الله وهذا حدث كثيرا الى الان نرى رجالا كبارا يتذكرون ماحصل لهم ويتعقدون من ذكر هذا الحدث امامهم

نصيحتي توجهي للمدرسة واطلبي من المدرسة التي ضربت ولدك ان تعتذر لك ولولدك امام الجميع حتى تعرف ان لكل انسان كرامة وحق وليست هي من تريق هذه الكرامة

صح الضرب مب أسلوب للتأديب
وبخليها تعتذر لي وحق امي
وشكرا على الرد

[رمــش الغلا]

بما انج تقولين الروضة على مستوى اسألي المدرسة ليش ضربت الولد واذا ما ردت بعدها روحي للادارة خلهم يتفاهمون معها ( خليج حليمة واخذيها بالزين لحسن بعدين تستفرد بالولد )

والله روضه على مستوى عالي ومن احسن المدرسات بس هاذي مادري من وين جايبينها توها ايديده

شكرا على الرد

[هبوب الشمال]

اسأليها قبل واذا ما عطتج الجواب الكافي او ما اقتنعتي بردها روحي الاداره

[رمــش الغلا]

اقررب مركز

كاان عندنا استااذ توه جااي صار له 3 اسابيع وضرب واحد من الطلاب والطالب راح المركزواشتكا وتسفر الاستااذ

فاخذي حقج بالقانون احسن

صج؟

انا بشوف بكره اذا ماخذت حقي منهم باشتكي بالـــــــــــراحه

[رمــش الغلا]

مهما سوى الولد من شطانه لازم ياخذونه بالهداوة مب بالضرب

روحي المديرة وناقشي الموضوع معاها

ولد عمي صغيرون تخيلوا شيسوون به عشانه شويطين وحركي شوي

كل ما يروح له ابوه والا امه يلقونه مداوم في مكتب المديرة ---

يا بالفيت يعاقبونه ويودونه لمكتب المديرة يخوفونه -- وهو مطنش

ههههه
مشكورة على الرد

[ولد الشحانية]

صج؟

انا بشوف بكره اذا ماخذت حقي منهم باشتكي بالـــــــــــراحه

انا قلت لج ريحي بالج من الحين وروحي اشتكي للبوليس

[رمــش الغلا]

سؤال : هل أنتي ترسلينه الروضة عشان يتعلم ويستفيد ولا عشان محد عنده في الفترة الصباحية !!

سؤال آخر : هل تعتقدين أن الروضة تأثر على طبائع وتصرفات ولدج سلبا ( الخوف ، الصياح ، الجهد والأرق ... )

نصيحتي هي جواب السؤاليين ... يروى عن علي وعمر رضي الله عنهما قالا : لاعبوهم سبعا وعلومهم سبعا وصاحبوهم سبعا

الاجابة على السؤال الأول انا ارسل ولدي عشان يتعلم ويستفيد وماشاء الله من الحضانه حفظ قرآان وأناشيد انجليزية ,, في الفترة الصباحية عنده خدامتين وجدته موجوده بس انا ابيه يستفيد في الروضه
والجواب الثاني ولدي تغير 180 درجه صار ايحب الناس كان انطوائي جداً وجبان ألحين الحمدلله أحمد ربي وأشكره

سبعا مب أربعا ,,,,,,,,,,,

ومشكور على الرد اخوي

[مناحي السادس عشر]

صج؟

انا بشوف بكره اذا ماخذت حقي منهم باشتكي بالـــــــــــراحه

وليش قطع الارزاق يا بنت الناس ؟؟؟
يعني وان انضرب الولد بتكون اخر الدنيا
انضربنا قبل لين زعنا العافيه وماصار شي
عيالي ينضربون بالمدارس و ماسوينا هالضجه اللي مسويتها
هدي يا يبه هدي ترى العصبيه والنرفزه مش دليل على الوعي
كل شي ينحل بهدوء ولاتبينين للمدرسه المسكينه انها مجرد موظفه فقط تادي وظيفتها بعد ترى ام ومربية اجيال ولو على كل ولد او بنيه من العيال جانا البيت يتشكاااا من المدرسين مابقى مدرسين اذا اتبعنا اسلوب العصبيه
اختي راجعي افكارج واكتمي غيضج وان شاء الله تعينين كل خير وصدقيني والله كل شي بالهدوء ينحل ويصير سهل ولاتردين على بعض الردود المتهوره اللي تقولج روحي للشرطه شدعوه كل شي رحنا للشرطه؟؟؟؟؟؟؟؟؟
وموفقه خير يارب

[مسكين]

حلوو ماشاء الله ربي يحفظه

إذن مابينج وبين المدرسه حليه بأهدئ ماتملكين من تصرف لأنها هي اللي تزرع فيه هذه النتجيه وهي قادرة على قتل هذا الشي

أريها من أخلاقك مايملك قلبها وكل شي بالهدوء واللين يلين

[سداوي&مدريدي]

وليش قطع الارزاق يا بنت الناس ؟؟؟
يعني وان انضرب الولد بتكون اخر الدنيا
انضربنا قبل لين زعنا العافيه وماصار شي
عيالي ينضربون بالمدارس و ماسوينا هالضجه اللي مسويتها
هدي يا يبه هدي ترى العصبيه والنرفزه مش دليل على الوعي
كل شي ينحل بهدوء ولاتبينين للمدرسه المسكينه انها مجرد موظفه فقط تادي وظيفتها بعد ترى ام ومربية اجيال ولو على كل ولد او بنيه من العيال جانا البيت يتشكاااا من المدرسين مابقى مدرسين اذا اتبعنا اسلوب العصبيه
اختي راجعي افكارج واكتمي غيضج وان شاء الله تعينين كل خير وصدقيني والله كل شي بالهدوء ينحل ويصير سهل ولاتردين على بعض الردود المتهوره اللي تقولج روحي للشرطه شدعوه كل شي رحنا للشرطه؟؟؟؟؟؟؟؟؟
وموفقه خير يارب

والله كلامك عدل أخوي :nice:

[رمــش الغلا]

انا قلت لج ريحي بالج من الحين وروحي اشتكي للبوليس

ههههههههههههه
المره اليايه

[رمــش الغلا]

وليش قطع الارزاق يا بنت الناس ؟؟؟
يعني وان انضرب الولد بتكون اخر الدنيا
انضربنا قبل لين زعنا العافيه وماصار شي
عيالي ينضربون بالمدارس و ماسوينا هالضجه اللي مسويتها
هدي يا يبه هدي ترى العصبيه والنرفزه مش دليل على الوعي
كل شي ينحل بهدوء ولاتبينين للمدرسه المسكينه انها مجرد موظفه فقط تادي وظيفتها بعد ترى ام ومربية اجيال ولو على كل ولد او بنيه من العيال جانا البيت يتشكاااا من المدرسين مابقى مدرسين اذا اتبعنا اسلوب العصبيه
اختي راجعي افكارج واكتمي غيضج وان شاء الله تعينين كل خير وصدقيني والله كل شي بالهدوء ينحل ويصير سهل ولاتردين على بعض الردود المتهوره اللي تقولج روحي للشرطه شدعوه كل شي رحنا للشرطه؟؟؟؟؟؟؟؟؟
وموفقه خير يارب

أكتم غيضي وهاذي تكتم غيضها وكله جذيه
وخلها اتذّبح اعيالنا واحنا ساكتين انطالع
لا اخوي لازم اتعرف هالمدرسه ان مهما سوا الطالب في هالعمر يعتبر طفل
انا عمري مامديت يدي عليه ولدي الوحيد :( من اتكون هاذي عشان تضربه لا والله ماني ساكته
اذا باسكت اليوم كل يوم بتضربه بتقول هاذيه ماعنده والي
وانا اشوف انه مب قطع ارزاق اهي ماراح تتفنش اذا جاتها شكاوي من أولياء الامور يمكن تتغير للأحسن

[بوجاسم 75]

روحي الله يسلمج حق المديرة بوكره الصبح وهي نشاءالله بتاخذ حقج ، وكل شى بالراحة يالطيبة

[رمــش الغلا]

هبوب الشمال
بوجاسم 75
مسكين

ان شاء الله بكرة مع اذان الفجر أنا اهناك انطر عند الباب :)

[حمد]

الله يذكر ذيك الايام

قبل يقولون
(لكم اللحم ولنا العظم )

ياريال والله اذكر هالايام لين الحين ... والله انها كانت طريقة متخلفة ... وان الضرب ذيك الايام في احيان كثيره ... ومن واقع تجربه ... كان لمرض نفسي بالمدرس ومب رغبه في تعليم الطالب.... والله كنا صغار وننضرب وحشيه .... لا شكوى ولا شي .

لين الحين اذكر بعض المرات الي نضربت فيها بخيازرين من مدرسين .... صج كانت مرات مؤثره .... الله ليعودها لعيالي :(

[ولد الشحانية]

تصدقين يوم كنت ادرس ضربني المدرس فلقه علي رجولي احس طلعت روحي ههههههه عادي تعودنا وبيتعود هو
هع

[رمــش الغلا]

ياريال والله اذكر هالايام لين الحين ... والله انها كانت طريقة متخلفة ... وان الضرب ذيك الايام في احيان كثيره ... ومن واقع تجربه ... كان لمرض نفسي بالمدرس ومب رغبه في تعليم الطالب.... والله كنا صغار وننضرب وحشيه .... لا شكوى ولا شي .

لين الحين اذكر بعض المرات الي نضربت فيها بخيازرين من مدرسين .... صج كانت مرات مؤثره .... الله ليعودها لعيالي :(

شكرا لمرورك ,,,,اخوي العزيز

[رمــش الغلا]

تصدقين يوم كنت ادرس ضربني المدرس فلقه علي رجولي احس طلعت روحي ههههههه عادي تعودنا وبيتعود هو
هع

ههههههه انته تستاهل الضرب كنت شيطاني بس ولدي مؤدب وخواف

[المغروره]

اخوووووووووي تبي نصيحتي روح للمديره وسحب المدرسه هناااك شوفهاا ليش تسوي جذيه بولدك
ووبعدين مو حقهاا تضربه ممنوع الضرب اصلا في المدارس على كيفها تضربه والله لوانا امه كان جبتها الوزاره مو المدرسه ؟؟؟؟؟تفنشه ليش تفاااهم مع الاداره وتتخذ ضدها اجرااااء
تقبل مروري

[butterfly qatar]

حتى لو هو مسوي شي المفروض تاخذه على قد عقله
وبعدين الضرررب ممنوع
شفيها على بالها لعبه عيال الناس
انا بدالج ادش وامجع شعرها
ولا اقول مالي كلام معاها اروح حق المسؤول عن الروضه واكلمه
واذا شفته ماتحرك ولا قال شي بيكون لي تصرف ثاني معاها الغبيه

[رمــش الغلا]

اخوووووووووي تبي نصيحتي روح للمديره وسحب المدرسه هناااك شوفهاا ليش تسوي جذيه بولدك
ووبعدين مو حقهاا تضربه ممنوع الضرب اصلا في المدارس على كيفها تضربه والله لوانا امه كان جبتها الوزاره مو المدرسه ؟؟؟؟؟تفنشه ليش تفاااهم مع الاداره وتتخذ ضدها اجرااااء
تقبل مروري

هاذا اللي بيصير ان شاء الله
ومشكورة على الرد

[حمد]

ههههههه انته تستاهل الضرب كنت شيطاني بس ولدي مؤدب وخواف

اختي لتكررين هالكلام وايد ...الحين خواف ومساعه جبان .. ترى هاي ولدج ..... لي كبر ودخل المنتدى عقب 20سنه اكيد بيزعل ..... لتلصقين فيه صفات من الحين ... وعالجي عيوبه بنفسج

وبالنسبة للمدرسه ... روحي وضربيها ... قوليلها انتي ضربتي ولدي لانه غلط ... وان اضربك اليوم لانك غلطتي .... وخلاص ... كلن يربي الثاني بطريقته.

[ولد الشحانية]

ههههههه انته تستاهل الضرب كنت شيطاني بس ولدي مؤدب وخواف

حرام عليج مو شيطاني انا تدرين ضربني ليه





لانه صادني ضربته بطبشور علي ظهره


شفتي ماسويت شي

ههههههههههههه

[رمــش الغلا]

اختي لتكررين هالكلام وايد ...الحين خواف ومساعه جبان .. ترى هاي ولدج ..... لي كبر ودخل المنتدى عقب 20سنه اكيد بيزعل ..... لتلصقين فيه صفات من الحين ... وعالجي عيوبه بنفسج

وبالنسبة للمدرسه ... روحي وضربيها ... قوليلها انتي ضربتي ولدي لانه غلط ... وان اضربك اليوم لانك غلطتي .... وخلاص ... كلن يربي الثاني بطريقته.

شنو الصق في ولدي صفات كل واحد لازم اتكون فيه عيوب مافي انسان كامل حتى انته فيك عيوب
وعقب 20 سنة ولدي بيدش المنتدى بس مب عارف ان هالسالفه عنه انا ماقلت اسمه :mad:
شنو اضربها وتضربني ,,, وين قاعدين مصارعه
:anger3:

[ولد الشحانية]

شنو الصق في ولدي صفات كل واحد لازم اتكون فيه عيوب مافي انسان كامل حتى انته فيك عيوب
وعقب 20 سنة ولدي بيدش المنتدى بس مب عارف ان هالسالفه عنه انا ماقلت اسمه :mad:
شنو اضربها وتضربني ,,, وين قاعدين مصارعه
:anger3:

:nice::tease::nice:

[رمــش الغلا]

حتى لو هو مسوي شي المفروض تاخذه على قد عقله
وبعدين الضرررب ممنوع
شفيها على بالها لعبه عيال الناس
انا بدالج ادش وامجع شعرها
ولا اقول مالي كلام معاها اروح حق المسؤول عن الروضه واكلمه
واذا شفته ماتحرك ولا قال شي بيكون لي تصرف ثاني معاها الغبيه

هههههه
زين اللي انتي مب امه جان صارت معركة في الروضه
انا بكره بحل المشكله بالتفاهم مع المديره
ومشكورة على الرد اختي الغاليه

[ابن مانع]

شنو الصق في ولدي صفات كل واحد لازم اتكون فيه عيوب مافي انسان كامل حتى انته فيك عيوب
وعقب 20 سنة ولدي بيدش المنتدى بس مب عارف ان هالسالفه عنه انا ماقلت اسمه :mad:
شنو اضربها وتضربني ,,, وين قاعدين مصارعه
:anger3:


عز الله انجصملتي ولانتي براقده

خلي الموضوع وريحي اعصابج لين بكرة الصبح روحي وتفاهمي مع الادارة واذا ماخذوا حقج عندج المجلس الاعلى

ربي يوفقج ويحفظ لج عيالج

[VIP-QATAR]

حتى لو كان السبب كبير مالها الحق تضربه

[حمد]

كل واحد ياخذ حقه بيده

[حمد]

شنو الصق في ولدي صفات كل واحد لازم اتكون فيه عيوب مافي انسان كامل حتى انته فيك عيوب
وعقب 20 سنة ولدي بيدش المنتدى بس مب عارف ان هالسالفه عنه انا ماقلت اسمه :mad:
شنو اضربها وتضربني ,,, وين قاعدين مصارعه
:anger3:

اختي ادري ان كل فيه عيوب وانا واحد منهم .... ماقلت لا ....بس انا تعجبت منك كأم تقولين ولدي جبان... وعقب ولدي خواف .... بس لا اكثر ... فلتعصبين .

وبالنسبة للمدرسه انا اقول اضربيها .... بس لتسببين لها عاهه .... يعني ضرب غير مبرح ... واذا تبين مساعده حاضرين :telephone:

الوعد على البيت

[qatari1]

شكله الولد دلوع، ويمكن الأبله حتى ما زخته بصبعها!

يمكن قالت له ما حبك، فالولد حساس ورقيق -مثل جيل هالأيام- تاثرت نفسيته، وصادته عقدة من الدراسة!

صلوا على النبي يا أخوان، كل واحد صاير لي مفتي الديار، ويا بلفيت راعي فزعة!

الله يرحم ذيك الأيام يوم كانوا آبائنا يصرون على المدرسين إنهم يضربونا علشان نتعلم!

والحمد لله هذه المعاملة جابت نتيجة!

[همسه]

صحيح احنا ما حضرنا الموقف

لكن اذا هي ماضربته ليش يوم سألتها جدة الولد مانكرت وتمت ساكته مع انها كررت عليها السؤال

ادخلي على المديره وهي تناديها وتسألها لأن مهما كان غلط الولد مالها حق تمد يدها عليه

يعني طفل في الروضه شنو هالجريمه اللي بيسويها يستاهل عليها الضرب ؟

بعدها اطلبي من المديره تاخذ حق الولد بأن المدرسه تعتذر للولد قدام زملائه ولا اتنازلين عن هالشي

والا هدديهم بالمجلس الاعلى

واذا مانفع اشتكي عليها

واذا مانفع معاها هذيك الساعه اضربيها وبردي حرتج فيها محد يلومج لأن محد خذ حقه

:)

[حمد]

صحيح احنا ما حضرنا الموقف

لكن اذا هي ماضربته ليش يوم سألتها جدة الولد مانكرت وتمت ساكته مع انها كررت عليها السؤال

ادخلي على المديره وهي تناديها وتسألها لأن مهما كان غلط الولد مالها حق تمد يدها عليه

يعني طفل في الروضه شنو هالجريمه اللي بيسويها يستاهل عليها الضرب ؟

بعدها اطلبي من المديره تاخذ حق الولد بأن المدرسه تعتذر للولد قدام زملائه ولا اتنازلين عن هالشي

والا هدديهم بالمجلس الاعلى

واذا مانفع اشتكي عليها عن الشرطه

واذا مانفع معاها هذيك الساعه اضربيها وبردي حرتج فيها محد يلومج لأن محد خذ حقه

:)


هذا الحل ولا غيره

[راسي براسك]

لو مرتكب جريمه هي مالها حق تضربه ! مهما كان هذا طفل
على أي أساس تضربه ؟!
أختي لاتسكتين عن حقج روحي لها واسأليها شنو السبب
وأن مافاد الكلام معها روحي للمديره تاخذ حقج واذا مافاد علمي أبوه خليه يسنعهم

[m.alemadi]

الله يذكر ذيك الايام

قبل يقولون
(لكم اللحم ولنا العظم )

كلامك صحيح بس هذاك اول ذكرتني بمدرس الشرعية اذا ماحفضنا الاية ثاني يوم 100 ظربة:weeping: بخيزران منقعه في ماي وملح بس هذا كله انتهى ياخوي واعتقد هاذي من اكثر الاسباب الي خلتنا نكره الدراسة

لازم يكون في حل جذري صراحة هاذي مب حاله كل يوم نسمع عن طفل ينضرب في المدرسة وين التعليم العالي عنهم وبعدين المدرسات الي في المدارس صراحه معضمهم مب مؤهلات للتدريس ومايعرفون يتعاملون مع الطفل وبالعربي كله ضرب فلوس ومصالح انا كنت مدخل عيالي روضة كل ماراحو اهلي الروضة تسألهم المديره في شقه ايجار حولكم تقدرون تدبرون شغل حق احد من اهلي وهلم جره من هاي الطلبات واليهال ولاستفادو شي من هاذي الروضه واطريت اني اوديهم روضة ثانية:anger1:

[بنت^البحرين1]

لاتسكتين عن حقج وحق ولدج

ذكرتيني قبل 3 سنوات ، دخلنا ولد اخوي الحضانه وكان اصغر من اللي عمره كان حوالي سنتين ونص وهم ثلاث، وهو مولود بوسبع شهور( وكله له دور في التأخر طبيا وعلميا هالشي) .. المهم اول مابدت السنة خبرنا المدرسة بهالنقطة عشان يحاسبون له ان صغير على اللي معاه ويبي له وقت شوي، وقالوا وايد ماره عليهم هالحالة عادي.. كم يوم رحت اخذه والا الخدود وربي شاهد علي كانهم جمر وحالته بالويل من الصياح، وهي تقولي انه يبي يرجع البيت تملل، وانا بعد شلت الشنطة وخذته في السيارة الولد مب ساكت ويقولي بس مابي المدرسة، مع انه كان يحب يروح كل يوم ،شفيك شفيك، الا يقول المدرسة عطتني كف على ويهي، ويوم قعدت اصيح بعد عطتني كف مني( يأشر يمين ومرة يسار) وضربتني على ظهري قالت لي keep silent !! اقوله ليش حبيبي شمسوي؟؟ يقول لان الكلاس خلصوا وانا للحين اكتب حرف البي !! لأنه بطيء في الكتابة تخيلوا مسطرته ؟؟ وفديته ماجانا الا بعد معاناة وسنين، قلت الحين ماينفع اول الله يوم ثاني من الصبح رحت الصف ادخله ، وهي هناك قلت لها ليش تضربين ولدي؟؟ تبلعمت تقول لا ماضربته، قلت لها امبله سطرتيه والحين مب طالعه الا اول اسطرج مثل ماسطرتيه، ادري تخسبقت ويمكن تصرفي غلط بس من القهر اللي في قلبي،شوي الا مديرة الحضانة تفتر وسمعت الاصوات ويات، قلت لها انا اجيب ولدي عشان تسطرونه ؟؟ وعرفت السالفة، قلت لها مابطلع الا اول اضربها مثل ماضربت ولدي او اشتكي واجيب الشرطة اهني.. اخيرا طلعنا بحل ان اعتذرت حق ولد اخوي في الصف جدام اليهال والمديرة وجدامي،، وقلت لهم مب تبدلونه هو من الصف، تغيرونها هي عن الصف، وإدارة المدرسة طرشوا معاه رسالة اعتذار.. وغيروها والله الياهل صار شحلاته والحمدلله كاهو متفوق

اختي انا اقولج لاتسكتين عنها والله ، تعقد الياهل وتكرهه في الدراسة شله ؟؟

[روح-قطر]

باااااااااااااااااااااااااااااااااااااااال من صجكم كل هالسوالف علشاااااااااااااان ضربت ولدج

طيب سؤال مكان الضرب معلم متعور يصيح؟؟

طيب شكانت رده فعلكم قدامه خذته الوالده الله يحفظها وراحت للمدرسه وتسأل؟؟

بصراحه الوضع كله غلط..

الأولى امج ماتكلم المدرسه قدام ولدج الافضل تقوله اكيد انت شيطان وتاخذه البيت وتقولج وانتي تروحين،، ترى الياهل يتعلم من اللي يشوفه..
وليش يالله نوديهم ويقومون ومو كل ما صار شي قلتوا كرهتوهم بالمدرسه..

بأيامنا نفس ماقالوا يضربونا بس ما كنا نقول شي لانه ندري ان مصيرنا بنرجع المدرسه والمدرسه كانت لها هيبه..

اسمحي لي اذا غلطت او ضغطت بالحجي بس صدقيني هاي الافضل لولدج..

وما اقولج لا تروحين بالعكس روحي للاداره وخلهم يستدعون المدرسه وناقشيها:)

والله يهديك يا ولد الشحانيه شنو ذي الحل العجيب روحي الشرطه من متى بناتنا يدشون هالسوالف قبل محكمه علشان ورث وتتراقل لين تروح الحين سويتوها ضربت اشتكي قالت اشتكي مايصير ياخوي؟؟

الله يوفقج

[allawi]

من علمني حرفا ملكني عبدنا


كيف بتربى ابنك اذا اعتذرت المدرسة منة

[هذلان]

السلام عليكم


طاحت عيوني ،، قريت كل الردود احسب الموضوع صار له كم يوم ،، توقعت انج رحتي المدرسه و عرفتي الموضوع .

بخصوص الاخوان الي يقولون الظرب عادي .. ما اتوقح حد انظرب مثلنا الي ساكنين برى الدوحه (برى الدوحه رقابه اقل و تقريبا المدرس مايودونه هناك الا شبه منفي) مستوى المدرس المهني و الفكري اقل يعني غير متميز .. انظربا ظرب الله العالم فيه ولا فيه اي فايده او نتيجه منه بصراحه .. كنا ننظرب و نرد نكرر نفس الغلط مع نفس المدرس (مادري يسمونها بلاده ولا شطانه الوكاد شي مب زين)
ماعرفت الدراسه عدل وحبيتها و درست من نفسي الا في الثنويه يوم كبرنا و صرنا نظرب ماننظرب .

رمــش الغلا

شوفي ولدج و الخطا الي مسويه ،، هو ولد صغير ما اعتقد انه بيسوي شي خارق و على اساسه تفاهمي معاهم .

ولد اخوي يوم كان في الروضه والله قلبي يحترق لاطرت علي هالسالفه .. رد البيت فروه راسه من ورى تبين ،، يعني المدرسه شاده شعره لين طلع في يدها (مدرسه من جنسيه عربيه) .. هذا عقاب شخص مغل و حاقد و الولد على ما اذكر ماكان مسوي شي كبير وكان في الروضه.
اخوي ماسكت صور راس الولد وصلها اعلا مستوى و اعتقد كانت النهايه في مركز شرطه او شي من هذا القبيل .

[الياقوت99]

وين اضربته المدرسة علىوجهه ولا وين بالضبط؟؟؟

بس عموما انتي لازم تتفاهمين مع المديرة وتاخذين حق الولد وتناديها وتهزئينها جدام المديرة

[وكراوي]

السلام عليكم

انا اشوف الحل الوحيد : انج تروحين لها :anger2: :anger1: :fight: وتمجعين شعرها وتعطينها كم طراق على كم بكس على كم حركه كاراتيه وتبردين حرتج

تحياتي

[دلة الرسلان]

السلام عليكم

انا اشوف الحل الوحيد : انج تروحين لها :anger2: :anger1: :fight: وتمجعين شعرها وتعطينها كم طراق على كم بكس على كم حركه كاراتيه وتبردين حرتج

تحياتي

:omg:قبل لا تتهورين يا رمش الغلا اسألي الوالدة عن حجم المدرسة على الاقل تكونيين

مستعدة ولابسة قفازات بيضاء يازعم تسوقين .. علشان البصمات .

طبعا امزح المسألة مش تفكين حرتك وبس لازم تعرفين ان التصرف اللي بتسوينه يؤثر

على الطفل وتدريسه مستقبلا اذا قللتي من قيمة مدرسته ماراح يكون للمدرسات قيمة

في نظره مستقبلا حلي الموضوع بهدوء ويمكن تكتشفين الولد ضارب زميله وممكن الابله

عاقبته عقاب بسيط او صرخت عليه فقط .

[بوخالد911]

ريلاكس بلييز

ولا تستعجلووون

لازم نعرف الموضوع بشكل كامل

بعض اليهال من كلمة وحده يصيحوون
او من طقة خفيفة

ومووو لازم نكبر السالفة

بس هل رحتي المدرسة؟
علميني شسالفة؟
شنوو حيثيات السالفة؟


مسيوو/ بوخالد911

[VIP-QATAR]

اتوقع رمش الغلا الحين قاعدة تهاوش المدرسة

ههههههههههه

[غير البشر]

من حقها اتروح اتحاسبهم واتشرشحهم


والضرب في السابق مافادنا بشي غير كرهنا للمدرسين والمدرسه

وماكانو يضربون من اجل التعليم او التأديب انا اشوفه كان حقد وكراهيه

والدليل ليه الضرب بالعصا في البطن والصدر

كما نضرب في البطن هل هذا تعليم ؟؟؟

لا والف لا اعيالي ينضربون ولازم يتحاسبون على فعلتهم اذا كانت صج اضربتها

هي فقط تعلم واحنا نربي بطريقتنا وطفله عمرها 3 او 4 سنوات

مهما كان ماتضرب ولاتمس لانها مازالت طفله

[غير البشر]

اتوقع رمش الغلا الحين قاعدة تهاوش المدرسة

ههههههههههه



الظاهر قومت اغبره خخخخخخخخخخخخخخخخخخ

الله يعينها والحين تجيكم با الاخبار :tease:

[المقهوره]

هييييييييييييييييييييييييييييييييييييييه الله يرحم ايام زمان

والله اني اذكر مدرسه العربي تجرني من شعري

ومرات تضربني بالمسطره الخشب الصفراء على قفا يدي

بس كنا ناخذ من الاوائل وشاطرين ومحترمين المدرسات


اما الحين ما اشوف الطلاب يحترمون المدرسه ولا يخافون منه نفسنا وفيهم وقاحه على المدرسه بصراحه بسبب ان المدرسه ماتقدر تعاقبني ولا تضربني



بصراحه انا لو عندي عيال يدرسون وادري انهم اغلطوا على المدرسه وقلوا ادبهم ولا مااحترموا الحصه بسمح للمدرسه بضربهم ومعاقبتهم بس بطريقه غير مبرحه طبعا يعني نفس ماانضربنا مساطر في مساطر وخلاص.


على فكره ولد اخوي يشتكي من مدرسه الروضه نفس الحاله ويقول انها تضربه
بس امه ماافتكرت بالموضوع تقول اخاف اروح ا جادل الروضه بالموضوع يحطونه في بالهم اكثر
وبعض الاطفال يعتبر الضرب التأيبي الخفيف يعني على الكف ولا الكتف هذه جريمه وان المدرسه مكسره جسمه بالضرب ويطلع الموضوع عادي ومايستاهل.

[PathFinder]

اقترح تاخذين هدية للمدرسة وتروحين عند المديرة وتشرحيلها الوضع وشوفي الاحراج اللي راح تحس فيه المدرسة. وادفع باللتي هي احسن.

[حـــنـــان]

السلام عليكم ورحمه الله وبركاته

بقولكم سالفة صارت اليوم
امي راحت تاخذ ولدي من الروضه وكان ايصيح سألته اشفيك قال المدرسه ضربتني وانا زعلان ماحب الروضه خلاص
عاد امي دشت الصف وقالت حق المدرسّة شمسوي الولد عشان تضربينه ماردت عليها وسألتها مرة ثانية وبعد تمت ساكته .... آه ياحرقة قلبي لو آنا مكان أمي جان سطرتها :mad:

عاد انا بكرة باغيب وبروح الروضة من الفجر انطرها ما اظن اليوم ارقد من الحره

شتنصحوني قبل لااتهور وافنشه من الروضه مع انه مابي هالشي ايصير لأنه روضه معروفه ومستواها عالي جدا

أبي رايكم ؟؟؟؟؟؟؟؟؟



مهما سوة الطالب مالها حق تضربة تمنعة من فعل شي اي مايخالف اما الضرب لاا وبعدين هذولا اطفال ناس لازم المدرسات يطولون بالهم على اليهال لانة في الاول والاخير جاهل يمكن يصدر منة اي تصرف خطأ لجهلة ...انتى بعد طولى بالج على المدرسة ولاتكلمينها الا في حضور المديرة او المسؤولة على شان ماتبلة عليج في شي

[FAUCHON]

حبيبتي طرشي لي اسم الروضه على الخاص ومايصير خاطرج الا طيب

[المقهوره]

بس فيه اطفال عاصين مهما تطولين بالك عليهم بعد مايطيعون الكلام

اذا الاهل نفسهم اذا ولدهم ولا بنتهم ماطاعتهم اضربوهم واقصد بالضرب هو الضرب التأديبي مب المبرح

اعتبروا المدرسه امه ليش تعتبرونها عدوه دائما

[s o s o]

حبيبتي طرشي لي اسم الروضه على الخاص ومايصير خاطرج الا طيب

اعجبتني هالمداخله وخاطري اعرف شنو بيصير

[عضو قديم]

الحل عندي افا عليج صارت مع ولدي وحليت المسالة بقوطي بف بف رشيتها بالبف بف لين قامت كح كح كح علشان تعرف قدرها

[s o s o]

الحل عندي افا عليج صارت مع ولدي وحليت المسالة بقوطي بف بف رشيتها بالبف بف لين قامت كح كح كح علشان تعرف قدرها

:eek5:
هذا صج اخوي والاتغشمر؟

[شيط ويط]

هاه بشري شصار وياج اليوم ؟؟ :rolleyes2:

نبي اثارة نبي تشويق :secret:

[راشد محمد]

شنو صاااار

[حـــنـــان]

حبيبتي طرشي لي اسم الروضه على الخاص ومايصير خاطرج الا طيب


وااااااااااااو يازين القوة

[هتـان قطر]

هاه بشري شصار وياج اليوم ؟؟ :rolleyes2:

نبي اثارة نبي تشويق :secret:


اعجبتني هالمداخله وخاطري اعرف شنو بيصير



يااا حبكم للشر..:telephone:

[برشلوني قطر]

شكل اختنا ف الله بعد انضربت

الله يستر

[حمد]

شكل المدرسه اطلعت قويه .... ورضخت رمش الغلا

هارد لك

[SmartMan]

عساه ينطق ويتأدب إن شاءالله.... مدرسة وتطقه وين الغلط في الموضوع ؟؟؟

أكيد سيبال وملعوزها ..ولا مهبب له شي !

أشكر كل مربية فاضلة تقوم بالتربية الصحيحة والتي تبتدي بالطق على القفى حتى يقول الطالب كفى.

((لو أنا مدير المدرسة ....كنت عطيتها كتاب شكر وترقية )) :)

[بوطويشم]

عساه ينطق ويتأدب إن شاءالله.... مدرسة وتطقه وين الغلط في الموضوع ؟؟؟

أكيد سيبال وملعوزها ..ولا مهبب له شي !

أشكر كل مربية فاضلة تقوم بالتربية الصحيحة والتي تبتدي بالطق على القفى حتى يقول الطالب كفى.

((لو أنا مدير المدرسة ....كنت عطيتها كتاب شكر وترقية )) :)

هو في الروضه مب مدرسة

ترضاها على ولدك؟؟؟؟؟

[بوخالد911]

طووولت رمش الغلااا !!

حد يبلغنا بس

[خليفـة]

بالنسبة لي
لو كنت في مثل هالموقف
وجاء مدرس
ومد يده على ولدي
ما أعتقد اني بتردد في
( قطع يد هذا المدرس )
مهما كانت الأسباب
:)
تشكراتي

[حمد]

بالنسبة لي
لو كنت في مثل هالموقف
وجاء مدرس
ومد يده على ولدي
ما أعتقد اني بتردد في
( قطع يد هذا المدرس )
مهما كانت الأسباب
:)
تشكراتي

قطع .... بل ..... خفي علينا .... احنا قلنا طق ... اكثر لالالا

[رمــش الغلا]

حبيت أبشركم اني رحت الروضة ودخلت على المديرة على طول وفي عيني الشر :vampire:
واستدعوا المتهمة وسألتها المديرة وانكرت وتمت تحلف واتقول يمكن الأطفال ضربوه انا حسيت من كلامها انها كذابه لأنه ويهها تغير..
وتقول انها ماسمعت امي وهي تسألها كان إزعاج.. :anger1:
وكان معاي ولدي سألته المدرسّه انا ضربتك كان ساكت مايرد
وطلبت آنا منهم انه ينقلونه صف ثاني عند مدرسّه غير هاذي وايد عصبيه مالها بارض على اليهال
والمديرة قالت احنا آسفين ومن هالسوالف اللي اتبرد القلب :eek2:
وبس هذا اللي صار

مشكورين يااعضاء شبكة الأسهم القطرية وقفتهم هاذي مانساهـــــــــــا طول عمري
ماقصرتوا والله
وتسلمون,,,ربي يحفظكـــــــــــــــــــــم

[رمــش الغلا]

عساه ينطق ويتأدب إن شاءالله.... مدرسة وتطقه وين الغلط في الموضوع ؟؟؟

أكيد سيبال وملعوزها ..ولا مهبب له شي !

أشكر كل مربية فاضلة تقوم بالتربية الصحيحة والتي تبتدي بالطق على القفى حتى يقول الطالب كفى.

((لو أنا مدير المدرسة ....كنت عطيتها كتاب شكر وترقية )) :)

أقول اخوي
يمكن انته اعيالك سيابيل
انا ولدي الحمدلله متربي عدل
وحســــــّن أسلوبك ,,, في الرد
وبعدين من اللي مب صاحي ايحطك انته مدير اذا هذا كلامك
حتى ابتدائيه ماعندك :anger1:

[بن داوود]

ما اعتقد بأن المدرسه ضربت الطفل علشان بينهما عداوة . اكيد الطفل مشاغب مثل كل الاطفال الي في سنه
والضرب مفيد في سن معين ( الضرب الغير المبرح طبعاً )

[SmartMan]

أقول اخوي
يمكن انته اعيالك سيابيل
انا ولدي الحمدلله متربي عدل
وحســــــّن أسلوبك ,,, في الرد
وبعدين من اللي مب صاحي ايحطك انته مدير اذا هذا كلامك
حتى ابتدائيه ماعندك :anger1:

الله يهديج إن شاءالله ..ويكملج بعقلج

(( القرد بعين أمه غزااااال))

[s o s o]

حبيت أبشركم اني رحت الروضة ودخلت على المديرة على طول وفي عيني الشر :vampire:
واستدعوا المتهمة وسألتها المديرة وانكرت وتمت تحلف واتقول يمكن الأطفال ضربوه انا حسيت من كلامها انها كذابه لأنه ويهها تغير..
وتقول انها ماسمعت امي وهي تسألها كان إزعاج.. :anger1:
وكان معاي ولدي سألته المدرسّه انا ضربتك كان ساكت مايرد
وطلبت آنا منهم انه ينقلونه صف ثاني عند مدرسّه غير هاذي وايد عصبيه مالها بارض على اليهال
والمديرة قالت احنا آسفين ومن هالسوالف اللي اتبرد القلب :eek2:
وبس هذا اللي صار

مشكورين يااعضاء شبكة الأسهم القطرية وقفتهم هاذي مانساهـــــــــــا طول عمري
ماقصرتوا والله
وتسلمون,,,ربي يحفظكـــــــــــــــــــــم


اهم شي المتهمه هههههههه

الله يحفظلج ولدج عزيزتي
بس قعدي مع ولدج وشوفيه ليش سكت يوم سئلتيه
وعلميه اختي انه مايسكت ويقول اذا احد ضره او اهانه
عموما بموقفج هذا الروضه راح تختار مدرسات كفاءه يحسنون معاملة التلاميذ

[كازانوفا]

المفروض تتأكدين من الموضوع اول

واسمع من المدرسة واعرف الغلط وين

وبعدين لاتنسين انتي كأم احيانا تضريبن ولدك

بس ضرب عن ضرب يفرق

اذا كان ضرب بسيط للتعليم

غير عن اني افش غيضي فيه

وبعدين يمكن ماردت على الوالدة ....احتمال شافتها منفعله واااااااااااايد

وانتي بعد باين عليك الانفعال

ولاتنسين الحلم سيد الاخلاق

لا تغضب لاتغضب لاتغضب


مب كل من ضرب عيالنا رحنا ضربنا وفنشناه من شغله في رب بنوقف قدامه وبيسالنا عن قطع رزقة الناااس ايش سببها كان ايش بتردين عليه اذكري الله ولا تخلين الشيطان يوسوس زياده عن اللزوم

[SmartMan]

هو في الروضه مب مدرسة

ترضاها على ولدك؟؟؟؟؟

طبعاً ...أكيد أرضاها أنا مدخله الروضه علشان يتعلم ويتأدب...والضرب مطلوب خصوصاً إذا كان مشاغب وحركته أكثر من اللازم .

[رمــش الغلا]

الله يهديج إن شاءالله ..ويكملج بعقلج

(( القرد بعين أمه غزااااال))

ويهدي الجميع ان شاء الله

عموما انا اكتفيت بردود الناس مايهمني رايك
ولا راح أخذ فيه اصلاً
وان شاء الله يضربون اعيالك ضرب مثل مادعيّت على ولدي

[بن داوود]

ما اعتقد بأن المدرسه ضربت الطفل علشان بينهما عداوه. اكيد اطفل مشاغب وحركي مثل اي طفل في سنه
والضرب مفيد في سن معين للتأديب ( الضرب الغير المبرح طبعاً )
والمدرسه ضربته بقصد التأديب والله اعلم

[مسلمة]

المفروض تتأكدين من الموضوع اول

واسمع من المدرسة واعرف الغلط وين

وبعدين لاتنسين انتي كأم احيانا تضريبن ولدك

بس ضرب عن ضرب يفرق

اذا كان ضرب بسيط للتعليم

غير عن اني افش غيضي فيه

وبعدين يمكن ماردت على الوالدة ....احتمال شافتها منفعله واااااااااااايد

وانتي بعد باين عليك الانفعال

ولاتنسين الحلم سيد الاخلاق

لا تغضب لاتغضب لاتغضب


مب كل من ضرب عيالنا رحنا ضربنا وفنشناه من شغله في رب بنوقف قدامه وبيسالنا عن قطع رزقة الناااس ايش سببها كان ايش بتردين عليه اذكري الله ولا تخلين الشيطان يوسوس زياده عن اللزوم

:thumbup1:

العلاقة بين الأم والمدرسة يجب أن تكون أرقى من ذلك بين الطرفين ، علاقة حب لصالح الطفل

[رمــش الغلا]

انا مافكرت أقطع ارزاق أحد
انا ام وماحب الظلم وجربته في الشغل وماتمناه حق غيري
انا كلمت المديرة والمدرسه بتفاهم وتوصلنا حق حل
وقلت حق المديرة اصلا هو يبي القروب اللي كانوا معاه العام
وطلعنا احنا الأطراف الثلاثة راضيين على بعض
حتى المدرسّه اشكرتني اني مهتمه بالطالب وقالت من حقك تستفسرين عن اي شي ايضايق الولد

[SmartMan]

ويهدي الجميع ان شاء الله

عموما انا اكتفيت بردود الناس مايهمني رايك
ولا راح أخذ فيه اصلاً
وان شاء الله يضربون اعيالك ضرب مثل مادعيّت على ولدي

مادعيت على ولدج ...إلا بالخير وإن شاءالله الله يهديه
لكن أنا ماعجبني أنفعالج على مربيات فاضلات و تتلفظين عليهم بألفاظ ..سوقية ...تكذبينهم ....وتفترين عليهم !

على كلامج هذا ...اللي تقولينه راح تنشئين جيل المتردية والنطيحة ! ! !

الله يهديج إن شاءالله

[احمد زين الشباب]

مرحبا اختي..بس بغيت اعرف ولدج في روضه مستقله؟؟؟؟؟ لان ولدي في روضه مستقله معروفه ويعاني من عصبية الابله وكله يقول تصارخ عليهم وتعصب بعيونها!!!!!!!!

[بوخالد911]

انا مافكرت أقطع ارزاق أحد
انا ام وماحب الظلم وجربته في الشغل وماتمناه حق غيري
انا كلمت المديرة والمدرسه بتفاهم وتوصلنا حق حل
وقلت حق المديرة اصلا هو يبي القروب اللي كانوا معاه العام


وطلعنا احنا الأطراف الثلاثة راضيين على بعض
حتى المدرسّه اشكرتني اني مهتمه بالطالب وقالت من حقك تستفسرين عن اي شي ايضايق الولد

هذا أهم شي:victory::victory::victory:
واعتبري هالموقف مثل مطب صغير
وتجاوزتييه


تحياتي قبل أن أطب في مطباتي
:nice::nice::nice:

مسيوو / بوخالد911

[s o s o]

موقفج سليم اختي رمش الغلا
وانا لو مكانج سويت نفس الشي
انا معلمه عيالي لو اي احد يغلط فيهم او مايعطيهم حقهم مايسكتون ابدا طبعا بالطرق التي لاتخرج عن نطاق الادب
ولدي لما كان بالصف الثاني ابتدائي كلمتني مربية الفصل وقالتلي ولدج امريكي مايسكت عن حقه
تقول انا معوده الطلاب الي يجاوب اعطيه هديه حلاوه وولدج جاوب ونسيت اعطيه تخيلين ولدي شنو كانت ردة فعله وقف وهي تشرح وقالها ابله انا اسمي فلان الفلاني وانا جاوبت على السؤال وانا الحين زعلان
قالتله ليش ..قالها لانج نسيتي تعطيني حلاوتي
قالتله خذ حلاوتك حبيبي.. قالها الحين ماابي لاني زعلان
حاولت حاولت انه ياخذها ماخذها والله مسكينه قالتله خذ العلبه كلها قالها ماابي بكره بجاوب بس لاتنسين هديتي ياابله
عجبها المدرسه في ذاك الوقت موقف ولدي واحترمت شعوره واعرفت نوع شخصيته ومن يومها وهي تراعي انها ماتنسى هديه احد من الطلاب
هالكلام من زمان اتوقع لو هالايام جان تسطر ولدي ههههههه
عموما الحين ولدي فديته ثالث ثانوي وفارض شخصيته واحترامه على الكل واتوقعله مستقبل مشرق ان شاء الله

اختي رمش الغلا ماعليج من حد انتي ام ومن حقج تدافعين عن ابنائج بطريقتج الي تشوفينها تحميهم وربيهم على المبادئ والقيم وشوفي الجيل الي بيطلع من تحت يدج

[رمــش الغلا]

مادعيت على ولدج ...إلا بالخير وإن شاءالله الله يهديه
لكن أنا ماعجبني أنفعالج على مربيات فاضلات و تتلفظين عليهم بألفاظ ..سوقية ...تكذبينهم ....وتفترين عليهم !

على كلامج هذا ...اللي تقولينه راح تنشئين جيل المتردية والنطيحة ! ! !

الله يهديج إن شاءالله

يخاطبني السفيه بكل قبح ** فأكره أن أكون له مجيبا

[رمــش الغلا]

مرحبا اختي..بس بغيت اعرف ولدج في روضه مستقله؟؟؟؟؟ لان ولدي في روضه مستقله معروفه ويعاني من عصبية الابله وكله يقول تصارخ عليهم وتعصب بعيونها!!!!!!!!

خــــــاصة

[رمــش الغلا]

موقفج سليم اختي رمش الغلا
وانا لو مكانج سويت نفس الشي
انا معلمه عيالي لو اي احد يغلط فيهم او مايعطيهم حقهم مايسكتون ابدا طبعا بالطرق التي لاتخرج عن نطاق الادب
ولدي لما كان بالصف الثاني ابتدائي كلمتني مربية الفصل وقالتلي ولدج امريكي مايسكت عن حقه
تقول انا معوده الطلاب الي يجاوب اعطيه هديه حلاوه وولدج جاوب ونسيت اعطيه تخيلين ولدي شنو كانت ردة فعله وقف وهي تشرح وقالها ابله انا اسمي فلان الفلاني وانا جاوبت على السؤال وانا الحين زعلان
قالتله ليش ..قالها لانج نسيتي تعطيني حلاوتي
قالتله خذ حلاوتك حبيبي.. قالها الحين ماابي لاني زعلان
حاولت حاولت انه ياخذها ماخذها والله مسكينه قالتله خذ العلبه كلها قالها ماابي بكره بجاوب بس لاتنسين هديتي ياابله
عجبها المدرسه في ذاك الوقت موقف ولدي واحترمت شعوره واعرفت نوع شخصيته ومن يومها وهي تراعي انها ماتنسى هديه احد من الطلاب
هالكلام من زمان اتوقع لو هالايام جان تسطر ولدي ههههههه
عموما الحين ولدي فديته ثالث ثانوي وفارض شخصيته واحترامه على الكل واتوقعله مستقبل مشرق ان شاء الله

اختي رمش الغلا ماعليج من حد انتي ام ومن حقج تدافعين عن ابنائج بطريقتج الي تشوفينها تحميهم وربيهم على المبادئ والقيم وشوفي الجيل الي بيطلع من تحت يدج
جزاك الله خير اختي سوسو
بصراحة مب عارفة شلون أشكرك
واتمنى انه ولدي يطلع مثل ولدج اللي في أول ثانوي الله يخليه لج ان شاء الله واتشوفيه معرس :dance

[s o s o]

جزاك الله خير اختي سوسو
بصراحة مب عارفة شلون أشكرك
واتمنى انه ولدي يطلع مثل ولدج اللي في أول ثانوي الله يخليه لج ان شاء الله واتشوفيه معرس :dance

ثالث ثانوي يارمش الغلا
وان شاء الله ولدج يطلع فارس الفرسان
قولي
آمين

[zeknon]

لا تتسرعين

شووفي الولد شمسووي بالاول وهل صحيح ان المدرسة ضربته او لا
بعدين واذا ضربتة وين المشكلة
صدقيني اذا ضربتة فاكييد انة ضرب خفيف
يمكن ملعوزها ولدج في الصف
خليها تأدبة او ماعليج منة كل ماصاااح طرتي بعباتج للمدرسة تهاوشين
ارحميهم خليهم يتصرفون معاة
في ايامنا كنا ننضرب ضرب لين يتعب المدرس من الضرب
بس استفدنا كنا ندرس وانخاف من المدرس والله لو ايمر في شارعنا واحنا برا نقووم نتراكض ننخش عشان مايشوفنا في الشارع

[رمــش الغلا]

آميــــــــــــــــــــــن

[المقهوره]

مرحبا اختي..بس بغيت اعرف ولدج في روضه مستقله؟؟؟؟؟ لان ولدي في روضه مستقله معروفه ويعاني من عصبية الابله وكله يقول تصارخ عليهم وتعصب بعيونها!!!!!!!!

ياجماعه شي طبيعي انها تعصب وتصارخ
هذه بشر لها طاقه
والصف فيه اكثر من 20 طالب والاغلبيه مشاغبين بصراحه بالذات الاولاد يجننون بلد
انا رحت مدرسه ابتدائيه قسمن بالله ماغير مشردين كل وا حد بصوب وصوتهم عالي ومزعجين وين الواحد يتحملهم لازم تعصب وتخلي لنفسها هيبه يخافون منها شوي ويقعدون .

[بوجاسم 75]

اختي لتكررين هالكلام وايد ...الحين خواف ومساعه جبان .. ترى هاي ولدج ..... لي كبر ودخل المنتدى عقب 20سنه اكيد بيزعل ..... لتلصقين فيه صفات من الحين ... وعالجي عيوبه بنفسج

وبالنسبة للمدرسه ... روحي وضربيها ... قوليلها انتي ضربتي ولدي لانه غلط ... وان اضربك اليوم لانك غلطتي .... وخلاص ... كلن يربي الثاني بطريقته.


لالالالالالالالالالالالالالالالالالالالاالالالالال الاالالالالالللالالالالالالالالالالا تعليق

[رمــش الغلا]

هذا أهم شي:victory::victory::victory:
واعتبري هالموقف مثل مطب صغير
وتجاوزتييه


تحياتي قبل أن أطب في مطباتي
:nice::nice::nice:

مسيوو / بوخالد911


:shy:
الله لايعيده من موقف
تسلم يا بوخالد على التواصــــــــــل

[بوجاسم 75]

حبيت أبشركم اني رحت الروضة ودخلت على المديرة على طول وفي عيني الشر :vampire:
واستدعوا المتهمة وسألتها المديرة وانكرت وتمت تحلف واتقول يمكن الأطفال ضربوه انا حسيت من كلامها انها كذابه لأنه ويهها تغير..
وتقول انها ماسمعت امي وهي تسألها كان إزعاج.. :anger1:
وكان معاي ولدي سألته المدرسّه انا ضربتك كان ساكت مايرد
وطلبت آنا منهم انه ينقلونه صف ثاني عند مدرسّه غير هاذي وايد عصبيه مالها بارض على اليهال
والمديرة قالت احنا آسفين ومن هالسوالف اللي اتبرد القلب :eek2:
وبس هذا اللي صار

مشكورين يااعضاء شبكة الأسهم القطرية وقفتهم هاذي مانساهـــــــــــا طول عمري
ماقصرتوا والله
وتسلمون,,,ربي يحفظكـــــــــــــــــــــم


تمام التمام الله يحفظ ولدج انشاءالله وعيال الجميع

[رمــش الغلا]

تمام التمام الله يحفظ ولدج انشاءالله وعيال الجميع

ويحفظ ولدك جاسم ويخليه لك,,,
ومشكور على الــــــــــرد اخوي العزيز
:)

[رمــش الغلا]

اقترح تاخذين هدية للمدرسة وتروحين عند المديرة وتشرحيلها الوضع وشوفي الاحراج اللي راح تحس فيه المدرسة. وادفع باللتي هي احسن.

يضربون ولدي وأعطيهم هدايا
القلب مايطاوع وانا اختك

[SmartMan]

يخاطبني السفيه بكل قبح ** فأكره أن أكون له مجيبا

والصمت عن جاهل أو أحمق شرف .... وفيه أيضا لصون العرض إصلاح

[هاجر]

حبيت أبشركم اني رحت الروضة ودخلت على المديرة على طول وفي عيني الشر :vampire:
واستدعوا المتهمة وسألتها المديرة وانكرت وتمت تحلف واتقول يمكن الأطفال ضربوه انا حسيت من كلامها انها كذابه لأنه ويهها تغير..
وتقول انها ماسمعت امي وهي تسألها كان إزعاج.. :anger1:
وكان معاي ولدي سألته المدرسّه انا ضربتك كان ساكت مايرد
وطلبت آنا منهم انه ينقلونه صف ثاني عند مدرسّه غير هاذي وايد عصبيه مالها بارض على اليهال
والمديرة قالت احنا آسفين ومن هالسوالف اللي اتبرد القلب :eek2:
وبس هذا اللي صار

مشكورين يااعضاء شبكة الأسهم القطرية وقفتهم هاذي مانساهـــــــــــا طول عمري
ماقصرتوا والله
وتسلمون,,,ربي يحفظكـــــــــــــــــــــم





الصراحة والله عورني قلبي :(
هذي اللي المفروض يقال لها
قم للمعلم وفه التبجيلا كاد المعلم أن يكون رسولا :(
من علمني حرفاً صرت له عبداً :(


المفروض كنتي تاخذين حقج وحق ولدج باللين والكلمة الطيبة وفهم الموضوع من أساسه مب تجيبين ولد (الله يحفظه لج ويبارك لج فيه) عمره أربع سنوات وتواجهينه بمعلمة لها مكانتها وهيبتها ويمكن عمرها تعدى الثلاثين وتسفهين بها وطلعينها ولا شيء قدام ولدج :(
وبعدين ليش داشه والشرر يتطاير من عينج ليش هالأسلوب حتى لو ولدي مادامه بخير والضربه مالها أثر بس إنها حزت بخاطره وهذي تقدرين تعالجينها بينج وبين المعلمة



لا تفتكرين أنا ضدج وضد إحساس الأمومة اللي عندج لا والله بس الصراحة اللي سويتيه عور قلبي أكثر
كل يوم نسمع شيء إلا معلم انفصل إلا نسجن إلا نضرب وهذا كله من تأثيرنا احنا المباشر على عيالنا وتقليلنا من هيبة وقدر المعلم عندهم، عن نفسي والله لو أقعد بالبيت وأتفرغ تفرغ كامل وتام لولدي بعد ماراح يكون لي بارض مثلهم ولا راح أعلمه ربع اللي يعلمونهم اياه بالمدارس


تحية إجلال وتقدير لكل معلم ومعلمة والله يجزيكم عنا كل خير :(

[SmartMan]

الصراحة والله عورني قلبي :(
هذي اللي المفروض يقال لها
قم للمعلم وفه التبجيلا كاد المعلم أن يكون رسولا :(
من علمني حرفاً صرت له عبداً :(


المفروض كنتي تاخذين حقج وحق ولدج باللين والكلمة الطيبة وفهم الموضوع من أساسه مب تجيبين ولد (الله يحفظه لج ويبارك لج فيه) عمره أربع سنوات وتواجهينه بمعلمة لها مكانتها وهيبتها ويمكن عمرها تعدى الثلاثين وتسفهين بها وطلعينها ولا شيء قدام ولدج :(
وبعدين ليش داشه والشرر يتطاير من عينج ليش هالأسلوب حتى لو ولدي مادامه بخير والضربه مالها أثر بس إنها حزت بخاطره وهذي تقدرين تعالجينها بينج وبين المعلمة



لا تفتكرين أنا ضدج وضد إحساس الأمومة اللي عندج لا والله بس الصراحة اللي سويتيه عور قلبي أكثر
كل يوم نسمع شيء إلا معلم انفصل إلا نسجن إلا نضرب وهذا كله من تأثيرنا احنا المباشر على عيالنا وتقليلنا من هيبة وقدر المعلم عندهم، عن نفسي والله لو أقعد بالبيت وأتفرغ تفرغ كامل وتام لولدي بعد ماراح يكون لي بارض مثلهم ولا راح أعلمه ربع اللي يعلمونهم اياه بالمدارس


تحية إجلال وتقدير لكل معلم ومعلمة والله يجزيكم عنا كل خير :(

كلام من ذهب وعين العقل ....بس من اللي يفهم ويقدر ..؟؟؟؟؟

[رمــش الغلا]

الصراحة والله عورني قلبي :(
هذي اللي المفروض يقال لها
قم للمعلم وفه التبجيلا كاد المعلم أن يكون رسولا :(
من علمني حرفاً صرت له عبداً :(


المفروض كنتي تاخذين حقج وحق ولدج باللين والكلمة الطيبة وفهم الموضوع من أساسه مب تجيبين ولد (الله يحفظه لج ويبارك لج فيه) عمره أربع سنوات وتواجهينه بمعلمة لها مكانتها وهيبتها ويمكن عمرها تعدى الثلاثين وتسفهين بها وطلعينها ولا شيء قدام ولدج :(
وبعدين ليش داشه والشرر يتطاير من عينج ليش هالأسلوب حتى لو ولدي مادامه بخير والضربه مالها أثر بس إنها حزت بخاطره وهذي تقدرين تعالجينها بينج وبين المعلمة



لا تفتكرين أنا ضدج وضد إحساس الأمومة اللي عندج لا والله بس الصراحة اللي سويتيه عور قلبي أكثر
كل يوم نسمع شيء إلا معلم انفصل إلا نسجن إلا نضرب وهذا كله من تأثيرنا احنا المباشر على عيالنا وتقليلنا من هيبة وقدر المعلم عندهم، عن نفسي والله لو أقعد بالبيت وأتفرغ تفرغ كامل وتام لولدي بعد ماراح يكون لي بارض مثلهم ولا راح أعلمه ربع اللي يعلمونهم اياه بالمدارس


تحية إجلال وتقدير لكل معلم ومعلمة والله يجزيكم عنا كل خير :(


مشكورة ع التعقيب
انا ولدي كان يلعب في غرفه المديرة وكلش مب معانا
المدرسّه سألته وهي تضحك انا ضربتك؟؟؟ سكت هو
انا ما اقصد أقلل من هيبة المدرسة جدام الولد
بالعكس انا احترم كل مدرسة ومربية أجيال
بس حبيت أتأكد من شي ,, ومايصير هالشي إلا بالمواجهه وماظن اني غلطت
وأقرأي رد soso وهي مدرسّة واتعرف هالأمور
وشكرا مرة ثانية
:)

[روح-قطر]

يعني احنا ما نحب عيالنا:(

[omar77]

السلام عليكم ورحمه الله وبركاته

بقولكم سالفة صارت اليوم
امي راحت تاخذ ولدي من الروضه وكان ايصيح سألته اشفيك قال المدرسه ضربتني وانا زعلان ماحب الروضه خلاص
عاد امي دشت الصف وقالت حق المدرسّة شمسوي الولد عشان تضربينه ماردت عليها وسألتها مرة ثانية وبعد تمت ساكته .... آه ياحرقة قلبي لو آنا مكان أمي جان سطرتها :mad:

عاد انا بكرة باغيب وبروح الروضة من الفجر انطرها ما اظن اليوم ارقد من الحره

شتنصحوني قبل لااتهور وافنشه من الروضه مع انه مابي هالشي ايصير لأنه روضه معروفه ومستواها عالي جدا

أبي رايكم ؟؟؟؟؟؟؟؟؟


اختي الضرب مع بعض الاطفال مطلوب
وبعدين دام هي ما ردت وما دافعت عن نفسها ما نقدر نقول ضربته
يعني الياهل لو صرخت عليه بيقول ضربتني
وبعدين هذي تعتبر مربيه وما اعتقد لو هزئتيها بيكون لها قيمه عند الاطفال
وبيتساهلون وياها

[هاجر]

مشكورة ع التعقيب
انا ولدي كان يلعب في غرفه المديرة وكلش مب معانا
المدرسّه سألته وهي تضحك انا ضربتك؟؟؟ سكت هو
انا ما اقصد أقلل من هيبة المدرسة جدام الولد
بالعكس انا احترم كل مدرسة ومربية أجيال
بس حبيت أتأكد من شي ,, ومايصير هالشي إلا بالمواجهه وماظن اني غلطت
وأقرأي رد soso وهي مدرسّة واتعرف هالأمور
وشكرا مرة ثانية
:)




عزيزتي هذا احساسج إنتي انها تضحك لكنها بداخلها أكيد مستنكرة هذا الشيء
قد يكون كلامها صحيح وكانوا فعلا يتهاوشون مع بعض وحبت تباعدهم واعتبرها ولدج ضربه وقد وقد قد تفسيرات كثيرة أنا أرد واعيد وأقول لج أنا ما ألومج على احساسج بس على الأقل كان خليتها من ثاني مره من ثالث مره هذي أول مره ولدج يتعرض لهذا الشيء يمكن يكون متسبب ويمكن يكون مُتسبب عليه والمواجهة اللي تتكلمين عنها المفروض تكون بينج وبين المعلمة وعلى انفراد حتى بدون وجود المديرة بالنهاية هذي معلمة وقاعدة تعلم ولدج وطلاب غيره بعد أرد أعيد لج وأكرر لج أبداااً ما ألومج لكني أعتب على تصرفج ولا تتوقعين أبداً إنه ولدج ما كان معاكم صحيح انتي شفتيه يلعب ويناقز ومشغول بس كل كلامكم تخزن في الذاكرة ويقدر يسترجعها بأي وقت

اعذريني على مداخلتي والله يوفق الجميع لما يحب ويرضى

[ابن مانع]

الحمدلله على السلامة

[رمــش الغلا]

الحمدلله على السلامة

الله يسلمك

[الألماسي]

الصراحة والله عورني قلبي :(
هذي اللي المفروض يقال لها
قم للمعلم وفه التبجيلا كاد المعلم أن يكون رسولا :(
من علمني حرفاً صرت له عبداً :(


المفروض كنتي تاخذين حقج وحق ولدج باللين والكلمة الطيبة وفهم الموضوع من أساسه مب تجيبين ولد (الله يحفظه لج ويبارك لج فيه) عمره أربع سنوات وتواجهينه بمعلمة لها مكانتها وهيبتها ويمكن عمرها تعدى الثلاثين وتسفهين بها وطلعينها ولا شيء قدام ولدج :(
وبعدين ليش داشه والشرر يتطاير من عينج ليش هالأسلوب حتى لو ولدي مادامه بخير والضربه مالها أثر بس إنها حزت بخاطره وهذي تقدرين تعالجينها بينج وبين المعلمة



لا تفتكرين أنا ضدج وضد إحساس الأمومة اللي عندج لا والله بس الصراحة اللي سويتيه عور قلبي أكثر
كل يوم نسمع شيء إلا معلم انفصل إلا نسجن إلا نضرب وهذا كله من تأثيرنا احنا المباشر على عيالنا وتقليلنا من هيبة وقدر المعلم عندهم، عن نفسي والله لو أقعد بالبيت وأتفرغ تفرغ كامل وتام لولدي بعد ماراح يكون لي بارض مثلهم ولا راح أعلمه ربع اللي يعلمونهم اياه بالمدارس


تحية إجلال وتقدير لكل معلم ومعلمة والله يجزيكم عنا كل خير :(


مداخله من ذهـب . .

[مسكين]

الحمد لله أن المشكلة بسيطة وقدرتي تحلينها بدون هواش وبوليس ( :