حد يعرف علاج للثعلبة ؟!!!

[q-qatar]

حق ولد عمره 8 سنوات

نوع الثعلبة " نثية "

كلت نص شعرة :( ووديناه مصر العلاج نفع شوي بس رجع تراجع

ووديناه سوريا بعد مافيه فايده / مستمرين على العلاج بس مااشوف نتائج

اخذناة حق مطوع وقرى علية / قلنا يمكن عين بس مافيه فايده

استخدمنا الثوم مع الايدين بس مافيه فايدة

اخذنا ماينا كلنا وغلسنا فيه شعره بس بعد مافيه فايده

وديناه حق حلاق لبناني قالوا لنا عليه عنده علاج بس بعد مافاد

الولد صار له الحين تقريبا 3 سنوات والثعلبة كل يوم تزيد

عندي له صورة حق شعرة للي عنده الحل راح ارسلها له على الخاص ويشوفها ويعطيني الحل


اللي راح يلقى له علاج او يدلني على دكتور او حد يفيدني راح يسوي فيه خير

الولد بدأ يفقد الامل وصار ينظر لشعره مثل اوراق الخريف تتساقدط مثل شعر راسة :(



ناويين نسوي له حجامة بس مادري اخاف نسوي والولد مايستفيد



ياليت حد يفيدني بأي شيء بس نوصل لحل

[عازف الاورج]

وديه حق مطوع ممتاز وباذن الله بتروح

اخوي الصغير كان فيه وقرو عليها واخفت تماما الحمدلله

[Silver.Ocean]

ماء زمزم لما شرب له
عطيه ماي زمزم و ادعي ربك ان يشفيه ..... بالدعاء تمشي كل الامور

[بوحمد1]

فيه طبيبين جلد في عيدة الشرطة يمدحونهم

[ابن مانع]

وديتوه حق البناني الي في بن محمود
وشفت مرة لقاء مع الشيخ عقل الي في سوق واقف يقول ان الحجامه تعالج الثعلبه

[eXpert*]

اختي أخذي فص ثوم وقصيه نصفين ورشي عليه ملح و أفركي فروة الراس ، وكل شوي حطي ملح وافركيّ .
لين تحسين الفروة صارت حمراء . لا توقفين عن العلاج لين ينبت الشعر بأذن الله .

[roudam]

الله يشفيه ان شالله..

الللي اعرفه ان الحجامه مامنها ضرر وانها مفيده لجميع الامراض بإذن الله..

ولد خالتي يوم كان صغير كان فيه ثعلبه وكانت امه كل ليله اول مايرقد تمسح ثوم مكان الثعلبه وكانت تقرا عليه والحمدلله راحت ..

بس اذا كان الثوم يزعجه ممكن اتصخن زيت زيتون مع الثوم وتمسحه على راسه وهو دافي مع التدليك لأن التدليك زين حق البصيلات وتستمر عليه..

والله يشفيه ان شالله..

[أم الحلووين]

اانامجربه الثوم مع عيالي والحمدالله صارلهم اسبوعين وخف عليهم

[q-qatar]

وديه حق مطوع ممتاز وباذن الله بتروح

اخوي الصغير كان فيه وقرو عليها واخفت تماما الحمدلله


اخوي منهو المطوع اللي تنصحني فيه ؟

لأننا رحنا حق مطوعين تقريبا بس مافيه فايده

[q-qatar]

ماء زمزم لما شرب له
عطيه ماي زمزم و ادعي ربك ان يشفيه ..... بالدعاء تمشي كل الامور

ايه جربنا له ماء زمزم بس مافاد

[q-qatar]

فيه طبيبين جلد في عيدة الشرطة يمدحونهم


اخوي ممكن تعطيني اسمائهم ؟

او ارقامهم لو سمحت

[q-qatar]

وديتوه حق البناني الي في بن محمود
وشفت مرة لقاء مع الشيخ عقل الي في سوق واقف يقول ان الحجامه تعالج الثعلبه

ايه اخوي وديناه حق اللي في بن محمود وتابعه لفترة بس مافيه فايده

بالنسبه للقاء ايه انا شفته ولهاالسبب فكرنا بالحجامة عند الشيخ عقل انشاء الله تجيب نتيجة

[q-qatar]

اختي أخذي فص ثوم وقصيه نصفين ورشي عليه ملح و أفركي فروة الراس ، وكل شوي حطي ملح وافركيّ .
لين تحسين الفروة صارت حمراء . لا توقفين عن العلاج لين ينبت الشعر بأذن الله .

انشاء الله راح نجرب هاالطريقة وانشاء الله تجيب نتيجة

يارب

تسلمين اختي

[q-qatar]

الله يشفيه ان شالله..

الللي اعرفه ان الحجامه مامنها ضرر وانها مفيده لجميع الامراض بإذن الله..

ولد خالتي يوم كان صغير كان فيه ثعلبه وكانت امه كل ليله اول مايرقد تمسح ثوم مكان الثعلبه وكانت تقرا عليه والحمدلله راحت ..

بس اذا كان الثوم يزعجه ممكن اتصخن زيت زيتون مع الثوم وتمسحه على راسه وهو دافي مع التدليك لأن التدليك زين حق البصيلات وتستمر عليه..

والله يشفيه ان شالله..



انشاء الله نسوي له الحجامة ويارب تكون فيه منها فايده

وراح نجرب له الثوم بالليل

تسلمين اختي

اللهم آ مين

[q-qatar]

اانامجربه الثوم مع عيالي والحمدالله صارلهم اسبوعين وخف عليهم

جزاج الله خير اختي ام الحلويين

انشاء الله راح نجرب الثوم عدل هذه المره

[Bo Khalid]

مشكلة الله يسلمك نفسية أكثر ما هي عضوية

ممكن أتكون المشاكل وبعض الأمور هي إلي مأثرة عليه

[um.yousef]

العلاج الشافي باذن الله المداومه على قراة سورة البقره عليه كل يوم والله يا اختي مجرب والحمد لله وبتشوفين النتيجه ان شاء الله

[قطررررريه]

اختي انا كان عندي بنتي وعمرها كان 5 سنوات مثل ما قلتي تفاجاة بشعرها رايح كانها صلعاء ولا كان فيه شعر من الاصل
بس الله يجزاها الف خير ويطول في عمرها جدتها ام ابوها شافتها وقالت العلاج عندي مال اجدودنا ولا تودينها طبيب ولا غيره

الحل:

رحنا المطبخ وجابت الهاون الحديد القديم وقلبتة يعني خلت فمه لتحت والقاعده فوق فاهمة علي

المهم جابت رز(عيش) وحطتة فوق القاعدة بعدين جابت سكين وحطتها على النار لين صارت حمرا حيل وجابتها وحطتها فوق الرز لين تم يحترق ويطلع له لون مثل الصدأ وكررت العملية لين صار صدأ كمية وخذت هذا الصدأ وحطتة على شعر بنتي الصراحة اول مرة ما صدقتها بس بعد كم يوم وهي تكرر نفس العملية شفت النتيجة بعيني وبنتي الحين عمرها 15 سنة ما شاء الله وشعرها طويل ولا فيه اي شي


ادري اني طولت عليج بس حبيت افيدج بتجربتي عساها تكون شورة خير على ولدج وتدعيني لي في ظهر الغيب

[ابن مانع]

ايه اخوي وديناه حق اللي في بن محمود وتابعه لفترة بس مافيه فايده

بالنسبه للقاء ايه انا شفته ولهاالسبب فكرنا بالحجامة عند الشيخ عقل انشاء الله تجيب نتيجة

جعل ربي يشفيه ان شاءالله ويطمنكم عليه

[MP3]

وديه حق الدكتور حسن العبدالله وايد ممتاز

[سيدة أعمــال]

الله يشفيه ان شاء الله

الغاليه شوفي الدكتوره عايده ممتازه وايد

وعندها علاج ( ابر الميزو ) لتساقط الشعر هو اساسا لعلاج الثعلبه يمنعه من التساقط

[الحنـــان]

دكتور احمد غازي اوكي

كان ينصح بقطعه صوف تفركين المكان

[455]

الشيخه اولا لازم تصبرون وتتوكلون على رب العالمين

وبعدين مافي شي افضل من قيام الليل والدعاء وشرب ماء زمزم وقراءه على ماء ويشرب منه وتغسلون مكان الاصابه وايضا الصدقه بارك الله فيج مهمة وان شاء الله يطيب وماعليه شر

اما بخصوص العلاج الاخر فانا اعرف شخص كان في ثعلبه وكان في حلب çسورياç
واخذ علاج من السوق الشعبي هناك من عند العطاريين وطاب ماشاء الله وجربه ايضا شخص اخر وفاد معاه هو عباره عن مرهم لزج وخليط من مواد اذا في حد رايح حلب وصوه وانا من صوبي ان شاءالله بحاول اوفره لكم على بعد العيد

واذكرج بالصلاه خل الولد يصلي ويدعي رب العالمين علموه وان شاء الله يطيب

وبشرينا بالنتايج وماتشوفون شر يبا

[q-qatar]

مشكلة الله يسلمك نفسية أكثر ما هي عضوية

ممكن أتكون المشاكل وبعض الأمور هي إلي مأثرة عليه

صح الدكاترة اغلبهم قالوا هي شغلة نفسية

بس تدري اخوي طفل عمره 8 سنوات حتى لو فيه ظروف نفسية اعتقد صعب انك تعالجها او تطلع اللي بداخله هو فعلا كان كتوم ومايتكلم واحنا الان حاولنا نخلية ياخذ حقة بالكلام ويتكلم وفعلا صاير يتكلم وياخذ حقة لكن الثعلبة زادت

[q-qatar]

العلاج الشافي باذن الله المداومه على قراة سورة البقره عليه كل يوم والله يا اختي مجرب والحمد لله وبتشوفين النتيجه ان شاء الله

انشاء الله اخوي وجزاك كل خير

[q-qatar]

اختي انا كان عندي بنتي وعمرها كان 5 سنوات مثل ما قلتي تفاجاة بشعرها رايح كانها صلعاء ولا كان فيه شعر من الاصل
بس الله يجزاها الف خير ويطول في عمرها جدتها ام ابوها شافتها وقالت العلاج عندي مال اجدودنا ولا تودينها طبيب ولا غيره

الحل:

رحنا المطبخ وجابت الهاون الحديد القديم وقلبتة يعني خلت فمه لتحت والقاعده فوق فاهمة علي

المهم جابت رز(عيش) وحطتة فوق القاعدة بعدين جابت سكين وحطتها على النار لين صارت حمرا حيل وجابتها وحطتها فوق الرز لين تم يحترق ويطلع له لون مثل الصدأ وكررت العملية لين صار صدأ كمية وخذت هذا الصدأ وحطتة على شعر بنتي الصراحة اول مرة ما صدقتها بس بعد كم يوم وهي تكرر نفس العملية شفت النتيجة بعيني وبنتي الحين عمرها 15 سنة ما شاء الله وشعرها طويل ولا فيه اي شي


ادري اني طولت عليج بس حبيت افيدج بتجربتي عساها تكون شورة خير على ولدج وتدعيني لي في ظهر الغيب

تسلمين اختي والله يطول بعمر ام زوجج والله الكبار بالسن هم نور للبيت

اختي اذا فيه مجال نجيب الولد حق ام زوجج اذا تسمحين هي سوي له يمكن يكون في يدها الخير ولأن اكيد هي تعرف احنا والله مانعرف

[q-qatar]

جعل ربي يشفيه ان شاءالله ويطمنكم عليه

امين يارب

[q-qatar]

وديه حق الدكتور حسن العبدالله وايد ممتاز

وديناه بعد مافيه فايده

[q-qatar]

الله يشفيه ان شاء الله

الغاليه شوفي الدكتوره عايده ممتازه وايد

وعندها علاج ( ابر الميزو ) لتساقط الشعر هو اساسا لعلاج الثعلبه يمنعه من التساقط

وديناه لها وعطتة ابر علشان تحدد انتشار الثعلبه وبعد مافيه فايده للأسف زادت اكثر وانتشرت

[q-qatar]

دكتور احمد غازي اوكي

كان ينصح بقطعه صوف تفركين المكان

تسلمين اختي

هذا ماجربناه انشاء الله نجربة ويارب يكون بيده فايده

[q-qatar]

الشيخه اولا لازم تصبرون وتتوكلون على رب العالمين

وبعدين مافي شي افضل من قيام الليل والدعاء وشرب ماء زمزم وقراءه على ماء ويشرب منه وتغسلون مكان الاصابه وايضا الصدقه بارك الله فيج مهمة وان شاء الله يطيب وماعليه شر

اما بخصوص العلاج الاخر فانا اعرف شخص كان في ثعلبه وكان في حلب çسورياç
واخذ علاج من السوق الشعبي هناك من عند العطاريين وطاب ماشاء الله وجربه ايضا شخص اخر وفاد معاه هو عباره عن مرهم لزج وخليط من مواد اذا في حد رايح حلب وصوه وانا من صوبي ان شاءالله بحاول اوفره لكم على بعد العيد

واذكرج بالصلاه خل الولد يصلي ويدعي رب العالمين علموه وان شاء الله يطيب

وبشرينا بالنتايج وماتشوفون شر يبا




تسلم اخوي وانشاء الله يكون خير يارب


بالنسبه للعلاج انا عندي ناس في سوريا ممكن اطلب منهم يجيبون لي هاالدواء ممكن تذكر لي اسمة


واذا انت رايح في العيد اذا ماعليك كلافه جيب لي العلاج وانشاء الله حسابك محفوظ ياخوي


وماتقصر

[PARIS]

الله يشفي مريضكم ويطمنكم عليه..........

[q-qatar]

اللهم آمين اخوي

[عاشقة الجنه]

ممكن الصووور .!!

[@سنافية قطر@]

الله يشافيه ويعافيه وتشوفينه معرس وبسايله طايحة على كتوفه و طالعة من تحت الغترة

آمين يارب

[q-qatar]

ممكن الصووور .!!

اختي يعني عندج له علاج لو ارسلت لج صورة راسة ؟؟؟؟

[q-qatar]

الله يشافيه ويعافيه وتشوفينه معرس وبسايله طايحة على كتوفه و طالعة من تحت الغترة

آمين يارب

آآآآآآآآآآآآآآآآآمين يارب بس مانبي بسايلة طايحة لين كتوفة نبيها بس تطلع :)

وماراح نطولها نخاف تكون عين المهم تطلع


تسلمين اختي على الدعوة الزينة أأمين يارب

[Bo Khalid]

صح الدكاترة اغلبهم قالوا هي شغلة نفسية

بس تدري اخوي طفل عمره 8 سنوات حتى لو فيه ظروف نفسية اعتقد صعب انك تعالجها او تطلع اللي بداخله هو فعلا كان كتوم ومايتكلم واحنا الان حاولنا نخلية ياخذ حقة بالكلام ويتكلم وفعلا صاير يتكلم وياخذ حقة لكن الثعلبة زادت

الله يشفيه أنشاء الله

نصيحة شوفي يمكن في حد مزعجة في المدرسة سواء كانو طلاب ولا مدرسين ومستحي يقول لكم

نصيحة بعد حاولي تشغلين وقتة في شي مفيد عشان ما تعطية فرصة يفكر في أي شي مزعلة

[455]

تسلم اخوي وانشاء الله يكون خير يارب


بالنسبه للعلاج انا عندي ناس في سوريا ممكن اطلب منهم يجيبون لي هاالدواء ممكن تذكر لي اسمة


واذا انت رايح في العيد اذا ماعليك كلافه جيب لي العلاج وانشاء الله حسابك محفوظ ياخوي


وماتقصر

الشيخه اولا انسي موضوع الحساب وماحساب نهائي ، نبي الاجر الله يسلمج

والعلاج ماله اسم فقط هو علاج للثعلبه ومن حلب سوق المدينه مكان العطارين ومع شرح الحاله وان شاء الله يستفيد واذا ماتوفر لين العيد في ناس جايين اوصيهم بس بلغيني قبل ..
وخلوا املكم بالله كبير ولاتقطعون حبل الرجاء

[qatar2090]

عندك دكتور ابوحلاوه معروف بس مااتذكر اسمه
بس للامانه اي ثعلبه يقدر عليها
والله يشفيه انشالله

[نجمة سهيل]

مااا يشوف شر ان شا الله


واسال الله ان يشفيه

[Fine Touch]

و ديه حق الدكتور وليد حلاوه......يمكن يحتاج أدويه!! و الله يشفيه

[BuNooR]

عندك دكتور ابوحلاوه معروف بس مااتذكر اسمه
بس للامانه اي ثعلبه يقدر عليها
والله يشفيه انشالله

:nice::nice::nice::nice:

[الصقر10]

اختي وديه المستشفى العسكري في دكاترة جلد يفهمون في الثعلبه ويعالجونها بأذن الله
لا تتوهون نفسكم خليش على دكتور واحد مع العلاج العشبي بس
الله يشفيه ويعافيه

[Nasser2006]

هلا أختي أنا كان فيني الثعلبة في الوجه ورحت

حق مركز الدكتور فهد عبدالله الباكر للامراض الجلدية والتجميلية

والله أنه أحسن دكتور في قطر أحسن من حسن عبدالله.

وهاي رقم التلفون: 4688228

في المعمورة كأنك رايحة سوق الشبرة(الخضار والفواكه والسمك)

وهاي الموقع من قوقل ماب وموقعه العلامة الي بالاخضر حرف الa:

56152

[qtri1]

الله يشفيه ان شالله..
وديه عند دكتور بوحلاوه هذا جيد وااايد\واحد عالج عنده او راحت هو في فريج العسيرعند الاشارت

[dammaj77]

حالة نفسيه اكيد عنده اكتأب

يجب ان تتغير نفسيه الطقل او الولد

العلاجات مامنها فائدة

[راسيه]

اختي مالج الا الثوووم
اخوي كانت فيه ثعلبه
ياليت احصل صورته عشان احطها لج
ومن بعد الثوووم وحده عجوز فلسطنيه امدحته لامي
الحمد لله شفى تمااااماااا

[q-qatar]

تسلمووون والله

راح ناخذه للدكتور وليد ابو حلاوة بالاول ونشوف

لأن حسن عبدالله مافيه فايدة و الحلاق اللي في بن محمود بعد ماجاب نتيجة

بنشوف ابو حلاوة او اللي بالعسكري

[K.h]

اختي وديه عند الدكتور احمد جلال في عيادة الدوحة

دكتور فنان ماشالله عليه

كنت اعاني من امرض جلدية وساعدني بعد عناء سنه من دكتور لدكتور

[q-qatar]

اها

انشاء الله

تسلم اخوي

[s4qatar]

ودوه حق الدكتورة سميرة المتروك في البحرين .. راح تعالجة بإبر الكورتيزون البارد وهو النوع الجديد.. والله هو الشافي

[q-qatar]

اختي انا اللي اعرفة ان ابر الكورتيزون تأثر عليه لين كبر غير انها ممكن تخلية يمتن اعتقد هي راح تسبب هشاشة عظام لين كبر !!! هو 8 سنوات اكيد راح تأثر علية

هذا كلام الدكتور في سوريا يوم وديناه له

[مطنش]

نصيحه اخوي وده حق الدكتور حسن العبدالله ..

ممكن يعطيه ابره بس عاااادي ماتأثر وبيطيب ان شاء الله ..

[امارات بيوتي]

كله علاج مجرب ورجع الشعر مثل قبل واحسن

الاول-
تاخذون 10 او 15 حبه من الورد الجوري الاحمر يوضع في قدر فيه شوية ماي ويغلى على النار لين يذبل الورد ويذوب ويصير باقي قليل من الماء يرفع عن النار و يهرس الورد مع الماء المتبقي زين ويفرك به الراس طول
الليل يكرر يوميا وخلال اسبوعين او اقل ينبت الشعر بإذن الله


الثاني-

في حلاق في الشارقه يعالج الثعلبه لوجه الله
يحلق المنطقه المصابه الي اصلا مافيها شعر ويحط عليها كريم طبيعي -شوي حار اول مره-
يكرره مرتين بالاسبوع خلال اسبوعين يكون نبت الشعر بإذن الله


والله من وراء القصد

[q-qatar]

اخوي منطش وديناه للدكتور حسن بس ماجاب نتجه

:

اخوي امارات

تسلم والله راح نجرب هاالطرق انشاء الله تكون بفايده

[dammaj77]

ياخوان هذا حالة نفسيه بالدرجه الاولى صدقوني
لازم تكون نفسية الولد طيبه علشان يستفيد من العلاجات والله الشافي حتى اسئلوا دكتور فهد الباكر

[eXpert*]

تسلمووون والله

راح ناخذه للدكتور وليد ابو حلاوة بالاول ونشوف

لأن حسن عبدالله مافيه فايدة و الحلاق اللي في بن محمود بعد ماجاب نتيجة

بنشوف ابو حلاوة او اللي بالعسكري

بدون تعليق :nice:

[قطررررريه]

حبيبتي ام زوجي الحين مرة كبيرة وما تقدر تتحرك من مكانها بس سوي نفس اللي قلت لك عليه وشوفي النتيجة واي استفسار انا في الخدمة
انتي جربتي الطب الحديث وكل مكان يمكن يكون العلاج بسيط وحواليك عشان كذا توكلي على الله واعمليه