مشكلة بالاتصال

[مصرف]

السلام
عليكم

ياجماعه في خلل من زمان في كيوتل وخصوصا خدمة برق ترى احنا كلنا

نشوق المواقع بأثر رجعي يعني لو نعمل تحديث ( رفريش ) 60 مليون مره

مايتحدث الموقع وتأكيد على كلامي لو اي واحد عنده موقع يضيف له اي شي

في الواجهه الرئيسيه للموقع شرط مايطلع لنا الا اذا زدنا على الرابط // شرطتين

زياده لان هذا يعتبر تحديث بالغصب والصراحه انا صار لي شهرين معاهم ماتوصلوا

الى حل لان اعتقد مب فاهمين السالفه وطبعا هذا راح يأثر خصوصا ان التداول عن

طريق الانترنت

فياريت لو اي حد عنده خبره فنيه في المواقع يتفاهم معاهم


تحياتي

[البنز]

هاذي كيوتل !! لا راح تاخذ منهم حق ولا باطل .. !!

[مصرف]

صدقت يالبنز

[مغروور قطر]

اخي العزيز انا في الخارج وسرعه عندي عاليه جدا جدا ونفس شي متاخر دقيقتين

[المراقب]

أوقات 2 دقيقة أوقات أكثر، رغم أن السرعة عندى صاروخية ....

[BO KHLIFA]

الكاش مليان في سيرفرات كيوتل ويحتاج الى تفريغ كل فترة لكن اعتقد انهم ولا مره فرغوه ..

[رهيب]

اخي مصرف ...
اذا كنت تقصد عدم تحديث شاشة البورصة فهذا التأخير من موقع السوق و ليس من كيوتل
اما اذا كنت تقصد عدم تحديث صفحات اخرى ايضا ليس بسبب كيوتل ولكن بسبب ميزة تخزين الصفحات في الاكسبلورر وذلك كنوع من التسريع ... و لالغاء هذه الميزة اتبع الخطوات التالية:

- من القائمة اختر
Tools->internet optons->General
- هنا تجد زر مكتوب عليه Settings اضط عليه
-ستظهر لك ناقذة اخرى ... في قسم
Check for newer versions of stored pages
اختر Every visit to the pageثم Ok , Ok
-اغلق الاكسبلورر و افتحه من جديد ..... و خلاص!!

[bluelion]

الأخ رهيب ...
كلامك صح بخصوص البورصة... أما بخصوص المواقع الأخرى فمن كم شهر وبروكسي كيوتل الإجباري ما يهتم بالإعدادات ويعطيك صفحة مخزنة عنده ....

شباب اللي عنده موقع وما يشوف التحديث ما له إلا يتصل 125 ويسندرهم (ويسندرونه) وانا مجربها أكثر من مرة ... أسوي أبلود لموقع وتطلع لي الصفحة القديمة وسوت لس مشاكل مع ناس (الصفحة القديمة تطلع لكل المشتركين في قطر - وإذا غيرت البروكسي أو شفت الصفحة من خارج قطر تكون الصفحة المحدثة).

[مصرف]

الأخ رهيب ...
كلامك صح بخصوص البورصة... أما بخصوص المواقع الأخرى فمن كم شهر وبروكسي كيوتل الإجباري ما يهتم بالإعدادات ويعطيك صفحة مخزنة عنده ....

شباب اللي عنده موقع وما يشوف التحديث ما له إلا يتصل 125 ويسندرهم (ويسندرونه) وانا مجربها أكثر من مرة ... أسوي أبلود لموقع وتطلع لي الصفحة القديمة وسوت لس مشاكل مع ناس (الصفحة القديمة تطلع لكل المشتركين في قطر - وإذا غيرت البروكسي أو شفت الصفحة من خارج قطر تكون الصفحة المحدثة).


انزين والحل من اللي بيفدنا وبيتفاهم مع كيوتل بشكل فني عشان يفهمون

[ضيف]

جزاك الله خير

[alhamadi3]

شباب اسمحولي على المداخلة بس الواضح أنكم ما عندكم أي فكرة عن الانترنت و الاكسبلورر و التخزين المؤقت وبصراحة كلام رهيب صح و لحد يعايي انتو متحاملين على كيوتل و فيكم هوشة ما تدرون اتهاوشون من جلتو ما في الا كيوتل الحرامي و هات يا كلام بس الواقع يجول ان main server اللي عند كيوتل بحجم محد منكم يقدر يتخيلة لضيق الافق و من ثم في ناس جاعدة تتعب علشان اتوفي لكم هالخدمة بهالاسعار .
يا شباب الله ايهديكم شوفو اسعار الدول المجاورة و العربية و بعدين قولو كيوتل حرامية .
ولا اطالعون دولة فيها سكان قد سكان قطر 10000مرة شوفو الدول القريبة منكم البحرين عمان الامارات السعودية الكويت و بعدين قارنو بتلجون بالنسبة و التناسب قطر تعد أرخص conect server و جولو الحمد لله النعمه زوالة

[مصرف]

عزيزي alhamadi3 بخصوص هالكلام :
(( الواضح أنكم ما عندكم أي فكرة عن الانترنت و الاكسبلورر )) !!!
((يا شباب الله ايهديكم شوفو اسعار الدول المجاورة و العربية و بعدين قولو كيوتل حرامية )) !!

يعني الحين اللي عنده فكره عن الانترنت والاكسبلورر على قولتك بيقول ان كيوتل تقدم خدمات بأرخص الاسعار ؟ :con2:
ياريت تقرأ الموضوع عدل وتعرف وشي المشكله اللي نتكلم عنها :anger2:

تحياتي