+ الظلم .. الكبير .. موجود في قطر .. ( الأراضي والقروض ) +

[الوسيط العقاري]

السلام عليكم ورحمة الله وبركاته ..

ندخل بالموضوع ..

الموضوع يتكلم عن القطريين ..!!
الدرجة الاولى والدرجة الثانية ..

يعني اللي مب قطري أصل يأخذ قرض فقط ..!!
واللي قطري .. واللي لو نرجع لأصله نراه غير قطري أصل !! يأخذ الأرض والقرض !!

( تفرقة كبيره بينهم ) ..
ومع ذلك نجد قطريين من الدرجة الاولى .. بدون شهادات دراسية ( أبتدائي فقط ) وبدون مؤهلات يحصلون على الارض والقرض ..
بينما نجد بعض القطريين بالتجنس .. ومؤهلات عاليه كبيره .. ولم يحصلوا سوى غير على القرض ..

والقرض قيمته مليون وميتيين !؟!؟؟ وأرخص فيلا بتلاقيها بمليون و600 الف ريال قطري !!
فيظطر المواطن القطري اللي من الدرجة الثانيه الذهاب للبنك لأخد قرض آخر وذلك لأجل شراء الفيلا .. وتتراكم عليه الديون سواء من البنك - او بنك قطر للتنميه ..

وللأسف بنك قطر للتنمية مايشتري لك اي بيت الا بالشروط اللي يبغيها .. فيه بيوت صغيره فيه بيوت شعبيه .. فيه بيوت كثيره متوفره في جميع مناطق الدوحة ولكن لاتتطابق شروط البنك ..

لماذا هذي التفرقة .. ياجماعة الخير .. ّّ!

وأنا من عبر المنتدى .. أناشد سيدي سمو الأمير .. الشيخ حمد بن خليفه ال ثاني بالنظر بهذا الموضوع .. .. وذلك من أجل مصلحة المواطن القطري والأبتعاد عن التفرقة ..

وأترك التعليق لكم ..

[La Bella]

القطري الدرجة الثانية تشوف مؤهلاته التعليمية عاليه وماسك منصب وراتبه قوي جداً غير السجلات التجارية الى أول ما يعطونه الجنسية ركض وطلع السجلات التجارية
وهذا الي صاير باكثر الأماكن يشلون القطري الدرجة الأولي من منصبه ويعطونه للقطري الدرجة الثانية
عكس القطري الدرجة الأولى تحصله لا مؤهل علمي ولا منصب ولا راتب قوي والله يعينه.

[كازانوفا]

لا حولة ولا قوة الابالله
يا اخوي ليش ما تطلع للموضوع من مفهوم هذه ارزاق بيد رب العالمين وهو اللى مقسمها وموزعها بمعرفته سبحانه
خلي ايمانك بالله قوي وربك ان شالله بيسر امورك وامور النااااس المحتاجين للارض والقرض بالتوفيق

[فرانسـ كوفي]

وانت وشحارك يعني انت اللي عندك الشهادات

[العلم الوكاد]

صحيح مثل ما قالوا الاخوان

الموضوع ارزاق

وغيرك مو محصل لا ارض ولا قرض

ولو اني ضد مسألة التفرقة بين القطريين

يعني ما ادري اش السبب انه يعطونة قرض من غير ارض

[الوسيط العقاري]

القطري الدرجة الثانية تشوف مؤهلاته التعليمية عاليه وماسك منصب وراتبه قوي جداً غير السجلات التجارية الى أول ما يعطونه الجنسية ركض وطلع السجلات التجارية
وهذا الي صاير باكثر الأماكن يشلون القطري الدرجة الأولي من منصبه ويعطونه للقطري الدرجة الثانية
عكس القطري الدرجة الأولى تحصله لا مؤهل علمي ولا منصب ولا راتب قوي والله يعينه.


أعتقد أخوي انا اتكلم عن موضوع الاراضي والقروض ..
ع العموم اشكرك ع المرور ..

[الوسيط العقاري]

لا حولة ولا قوة الابالله
يا اخوي ليش ما تطلع للموضوع من مفهوم هذه ارزاق بيد رب العالمين وهو اللى مقسمها وموزعها بمعرفته سبحانه
خلي ايمانك بالله قوي وربك ان شالله بيسر امورك وامور النااااس المحتاجين للارض والقرض بالتوفيق


الحمد الله على كل حال .. ولكن هذه تفرقة !!

[الوسيط العقاري]

وانت وشحارك يعني انت اللي عندك الشهادات

الحمد الله والشكر ..

لاتعليق صراحه ..

[الوسيط العقاري]

صحيح مثل ما قالوا الاخوان

الموضوع ارزاق

وغيرك مو محصل لا ارض ولا قرض

ولو اني ضد مسألة التفرقة بين القطريين

يعني ما ادري اش السبب انه يعطونة قرض من غير ارض

أكيد هذي ارزاق ..

بس الموضوع .. يتكلم عن سبب هذه التفرقة ..

اشكرك ع المرور أخوي ..

[ودي أكون]

قطري لازم اتكون له الاولويه لانها من حقوقه ..

[أخر الدنيا]

صح السانك يا سهم والامير ما يقصر

[ماسة قطر]

القطري الدرجة الثانية تشوف مؤهلاته التعليمية عاليه وماسك منصب وراتبه قوي جداً غير السجلات التجارية الى أول ما يعطونه الجنسية ركض وطلع السجلات التجارية
وهذا الي صاير باكثر الأماكن يشلون القطري الدرجة الأولي من منصبه ويعطونه للقطري الدرجة الثانية
عكس القطري الدرجة الأولى تحصله لا مؤهل علمي ولا منصب ولا راتب قوي والله يعينه.


أرزاق ياخوي وهو ألي فكر وعمل كل هالاشياء يعني مش معناته أن مايستحق أرض وبعدين مب كل هذه الفئة من هالنوع ألي تتكلم عنه وبعدين باب التعليم والتجارة والمناصب مفتوح للقطري الأصلي وللقطري القطري بالتجنس
نتمنى الرد يكون أرقى من هالرد

[الوسيط العقاري]

قطري لازم اتكون له الاولويه لانها من حقوقه ..

والقطري .. الثاني .. ماله حقوق !! :)

[التيما]

اتفق مع الأخ في الموضوع .. المفروض دام البلد عطتهم الجنسيه من حقهم الأرض والقرض خاصة مواليد البلد .. لكن تخلونه قطري نص ونص لا مب عدل .. الحكومة في هالتصرف صراحة بعيدة تماما عن العدل والمساواة .. وبعدين الي يقولون ارزاق والقطري ما يحصل وماعنده شي .. عسى ماشر ليكون احنا مب عايشين في الديرة .. والي يرحم والديكم شوفوا الفلل الكبيرة والسيارات الفارهة والسفر كل سنه والمفوشر والمظاهر الكذابة من الي يهتم فيها ؟؟ شوفوا فلوس المواطن القطري وين تروح وعقب ناقشوا الريال في حق القطري من مو حقه ...
الظلم هاي مايجوز وانا مثلك اتفق ان الأمير يشوف حل لهالموضوع وانت ماشاء الله عليك اخوي طرحت الحلول .. لانه ما ينفع ناس مجنسين قبل خذوا قبل القانون والحين ماياخذون من الجيل الجديد .. والبلد كبيرة والأراضي متوفرة ليش هالقانون الظالم ؟

[ماسة قطر]

قطري لازم اتكون له الاولويه لانها من حقوقه ..


والقطري بالتجنس بعد قطري ولا مش قطري يعني لو كان جده قطري بالتجنس وصارلهم أكثر من 70 ولا 60 ولا حتى 50 سنه في البلاد مش معناته قطري

لو ماعنده غير تراب هالارض وهالوطن وخدم فيها لحد ماتوفى على هالأرض وكد وتعب مايعتبر قطري

أمرج غريب أختي

[ماسة قطر]

http://qatarshares.com/vb/showthread.php?t=311236

[بوحمد1]

لن تموت نفس حتى تستوفي رزقها

الله يوفق الجميع

[العلم الوكاد]

والقطري بالتجنس بعد قطري ولا مش قطري يعني لو كان جده قطري بالتجنس وصارلهم أكثر من 70 ولا 60 ولا حتى 50 سنه في البلاد مش معناته قطري

لو ماعنده غير تراب هالارض وهالوطن وخدم فيها لحد ماتوفى على هالأرض وكد وتعب مايعتبر قطري

أمرج غريب أختي

لا اكيد قطري وما نحس فيه فرق

بيننا وبينهم

والحمد لله احنا في قطر

مو موجودة عندنا هالحساسية

وقطري درجة اولى وثانية

وسني وشيعي

وبدوي وحضري

واتمنى نبتعد عن المواضيع

اللي تسبب حساسيات

والفتنة نائمة لعن الله من ايقظها

[حرقطر]

مافي فرق ياخوي ولا تشعل فتنه بين القطرين الله يرضى عليك

الكل مااااااااااخذ حقه

[التيما]

مافي فرق ياخوي ولا تشعل فتنه بين القطرين الله يرضى عليك

الكل مااااااااااخذ حقه

اسمح لي اخوي .. هاي مو فتنة .. :nono: هاي تفرقة واضحة لانها ماكانت موجودة يعني مالها وجود بس الحين صارت موجودة يعني صار الموضوع حساس ولازم وقفة ..

[بوعلى 1]

يعني اللي مب قطري أصل يأخذ قرض فقط ..!!
واللي قطري .. واللي لو نرجع لأصله نراه غير قطري أصل !! يأخذ الأرض والقرض !!


وكيف ترى اخي العزيز انك لو رجعت للقطري الاصلي تراة غير قطري ممكن توضح!!!!

[حرقطر]

اسمح لي اخوي .. هاي مو فتنة .. :nono: هاي تفرقة واضحة لانها ماكانت موجودة يعني مالها وجود بس الحين صارت موجودة يعني صار الموضوع حساس ولازم وقفة ..


الاااااااااااااااااا هذه فتنــــــــــه


انا الي اشوووفه ان كل قطري ماخذ حقه بس لو يتوبون من القروووض البنكيه احنى بخير

[التيما]

الاااااااااااااااااا هذه فتنــــــــــه


انا الي اشوووفه ان كل قطري ماخذ حقه بس لو يتوبون من القروووض البنكيه احنى بخير

اخوي حر قطر .. اتفق معاك ان القطريين لو يتوبون من الديون بيكونون بخير .. بس جنه هاي مو موضوعنا :anger1: الريال يتكلم على حقه في الأرض مع القرض .. شدخل القروض ؟؟ الريال حط حلول .. وصاج فيها بس بنك التنمية صاك الأذن .. حاطين مليون وميتين والحين المقاولين مافي ذمه كلن يزيد في الاسعار مليون ونص اقل شي وتجاري مب حرام ؟؟؟ عيل صاج اخونا خل بنك التنمية يشتري لهم البيوت ويسلمها لهم .. أو تبنيها لهم الدولة وتسلمهم المفاتيح بالسعر هاي ..

والموضوع مب فتنة ..:nice:

[حيهور]

ياخوي الاجبني الحين يحصل على راتب ومسكن احسن من اي قطري في قطر

خلها على ربك

[مطيع الله]

المخر(ق) عاوز كدا،
أحلى شي في موضوع التفرقة، يقول لك نعطيك قرض فقط!!!
هل يسمى قرض؟
وهل هو دين مرتجع بفائدة أم منحة؟
ما معنى كلمة "تستحق" في جملة "تستحق قرض فقط"

العنصرية غير مقررة قانوناً في أي مكان في العالم إلا لدينا في هذه الحالة.

وش معنى قطري وقطري مستاوون في الواجبات، غير متساوون في الحقوق!!!

[ماسة قطر]

الاااااااااااااااااا هذه فتنــــــــــه


انا الي اشوووفه ان كل قطري ماخذ حقه بس لو يتوبون من القروووض البنكيه احنى بخير


أشدخل القروض في الموضوع

احنا نتكلم عن التفرقة بين القطريين أن قطري أصلي وقطري مش أصلي

المفروض كل شخص يحمل الجنسية القطرية له كل الحقوق دون تفرقة بين قطري وآخر

يا جماعه الأجنبي ألحين له سكن وسيار وراتب مايحلم فيه القطري

أحنا الحمدلله في خير ونعمه والدولة مش أمقصرة على أحد وكلنا نعترف بالهشي بس ليش التفرقة في هالموضوع

يعني أحنا مش قصدنا الفتنه ياخوي
أنت عطني جواب مقتع لا اتقول فتنه ليش في قطريين يستحقون أرض وقرض وقطريين بس قرض

[فارس العرب]

أنظر كيف يحرض هذا الرافضي الخبيث عبدالحميد المهاجر عوام الشيعة ضد الحكومة السعودية
ويطعن بأمام الحرم المكي


http://www.dd-sunnah.net/records/view/id/2268/

[كاروهات]

تعالوا

شنو يعني قطري درجة اولى
وقطري درجة ثانية
وهل في فرق اللي بالتجنس واللي بالمواليد

[ماسة قطر]

أنظر كيف يحرض هذا الرافضي الخبيث عبدالحميد المهاجر عوام الشيعة ضد الحكومة السعودية
ويطعن بأمام الحرم المكي


http://www.dd-sunnah.net/records/view/id/2268/


في البداية أحنا ما انحرض البعض على الآخر ولا نزرع الفتنة

أحنا طرحنا موضوع للمناقشة وبس وقلنا وراح نعيدها ألف مرة الحمدلله على كل حال وأحنا في خير ونعمه أحسن من غيرنا ومعترفين والحمدلله ساكنين في أحسن البيوت ومش في الشارع

اللهم لك الحمد وكلنا نعرف أن الرزاق في السماء مب في الأرض ومحد ياخذ غير رزقه لو ايش يسوي

وأتمنى تكون الردود منطقية عشان نناقش الموضوع وأنشوف حلول لها مش كل واحد يدخل ويقولنا كلام ماقلناه ويفتي ويقول نزرع الفتنه وأنسوي تفرقة

بس خلونا نفكر بعقل في أشخاص محتاجة وكانت تحلم ببيت وأرض لأن أمكانياته بسيطة وتجي تقوله مانعطيك أرض بس خذ القرض وعلى فكرة جزء كبير من القرض يرجع لبنك التنمية وأتوقع الدستور يعطي كل قطري حقوقه دووون تفرقة وانا أتوقع من أهم حقوق الانسان سكن يلمه هو وأعياله

ياخوي ألي يده بالماي مش مثل ألي يده في النار

[قدام]

الصراحه هالتفرقه في موضوع ..القرض و الارض شي غريب و يحير الواحد لو نفكر ما هو الشي الذي تستفيده الحكومه من هذا القرار ..... ولا شي لان بالنهايه كلهم قطريين و عايشين في نفس البلد
للعلم قبل ما كان شي اسمه قطري اصل و الثاني تقليد ... للاسف بالفتره الاخيره صارو كثيير يطبلوون للشي هذا .... وانا اعتقد ان ولاء الشعب القطري كله اكبر من قرارات من هذا النوع
الله يطول عمر الامير و يحفظه ان شالله من كل شر واكيد بالنهايه كل الامور بتعدل وكلنا اخوان في قطر

[ماسة قطر]

تعالوا

شنو يعني قطري درجة اولى
وقطري درجة ثانية
وهل في فرق اللي بالتجنس واللي بالمواليد


أي نعم للأسف هالشي موجود وبعظهم مواليد قطر ومايستحق أرض وبس يستحق قرض

[الملكي 111]

اخي الكريم يجب ان تعترف ان فيه فئه من المجنسين جالسين يستفيدون من البلد

وخيرها بجميع الوسائل المتاحه وياكل من خير البلد بيده ورجله ... لكن اعتقد ان مادفع

الحكومه للتفرقه بينهم ان بعضهم ماخذ الجنسيه القطريه وفترة بقائه في قطر بشكل مؤقت

الارصده والبناء والتعمير لبلده الاصلي وهم معروفين للجميع فما بالك للحكومه .

[ماسة قطر]

الصراحه هالتفرقه في موضوع ..القرض و الارض شي غريب و يحير الواحد لو نفكر ما هو الشي الذي تستفيده الحكومه من هذا القرار ..... ولا شي لان بالنهايه كلهم قطريين و عايشين في نفس البلد
للعلم قبل ما كان شي اسمه قطري اصل و الثاني تقليد ... للاسف بالفتره الاخيره صارو كثيير يطبلوون للشي هذا .... وانا اعتقد ان ولاء الشعب القطري كله اكبر من قرارات من هذا النوع
الله يطول عمر الامير و يحفظه ان شالله من كل شر واكيد بالنهايه كل الامور بتعدل وكلنا اخوان في قطر



صح ألسانك أخوي وفي النهاية كلنا أخوااان وكلنا أهل وبالعكس سمو الأمير مش أمقصر نهائيا والحق يقال في هذه الشخصية العظيمة الله يحفظه يارب

والنهاية الولاء لله ولقطر وللأمير فقط لا غير مهما حصل

[ماسة قطر]

اخي الكريم يجب ان تعترف ان فيه فئه من المجنسين جالسين يستفيدون من البلد

وخيرها بجميع الوسائل المتاحه وياكل من خير البلد بيده ورجله ... لكن اعتقد ان مادفع

الحكومه للتفرقه بينهم ان بعضهم ماخذ الجنسيه القطريه وفترة بقائه في قطر بشكل مؤقت

الارصده والبناء والتعمير لبلده الاصلي وهم معروفين للجميع فما بالك للحكومه .



نعم معاك حق وعلى فكرة في ناس من هالفئة وعلى فكرة ماخذين قرض وأرض للأسف

أنا ما أتكلم عن هالفئة مثلا لاعب معروف أصله بالضبط من وين ولا عن مستشار معروف من وين ولا عن شخص ماصارله في قطر ماخذ الجنسية الا سنتين ولا 3 سنوات وجايبينه للأستفادة من خبراته وهو جاي لقطر يجمع له كم بيزة ويسوي بزنس وبس ولا يكون عنده ولاء أصلا انا اتكلم على ألي قضوا أعمارهم في خدمة البلد وعندهم الجنسية وتوفاهم الله وأخذ أمانته

[ودي أكون]

والقطري بالتجنس بعد قطري ولا مش قطري يعني لو كان جده قطري بالتجنس وصارلهم أكثر من 70 ولا 60 ولا حتى 50 سنه في البلاد مش معناته قطري

لو ماعنده غير تراب هالارض وهالوطن وخدم فيها لحد ماتوفى على هالأرض وكد وتعب مايعتبر قطري

أمرج غريب أختي

والله يالغاليه .. القطريين درجه اولى مافرقوا بينهم وبين احد .. لكن الفئات الثانيه هم اللي فرقوا وسووا درجات ..

والا احنا مانفرق بينهم وكلهم والنعم فيهم .. لكن اذا احد بيقول في درجات راح انقوله من حقهم دام انتو اتشوفون جي ..

والامر موغريب حبيبتي .. في كل مكان يقولون لج الاولويه للقطرين ليش جات عالارض مع ان الحكومه مافرقت !!

مابي ادخل بنقاش عميق في هالموضوع لان في كل الحالات القطريين والقطريين بالتجنس هم اخوانا واهلنا .. فاكتفي بالرد :)

[ماسة قطر]

والله يالغاليه .. القطريين درجه اولى مافرقوا بينهم وبين احد .. لكن الفئات الثانيه هم اللي فرقوا وسووا درجات ..

والا احنا مانفرق بينهم وكلهم والنعم فيهم .. لكن اذا احد بيقول في درجات راح انقوله من حقهم دام انتو اتشوفون جي ..

والامر موغريب حبيبتي .. في كل مكان يقولون لج الاولويه للقطرين ليش جات عالارض مع ان الحكومه مافرقت !!

مابي ادخل بنقاش عميق في هالموضوع لان في كل الحالات القطريين والقطريين بالتجنس هم اخوانا واهلنا .. فاكتفي بالرد :)


على فكرة في قطريين بالوالدة مايستحقون لأن الجد قطري بالتجنس ومش احنا انشوف ان في درجة اولى وثانية لأن كلنا واحد بس عند طلب الأرض والقرض الاسكان يقولن لج ان انتي تستحقين قرض بس لأنك مش قطري درجة أولى يعني مش احنا ألي أفتعلنا الموضوع وفرقنا من القطريين:):)

خرج رسول الله صلى الله عليه وسلم لحجة الوداع في الخامس و العشرين أو الرابع و العشرين من ذي القعدة من السنة العاشرة للهجرة. فبدأ بالمضي ويمشي ورائه الحجيج، وهو يقول ويكرر عليهم: " أيها الناس خذوا عني مناسككم، فلعلكم لا تلقوني بعد عامكم هذا "

وبعض مقتطفات من خطبة الوداع للرسول عليه الصلاة والسلام

أيها الناس: إن ر بكم واحد، وإن أباكم واحد، كلُّكم لآدم، وآدم من تراب، أكرمكم عند الله أتقاكم، وليس لعربي على أعجمي فضل إلا بالتقوى. ألا هل بلغت؟ اللهم اشهد


عالعموم مشكورة على ردج ومشاركتج:)

[الفريق أول ركن]

أعتقد الدستور القطري ساوى بين جميع المواطنين

فليش هالتفرقه

[أخر الدنيا]

شووووووووفو يا جماعة مادام الدولة عطتك الجنسية فلك جميع الامتيازات-------- لا تقول تجنس ----اصلى كلهم يخدمون البلد وكلهم فى مناصب ليش التفرقة بس فى الارض والقرض
وان شاء اللة امير الحرية بيوصلة ها النقاش وانتم تدرون من هو ابو مشعل الللللللللللة يخلية لنا قولللللوا اميييييييييييييييييييييييييييييييييييييييييييييييي ين

[الموضوعي]

انا ضد الظلم وضد التفرقة ومن يوم ماصارت الدنيا قطري اصل وبالتجنس والامطار والبركة وقفت عنا ، ابي اعرف قطري اصل يعني فقع طالع اقدم اسرة في قطر جت من نجد في القرن الثامن عشر ميلادي واللي جاي من العراق وايران وعمان والاحساء ونجد والهند والسند واليمن ، ولا علشان فلوس البترول والغاز مايبون احد يشاركهم فيها

[فلان]

والله يالغاليه .. القطريين درجه اولى مافرقوا بينهم وبين احد .. لكن الفئات الثانيه هم اللي فرقوا وسووا درجات ..

والا احنا مانفرق بينهم وكلهم والنعم فيهم .. لكن اذا احد بيقول في درجات راح انقوله من حقهم دام انتو اتشوفون جي ..

والامر موغريب حبيبتي .. في كل مكان يقولون لج الاولويه للقطرين ليش جات عالارض مع ان الحكومه مافرقت !!

مابي ادخل بنقاش عميق في هالموضوع لان في كل الحالات القطريين والقطريين بالتجنس هم اخوانا واهلنا .. فاكتفي بالرد :)

إهداء اختي عسى ربي يوفقج :)

من روائع بو حارب (http://www.qatarshares.com/vb/showthread.php?t=314480&highlight=%DA%D1%ED%DD)

[MP3]

اهل قطر الأصل يستاهلون كل خير

والقطريين الأصل هم الي عندهم مؤهلات علمية عالية وتجارة وكل خير ونافعين بلدهم مب الي بالتجنس هم الي فيهم خير

قطر لأهل قطر وخيرها لأهل قطر والله يحفظ سمو الأمير

ومافي مانع اذا عطوا قطري نص نص ارض وقرض انا مااعترض الي بيجيه خير الله يوفقه بس مانجي نقول ان اهل قطر ماعندهم مؤهلات والي بالتجنس هو الي نازل من السما

القطريين الأصل محد يوصل مواصيلهم

[أخر الدنيا]

لا يا الموضوعى المشكلة مب فى البترول والفلوس ---------------- المشكلة حاجة فى نفس يعقوب قضاها
حتى القران الكريم ما فسر الحاجة اللى فى نفس سيدنا يعقوب علية السلام---------- ولا ليش بس المشكلة فى الارض والقرض-----------------

[أخر الدنيا]

ايش ها الكلام يا mp3 كلهم فيهم البركة احنا نبى ها النعرة تروح تجنس----- اصلى ما فى كلهم اخوان وكلهم يخدمون البلد حبيبى واللة يوفقك ان شاء اللة

[روح-قطر]

اخوي استهدي بالله شدخل القرض والارض بالمنصب والشهاده،، القطري هاذي ارضه وبلاده اذا ماحصل على هالاشياء وين يسكن الله يهداك المريخ..

واللي على قولتك قطري مو اصل انت قلت مو اصل اكيد ببدون الاصل عليهم..

ولا تقول ظلم لانه لو بتروح بلدان ثانيه ماعندهم حق انتفاع لا ارض ولا قرض..

وتعتقد ان هو مظلوم ومتلته بس طيب بيت بتصميم الحكومه ما يكلف 600000الف القطري يبنيه بمليون وميتين وغيرالتشطيب،، يبه الحال مننفسه شتقول ،، يعني جا الحسد على قطعه الارض طيب بعد خل يفرقون بشي بسيط وهي الارض عالاقل نحس ان احنا قطريين دولتنا ميزتنا بشي..

[MP3]

ايش ها الكلام يا mp3 كلهم فيهم البركة احنا نبى ها النعرة تروح تجنس----- اصلى ما فى كلهم اخوان وكلهم يخدمون البلد حبيبى واللة يوفقك ان شاء اللة

انا رديت على كلامه يوم قال نجد القطريين ماعندهم اعدادية او شي من هذا القبيل ويحصلون ارض وقرض

اي نعم يحصلون ارض وقرض والي يبونه هم عزوة البلد ويستاهلون كل خير والقطرييين محد يوصل مواصيلهم ان جيت على المؤهلات التعليمية

وانا سبق وقلت انا مب ضد انهم يعطون القطري نص نص ارض وقرض واذا يبي يبني في بلاده الي يرجع لها بعد ماعندي مانع الله يرزق كل مسلم

[بوفهد 5555]

سلامتك لا توجد اي تفرقة بين القطريين ارجوك لا تحاول تشب النار في موضيع اهم تتكلم عنها افضل

[بوعلى 1]

من الاخر --- قطر لاهل قطر الاصلين فقط ولي تكرمت علية الدولة بتجنيس يحمد ربة غيرة ميت من اليوع ولا تقولي مواليد قطر ولا عشت 70 سنة فيها اذا مش قطري من سكان قطر الاصلين لا تيلس اتناقز وايد احمد ربك ليس هناك تفرقة انت مجنس وغيرك قطري وهل يستوي الاعمى والبصير

[أخر الدنيا]

انا اشهد يا بو فهد ما فى تفرقة ابدا" واذا كانت المشكلة الارض والقرض ابشرك ان شاء اللة محلولة

[أخر الدنيا]

اللة يهديييييييييييك يا بوعلى ليش ها التعصب كلكم اخوان واللة يوفق الجميع

[بوفهد 5555]

والله اللي يتكلم بان به تفرقة من الحكومة ما عنده سالفه لكن أهو يبي يسوي تفرقة بين القطريين والقطري الاصيل ما يتكلم في مثل هاي المواضيع ، اللي يتكلم ويحاول ان يشب النار بين القطريين اكيد مب قطري او له اهداف معينةـ يا السهم الطايح حاول تكتب عن مواضيع تحبب القطريين في بعض (الله بس الي يعلم وش قصدك)

[الوسيط العقاري]

من الاخر --- قطر لاهل قطر الاصلين فقط ولي تكرمت علية الدولة بتجنيس يحمد ربة غيرة ميت من اليوع ولا تقولي مواليد قطر ولا عشت 70 سنة فيها اذا مش قطري من سكان قطر الاصلين لا تيلس اتناقز وايد احمد ربك ليس هناك تفرقة انت مجنس وغيرك قطري وهل يستوي الاعمى والبصير

للأسف أنا أتكلم عن الاراضي والقروض ..
ونت ترد تتكلم .. عن البيض والطماط ..
كتب هالموضوع .. مش عشان أخذ أرض منك ..
الموضوع مكتوب حق أخواننا للي ماعندهم أراضي ..
ميت من اليوم ؟ ماأعتقد أنك صرفت لهم الجوازات ..!!!
الله يخليك ويطول عمر الامير ..
( الحمد الله والشكر ) !!

[الوسيط العقاري]

يرجى من مشرف القسم .. إغلاق هذا الموضوع !!

لأن الموضوع يتكلم عن الأرض والقرض .. وبعض الاعضاء اللي يهديهم يتكلمون عن البيض والطماط !!

في الأخير هل قطر كلهم واحد .. ولكن أتمنى من الجهات المعنيه حل هالموضوع او النظر للموضوع !!

[غناتي1]

المشكلة ان الغير يشوف القطري من نظرة واحدة بس وهي ---

ان القطري من الاغنياء وماعليه اي ديون وعنده العصا السحرية اللي تحقق له اي شئ يبغيه

[alfahad1]

في اسرائيل الحكومه تبني مستوطنات مجانا للمواطنين خخخخخخخخ امحق مثال

[بوفهد 5555]

يا ابو علي اهل الشمال مب هذا اسلوبهم الظاهر انك سكنت الشمال متأخر انا من اهل الشمال واعرف هل الشمال كلهم ـ واكيد اعرفك لكن الكلمة الحلوه حلوه

[موضي قطر]

صلوا على النبي ياجماعة ... أخوي السهم الطايح ترى اختك من القطريين اللي ذكرتهم ( قطرية بالأصل ) بس

صدقني القطريين المجنسين عايشين أحسن مني اللهم لا حسد بس حبيت اوصلك في الغالب المجنسين ظروفهم

احسن واذا الدوله غيرت القانون صدقني بنفرح لكم والله يوفق الجميع

[ضوى]

وين بنتطور دام هذا حالنا ، ولازلنا نتكلم في قطري فئة اولى وفئة ثانية اصلي وتقليد

الله يحنن قلوب هل قطر على بعض ، وينزع العنصرية المقيتة من قلوبهم اللهم امييييييين


والله يرزق كل اهل قطر من خيرها ان شاء الله

[أخر الدنيا]

اممممممممممممممممممممممممممممممممممين

[Sharshooooor]

السلام عليكم ورحمة الله وبركاته ..

ندخل بالموضوع ..

الموضوع يتكلم عن القطريين ..!!
الدرجة الاولى والدرجة الثانية ..

يعني اللي مب قطري أصل يأخذ قرض فقط ..!!
واللي قطري .. واللي لو نرجع لأصله نراه غير قطري أصل !! يأخذ الأرض والقرض !!

( تفرقة كبيره بينهم ) ..
ومع ذلك نجد قطريين من الدرجة الاولى .. بدون شهادات دراسية ( أبتدائي فقط ) وبدون مؤهلات يحصلون على الارض والقرض ..بينما نجد بعض القطريين بالتجنس .. ومؤهلات عاليه كبيره .. ولم يحصلوا سوى غير على القرض ..

والقرض قيمته مليون وميتيين !؟!؟؟ وأرخص فيلا بتلاقيها بمليون و600 الف ريال قطري !!
فيظطر المواطن القطري اللي من الدرجة الثانيه الذهاب للبنك لأخد قرض آخر وذلك لأجل شراء الفيلا .. وتتراكم عليه الديون سواء من البنك - او بنك قطر للتنميه ..

وللأسف بنك قطر للتنمية مايشتري لك اي بيت الا بالشروط اللي يبغيها .. فيه بيوت صغيره فيه بيوت شعبيه .. فيه بيوت كثيره متوفره في جميع مناطق الدوحة ولكن لاتتطابق شروط البنك ..

لماذا هذي التفرقة .. ياجماعة الخير .. ّّ!

وأنا من عبر المنتدى .. أناشد سيدي سمو الأمير .. الشيخ حمد بن خليفه ال ثاني بالنظر بهذا الموضوع .. .. وذلك من أجل مصلحة المواطن القطري والأبتعاد عن التفرقة ..

وأترك التعليق لكم ..

مرحبا اخوي
النقطة الاولى مافهمتها ممكن تفسرها لي اكثر

والنقطة الثانية مالها شغل اساسا انك تذكرها
مادخل التعليم في الامتيازات اخوي الكريم

حاول انت تفرق بين الامتيازات والمؤهلات

وبالنسبة لوقف صرف الاراضي للقطريين على قولتك درجة ثانية مع انهم بالتجنس
اسبابها غير معروفة وهذي سياسة دولة

تحياتي لك