حد مضيع قطوه في الخريطيات؟

[الارض]

جاتنا قطوه من كم يوم ريشيه
اللي مضيع قطوته يقولي مواصفاتها

[دكتورة روح]

انشالله يلاقونها هلها

[Sleepless Doha]

جاتنا قطوه من كم يوم ريشيه
اللي مضيع قطوته يقولي مواصفاتها
انا مضيع قطوه من 3 اسابيع ريشيه خلف بنك الدوحه
وعندي صورتها بس ما اعرف انزلها

[alrheeb2020]

الرجاء شرح حكم اللقيطة من نقود أو ذهب.. وما هو الحد الأقصى لها؟ أفيدونا أفادكم الله.
بسم الله والحمد لله والصلاة والسلام على رسول الله، أما بعد:
الجواب: اللقيطة هي ما يلتقطه الإنسان من الأشياء ذات القيمة في الطريق أو في مكان عام غير محرز، فإذا التقط الإنسان شيئًا من ذلك، وكان له قيمة بين الناس تزيد مثلاً عن ثلاثة دولارات فما فوقها، فينبغي أن يعرّفها بين الناس في المجامع، كالأسواق والمساجد، والكنائس في مثل بلاد الغرب، أو يكتب عنها إعلانًا في الصحف، فمن جاءه واستدل على حاجته بعلامتها الصحيحة، أعطاها له الملتقط مجانًا؛ لأن الأمانة في الإسلام لا أجر لها، إلا إذا كان قد أنفق عليها شيئًا فيخصمه من صاحبها، فإذا لم يهتد لصاحبها خلال السنة التي التقطتها فيها، فيجوز له أن يبيعها ويتصدق بثمنها لصاحبها، وإذا أراد أن يأخذها هو جاز بشرط أن يتصدق بثمنها.
أما إذا كانت اللقطة شيئًا مما يتلف، مثل صندوق من التفاح أو نحو ذلك، فينبغي عليه أن يتصرف فيه فورًا ويتصدق بثمنه لصاحبه.
فإذا كان الملتقط يشق عليه تعريف اللقطة والبحث عن صاحبها، فليتركها في مكانها، لعل صاحبها يأتي إليها. والله تعالى أعلم.

----

ان شاء الله يفيدك هالكلام ..

وان شاء الله تلقى اصحابها

[عبد الرحمن77]

:rolleyes2: أحنا نبغي الفكه من القطاوه لي تارسين البيت حد يبيهم !!!!!!!!!!.

[ولد الشحانية]

ماعرف احس موضوعك ماله داعي

[زقرتي ومزاجي]

جاتنا قطوه من كم يوم ريشيه
اللي مضيع قطوته يقولي مواصفاتها



جزاك الله خير .. والله يكثر من أمثالك ...

الارض ... انت مثال رائع للأمانه ... بيض الله وجهك
ونشكر لك سعيك الدئوب

انت بلا منازع :nice::nice:

[إنسان عادي]

ماعرف احس موضوعك ماله داعي

وانا بعد احس نفس الشي

[B-GMC]

تسلم وجزاك الله خير على امانتك يا الارض

[همسه]

جزاك الله خير على امانتك

الله يكتبها في ميزان حسناتك يوم القيامه

آمين يارب

[الخبــره]

ماعرف احس موضوعك ماله داعي


وانا بعد احس نفس الشي


الرد عليكم حتى بعد ناس يقولون انه ردكم ماله داعي كلش
واذا الريال حب يعمل خير انتوا وشدراكم بالنية وماتخفي القلوب بس دايما احسنوا الظن
نصيحة لوجه الله

ان شاء الله تلاقي اصحابها

[ولد الشحانية]

الرد عليكم حتى بعد ناس يقولون انه ردكم ماله داعي كلش
واذا الريال حب يعمل خير انتوا وشدراكم بالنية وماتخفي القلوب بس دايما احسنوا الظن
نصيحة لوجه الله

ان شاء الله تلاقي اصحابها

عنده الجريده يحط اعلان ويش وجهي اكلم الناس واقول لهم مضيعين قطوه

[ســـهم]

عنده الجريده يحط اعلان ويش وجهي اكلم الناس واقول لهم مضيعين قطوه



ولد الشحانيه


































والله مالومك

منتدى عام يعرض فيه عن قطو مفقود

الناس تفقد أغلى ماعندها وماتعرضه في المنتديات

تعرف ؟

اتوقع أن من يعلن في هذه المواقع المهمه مثل شبكة الأسهم القطريه يريد أن ينقص من قدرها

وأن يحول هذا المنتدى من شبكه " للأسهم " القطريه الى شبكة " المفقودات "

وبالطبع هؤلاء من يريدون أن يفقدوا المنتدى بريقه وصيته في قطر قاطبه لأجل مصالح " خاصه "


!!!

[الارض]

السلام عليكم ورحمة الله

اول شي :اللي ردوا علي بكلام طيب الله يجزاهم خير وفي ميزان حسناتهم ان شاءالله.

وثاني شي :اللي مب عاجبهم ويقولون انه ماله داعي، ليش دخلتوا الموضوع ورديتوا ماكان في داعي لردكم!

وبعدين كبرتوا الموضوع زياده عن اللزوم وسويتوني اني ابي اخرب المنتدى واني استغله حق مصالح خاصه!
عسى ماشر؟ اي مصالح اللي باخذها من اعلان عن قطوه ضايعه؟

واللي يقول احط اعلان في الجريده انا وحده ماعندي حد يروح يحط لي اعلان وامس وانا اتصفح المنتدى شفت وحده من الاخوات حاطه اعلان عن ببغاء ضايعه ووايد من الاعضاء رادين عليها والموضوع كان عادي وجاتني الفكره اني احط اعلان عن القطوه اللي عندناقلت يمكن نحصل راعيها،شنهو الغلط في اللي سويته؟

اخوي سهم انا اسفه اذا انا بهذا الموضوع انقصت من قدر المنتدى واستغليته لمصالحي الخاصه

الله يعلم اني بغيت اسوي خير لكن الظاهر انه طلع علي اغلى من بيع السوق!

[rayyani4ever]

شيك الخاص يالغالي

[دكتورة روح]

صج في ردووود
لا تعليق
الله يجزااااااااااك خير اخوي

[منــار]

اولا .. لحد يحسبني اني ادافع عن الاخت الارض .. مجرد ابداء رائ لموضوع

ولد الشحانية .. سهم .. هذا لكم ....

اختى الارض .. انا معاج صراحة كبر الموضوع من ولا شي .. وصفحتين اعترضات وشادين الحيل ..شسالفه ..


الاخت ما قالت شي والله عندنا قطوتين ضايعين حق اختي الصغير صاحت لين قالت بس ياهل وتعودت على شي وشارينهم بالشي اللفلاني وضاااعو .. تعبنا واحنا اندور عليهم .. ومضيعينهم قريب من المنطقة المذكوره ..

الموضوع انطرح مثل اي موضوع اللى عنده اهتمامات بالموضوع يرد واللى ما عنده يسكت ويدور الموضوع اللى له حاجه فيه ..

يعنى خلاص مافيه شي اللحين غير الاعترضاات على المواضيع ..


جزاك الله الف خير .. المنتدى مانحطت فيه شروط لمواضيع معينه وهذا دليل على ديمقراطية المنتدى


يعطيكم العافية ..

[الرويـس]

نرجع للموضوع

احد مضيع قطوه في الخريطيات ؟

[الارض]

اختي منار

الله يجزاج خير

وراجعي الخاص

[همسه]

اخواني الله يهديكم ان شاء الله

البنت سوت خير

نقول لها جزاج الله خير هذا الصح

موضوع عن قطوه مفقوده صحيح مايهمكم انتو

لكن يهم اصحابها

ومثل ماتحبون الناس يحترمونكم احترموهم

اخوي سهم جزاك الله خير احسن الظن

ياجماعه كلنا اخوان و خوات هنا لا انقص قدر بعض ولا نحقر بعض الله يخليكم

جمعه مباركه على الجميع ان شاء الله

:)

[وليف قطر]

نرجع للموضوع

احد مضيع قطوه في الخريطيات ؟

وهذا الصحيح :victory:


::


في ميزان حسناتج اختي

[صمت القلوب]

جزاج الله خير ...
وبالعكس سويتي خير حتى لو البعض معترضين ...
والله غريبه ... انج تبي تخربين سمعه المنتدى ... عسى ماشر ...
والله عليهم سوالف تضحك ...

هاذي امانه وانتي تحاولين تردينها لاصحابها ...والله يعطيج على قد نيتج ...

[الخبــره]

سبحان الله ترى تذكروا بس
انه كل كلمة الانسان محاسب عليها ما ابي ادافع كاتب الموضوع
لانه مالي خص فيه لا من قريب ولا بعيد
بس كنت ابي اقول وجهة نظري واللي ردوا علي
ما اقول الا الله يسامحكم

[فهد111]

لاحضت ان في ناس في المنتدى تحب تتلقف بدون ما احد يطلب رايهم وهذا الي يخرب المنتدى ويقل من قدره مش الموضوع الي حطته الاخت

وجزاج الله خير وجعله في ميزان حسناتج

[أمير المحبه]

لاحضت ان في ناس في المنتدى تحب تتلقف بدون ما احد يطلب رايهم وهذا الي يخرب المنتدى ويقل من قدره مش الموضوع الي حطته الاخت

وجزاج الله خير وجعله في ميزان حسناتج

:victory::discuss::victory:

[أمير المحبه]

جيكو لو حاطه اشغاب في خشمها

هاي قطوة اختي الصغيره لانها متاثره بزي افلام هههههههههههههههه

صاحب الموضوع جزاك الله الف خير

^_^