جاري الجديد مزعج وانسان شكاك ماذا افعل ؟ ( نصيحتكم )

[Some-One]

السلام عليكم ورحمة الله وبركاته

كثير منا في السابق تعود على نظام البيوت الشعبية وكان وقتها الجار
لا يطل على الجار .

لكن الان ومع التطور ووصول المخططات الجديدة اصبح الكثير يسكن في
فيلا دورين واصبح يطل على جارة .

جاري الجديد من هؤلاء الذين يعتبرون حدثوا العهد بهذا لذلك اول طلب
قام بطلبه مني هو ان اغلق النافذة التي تطل علية !! :eek5:

الان نصائحكم لي ماذا افعل حيث انه جار واسلامنا وصانا على سابع جار .

طبعا انا تعبت في تصميم الفلا حتى تظهر بمنظر مميز فاتمنى ان تكون النصائح
في مالا يخل بمنظر الفلا الجمالي .

شكرا لكم جميعا .

[قطري !]

الله يعينك ويصبرك


تبي نصيحتي سكر النافذه


مو على شانه , عشان وصية الرسول صلى الله عليه وسلم


وانشالله انها ماراح تشوه المنظر خصوصا انها في جانب البيت وليست الواجهه

[eXpert*]

انا عن نفسيّ لا بسكر ولا شئ ،، اذا في خاطره شي خل يرفع الطوفه قد ما يبي ،، الله يعينه على نفسه.

[عابرة سبيل]

الله يعينك عليه
انا اقولك تفاهم انت وياه

[Some-One]

بارك الله فيكم جميعا على النصائح

تقفيل النافذة راح يضر فيني وبيريحة وهذا بيكون حل ارضى طرف واحد .

التفاهم معه صعب لانه مع احترامي انسان مايفهم وانا مابي انشيء معه خلافات
وهو كما ذكرت جار وله علي حق .

في انتظاركم أخواني أخواتي الاعزاء .

[قطري !]

تقفيل النافذة راح يضر فيني وبيريحة وهذا بيكون حل ارضى طرف واحد .

.



الجار قبل الدار

[سوق واقف]

يالغالي هل أنت تستخدم الدريشة أذا لا حط عازل أسود له بدون ما تشيل الدريشة ..وأذا تشوف أنك تقدر تسكر سكر ؟؟؟؟

بس بشرط مب بكره يطلع بسالفة ثانية ويقولك سكر باب الحوش بعد؟؟؟

[موضي قطر]

الله يعينك سوي اللي يرضيك وتشوفه صواب

[Some-One]

يالغالي هل أنت تستخدم الدريشة أذا لا حط عازل أسود له بدون ما تشيل الدريشة ..وأذا تشوف أنك تقدر تسكر سكر ؟؟؟؟

بس بشرط مب بكره يطلع بسالفة ثانية ويقولك سكر باب الحوش بعد؟؟؟

هذا الخوف من الي ممكن يحصل جزاك الله خير :)

اشكر الاخوة والاخوات على تفاعلهم .

سؤال عن الحاجز الذي ممكن أن اضعه بيني وبينه كم الارتفاع الذي ممكن ان اصل
له وهل هناك حاجز ممكن ان لا يشوة منظر الفلا ؟

في انتظار مشاركاتكم .

[سوق واقف]

هذا الخوف من الي ممكن يحصل جزاك الله خير :)

اشكر الاخوة والاخوات على تفاعلهم .

سؤال عن الحاجز الذي ممكن أن اضعه بيني وبينه كم الارتفاع الذي ممكن ان اصل
له وهل هناك حاجز ممكن ان لا يشوة منظر الفلا ؟

في انتظار مشاركاتكم .


شوف يالغالي أذا بيتك حجر ماراح يضر لأنك بتسكر وبتركب حجر بس أذا صبغ حتى لو سكرت راح يبين

[eXpert*]

يا خي انا نصيحتي لا تتجاوب معاه ،، لان شوي شوي راح تفتح على نفسك باب يدخل في أشياء ثانيه ماله علاقه فيها .

ولكم في طاش ما طاش مثال :nice:

[المـــــ$$$ـــــتثمر]

والله إذا أنت دريشتك مسيوها على حسب الأصول وعلى مواصفات ومقاييس البدلية إلى ما تظر بالجار
فأنت جارة الأول والمفروض هو يراعيك بعد موب أنت جارة إلي لاصق فية ,, مفروض يراعيك بعد
قوله إذا أنت متضايق من شيء ,, الله لا يهينة فية شيء يركبونة على الطوفة إلى بينك وبينة مثل العازل
وعلى حسابة الخاص ,, وإذا هو موافق هذا الحل وما عنة فلوس وأنت الله مكرمك سوه على حسابك

أما أنه يقولي سكر الدريشة ,, بصراحة ماله حق في بيتي ,, وخصوصاً إذا أنت باني البيت قبلة
المفروض يكون عامل حسابة ,, أما إنة يبني بيتة وعقب يقول لجيرانة سكروا درايشكم ,,
شدعوه ,,
وحتى لو أنت باني بعدة ,, بعد ماله حق إذا أنت ماشي حسب الأصول

قوله بالهداوه وبالمفهومية وبالسياسة ,,

فيه شيء عازل يركبونة بين البيوت ركبة زي ما تبي ,, ويرفعة إن شاء الله لين نص السمى ويحط لمبات حمر حق الطيارات بعد إذا يبي ,,



إذا على قولتكم الجار له حق ,, طيب روح له أنت وقوله ركب عازل وشوف وش بيسوي
خل إنشوف حق الجار ,,

[naklan]

اخوي العزيز فيه حل يرضيك ويرضيه ولا تحتاج الى رفع الطوفه

فيه عند محلات الامنيوم حمايه نفس الريش مالت المكيف لو ركبته على الدريشه ماتكشف

بيته تقدر تشوف فوق او تحت الدريشه ويدخل عليك الهوى وما تكشف جارك وبلون

الدريشه وتكون كسبت جارك وما سكرت دريشتك الله يعينك

وموفق اخي الكريم

[RAHA]

قانونيا انت ما عليك شيء
لأنك ما راح تستلم البيت إذا فيه خطأ إرتدادات
و فتحات شبابيك للحمامات او الغرف
و إذا في خطأ راح تتحمل المسؤوليه
طبعا كل الخرائط تكون مطابقة لمواصفات التخطيط العمراني
و تقوم البلديه بفحص هذه الخرائط قبل رخصة البناء

و إذا تبي تفتك من هذا الموضوع
ممكن تركب ألومنيوم لوفر
لكن مشكلته راح يدخل عليك كمية ضوء أقل
و تقدر تسويه مثل الدريشة و تفتح على برع
هذا حل لإرضاء الأطراف
اما فعليا فليس له الحق
http://www.reversomatic.com/resources/content/products/mainpic/5000%20H.A..jpg

[السندان]

بكره بيقولك صكر باب السطح علشان ماحد يكشفنا .. عاد هذي سالفه؟

بس ماقلت لنا دريشتك قانونية ولا لا .. يمكن معاه حق

بالتوفيق لك ولجارك

[الخفي]

بكل بساطه : خل نفسك مكانه هل كنت ستسمح بأن جارك يكشف بيتك وحرماتك

ولا تنسى انت قلت ان الني صلى الله عليه وسلم وصى على سابع جار وهذا الجار الجنب

يعني وضعه مختلف وانت من كلامك تقول براعي ناحيه الدين ووصيه الرسول اذا فالرجل معه حق

لانك كاشف بيته وفي النهايه لاتنسى ضع نفسك مكانه ماذا كنت ستفعل شرعا ودينيا معه حق

قانونيا مادري

[اسيرالدوحه]

السلام عليكم...

اولا ... مسألة جق الجار ... فهذي مافي عليها خلاف ...

لكن الحق من الطرفين ... يعني جارك له حق ... وانت لك حق ...

ثانيا .. مايصير انت تسكر الشباك عشان هو بس قالك ...

يعني انت تتضرر عشانه هو ..

لكن انا عندي حل ... لازم تتفاهمون مع بعض ...

فيه مثل ماقالوا الاخوة ... الواح المنيوم تتركب فالسور اللي بينكم ... العازل ..

والحساب ... النص بالنص ...

لانه هو من حقه .. انك ماتكشف بيته ...

وانت من حقك انك تتمتع ببيتك ....

وان جيت للحق ... المفرووض هو اللي يسكر ويستر بيته ...

لكن انا انصحك انك تتفاهم معاه ... وتتراضون ...

واذا مارضى ... عاد هني الشور لك ...

ان بغيت تسكر الدريشه ... سكر ..


وان بغيت تخليها مثل ماهي ... فانت صراحة سويت اللي عليك ... وحاولت تتفاهم مع الرجال ... وتوصل الى حل يرضي الطرفين ...


الله يعينك اخوي ...

ويعطيك العافية يارب ..

[المـــــ$$$ـــــتثمر]

بكل بساطه : خل نفسك مكانه هل كنت ستسمح بأن جارك يكشف بيتك وحرماتك

ولا تنسى انت قلت ان الني صلى الله عليه وسلم وصى على سابع جار وهذا الجار الجنب

يعني وضعه مختلف وانت من كلامك تقول براعي ناحيه الدين ووصيه الرسول اذا فالرجل معه حق

لانك كاشف بيته وفي النهايه لاتنسى ضع نفسك مكانه ماذا كنت ستفعل شرعا ودينيا معه حق

قانونيا مادري

أغلب الفلل الحين إطل على بعض ,, والله موب من كبر الأرض ,, يا دوب 3 متر الإرتدات
وكل واحد يشوف حوش الثاني زي السلام عليكم

وش تقدر تسوي

قد مرة شفت فيللا راعيها حاط العازل الي بين البيوت على ثلاث جهات ما عدى واجهة البيت ,, تخيل




أخوي Some-One
يعني أنت الحين بيتك فيلا وهو بيته أرضي ولا شالسالفة

[ملسونه]

اخووووي السالفه مايبيلهاا

هو له حق وانت لك حق علييييه

واعتقد ان هو بيته بعد يكشف بيتك


الحل انك تحط عاازل نفس كل البيووت

وترى هو معذور بطلبه

وحقه


بس اهم شي يكون باسلوب طيب


ومايرد بعد كم يوم ويطلب منك شييييي ثاني


الله يعينكم ..

[Some-One]

ردودكم وتجاوبكم مع مشكلتني اسعدتني
كثيرا يعلم الله بهذا .

وضع الشباك عندي قانوني وهو بيته فيلا اعتقد نموذج الاسكان
قلت له بركب مثل ما اقترحتوا علي وهو العازل

http://www.reversomatic.com/resources/content/products/mainpic/5000%20H.A..jpg

لكن قال لي هذة ممكن الواحد يشوف من بين فتحاتها ( هذا سبب ذكري انه انسان شكاك )

على العموم بتكلف بكل شيء اهم شيء افتك منه

طلبي عازل بين البيتين شنهو افضل شيء ممكن استخدمة وخاصة اني لا افضل الكيربي
لان شكله يخرب المنظر العام للفلا .

مرة ثانية احب اشكركم على هذا التجاوب الرائع .

[المستقل]

الأخ الفاضل جزاك الله خير

إذا وافقت على طلب جارك وخليت من حقك لله ولو شوي صدقني مارح تحزن وراح تشوفها توفيق في دنياك قبل أخرتك



وفقك الله

[PoBox]

لكن قال لي هذة ممكن الواحد يشوف من بين فتحاتها



:rolleyes2:


اخوي لاتلعب في الشباك لانك مهما لعبت فيه بيتم يشك (حسب وصفك )
والتمس له العذر بعض الشي قد يكون بيتك فعلا كاشف بيته بقوة مع هالشباك
وهله في الحوش او هالمنطقة يضطرون يتحجبون للخروج ، سالفة يعني !

الحل الوحيد هو رفع السور اللي بينكم او تركيب حاجز على السور
دامه هو صاحب الطلب بالتغطية
قوله هو يدور نوعيات للحواجز مع الاسعار
وتتقاسم انت وياه تكاليف الحاجز

اما الشباك ماانصح انك تغير فيه شي
والله يبارك لك الدار والجار

احلى شي اشوفه شي مثل هذا ( القطعة اللي فوق السور )
تكون حديد مثلا - نفس تصاميم الدرابزينات - وتلبسه زجاج مطفي او بلاستيك نفس الاسوار الخارجية لبعض البيوت حلو وساتر
- تكون طويلة شوي طبعا - الصورة ادناه لحديقة من النت





http://www.elegantgardens.net/images/main_page/main_centre_pic.jpg

http://www.drabzinplaza.com.qa/images/Album/fence/images/07.jpg

[فتى الجود]

من باب :

( من ترك شيئ لله أدبدله بخير منه )



خل نيتك ظانك تسكر النافذة لوجه الله وسكرها

والله بيعيظك خير أن شاء الله

والله يعينك

[هذلان]

احييك على حرصك على الجار .

سو ريش الالمنيوم و قوله انا بركب الالمنيوم هذا عشانك انت ترتاح بس ولا ترى انا ولا اهل بيتي وشنبي فيك نطل في حوشك .
وعلى مافهمت من كلامك انه هو بعد فيلا و يكشف حوشك خل هو يركب بعد .

و صحيح لا قالك الجار قبل الدار .. جازنا صار له فوق ٣٠ سنه وهذا شي بسيط لكن الحقيقه ٣٠ سنه من الشقا الله يصلحه

[كيلو حديد]

صباح الخير

يا خوي لو الجار مرتب بيته بحيث ما يكشف بيتك اوكيه له الحق

بس لو هو مو ملتزم ماله حق

والحق من الطرفين يعني أنت ما تطل وهو ما يطل

الا إذا البيت حقه شعبي وأنت فيلا هنا من حقه على الأقل لأنه يكنكشف بيته وبيتك لا

وأنت تخيل لو جارك بالجهه الثانيه باني 3 ادوار تحس نفسك مكشوف مكشوف

رأيي تتفاهمون بالحسنى والستر زين والله يوفقكم

[Index Signal]

عزيزي ..

هو المعترض إذا هو إللي يتحمل..

يعني ما يجوز لأنه شكاك إنت تتحمل شكه و تخرب بيتك و تدفع من جيبك..

خله هو يرفع سور بيته و يدفع من جيبه ..

و أعتقد هذا ما فيه مخالفه لوصية الرسول صلى الله عليه و سلم ..

و مثل ما هو كان صريح معاك خلك صريح معاه و واجهه بالمنطق .

[abdulla999]

اخوي الله يعينك
لاتسوى اي شئي خل هو يركيب على بيته لي يبيه ومعليك منه يطق راسه في الطوفة

[Some-One]

بارك الله فيكم أخواني وأخواتي الاعزاء .

مثل ما ذكرت سابقا هذا جار وله حق والله بلشني فيه :)
والحمدالله تربينا على حسن الجوار .

سؤالي عن الساتر الالمنيوم يجي شكله حلو ومرتب وتحس كانه داخل في بعضة
وين الاقية وهل عندكم فكرة عن سعر المتر ؟ وما هو الارتفاع الي ممكن ان اصل له بدون ما اسبب خطر السقوط اذا حدث هواء قوي ؟

شكرا لكم

[حـــنـــان]

ماانصحك تسكر الدريشة وتخرب منظر بيتك...ركب على السور حاجز او بليويت شكلة حلو راقي من اول الطوفة لاخر الطوفة صج بيكلفك بس بتفتك من اذية هالجار الشكاك

[Some-One]

شكرا لك أختي العزيزة

وأن شاء الله بركب عازل على الجدار واتمنى ان اجد اجابة لسؤالي اعلاه .

كل التوفيق

[الـخـور]

اذا انت غير مخالف لشروط هيئة التخطيط
بصراحة لايحق لجارك انه يطلب انك تسكر دريشتك
ولكن اذا فعلا هي مطله على جارك .. ممكن جارك يرفع السور

واذا انت متعاطف والدريشة هذي مالها داعي سكرها وفك عمرك خصوصا لو بيته قديم وعلى التصاميم القديمة المكشوفه