الدكتور خالد الشيخ

[رمــش الغلا]

السلام عليكم ورحمه الله وبركاتــــــــه


ولد اختي عمره 7 شهور ووايد صدره تعبان عنده حساسيه صدر
من يشرب شي يقعد ايكح ساعه متواصله لين ايرجّع اللي في بطنه مسكين

وديناه حق دكتور مهند وطوارئ السد ومافي فايده,,,
اللي ايعرف دكتور حق ربو ولا حساسية صدر لايبخل علينا
وجزاكم الله خيــــــــر

[راعية السيكل]

المستشفى الاهلي اللحين عنده دكتور معن جمال متخصص في امراض الصدرية والربو والبلغم رائع جدا

[الرويـس]

منو الدكتور خالد الشيخ

[راعية السيكل]

هذا دكتور Internal Medicine في المستشفى الاهلي

[الرويـس]

اهااااا جيد

[بوهلال]

اخوي الرويس .

دكتور خالد الشيخ متخصص في حالات الربو والتنفس وحاليا متخصص في الإقلاع عن التدخين.

إذا بغيت معلومات زيادة راسلني على الخاص عشان ما تكون السالفة دعاية له على العام

[Nasser2006]

هلا أختي أنا ولدي كان تعبان في صدره عمره 4 شهور صار له 3 شهور أوديه المركز ولا يعطوني دواء منه فايد يعطوني قطرة خشم وخلاص والولد في صوت في صدره وكحه حادة ووديته حق دكتور مهند وما فيه فايدة ووديته حق دكتور عمار متخصص في الصدر في مستشفى حمد ومكتبة في الطابق الثاني قسم الاطفال في حمد العام ،دكتور طيب وكلامه مثل العسل وخلوق والله يكثر من أمثاله يتقبل كل المرضى وراح يفيدك بمجرد ما يسمع صوت صدر الطفل على طول يعرف وش هيه المشكله ما شاء الله عليه بس علشان يتأكد أكثر راح يعطيك موعد حق تصوير أشعة حق الصدر وموعد معاه علشان الدواء ،أقولج الحين لازم تروحين له يالله قومي لانه هوه بيروح الحج .

طبعا أنا أعرفه لانه عندي ولد قاصر قبل هاي الولد بو 4 شهور والحمدلله بفضل الله ومن ثم متابعة هاي الدكتور عمار الولد صار أحسن ما يكون صار له سنتين يتابع ولدي.

يالله قومي ودي ولد أختج الحين .صدقين دكتور 100% ممتاز.

[هاجر]

الله يحفظه ويشفيه ويعافيه
في عمر بنت أختي الله يحفظها وهي كذلك عندها حساسية بالصدر وكحة
كتب لها الدكتور الكيالي دواء مضاد للحساسية أعتقد اسمه ريميلان لمدة شهر والحمدلله تشافت بفضل الله أولاً
الصراحة أنصحج بهذا الدكتور لأنه ماشاء الله عليه دكتور يعرف يشخص عدل جربوه وماراح تخسرون شيء
والله يطمنكم عليه

[الرويـس]

اخوي الرويس .

دكتور خالد الشيخ متخصص في حالات الربو والتنفس وحاليا متخصص في الإقلاع عن التدخين.

إذا بغيت معلومات زيادة راسلني على الخاص عشان ما تكون السالفة دعاية له على العام

وليش الخاص :)
يستاهل الدعاية دام انه مخلص في عمله
ومحترم مهنته وطبعا فيها مصلحة للجميع

[راعية السيكل]

سوري اخوي اختلطت علي الاسماء لانه في الاهلي في دكتور اسمه طارق الشيخ متخصص في Internal Medicine

اسفة مرة ثانية

[الرويـس]

اهااااا ممتاز

[Nasser2006]

الدكتور عمار في مستشفى حمد ممتاز في عيادة الاطفال 100% عن تجربة.متخصص حق الاطفال.

[كازانوفا]

الدكتور محمد الكيلاني دكتور جيد وممتاز مستشار رااائع كانت اختى دايما تمدحه لعلمه الرائع بطب الاطفال
ربي يشفي اطفال المسلمين ان شالله

[بوهلال]

بصراحة انا تعاملت مع الدكتور خالد الشيخ شخصيا وهو ممتاز في التشخيص والمعالجة لأمراض الصدر والتنفس للأطفال بشكل خاص وكما ذكرت في الرد السابق حاليا لديه برنامج خاص للإقلاع عن التدخين وله نتائج رائعة في هذا البرنامج .
موقع عيادته قرب مختبر وأشعة الخليج في النصر .

[Nasser2006]

الدكتور عمار في مستشفى حمد ممتاز في عيادة الاطفال 100% عن تجربة.متخصص حق الاطفال.

ياتروحين مكتبة في الطابق الثاني في مستشفى حمد العام قسم الاطفال غرف الترقيد أسألي الممرضات وين الدكتور عمار وهم بيدلونج على طول بيكشف عليه ، وبيعطيج يا دواء والا موعد حق الاشعة مع موعد معاه نفس يوم الاشعة هاي مثل ما سوى فيني وهيه أسرع طريقة.

أو تأخذين موعد معاه في العيادة الصباحية والا المسائية وهاي ثاني حل.


والله يشفى الولد ومايشوف شر واللهم اشفى جميع أطفالنا وأطفال المسلمين.

[رمــش الغلا]

جزاكم الله خيــــــر وماقصرتوا والله يعطيكم العافيه.
انتو ذكرتوا لي :
د. خالد الشيخ , د.عمار في مستشفى حمد , الكيالي , محمد الكيلاني , المستشفى الاهلي

باجربهم كلهم :)

وماتشوفون شر ان شاء الله
فمان الله

[رمــش الغلا]

اخوي الرويس .

دكتور خالد الشيخ متخصص في حالات الربو والتنفس وحاليا متخصص في الإقلاع عن التدخين.

إذا بغيت معلومات زيادة راسلني على الخاص عشان ما تكون السالفة دعاية له على العام

لو سمحت اخوي ممكن معلومات أكثر ورقم العيادة ولاعليك امر

[بوهلال]

بصراحة انا تعاملت مع الدكتور خالد الشيخ شخصيا وهو ممتاز في التشخيص والمعالجة لأمراض الصدر والتنفس للأطفال بشكل خاص وكما ذكرت في الرد السابق حاليا لديه برنامج خاص للإقلاع عن التدخين وله نتائج رائعة في هذا البرنامج .
موقع عيادته قرب مختبر وأشعة الخليج في النصر .


العنوان مذكور في الرد أعلاه

[دكتورة روح]

خالد الشيخ ممتاز
ماجربته لكن اسمع الكل يمدحه
لحساسية الصدر

[Nasser2006]

الدكتور عمار ممتاز في مستشفى حمد عن تجربة.

[روح-قطر]

والله على حسب الياهل وجسمه واللي يتقبله من الادويه انا تعاملت مع الكيالي ومافادني بشي مو معناته انه مو زين بالعكس في يهال مشى وياهم..

بالنسبه لي د. راضي رضوان ممتاز بصراحه:)

[بوعمير]

مرض الربو يختلف من طفل إلى أخر وكذلك العلاج، شخصياَ ما في دكتور في قطر إلا وجربته، وبرتبهم حسب الي فادني أكثر:
1- الدكتور. ابراهيم الجناحي (إستشاري أمراض صدر)، مستشفى حمد.
2- الدكتور مهند عيادة خاصة.
3-الدكتور. خالد الشيخ - عيادة خاصة.

وما يشوف شر الولد طهور إن شاءالله.

[far_star]

الله يشفي مرضانا ومرضاكم ومرضى المسلمين

بالنسبة لي الدكتور خالد الشيخ " تجاري" يكتب لك على ادوية لها أول مالها آخر وأثناء زيارتك له يروج لخدماته الأخرى في العيادة حتى لو أنت مو محتاجها.. وقريت ملصق بعيادته أن الرذاذ اللي ينعطى لمريض الربو في العيادة"الفينتولين" قيمته اذا عطاه المريض 100 ريال!!!

طوال 18 سنه ماتعاملت إلا مع الدكتور محمد علي شحاته الله يحفظه ويجزاه خير وكان الأفضل بدون منازع فيما يختص بأمراض الربو والأطفال.. حالياً ترك الدوحة ورجع لمصر بشكل نهائي

بخصوص مرضى حساسية الصدر مشكلتهم معقدة وأنا عانيت مع ولدي الصغير بسببها..

صار لي فترة أعالجه مع بداية أي كحة "بالعسل " ومن فضل ربي صار استخدامه لأدوية حساسية الصدر والكورتيزون أقل بكثير.. وحتى لو جاته نوبة الحساسية أعالجه بالعسل مع أدويته وبإذن الله يستغني عن الأدوية بفترة أقل ويتشافى بفضل الله بشكل أسرع

بداية...اسألوا عن العسل الطبيعي الخاص بعلاج الربو ولو ما توفر راح يفي بالغرض اي نوع ثاني

الطريقة هي:

للصغير من عمر سنتين وأكبر: ملعقة صغيرة عسل طبيعي تخلط بملعقتين عصير ليمون طازج ثلاث مرات يومياً أول جرعة تكون على الريق

للشخص الكبير : ملعقة متوسطة إلى كبيرة عسل تخلط مع عصير نصف ليمونة وتكون ثلاث مرات باليوم أولها على الريق

وأي أحد يشتكي من الكحة أو شحطة الحلق أو الحساسية بإذن الله راح يلاحظ الفرق الواضح بعد العسل

بالتوفيق للجميع

[الـعــضــيـد]

السلام عليكم


اختي صحيح كلام الجماعة يمدحون الدكتور خالد الشيخ ومكان العيادة خلف تويز ار اص


وانا جربت الدكتور ابراهيم الجناحي والحمدلله من فضل الله ثم الدكتور ابراهيم الحمدلله ولا قبل مايرقد من الصوت الي في صدرة والدكتور شهادة لله ان من الكفاة وهو خريج كندا
زطريقة العلاج مريحة نفسياً يعطي الولد علاج ويعطية وقاية كل كورس 6 شهور وبعدين يخفف الجرعات كل 6 شهور والله يحفظ يبعد كل مكروه عنالاطفال والكبار وشباب بعد

[همسه]

صحيح الدكتور خالد الشيخ ممتاز ما شاء الله

:)

[رمــش الغلا]

بخصوص الدكتور الجناحي لازم مواعيد وسالفه وانا تعقدت من مستشفى حمد وطوابيرهم

far_star من وين شريت العســــــــل الطبيعي ماعرف النوع الزين اخاف ايقصون علي :(

ومشكورين فرداَ فرداَ

وماتشوفون شر يارب