شدعوى بعد اكثر من كذا وش اسوي ؟

[أم جابر]

متخرجه من 2005 ثانويه بس نسبتي زفت عشان كانت عندي ظرووف .. ومن ذاك اليوم وانا اقدم على وظايف ولين اليوم محد رد علي اعابل معاهم لين مايسون لي مقابله ولما يسون لي يقولون بناديج واقعد احن كني اطر منهم الشغله واخر شي يرفضوني ومن دون سبب .. قدمت على وزارة العمل من سنه وشي ونفس الحاله يرشحوني حق وظايف وبعد ما الاقي منهم رد لين ماجزاهم الله خير عطوني دوره تأهيل وظيفي لمدة 3 شهور ووقالو لي الشغل اجباري وقعت على العقد وخلصت الدورة وعلامتي ممتازه والحين لي اكثر من 6 شهور ومحد ناداني لاشغل اجباري ولاشغل عادي ..

يعني السالفه ناقصتها وااااو وانا ماعندي من وين اجيب لهم هالواو :(

يعني لو اني كسوله والا علامتي زفت فالدوره كان قلت استاهل يعني اللي معاي فالدوره جايبين تحت ال 50% اشتغلوا وانا لا ليش !!!!!!!!!!

مؤوسسة حمد ارفضوني عشان حامل واقبلوا رفيقتي وهي حامل @!!
وهيئة الطيران مشو اوراقي واجتزت المقابله ويوم دروا اني امي تشتغل عندهم رفضوني ’’
وزكيوتل قابلوني وقالوا انتظري رد ع الايميل وكل ما اتصل يقولون اذا في شي بنرد عليكم
والمجلس الاعلى للقضاء نفس الشي ماردوا علي ,,
واايد اماكن وكلهم يقولون ماعندنا شاغر وانصدم بعد فتره وحده من ربعي تتوظف عندهم

بعد وش باقي اسوي ؟!!

:weeping:

-------
اللهم إن كان رزقي في السماء فأنزله ، وإن كان في الأرض فأخرجه ، وإن كان بعيدا فقربه ، وإن كان قريبا فيسره ، وإن كان قليلا فكثره ، وإن كان كثيرا فبارك لي فيه

[أمل العمر1]

فديتج الواسطة تلعب دور في هذا الزمن والله في متخرجات من الجامعة وينطرون وظيفة ومب محصلين


الله يهديهم بس والله يوفقج واتحصلين الوظيفة اللي تستاهلينها

[أم جابر]

آميييييييييييين والله النفسيه تعبت والحاله الماديه بعد ...

وش نقول غير الله كريم

[عنابي 2010]

الله يووفقج ان شاء الله ويررزقج بالوظيقه اللي تناسب طموحج

[النــادر]

الأمور كلها بيد الله سبحانه وتعالى ولا شك في هذا فأربطي نفسك بالله سبحانه وإن شاء الله ربك ييسر الامر

أسال الذي عينه لا تنام بأن يكتب لك مافيه خير ويوفقك لكل خير

سبحانك اللهم وبحمدك أشهد ان لا اله الا انت استغفرك واتوب إليك

[La Bella]

جربي تقدمين بالحي الثقافي

[أم جابر]

عنابي 2010

آميييييييين .. ولاهنت اخووي

النادر
ونعم بالله .. ولاهنت خيوو ع الدعااء وجزاك الله خير

[أم جابر]

La Bella

قدمت وماردوا علي :(

وحتى رضيت ب دوره 6 شهور خارجيه قلت مو مشكله وبعد مانادوني

[nor85]

استغفري بنيه الوظيفه وراح تنحل من رب العالمين

[ash_sh10]

الله يفرجها عليك و متى ما كتب لج ربج تشتغلين راح تشتغلين
وهذي الي انت تمرين فيه له حكمه من رب العالمين
و الي فيه الخير الله بيكتبه لج
و الله يوفقج و ييسر لج أمورج

[Index Signal]

اللهم إن كان رزقي في السماء فأنزله ، وإن كان في الأرض فأخرجه ، وإن كان بعيدا فقربه ، وإن كان قريبا فيسره ، وإن كان قليلا فكثره ، وإن كان كثيرا فبارك لي فيه

آمـيـن

[شـعـشـبـونـه]

اللهم إن كان رزقي في السماء فأنزله ، وإن كان في الأرض فأخرجه ، وإن كان بعيدا فقربه ، وإن كان قريبا فيسره ، وإن كان قليلا فكثره ، وإن كان كثيرا فبارك لي فيه

بس هذا الي عليج تسوينه

الرزق من الله ماتدرين يمكن خيره لج عادي لاتحاتين ورزقج بيجيج ليعندج حبووبه ^_^
الله يوفقج

[أم جابر]

تسلمووون جميع ... والله يجزاكم الجنه

لااله الا انت سبحانك اني كنت من الظالمين

[عاشقة الطاووس]

قدمي في قطر فاونديشن ، واسباير

وكثري من الاستغفار وبتنحل باذن الله ،،

الله يرزقج الرزق الطيب باذن الله :)

[Um Sultan]

اختي قدمي في البنوك ياخذون ثانويه

عندج الوطني ياخذ توه موظف دفعه كلهم ثانويه خريجين 2008 و 2007

[law girl]

عندج قطر فنديشن ..
وبروة ..
والبنوك ..
كلهم طالبين شهادات ثانوية ..
او روحي اخذي شهادة icdl وعقب بيوظفونج ^_^
وحتى بتلاقين وظايف بالمدارس المستقلة ..
وبالتوفيق يالغآلية ..

[أم جابر]

الله كريم ... الله يفرجها علي وعلى كل مسلم

ولاهنتوا جميع

[FHN]

الله يرزقج من حيث لاتحتسبين .. آمييييييييييييين

[Q6o]

اللهم مالك الملك .. تؤتي الملك من تشاء وتنزع الملك ممن تشاء
وتعز من تشاء وتذل من تشاء
بيدك الخير .. انك على كل شي قدير
رحمان الدنيا والاخره
تعطيهما من تشاء وتمنع منهما من تشاء
ارحمني رحمة تغنيني بها عن رحمة من سواك.

[سكرمر]

الله يوفقج ويرزقج بالوظيفه المناسبه واللى تستاهلينها


لكن موضوع الواسطه صار شي اساسي واهم من الشهاده نفسها


حسبي الله ونعم الوكيل

تحياتي

[أم جابر]

الله يسعدكم دنيا واخره ..
والله يجزاكم الجنة

وجمعه مباااركة ..

[همسه]

الله يرزقج الرزق الحلال ان شاء الله

اتمنى تلقين وظيفه ترتاحين فيها ان شاء الله

اكثر من الاستغفار

والصدقه

[براتزية برازيلية]

الله يووفقج ان شاء الله

[أم جابر]

آميييييييييين

[بوطويشم]

ماجربتي تقدمين على المدارس المستقله والمجلس الاعلى للتعليم؟؟؟؟؟؟؟

[عاشقة الجنه]

اممم في بمدرسه رقيه الاعداديه .. انج تكونين امينه مكتببب اذا تبين قدمي هناك روحي يوم الاحد ورواتببهممم وايد اووكي مدرسه رقيه المستقله ..

[غرود]

حبيبتي شيكي الخاص

[أم جابر]

بوطويشهم

الا جربت بس خذوني متدربه وحكوني حك من دون راتب واخر شي ما احسبوا لي خبره الا شهر وياليت خذت الشهاده كل مره يقولون المديره مهب موجوده يعني مافي حد يوقعها ولما وقعوها خذتها وحده نفسيتها خايسه وضيعتها وتقول انها عطتني وطنشت سالفة المدارس من بعدها :(

عاشقة الجنه
ان شاء الله .. الله يقدم الي فيه الخير

غرود

ان شاء الله


****

الله يبيض وجيهكم وفي ميزان حسناتكم يارب

[أم جابر]

لا اله الا انت سبحانك اني كنت من الظالمين

[دلوليانوز]

ما ابي احبطك..انا مهندس ولي سنتين..نو جوب

وقدمت في كل مكان..حتى ما لها خص بالهندسه..

ف يا عزيزتي.. انتظري ودوري..عسى الله يرزقك وياي واتسخر لنا من هالموظفين واسطه اتشغلنا وبرواتب اتريحج واتريحني

[أم جابر]

امييييين يارب

[فويرط]

جربي الداخلية

انا اشوف عندهم موظفات مدنيات

يمكن يكون لك نصيب هناك

[فقط قطر]

الله لا يهينيك....توجهي لله....ركعتين....بقلب خاشع....وبتشوفين الفرج

[أم جابر]

الله كريم

[رحال الدوحه]

هلا ومرحبا
اختي ام جابر

ما عليج امر راجعي الخاص ..

رحال الدوحه

[شوق qtr]

حبيبتيليه ماتقدمين بمدرسة مستقله يوضفون الثانويه العامه
وانصحج بصلاة اخر الليل والعاء الله يوفقج

[وتبقى الدنيا حلوه]

للاسف قطر صارت ماتمشي الا بالواسطه،، صارو مايعترفون بالشهادات والخبرات
الي عنده واسطه بيمشي ،، واخر شيء الله بيخفسنا من الي قاعد يصير يقولون المعرض المهني واخرررررررررررررر شيء المعرض اخرطي بس كلام الظاهر جابرينهم يسوونه ويقولون التوظيف للقطريين مفتوح ترى كذب كذب الي قدمو في المعرض المهني اخرتها محد رد عليهم ،،، اقوووووووول خل يلغون المعرض المهني اذا كان بس كذب ،،، يعني هو تقليد حق دبي بس للاسف دبي يشغلون الي يقدمون في المعرض المهني اما عندنال في قطر مايبون قطريين يجيبونهم من برا ...

اختي الله احس منهم كلهم وانشالله تتوظفين ،،، محد يوقف رزق من الله اذا كان كاتبه لج...

[بوعبدالله779]

ارسلي لي رقمج وان شاء الله خير

[شمعة الدوحه]

البنوك ياخذون قطريين وبالراحه بدون واسطه ولا شي

بس اهم شي الانجليزي عندج والكمبيوتر

وعسى ربي يوفقج وييسر لج امرج