المساعد الشخصي الرقمي

مشاهدة النسخة كاملة : المجموعة أم دلاله


أحمد الأحمد
10-02-2006, 10:04 AM
السلام عليكم

كمستثمر جديد في دولة قطر ، من هي برأيكم الأفضل ، دلاله أم المجموعة ؟

دلاله أم المجموعة :con2:
jajassim
10-02-2006, 10:14 AM
المجموعة
الممتاز
10-02-2006, 10:36 AM
المجموعة
المراقب
10-02-2006, 10:48 AM
المجموعة.

ولا أدري خدمة دلالة.
هجر
10-02-2006, 11:24 AM
انا جربت المجموعة ودلالة

لا مقارنة بينهما


طبعاً أكيد المجموعة
عاشق السوق
10-02-2006, 11:27 AM
السلام عليكم

كمستثمر جديد في دولة قطر ، من هي برأيكم الأفضل ، دلاله أم المجموعة ؟

دلاله أم المجموعة :con2:

يالله حيهم

يا خاك المجموعة افضل لك تدري ليه ؟
انا اقل لك ليه

لان شيوخنا الله يطول لنا باعمارهم ويخليهم ذخر حرموا دلالة لكنهم ماحرموا المجموعة

والله يبعدنا معك وجميع المسلمين عن الحرام
أحزان قطر
10-02-2006, 11:52 AM
السلام عليكم

كمستثمر جديد في دولة قطر ، من هي برأيكم الأفضل ، دلاله أم المجموعة ؟

دلاله أم المجموعة :con2:



أخوي أفتح في الثنتين المجموعة ودلالة الاســـــــلامية وجربهم وأكيد أنشـــــالله الاســلامية بتتوفق فيها أكثر أذا اتراعي الحلال في حلالك والمجموعة خلهم وقت صارت زحمة في دلالة :nice:
PoBox
10-02-2006, 12:04 PM
ياخاك المجموعة افضل لك تدري ليه ؟
انا اقل لك ليه

لان شيوخنا الله يطول لنا باعمارهم ويخليهم ذخر حرموا دلالة لكنهم ماحرموا المجموعة

والله يبعدنا معك وجميع المسلمين عن الحرام


اقول يا عاشق
ارجوا ان تفرق بين التالي


في المجموعة انت مجبور فلوسك تكون عندهم في بنك الدوحة الربوي ..

اما دلالة الاسلامية فحسابك راح يكون في المصرف ..

وشيوخنا مثل ما تفضلت ما حرموا التعامل مع دلالة
حرموا شراء اسهمها...

اذا كنت تحاتي الحرام والحلال
فالمجموعة اكبر حرمة من دلالة الاسلامية
وبالعقل وبدون مشايخ

ايش الاحل
حسابك في بنك الدوحة الربوي
ولا في المصرف الاسلامي


بالنسبة للاحسن ..

انا كنت اتعامل مع المجموعة وربك هداني
وحاليا مع دلالة الاسلامية

والصراحة لا مقارنة ..

دلالة يشيلون اسرع .. وخدمتهم احسن ..
والمجموعة يسدون نفس الواحد
يعاملونك بتكبر ..
اذا ما كنت ملياردير ..

وكان انت الي محتاجلهم مب هم الي يبون فلوسك ..

اما دلالة الاسلامية
قمة في التعامل والادب
أحزان قطر
10-02-2006, 12:07 PM
ياخاك المجموعة افضل لك تدري ليه ؟
انا اقل لك ليه

لان شيوخنا الله يطول لنا باعمارهم ويخليهم ذخر حرموا دلالة لكنهم ماحرموا المجموعة

والله يبعدنا معك وجميع المسلمين عن الحرام


أخوي ياليت تتاكد قبل ماتكتب أي شي من حلل المجموعة ؟؟؟؟ ومن حرم دلالة ؟؟؟
أخوي دلالة في فرع لهم أســــــــــلامي وكل تعاملتهم أســــــلامية ياليت أخوي تكتب الي أنت تفهم فية ومتاكد منة واذا مو فاهم شي لاتكتب :nice:
أحمد الأحمد
10-02-2006, 12:23 PM
شكرا على التفاعل .............. راح نوازن امورنا ونجوف ............ لازلت محتار
Qatareah
10-02-2006, 12:38 PM
دلاله طبعا "
دلاله
دلاله
انا جربت الاثنين طبعا" دلاله !
لان :
- فيها تداول الكتروني.
-مش لازم تعطيهم فلوسك عندهم .. لو عندك احساب في بنك قطر خلاص هم ياخذون من الحساب.
- دلاله والمجموعه اثنينهم حلال اذا بتشتري في اسهم اسلاميه او بتسوي تطهير .
- دلاله قالوا عنها حرام علشان تتعامل مع بنوك ربويه نفس الشي المجموعه بس الان المجموعه ماكان فيها اكتتاب ماقالوا شي ...
-دلاله مدعومه من كل البنوك الضخمه ... تمثلهم كلهم .

نعم دلاله !
عاشق السوق
10-02-2006, 12:43 PM
اقول يا عاشق
ارجوا ان تفرق بين التالي


في المجموعة انت مجبور فلوسك تكون عندهم في بنك الدوحة الربوي ..

اما دلالة الاسلامية فحسابك راح يكون في المصرف ..

وشيوخنا مثل ما تفضلت ما حرموا التعامل مع دلالة
حرموا شراء اسهمها...

اذا كنت تحاتي الحرام والحلال
فالمجموعة اكبر حرمة من دلالة الاسلامية
وبالعقل وبدون مشايخ

ايش الاحل
حسابك في بنك الدوحة الربوي
ولا في المصرف الاسلامي


بالنسبة للاحسن ..

انا كنت اتعامل مع المجموعة وربك هداني
وحاليا مع دلالة الاسلامية

والصراحة لا مقارنة ..

دلالة يشيلون اسرع .. وخدمتهم احسن ..
والمجموعة يسدون نفس الواحد
يعاملونك بتكبر ..
اذا ما كنت ملياردير ..

وكان انت الي محتاجلهم مب هم الي يبون فلوسك ..

اما دلالة الاسلامية
قمة في التعامل والادب

بيض الله وجهك
والله انك نبهتني لامور كنت غافل عنها

جزاك الله خير

بس ياخي انا اذكر ان الشيخ القره داغي والشيخ القرضاوي جعل ربي يحفظهم حرموا اني اشتري , وعلشان كذا انا ما شريت فيها ياخي , هل حللوا مرة ثانية؟

واذا كانوا حللوا , كيف اقدر افتح حساب معهم واكون شاكر لك طال عمرك
Saad-2006
10-02-2006, 04:24 PM
بيض الله وجهك
والله انك نبهتني لامور كنت غافل عنها

جزاك الله خير

بس ياخي انا اذكر ان الشيخ القره داغي والشيخ القرضاوي جعل ربي يحفظهم حرموا اني اشتري , وعلشان كذا انا ما شريت فيها ياخي , هل حللوا مرة ثانية؟

واذا كانوا حللوا , كيف اقدر افتح حساب معهم واكون شاكر لك طال عمرك

السلام عليكم ورحمه الله وبركاته :

للحين في كثير من الاخوان مو مفرقين بين اسهم دلالة وشركه دلاله ساطه ...
اسهم دلالة هي اللي يمكن حرموها ..مع اني سمعت ان اخر يوم حللوها ...بس ماعلينا
الاهم الحين ان شركه دلاله عملها بالضبط وسيط بين السوق وبين العميل يعني تشتري لك وتبيع لك في جميع الاسهم بالسوق <<< هاذي دلالة للوساطه "التقليديه" اما ...
دلاله الاسلاميه فهي بإذن الله محلله مئة بالمئة ... والسبب تتعامل مع الشركات والاسهم اللي شيوخنا الافاضل حللوها ... وفلوسك اللي بتحطهم للشراء او بيحولونهم لك في حالة البيع بتكون محفوظه في مصرف قطر الاسلامي اللي من اسمه مايتعامل بالربا ...

وانا تعاملت مع دلالة الاسلاميه وللحق كانت خدمتهم جدا زينه وماعليها كلام :o

بالنسبه لفتح الحساب معاهم ..فرعهم موجود بسوق الدوحة للاوراق الماليه بالطابق الثالث ... كل اللي يطلبونه بطاقتك الشخصيه ... ولما تخلص وتوقع على الاتفاقيات راح يعطونك رقم حسابك بمصرف قطر الاسلامي اللي بتحط فيه فلوسك اذا بغيت تشتري وتتحول عليه الفلوس في حاله البيع ... وبالنسبه لاسهمك اللي شريتها عن طريق وسيط اخر فكل اللي عليك تسويه هو انك تكلمهم عشان يرفعون اسهمك وبعدها بالتلفون تكلم دلالة الاسلاميه 4285555 وتطلب سحب اسهمك وبيعها اذا بغيت بنفس الوقت ...

واذا عندك اي استفسار انا وهالناس الطيبه موجودين راح نرد عليك انشالله :D

PoBoxing احلى بوسه على خشمك ... كفيت ووفيت يابو الذوق :app:
PoBox
10-02-2006, 04:35 PM
ما قصرت اخوي Saad-2006 على التعقيب ..
بس حبيت الخص في نقاط

شراء اسهم دلالة حرام ..
ليش ؟

لانها ببساطة تشتري اسهم البنوك الربوية ..
واذا شريت اسهمهم تعتبر شريك معاهم في شراء البنوك الربوية ..
لان من ضمن شغلهم دلالة للاستثمار وليس فقط وساطة

وكذلك المجموعة لو نزلوا اكتتاب بيكون مب بس حرام
الا زقوم .. لانهم عندهم بعد ماستر كارد وربا محض 100 %

اما التعامل معهم غير ..
( ويعتبر كانك تشتري ببسي من بقالة راعيها كافر)
هم مسلمين بس للتوضيح ضربت هذا المثال


زين
اسهمهم حرام
التعامل معاهم حلال ولا حرام ..

الرد
التعامل معهم ..

هم شركتين
دلالة للوساطة
و
دلالة الاسلامية


اما دلالة للوساطة .. فالتعامل معها مثل التعامل مع المجموعة وغيرها ..
لانها تشتري اسهم البنوك الربوية ..وغيرها ..
وحسابك سيكون في بنك قطر الوطني الربوي وهذي هي المشكلة

اما دلالة الاسلامية
التعامل معها ان شاء الله حلال ..
لان حسابك سيكون في المصرف الاسلامي مثلا لو زادت فلوس من البيعة او الشروة راح ترجع
لحسابك في المصرف ..

وليس مثل المجموعة او دلالة للوساطة( الغير اسلامية)
الي راح يودون حسابك اما للوطني الربوي او الدوحة الربوي ..



طبعا انا لا ادعي ان دلالة ودلالة الاسلامية مفصولين تماما ..
لكن انا علي فلوسي وين تروح ..
دام انها رايحه المصرف انا مرتاح ...
ونسبة ال 4 بالالف متساوية بين كل الشركات كعمولة ..


واذا غمض شيء
ترانا حاضرين للتوضيح ..
sss
10-02-2006, 05:59 PM
المجموعة
al7or
10-02-2006, 06:52 PM
دلالة

وما قصرتوا بالرد

يعطيكم العافيه
الدينار
11-02-2006, 07:21 AM
بلامجاملات المجموعة أإفضل والمثل يقول قديمك نديمك