نصيحتكم في مروحة الحمام ( الله يعزكم )

[فويرط]

مرحبا

بصراحة انا محتار في مروحة الحمام ( الله يعزكم ) اخليها مروحة عادية على الطوفة ؟؟

ولا المروحة اللي في السقف ( المراوح الداخلية ) ... اللي تجي في الجبس ؟؟؟

وايش مميزات وعيوب كل نوع ؟؟

لان فتحة المروحة في الطوفة يختلف من النوعين ...... المروحة اللي في السقف تجي فتحتها فوق قريبه السقف .... والمروحة العادية تجي فتحتها في الطوفة تحت شوي

ياريت اللي عنده خلفيه او اهل الخبرة يفيدوني عاجل ... لان الحين بيركبون الطابوق ويبون جوابي النهائي

وجزاكم الله خير

[..er..]

بصراحه ماعندي اي خبره


بس اشوف الي على الطوفه افضل

:)

والربع ماراح يقصرون ٍ

[بن رومي]

والله انا اشوف

عن عوار الراس والخساير


ما تحط مروحة كلللللللللللللللش


واحسن عشان الازعاج بعد




هههههههههههههههههههههه


الله يوفقك يالغالي




اخوك بن رومي

[فتى الجود]

الأفضل اللى في السقف وتتركب في الجبس

ماتدخل غبار .
ولاتكشف اللى داخل ( خصوصا أّذا كان الحمام تطل على شارع رئيسي ) .
ولاتدخل هوا بارد أيام الشتاء .

[Chambray]

الأفضل اللى في السقف وتتركب في الجبس

ماتدخل غبار .
ولاتكشف اللى داخل ( خصوصا أّذا كان الحمام تطل على شارع رئيسي ) .
ولاتدخل هوا بارد أيام الشتاء .

وازيد على كلامك ( قوة الشفط بها 7 مرات اقوى من العاديه )
والاهم الحمام والطيور مايعششون فيها ههههههههههه

يورك عندهم مراوح المانيه قويه
وايضاً باناسونيك جيده

[اسيرالدوحه]

اول مرة اسمع عن هذي المراوح اللي تتركب فالسقف ...

شلون طريقتها....

وياليت لو حد عنده صوره عنها ....

يحطها ...

يعطيكم العافية ..

[موضي قطر]

اول مرة اسمع عن هذي المراوح اللي تتركب فالسقف ...

شلون طريقتها....

وياليت لو حد عنده صوره عنها ....

يحطها ...

يعطيكم العافية ..



نفس الأسئلة انا أول مرة أسمع عنها اذا ممكن حد يحط لنا صورة

[الســـهم]

السلام عليكم اخوي فويرط ..

الشفاط اللي بالسقف كديكور احلى , ولكن بصراحه مش عملي , اولا مايعمر مثل المروحه العاديه وثانيا صوته عالي ومزعج وثالثا صيانته او تغييره اصعب من المروحه العاديه , انا مركب حاليا ماركة اكسبلير من شركة الدرويش , بصراحة ازعاج وكل يوم يجيم (يوقف ويشتغل بروحه) وفوق هذا شفطه مش بقوة المروحة العاديه يمكن لأني مركب حجم متوسط , بس كنظافه بصراحة انسى مايجمع الوصخ وايد مثل المروحة العاديه يمكن بالسنة تنظفه مره , واذا فكرت تركب خل قطعه من جبس السقف بحجم 50*50 او 40*40 متحركة (مقصوصه مثل السلتكس) عشان الصيانه او مشاكل الكهرباء او تغيير الشفاط ..

والله يوفقك ..

واللي حاب يعرف نوعية الشفاط اللي نتكلم عنه يدخل على هالرابط ..

http://www.hermeselectronics.nl/merk-169-xpelair/groep-276-plafondventilatoren-inbouw/

[بومحمد911]

بالتوفيق

بقولك على حركة مسويها في حمامي

اشبك ليت الحمام مع المروحة

يعني يوم بتفتح الليت تفتح معاها المروحة ايش رايك في لحركة لاتعلم حد هههههههههههههههههههههه

تحياتي لك

[شموخ دائم]

,

,



مرحبا


مروحه السقف احلى بكثير مثل ما تفضل الاخوان ما تسوي ازعاج

وما تدخل غبار او هواء وشكل الحمام يصير راقي قريب من حمامات الفنادق

احنا ناخذها من الدرويش وفي محلات كثيره يبيعونها

يوجد شركات متنوعه kdk و براون

بالنسبه لي انصح دائما بالانجليزيه او الالمانيه

وتلاقونها عند الدرويش

حتى نتجنب المخاطر مثل ما تسمعون عن حريق شفاطه الحمام والمطبخ

بعيد الشر عن الجميع

و المقاس يفضل أن يكون 24 سم * 24 سم

والدكت مالها 4 بوصه

وتقدر تعملها اكبر على حسب مساحه الحمام

عموما لو عطيت المحل مساحه الحمام راح يحدد لك المقاس المناسب

الفكره انك تعمل سقف مستعار ( انتردجلس ) مثلا ( جبس ) او ( سيلتكس )

وتركب المروحه بالوسط وهناك بيب يروح على جنب الى الحائط ويطلع الهواء


http://up.arabseyes.com/upfiles/BdX60554.jpg

,

,

اخوك


شموخ دائم

[ام رويشد]

سبحان الله من كم يوم كنت افكر بهالسالفة ابي نفس الفنادق ...بس بالنسبة حق سعرها شلون تفرق واايد؟؟

وهي نفس الفندق هواها بارد شوي؟؟

[RAHA]

مرواح الشفط السقفيه
جيده و لكنها تحتاج لرعايه
و نظافه مثلها مثل المروحه العاديه
و ذلك لتجمع الأتربه و الرطوبه حول مدخل الهواء

و هي عبارة عن ثلاث قطع
مكينة شفط الهواء
هوز الشفط
قطعة مخرج الهواء

http://img2.timeinc.net/toh/i/steps/bathroom-fan-Over.jpg

إذا بتركب جبس او انتردجلاس
رأيي إنك تسوي فتحة شفاط صغيره لخرج قطعة مخرج الهواء
هذا تقدر تسويه في مرحلة الطابوق و يفضل في مرحلة البلاستر
بأن تضع خرج الهواء بايب 4 انش
حتى تتمكن من توصيله بين طرف الهوز الداخلي المتوصل بالشفاط
و طرف الغطاء الخارجي
http://www.vincedaddy.com/images/new%20shower/DCP_3821web.jpg

حصلت لك خوش موقع بس بالإنجليزي
يوضح لك طريقة التركيب بالصور
http://www.thisoldhouse.com/toh/how-to/overview/0,,689843,00.html

[فويرط]

جزاكم الله خير على ردودكم الطيبه

وننتظر باقي الاخوان عن آرائهم عن المقارنة عن المروحتين وتجاربهم

[اسيرالدوحه]

عفوا ....

تركيب جبس فالحمام ... ؟؟؟

مهما كان نوع الجبس .... مع الوقت راح يبين فيه أثر الرطوبة ...

يعطيكم العافية ..

[ahmad79]

عفوا ....

تركيب جبس فالحمام ... ؟؟؟

مهما كان نوع الجبس .... مع الوقت راح يبين فيه أثر الرطوبة ...

يعطيكم العافية ..

في نوعين للجبس عادي وعازل.

[موضي قطر]

الموضوع مهم للي يبون يبنون

up up

up

[Chambray]

سبحان الله من كم يوم كنت افكر بهالسالفة ابي نفس الفنادق ...بس بالنسبة حق سعرها شلون تفرق واايد؟؟

وهي نفس الفندق هواها بارد شوي؟؟

هلا اختي هذي مروحة شفط مالها دخل في الهوا البارد !؟
بس سؤالج مهم

كيفيه تبريد الحمامات ؟؟؟؟؟؟ إذا كان الحمام كبير ؟
هالسؤال محيرني


اخوي راحة ماقصر في الشرح وجميع الاخوان الاعزاء

[keyo]

توكل على الله وركب اللي في السقف

ولاتفكر في المروحة العادية.

بس مثل ماقالو الاخوان اعمل حساب الصيانة مع اني مااضن انة في احد يحتاج لصيانة المراوح في الحمامات ....

احسن وارقى في الشكل
واحفظ للك حق الغبار
وتعطيك قوة وشغل احسن من المراوح العادية

[فويرط]

الله يجزاكم خير على تفاعلكم


ونشوف آراء باقي الاخوان