الرجاء الدخول لكل الأعضاء (بروة)

[البندر]

السلام عليكم ورحمة الله وبركاته..

أخواني أخواتي لو تكرمتوا كل وآحد يكتب شعورة

أول ما نزلت بروة في السوق..

1. شعورة يوم شاف السهم في الأربعينات؟

2. إيش قال يوم شاف السعر والهبوط؟

أتمنى نسمع آراء الجميع..

((فرفش .. عبر))

وشكراً

[الرفاع]

انا لاحين مب مصدق الذى قاعد يصير
كانت احلام فى سعر 150 - 100 - 80 - 70

[بوحمد1]

شعوري شعور واحد ممكن يشوف الدولي سعره أقل من بروة... :D .......متعودين :eek3:

[Northman]

عادي تعودنا

و اظن الي باله طويل هو الي بيربح في الاخير

[المراقب]

والله قلت الحمد لله أنه ما كان في العشرينات، وكان في بالي
بين 25 - 35.

ولما رأيته وصل 45 قلت ما شاء الله في هذه الظروف يصل
لهذا السعر، وعندما نزل إلى 35 قلت سنزل أكثر

ولما وصل 32 خفت أن ينزل تحت الثلاين ولكنه صمد قليلا
مع إنتهاء وقت التداول.

[مصرف]

الصراحه سعر منطقي
خل نكون واقعيين انا عن نفسي رحت وناوي ابيع حتى لو بعشرين
وعندي احساس ان بتجي ايام بيتحسف الواحد انه ماباع بـ40
ولاتنسون ناقلات يوم توصل80 :con2:

[بو فهد]

صراحة كنت عارض على مائة ريال
لاكن لما شفت طلبات العرض تنافس الطلب توقعت انهيار السهم
بسبب انهيار الاسهم الاخرى في السوق
طلبت تغييراوردر البيع الى45 والحمدللة حققت هدفي

[nor85]

كنت حاطة سعرين 100و80 بس ماوصل هذا السعر وكنت في الكلية واختي تدز لي المسجات بالاسعار الحمدلله على كل حال

[المستحيله]

صراحه انصدمت لان بروه من الشركات اللي راح يكون لها مستقبل مضمون وتوقعت تكون اكثر من كذا انا كنت حاطه على 150 على العشر بطاقات اللي عندي ان صابت صابت وان خابت مااني مستعجله انا ماخذتها استثمار طويل ياانا ياالبورصه مب مضاربه والله يوفق الجميع ان شاء الله والصبر زين ترا الصبر مفتاح الفرج

[ROSE]

هههه انا كنت متوقعه نزولها بهالسعر بس كنت اتمنى انها تخيب ظني

[Analyzer]

اللي يشوف صفحة التداول الحين يلقى ان حجم التداول في بروه 733 الف سهم
السؤال شنهو شعوركم لو يطلع خبر انه تم الغاء الصفقات المتبقيه لأكتشاف تلاعب

هذا مجرد خيال وليس واقع

[khalid1975]

اللي يشوف صفحة التداول الحين يلقى ان حجم التداول في بروه 733 الف سهم
السؤال شنهو شعوركم لو يطلع خبر انه تم الغاء الصفقات المتبقيه لأكتشاف تلاعب

هذا مجرد خيال وليس واقع


بالنسبه عني
بضاعف كمية الشراء اللي اشتريتها في بروه


بقناعتي
بروة ولدت عملاقة وستظل عملاقة
وهو سهم المضاربه الذي سحب البساط من ناقلات
وسنرى اتجاه تصاعدي خلال هذا الاسبوع له

[rt2225]

يارب ترتفع خلنا نحس بالامان في السوق

[Analyzer]

اللي يشوف صفحة التداول الحين يلقى ان حجم التداول في بروه 733 الف سهم
السؤال شنهو شعوركم لو يطلع خبر انه تم الغاء الصفقات المتبقيه لأكتشاف تلاعب

هذا مجرد خيال وليس واقع
انا اتوقع
اللي باع بتكون حالته :eek3: :eek3: :eek3:
واللي شره بتكون حالته :app: :app: :app:

[ابو الاسهم]

اللي باع يتمنى النزول واللي شرا يتمنّى الارتفاع

وكل يغنّي على ليلاه

[البندر]

انا لاحين مب مصدق الذى قاعد يصير
كانت احلام فى سعر 150 - 100 - 80 - 70


خانك التعبير نفس ما قلت ((أحلام))..

[البندر]

شعوري شعور واحد ممكن يشوف الدولي سعره أقل من بروة... :D .......متعودين :eek3:


بو حمد1 ((تعودنا عليك روحك الرياضية فعالة))

[البندر]

Be MiNe ( صدقت )..

المراقب ( تعجبني بمعنوياتك )..

مصرف ( أنا معاك بس أقول الصبر زين وانا نصحت لكن محد سمع يوم قلت تمسكوا بالسهم )..

[البندر]

بو فهد.. أنا نفسك عرضت بـ 100 والبطاقة الثانية بـ 120 لكن أقول مبروك عليك بـ 45 لكن أنا مب بايع إلا في 70 وطالع وبذكركم.

nor85.. لا تستعجلين.

المستحيلة.. مثل ما قلتي مستقبل مضمون بس لا يقصون عليج وتبيعين.

ROSE.. تفائلي بالخير وأنا أخوج.

:nice:

[البندر]

alansari.. أنا من الناس اللي راح تضحك..

khalid1975.. ولا تنسى أنها شركة موجودة مب مثل الناقلات ومصرف الريان.

rt2225.. لو يسمعون الكلام ويتمسكون بأسهمهم بإذن الله راح ترتفع.

ابو الأسهم.. أنا لا هذا ولا ذاك بس من أجل عين قطر إنشاءالله راح ترتفع.

[بدور]

المشكله ان بروه اكتتبوا فيها ناس ما يعرفون قيمة الأسهم

إنما يتمنون الربح السريع حتى لو 5 ريالات ما يهمهم مستقبل الشركه والمشاريع

المقبله عليها ... السوق له ناسه ومعدودين ونظرتهم بعيده مو توقيتيه مجرد نزول بروه

ينتظرون الربح القليل وانا مو منصدمه من اللي صار في بروه بالعكس لصالحنا حنا

اللي نبي نشتري ونزيد في اسهمنا ونتمنى تنزل بروه اكثررررر

وتوصل للهوامير بكفوف الراحه وعلى طبق من ذهب والأيام جايه

[كش ملك!!]

كنت حاط 100 :funny:


وكنت في اجتماع ما اقدر اشوف الاسعار

وموصي رفيقي يطرش رسايل :app:

كل مسج كان تحطيم :court:


بس يوم الاحد ببيع على سعر السوق :nice:

[لاداعي]

حالي كحال اي واحد من صغار المستثمرين صدمه :mad:

[KhalidQ]

انا من الصدمه ضحكت

[البوعينين22]

اسلام عليكم ورحمة الله وبركاتة
اخواني:ليش الزعل والنكد ؟
اعتبرو المبلغ الي شريتو فية اسهم (بروه) ضايع ونتضرو الأيام الجاية ولي بيشوف ان السهم وصل المبلغ الي يبية يقول الحمد لله لقيت أفلوسي وينزل أمر بيع (الصبر جميـــــــــــــــــــــــل)
وعن نفسي لو ينعرض ب(100) ريال مب بايع مدام ماحتجت للمبلغ .
وشكرا

[تنين البورصه]

صدمه :eek2: :eek2: :eek2: :eek2: :eek2: بعدين :funny: :funny: :funny: بعدين :shy: :shy: :eek3: :eek3:

[سلطان زماني]

صرااااااااااااحه انا من الناس اللى ما توقعت هالسعر لاااااااااكن كان عندى


اخوى ناوى اذا كان السعر على 35 راح يشترى ولحمدلله تحقق امنيااات اخوى

هذااا يكفى لاكن البيع بعدين باذن الله

[امير الاسهم]

بصراحه انا وايد زعلت السعر ماعجني كنت اتمنى توصل العشرين عشان اشتري وكنت حاط سيوله بس


الله سبحانه وتعالى ماكتب

[البندر]

بدور.. ( غيرك ما يدري شالسالفة أهم شي عنده الفلوس وبعدين يقول أبي هالسيارة ).

كش ملك.. ( ههه زين ماخترب الإجتماع ).

لا داعي.. ( كثر من البندول ).

SNAKE.. ( شكلك تعودت ع الصدمات من يوم الناقلات ).

[البندر]

البوعينين.. ( ياليت البعض مثلك بس الله يهديهم ).

تنين البورصة.. ( وأنت هناك كأنك جو قطر في اليوم أربع فصول ).

ما عندي أسهم.. ( مثل ما تكرمت ((ياماشي درب الزلق لا تأمن الطيحة)) ).

أمير الأسهم.. ( لا تزعل لان بعض أخوانك تضايقوا لانهم محتاجين وغير من كان متسلف من الغير قول الحمد الله ).

[hamoor4ever]

الصراحه انه قلت زين منه على وضع هالسوق فتح على 40 واتوقع بصراحه ومن غيز زعل اخواني انه بنشوفه في نهايه العشرينات بعد فتره .. وهاذي حال الدنيا فوق وتحت

[العنودى]

الحمد لله والشكر لله

[Gogo]

الكعبي

طيب انت شنهو شعورك لما نزل بهذا السعر غير انك شفت سعره قبلها بيوم على شاشة التلفزون بالغلط حاطين السعر 10..


اما انا ما كنت خيالي زياده عن اللازم وحاط في بالي انه بيكون سعره 150 ولا حتى فكرت انه بيتجاوز 100 .
توقعت له بيوصل 70 كحد اقصى لكن للأسف ما تجاوز حتى 50 .

[السهم العرباوي]

انا اعتقد ان هوامير الشوق ما يبون يرفعون سعره لين يشوفون الوقت مناسب لهم

وهم اكيد اشتروا كميات كبيره في اول يوم تداول في السوق

والايام الجايه بتبين المستور.

[العنان]

سعر متوقع اذا كان العرض بالهبل لازم بيكون السعر نازل وانا اشوف ان السعر يعني منطقي وان شاء الله بيتعدل السعر لما تقل كمية العرض الكبيره

[Clueless]

اذا نزل زيادة بنشتري واذا طلع زيادة بنبيع...... والله الموفق

[لمت أب]

انا بصراحه أنتابني شعور غريب ممزوج بشيء من التفاؤل يخالطه قليل من الخوف

[البندر]

الصراحه انه قلت زين منه على وضع هالسوق فتح على 40 واتوقع بصراحه ومن غيز زعل اخواني انه بنشوفه في نهايه العشرينات بعد فتره .. وهاذي حال الدنيا فوق وتحت


على فكره أخوي أنا خطفت خبر من وآحد من صوب آل سعد قال إن السهم خلاص ثلاث أيام بيرتفع مادري شيقصد.. بس قال إنتظروا..

[البندر]

الكعبي

طيب انت شنهو شعورك لما نزل بهذا السعر غير انك شفت سعره قبلها بيوم على شاشة التلفزون بالغلط حاطين السعر 10..


اما انا ما كنت خيالي زياده عن اللازم وحاط في بالي انه بيكون سعره 150 ولا حتى فكرت انه بيتجاوز 100 .
توقعت له بيوصل 70 كحد اقصى لكن للأسف ما تجاوز حتى 50 .


أنا قلت شعوري ضحكت وقلت للوالد هذي البداية وبصراحة أنا صبري طويل صدق خربوا علي شوي بس متعود أخبر شريت العقارية على 134 ريال ووصلت 250 ريال وكنت ما أدري مسافر ويوم رجعت كانت أقل من 100 ريال قلت عادي الله موجود وبيعوضني والحمد الله لكن انا من أكثر الناس اللي صار عندهم شي عادي واول ما شفت السهم قلت عادي دام الناقلات اللي عملولها أكبر الدعايات وخلت الناس يتخيلون الفلل والسيارات طلعت ماتجيب فيرفلاي :nice: تعودنا وانا أكرر 100 وفوق ببيع لاكن اقل لا لاني مب محتاج..

وشكراً اخوي لانك خليتني أقول شي كنت ساكت عنه من قبل ومحد درى عنه لين ألحين..

تحياتي

[البندر]

وردي للباقي أقول لهم خلوا عندكم الروح الرياضية والمعنوية عاليةلأن اللي راح ينطر هو اللي بيضحك في النهاية.. لكن المشكلة محد يسمع الكلام وكيفهم هم الخسرانيين..

وحطوا في عين الأعتبار (الصناعات من الثلاثينات إلى الميتين) + (الناقلات من الثلاثينات إلى السبعين)..

وشكراً أكثر من كذا ما أقدر أوضح..

تحياتي

[سهم طايح]

الحمدلله لم اتفاجأ مع اني كنت عارض الاسهم على 100

والحمدلله على كل حال

وسهم الاكتتاب سهم ما يخسر