ازدحام في وزاره العدل ( برج السليطي )

[كلاسيك قطر]

السلام عليكم ورحمه الله وبركاته

امس وانا ابي اراجع معامله في وزاره العدل

ادور وماحصلت موقف لمده ساعه اوسعتين

اكتشفت ان اوزاره
لاتملك مواقف حق المراجعين وله الموظفين

واللهم موقف تحت حق رؤؤساء الاقسام

الموظفين الموجودين مع الرؤؤساء نسبه بسيطه

وقد تمه الزياده عليهم بشراء الريموت بدخول بهذي المواقف

مما تسبب بزدحام اكثر في هذي المواقف مما ادى الي تعطيل

بدخول والخروج . بسبب التلاعب بشراء الريموت

بدون رقابه

نحن نطالب للوزاره ان توفر مواقف للمراجعين والموظفين

[كلاسيك قطر]

نبي ردودكم يا شباب

[م. عبدالعزيز]

عليكم السلام ورحمه الله وبركاته
معاك حق. .المنطقه اللي عند العدل واشغال وكهرماء زحمممه وكلها حفريات.. الظاهر احسن مكان هو انك تصف بمواقف الستي سنتر وتقعد تمشي :/

[كلاسيك قطر]

اي والله

ومانقدر انصف سياراتنى وشوي يعطونه مخالفه

شلفايده

[كلاسيك قطر]

الموضوع ماينسكت عنه

[بوعمير]

منطقة الابراج تعاني من مشكلة الازدحام وندرة المواقف وكثرة الموظفين والمراجعين، والذي يعكس عدم كفاءة الجهه المسؤلة عنها، فمعا ان هذه المنطقة تحتوي على ابراج تزيد أدوارها عن 40 دور إلا أن الغفلة وسوء التخطيط هي السمة البارزة حيث لم يُضع في الاعتبار توفير مواقف للموظفين والمراجعين على أقل تقدير !!!
والذي يزيد لطين بله أن بناء الابراج مستمر.. وما زالت الجهه المسؤلة في سبات ونوم عميق وكأنهم من كوكب أخر لا يرون ولا يسمعون.

[مضاد]

عدم وجود مواقف , توفر العملات الصعبة لإدارة المرور :victory:

[طلعة الروح]

فعلا سوء التخطيط هو الذي اوجد المشكله..
ابراج ضخمه متلاصقه ببعضها البعض ولا توجد بناية واحده للمواقف عالاقل تضم مرتاديها ولا حتى مساحه ترابيه واسعه صج فشله وغباء غير طبيعي الظاهر حاطين في بالهم انه المراجعين كلهم من مرتادي باص كروه ...؟
واظن اي حد راح هناك وجرب يبركن سيارته بيشوف معنى التخبط الحاصل..

[بوخالد911]

المشكلة ازلية

للاسف لا يوجد حل

[رمــش الغلا]

والله انا رحت من كم يوم عشان انخلص معاملة انا وزوجي
وتعبنا واحنا أندّورموقف لين صفينا بعيد مب في موقف كله حفريات والله كنت باطيح :( وانا امشي

[ابن الجزيره]

السلام عليكم ورحمه الله وبركاته

امس وانا ابي اراجع معامله في وزاره العدل

ادور وماحصلت موقف لمده ساعه اوسعتين

اكتشفت ان اوزاره
لاتملك مواقف حق المراجعين وله الموظفين

واللهم موقف تحت حق رؤؤساء الاقسام

الموظفين الموجودين مع الرؤؤساء نسبه بسيطه

وقد تمه الزياده عليهم بشراء الريموت بدخول بهذي المواقف

مما تسبب بزدحام اكثر في هذي المواقف مما ادى الي تعطيل

بدخول والخروج . بسبب التلاعب بشراء الريموت

بدون رقابه

نحن نطالب للوزاره ان توفر مواقف للمراجعين والموظفين


ابشركـــــــــــم قريب بننتقل وياهم ,,,,
مبنى ومواقف بس بعد التغيرات الجديده

وفالكم طيب ***

[بودحوم]

صدقت والله يالسليطي

ساعتين وانت تلف عشان تلقى موقف

والمعامله ماتحتاج أكثر من ربع ساعة

[كازانوفا]

اظن مواقف الشيراتون هي الحل

[BIG-VEGA]

اذكر رحت للبرج مره وحده
كنت ابي صوره طبق للاصل للملكيه
طبعا عقب معاناة الشارع والمواقف ....وصلت للموظف الساعه 10:30

وحدث الحوار الاتي :)

BIG-VEGA: السلام عليكم
الموظف: وعليكم السلام
BIG-VEGA: ياخوي بغيت صوره طبق الاصل لملكيه الارض
الموظف: ايه...بس عطنا صوره البطاقه الشخصيه وصوره الملكيه وطابع:deal:
BIG-VEGA: صورة البطاقه عندي ..بس الملكيه ماصورتها...وين اقدر اصورها؟
الموظف: روح عند الهندي عند الممر هو بيصور وبيعطيك طابع
BIG-VEGA:مشكور

دورت الهندي لين لقيته وصار الحوار الاتي:)

BIG-VEGA: رفيق, جيب طابع وسو صوره حق هذيه
الهندي: مكينه مافي
BIG-VEGA: شنو مكينه مافي!!؟؟
الهندي: مكينه خربان ...مافي
BIG-VEGA: زين...انا شنو يسوي....وين في قريب مكينه
الهندي: .........

قلت ارد حق الموظف يمكن يسوي شي

BIG-VEGA: ياخوي المكينه خربانه ماقدر اصور
الموظف: ماعندك الا تروح صوب جمعيه الدفنه تصور وترجع
BIG-VEGA: اضرب خط علشان صوره.... انزين اكيد عندكم مكينه ثانيه...مايصير وزاره هاي
الموظف: والله ماقدر اساعدك
BIG-VEGA: الله يعين....خلاص باروح اصور وبارجع
الموظف: بس بسرعه لاتتاخر
BIG-VEGA: ليش مته بتسكرون؟
الموظف: 11:30
BIG-VEGA: الحين 10:50 ...تتوقع فيه وقت اني بانزل لين السياره وبروح الدفنه وبارجع مره ثانيه
الموظف: :)
BIG-VEGA: مع السلامه :mad:

بس من ذاك اليوم ضربت العنز ومارحت لهم

[طواش]

أنا من زمان ما رحت ذاك الصوب بس كأنه صوبهم يبنى برج مواقف ولا أنا غلطان ؟؟؟

[مالي ومال الناس]

حاليا انا بدبي

على كثر الابراج والسكان من مواطنين ومقيمين .. المواقف عندهم مرتبه وتكفي الكل

ليش التخطيط عندنا عشوائي ؟

[كلاسيك قطر]

اي والله
والله مشكله وياريت يكون ترتيب نفس الامارات

والله الكل يرتاح

[لولوتي]

فوضى ما بعدها فوضى في هالمكان و الواحد يبي له ساعه لي يوصل المدخل وساعه لي يطلع :(
وقلة المواقف احسن حل لها هو ان الواحد ما يروح بروحه،،، لازم حد يتم يدووووووووور بالسياره والثاني ينزل ويخلص اموره :)

تذكرت المره الاولى اللي دخلت فيها هناك وكان يوم الهوا فيه قوي،،، شفت منظر يعور القلب:( سياره كشخه اظن كانت مرسيدس،،، وطايح عليها الجينكو، وانتوا بكرامه والزباله العوده راده على السياره ومبهدلتها،،، صحيح انه علطان يوم اختار هالمكان ولكن لو الواحد لقى موقف عدل يوقف فيه كان ما غامر.

[وطن]

هالمشكلة مو جديده
كل الابراج مافيها مواقف كافية للموظفين

تبي يحطون للمراجعين !!

الله يكون بعونا بس

[اسعاف]

الإيجار للوزارات يكون ليس حسب راحة الجمهور والمراجعين

وتوفير المواقف لهم ، لا

بل حسب المالك

فيؤجر البرج : غالي الثمن معدوم المواقف ضيق المساحة سئ التخطيط

ولو كان مثل بيت العنكبوت فإنه يؤجر لأنه ملك فلان

وقس على ذلك بقية الفلل والمجمعات المؤجرة على الدولة

اما راحت الجمهور والمراجعين فليس بمهم ولا ذو بال

[بو سالم]

اخوي هذي قطر الحديثه ورؤية مستقبليه مدفوع فيها مليارات

ولا تنسى ان قطر دخلت التحدي مع دول الخليج بقوه واكيد عندهم نظره احنا مب شايفينها


اذكر يوم كان عند دوار المجنون كانوا يقولون ما في مواقف ولكن بالحكمه والتطور سوف نبني قطر الحديثه


الله يعينهم يوم الحساب

[بو سالم]

وانا عن نفسي لي حبيت اروح وزارة العدل ادرعم داخل المواقف ولا افتكر واصف واخلص شغلي هم اللي صافين احسن مني ههههههههه

[كلاسيك قطر]

هههههههههههههاي

يعطيكم ربي الف عافيه

[مضاد]

الإيجار للوزارات يكون ليس حسب راحة الجمهور والمراجعين

وتوفير المواقف لهم ، لا

بل حسب المالك

فيؤجر البرج : غالي الثمن معدوم المواقف ضيق المساحة سئ التخطيط

ولو كان مثل بيت العنكبوت فإنه يؤجر لأنه ملك فلان

وقس على ذلك بقية الفلل والمجمعات المؤجرة على الدولة

اما راحت الجمهور والمراجعين فليس بمهم ولا ذو بال



هذي مشكلتنا في قطــــــــــــــــــــــــر :(