شركة تبني منازل المواطنين مجانا

[العلم الوكاد]

السلام عليكم ورحمة الله وبركاته

اخواني راح اتكلم اليوم عن موضوع مهم جدا او بالاحرى مقترح وانا اشوف انه راح يوفر الكثير من الجهد والمال للكثير من الاخوان وسوف يعود عليهم بفائدة كبيرة لاني اشوف اغلب الاخوان اللي لهم قروض عن طريق بنك التنميه متلعوزين وحالتهم حاله

الاقتراح هو ان يتم انشاء شركة مقاولات مساهمة

يسمح بالاكتتاب فيها للمواطنين لبناء المنازل المخصصة عن طريق بنك التنمية وعن طريق ادارة الاسكان ومن يرغب من المواطنين الاخريين اي البنيان الخاص

والقطري عليه ان يستلم بيته جاهز حسب المخطط المعمول على ان يكون هنالك اكثر من مخطط

في هالحالة المواطن وفر وقته وجهدة وو فر المبالغ الاخرى اللي راح يقترضها من البنك وطبعا بفوائد من البنك

وفي اخر العام توزع الارباح على المساهمين

يعني هالشركه تستلم المواقع وتطورها وتبني المنازل للمواطنين حسب الحاجة يعني ممكن يكون مشروع 2000 فيلا او 3000 او 4000 فيلا

صراحة راح يرتاح المواطن وفي نفس الوقت فتح فرص عمل جديده وتوفير

ودمتم

[Google]

انا عندي دراسة أولية لمشروعك بس للأسف وبصراحةعرضته على الناس والكل يضحك يقولون مستحيل يصيرلانه صعب تجمع ا لناس. بس انا فعلا محتاج انه يطلع للواقع وصدقني راح تنصدم من الأسعار لتسليم البيت بالمفتاح وعلى مساحات 700 متر مربع كأقل بناء وليس الارض.

[العلم الوكاد]

طبعا موضوع مثل هذا محتاج دعم الدولة

او هوامير واصلين

اتمنى انه يكون لك اتصال مع حد من المسوؤلين

او صناع القرار وانشالله راح تلقى اللي ياخذ بيدك

انا صرااااحة ما اعرف الاجراءات الادارية في مثل هالموقف

ولكن اللي اعرفة ان الناس احوج ما يكونون لمثل هالشركة

يعني حتى المتزوج جديد يلقى بيته جاهز

وليلة الدخلة فيه

[ساحل الشمال]

اذا كان على نفس منوال الشركة الي بنت بيوت الدفنه ، لا والله خلكم على الوضع الحالي احسن لكم .

[anything99]

والله فكرة حلوة .. لكن كيف ستفيد المواطن فئة قرض بدون ارض؟

[بوخليفة3]

يعطيك العافيه اخوي اقتراح ممتاز

[سوق واقف]

فكره رائعه يالغالي

ولكن هل من مجيب

[موضي قطر]

ياريت يأخذ المسؤلين الإقتراح على محمل الجد

[العلم الوكاد]

اذا كان على نفس منوال الشركة الي بنت بيوت الدفنه ، لا والله خلكم على الوضع الحالي احسن لكم .

اخوي هاذي شركة مساهمة

وراح يكون مجلس ادارتها منتخب

ورزقها قايم على مشاريع الدولة

وعليها ناس حريصين فلا تخاف

والله اللي جرب البنيان

يعرف اش معنى انك تستلم مفتاح بيتك جاهز

اذا انت تبني بنفسك اذا كانت تكلفة البناء مليونين

الجهد والتفكير اللي تكون فيه كأنك دافع 4 مليون

هم الله يكفيكم شر الهم

[همسه]

اقتراح حلو

ان شاء الله يتنفذ

:)

[المهندس عبدالعزيز]

يا أخوان والمواطنين أصحاب شركات المقاولات سيسخرون من هذه الطريقة هناك أكثر من 3000 شركة مقاولات فماذا سيكون مصيرهم ؟

[eXpert*]

اذا الموضوع أصبح حقيقة و واقع ، هوامير كثيرة راح تزعل. :nice:


(أولهم أنا أمزح طبعاً)

[سوق واقف]

يا أخوان والمواطنين أصحاب شركات المقاولات سيسخرون من هذه الطريقة هناك أكثر من 3000 شركة مقاولات فماذا سيكون مصيرهم ؟

أخي العزيز لماذا سيسخرون من هذه الطريقة

شوف الإمارات يالغالي بيوتهم تسليم مفتاح وحتى المكيفات يركبونها لهم بس يجيب فرشه ويرقد..

[eXpert*]

أخي العزيز لماذا سيسخرون من هذه الطريقة

شوف الإمارات يالغالي بيوتهم تسليم مفتاح وحتى المكيفات يركبونها لهم بس يجيب فرشه ويرقد..

هو قصده سيخسرون و ليس سيسخرون !!

[موضي قطر]

أنا وصلت لقناعة ماراح يسون لنا هالشركة لأن الهوامير بياكلونا وما راح يسمحون

للمشروع انه يرى النور .... الا على طاري النور ( من فيكم طفى الليت :victory: )

[المهندس عبدالعزيز]

هو قصده سيخسرون و ليس سيسخرون !!

نعم هذا الذي أقصده ، "يخسرون" وبارك الله فيك

[العلم الوكاد]

والله فكرة حلوة .. لكن كيف ستفيد المواطن فئة قرض بدون ارض؟


اهم شي انه راح يرتاح باله من التفكير

وراح يفتك انه يدفع فرق فوق القرض

وبالنسبه للارض الشركة راح تستلم

مواقع وتطورها وطبعا ممكن تعرض الارض عليك

مقابل سعر بسيط يمكن ربع سعر السوق

في كل الاحوال المواطن المستفيد

[العلم الوكاد]

يعطيك العافيه اخوي اقتراح ممتاز

حيااااااااك الله

ومشكور على المرور

ونتمنى ينظر لمصلحة المواطن

لانه كلنا في قارب واحد

[بوخالد911]

يا ريت يتحقق

يسلمووو

[العلم الوكاد]

فكره رائعه يالغالي

ولكن هل من مجيب


مرحبا اخوي

انشالله فيه مجيب

وفيه غيورين كثر على مصلحة الوطن والمواطن

من ابناء البلد

[القلم الصريح]

وليييييييييييييييييييييييييش نسوي شركه مساهمه وفي شركات (الحكومه ) جاهزه وبارزه مبرزه
وين الشركات الكبيره اللي قاعده تستثمر برع اكثر من داخل:
- بروه
- الديار
شدورها في مساهمه للمواطنيين؟؟؟؟
شاطرين يبنون ويعمرون برع

[العلم الوكاد]

ياريت يأخذ المسؤلين الإقتراح على محمل الجد


انشالله يا اختي ياخذون فيه

ومن حق المواطن انه يرتاح في بيته

وبدون انتظار قد يمتد للسنوات بالعكس

يستفيد الواحد من بداية زواجة بسكنه

وتحس المراة بالطمانينة في مملكتها

ومو كثير علينا

[العلم الوكاد]

اقتراح حلو

ان شاء الله يتنفذ

:)

باذن الله راح يتنفذ

ويحل مشاكل كثيرة

على الاقل الشباب ينسون هم البيت

[ابن الجزيره]

اذا كان على نفس منوال الشركة الي بنت بيوت الدفنه ، لا والله خلكم على الوضع الحالي احسن لكم .


خلكم مثل ماانتــــوا احسن لكم

والا بيصير مشروعكم ... مثل أشغال , شارع الشمال وشارع سلوى,...!!
كلام وزحمة والشارع فاضي ....

دعاية واعلام فقط,,,
وفي الاخر عبأ على الدولة ...
خلونا نحب قطـــر
يكفينا تلاعب احنا منها وعيالها ,,,,
المرتزقه واجد ببلاد ....
فقط جنسية مهب وطنية ,,,
وفالكم طيب

[alrheeb2020]

اقترااح وايد حلو اخوي ..

لكن .. هل من مجيب ؟

[العلم الوكاد]

يا أخوان والمواطنين أصحاب شركات المقاولات سيسخرون من هذه الطريقة هناك أكثر من 3000 شركة مقاولات فماذا سيكون مصيرهم ؟

ياخوك وليش الخساير

فيه مشاريع ثانيه

وبعدين الشركة اكيد بتسلمهم مشاريع

بس يكون عن طريق الشركة عشان يسنعونهم

مو معاي والا معاك تاخير وشغل اي كلام

والبنيان واقف

تعرف لايفل الحديد الا الحديد

[العلم الوكاد]

اذا الموضوع أصبح حقيقة و واقع ، هوامير كثيرة راح تزعل. :nice:


(أولهم أنا أمزح طبعاً)



مشكور على التعليق

اخوي اكسبرت

بس الارزاق عند رب العالمين

وخلهم يجون يساهمون فيها

بأموالهم وجهدهم وافكارهم

[alsahm 12]

اقتراح جيد جدا

[العلم الوكاد]

أخي العزيز لماذا سيسخرون من هذه الطريقة

شوف الإمارات يالغالي بيوتهم تسليم مفتاح وحتى المكيفات يركبونها لهم بس يجيب فرشه ويرقد..

حياك الله اخوي


وانشالله بنكون مثل سوق واقف

الافضل خليجيا

بس يهتمون المسؤولين بمصلحة اهل قطر

[العلم الوكاد]

أنا وصلت لقناعة ماراح يسون لنا هالشركة لأن الهوامير بياكلونا وما راح يسمحون

للمشروع انه يرى النور .... الا على طاري النور ( من فيكم طفى الليت :victory: )

اختي ليش التشاؤم

قطر انشالله فيها خير

واهلها اهل خير وقلوبهم على بعض

ةالله يكتب اللي فيه الصالح العام

[k9911]

:omg::(:omg::tease:

[Nasser2006]

ان شاء الله ينفذ المشروع لتحقيق الاستقرار للمواطن القطري.

[براتزية برازيلية]

فكرة حلوة

[موضي قطر]

اختي ليش التشاؤم

قطر انشالله فيها خير

واهلها اهل خير وقلوبهم على بعض

ةالله يكتب اللي فيه الصالح العام



والله ياختك مب أنا اللي متشائمة اللي بيزعجهم المشروع هم اللي بيخلونا نتشائم

شكلك ما أنت متابع ( للواقع ) اللي قاعد يصير وبرغم ذلك إن شاء الله يتحقق

المشروع ونتمتع كلنا فيه :nice:

[Sharshooooor]

اكيد راح يكون في تلاعب في كواليتي التشطيب والامور الاخرى
يعني هذا وانت متابعهم يقصون عليك وينصبون عيني عينك
لوخليتهم على راحتهم ويشتغلون 4000 فله مع بعض ايش راح تتوقع التشطيب بيكون؟

بالنسبة لخاصية الاكتتاب مو واضحة لو توضح لي اكثر ايش تقصد بالضبط

[العلم الوكاد]

يا ريت يتحقق

يسلمووو

هلا اخوي بوخالد

انشالله ربك كريم

ويتحقق ويرتاح كل قطري متبهدل

في شقة والا ملحق والا مع اهله

[العلم الوكاد]

وليييييييييييييييييييييييييش نسوي شركه مساهمه وفي شركات (الحكومه ) جاهزه وبارزه مبرزه
وين الشركات الكبيره اللي قاعده تستثمر برع اكثر من داخل:
- بروه
- الديار
شدورها في مساهمه للمواطنيين؟؟؟؟
شاطرين يبنون ويعمرون برع

اخوي هاذي شركات حكومية

وانا اتكلم عن شركة مساهمة

بعدين خلهم هالشركات للتعمير الخارجي

حق تشيلسي

ومانشستر وباريس

مو فاضيين للمواطنين

ربك كريم

[العلم الوكاد]

خلكم مثل ماانتــــوا احسن لكم

والا بيصير مشروعكم ... مثل أشغال , شارع الشمال وشارع سلوى,...!!
كلام وزحمة والشارع فاضي ....

دعاية واعلام فقط,,,
وفي الاخر عبأ على الدولة ...
خلونا نحب قطـــر
يكفينا تلاعب احنا منها وعيالها ,,,,
المرتزقه واجد ببلاد ....
فقط جنسية مهب وطنية ,,,
وفالكم طيب

حياك الله يا ابن الجزيرة

بس وين الطموح ياخوك

وين مجلس الادارة وين المساهمين

والله اذا بغوا يسوونها بيسونها على افضل مستوي

وبتشوف مجمعات في كل مكان

لاتحاتي ولا تعور راسك

تلقى كل شي جاهز بس عليك التاثيث

واذا فيهم خير يمكن يفرشون لك بعد

[Nasser2006]

يالله يارب ينفذ المشروع لخدمة الوطن والمواطن .

[خوي الشوق]

بصراحه الي اشوفه انه كثير من القطريين الحين يسكنون شقق يعني الوضع متأزم الله يوفقك اخوي ونتمنى انه اترتب الامور وفي من يفكر بالشعب القطري

[العلم الوكاد]

اقترااح وايد حلو اخوي ..

لكن .. هل من مجيب ؟

تسلم يا الرهيب

وانشالله بيكون فيه مجيب

باذن الواحد الاحد يرتاحون اهل قطر

وترااااااااااااااه من حقهم

[hxamad]

من سمعك

[العلم الوكاد]

اقتراح جيد جدا

مشكور اخوي على المرور

وعلى التعليق

[بنوته]

السلام عليكم ورحمة الله وبركاته

ان شاء الله نشوفه على ارض الواقع في القريب العاعجل ...نبي نبني ومب قادرين الله المستعان

همتكم طلعوه للنور

جزاكم الله خير الجزاء

[الألماسي]

و ليش شركه جديده . .!!

تــوأمـه بين بــروه و الإسكـان و بنـك التنميــّه . .

:)

[بيرق_المجد]

فكره طيبه

[العلم الوكاد]

ان شاء الله ينفذ المشروع لتحقيق الاستقرار للمواطن القطري.


الله كريم انشالله

ويسمع منك ويتنفذ

لاننا بحاجة الى برامج اقتصادية تهتم بما يحقق الاستقرار

المالي والاجتماعي للمواطن

[be.happy]

و ليش شركه جديده . .!!

تــوأمـه بين بــروه و الإسكـان و بنـك التنميــّه . .

:)

:nice::nice::nice:

بس وش راح يكون مصير شركات المقاولات يعني حتى لو الفكره لاقت ترحيب المسؤولين في الدوله ...