للأسف : هذا ما حدث في مستشفى حمد ليلة امس

[بواردي]

السلام عليكم

امس تقريبا الساعة الواحدة بعد منتصف الليل

وفي قسم الحالات العاجلة في مستشفى حمد

وبعد ان كان الصمت مخيما في القسم ولاتسمع الا اصوات الاجهزة الطبية
وخطى الاطباء والمارة بهدوء وانين المرضى الذين يملئون القسم

دخلت حالة جديدة على القسم والتي كسرت حاجز الصمت ....

صراااااااااخ ما بعده صراخ و اصوات غريبة تطلقها المريضة التي ادخلت في تلك اللحظة ..وكأن المريضة مصابة والعياذ بالله بمس او جن

حاول الاطباء متابعة الحالة وتشخيصها..... وتم اعطائها ابرة مهدئة

الا ان المريضة كانت تصرخ وتنفخ وتصدر اصوات مخيفة وبكل ما اوتيت من قوة تشد وتركل وترفض ان تسمع اي توجيه او ان ترد على اي سوال...

وتحاول ان تسقط عن سريرها رغم محاولات اهلها بامساكها

وما ان نطق احد المرافقين لها قولي لا إله إلا الله

قالت لا لا

وبدا يقرا عليها اية الكرسي وهي تصرخ وتزمجر

هنا قام الطبيب المتابع بتحويلها الى قسم اخر

وما كان من المرافقين الا الهجوم على الطبيب ولكمه في وجهه :anger1:
وبدات جولة ملاكمة في رواق القسم كان ضحيتها طبيب متابع

حاولنا مسك الاخوة مرافقي المريضة ومنعهم من الوصول الى الطبيب

والغريب ان السيكيورتي ورجال الشرطة والامن متواجدين

ولكن للاسف اكتفى رجال السيكيورتي بالمشاهدة المشوقة لجولة الملاكمة التي كان جمهورها مرضى يعانون من مشاكل قلبية .....


فاين الحياء


واين العادات والتقاليد


فهل جزاء الاحسان الا الاحسان


وانا لو في مكان الدكتور ما اتنازل عن حقي واخليه يخيس في السجن

ومفروض من ادارة المستشفى ما تسكت عن هكذا تصرف همجي عدواني لا اخلاقي

ومفروض ياخذون جزاهم لانهم تطاولوا على طبيب ما قصر معاهم وترك الحالات الي في يده وراح تابع حالتهم كونها مستعجلة



فهل نحن في قطر؟؟؟؟

[ولد الشحانية]

ماهي اول مره تدوم تصير عندنا

[الخير كله]

الموضوع ليس مكانه المنتدى والقطريين مش محتاجين حد يشهر بهم ..........
كفايه
كفايه

[العلم الوكاد]

طبعا هذا تصرف مرفوض

بكل ما تحمل الكلمة من معنى

سواء كان الطبيب على صواب ام خطأ

ولكن ايش اللي يخلي مرافقي المريض

يهجمون عليه فجأة

اكيد فيه سبب

[طلعة الروح]

السلام عليكم

لا حول ولا قوة الا بالله.. حتى رجال السكيورتي ما حركوا ساكن امحق رجال والله والطبيب لازم يرفع قضيه على ادارة المستشفى واهل المريض بتهمة الاعتداء على موظف اثناء تأدية عمله ويطلب تعويض والله يكون في عونهم على المآسي اللي يشوفونها المستشفى..

[..er..]

إمم


الله لايحطك بالحاله الي هم فيها


ترى الناس تعذر


وحالتهم مايعلم بها الا الله سبحانه

يعني محد يدري شنو مشكلتهم

الله المستعان

[بواردي]

اخواني الموضوع انه الدكتور فقط حولها لقسم اخر لانه شاف مافي فايدة من بقائها في القسم وهم ما قصروا ماخلوا شي ما سووه لها

وبالنسبة للاخت مبروكة
اقول استريحي

كلنا عيال قرية
والموضوع مافيه تحديد لا اسم ولا صورة ولا تشخيص

خلينا في الاهم

[بو فهد]

المستشفى له احترام

لو الدكتور قطري مب كفو يمدون يدهم علية لاكن هذة العادات دخيلة علينا بسبب التجنيس العشوائي

[doha1]

لاحول ولاقوة الا بالله

الموضوع مب موضوع مرجله

بس السكيورتي ماكانوا في هالمكان الا لاداء واجبهم

اما اذا وصل الموضوع انهم يتفرجون ع الحدث فقط فهذا اكبر حدث

الواجب ياخذ حقه لان مش حلوه في حقه يساعد وهذا جزاته

عسى الله يهدي الجميع ويهدينا ان شاء الله

[غير البشر]

لاحول ولاقوه الابالله :(

[قطري طموح]

السلام عليكم

امس تقريبا الساعة الواحدة بعد منتصف الليل

وفي قسم الحالات العاجلة في مستشفى حمد

وبعد ان كان الصمت مخيما في القسم ولاتسمع الا اصوات الاجهزة الطبية
وخطى الاطباء والمارة بهدوء وانين المرضى الذين يملئون القسم

دخلت حالة جديدة على القسم والتي كسرت حاجز الصمت ....

صراااااااااخ ما بعده صراخ و اصوات غريبة تطلقها المريضة التي ادخلت في تلك اللحظة ..وكأن المريضة مصابة والعياذ بالله بمس او جن

حاول الاطباء متابعة الحالة وتشخيصها..... وتم اعطائها ابرة مهدئة

الا ان المريضة كانت تصرخ وتنفخ وتصدر اصوات مخيفة وبكل ما اوتيت من قوة تشد وتركل وترفض ان تسمع اي توجيه او ان ترد على اي سوال...

وتحاول ان تسقط عن سريرها رغم محاولات اهلها بامساكها

وما ان نطق احد المرافقين لها قولي لا إله إلا الله

قالت لا لا

وبدا يقرا عليها اية الكرسي وهي تصرخ وتزمجر

هنا قام الطبيب المتابع بتحويلها الى قسم اخر

وما كان من المرافقين الا الهجوم على الطبيب ولكمه في وجهه :anger1:
وبدات جولة ملاكمة في رواق القسم كان ضحيتها طبيب متابع

حاولنا مسك الاخوة مرافقي المريضة ومنعهم من الوصول الى الطبيب

والغريب ان السيكيورتي ورجال الشرطة والامن متواجدين

ولكن للاسف اكتفى رجال السيكيورتي بالمشاهدة المشوقة لجولة الملاكمة التي كان جمهورها مرضى يعانون من مشاكل قلبية .....


فاين الحياء


واين العادات والتقاليد


فهل جزاء الاحسان الا الاحسان


وانا لو في مكان الدكتور ما اتنازل عن حقي واخليه يخيس في السجن

ومفروض من ادارة المستشفى ما تسكت عن هكذا تصرف همجي عدواني لا اخلاقي

ومفروض ياخذون جزاهم لانهم تطاولوا على طبيب ما قصر معاهم وترك الحالات الي في يده وراح تابع حالتهم كونها مستعجلة



فهل نحن في قطر؟؟؟؟



كلامك صحيح لايجوز الاعتداء على طبيب ، ولكن صدقني والله احيانا بعض الاطباء في مستشفى حمد تظطر ان تتعامل معهم بجفاء واحيانا تتمنى لو تقوم بضربه بسبب اهمالهم للمرضى .

[غدير البورصه]

اكيد قالهم :
حولوها مستشفى المجانين

وعشان جذيه ضربوه وغسلو شراعه

[بواردي]

المستشفى له احترام

لو الدكتور قطري مب كفو يمدون يدهم علية لاكن هذة العادات دخيلة علينا بسبب التجنيس العشوائي

صدقت اخوي

الدكتور اسمراني

واعتقد انه كوبي وللامانه دار بيني وبينه حديث قبل الحادثة ب 5 دقايق
شخص مهذب ومحترم جدا

وبالنسبة للاخوة اللي ضربوه الله يهديهم يعني فعلا مالهم اي حق

وبالنسبة لرد بعض الاخون انه يمكن حالتهم النفسية كانت تعبانة عشان وضع مريضتهم
ارد عليهم:

لو كل واحد طق له دكتور تضامنن مع مريضه

راحوا الدكاتره وطي.....:anger1:


والله اكثر من مريض طلعوا برا القسم بعد المشكلة

[almansoori]

انه اشوف كل واحد يحط نفسه محل المرافيقن
فجاه الدكتور يحول المريض الى قسم ثاني من غير ميعرف نوع المرض
يعني خلنه انقول حوله قسم الكسور وهل كان المريض فيه كسر
ليش الدكتور ماجمع كذا دكتور وناقش موضوع الحاله وبعدين ياخذون اجراء
بالنسبه لي انه لو قالي الدكتور حولوه قسم الحروق او الكسور وانه عارف انه المريض مافي كسر والا حروق
فيمكن يبذر مني كلام سااام بيكون اخس من البكس الي جاله

[بواردي]

كلامك صحيح لايجوز الاعتداء على طبيب ، ولكن صدقني والله احيانا بعض الاطباء في مستشفى حمد تظطر ان تتعامل معهم بجفاء واحيانا تتمنى لو تقوم بضربه بسبب اهمالهم للمرضى .

اخوي والله انا ما ادافع عن الدكتور
وانا اكثر واحد يكره الروحة والمراجعة هناك
ولكن
من دخلت الحالة والدكتور اجل الحالات الي عنده وركز على البنت

وفي النهاية طقوه!

البنت الله اعلم فيها شي

يعني ماهو مرض عضوي

اعتقد انه مس والله اعلم

لان تصرفاتها والله تخوف

وكانوا اللي معاها كلهم متوترين ويهاوشون
حتى اول ما دشت البنت القسم

الولد اللي معاها راح لدكتور كان واقف عند الباب ومسكه من كتفه وجره يبي يجره غصب
والدكتور طلع اردني او سوري ونفضه قاله احترم نفسك وهالقسم مب قسمي ومب اختصاصي
وهزءه وهني راح يدور له دكتور ثاني
وفي هالوقت كان الدكتور الضحية متجه الى سرير المريضة

[غير البشر]

صارت من قبل حق واحد من الربع

وراح المستشفى ودخل عليه ؟؟؟ :secret:

لان اخوه الصغير قالو له متوفي وراح شافه بالثلاجه وكانت يده مقبوضه امسكره

وبعد فتره بسيطه رجع حصلها مفتوحه وحللها انه كان حي وتوفى بعد ذلك

والله اعلم :(

[بواردي]

انه اشوف كل واحد يحط نفسه محل المرافيقن
فجاه الدكتور يحول المريض الى قسم ثاني من غير ميعرف نوع المرض
يعني خلنه انقول حوله قسم الكسور وهل كان المريض فيه كسر
ليش الدكتور ماجمع كذا دكتور وناقش موضوع الحاله وبعدين ياخذون اجراء
بالنسبه لي انه لو قالي الدكتور حولوه قسم الحروق او الكسور وانه عارف انه المريض مافي كسر والا حروق
فيمكن يبذر مني كلام سااام بيكون اخس من البكس الي جاله

اخوي لو كل مريض يدش القسم يجتمعون الاطباء ويحددون مشكلته

كان بتلاقي الدكاترة يشتغلون في قروبات وهالشي صعب

لكن الدكتور مهما كان اختصاصه فهو دكتور عام وعنده اطلاع يقدر يحدد الحالة

مستحيل يحولهم العظام ولكن تحويلهم يمكن جاء من باب الحفاظ على هدوء القسم واعطاء خصوصية للمريضة والله اعلم؟

[بواردي]

صارت من قبل حق واحد من الربع

وراح المستشفى ودخل عليه ؟؟؟ :secret:

لان اخوه الصغير قالو له متوفي وراح شافه بالثلاجه وكانت يده مقبوضه امسكره

وبعد فتره بسيطه رجع حصلها مفتوحه وحللها انه كان حي وتوفى بعد ذلك

والله اعلم :(

كان الله في عونه

المشكلة انه الاخطاء الطبية صعبة

ونتائجها مدمرة

[وتبقى الدنيا حلوه]

مريض نفسيا

[رهج السنابك]

وماهو سبب ضرب الطبيب؟؟
فقط لانه حولها لقسم ثاني ؟ ما اعتقد هذا موضوع ينرفز المرافقين

[anything99]

اعتقد هذا نتيجة التعبئة الاعلامية السيئة ضد الاطباء ومستشفى حمد .. لو في دولة غربية ما كان حد تجرأ يفكر يسوي هالشي او يتطاول على موظف اثناء تأدية عمله.. .. لان قضايا التعويض تصل بالملايين ..

[بواردي]

وماهو سبب ضرب الطبيب؟؟
فقط لانه حولها لقسم ثاني ؟ ما اعتقد هذا موضوع ينرفز المرافقين

مهما كان سبب التحويل
ومها كان سبب تصرف المرافقين

لا مبرر له

[شـعـشـبـونـه]

لاحول ولا قوة الا بالله

[غير البشر]

كان الله في عونه

المشكلة انه الاخطاء الطبية صعبة

ونتائجها مدمرة


صحيح اخوي بواردي بس مب اكيد انه كان خطأ طبي

الرجال هو حلل تحليل شخصي فقط انه كان حي مب شرط انه خطأ طبي

احتمال يكون متوفي من الاول

[مسك]

اعتقد هذا نتيجة التعبئة الاعلامية السيئة ضد الاطباء ومستشفى حمد .. لو في دولة غربية ما كان حد تجرأ يفكر يسوي هالشي او يتطاول على موظف اثناء تأدية عمله.. .. لان قضايا التعويض تصل بالملايين ..


أتفق معاك

[بواردي]

صحيح اخوي بواردي بس مب اكيد انه كان خطأ طبي

الرجال هو حلل تحليل شخصي فقط انه كان حي مب شرط انه خطأ طبي

احتمال يكون متوفي من الاول

هلا اخوي غير البشر

سعيد بمرورك وتعليقك

انت من الناس الذين اسعد بقرأت مشاركاتهم

وانا ما قصدت الحالة المذكورة بالضبط انما بشكل عام

واذا كان هو يظن انه خطا طبي صدقني بيتم مدى الحياة يفكر فالموضوع
قله قدر الله ومشاء فعل

[جوال 11]

لا حول ولا قوة الا بالله
حتى الأنسان في مؤسسة حكومية لا يأمن على نفسه ، أذا كان لهم حق لابد التقدم من خلال المؤسسات الرسمية وعدم التطاول على الغير مهما تكن الأسباب .

[بوخالد911]

اللي يبي افلام أكشن

يرووح المستشفى عيل



الله يعيين بس

[بوخالد911]

الموضوع ليس مكانه المنتدى والقطريين مش محتاجين حد يشهر بهم ..........
كفايه
كفايه



انا معاج بذي

:nice::nice::nice:

[سواح]

السلام عليكم ..

لسوء حظي الموقف حصل قدامي ..
يعني لما تعلبشوا فبعض كنت واقف نص متر بعيد عنهم :tease: ..
والا يمكن لحسن حظي عشان لما اعلق عليه اتكلم من واقع ..

اولن ماكان بكس الرجال مسك الدكتور من رقبته ثم فكه وسحبوه بعيد ..
واخوانه هم اللي قعدوا يستسمحون من الدكتور ويهدونه حزتها ..
ياريت لو تنقل الاحداث بواقعيه اكثر ..

عن نفسي ماحب العنف لانه ما يحل شيء ومدخل للشيطان والعياذ بالله ..
واتوقع الملام فالموضوع الطرفين المستشفى ومرافق المريض ولو ان الطرف الاكثر ملامه هو الطبيب فالمقام الاول والجهاز الامني المختص بالطواري اللي وقف وقوف المتفرجين ..

فالنهايه المريض واهله ماجو المستشفى الا يرجون يد تنمدلهم وتساعدهم ..
واساس المشكله من وجهه نظري البسيطه ان محد عرف يكلمهم ولا يفهمهم ويتواصل معاهم وهذا اللي صعد المساله فالمقام الاول ووصلها للاحداث المؤسفه ..

بورادي ..
شرايك بالدكتور الكوبي يوم العالم ميودينه يهدونه ويبي يقومها هوشه فنص المكان وماحشم مرضى ولا مرافقين ؟! ..
والا بتقولي يدافع عن نفسه ؟! ..
دامك موجود ياريت اسمع ردك بصراحه ..

يعطيك العافيه ..

مراسلكم من قلب الحدث ..
سوحه
:tease:

[عاشقة الطاووس]

لاحول ولا قوة الا بالله ،،

كتبت تعليق ومسحته ،، يعني الواحد شبيقول !!

الله يهديهم ويشفي مريضهم

[Bu Rashid]

مشكوووور اخوي بواردي على نقل الحادثه

بغض النظر عن نتيجة الفحص او غيره يجب عدم التطاول على الدكتووور
سواء ان كان باللمس او الضرب او التطاول عليه بالكلام
والافضل طلب دكتوووور اخر ليقوم بعملية التشخيص

والفكره هنا ايضا للاعضاء لكي يتحكموا باعصابهم في مثل هذه الاحداث او المصائب
او التجاوزات او الهوشات او في حاله الاختلاف بالراي <<< الكلام هذى لك يا بوراشد :shy:

[مستشارالشعب]

الله المستعان المشكلة الحالة مايبيلها مستشفى يبيلها شيخ دين ويقراء عليها الله يشفيها ويحكم اعقول الى اضربو الدكتور اقل شي يستسمحون من الدكتور لان ماله ذنب

[لطيف الروح]

عيب والله عيب يجب احترام الشخص دون النظر الي لونه او جنسيته او دينه

[كاروهات]

اخواني الموضوع انه الدكتور فقط حولها لقسم اخر لانه شاف مافي فايدة من بقائها في القسم وهم ما قصروا ماخلوا شي ما سووه لها

وبالنسبة للاخت مبروكة
اقول استريحي

كلنا عيال قرية
والموضوع مافيه تحديد لا اسم ولا صورة ولا تشخيص

خلينا في الاهم

اي والله يا خوي انا تضايقت من كلمتها تشهير

[بوجاسم 75]

لاحول ولاقوه الابالله

[alrheeb2020]

اخوي ماتوقع اضربوا على اساس هالشي ..

اكيد في سبب ثاني انت ماتدري عنه او مالاحظته ..

بس عندي سؤال لك اخوي ..

اللي اضربوا الدكتور قطريين ولا اجانب ؟

ويعطيك العافيه اخوي

[ابن الجزيرة]

قمة التخلف والعنجهية الاعتداء على طبيب في مقر عمله ايا كان لونه اوجنسه

والاسواء من ذلك من يبرر هنا ذلك التصرف الهمجي الذي لا يمت بصفه لاخلاق اهل قطر وشيمهم

[alrheeb2020]

قمة التخلف والعنجهية الاعتداء على طبيب في مقر عمله ايا كان لونه اوجنسه

والاسواء من ذلك من يبرر هنا ذلك التصرف الهمجي الذي لا يمت بصفه لاخلاق اهل قطر وشيمهم


اي والله ..

والمفروض يكون عقاب اللي اضربوا عسير ..

علشان مايتكرر هالشي مستقبلا

[اسعاف]

السلام عليكم

لا حول ولا قوة الا بالله.. حتى رجال السكيورتي ما حركوا ساكن امحق رجال والله والطبيب لازم يرفع قضيه على ادارة المستشفى واهل المريض بتهمة الاعتداء على موظف اثناء تأدية عمله ويطلب تعويض والله يكون في عونهم على المآسي اللي يشوفونها المستشفى..

السكورتيه

ههههههههههههههههههههههههههههه

مرّة وحدة اسكورتي في حمد لكم امرأة بكس تصورا؟؟؟؟؟؟؟؟؟

[restricted_1]

قمة التخلف والعنجهية الاعتداء على طبيب في مقر عمله ايا كان لونه اوجنسه

والاسواء من ذلك من يبرر هنا ذلك التصرف الهمجي الذي لا يمت بصفه لاخلاق اهل قطر وشيمهم

القصد من ردي ياخوي انك ماتدري بالناس شفيهم او شصار بالضبط لانه ماظنتي بينضرب على الفاضي صدقني في شي لا انا اعرفه ولا انت ولا راعي الموضوع

مايصير تحكم على الموضوع وانت ماتدري شسالفه ...

[جرير]

تصرف غير اخلاقي . . .ويدل على فوضويه اخلاق بعض الناس

وعدم احترامهم للقوانيين . . . ويجب معاقبه هذا الشخص

اما ( بعض) سكورتيه مستشفى حمد فحدث ولا حرج

[ناصر30]

العلم يبـــنى بـــيوت لاعـماد لـها

والجهل يهدم بيت العز والشرفِ


يعطيك العافيه بواردي

[فهد111]

انا واخوي على ولد عمي وانا وولد عمي على الغريب

[بواردي]

اخوي ماتوقع اضربوا على اساس هالشي ..

اكيد في سبب ثاني انت ماتدري عنه او مالاحظته ..

بس عندي سؤال لك اخوي ..

اللي اضربوا الدكتور قطريين ولا اجانب ؟

ويعطيك العافيه اخوي

هلا اخوي
هم لباسهم وكشختهم ولهجتهم
تدل على انهم من عيال قبايل موب اجانب

ولكن ما ابي اقول انهم قطريين او من اي جنسية ثانية

حنا ما حددنا اصلهم

والاخوان كلونا بقشورنا

[ولد النواخذه]

القانون لازم ياخذ مجراه ويعاقب أي معتدي

[خالد88]

المستشفى له احترام

لو الدكتور قطري مب كفو يمدون يدهم علية لاكن هذة العادات دخيلة علينا بسبب التجنيس العشوائي

السالفه مب قطري ولا غير اعتقد العمل لا يعرف الجنسيه الى اذا انت واحد منهم من المغرورين في انفسهم

[أم ريليه]

اصلا هالحالات لازم تروح طوارىء الطب النفسي .............بس للاسف قسم وفرع مهمل اهمال يفوق الوصف
لا مستشفى مثل العالم والناس لا طوارىء لا غرف للاطباء المناوبين يتصلون يجيبونهم من بيوتهم لا احترام للمرضى النفسيين بس الواحد ترى تعب ومل من الكلام .

والله لو تشوفون في الخارج دول ما عندها ربع الاموال عندنا مستشفياتهم النفسيه والرعاية الي يقدمونها والنظام شي يفوق الخيال بس للاسف ما في فايده من الكلام .

:(

[راعية السيكل]

لا احترام ولاتقدير للي قاعد بنص الليل يهتم بالمرضى

[سكرمر]

قله ادب

[براتزية برازيلية]

لاحول ولاقوه الابالله

[لوسيل]

أنا صارت لي حادثه مماثلة في طواري حمد

ولدي الصغير طاح في الحوش وضرب راسه الحافة الحادة للكمبريسور حق المكيف ( السبليت )

ونزف واجد في البيت المهم وديته الطواري ووقف النزيف يوم وصلنا ومسحنا الدم من وجهه وكانت حالتي الله يعلم بها

ويوم جا الدكتور يكشف عليه , قال مافيه شي خيطو الضربه وخلاص ... قلت له يادكتور ولا عليك أمر حوله للأشعه عشان نشوف سبحان الله في شي في راسه ... قال مايحتاج مافيه شي مجرد خدش وهو يكتب ولا معبرني ... قلت له دكتور الضربه قوية وهو نزف كثير في البيت وشوف مكان الضربة مثل الحفرة الصغيرة وأنا أبيكم تصورونه بالأشعه العادية عشان أنتطمن بس ( خدش وخيطوه 3 غرز ) :)

أهنيه كشر عن أنيابه وقالي بصوت عالي يعني أنت تبغي تعلمني شغلي ( مب ناقص إلا يضربني ) ... وكانوا 3 من الأمن معاي واقفين وشافوا الكلام كله

عقب ماخلص الجملة الأستفزازية عينك ماتشوف إلا النور شلون هديت ولدي وين حطيته مادري ... هديت عليه وأنا ماخذ الدباسه إلي على الطاولة وكنت باسويله فتحه مثل فتحة ولدي بس شرد ورى الطاولة و الأمن أمسكوني وحالوا بيني وبينه وتم يهدد الدكتور من بعيد ... وقالوا لي الحق معاك وتعال قدم شكوى لأنه دكتور مش محترم واستدعوا الدكتور المسئول وقالوا له السالفه وإني طلبت من الدكتور أنه يسوي اشعه عشان اتطمن على الولد والدكتور كان اسلوبه خايس معاي ... وقالوا لي قدم شكوى وأحنا إلي بنشهد على كل إلي صار ... وتدخل الدكتور المسئول وجاب الدكتور وودونا غرفة الإستراحه وتم يتأسف ويقول لا تلومني أنا مضغوط ومن هالقبيل ( لأنه درا انه مخطئ ) ( بس لو انا المخطئ شبيسوون فيني ؟؟؟ ) ... قلت لو كان ولدك هو إلي مصاب وحبيت تطمن عليه هل فيها مشكله ؟؟؟ هل هالأشعه بتنقص من عمرك أو بتدفع من جيبك لو سويتها ؟؟؟ هل تعلم الغيب وأن راس ولدي مافيه شي من الداخل لا قدر الله ؟؟؟ سكت ونزل راسه

وعقب ماهديت ورجعت لي الحاسيه قلت مابي منه شي خلاص أهم شي أتطمن على ولدي وأطلع

يعني يا اخوان لا تقطون اللوم دايما على المرضى أو المرافقين لأن حزات أسلوب الدكتور وعدم أهتمامه بالمريض إلي قدامه يخلي الواحد يطلع من طوره

[موضي قطر]

خاطري اعرف احنا ليش نتهاوش اذا جينا نرد على موضوع اي واحد فينا ؟؟؟

وأنا أولكم خاطري اسلوبي يتغير واصير قليلة الانفعال

[بنت قطر202]

اهل المريضه يستهبلون شكلهم

دام بنتهم ارفضت تقول لاإله الا الله اكيد يدرون انها ممسوسه

ومكانها مب المستشفى

واكيد الدكتور بيحولها مستشفى الامرض النفسيه لان مافي شيء في الطب اسمه مس وفي حالتها بيقولون فيها اختلال، او مريضه نفسياً

تم تحرير بعض العبارات الاداره

[Sharshooooor]

الظاهر ان السيكيورتية محترين على هالدكتور من جذيه خلوه قالوا يمكن هالمراجع يفكنا منه بكم بكس
هههههههههههههههه

بس معليش خلنا بعيد عن الفكاهه شوي
ماعتقد ان السيكيورتية بيتمون واقفين بدون اي تدخل
انت لو مالك شغل ومراجع راح تتصرف بأقل شي عالاقل
شلون عيل من مسؤولين ولهم خبره بهالمكان يعني مستعدين يواجهون اي حاله من هالحالات ويعرفون يتصرفون في تهدئة الامور

وانا اعرف كم واحد فيهم راح اسئلهم عن الموضوع وراح اسمع تعليقهم

يمكن للقصة وجه ثاني راح نعرفه قريب !!!

[فتى الجود]

لو أنت ياخوى بورادى تشتغل دكتور في بلاده في كوبا

وسويت اللى ســـواه

كان مب أظربوك هناك يمكن احرقوك بقاز

تراك ماتدرى شليي صار بالظبط

[sake alward]

الله يهديهم بس وش نسوي والله .. ~

كل يوم تطلع لنا حآله جديده وأشيآء جديده .. ~

الله يهديهم بس .. ~

[cartier]

يستاهلون دكاترة مستشفى حمد

مره ولد خالتي مريض و ولد خالتي من ...

وديته الطواري حطوه في غرفه خاصه والدكاتره عليه مجتمعين

مع انه كل الي فيه صخونه بسيطه

عقبها اب يمين الدغتني حيه

ولد خالتي نفسه وداني الطواري ويقطوني في غرفه

فيها 50 بنقالي على نيبالي

والدكتور ساعتين عشان اييني

ويتكلم وياي بخياس نفس

المفروض من الحكومه بدل ماتصرف فلوسها على

الدرج والكروره اتسوي مستشفى اتليق بهل قطر

واتخلي عنها التبذير الي بينسئلون عنه

يوم لاينفع مال ولا بنون

[فابريغاس]

ليش ضربوه ؟

ترى حزات والله العظيم وقسمآ بالله
ان الضرب فيهم شوي

عيل مريضه جايتها جلطه يقولون لها انطري الدكتور مال القلب

وتنطره 4 ساعات @@

[بواردي]

ليش ضربوه ؟

ترى حزات والله العظيم وقسمآ بالله
ان الضرب فيهم شوي

عيل مريضه جايتها جلطه يقولون لها انطري الدكتور مال القلب

وتنطره 4 ساعات @@

كان الله في عونها والله يشفيها

وعلى طاري فبريغاس

بالتوفيق في مباراة الثلاثاء مع الستاندر ليج
واعتقد التعادل يكفيكم للتاهل؟

ولكن في الدوري والرابطة لا تتعبون وايد لانه تشلساوي
وعاشوا البلوووووووووووووووز

[بواردي]

أنا صارت لي حادثه مماثلة في طواري حمد

ولدي الصغير طاح في الحوش وضرب راسه الحافة الحادة للكمبريسور حق المكيف ( السبليت )

ونزف واجد في البيت المهم وديته الطواري ووقف النزيف يوم وصلنا ومسحنا الدم من وجهه وكانت حالتي الله يعلم بها

ويوم جا الدكتور يكشف عليه , قال مافيه شي خيطو الضربه وخلاص ... قلت له يادكتور ولا عليك أمر حوله للأشعه عشان نشوف سبحان الله في شي في راسه ... قال مايحتاج مافيه شي مجرد خدش وهو يكتب ولا معبرني ... قلت له دكتور الضربه قوية وهو نزف كثير في البيت وشوف مكان الضربة مثل الحفرة الصغيرة وأنا أبيكم تصورونه بالأشعه العادية عشان أنتطمن بس ( خدش وخيطوه 3 غرز ) :)

أهنيه كشر عن أنيابه وقالي بصوت عالي يعني أنت تبغي تعلمني شغلي ( مب ناقص إلا يضربني ) ... وكانوا 3 من الأمن معاي واقفين وشافوا الكلام كله

عقب ماخلص الجملة الأستفزازية عينك ماتشوف إلا النور شلون هديت ولدي وين حطيته مادري ... هديت عليه وأنا ماخذ الدباسه إلي على الطاولة وكنت باسويله فتحه مثل فتحة ولدي بس شرد ورى الطاولة و الأمن أمسكوني وحالوا بيني وبينه وتم يهدد الدكتور من بعيد ... وقالوا لي الحق معاك وتعال قدم شكوى لأنه دكتور مش محترم واستدعوا الدكتور المسئول وقالوا له السالفه وإني طلبت من الدكتور أنه يسوي اشعه عشان اتطمن على الولد والدكتور كان اسلوبه خايس معاي ... وقالوا لي قدم شكوى وأحنا إلي بنشهد على كل إلي صار ... وتدخل الدكتور المسئول وجاب الدكتور وودونا غرفة الإستراحه وتم يتأسف ويقول لا تلومني أنا مضغوط ومن هالقبيل ( لأنه درا انه مخطئ ) ( بس لو انا المخطئ شبيسوون فيني ؟؟؟ ) ... قلت لو كان ولدك هو إلي مصاب وحبيت تطمن عليه هل فيها مشكله ؟؟؟ هل هالأشعه بتنقص من عمرك أو بتدفع من جيبك لو سويتها ؟؟؟ هل تعلم الغيب وأن راس ولدي مافيه شي من الداخل لا قدر الله ؟؟؟ سكت ونزل راسه

وعقب ماهديت ورجعت لي الحاسيه قلت مابي منه شي خلاص أهم شي أتطمن على ولدي وأطلع

يعني يا اخوان لا تقطون اللوم دايما على المرضى أو المرافقين لأن حزات أسلوب الدكتور وعدم أهتمامه بالمريض إلي قدامه يخلي الواحد يطلع من طوره

الوسيل سعيد بمرورك الطيب

والله يحفظه لكم

وانا ما ادافع عن الدكاتره المستهترين
وهذا الدكتور مفروض يكون اسلوبه محترم ويعرف شلون يمتص خوف و عصبية اهل المرضى

[بواردي]

خاطري اعرف احنا ليش نتهاوش اذا جينا نرد على موضوع اي واحد فينا ؟؟؟

وأنا أولكم خاطري اسلوبي يتغير واصير قليلة الانفعال


صدقتي اختي موضي هذا بيت القصيد


اهل المريضه يستهبلون شكلهم

دام بنتهم ارفضت تقول لاإله الا الله اكيد يدرون انها ممسوسه

ومكانها مب المستشفى

واكيد الدكتور بيحولها مستشفى الامرض النفسيه لان مافي شيء في الطب اسمه مس وفي حالتها بيقولون فيها اختلال، او مريضه نفسياً
واذا على الامن الي في حمد هذول بس فالحين يغازلون البنات ،، وخوافين

لا تقولين شي
الحين ينقزون لج ويقولون انتي مطوعة
شدراج

ومدري شنو ؟؟؟

نسال الله الشفاء لها ولكل المسلمين

وسعيد بتعليقك


الظاهر ان السيكيورتية محترين على هالدكتور من جذيه خلوه قالوا يمكن هالمراجع يفكنا منه بكم بكس
هههههههههههههههه

بس معليش خلنا بعيد عن الفكاهه شوي
ماعتقد ان السيكيورتية بيتمون واقفين بدون اي تدخل
انت لو مالك شغل ومراجع راح تتصرف بأقل شي عالاقل
شلون عيل من مسؤولين ولهم خبره بهالمكان يعني مستعدين يواجهون اي حاله من هالحالات ويعرفون يتصرفون في تهدئة الامور

وانا اعرف كم واحد فيهم راح اسئلهم عن الموضوع وراح اسمع تعليقهم

يمكن للقصة وجه ثاني راح نعرفه قريب !!!





ننتظر تحقيقك شرشور
وياليت ما تبطي علينا

وسعيد بمرورك

[دورني]

اممممممم ..

للاسف يا كاتب الموضوع انت في دوله قطر .. وواقصد التخصيص بمستشفى حمد ..

كم من الحالات اللي كانت بسيطه وصارت وفاه .. تحت ايدي الدكاتره المشرفين

تقبل تحياتي

[hxamad]

همجية وجهل

[PARIS]

لاحول ولا قوة الا بالله العلي العظيم .............

[ليث العرين]

نعم يا أخي بواردي نحن في قطر

أهلا وسهلا

[الشحانية يونايتد]

أنا ضد التصرف ولكن اقول للأخوة اللي يقولون أنها همجية أحب اقولهم الهمجية والله في الأستاف كله في الطوارىء اللي يبيلة دورات في التعامل مع الجمهور\


لما تجي ومعك من تحب بحالة مزرية وهو يتعامل معاك بأسلوب أقل ما يقال عنه أنه إستفزازي

أهمال وبطأ في العمل وأخطاء تشخيصية وأسلوب في التخاطب سيء


ومعلومة بسيطة أنا قدمت شكوى في دكتور وإلى يومك محد عبرني حتى بأبسط شي بأنهم يقولون شفنا الموضوع وهو مو غلطان ( مع العلم ان اللي أخذ مني كتاب الشكوى قالي بيتصلون فيني ولكن للأسف عطوني طااااااااااااااف )

[بواردي]

اختي عادي جدا
اخذي الموضوع بصدر رحب

وحذف الادارة لبعض الردود الخارجة عن الموضوع شي مايزعل

واذا تشوفين انه الموضوع يتسكر عشان حذفوا ردك فاسمحي لي

دام الموضوع يطرح قضية تخص احترام القانون واحترام من هم موظفين عشان خدمتنا والتعامل مع الناس بشكل طيب

الادارة مشكورين ومقصروا واحسن شي حذفوا بعض الردود
ومنها احد ردودي
وهالشي للمصلحة العامة:nice:

وبالعكس انا سعيد بمرورهم ومتابعتهم وجزاهم الله الف خير:nice:

اسمي لاقصة ولا مسلسل
بواردي= قناص

[بواردي]

أنا ضد التصرف ولكن اقول للأخوة اللي يقولون أنها همجية أحب اقولهم الهمجية والله في الأستاف كله في الطوارىء اللي يبيلة دورات في التعامل مع الجمهور\


لما تجي ومعك من تحب بحالة مزرية وهو يتعامل معاك بأسلوب أقل ما يقال عنه أنه إستفزازي

أهمال وبطأ في العمل وأخطاء تشخيصية وأسلوب في التخاطب سيء


ومعلومة بسيطة أنا قدمت شكوى في دكتور وإلى يومك محد عبرني حتى بأبسط شي بأنهم يقولون شفنا الموضوع وهو مو غلطان ( مع العلم ان اللي أخذ مني كتاب الشكوى قالي بيتصلون فيني ولكن للأسف عطوني طااااااااااااااف )

هلا اخوي

صدقت في بعضهم وللاسف ينسى انه الطب مهنة انسانية قبل ما تكون وظيفة

ولكن هذا ما يعني نتصرف باسلوب مماثل

احسن شي تشتكي عليه

واذا لزم الامر سمعه كلمة كلمتين ولكن باحترام وذكره انه طبيب لعل وعسى

[MoneyMaker]

الموضوع ليس مكانه المنتدى والقطريين مش محتاجين حد يشهر بهم ..........
كفايه
كفايه

انتي كلها ردودج من باب خالف تعرف مسوية فيها (ام الوطنيه)

هذا الموضوع يسمى نقد بناء لواقع مجتمع الهدف منه القضاء على سلبيات وسلوكيات نرفضها جميعا

الله يستر لو انتي مشرفه:anger1:

[ام علي1981]

طبعا هذا تصرف مرفوض

بكل ما تحمل الكلمة من معنى

سواء كان الطبيب على صواب ام خطأ

ولكن ايش اللي يخلي مرافقي المريض

يهجمون عليه فجأة

اكيد فيه سبب

لان الطبيب قام بتحويلها الى قسم أخر
وانا كذلك كنت موجودة

[بيرق_المجد]

ياجماعه المشكله معروفه الدكتور متعود على الحلات مرت عليه مئات الحلات الى مش متعودين عليه والواحد احيان تجي اخته امه اي احد من العايله شي مو متعود عليه اكيد بيكون فيه ردتت فعل من المرافق في وقت متوتر وخايف على المريض الى عنده على شان كذا تجي المشكله خوف على المريض وبعض الدكاتره سلوبهم ناشف مع المريض او المرافق بحكم ان المشاكل صارت شي عادي عنده والاخطاء الطبيه الى تحدث من الدكاتره ماحد رفع عليهم قضيه على شان تقول خلهم ينسجنون هذا مو كلام اسمحلى الواحد بس يزعل وهو مش عارف السبب وتحياتي اكم وتقبلو مروري

[بوهلال]

السيكورتي والامن بصفه عامه في حمد

للاسف الشديد التوظيف عشوائي

لا لغه ولا اسلوب ولا احترام للتعامل مع الاخرين

[بواردي]

هذا الموضوع يسمى نقد بناء لواقع مجتمع الهدف منه القضاء على سلبيات وسلوكيات نرفضها جميعا

الله يستر لو انتي مشرفه:anger1:

صدقت اخوي والله الموضوع ما فيه شي من التشهير ولا اقصد فيه الاساءة لشخص بذاته
انما هي ظاهرة تتكرر احيانا في مستشفى حمد ويتناوب فيه المريض والطبيب في دور المجني عليه

وكان بامكاني احط اسماء وصور ولكن ماله داعي التشهير

وصدقني اني اسعد كثيرا عندما اقراء ردود ايجابية هدفها النقد البناء

[كروة]

السيكيورتي اللي في المؤسسة نايمين يا جماعة الخير
حاطينهم زينه
انه يعني فيه أمن وهم خبر خير
ما قول الا
لا حول ولاقوة الابالله

[بواردي]

لان الطبيب قام بتحويلها الى قسم أخر
وانا كذلك كنت موجودة

هلا اختي ام علي

والمشكلة ان بعض الاخوة في ردودهم يطالبون بتسكير الموضوع لانه اشاعة والهدف منه التشهير .
ولكن كل الشكر للادارة على متابعتها

[hamoor4ever]

للاسف الحق يقال ، بعض الدكاتره في طوارئ حمد يستاهلون الخنق والضرب بسبب اهمالهم للمريض بطريقه كبيره فقد لايعلم احيانا الدكتور انه قد يستطيع انقاذ حياه شخص من خلال تقديم العلاج السريع بل يجعله ينزف امامه وهو يتلقى عبارات الرجاء والاستذلال من قبل اهل المريض بلامبالاه وبلاشعور وكان الامر لايعنيه فيتطور الامر الى ضرب وتشابك بالايدي ، والبعض الاخر يستحقون الدعاء والتحيه بسبب اخلاصهم في عملهم

الخلاصه لايستطيع اي حد الدفاع او الهجوم على اهل المريضه مادمنا غير ملمين بالتفاصيل الكامله فقد يكون الطرف المخطئ هو الدكتور وقد يكون العكس ؟!