كما عودتكم...// عرض فودافون للمكالمات الدوليه بالتفصيل ***//

[عاشق فودافون]

السلااااااام عليكم ورحمة الله وبركاته....

ذكرت لكم سابقا عن عرض المكالمات الدوليه الي راااح يبتدي الليله الساعه 12 الليل..

خلني شوي ادخل في تفاصيل العرض الجديد..

طبعا اتمنى انه الكل استفاد من عرض ال ٥٠ درهم..

ولكن ان شاءالله العرض الجديد يحووز على رضا العملااء..

نيبال 0.99 ريال/درهم
تونس 1.75 ريال/درهم
السودان 1.11 ريال/درهم
المغرب 1.75 ريال/درهم
ايران 1.75 ريال/درهم
بنغلاديش 0.66 ريال/درهم
سريلانكا 0.77 ريال/درهم
تركيا 1.75 ريال/درهم
الهند 0.77 ريال/درهم
مصر 0.77 ريال/درهم
فلسطين 0.99 ريال/درهم
المملكه المتحده ( بريطانيا ) 1.75 ريال/درهم
الولايات المتحدة الأمريكيه 1.75 ريال/درهم
الفلبين 0.99 ريال/درهم
دول الخليج وبلاد الشام 1.22 ريال/درهم


اما عن الدول الاخرى فسيحتسب سعر الدقيقه العاديه 1.95 ريال/درهم

اما اذا كثرت عدد المكالمات الى دوله معينه تكون في عروض خاصه بيتم ابلاغ العميل من خلال sms بيوصل على جواله

طبعا اذا اي احد فيكم عنده اي استفسار ماعليه الى الاتصال على 111 ثم ضغط 1 ثم ضغط 2 للاستفار عن العرض..

اوالاتصال على 8007111 لغير عملاء فودافون واتبااااع الطريقه اعلااااه

او تفضلوا اسالوا اي سوال وان شاءالله يقدرني على الأجابه

تحيااات اخوكم// عاااشق فودااافون

[رجل الجزيرة]

ليش الظلم؟

يعني الهند وبانقلاديش ونبيال أكثر من الخليج وليش؟ قول لي السبب؟

[بواردي]

ودول الخليج
والدول العربية؟

[غناتي1]

يا سلام -- ليش ما خفضوا المكالمات لاهلنا اللي في الخليج

[البدوي]

.....وو ف شرد من القوم وطاح في السرية

[theeb_qatar]

هههه المفروض الخليج ارخص من الباقي ع الاقل ..

ع فكره اهلنا فالخليج مب في الهند ولا بنقلادش ولا النيبال او الفلبين .. !!

اوه صح نسيت .. الافضليه للاجانب ..

[عنيــــد]

سؤال اخوي :

اقدر انقل لمشغل فودافون برقمي نفسه اللي في كيوتل ؟؟؟

[ANONYMOUS]

الله .. بكلم نيبال كل يوم :p

[vip1982]

كيوتل وبس يكفي اتك تتصل من أول مرة يمسك معاك الخط أما فودافون لو كان يوم حظك ممكن يمسك معاك بعد ربع ساعة وطبعا لو مسك معك الخط تسمع صوت خبيط وصوت ناس معاك ..... فعلا ماتعرف خيرو لتجرب غيرو

[كازانوفا]

يمكن حد مخبر فودافون ان كل سكان قطر بيرحون اجازتهم في العيد على الهند وبنقلاديش خخخخخخخخخخخخ
يالله خير وبركة ههههههههه

[بدور]

ليش ما يخفضون سعر مكالمات لندن ؟؟؟؟؟؟؟؟؟؟؟؟؟؟؟

يا حظ الآسيويين

[sake alward]

بصرآحه فودآفون كله نصب في نصب .. ~

انا معبي 55 اظنه .. سآفرت ورديت وربي انه محد مسك تلفوني ..

حصلت فيه رصيد 26 واتصل ع الشركه اسألهم كم رصيدي يقول لي 16 .. ~

وقال لي بنشوف لك الموضوع .. وربي سآحبين علي سحبه مب طبيعيه .. ~

من شهر 8 وهم سآحبين .. ~

[مطنش]

ههههههههههه شدعوه دول الخليج دبل عن بنغلاديش عجل كل يوم بكلم بنغلاديش ههههههه ..

وثانيا للأسف فودفوان تقعد 5 دقايق ع ماتلقط شبكة ولا ماتكمل 5 الدقايق وانت تتكلم الا انقطع ..

حولت فودافون قلت اجرب بس رررجعت كيوووتل بلا عوااار راس ..

[بيانو]

شكراً جزيلاً لشركه

فــــودافـــــــــون

على العروض الدائمه والمميزه فعلاً

وشكراً لأخونا عاشق فودافون على التواصل

[برزان1]

أعتقد سبب تخفيض تسعيرة المكالمات إلى الثلاث الدول الأسيوية الهند.. بنقلادش.. والنيبال يعود إلى أن غالبية سكان قطر هم من هذه الدول الثلاث وربما تكون الفلبين قد سقطت سهواً لأن لدينا جالية فلبينية كبيرة*

[برزان1]

ليش ما يخفضون سعر مكالمات لندن ؟؟؟؟؟؟؟؟؟؟؟؟؟؟؟

يا حظ الآسيويين

الآسيويين غالبية لا تستغربي من هذه التسعيرة من حق فودافون أن تكسب غالبية السكان لأنها شركة ربحية

[abdulla999]

العروض هذي حق الهنود
مجرد دعاية لاكثر والا اقل