وين العضيد منهم (تحذير للنساء )

[المتضرعه لله]

المشهد الاول:
والله مابه تبرج ولا به زي يلفت الانتباه قالتها صديقتي وهي تقص قصتها لنا بالدوام
تقول :

صليت المغرب وخذيت بناتي لسوق واقف ومعي خدامتي واشترينا بعض غريضاتنا ووقفنا عند باب معلق عليه بعض اغطية الراس الملونه وشوي شوي الا فلاااااااااااش شدخنا

رفعنا روسنا الا ذاك الاجنبي عمره يمكن 60 او55 سنه ملقينا ظهره وهارب بالكيمره كان افك عمري وراه والحمد لله ان لدي لغه انجليزيه

فكان اقول له من فضلك من فضلك يعني بليز بليز مارد علي وسوى عمره مايسمع كان اجي امامه واكلمه واقول ليه صورتنا كان يتكلم كلام بلغه مب مفهومه وليست انجليزيه لما شافني اصريت اني اكلمه بالاجنبي كلمني بالانجليزيه قال انا ماصورتكم قلت طيب ماصورتنا خلني اشوف الصور بالكيمرى تردد وكان يفتح الكيمرى ويوريني صوره هو اختارها قلت عن اذنك وافر الكيمرى الا صورتنا واضحه وضوح الشمس بالكيمرى وكان قاصدنا !!!!!!!!
حسبي الله عليك ببلادنا وتسوي كذا تقول بغيت اخذ الكيمرى واضربها بالارض وابعثرها تبعثر لكن فكرت انه راح يهاوشني وتجي الشرطه ويسحبوني من السوق لاني تعديت على اجنبي وكسرت الكيمرى قلت له واتز ذس قال او نو ام جست تيك بكشر فور ذات دوووور يعني ياخذ صوره للباب اللي مب مبين منه شي لانه مغطى باغطية الراس

قلت اااااااااااااااااااااااااها

اوكي

دليت بليز

خلوا بالكم بليز بعد

كان يحذفها امامي

بس السؤال وش كان يبي بالصوره ؟

وللعلم الكل متحجب ومافيه مك اب ولا شيء


المشهد الثاني :

بالستي سنتر
المكان محل نعل اكرمكم الله
اليوم جمعه
الزمن مساء
المحل مكتض بالنساء
اغلبيتهم عربيات واجنبيات
هندي منتف يمشي من بين النساء الاتي يلبسن البنطال والتي شرت ولما تحاول السيده تقيس النعل وتضطر تربط الشوز طبعا تنحني لتحت فينفصل التي شرت من البنطال وتكون هناك مساحه فارغه ( مايحتاج اشرح)
الهندي هنا يتسمر وراها ويمتع عيونه بالنظر !!!
والكل مشغول بنفسه وهو ماخذ جو ينتقل من وحد لوحده حتى جاء لثالث وحده وانتبهت له خافت وطلعت من المحل .....


المشهد الثالث :

شباب قطريين يدخلون محل بالاند مارك والمحل خاص بالصابون وفيه نساء يشترون راحوا يقلبون بالصابون ويقولون جمل غير لائقه وتفاهات ويكتبون ارقامهم على الصابون ثم تخرج النساء بدون شراء لشدة مضايقة الشباب لهم
فلما يقول البائع لزبونه هذا الصابون بالزنجبيل يرد الشاب بالزززززززززززززززنجججججبيل يانظيف وغيره من الكلام الذي لا يكتب


ومن المشاهد الكثيره لكن هذه مقدمه تطرح سؤال وهو :



الى متى ؟

[alrheeb2020]

والله شئ مؤسف اختي ..

لا حسيب ولا رقيب ..

لكن شنقول .

حسبي الله ونعم الوكيل على من كان السبب ..

وجزاج الله خير اختي على غيرتج على بنات بلادج ..

[alqtri]

الحين الاجانب خليهم على جنب شوي

لكن القطريين اللي تقولين عنهم في محل الصابون هذول في منهم وايد اللي ينقلب خاروف يلحق البنات ومايخليهم في حالهم

لكن لو جات في هله بيسوي نفسه عنتر قدام الناس علشان يدافع عن هله لان مالقى اي حد يدافع عندكم

هالنوع اللي يرضون على الناس ومايرضون على اهلهم

لو يوم من الايام تجيهم وحده تصرخ في وجههم قدام العالم بصوت عالي تفشلهم وتفضحهم

كان والله لا هو ولا غيره بعد فتره يتحرش في البنات ويلاحقهم مثل الكلب الله يعزكم

لاسنع ولا حشمه على بالهم المجمعات حطوها علشان يلاحقون بنات الناس

الله يهديهم ان شا ءالله والله يعينكم على مثل هالاشكال

[هذلان]

السلام عليكم


اعلق على الموضوع الاول (الاجنبي الي صور البنات)

للاسف ترى حتى لو مسح الصوره من الكيمره ممكن يردها عن طريق الكمبيوتر بسهوله .. لي صديق صور ٥٠٠ صوره اول مافتحو المتحف الاسلامي وهو في السياره يتفرج على الصور و يمسح بعض الصور الي ماتنفع مسح كل صوره الي صورها بالغلط بس راح لمحل ورد له كل صوره .

و ليت البنت خذت الميموري من كيمرته .
وهي ما الومها انها خافت لانها بنت ولا تدري بس لو كاسره الكيمره و مخليته يلقطها ابرك و هو الي تعدى على خصوصياتها هي ماتعرظته .

وللاسف مره دخلت على فلكر شخص اجنبي انصدمت بكميه صور لبنات قطريات في قطر شي مايدخله عقل وفي اماكن عامه .
والله يهدي البنات اعتقد انهم اذا اجنبي قدامهم مايهتمون بالغشوه .

[حـــنـــان]

لاحول بعد اوصلت لي تصويرنا ......تذكرتينى في موقف صارلى في فندق الماريوت من شهرين وانا كنت اسبح بنتى الصغيرة في البرجة ...اللة ياخذهم اثنين اجنبين لابسين ملابس البرجة هدو كل المفاصيخ اللى قاعدين واقعدو يخزونى بنظرات مغززة وسو حركات مااقدر اقول كيف تجرأ الوصخ .......شلت بنتى من البرجة ورحت الغرفة ماخلونا نتهنى حسبي اللة عليهم

[QtrAlshmaaL]

اعلق على موضوع الاجنبي .. الغلط مهب كله على الاجنبي تدرين ليش؟ لان ما يعرف وشو الي ممنوع وشو الي مسموح به .. وبعدين انتي الله يستر عليج ساترة نفسج ومتغطيه والريال كان يصور السوق وانتي كنتي موجودة .. ومحد نبه عليه ان النسوان مايرضون بأن حد يصورهم اذا الغلط على من في الاخير ؟
على موضوع القطريين الي في محل الصابون .. الجيل الي طالع إلا ما رحم ربي الله إعينيه على نفسه دلع وميوعه وقلة مرايل ووقاحة مالها حد .. وبعد بتكلم عن البنات القطريات الي فاصخين الحيا .. الحين احنا انطالب الاجانب بالاحتشام في اللباس وبعض السفارات نبهة على مواطنبيها بذي الشئ .. انزين القطريات (دفه مرصصه + قذلة ناقزة + ويه بلستر واصباغ همبل) شالحل معاهم .. اذا البنت داشه السوق ريحة العطر تفوح والويه مصبغ والدفه مرصصه يعني بذمتكم اشتبي ذي! غير ان حد اطالعها واتنقشر فيها .. وبعدين اقولون والله الشباب لوعزونا

[Mozanee]

الله يعطيج العافية على هالمشاهد الروعة ... حسبي الله ونعم الوكيل ... نفس مشهد الأحنبي جفته بعيني

وكان مصور حرمة كبيرة لكنها ماشاءالله عليها شرشحته لين وجه الأجنبي جاب الوان قومت السوق على

راسه ... واذا صارلنا مثل هالموقف ماعليج خذي حقج هم يخافون لو من يكون ,,, لا تنسين الكرة بملعبنا

ما نبغي نرويهم ان احنا ضغاف ,,,, وعساج عالقوة ,,,,,,

[بواردي]

اختي بالنسبة للاجنبي
لو ماخذ ه الكيمرا ومنادية السيكيورتي
تقدرين تاخذين الميموري على الاقل او تكسرينه
لانه يقدر يرجع الصور

اما بالنسبة للهندي
ياكثر النعل اللي في المحل
خذيلج واحد وهفيه وسوي نفسج مالج خص

بالنسبة للشباب الهايتين في المجمعات
ترى مب كل واحد لبس غترة وثوب قطري

انا ما اقول انهم كلهم اجانب
بس ترى بعد مب كلهم اقطريين

ولازم الداخلية تشوف لهم حل

[راعية السيكل]

ما شفتوا اللي في السيتي يوم الجمعة عند الألعاب:secret:

[رضى]

شفنا ... وشفنا

بس أنت / أنتي

ليش ماتبلغ الشرطة ... وتاخذ حقك ( ثالث ومثلث )

ترى ( بعد مايفوت الفوت ماينفع الصوت )

[عابرة سبيل]

استغفر الله العلي العظيم وأتوب إليه

والله تغيرت الدنيا مره وحدة الله يهدينا جميعاً

[ملسونه]

والله شي يفشللللل


الله يعين

ويستر علينا

[k9911]

اللهم لاتؤخذنا بما فعل السفهاء منا؟؟؟؟؟
:anger1::secret::weeping:

[العلم الوكاد]

صبرا جميل والله المستعان

اذا لم تستح فأصنع ما شئت

وبعد الحذر واجب

واللي مو محترم نفسة ولا شوفات خلق الله

هذولا يبون تشهير فيهم عن طريق الصحف

وتكثيف الحملات عليهم

بغض النظر عن الجنسية

لازم تكون فيه عقوبات رادعة لهموتشهير بهم

عشان يعرفون ان الله حق

[£عبدالعزيز£]

المشهد الاول:
والله مابه تبرج ولا به زي يلفت الانتباه قالتها صديقتي وهي تقص قصتها لنا بالدوام
تقول :

صليت المغرب وخذيت بناتي لسوق واقف ومعي خدامتي واشترينا بعض غريضاتنا ووقفنا عند باب معلق عليه بعض اغطية الراس الملونه وشوي شوي الا فلاااااااااااش شدخنا

رفعنا روسنا الا ذاك الاجنبي عمره يمكن 60 او55 سنه ملقينا ظهره وهارب بالكيمره كان افك عمري وراه والحمد لله ان لدي لغه انجليزيه

فكان اقول له من فضلك من فضلك يعني بليز بليز مارد علي وسوى عمره مايسمع كان اجي امامه واكلمه واقول ليه صورتنا كان يتكلم كلام بلغه مب مفهومه وليست انجليزيه لما شافني اصريت اني اكلمه بالاجنبي كلمني بالانجليزيه قال انا ماصورتكم قلت طيب ماصورتنا خلني اشوف الصور بالكيمرى تردد وكان يفتح الكيمرى ويوريني صوره هو اختارها قلت عن اذنك وافر الكيمرى الا صورتنا واضحه وضوح الشمس بالكيمرى وكان قاصدنا !!!!!!!!
حسبي الله عليك ببلادنا وتسوي كذا تقول بغيت اخذ الكيمرى واضربها بالارض وابعثرها تبعثر لكن فكرت انه راح يهاوشني وتجي الشرطه ويسحبوني من السوق لاني تعديت على اجنبي وكسرت الكيمرى قلت له واتز ذس قال او نو ام جست تيك بكشر فور ذات دوووور يعني ياخذ صوره للباب اللي مب مبين منه شي لانه مغطى باغطية الراس

قلت اااااااااااااااااااااااااها

اوكي

دليت بليز

خلوا بالكم بليز بعد

كان يحذفها امامي

بس السؤال وش كان يبي بالصوره ؟

وللعلم الكل متحجب ومافيه مك اب ولا شيء


زين سوت

بس يعني معروف ان سوق واقف كله اجانب

فالافضل والاستر للحريم انهم ما يروحون له فالليل

يعني لو بيروحون يروحون العصر ومع محرم

لانه معروف انه فالليل مصخرة وجلسات وووالخ

وخصوصا في الويكند




المشهد الثاني :

بالستي سنتر
المكان محل نعل اكرمكم الله
اليوم جمعه
الزمن مساء
المحل مكتض بالنساء
اغلبيتهم عربيات واجنبيات
هندي منتف يمشي من بين النساء الاتي يلبسن البنطال والتي شرت ولما تحاول السيده تقيس النعل وتضطر تربط الشوز طبعا تنحني لتحت فينفصل التي شرت من البنطال وتكون هناك مساحه فارغه ( مايحتاج اشرح)
الهندي هنا يتسمر وراها ويمتع عيونه بالنظر !!!
والكل مشغول بنفسه وهو ماخذ جو ينتقل من وحد لوحده حتى جاء لثالث وحده وانتبهت له خافت وطلعت من المحل .....

اصلا يوم الجمعة عائلات .. طبعا هم بس جي كاتبين عائلات

ويدخلون القطريين .. اما الهنود ما يدخلونهم الا لو معاهم عائلة

اما بخصوص الموقف

يستاهلون .. حد طقهم وقالهم لبسوا بنطلونات ؟



المشهد الثالث :

شباب قطريين يدخلون محل بالاند مارك والمحل خاص بالصابون وفيه نساء يشترون راحوا يقلبون بالصابون ويقولون جمل غير لائقه وتفاهات ويكتبون ارقامهم على الصابون ثم تخرج النساء بدون شراء لشدة مضايقة الشباب لهم
فلما يقول البائع لزبونه هذا الصابون بالزنجبيل يرد الشاب بالزززززززززززززززنجججججبيل يانظيف وغيره من الكلام الذي لا يكتب


هالاشكال لو سكتوا عنهم راح يتمادون اكثر واكثر

فالحل الوحيد هو انهم يكونون مع محرم

او يكون فيه رجال امن قطريين

ويفضل لو من الفزعة اللي عندهم صلاحيات على كل شي

[كازانوفا]

لا حولة ولا قوة الا بالله

[براتزية برازيلية]

بس السؤال وش كان يبي بالصوره ؟

وللعلم الكل متحجب ومافيه مك اب ولا شيء

الاجانب معروفين بحبهم للتصوير لما يسافرون او يروحون اماكن غريبة و انا واثقة انه ماكان قاصد يصورج بس هم محد قاللهم ان النسوان مايرضون بالتصوير

الهندي هنا يتسمر وراها ويمتع عيونه بالنظر !!!

اذا صار هالشي قدامي و شفت واحد (اي جنسية مو شرط هندي) و قعد يطالع وحدة علا طول بالجوتي ع راسه و انتوا بكرامة و مانتظر لا سكيوريتي و لا شي الموضوع واضح

شباب قطريين يدخلون محل بالاند مارك والمحل خاص بالصابون وفيه نساء يشترون راحوا يقلبون بالصابون ويقولون جمل غير لائقه وتفاهات ويكتبون ارقامهم على الصابون

سواء قطريين او غيرهم : قلة ادب و قاحة و تصرفاتهم انعكاس للبيئة المحترمة اللي تربوا فيها بين اهاليهم المحترمين

[zeknon]

لا حولة ولا قوة الا بالله
اللهم لاتؤخذنا بما فعل السفهاء منا؟؟؟؟؟

[دلوليانوز]

;5092147']
شفنا ... وشفنا

بس أنت / أنتي

ليش ماتبلغ الشرطة ... وتاخذ حقك ( ثالث ومثلث )

ترى ( بعد مايفوت الفوت ماينفع الصوت )

في المشمش.. بيحجزونها اهي..عزيزي
:omen2:

[عين قطر]

والله وصلنا الى حال يبكي
وما في فايده من الفزعه والعضيد و و و
الحل ان المواطنين القطريين الشرفاء والمواطنات هم اللي يتصرفون ولا يخافون في الله لومة لائم

[تميمي1]

ان لم تستحي ففعل ما شئت

[قناص الخليج]

لاحول ولا قوة الا بالله

[doha1]

هل مازلنا نطالب بوجود هيئة الامر بالمعروف للاجانب ولابناء البلد؟؟؟؟؟؟؟؟؟؟؟؟؟؟؟؟؟؟؟

[روح-قطر]

هم عندهم التصوير عادي ويصورون اي شي وفي ناس من الخليج لي سافروا بلاد برع عادي يصورون الاوادم اللي هناك فيمكن هو حسبها شي عادي..

الله يعين الجميع يارب..

[سوق واقف]

أتمنى منع التصوير في المجمعات وفي الأسواق

والي يبي يصور في سوق واقف يروح يصور عقب صلاة الفجر ما في أحد وياخذ راحته

[امل الحب]

اختي بالنسبة للاجنبي
لو ماخذ ه الكيمرا ومنادية السيكيورتي
تقدرين تاخذين الميموري على الاقل او تكسرينه
لانه يقدر يرجع الصور

اما بالنسبة للهندي
ياكثر النعل اللي في المحل
خذيلج واحد وهفيه وسوي نفسج مالج خص

بالنسبة للشباب الهايتين في المجمعات
ترى مب كل واحد لبس غترة وثوب قطري

انا ما اقول انهم كلهم اجانب
بس ترى بعد مب كلهم اقطريين

ولازم الداخلية تشوف لهم حل

هههههه عجبني التعليق عالهندي بس والله هذي الصج واذا نطق بعد هفة وخليه يرقل مكانه قليل الادب

[المتضرعه لله]

شكرا للجميع على التعليق والاضافات ولي عوده لردود على كل واحد على حده

الله يحفظنا جميعا من الابتلاءات والبلاوي
والله يستر على كل شوفه كريمه وشريفه تعيش على هذه الارض الطيبه والله يستر بعد على كل شريف وكريم يعيش على هذه الارض لانهم بعد مستهدفين :)

[law girl]

بغض النظر عن الأجنبي والهندي بنقول ذولآ جايين من بلآدهم وعندهم الأدب ميح ..

بس شبآبنآ القطريين ..
صآيرين الله لك الحمد ..
تقولون أول مره يشوفون بنآت ..
من شآفوآ عبآه ..
لحقوهآ مثل الغنم ..
عنبوآ دآركم استحوآ مآعندكم خوآت ..
أوك صح حزآت الغلط من البنت كآشخة حدهآ ..
أوك so what كآشخة ..!
هل هو كل مابيشوف بنت كآشخة بيلحقهآ ..
أستغرب من الشبآب والله ..
شلون تسمح له عزه نفسه وكرآمته انه يقعد يلآحق شخص ..
حتى مب أكيد تعطيه ويه ..
يمكن ملآحقته لهآ تروح ع الفآضي ..
يعني جد مآ أدري شلون يقدر يسمح حق كرآمته توصل للقآع بسبه ملاحقة بنت ..
تفكير ماله دآعي بصرآحة ..

الله يستر ع الجميع ..

[alrheeb2020]

£عبدالعزيز£


بنطلونات:secret::secret:

[الهاجرية]

بالنسبة لموضوع الاجنبي ياكثرهم في سووق واقف وخاصة من يشوفون اللي لابسين براقع ونقابات
ولا الحريم الكبار في السن بغض النظرعن الصغار ماعرف ايش هدفهم من تصوير النساء بشكل عام !!
وبالنسبة للشباب الصغار هذا الجيل نعاني منه بشكل كبير الله يهديهم

[طلعة الروح]

الاجانب مالهم حل بنظري غير التحذير والتشديد اللفظي والفعلي وفرض العقوبات في حالة التمادي بهذه المواقف الخارجه عن ديننا وعاداتنا،،
بس القطريين اللي من هالنوعيه هذي مشكلتهم مشكله والتربيه والوازع الديني عندهم الله بالخير فلازم كل واحد فينا يبتدي بروحه
ويعرف موطئ قدميه واللي يشوف الغلط رجاءا لا يسكت مهما كانت النتيجه
بس لازم الوقفه تكون حازمه وما نستنكر بقلوبنا لين متى واحنا نشوف الغلط ونستحي من رده ترى هذي ديرتكم وانتوا محاسبين بكره عند رب العالمين على سكوتكم عن المناكر اللي قاعده تزيد يوم عن يوم هذي غلطة شعب كامل اللي هي السكوت في مواقف توجب الفعل ولا تحتمل السكوت........
مشكوره اختي على التنبيهات وهذي المواقف يتروالي غيض من فيض والخافي اعظم والله يحفظ بلدنا من كل شر.

[ابن الأكابر]

بالنسبة للشباب الهايتين في المجمعات
ترى مب كل واحد لبس غترة وثوب قطري


ممكن تفسير أعمق؟؟؟ عشان للحين مافهمت
وتصدق توني أعرف إنه الأخلاق مرتبطه بالجنسيه...!!!!!

[شعشوع]

زين سوت

بس يعني معروف ان سوق واقف كله اجانب

فالافضل والاستر للحريم انهم ما يروحون له فالليل

يعني لو بيروحون يروحون العصر ومع محرم

لانه معروف انه فالليل مصخرة وجلسات وووالخ

وخصوصا في الويكند


-----------------

هالاشكال لو سكتوا عنهم راح يتمادون اكثر واكثر

فالحل الوحيد هو انهم يكونون مع محرم

------------------------

لافـــــض فـــــوك .. !!

[دورني]

خلاص .. ضاااااااااااااااااااااااااااااااااااااااااااااعت

وفسروا ضاعت مثل ما تبون

[وتبقى الدنيا حلوه]

الاوربي : كلب و السبب لانهم يصورون القطريات و ينشرونهم بمواقعهم

الهندي: سود الله ويهه يبي له كف يسنعه

القطرين : مرضى نفسيا