وين القى مختبر تحليل عينات كيميائية او خلطات

[ورقــة أمــل]

السلام عليكم ورحمة الله وبركاته..

من فترة اخذت خلطة للريجيم من شركة معينة وتعبت بعدها معني ما ستخدمته الا اسبوع

والحين ابي اودي عينة من هالخلطة لمختبر يفحص لي شنو مكوناتها واذا فيها شي ضار ولا لا..

وين ممكن اوديها؟؟


وجزاكم الله خير

[غير البشر]

ماتشوفين شر اختي

كلمي اشعه الخليج او مختبر الابراج

اذا ماعندهم يمكن يفيدونج بأي مكان ممكن يحللون الوصفه :(

[سهم مديون]

فيه مركز المستقبل الطبي في العزيزية مقابل فيلاجيو جيد في مثل هذه الشغلات !

[انا حره]

انا الي اعرفه انكم تودونها وزاره الصحه فيه هناك قسم لهلاشياء

[المقهوره]

اي خلطه للرجيم ماتتخذ مجرد اعلان او شخص استخدمه

لان جسمك غير عن جسم غيرك

يمكن انتي جسمك مايستحمله ويأثر فيك

والافضل الابتعاد عن هالخلطات واذا تحبين تضعفين خلك

مع دكتور تغذيه احسن شي اقلها مايضرك بطريقه الرجيم ويكون الضعف طبيعي

لان الدكتور في البدايه بيسوي لك تحليل كامل وبيعرف شنو راح يكتب لك

[محمد اليهري]

يوجد هناك مختبر للأغذية يتبع وزارة الصحة .. ويجب الرجوع لهم للتأكد من إمكانية الفحص.
أما الجهة الرقابية والمسؤولة عن ضبط المخالفات، فهو قسم مراقبة الأغذية في البلدية.
والسؤال الذي يطرح نفسة .. هل المنتج المستخدم هو مصنف كمادة غذائية أو مستحضرات طبية وأدوية...!
لأن كل شيء له جهة مسؤولة... الأغذية في البلدية، والمستحضرات في الصحة.

ونصيحة أخيرة: هو إمكانية الرجوع إلى المواصفات والمقاييس التابعين لوزارة البيئة لأخذ النصح والتوجيه منهم.. لأنهم الجهة المسؤولة عن وضع المواصفات الخاصة بكل المواد والأجهزة والأدوات في الدولة..
والله يسلمكم من كل مكروه وشر.

[ودي أكون]

ماعليج شر يارب ..

[وتبقى الدنيا حلوه]

اتصلي بوزارة الصحة استفسري