&& هذي تجربتي مع المقاولين وأسعار البناء .. حياكم &&

[خليفـة]

اعتذر في البداية للجميع عن التأخير في الرد
وذلك لاني في مهمة عمل خارج البلاد تستمر لمدة شهر


جزاك الله الف خير

وانا عندي بيت نفس مساحة بيتك تقريباً.. ياليت تفيدنا اذا رسيت على شركة ..وتعطينا اسمها والسعر التقريبي للبناء .. واذا فيها احراج ممكن تبعث عالخاص .



......................
:sorry:
حطمتني يا خوي
بعد كل الي كتبته وتبيني اخبرك اذا رسيت على شركة
:(
اقرى الصفحات السابقة اخوي بارك الله فيك
لاني بنيت وخلصت
:sorry:


انا عندي بناء ابي شركات للبناء


السلام عليكم ورحمة الله وبركاته
منزل مبارك ان شاء الله اخوي خليفه
والله يبارك لك فيه ان شاء الله

اخوي خليفه بغيت منك لاهنت

شركة المقاول الي بنت لك البيت

وثاني طلب اخوي

حاب اعرف من الي قام بكتابة العقد انت شخصيا او المقاول عطاك عقد ووقعت عليه
اذا كان العقد منك او من المقاول اذا كان بالامكان تساعدني وترسله لي على الخاص
لاني قريب ناوي ابني ان شاء الله بس محتار بخصوص العقد الي بيني وبين المقاول
والمقاول الي حصلته او اغلبهم يعطوني عقود تصب بالاول والاخير في صالحهم

والسموحه على الاطاله
مسموح اخوي وعزيز وغالي
بالنسبة للشركة الي بنت لي .. الشاهد الله ان ما يقدر المقاول يمسك اي مشروع جديد
لان مضغوط .. وانا حاولت بالفعل اوصل له كم مشروع ورفض اخوي لان مضغوط حاليا

اما بالنسبة للعقد اخوي
انا خذت العقد من المقاول واضفت له بعض الشروط الي تحسسني اني بوضع آمن

حياك الله اخوي وشرفتني بمرورك


الله يجزاك خير

وجزاك الله بمثله اخوي
شكرا لمرورك الطيب


هلا بكم

وبعد اذن صاحب الموضوع
:secret::secret::secret:


صيغة العقد متوفرة بكل مكتب


وعموما العقد يتضمن عدة نقاط من أهمها :

مشروع العقار
مدة التنفيذ
جزاءات او غرامات التأخير
مراحل البناء والتشييد
ذكر نوعية الحديد والطابوق
التغيير في الخريطة : تتفق ع نسبة ؛ مثلا انا اتفقت ع 35% ان أقدر أغير وبدون احتساب رسوم

نظام الدفعات : كم تدفع لكل مرحلة


أهم شي ان تكتب كل ما تتفق مع المقاول
ولا تعتمد ع الكلام

عشان تحفظ لك حقك

:victory::victory::victory:
تسلم يالذيب على الأفادة الطيبة
والمكان مكانك

[بوخالد911]

هلا


للأسف الصور الي بالصفحات ال 1 و 2 و 3
غير موجودة

والسبب من مركز التحميل !!!



حبيت اني افتر ع موضوعك للاستزادة لأني ع وشك بداية الحفر

[Dohaprince]

جعله بيت مبارك ياخوي خليفه

مريت ع البيت اليوم وحصلت عمال ساكنين؟؟؟!!

احس صعبه بعد الشغل الي متعوب عليه تسكن عمال؟؟؟؟؟

الشغله الثانيه اذا ماجره حق عمال؟؟!!! ماتحس انك بتاذي جيرانك؟؟؟ والجار قبل الدار!!!!

الله يوفقك

[123MOOON123]

السلام عليكم

الموضوع طويل يا جماعة يا ريت حد يعمل لنا موضوع متكامل الكل يطرح فيه تجربتة .. وانا اكون اول الشاكرين

(((( ومنزل مبارك ان شاء الله ))))

[خليفـة]

هلا


للأسف الصور الي بالصفحات ال 1 و 2 و 3
غير موجودة

والسبب من مركز التحميل !!!



حبيت اني افتر ع موضوعك للاستزادة لأني ع وشك بداية الحفر
اخوي بوخالد
اعتقد ان السبب مرور عام على وضع الصورة
:(
ان شاء الله تنفهم المشاركات من غير صور حتى يستفيد الجميع
شكرا لمرورك الغالي
:)


جعله بيت مبارك ياخوي خليفه

مريت ع البيت اليوم وحصلت عمال ساكنين؟؟؟!!

احس صعبه بعد الشغل الي متعوب عليه تسكن عمال؟؟؟؟؟

الشغله الثانيه اذا ماجره حق عمال؟؟!!! ماتحس انك بتاذي جيرانك؟؟؟ والجار قبل الدار!!!!

الله يوفقك
مرحبا اخوي برنس الدوحه
والله يبارك فيك ان شاء الله
اخوي البيت مب مأجر لعمال مثل ما تفضلت انت .. البيت أجرته لموظفين عرب في شركو اعرف صاحبها معرفة شخصية .. وهالموظفين يداومون بالشركة هذي من الصبح لآخر الليل
يعني بالعربي يردون البيت عشام ينامون وبس
حتى مسألة أكلهم وشربهم مأمن من الشركة الي يشتغلون فيها
اما بالنسبة لمسألة الجار قبل الدار .. اخوي انا باني البيت للأستثمار
من حقي اشوف مصلحتي .. وبنفس الوقت ما أضر غيري لا سمح الله
انا ما ادري ليش قلت اني بأذي جاري مع العلم ان محد ساكن بالبيت الي حذاي ووراي ارض فاضية .
على كل حال .. اذكرك مرة اخرى اخوي .. انا باني البيت للأستثمار
ولولا ان البنيان نظيف والتشطيب شي راقي ومحترم
ماكان جاب لي مبلغ أيجار محترم بمعنى الكلمة .

عموما .. شكرا لمرورك بجانب بيتي
وشكرا لمرورك على موضوعي
:)


السلام عليكم

الموضوع طويل يا جماعة يا ريت حد يعمل لنا موضوع متكامل الكل يطرح فيه تجربتة .. وانا اكون اول الشاكرين

(((( ومنزل مبارك ان شاء الله ))))

الله يبارك فيك
وشكرا للمرور
:)

[Miss]

لا

للحيين

ناطرررر

:secret::eek5::eek5::secret:

للحين ما عزمكم :eek5:
البيت تأجر وخلص ويمكن مسك الاجار وانتوا لين الحين تنطروون


هههههههههه
يا فضيحتي بين العربان
:nice:
انتي من قال لج السالفة ؟
:omg:



بوخالد جاهز للفضايح بس هههههههه
على العموم .. انا خلاص حجزت لكم في قهوة حمود الي في بن عمران
كيمة وجباتي وكرك من الي يحبه قلبك
:nice:
بس انتظر الموعد لما القى حجز
هههههههه

عندك هالفلوس اللي في الشنطه ومستكثر عليهم عزيمه :rolleyes2:
كني بك تقول لو هالفلوس عندي كان علووم :nice:
الكيمه تسوي حاارج :(
وكيمه وحارج وكرك بعد :rolleyes2:

سؤال : ليش ما أجرت البيت على الاسكان ؟؟
وكل 6 شهور تاخذ الاجار

[خليفـة]

للحين ما عزمكم :eek5:
البيت تأجر وخلص ويمكن مسك الاجار وانتوا لين الحين تنطروون



عندك هالفلوس اللي في الشنطه ومستكثر عليهم عزيمه :rolleyes2:
كني بك تقول لو هالفلوس عندي كان علووم :nice:
الكيمه تسوي حاارج :(
وكيمه وحارج وكرك بعد :rolleyes2:

سؤال : ليش ما أجرت البيت على الاسكان ؟؟
وكل 6 شهور تاخذ الاجار

يا هلا بالغلا
:nice:
شفتي يا مس .. ينطرون العزيمة وكأني اول واحد يبني في قطر
ههههههههه
وبخصوص الكيمة من قال لج تجيب حارج !
بالعكس .. الطب الحديث اكتشف ان الكيمة تخلي الواحد يتنح بطريقة ملفته للنظر
:nice:
اما بخصوص تأجير البيت على الأسكان .. انا الصراحة ارتحت للشركة الي أجرت عليها البيت
وكانوا طالبين يكون العقد لمدة 5 سنوات
ولكن انا فضلت اسويه 3 سنوات حتى اقدر ارفع عليهم الأجار لو طارت الدنيا
والدفع بشكل شهري ومضمون بأذن الله
لان صاحب الشركة رجال معروف في البلاد وله سمعة طيبة
والشركة عملاقة وماسكة مشاريع على مستوى كبير جدا

اما الأسكان .. ماراح يعطوني المبلغ الي احصله الحين
ويمكن المستأجر ياخذ البيت لمدة سنه او سنتين بالكثير ويطلع
وعقب الاسكان بيقول لي دور لك مستأجر
في هالحالة انا اكون ما استفدت شي

شاكر لج مرورج الجميل يا مس
:)

[BoFahed]

شخبارك اخوي خليفة موفق ان شالله في مهمتك وتروح وتجي بالسلامة

عندي استفسار اخوي بخصوص مغاسل الرخام اللي في الصالة وين سويتهم ؟؟وبكم المتر وشلون جودة الرخام العماني؟ لاني بسوي اربع مغاسل والبيوت للاستثمار

[خليفـة]

شخبارك اخوي خليفة موفق ان شالله في مهمتك وتروح وتجي بالسلامة

عندي استفسار اخوي بخصوص مغاسل الرخام اللي في الصالة وين سويتهم ؟؟وبكم المتر وشلون جودة الرخام العماني؟ لاني بسوي اربع مغاسل والبيوت للاستثمار

مرحبا اخوي بوفهد
السموحه على التأخير في الرد .. والسبب كما تعلم تواجدي خارج الديرة في الوقت الحالي
عموما

المغاسل الي انا مسويها طال عمرك رخامها ايطالي .. جودة عالية .. وسعرها معقول نوعاً ما
سويتها عن طريق شخص يعمل لحسابة الخاص .. وبسعر اقل بكثير من المحلات

اما بالنسبة للرخام العماني .. للأمانة ما عندي معلومة عن جودته .. ولكن طالما انك ذكرت
ان بيت للايجار .. توكل على اذا شفت السعر معقول ومناسب

بالتوفيق الغالي
ودعواتك
:)

[خليفـة]

للرفع .. فقط لتعُم الفائدة

وفقني الله واياكم اجمعين


:)

[خليفـة]

الاخوة والاخوات الي ارسلوا لي استفساراتهم على الخاص تم الرد
وانا اعتذر عن التأخير وذلك بسبب تواجدي في الخارج
ولقلة دخولي المنتدى

الله يوفق الجميع


خليفــة

[خليفـة]

للرفع .. لتعُم الفائدة
بارك الله فيكم جميع

خليفــة

[بو خليفه 123]

يالله جعله منزلٍ مبارك يابو دعيج

ابيك تعزم فيه خويك الفرنسي عقب مايعلن اسلامه ان شاءالله :nice:

[desert hunter]

سلام عليكم اخي الكريم
انا ان شا الله مقبل على توقيع عقد مع مقاول
لو لديك اية نصيحه اكون ممتن بصراحه :)

سؤال هل اتعامل مع مكتب مصنف في موقع المناقصات المركزيه
لاني اسمع عن مكاتب زينه لكن مالها تصنيف
وكم سنه يكون المكتب له فتره عشان تنصح اتعامل وياه
وتسلم

[خبير صيانة]

100% كلامك صح لاكن هناك حسابات تقريبيه وبتكون مع المقاول الشاطر قريبه بنسبه 90%

[خليفـة]

يالله جعله منزلٍ مبارك يابو دعيج

ابيك تعزم فيه خويك الفرنسي عقب مايعلن اسلامه ان شاءالله :nice:

ههههههه
خله يسلم اول .. وفاله طيب يا بوخليفة
شكرا لمرورك الحلو .. يا حلو
:)


سلام عليكم اخي الكريم
انا ان شا الله مقبل على توقيع عقد مع مقاول
لو لديك اية نصيحه اكون ممتن بصراحه :)

سؤال هل اتعامل مع مكتب مصنف في موقع المناقصات المركزيه
لاني اسمع عن مكاتب زينه لكن مالها تصنيف
وكم سنه يكون المكتب له فتره عشان تنصح اتعامل وياه
وتسلم
بالتوفيق ان شاء الله اخوي
بصراحه الامور الي تختص بتوقيع العقود كثيرة اخوي
ولكن خلك دقيقه معاه في مسألة الدفعات والمواصفات
وخلك جازم وياه في مسألة غرامة التأخير
اما بالنسبة لمسألة التعاقد مع المكاتب المصنفة .. انا انصحك ان لا تهتم كثيرا بالمسميات
لانها في النهاية كل مكتب مقاولات يعتمد على ذمة وخبرة المقاول وامانته
ولا تغتر بكلمة مكتب مصنف
لان فيه مكاتب عاديه غير مصنفة وتشتغل بشكل أفضل بكثير من المكاتب المصنفة
بالتوفيق ان شاء الله اخوي
:)


100% كلامك صح لاكن هناك حسابات تقريبيه وبتكون مع المقاول الشاطر قريبه بنسبه 90%

يعطيك العافيه اخوي خبير على مرورك الطيب
:)

[الحـ قطر ــب]

ودي ابني بيت مساحتة الاجمالية 500 متر فودي اعرف :-
مدة استخراج رخصة البناء.
مدة الانتهاء من المخطط.
مدة الانتهاء من البنيان يعني من اول الحفر لين اخر تشطيب.
تكلفة تقديرية للبنيان.
شنو احسن 5 لشركات اللي تنصح فيها.

[خليفـة]

ودي ابني بيت مساحتة الاجمالية 500 متر فودي اعرف :-
مدة استخراج رخصة البناء.
مدة الانتهاء من المخطط.
مدة الانتهاء من البنيان يعني من اول الحفر لين اخر تشطيب.
تكلفة تقديرية للبنيان.
شنو احسن 5 لشركات اللي تنصح فيها.

مرحبا اخوي
من الصعب اخوي ان احد يعطيك اجوبة اكيدة ودقيقه على اسألتك
ولكن
بجاوبك بشكل تقديري

مدة استخراج رخصة البناء
مدة الانتهاء من المخطط :

هالشغلتين ينتهون مع بعض اخوي .. وياخذ لهم بحدود شهر الى شهر ونص اذا كان المكتب الاستشاري نشيط وصادق في تعاملاته مع زبائنه
بحيث ياخذ كل موضوع على حده ويباشر في معاملته .. دون الانتظار لاكثر من مشروع ومباشرة المتابعة لعدة مشاريع بنفس الوقت وعن طريق نفس المندوب .


مدة الانتهاء من البنيان يعني من اول الحفر لين اخر تشطيب :

مرة اخرى يعتمد اخوي على الشركة الي بتتعامل معاها .. ولكن لو قلنا انك وقعت العقد مع شركة ومقاول يمتازون بسمعه طيبة .. المفروض تنتهي بالكامل قبل مرور 18 شهر على بداية المشروع ( سنه ونص )


تكلفة تقديرية للبنيان :

الاسعار اخوي تعتمد على رغبتك انت :
تبي توقع عقد عظم بلاستر فقط ؟ ام تسليم مفتاح ؟
لو كان تسليم مفتاح على المساحة الي ذكرتها .. بتكون التكلفة تقريبا 1900 ريال للمتر ( تشطيب متوسط )

500م * 1950 = 975.000 ريال

ولو كنت تبي عظم وبلاستر وانت تشطب بنفسك .. بتكون التكلفة تقريبا 1100 للمتر
1100*500 = 550.000 ريال ( بدون قيمة مواد التشطيب ) لانك انت الي تحدد قيمتها ومستوى جودتها .


شنو احسن 5 لشركات اللي تنصح فيها :

اتمنى تعفيني اخوي من الاجابة على هالسؤال .. التزاماً في البداية لقوانين المنتدى التي تمنع كل اساليب الدعاية والأعلان .. وثانياً : لقناعتي ان كل شركة لها ايجابياتها وسلبياتها .

بالتوفيق ان شاء الله اخوي

خليفــة

:)

[خليفـة]

حبيت ارفع الموضوع
رفع الله قدركم

:)

[almaf1a]

اخوي خليفه صباح الخير
عندي كم سؤال بسيط الله يرضى عليك
المجلس الخارجي كيف طريقة تصميمه
ارضك مشابهه لارضي
والزاويه تجي بنفس الطريقه
وانا ابي اسوي مجلس صغير مع مغسلتين وحمام تكرم
والمصمم جابلي باب المجلس في واجهة البيت
وانا ابيه بنفس طريقتك
وقاعد اقلبها بمخي وافر المجلس يمين ويسار ومب راضي يضبط معاي

[almaf1a]

وياريت تقولي الزاويه الي جايه على جنب كم متر
اقصد الزاويه المقرومه>>تفاحه
مالقيت الا هل الوصف للزاويه الي ذابحتني

[ابو دانة-مكة]

يعطيك العافية ..

[خليفـة]

اخوي خليفه صباح الخير
عندي كم سؤال بسيط الله يرضى عليك
المجلس الخارجي كيف طريقة تصميمه
ارضك مشابهه لارضي
والزاويه تجي بنفس الطريقه
وانا ابي اسوي مجلس صغير مع مغسلتين وحمام تكرم
والمصمم جابلي باب المجلس في واجهة البيت
وانا ابيه بنفس طريقتك
وقاعد اقلبها بمخي وافر المجلس يمين ويسار ومب راضي يضبط معاي


وياريت تقولي الزاويه الي جايه على جنب كم متر
اقصد الزاويه المقرومه>>تفاحه
مالقيت الا هل الوصف للزاويه الي ذابحتني

مرحبا اخوي almaf1a
هذي صورة من خريطة الأرض مالتي .. وعليها تصميم البيت
والمجلس الخارجي
:)
شوف طريقة التوزيع على الارض
واي سؤال اخر انا حاظر اخوي
:)

http://up.3ros.net/get-7-2011-2zmklhsh.bmp (http://up.3ros.net)

يعطيك العافية ..


الله يعافيك يالغالي
وشاكر لك مرورك الطيب
:)

[الحـ قطر ــب]

يالغالي ممكن تعطيني عالخاص

مكتب لتصميم الخرائط
مقاول
مشرف استشاري عالبنيان

وسعر تقريبي لتشطيب الديلوكس والسوبر ديلوكس بشركة زينه

واسمحلنا لو ثقلنا عليك

[خليفـة]

يالغالي ممكن تعطيني عالخاص

مكتب لتصميم الخرائط
مقاول
مشرف استشاري عالبنيان

وسعر تقريبي لتشطيب الديلوكس والسوبر ديلوكس بشركة زينه

واسمحلنا لو ثقلنا عليك

ان شاء الله طال عمرك
شوف الخاص بعد شوي
:)

[almaf1a]

الف شكر لك يا خليفه

[desert hunter]

ان شاء الله طال عمرك
شوف الخاص بعد شوي
:)

اخي الكريم لو عندك ايضا مقاول جيد لاتبخل علينا وتسلم

[خليفـة]

اخي الكريم لو عندك ايضا مقاول جيد لاتبخل علينا وتسلم

تم الارسال على الخاص اخوي
بالتوفيق ان شاء الله

[خليفـة]

للرفع .. رفع الله قدركم جميعا ان شاء الله

خليفــة

:)

[ابو مشعل]

السـلام عـليـكم ورحمة الله ،،

مـنزل مبـارك أخوي خـليـفة إن شـاء الله .. :)

اليـوم شـريـت أرض مسـاحتها تـحت الـ 500 بشـوي للسـكن الشـخصي ..

وبـعد ما شـريت الأرض أشوف هذا الموضوع :

http://www.qatarshares.com/vb/showthread.php?t=470128
:anger1:

بـس إن شـاء الله ما بتفرق مـعاي لأن البيت للـسـكن ولـيس للاستثمـار .. :)

الله لا يـهينـك بـغيـت اسم المـكتب اللي سـوالك الخـريـطة والسـعر وهل تنـصح فـيه .. ؟؟

وإذا عندك نصـائح قبل البدء ببناء البيت ..

مـع العـلم إن البناء بيـكون ( تـسـليم مفتاح ) .. إن شـاء الله ..

واسـمح لي على الإطـالة ..

وجـزاك الله خيـــر ..

:)

[خليفـة]

السـلام عـليـكم ورحمة الله ،،

مـنزل مبـارك أخوي خـليـفة إن شـاء الله .. :)

اليـوم شـريـت أرض مسـاحتها تـحت الـ 500 بشـوي للسـكن الشـخصي ..

وبـعد ما شـريت الأرض أشوف هذا الموضوع :

http://www.qatarshares.com/vb/showthread.php?t=470128
:anger1:

بـس إن شـاء الله ما بتفرق مـعاي لأن البيت للـسـكن ولـيس للاستثمـار .. :)

الله لا يـهينـك بـغيـت اسم المـكتب اللي سـوالك الخـريـطة والسـعر وهل تنـصح فـيه .. ؟؟

وإذا عندك نصـائح قبل البدء ببناء البيت ..

مـع العـلم إن البناء بيـكون ( تـسـليم مفتاح ) .. إن شـاء الله ..

واسـمح لي على الإطـالة ..

وجـزاك الله خيـــر ..

:)

هههههه
انا اسف ان ما اعجبك موضوعي اخوي الي اقتبست رابطه
ولكن وكما تفضلت انت .. نيتك للسكن وليس للمتاجرة والأستثمار

عموما .. الله يبارك بك بحلالك ان شاء الله
وعقبال ما تسكن بيت العمر ان شاء الله

برسل لك على الخاص يالغالي تلفون المكتب الهندسي
ومالك الا طيبة الخاطر ان شاء الله

خليفـة
:)

[ابو مشعل]

بيض الله وجهك يالغالي
ما قصرت

[خليفـة]

بيض الله وجهك يالغالي
ما قصرت

ووجهك ابيض اخوي بومشعل
وحاضر لك اخوي
:)

[Qatar.N]

وفقك الله لما تحب وترضى يابو دعي على هذا الموضوع
ورحم الله والديك
ولنا رجعه معاك قريباا.

[فارس قطر]

رفع الموضوع للاافادة

[خليفـة]

وفقك الله لما تحب وترضى يابو دعي على هذا الموضوع
ورحم الله والديك
ولنا رجعه معاك قريباا.

ووالديك في الجنة ان شاء الله اخوي
في انتظارك يالغالي
:)


رفع الموضوع للاافادة

رفع الله قدرك يا فارس قطر
شكرا للمرور
:)

[ريم 28]

السلام عليكم ورحمة الله وبركاته

جزاك الله خير اخوي على كلامك المفيد جدا

بغيت ترسل لس اسماء المقاول الممتاز اللي تعاملت معاه علشان ناويه ابني بيت من طابقين ومساحة الارض 900 تقريبا

[ريم 28]

اخوي لو سمحت ما اقدر ارسل رسائل خاصة

ممكن صور المخططات والفله ومعلومات عن المقاول وشكرا لك والله يوفقك

[خليفـة]

اخوي لو سمحت ما اقدر ارسل رسائل خاصة

ممكن صور المخططات والفله ومعلومات عن المقاول وشكرا لك والله يوفقك

ان شاء الله اختي ريماس
والسموحه على التأخير

:)

خليفــة

[بوخالد911]

متى العزززيمة؟!؟!؟

بو حروووبي يسال
؟!؟!؟

[خليفـة]

متى العزززيمة؟!؟!؟

بو حروووبي يسال
؟!؟!؟

سوريا موقفين تصدير الخرفان
:(
في انتظار التصدير
ههههههههه

[راشد1]

والله يا أخوان أنا لاحظت أنو إدارة المنتدى لهم مصلحة بالتسويق لبعض الشركات ويسمحون للأعضاء بوضع اسماء الشركات وأرقامهم وعناوينهم اللي يبونهم و يمنعون أعضاء آخرين من وضع اسم ورقم أي شركة هو يعرفها...؟!! المفروض يكونون حياديين والا شو...

[خالد32]

اشوف ان الاعضاء يستشيرون بعض بتجاربهم الشخصية بس محد فرض عليهم شركة معينة. اذا تدور شركة لشغله معينه اسأل و ان شاء الله الشباب مب مقصرين معاك.

[خليفـة]

والله يا أخوان أنا لاحظت أنو إدارة المنتدى لهم مصلحة بالتسويق لبعض الشركات ويسمحون للأعضاء بوضع اسماء الشركات وأرقامهم وعناوينهم اللي يبونهم و يمنعون أعضاء آخرين من وضع اسم ورقم أي شركة هو يعرفها...؟!! المفروض يكونون حياديين والا شو...

اخوي راشد
انت خرجت بعيدا عن مسار الموضوع الله يرحم والديك
اذا عندك اعتراض او شكوى .. او اذا فيه شي مو عاجبك
عندك قسم الاقتراحات والشكاوى
تقدر تكتب للادارة الكريمة كل الي بخاطرك
وراح تلقى كل التعاون والاحترام من المشرفين الكرام

:)


اشوف ان الاعضاء يستشيرون بعض بتجاربهم الشخصية بس محد فرض عليهم شركة معينة. اذا تدور شركة لشغله معينه اسأل و ان شاء الله الشباب مب مقصرين معاك.

يعطيك العافية اخوي خالد
وشاكر لك المرور الطيب

:)

[لاجل QT]

يعطيك العافية اخوى خليفة

انشالله الكل يستفيد من تجاربك مع البناء:)

[خليفـة]

يعطيك العافية اخوى خليفة

انشالله الكل يستفيد من تجاربك مع البناء:)

الله يعافيج ويسلمج اختي الفاضلة لاجلqt
ان شاء الله الكل يستفيد .. وان شاء الله ينكتب لي الأجر
بفضل دعواتكم الطيبة

شكرا جزيلاً لمرورج الكريم
:)

خليفـة

[الحـ قطر ــب]

اخوي خليفه راجع الخاص

[قطري قديم]

يعطيك العافيه علي الموضوع اخوي خليفه.

[خليفـة]

اخوي خليفه راجع الخاص

راجعت الخاص
وتم الرد
:)
وهذا رابط صيغة عقود البناء

http://208.43.66.217/vb/showthread.php?t=367215&highlight=%DA%DE%CF+%C7%E1%E3%DE%C7%E6%E1

بالتوفيق ان شاء الله





يعطيك العافيه علي الموضوع اخوي خليفه.

الله يعافيك الغالي
وشرفتني بمرورك الطيب

:)

[الراسية]

يعطيك الف عافيه ع الطرح
بس يليت تزودني باسماء المصميمين والمقاولين الي تشوفهم زينين
يليت ع الخا صاذا امكن
ولك من اجمل تحية

[خليفـة]

يعطيك الف عافيه ع الطرح
بس يليت تزودني باسماء المصميمين والمقاولين الي تشوفهم زينين
يليت ع الخا صاذا امكن
ولك من اجمل تحية

مرحبا اختي الراسية
للأمانه انا ما احب اوصي على مصمم او مقاول على مصمم او مقاول آخر
لكل شخص وجهة نظر اختي الكريمة مع الشخص الي تعامل معاه
احتمال يكون في مكاتب افضل من المكاتب الي تعاملت وياها

اتمنى لج كل التوفيق اختي الراسية
وشكرا لمرورج الكريم
:)

خليفــة

[بوشاهين2]

طويل العمر .. الحمد لله أنا متوفق مع الشركة القطرية للأعمال الهندسية وهذي الشركة تصنيف 2 بالدولة وباني عندهم أكثر من 4 فلل والحمد لله المهندس متعاون مع الزبون لأكثر الحدود بحيث أن يحاول قد مايقدر أن يرضي الزبون وعلى ولا مره تأخر علي بالتسليم بحيث يسلمني الفيلا قبل موعدها بشهر وعلى حسب الشغل.

[محمد الجفيري]

يعطيك العافيه اخوي

[بنـ الدحيل ـت]

أعطوني الأرض وأعطوني تصميم المنزل

وبصراحة غير مريحة

والمشكلة أنني امراة لا اعرف في امور المقاولين و.... و ....

ماذا افعل

بصراحة تحيرت :(

الله المستعان

أتمنى من يعملني ويساعدني

[قطري قديم]

اختي بنت الدحيل شيكي الخاص .

[فروخ]

السلام عليكم ورحمة الله

الله يعطيك العافية على هالموضوع يابوخليفة واللي استفاد منه وايد على مدار سنتين تقريبا

عندي أرض قريبة من مساحة أرضك وايد وفي أم صلال بعد
ومساحة البناء بعد اللي حاطها في بالي بعد نفس الشي تقريبا

أنا الله يسلمك حاليا توني بادي في مرحلة التخطيط وقاعد أحوس بين المكاتب
حبيت أستفيد من خبرتك في التالي ولاعليك أمر:

خرايط بيتك مره ثانية لأني رجعت للمشاركة القديمة ولقيت الروابط ماتفتح
المكتب اللي صممت عنده أو مكتب ثاني تنصح فيه؟. ( حتى لو ع الخاص ولاتهون)
الاستشاري والمقاول اللي تعاملت معاهم واذا تنصح بغيرهم
هل تنصح أني أشطب بروحي ولا أشترط ع المقاول المواصفات واخليه يشطب ( ايهما اوفر)
واسمحلنا طولنا عليك

وأخيرا هل من نصايح توصيني بها لأني أول مره أدخل هالمجال
والفيلا اللي ابغي ابنيها راح اسكنها ان شالله

[بنـ الدحيل ـت]

نفس الأسئلة

ويا ليت يفيدنا بو خليفة

الله يجزاه خير

[حمد 2002]

يعطيك العافيه اخوي خليفه على الموظوع المميز ،،،

بغيت الله لايهينك الورشه او الشركه الي سويت عندها الابواب بالخاص ،،،

بالتوفيق اخوي ،،،

[خليفـة]

طويل العمر .. الحمد لله أنا متوفق مع الشركة القطرية للأعمال الهندسية وهذي الشركة تصنيف 2 بالدولة وباني عندهم أكثر من 4 فلل والحمد لله المهندس متعاون مع الزبون لأكثر الحدود بحيث أن يحاول قد مايقدر أن يرضي الزبون وعلى ولا مره تأخر علي بالتسليم بحيث يسلمني الفيلا قبل موعدها بشهر وعلى حسب الشغل.

بالتوفيق ان شاء الله اخوي بوشاهين
شكرا للمرور
:)


يعطيك العافيه اخوي
الله يعافيك اخوي محمد
شكرا لمرورك
:)


أعطوني الأرض وأعطوني تصميم المنزل

وبصراحة غير مريحة

والمشكلة أنني امراة لا اعرف في امور المقاولين و.... و ....

ماذا افعل

بصراحة تحيرت :(

الله المستعان

أتمنى من يعملني ويساعدني
الله يوفقج اختي بنت دحيل
وانا وكل الأعضاء حاضرين لأي استفسار تامرين عليه
امري .. وان شاء الله نقدم لج كل ما يمكن تقديمه
انتي بين اخوانج
ومحد بيقصر معاج بالنصيحة الطيبة الي تستفيدين منها بأذن الله
:)


السلام عليكم ورحمة الله

الله يعطيك العافية على هالموضوع يابوخليفة واللي استفاد منه وايد على مدار سنتين تقريبا

عندي أرض قريبة من مساحة أرضك وايد وفي أم صلال بعد
ومساحة البناء بعد اللي حاطها في بالي بعد نفس الشي تقريبا

أنا الله يسلمك حاليا توني بادي في مرحلة التخطيط وقاعد أحوس بين المكاتب
حبيت أستفيد من خبرتك في التالي ولاعليك أمر:

خرايط بيتك مره ثانية لأني رجعت للمشاركة القديمة ولقيت الروابط ماتفتح
المكتب اللي صممت عنده أو مكتب ثاني تنصح فيه؟. ( حتى لو ع الخاص ولاتهون)
الاستشاري والمقاول اللي تعاملت معاهم واذا تنصح بغيرهم
هل تنصح أني أشطب بروحي ولا أشترط ع المقاول المواصفات واخليه يشطب ( ايهما اوفر)
واسمحلنا طولنا عليك

وأخيرا هل من نصايح توصيني بها لأني أول مره أدخل هالمجال
والفيلا اللي ابغي ابنيها راح اسكنها ان شالله

الله يعافيك اخوي
برسل لك رقمي يالغالي على الخاص
وتواصل معاي بالوقت الي يناسبك
وان شاء الله أقدر اقدم لك كل المعلومات والنصايح الي تحتاجها
تامر أمر اخوي فروخ
:)


نفس الأسئلة

ويا ليت يفيدنا بو خليفة

الله يجزاه خير

الي تامرين عليه اختي بنت الدحيل انا وكل الأعضاء حاضرين لج
قولي لي حابه تستفسرين عن شنو .. وماراح نقصر وياج كلنا ان شاء الله
:)


يعطيك العافيه اخوي خليفه على الموظوع المميز ،،،

بغيت الله لايهينك الورشه او الشركه الي سويت عندها الابواب بالخاص ،،،

بالتوفيق اخوي ،،،


برسل لك رقم الشركة على الخاص يا بوشهاب
أبشر .. ما طلبت شي
:)

[بوخالد911]

بو حرووبي يسالك متى العززيمة؟!؟!

[قدام]

سوال ممهم انا خلصت الكهربا والبيبفيتري .... وابي ابدأ بالبسراميك .... بس بيبات المكيفات الاسبيلت متي اوصلها قبل الارضيات ولا بعد انا محتار
ارجو الافاده
شكراااا

[wadha-qa]

ماشاء الله

جعله منزل مبارك يا خووي

انا عندي شكثر اسئله بخصوص الديكور و الرخام و السيراميك و البورسلان
شالمحلات اللي تعاملت معها لان احنا خلصنا البلاستر

وبعد اي محل سويت عنده الدربزين وابواب الحديد المشغول

[خليفـة]

بو حرووبي يسالك متى العززيمة؟!؟!

بوخالد .. العزيمة صارت وانتهت
بوحارب ما قال لك ؟؟
الظاهر ما يبيك تاكل لحم
هههه


سوال ممهم انا خلصت الكهربا والبيبفيتري .... وابي ابدأ بالبسراميك .... بس بيبات المكيفات الاسبيلت متي اوصلها قبل الارضيات ولا بعد انا محتار
ارجو الافاده
شكراااا

هلا اخوي قدام
بيبات المكيفات الاسبليت لازم تكون في البداية
يعني يتم تمديدها واختبارها وبعدين يكون الدفان بالرمل الأبيض المغسول الناعم وبعدها طال عمرك تشتغل في أعمال السيراميك .

بالتوفيق ان شاء الله اخوي



ماشاء الله

جعله منزل مبارك يا خووي

انا عندي شكثر اسئله بخصوص الديكور و الرخام و السيراميك و البورسلان
شالمحلات اللي تعاملت معها لان احنا خلصنا البلاستر

وبعد اي محل سويت عنده الدربزين وابواب الحديد المشغول

الله يبارك فيج اختي
تمت الرد على رسالتج والله يوفقكم ان شاء الله

خليفــة

[خليفـة]

اخواني واخواتي الأعضاء الكرام .. تردني رسائل كثيرة على الخاص
فيها استفسارات عن بعض مواد التشطيب التي قمت بشرائها وتركيبها

اود أن اذكر الجميع ان هذا الموضوع قد مضى عليه فتره تزيد عن العام
وبالتالي الأسعار في تغيير مستمر
وحتى أكون صريح أكثر .. الاسعار ارتفعت ( قليلاً ) عن الفترة التي قمت بالشراء فيها .

مثال :
سعر البورسلان وقت شرائي كان بـ 27 ريال ( بعد الخصم ) للمتر .
حاليا .. نفس النوعية بحدود الـ 30 ريال ( بعد الخصم ) للمتر .

وسلامتكم

خليفــة
:)

[خليفـة]

الأخوة والأخوات الأعضاء الكرام
أتوقع والعلم عند الله ان تكون هناك زيادة طفيفة في اسعار البناء مع بداية العام 2012م

الأسباب كثيرة وأهمها زيادة الطلب على مواد البناء ومن ضمنها ارتفاع اسعار الحديد

عموما
تردني اسأله كثيرة عن صيغة العقود مع المقاول او الكهربائي
وأسأله اخرى عن عقد الأستشاري

أنا أنصح الجميع بأن يكون دقيق وواضح في العقد .. وان يضع كل المتطلبات الرئيسية
بحيث يكون بوضع سليم وقانوني

هناك مقاول يبني لك المتر بـ 1100 ريال
وهناك مقاول يطلب منك 850 ريال فقط للمتر

والفرق ان المقاول الأرخص سيلزمك بدفع مصاريف أخرى اثناء العمل
بحجة انها لم تكن موجودة في العقد .. مع العلم انها من أساسيات اعمال البناء

في مثل هذه الحاله لا نستطيع الا ان نقول :

التجارة شطارة .. والقانون لا يحمي المغفلين

بناء على ذلك .. أحببت أن ازودكم بصورة من العقود التي وقعت عليها أثناء
اتفاقي مع المقاولين والمكتب الأستشاري
والتي كانت ولله الحمد سبب كبير ورئيسي لألتزام كل الأطراف معي بحسب النقاط والشروط الموقع عليها من الطرفين ( المالك والمقاول ) .

العقد الأول ( عقد المقاول للبناء )

http://up.3ros.net/get-12-2011-pe2agybs.jpg (http://up.3ros.net)

http://up.3ros.net/get-12-2011-5ilwvj0z.jpg (http://up.3ros.net)

http://up.3ros.net/get-12-2011-8ksfbw62.jpg (http://up.3ros.net)

http://up.3ros.net/get-12-2011-smfny2on.jpg (http://up.3ros.net)

العقد الثاني : ( عقد الأستشاري )

http://up.3ros.net/get-12-2011-gqywpapt.jpg (http://up.3ros.net)

http://up.3ros.net/get-12-2011-saqotzn2.jpg (http://up.3ros.net)

العقد الثالث : ( عقد أعمال الكهرباء والماء )

http://up.3ros.net/get-12-2011-31rozv6e.jpg (http://up.3ros.net)

http://up.3ros.net/get-12-2011-0cr9egvu.jpg (http://up.3ros.net)

]http://up.3ros.net/get-12-2011-8urw5gqx.jpg[/URL

واخيراً
اتمنى اكون قد ساهمت ولو قليلاً في أفادتكم بهذا الخصوص

واتمنى كل التوفيق لمن يبني حالياً .. ولمن سيبني مستقبلاً ان شاء الله

خليفــة



]

[خليفـة]

تم الرد على كل الأستفسارات في الخاص
بالتوفيق للجميع ان شاء الله

خليفــة

[خليفـة]

للرفع
رفع الله قدركم
:)

[خليفـة]

أحب اذكر كل شخص مقبل على توقيع عقد مع المقاول
ان لا يتجاهل بند الشرط الجزائي يا أخوان
المقاول اذا حس ان الزبون متساهل .. راح يتكاسل ويأجل عمل هذا الزبون
ويقدم عمل زبون آخر له .

الشرط الجزائي : وهو مبلغ من المال يتم خصمه من الدفعة الأخيرة المتبقية للمقاول في حال تأخر المقاول عن تسليم المشروع في الوقت المحدد والمتفق عليه في العقد عند التوقيع .
وعادةً .. يتراوح هذا المبلغ ما بين 200 - 500 ريال غرامة على المقاول يدفعها عن كل يوم تأخير .. وتُخصم من المبلغ المتبقي للمقاول في الدفعة الأخيرة كما ذكرت .

الله يوفق الجميع ان شاء الله

خليفــة

[aboumajd]

جزاك الله خير على الموضوع وكلامك عين الصواب .

كلام معلم وفهمان شكرا على التصائح الرائعه

[خليفـة]

كلام معلم وفهمان شكرا على التصائح الرائعه

حياك الله اخوي
وشاكر لك مرورك الطيب
:)

[خليفـة]

معلومة هامة احب اضيفها للجميع :
يُفضل ان يكون مقاول البناء ومقاول أعمال الماء والكهرباء من نفس الشكرة اذا سمحت الظروف .. حتى تتجنب أي تأخير في العمل وحتى يكون التنسيق سهل بين كل الأطراف .

الله يوفق الجميع ان شاء الله

خليفــة

[خليفـة]

للرفع
وبالتوفيق للجميع ان شاء الله
:)

[الإكسير]

مجهود كبير منك اخوي خليفه وموضوعك بالنسبه لي اشوفه مرجع لأي شخص يبي يبني بيته ويبي يستفيد
اتمنى تثبيت الموضوع اسوه بالموضيع الاخرى

[خليفـة]

مجهود كبير منك اخوي خليفه وموضوعك بالنسبه لي اشوفه مرجع لأي شخص يبي يبني بيته ويبي يستفيد
اتمنى تثبيت الموضوع اسوه بالموضيع الاخرى

بارك الله فيك اخوي الإكسير على كلامك الطيب
وشاكر لك

الموضوع اخوي مثبت بمروركم المتواصل وبمشاركاتكم الطيبة

خليفــة
:)

[مضاربه]

والله انك ماقصرت ياخوي ياخليفه والله يعطيك خير البيت ويكفيك شره لكن تصدق لو اني قريت هذا كله قبل مايعطوني الارض كان هونت عنها وخذت بيت جاهز لاني بعد ماقريت موضوعك فهمت اشياء وايد اول شي التلاعب بالاسعار من المقاولين كثر الغش ويبيله مراكض يعني صعب على اي بنت البنيان مادري يصير اهون اقول لهم مابي الارض بشتري بيت لان المنطقه اللي عطوني اياها مب جاهزه للبناء

[خليفـة]

والله انك ماقصرت ياخوي ياخليفه والله يعطيك خير البيت ويكفيك شره لكن تصدق لو اني قريت هذا كله قبل مايعطوني الارض كان هونت عنها وخذت بيت جاهز لاني بعد ماقريت موضوعك فهمت اشياء وايد اول شي التلاعب بالاسعار من المقاولين كثر الغش ويبيله مراكض يعني صعب على اي بنت البنيان مادري يصير اهون اقول لهم مابي الارض بشتري بيت لان المنطقه اللي عطوني اياها مب جاهزه للبناء

الله يعافيج اختي مضاربة .. وشاكر لج مرورج وتعليقج الكريم
بالنسبة لأستفسارج اختي
نعم .. البنيان دوخه .. وتعب وعوار راس
لكن النهاية راحه وأمان واستقرار

مافي شي يجي بالساهل .. ولا فيه شي يتحقق بدون متاعب ومصاعب

اما بالنسبة لموضوع ارجاع الأرض الي عطوج .. نعم اختي تقدرين تردين الأرض
وتاخذين بيت جاهز بالمليون وميتين .. ولكن .. يكون أفضل واحسن لو قدرتي تبدلين الأرض
بمكان اخر يعجبج .

البيت الي يكون بناءه تحت متابعة صاحبه اول بأول .. أفضل وأمن بكثير من البيوت الجاهزة
والي محد عارف شنو طبيعة وحقيقة بنائها .

بالتوفيق اختي مضاربة .. وأي استفسار او خدمة .. أنا والأخوة الأعضاء حاضرين

:)

خليفــة

[WELLDONE]

بالتوفيق ويعطيك العافيه يا صاحب الموضوع..
وكثرت مشاكل الملاك والمقاولين بسبب تأخر الأعمال وسوء تنفيذها من المقاولين ومن جهة آخرى تعثر الدفعات من قبل الملاك و هضم حق المقاولين،، مع أني دائما مع مقولة العميل دائما على حق حتى لو غلط،،

[مضاربه]

الله يعافيج اختي مضاربة .. وشاكر لج مرورج وتعليقج الكريم
بالنسبة لأستفسارج اختي
نعم .. البنيان دوخه .. وتعب وعوار راس
لكن النهاية راحه وأمان واستقرار

مافي شي يجي بالساهل .. ولا فيه شي يتحقق بدون متاعب ومصاعب

اما بالنسبة لموضوع ارجاع الأرض الي عطوج .. نعم اختي تقدرين تردين الأرض
وتاخذين بيت جاهز بالمليون وميتين .. ولكن .. يكون أفضل واحسن لو قدرتي تبدلين الأرض
بمكان اخر يعجبج .

البيت الي يكون بناءه تحت متابعة صاحبه اول بأول .. أفضل وأمن بكثير من البيوت الجاهزة
والي محد عارف شنو طبيعة وحقيقة بنائها .

بالتوفيق اختي مضاربة .. وأي استفسار او خدمة .. أنا والأخوة الأعضاء حاضرين

:)

خليفــة

الله ياطمنك ياخوي ياخليفه لاخلاص قررت ابي فيلا جاهزه بس لاتنسون تدعون لي احصل فيلا زينه وفي مكان عدل

[خليفـة]

الله ياطمنك ياخوي ياخليفه لاخلاص قررت ابي فيلا جاهزه بس لاتنسون تدعون لي احصل فيلا زينه وفي مكان عدل

الله يوفقج اختي مضاربة ان شاء الله
وتلقين الي في خاطرج

:)

[شاعر المليون]

شرح وافي و كافي جزاك الله خير اخ خليفة انك افدت رواد المنتدى بتجربتك في البناء

[خليفـة]

شرح وافي و كافي جزاك الله خير اخ خليفة انك افدت رواد المنتدى بتجربتك في البناء

مشكور اخوي شاعر المليون

[السديم]

ماشاءالله اخوي خليفة

استفدت وايد من المعلومات

وشكلي بستعين فيك وايد الايام الجاية

[خليفـة]

ماشاءالله اخوي خليفة

استفدت وايد من المعلومات

وشكلي بستعين فيك وايد الايام الجاية

الساعه المباركة اخوي
انـا والأخوة الأعضاء حاضرين لك يالغالي
بالتوفيق ان شاء الله
شاكر لك المرور الكريم

[THE PILOT]

تسلم الغالي على ها المعلومات

[خليفـة]

تسلم الغالي على ها المعلومات

الله يسلمك اخوي
:)

[fahad123]

جزاك الله خير وعسى ربي يرزقك الجنه
استفدت من موضوعك لاني مقبل على البناء
عسى ربي يوفقنا واياكم
كثر الله من امثالك :)

[خليفـة]

جزاك الله خير وعسى ربي يرزقك الجنه
استفدت من موضوعك لاني مقبل على البناء
عسى ربي يوفقنا واياكم
كثر الله من امثالك :)

الله يسلمك اخوي فهد ويبارك فيك
بالتوفيق ان شاء الله
واي استفسارات او اي طلب مساعدة في هذا الخصوص
انا واخوانك الاعضاء في الشوفة
ربي يوفقك
وشاكر لك مرورك الطيب اخوي
:)

خليفــة

[خليفـة]

اعتذر لجميع الأخوة والأخوات الأعضاء لفقدان بعض الصور الموجودة في بداية المشاركة
وذلك بسبب مرور اكثر من عام على المشاركة

الي عنده اي استفسار
انا حاظر

بالتوفيق للجميع ان شاء الله

خليفــة

[خليفـة]

سبحان الله وبحمده .. سبحان الله العظيم

[العميد الركن]

ماقصرت ياخليفه

ماعليك امر بغيت رقم مقاول زين

ووشو سلبياته وايجابياته

[خليفـة]

ماقصرت ياخليفه

ماعليك امر بغيت رقم مقاول زين

ووشو سلبياته وايجابياته

أبشر يالغالي
تامر أمر طال عمرك
بس ياليت تقول لي وين منقطة بنيانك ؟
لان المقاول الي عندي يشتغل في اماكن محدده

وكم مساحة البناء ؟
وبرسل لك كل المعلومات الي تحتاجها على الخاص ان شاء الله

بالتوفيق ان شاء الله يالعميد

[خليفـة]

للرفع ، اشتقت لذيك الأيام
:)
خليفة

[وشق الدوحة]

السلام عليكم اخوي خليفة
قرأت مشاركة عن المحل او الشركة اللي سوت لفلتك الجبس والارضيات لو سمحت بغيت اسم المحل ورقمها
او رقم العامل والرجاء ارساله على بريدي الالكتروني majic_qatar_5000@hotmail.com وشكرا جزيلا

[قطري قديم]

بالتوفيق اخوي خليفه

[خليفـة]

السلام عليكم اخوي خليفة
قرأت مشاركة عن المحل او الشركة اللي سوت لفلتك الجبس والارضيات لو سمحت بغيت اسم المحل ورقمها
او رقم العامل والرجاء ارساله على بريدي الالكتروني majic_qatar_5000@hotmail.com وشكرا جزيلا

مرحبا اخوي
ابشر يالغالي
برسل لك رقم مدير المكتب ان شاء الله على الايميل
بالتوفيق ان شاء الله
:)


بالتوفيق اخوي خليفه

امين وياك ان شاء الله اخوي قطري
شاكر لك مرورك الكريم

:)

[دروب]

جزاك الله خير
ماعليك امر أخوي بغيت رقم مقاول تثق فيه

[almannai5433]

الله يطيك العافية اخوي خليفة

انا شخصيا راح استفيد من الموضوع لأني ببني جريب إن شاءالله

والله يجعله في ميزان حسناتك

[خليفـة]

جزاك الله خير
ماعليك امر أخوي بغيت رقم مقاول تثق فيه

ارسل لي تفاصيل بنيانك اخوي
والمكان الي بتبني فيه
وفالك طيب ان شاء الله اخوي

[خليفـة]

الله يطيك العافية اخوي خليفة

انا شخصيا راح استفيد من الموضوع لأني ببني جريب إن شاءالله

والله يجعله في ميزان حسناتك

الله يعافيك اخوي
وربي يوفقك ان شاء الله
للأسف ان الكثير من الصور اختفت نظراً لمرور أكثر من عام على الموضوع
ولا كانت الفايدة بتكون افضل ان شاء الله
عموما .. اي استفسار انا حاظر اخوي

خليفــة

[BoFahed]

العازل

[خليفـة]

العازل

هلا بوفهد
بالنسبة للعازل اخوي
انا انصح وبشدة تختار العازل من شركة المسند وابناءه في المرخية بالقرب من مكتبة بن القيم
او من شركة تدمر
شغلهم نظيف وموادهم لا يُعلى عليها
اسعارهم عالية قليلاً مع غيرهم من الشركات الي مالها باع طويل في هالمجال
ولكن الفرقية كما ذكرت بسيطة جداً .. والزيادة تسوى جودة الشغل

الضمان لمدة عشر سنوات
ويقومون بعملية الأختبار بعد انتهائهم من العمل بالكامل .. وقبل قيامك باعمال الدفان وباقي
اعمال التشطيب .

شخصيا عندي بيت سويت له العوازل من تدمر .. وبيت سويت له العوازل من المسند
الشغل كان ممتاز وبنسبة 100%
وعملية الاختبار مرت بنجاح تام
بالتوفيق ان شاء الله يا بوفهد
:)

خليفـــة

[خليفـة]

يُرفع للفائدة
:)

خليفـــة

[MAZEN37]

يستاهل الرفع ويتم مفتوح

[خليفـة]

يستاهل الرفع ويتم مفتوح

تستاهل خير اخوي مازن
شاكر لك كرمك
:)

[خليفـة]

يُرفع للفائدة

خليفـــة

[خليفـة]

تردني احياناً رسائل على الخاص
يستفسر اصحابها عن الأفضل لمن ينوي بناء منزل :

تسليم كامل المشروع والتشطيب للمقاول
ام تسليم المقاول مهمة بناء العظم ويتكفل المالك بباقي امور البناء !

اجابتي كالتالي :

هذا أمر يعتمد على حالة صاحب المشروع المادية .. والنفسية .. والأجتماعية
فإذا كان شخص لا يهمه توفير مبلغ محترم من المال .. ويريد انهاء المشروع بأسرع
وقت .. وليس لديه الوقت الكافي للقيام بشراء وتوفير مواد البناء للمقاول
فليوقع على تسليم مفتاح وتشطيب بالكامل .

اما لو كان شخص لديه الوقت الكافي .. ويريد توفير مبلغ محترم من المال
ولدية الفرصة الكافية لمتابعة المعروض من مواد التشطيب في السوق
واختيارها بنفسه وتوفيرها للمقاول فليوقع على عظم فقط .

سأكتب المزيد من التفاصيل في هذا الشأن ان شاء الله
بأقرب فرصة

خليفــة

[حمد 2002]

الصراحه هاي الموظوع اكثر موظوع استفدت منه قبل مابني البيت ،والحين البيت خلص والحمد لله

مشكوور اخووي خليفه على طرحك لهذا الموضوع الممتاز ، وجزاك الله الف خير

[بن غيث]

تردني احياناً رسائل على الخاص
يستفسر اصحابها عن الأفضل لمن ينوي بناء منزل :

تسليم كامل المشروع والتشطيب للمقاول
ام تسليم المقاول مهمة بناء العظم ويتكفل المالك بباقي امور البناء !

اجابتي كالتالي :

هذا أمر يعتمد على حالة صاحب المشروع المادية .. والنفسية .. والأجتماعية
فإذا كان شخص لا يهمه توفير مبلغ محترم من المال .. ويريد انهاء المشروع بأسرع
وقت .. وليس لديه الوقت الكافي للقيام بشراء وتوفير مواد البناء للمقاول
فليوقع على تسليم مفتاح وتشطيب بالكامل .

اما لو كان شخص لديه الوقت الكافي .. ويريد توفير مبلغ محترم من المال
ولدية الفرصة الكافية لمتابعة المعروض من مواد التشطيب في السوق
واختيارها بنفسه وتوفيرها للمقاول فليوقع على عظم فقط .

سأكتب المزيد من التفاصيل في هذا الشأن ان شاء الله
بأقرب فرصة

خليفــة

صباح الخير .. اخوي العزيز .. خــلــيـــفـــة

انا لو مقاول ابني فلل .. من مصلحتي أن ابنيلك عظم فقط .. وأعطيك وجع الراس ( التشطيب )
ومراحله الطويلة المتعبة

الفائدة كلها في العظم .. وفي اقل وقت .. اربح اكبر مبلغ

واي شخص يقولك عكس كلامي .. تأكد انه شخص ليس امين

[حمد 2002]

صباح الخير .. اخوي العزيز .. خــلــيـــفـــة

انا لو مقاول ابني فلل .. من مصلحتي أن ابنيلك عظم فقط .. وأعطيك وجع الراس ( التشطيب )
ومراحله الطويلة المتعبة

الفائدة كلها في العظم .. وفي اقل وقت .. اربح اكبر مبلغ

واي شخص يقولك عكس كلامي .. تأكد انه شخص ليس امين

اخووي بن غيث انا ماعندي خبر كثيره بالبنيان بس اتوقع انه حتى بالتشطيب المقاول يستفيد وايد .
عيل كتبلك بالعقد بيركبلك بلاط البيت من سيراميك وبلاط لجدران الحمامات ب 20 ريال ولا 25 ريال وتدري انت بالسوق صعب اتحصل بهالمبلغ شي فاكيد اهو المستفيد من هالناحيه ونفس الشيء للألمونيوم كتبلك سعر المتر للدرايش 260 ريال ، فصعب انك اتحصل بهالمبلغ شي فراح تضتظر اتزيد من فلوسك واكيد اهو المستفيد من هالناحيه وغيره المزيد المزيد تحياااتي لك

[بن غيث]

مرحب حمد ..

انت شخصياً .. لو تربح 100 ريال كل يوم .. احسن من ان تربح .. 100 ريال كل اسبوع ..

[خليفـة]

صباح الخير .. اخوي العزيز .. خــلــيـــفـــة

انا لو مقاول ابني فلل .. من مصلحتي أن ابنيلك عظم فقط .. وأعطيك وجع الراس ( التشطيب )
ومراحله الطويلة المتعبة

الفائدة كلها في العظم .. وفي اقل وقت .. اربح اكبر مبلغ

واي شخص يقولك عكس كلامي .. تأكد انه شخص ليس امين


قواك الله اخوي بن غيث
اتفق مع كثير مما جاء في كلامك اخوي
ولكن
المقاول الي يقبل بعقد التسليم مفتاح .. بيحط سعر عالي على الزبون
والسبب : ان المقاول بتكفل بتوفير المواد ووشغل اليد والتركيب
يعني بأختصار .. المقاول ماراح يقبل بعقد تسليم مفتاح الا اذا كانت قيمة العقد مجزية
وتسوى تعبه

لكن تعال بعد الاتفاق وقت التطبيق .. تبدأ المشاكل غالباً بسبب مخالفة كثير من المقاولين
للمواصفات المكتوبة في العقد .. وتوفير مواد أقل جودة

الأفضل من جميع النواحي وعلى راسها الناحية المادية للزبون ان يتكفل هو بنفسه
بمرحلة التشطيب .. وتوفير كل مواد التشطيب

والآن كثير من المحلات تتعهد للزبون بنقل المواد من المخزن لبيته في حال تم الشراء منهم

يبقى الأمر الأخير .. وهو الحصول على عمالة ماهرة في تركيب المواد ولديها الخبرة
في أمور التشطيب

اسعدني مرورك اخوي

[خليفـة]

اخووي بن غيث انا ماعندي خبر كثيره بالبنيان بس اتوقع انه حتى بالتشطيب المقاول يستفيد وايد .
عيل كتبلك بالعقد بيركبلك بلاط البيت من سيراميك وبلاط لجدران الحمامات ب 20 ريال ولا 25 ريال وتدري انت بالسوق صعب اتحصل بهالمبلغ شي فاكيد اهو المستفيد من هالناحيه ونفس الشيء للألمونيوم كتبلك سعر المتر للدرايش 260 ريال ، فصعب انك اتحصل بهالمبلغ شي فراح تضتظر اتزيد من فلوسك واكيد اهو المستفيد من هالناحيه وغيره المزيد المزيد تحياااتي لك


حياك الله اخوي حمد
المقاول مستفيد في كل حالاته .. سواء في اتفاق العظم
او الاتفاق على تسليم مفتاح

لن يقبل أي مقاول حتى ولو كان غبي أي مشروع غير مُربح
وللعلم .. تتراوح فائدة المقاول من أي مشروع ما بين 20-30%
من قيمة المشروع الأجمالية

قلة قليله جدا من المقاولين ممن يقبل بأقل من النسبة أعلاه

[الزلزال]

يعطيك العافيه على المعلومة المفيده
الله يجزيك خير

[خليفـة]

يعطيك العافيه على المعلومة المفيده
الله يجزيك خير

الله يعافيك اخوي الزلزال
ويزاك الله بمثله ان شاء الله

شكرا لمرورك الكريم

[بن غيث]

:)

قواك الله اخوي بن غيث

تسلم يا الغالي .. :)
اتفق مع كثير مما جاء في كلامك اخوي
ولكن
المقاول الي يقبل بعقد التسليم مفتاح .. بيحط سعر عالي على الزبون
والسبب : ان المقاول بتكفل بتوفير المواد ووشغل اليد والتركيب

وهذا اكبر خطأ ... الا اذا كانت شركة كبيرة ومحترمة
يعني بأختصار .. المقاول ماراح يقبل بعقد تسليم مفتاح الا اذا كانت قيمة العقد مجزية
وتسوى تعبه
شئ طبيعي
لكن تعال بعد الاتفاق وقت التطبيق .. تبدأ المشاكل غالباً بسبب مخالفة كثير من المقاولين
للمواصفات المكتوبة في العقد .. وتوفير مواد أقل جودة
وهذا الي اتكلم عنه .. لاحظ معظم المشاكل أتصير بعد العظم


الأفضل من جميع النواحي وعلى راسها الناحية المادية للزبون ان يتكفل هو بنفسه
بمرحلة التشطيب .. وتوفير كل مواد التشطيب
عندي سؤال.. ؟؟ هل المالك مؤهل نفسياً لآتمام مرحلة التشطيب ..
هل المالك لديه ما يكفي من العلم والخبرة لهذه المرحلة الهامة



والآن كثير من المحلات تتعهد للزبون بنقل المواد من المخزن لبيته في حال تم الشراء منهم

هذه لا تعد مشكلة نهائياً

يبقى الأمر الأخير .. وهو الحصول على عمالة ماهرة في تركيب المواد ولديها الخبرة
في أمور التشطيب

كيف تستطيع تقيم هذه العمالة ومدى مهارتها .. ؟؟
واذا كان في اصدقاء جربوهم وأمدحوا شغلهم .. هل هؤلاء الاصدقاء لديهم الخبرة الكافية لمعرفة مستوى مهارة العمالة وعدم وجود اي أخطاء فنية
اسعدني مرورك اخوي

انا من فترة وودي اسولف معاك " خليفة " وهذه اعتبرها فرصة ذهبية للنقاش معك :)

[خليفـة]

:)

انا من فترة وودي اسولف معاك " خليفة " وهذه اعتبرها فرصة ذهبية للنقاش معك :)

الساعة المباركة اخوي بن غيث
:)

[البحار00]

موفق خير يابودعيج

انا مساحة بيتي 940 متر بالملاحق

عظم بلاستر 780 الف

وعقب شهر ان شاء الله بالضبط استلمه عظم

[خليفـة]

موفق خير يابودعيج

انا مساحة بيتي 940 متر بالملاحق

عظم بلاستر 780 الف

وعقب شهر ان شاء الله بالضبط استلمه عظم

بالتوفيق إن شاء اللہ أخوي البحار ؤالله يجعله بيت عامر بأهله إن شاء اللہ

[حسام سلامة]

كلامك صح ممكن يتغير السعر حسب الاشياء الزائدة

[بوعبدالله77]

بغيت استفسر اخوي خليفة ..البيت عندي طلع ارفع من مستوى الشارع 90سم، هل في مشكلة من البلدية بخصوص ارتفاع مدخل السيارة او الدرج االي يدخلك على الحوش من الشارع ؟؟؟ مع العلم اني لحد الآن ما قدمت على اتمام البناء ومتخوف من هالسالفة



مع الشكر

[خليفـة]

كلامك صح ممكن يتغير السعر حسب الاشياء الزائدة
حياك الله اخوي


بغيت استفسر اخوي خليفة ..البيت عندي طلع ارفع من مستوى الشارع 90سم، هل في مشكلة من البلدية بخصوص ارتفاع مدخل السيارة او الدرج االي يدخلك على الحوش من الشارع ؟؟؟ مع العلم اني لحد الآن ما قدمت على اتمام البناء ومتخوف من هالسالفة



مع الشكر

الله يبارك لك مقدماً ان شاء الله اخوي
احب اطمنك ان كل ما ارتع البيت عن مستوى الشارع
كان افضل لك
اما بالنسبة للبلدية واتمام البناء اعتقد بيكون الأمر
بسيط ان شاء الله .. وخصوصا لو خلصت شغل البيت بالكامل .. ممكن يمشونها لك .
حتى تتأكد بشكل أفضل اخوي
انصحك بالاتصال للبدلية التابع لها بيتك
بالتوفيق ان شاء الله يالغالي

[وحيد-الشوق]

موضوع مميز

كم غرفة في البيت والمجلس الخارجي كم مساحته

وعقب برجع لك بكم سؤال اذا تسمح :)

والله يبارك لك في مالك وحلالك

[خليفـة]

موضوع مميز

كم غرفة في البيت والمجلس الخارجي كم مساحته

وعقب برجع لك بكم سؤال اذا تسمح :)

والله يبارك لك في مالك وحلالك

مرحبا أخوي وحيد
اعتذر عن التأخير في الرد يالغالي
في البيت 6 غرف نوم
خمس منهم ماستر
والمجلس الخارجي مساحته تقريبا : 14 متر * 4.5 متر

وحاضر لأي استفسار أخر أخوي

[خليفـة]

يُرفع للفائدة
:)

[Alshoog84]

ماعليك امر اخوي خليفه

تعبنا واحنا نسال عن مقاول زين و ثقه

الله لايهينك اذا تعرف حد تدلني عليه

المنطقه الثمامه و مساحة البنا 507

ماتقصر

[Bozizoo]

متر تشطيب في حدود 1800 للمتر المربع طبعا اغلب الظن يكون اكثر وعلى حسب الديزاين و مواصفات التشطيبات.
اما عظم في حدود 980للمتر المربع وعلى حسب الديزاين و الخراسنات

[خليفـة]

ماعليك امر اخوي خليفه

تعبنا واحنا نسال عن مقاول زين و ثقه

الله لايهينك اذا تعرف حد تدلني عليه

المنطقه الثمامه و مساحة البنا 507

ماتقصر
برسل لك رسالة على الخاص
:)


متر تشطيب في حدود 1800 للمتر المربع طبعا اغلب الظن يكون اكثر وعلى حسب الديزاين و مواصفات التشطيبات.
اما عظم في حدود 980للمتر المربع وعلى حسب الديزاين و الخراسنات

قواك الله اخوي
كلامك سليم يالغالي
السعر يعتمد على طبيعة البناء في المخطط
الديزاين والديكورات والبرزات لها دور كبير
في السعر .. والبيوت البسيطة الخالية من
أي ديكورات تكون التكلفة فيها ارخص بكثير

شكرا للمرور

[بحر شرق]

هلا أبو خليفه الله يجزاك خير ممكن تذكر لي مقاول التشطيب البيت من الواجهه الخارجيه مثل صبغ وأضاءه الخ. شكرًا لك اخوي

[خليفـة]

هلا أبو خليفه الله يجزاك خير ممكن تذكر لي مقاول التشطيب البيت من الواجهه الخارجيه مثل صبغ وأضاءه الخ. شكرًا لك اخوي

مرحبا اخوي بحر
والله يالغالي ما اقدر امدح لك مقاول تشطيب محدد
كلن له سعره وطريقته في العمل
لكني انصحك بالشركات الي لها باع طويل في هالمجال
ويتمتع عمالها بالخبرة الكافية
وهم كثر
الله يوفقك اخوي

[خليفـة]

يُرفع للفائدة

[مضارب دوسري]

يا هلا والله
هذا اكثر موضوع مشهور في هذا القسم

[اناقه]

السلام عليكم

اخوي موضوعك جدا مفيد و فيه معلومات قيمة بصراحه حق اي واحد يبي يبني بس انا عندي كم من سؤال و اتمنى احصل اجابتهم

اخوي الكريم احنا و لله الحمد طلعت لنا ارض في الوكرة مساحتها تقريب 980 او 1000

بس ما اعرف شنهي الخطوة اللي اسويها عقب السند هل اروح ادور لي مقاول و لا ادور لي مصمم يسوي لي خريطة البيت و لا شسوي ؟ و هل انا مقيد بمساحة بناء معينة من الدولة ؟ لان عندي واحد من اهلي باني على تصميم البلدية و لكن الغرف جدا صغار و الحوش عود و تدري هاي بيت العمر يعني لازم يتصمم صح و على ذوقك

و اذا قدرت تفيدني بشركات تصميم و مقاولين موثوقين بكون شاكر لك

و جزاك الله الف خير

[مضارب دوسري]

السلام عليكم

اخوي موضوعك جدا مفيد و فيه معلومات قيمة بصراحه حق اي واحد يبي يبني بس انا عندي كم من سؤال و اتمنى احصل اجابتهم

اخوي الكريم احنا و لله الحمد طلعت لنا ارض في الوكرة مساحتها تقريب 980 او 1000

بس ما اعرف شنهي الخطوة اللي اسويها عقب السند هل اروح ادور لي مقاول و لا ادور لي مصمم يسوي لي خريطة البيت و لا شسوي ؟ و هل انا مقيد بمساحة بناء معينة من الدولة ؟ لان عندي واحد من اهلي باني على تصميم البلدية و لكن الغرف جدا صغار و الحوش عود و تدري هاي بيت العمر يعني لازم يتصمم صح و على ذوقك

و اذا قدرت تفيدني بشركات تصميم و مقاولين موثوقين بكون شاكر لك

و جزاك الله الف خير

اول خطوه تدورين على مكتب يصمم لج البيت
لا اختي التصميم انتي اللي تختارينه ومب مقيده بمساحات معينه
ولكن لو تبين تاخذين المليون وميتين كامله لازم مساحة البنيان ما تقل عن 500متر مربع
ولازم تروحين للاسكان عشان يخلصون الاجراءات

[اناقه]

اول خطوه تدورين على مكتب يصمم لج البيت
لا اختي التصميم انتي اللي تختارينه ومب مقيده بمساحات معينه
ولكن لو تبين تاخذين المليون وميتين كامله لازم مساحة البنيان ما تقل عن 500متر مربع
ولازم تروحين للاسكان عشان يخلصون الاجراءات

تسلم اخوي ما تقصر انا على بالي لازم اتقيد بمساحه معينة

اكيد نبي المليون و ميتين ولا اشلون بنبني و بنكمل الاجراءات

بس اذا عندك مقاول مضمون و الضامن الله يا ليت تفيدنا و جزاك الله الف خير

[مضارب دوسري]

اي نعم بنى لي بيتي وكان ماشاء الله
عقب ماخلص من بيتي طلع عليه ثلاث قضايا ههههه شلوووون ؟ مااااادري !

عشان جذي مابي اجيبه لج وابلشج وياه انا للحين مب مصدق ان ماشفت منه شر

[خليفـة]

يا هلا والله
هذا اكثر موضوع مشهور في هذا القسم
تسلم يالغالي
انتم سبب تميز اي موضوع يالغالي


السلام عليكم

اخوي موضوعك جدا مفيد و فيه معلومات قيمة بصراحه حق اي واحد يبي يبني بس انا عندي كم من سؤال و اتمنى احصل اجابتهم

اخوي الكريم احنا و لله الحمد طلعت لنا ارض في الوكرة مساحتها تقريب 980 او 1000

بس ما اعرف شنهي الخطوة اللي اسويها عقب السند هل اروح ادور لي مقاول و لا ادور لي مصمم يسوي لي خريطة البيت و لا شسوي ؟ و هل انا مقيد بمساحة بناء معينة من الدولة ؟ لان عندي واحد من اهلي باني على تصميم البلدية و لكن الغرف جدا صغار و الحوش عود و تدري هاي بيت العمر يعني لازم يتصمم صح و على ذوقك

و اذا قدرت تفيدني بشركات تصميم و مقاولين موثوقين بكون شاكر لك

و جزاك الله الف خير


اول خطوه تدورين على مكتب يصمم لج البيت
لا اختي التصميم انتي اللي تختارينه ومب مقيده بمساحات معينه
ولكن لو تبين تاخذين المليون وميتين كامله لازم مساحة البنيان ما تقل عن 500متر مربع
ولازم تروحين للاسكان عشان يخلصون الاجراءات


تسلم اخوي ما تقصر انا على بالي لازم اتقيد بمساحه معينة

اكيد نبي المليون و ميتين ولا اشلون بنبني و بنكمل الاجراءات

بس اذا عندك مقاول مضمون و الضامن الله يا ليت تفيدنا و جزاك الله الف خير


اي نعم بنى لي بيتي وكان ماشاء الله
عقب ماخلص من بيتي طلع عليه ثلاث قضايا ههههه شلوووون ؟ مااااادري !

عشان جذي مابي اجيبه لج وابلشج وياه انا للحين مب مصدق ان ماشفت منه شر

اناقة .. اتمنى تكون لقيت الاجابة على تساؤلك يالغالي
مضارب .. قواك الله على الاجابة .. ماقصرت
:)

[اناقه]

اي نعم بنى لي بيتي وكان ماشاء الله
عقب ماخلص من بيتي طلع عليه ثلاث قضايا ههههه شلوووون ؟ مااااادري !

عشان جذي مابي اجيبه لج وابلشج وياه انا للحين مب مصدق ان ماشفت منه شر

هههههههههههههههههه

تسلم اخوي ما تقصر

الحمدلله انك خلصت بيتك

[خليفـة]

كثير من الناس يسألون عن المقاول الأمين
وهذا أمر في غاية الأهمية طبعاً
بعض المقاولين لهم سمعة طيبة
ولكن مع العمل في المشروع يواجهون مشاكل مختلفة
منها التأخير في استلام المواد مثل الصبيات او الحديد
او الطابوق .. وفي الغالب يكون التأخير من طرف
المزود او المصنع .

نصيحتي لكل من يبحث عن المقاول
السؤال والتحري من اصحاب التجارب
والتأكد من عمل المقاول
وذلك من خلال القاء نظرة على بعض مشاريعة
التي تم انجازها
ولا أرى اي مانع من سؤال صاحب العقار عن رأيه
الشخصي في هذا المقاول
كل التوفيق للجميع ان شاء الله

خليفــة

[خليفـة]

يُرفع للفائدة

[ولدالريان]

مشكور على التوضيح

[خليفـة]

مشكور على التوضيح

العفوا يا ولد الريان
:)

[القناص]

موضوع مفيد جزاك الله خير ي صاحب الموضوع

سؤالي : كم متوسط سعر بناءمتر العظم بالوقت الحالي ؟

[Bozizoo]

موضوع مفيد جزاك الله خير ي صاحب الموضوع

سؤالي : كم متوسط سعر بناءمتر العظم بالوقت الحالي ؟

مافي شي محدد في السوق السعر يعتمد على عوااامل كثيره
وعلى سبيل المثال شركه كبيره خلصت مشروع كبير ولا عندها شغل
ممكن تاخذ شغل بس يغطي مصاريفها بدون ارباح او لتقليل الخساير
وممكن مقاول بدون مكتب يعطيك سعر رخيص لان مصاريفه بس سيارته
وممكن هذا المقاول بدون مكتب نفسه يعطيك سعر غالي لانه عنده شغل وااايد
وممكن شركه جديده تبي تاخذ مشاريع وتثبت و جودها في السوق ويعطيك سعر رخيص
وممكن واحد نصاب يجمع كم دفعه من كم زبون و يشرد يعطيك سعر رخيص
وممكن تكون شركه لها سمعتها لها سعرها الغالي فيها جوده التزام
وممكن وممكن
الاسعار بناء عظم مثل مانشوف و نسمع تتفاوت من 850 الى 1250 ريال لمتر المربع
وغير هذا يعتمد على ديزان البيت مالك فيه خرسانات كثيره او ديكورات الي تتطلب مصاريف اكثر

[خليفـة]

موضوع مفيد جزاك الله خير ي صاحب الموضوع

سؤالي : كم متوسط سعر بناءمتر العظم بالوقت الحالي ؟


مافي شي محدد في السوق السعر يعتمد على عوااامل كثيره
وعلى سبيل المثال شركه كبيره خلصت مشروع كبير ولا عندها شغل
ممكن تاخذ شغل بس يغطي مصاريفها بدون ارباح او لتقليل الخساير
وممكن مقاول بدون مكتب يعطيك سعر رخيص لان مصاريفه بس سيارته
وممكن هذا المقاول بدون مكتب نفسه يعطيك سعر غالي لانه عنده شغل وااايد
وممكن شركه جديده تبي تاخذ مشاريع وتثبت و جودها في السوق ويعطيك سعر رخيص
وممكن واحد نصاب يجمع كم دفعه من كم زبون و يشرد يعطيك سعر رخيص
وممكن تكون شركه لها سمعتها لها سعرها الغالي فيها جوده التزام
وممكن وممكن
الاسعار بناء عظم مثل مانشوف و نسمع تتفاوت من 850 الى 1250 ريال لمتر المربع
وغير هذا يعتمد على ديزان البيت مالك فيه خرسانات كثيره او ديكورات الي تتطلب مصاريف اكثر

سألت وجاوبك الاخ اعلاه مشكوراً
واضف لكلامه اخوي
ان السعر يعتمد على نوع ومواصفات بنيانك يالغالي
كل ما زادت الاقواس والديكورات الخارجية
زادت التكلفة
ويعتمد على مواصفات مواد البناء ايضا
مثل نوع وحجم الحديد
الطابوق
نوعية الصبية ومن وين
الخ الخ

بالتوفيق ان شاء الله