اجازه العيد في(( مـــاليزيا))

[احساس رابح]

السلام عليكم ورحمه الله وبركاته

اخواني وخواتي

مسافر ان شالله اجازه العيد مالــيزيا من ثاني ايام العيد الى تاريخ 8/12 :tease:

مع الاهل واول مره اسافر لهالدوله وحبيت من اللي يعرف عن ماليزيا لا يبخل علينا

لانه رايح على الله مادري شنو هناك ومادري وين بروح :rolleyes2:

وياليت تفيدونا،،،،،

[العنود55]

اجازه سعيده وموفقه يارب وتروحون وترجعون بالسلامه وين بتكون وجهتك في ماليزيا علشان نفيدك بأماكن التمشيه وهذا رابط ممكن يفيدك وعندك المسافرون العرب مرجع هالموقع انصحك اذافيه مجال تدمج معاها سنغافوره لمدة ثلاثة ايام.


http://www.qatarshares.com/vb/showthread.php?t=284363

[وليف قطر]

بلد روعه بكل ما تعنيه الكلمه

الله ييسر لك اخوي .. بس حاول ترتب لك جدول هناك

ومثل ما قالت العنود .. المسافرون العرب وايد زين وبينفعك


موفق

[احساس رابح]

اجازه سعيده وموفقه يارب وتروحون وترجعون بالسلامه وين بتكون وجهتك في ماليزيا علشان نفيدك بأماكن التمشيه وهذا رابط ممكن يفيدك وعندك المسافرون العرب مرجع هالموقع انصحك اذافيه مجال تدمج معاها سنغافوره لمدة ثلاثة ايام.


http://www.qatarshares.com/vb/showthread.php?t=284363

العنود
الله يسعدج ويسلمج

وجهتي في ماليزيا كولولمبور ان شالله

وافكر في دمج دوله ثانيه معاها بس ماعرفت وين قلت الصين ولا تايلاند لكن سنغافوره بنخليها على البال وان شالله نقدر نروح لها ،،،،،

مشكوره اختي وماقصرتي

[احساس رابح]

بلد روعه بكل ما تعنيه الكلمه

الله ييسر لك اخوي .. بس حاول ترتب لك جدول هناك

ومثل ما قالت العنود .. المسافرون العرب وايد زين وبينفعك


موفق

وليف قطر

ربي يسلمك ويخليك يالغالي

وان شالله بنسوي جدول هناك والا بناخذ مرشد سياحي

شاكر ك مرورك الجميل

[كاتم المواجع]

بالتوووفيق اخوووي وان شاء الله تستمتع بالسفره .... دوله روووعه وجميله وهذا رقم مرشدين سيااااحين واسعارهم معقوووله وعندهم سياااارات جديده وفخمه ..... ومحترمين لابعد الحدود ..... وبيضبطووون لك جدووول روووعه
0122468290...... 0122813498

واسمحي لي على القصور....

[العلم الوكاد]

بالعكس ما انصحك

تدمجين دولة ثانية

لانه سفرتك كلها اسبوع وعائلية

وماليزيا يادوبك تكفي الفترة تشوفونها

ولا تنسين جنتنج

واماكن اغلب السياح العرب ما يروحون لها

مثل

بتروجايا وروعة البنيان والمساجد فيها

ومالقا على الحدود الاندونيسية

[zeknon]

عليج بجزيرة بيينج وجنتنج الجبل وافا موزا هذة احلى الاماكن بالاضافة الى كوالامبور

[احساس رابح]

بالتوووفيق اخوووي وان شاء الله تستمتع بالسفره .... دوله روووعه وجميله وهذا رقم مرشدين سيااااحين واسعارهم معقوووله وعندهم سياااارات جديده وفخمه ..... ومحترمين لابعد الحدود ..... وبيضبطووون لك جدووول روووعه
0122468290...... 0122813498

واسمحي لي على القصور....


كاتم المواجع

التوفيق للجميع ان شالله
ومشكور ماقصرت وبيض الله وجهك على الارقام هذا اللي كان ناقصني

وماقصرت كفيت ووفيت يالغالي

[احساس رابح]

بالعكس ما انصحك

تدمجين دولة ثانية

لانه سفرتك كلها اسبوع وعائلية

وماليزيا يادوبك تكفي الفترة تشوفونها

ولا تنسين جنتنج

واماكن اغلب السياح العرب ما يروحون لها

مثل

بتروجايا وروعة البنيان والمساجد فيها

ومالقا على الحدود الاندونيسية

العلم الوكاد

تدمجين ؟؟؟ و لا تنسين ؟؟؟ :con2:

انا واحد موب وحده :nop:

مشكور اخوي على المرور الجميل

[احساس رابح]

عليج بجزيرة بيينج وجنتنج الجبل وافا موزا هذة احلى الاماكن بالاضافة الى كوالامبور

zeknon

عليج ؟؟؟ :weeping:

مشكور اخوي وماقصرت

[سنطره]

منتدى العرب والمسافرون راح ايفيدكم وايد واكتب اسماء المناطق الحلوة في نوتة واخذها معك
لان التخطيط الممتاز راح ايخلي سفرتكم ممتعة
وفي منطقة ما اعرف اسمها تسكنها فوق الجبل روعة بتحصل اسمها بالمنتدى العرب والمسافرون

[خالد_قطر]

إذا أسبوع أخوي خلها في ماليزيا بس واسكن ليلة في جنتغن عجيبة وعندك فنادق حلوة في كوالالمبور مثل ماريوت ورتز وتايمز سكوير فندق ومجمع في نفس الوقت وقريب من شارع العرب الي كله مطاعم عربية ومولات وعندك حدائق بأنواعها.

بس إذا بقيت تروح دولة ثانية أنصحك في سنغافورا لانه يكفيها يومين أو ثلاث بالكثير حلوة ونظيفة وفيها جزيرة حلوة نسيت أسمها. بس نصيحة خل سنغافورا أو شي وماليزيا حق التشري ثاني دولة.

أتمنى إني أفدتك

[احساس رابح]

منتدى العرب والمسافرون راح ايفيدكم وايد واكتب اسماء المناطق الحلوة في نوتة واخذها معك
لان التخطيط الممتاز راح ايخلي سفرتكم ممتعة
وفي منطقة ما اعرف اسمها تسكنها فوق الجبل روعة بتحصل اسمها بالمنتدى العرب والمسافرون

سنطره


يعطيك الف عافيه اخوي

شاكر لك مرورك

[احساس رابح]

إذا أسبوع أخوي خلها في ماليزيا بس واسكن ليلة في جنتغن عجيبة وعندك فنادق حلوة في كوالالمبور مثل ماريوت ورتز وتايمز سكوير فندق ومجمع في نفس الوقت وقريب من شارع العرب الي كله مطاعم عربية ومولات وعندك حدائق بأنواعها.

بس إذا بقيت تروح دولة ثانية أنصحك في سنغافورا لانه يكفيها يومين أو ثلاث بالكثير حلوة ونظيفة وفيها جزيرة حلوة نسيت أسمها. بس نصيحة خل سنغافورا أو شي وماليزيا حق التشري ثاني دولة.

أتمنى إني أفدتك

خالد قطر

السفره يمكن 9 ايام قلت 5 ايام في ماليزيا و4 ايام في تايلاند حق التشري

يعطيك العافيه اخوي وشاكر لك مرورك الجميل

[Parfait]

نصيحه اخوي : ماليزيا حتى بالشوبنغ افضل من تايلند !


عندك منتجع الـ SunwayLagoon
مجمع تجاري ضخم في كل انواع الانترتيمنس ( سكيتنغ - سينما - بولنغ .. الخ ) + مدينه العاب مائيه + ثم بارك بالاضافه الى الفندق.

http://www.sunwaylagoon.com/attract/ThemePark_Map.gif

هذا يفضل تسكن فيه اخر ليلتين قبل الرجعه باذن الله , ويبعد عن كوالالمبور العاصمه تقريبا نص ساعه

مدينه العاب genting highland فوق الجبل !
في ناس ينصحون المبيت فيها اما انا عن نفسي مانصح الصراحه خاصه انه سفرتك سريعه
وانا اشوف لو تروح من الصبح لها لين المغرب افضل

http://www.backpackingmalaysia.com/images/uploads/sights/genting-highlands.jpg

بخصوص الفنادق , انا افضل الصراحه السكن في شارع البوكنت بنتانغ لانه موقع استراتيجي بصراحه
فيه وايد فنادق من افضلها فندقين الجي دبليو ماريوت والرتز , وكل شي قريب منك مثل البرجين KLCC و المناره
و التايم سكوير بالاضافه الى بافليون المجمع الراقي !

http://www.iranianmy.com/fa/images/stories/demo/style/pavilion-kl.jpg

صوره لمدينه العاب المتواجده في التايم سكوير شوبنغ مول

http://www.food-travel-living-kuala-lumpur-malaysia.com/image-files/kuala-lumpur-the-times-square.gif.gif

وعندك منتجع افاموسا حلووو لانه فيه اكثر من شي مدينه العاب مائيه , سفاري , رحله بطياره شراعيه .. الخ


على فكره كل فندق فيه شركات تورز فانصحك تشـوف الي يناسبك من عندهم!


ورحله سعيده ان شاء الله وصدقني بتكون من احلى الرحلات لكم لانه ماليزيا غير غير مهما نوصف فيها

[مسباح عاج]

انصحك بالنسبة لكوالالمبور تسكن في فندق مندرين أورينتال بجوار ابراج بتروناس التوأم والحديقة المائية
أو فندق الريتز كارلتون أو الماريوت بجوار شارع العرب ، والمدينة حلوة وفيها أسواق وحدائق ومولات زينة
وأنصحك بزيارة جنتنغ هاي لاند (الألعاب الثلجية)

بالنسبة لأسعار الفنادق فأن أفضل سعر يكون لسفارة دولة قطر ، انصحك تحجز عن طريق السفارة
الحجز مضمون وأرخص من سفريات الدوحة .

وممكن تزور جزيرة لنكاوي ، وتسكن فيها ثلاث أو أربع أيام ، فيها منتجعات وفنادق ممتازة .

بالنسبة للمواصلات في كوالالمبور ، انصحك تستخدم سيارات الفنادق (بريميم تاكسي) ولا تلجأ للتاكسي العادي إلا للضرورة القصوى.

وهناك موقع اسمه دليل ماليزيا ، مفيد جداً لك.
http://www.daleel-malaysia.com/

[احساس رابح]

مشكور اخوي على المعلومات الجميله الي كانت تنقصني وايد

جزاك الله الف خير وشاكر لك مرورك

[احساس رابح]

مسباح عاج

تسلم اخوي ماقصرت

جزاك الله الف خير

والموقع نفعني وايد

شاكر لك مرورك اخوي

[احساس رابح]

اخواني وخواتي

اذا حد يقدر يفيدني في سعر الصرف من ريال قطري الى رنقت ماليزي كم يعادل تقريبا

ويفيدني في حاله الطقس هناك يعني برد ولا حر والا معتدل

وجزاكم الله الف خير

[اسم العضو]

اخوي ادخل على هالموقع لو سمحت

www.travel4arab.com

و في المنتديات بتلقى قسم لـ ماليزيا و متأكد انه بيفيدك إن شاء الله

[بوخالد911]

الله يوفقك

بس عن نفسي
مستحييل أسافر ودون اعداد مسبق



[COLOR="Red"][U]Nooo way



!!!
حتى تكون أحلى سفرة ؛ لابد من الاعداد والترتيب المسبق بوضع جدول للرحلات والزيارات.

عندك موقع المسافرون العرب

ستجد ضالتك .


مووفق

مسيوو/ بوخالد911

[ام رويشد]

الله يوفقك في سفرتك :)
بس الجو عادي كلش يعني تاخذون لكم ملابس صيفية بس اذا معاكم يهال تاخذون لهم كم طويل (مب شتوي ) حق الجينتينغ ...وانصحك بالماريوت موقعه عجيب كل شي حولك من مطاعم وسوبرماركت ومغسله والاحلى الاحلى ان مشاهده على طول مجمع بافليون عجيب ...ونصيحة لاتاخذ كرت تلفون من الريايل اللي يبيعون في المطار خذ لك من مكتبهم الرئيسي لان يبعونك مقرطس ومافي الا دقيقتين يمكن

وتروح وترجع بالسلامة

[دوحة الجميع]

اخواني وخواتي

اذا حد يقدر يفيدني في سعر الصرف من ريال قطري الى رنقت ماليزي كم يعادل تقريبا

ويفيدني في حاله الطقس هناك يعني برد ولا حر والا معتدل

وجزاكم الله الف خير

الجو في كوالامبور هذه الأيام حلو ومب حر .... ومطر وقت العصاري لمدة ربع ساعة فقط
بس بارد شوية في بينانج في الأماكن المرتفعة فوق الجبال
وبالنسبة للملابس ماتحتاج إلا لقميص واحد كم طويل لرحلة مدينة ألعاب جنتنج
عموماً راح تستانسون وايد وماليزيا حلوة وجميلة وخضرة وزينة للعائلات

[مسباح عاج]

اخواني وخواتي

اذا حد يقدر يفيدني في سعر الصرف من ريال قطري الى رنقت ماليزي كم يعادل تقريبا

ويفيدني في حاله الطقس هناك يعني برد ولا حر والا معتدل

وجزاكم الله الف خير


سعر الصرف من الريال إلى الرنجيت متغير
انصحك تاخذ معاك دولارت وتصرفهم هناك من محلات الصرافة في المتوافرة في المولات
ولا تصرف من الفنادق طبعاً ، وبالنسبة لمكاين البنوك هناك ترى ما تسحب إلا 1000 رنجيت في السحبة الوحدة واكبر عملة عندهم فئة 50 رنجيت .

[Om Majed]

هلا أخوي
هالموقع فادني واجد
http://www.daleel-malaysia.com/
ورتبت رحلتي فيه وطلبت من مكتبهم ألى في الموقع يحجزون للعايله وكان تعاملهم واجد حلو
ويمكن ترى سعرهم أرخص من سفرياتنا هنيه ..
إذا بتروح أسبوع فهي يادوب تكفيك لماليزيا ..
آنا سكنت في فندق مندرين في كولالامبور مقابل البرجين بالضبط ووراه حديقه مائيه حلو الفندق يعتبر من أرقي فنادقهم والاهل يمدحون الماريوت بعد ..

رحنا لنكاوي بالطياره وقعدنا فيها 3 أيام نسيت أسم الفندق يمكن الشيراتون كان جديد بس الطبيعه هناك
تجنن وفيها ياخذونك بجولة في الجزيرة وتركب قارب بحري والتمشيه حلوه ... وفيه التلفريك تصعد فوق الجبل
وحديقة الأسماك والأحياء المائيه الجزيره هاديه وحلوه تصلح للمعاريس يقضون فيها شهر العسل ...

رحنا جنتج يومين استانسوا الجهال على الألعاب ألى هناك والجو كان رائع لان ماليزيا جوها مب بارد واجد
بس جنتج كانت ثلج روووعه ..

وسكنا في سان واي ليغون 2 وهاذي فيها الألعاب المائيه واجد ضخمه وحلوه ومجمع البايرومود ..
وأخر الأيام خذنا شقتين في تايم سكوير حلو فندق داخل مجمع ضخم ومريح بس يعتبر 4 نجوم لكن ارتحنا
فيه لأن الفنادق ماتاخذ راحتك فيها مع الجهال ..

أدخل الموقع وبتلقي كل معالم ماليزيا فيه آنا خططت للرحله قبل لانطلعها وكنت عارفه كل شي عن ماليزيا
سعر الرنجت تقريبا ريال قطري والاسعار نفس صرف قطر يمكن أرخص بشوي
بس المطاعم نفس قطر ... وأهلها واجد طيبين والبلاد نظيفه والأهم مسلمين وتسمع الأذان عندهم

تروحون وترجعون بالسلامه :)

[الهـواوي]

حاسب من التوسنااامي لان هذي وقته

[احساس رابح]

مشكورين مشكورين مشكورين

ماقصرتو وبيض الله وجيهكم على كل المعلومات اللي فادتني وااااايد

وجزاكم الله خير الجزاء

[PRINCESS]

احسنت الاختيار:nice:
البل:nice:د رو:nice:عه
وكلمه روعه
قليل على ماليزيا
لاااااازم تروح لنكاوي لازم
لان فد شي خيال
وراحه
وتجنن
وانزل بفندق تريدرز راااائع
ومقابل الابراج التوأم
تونسو بكلللللللللل قوتكم:nice:
تروحون وترجعون بالف س:victory:لامه

[احساس رابح]

ان شالله لنكاوي في البال واكيد بأذن الله رايحين لها

الله يسلمك

شاكر لك مرورك

[QatarServ]

اخوي انا رحت ماليزيا 4 مرات ^^ و لفيتها لفـــ ^^

و نصيحتي لك انك ما تروح مع مرشد و لا شي خلك انت مرشد نفسك
لان هناك كل شي يصير بسهوله احسن ما فيهم مواصلاتهم

انا طبعا ما اعرف انت شنو اللي يجذبك اكثر شي ؟؟
يعني جزر, متاحف, تسليه او تسوق

اذا رايح مع عائله عددهم اكثر من 3 ما انصحك تروح جزيرة لنكاوي لان رااح
تتلعوز بالروحه لانك راح تروح بالطياره بس لو هم كبار رااح يكون الموضوع اسهل

لا تهون ممكن اعرف اهتمامتكم هناك و ان شاء الله اقدر افيدك اكثر ^^ و شكرا