تسجيل الدخول

مشاهدة النسخة كاملة : هل يوجد شقق فندقية كشخة في الدوحة


saranay1
16-11-2009, 02:32 PM
عندي ضيوف بيجون في العيد
ابي لهم شقة فندقية فخمة ونظيفة
ياريت المكان للي يعرف
هل يوجد ؟
ولد شرق
16-11-2009, 02:53 PM
اخوي
عندك رتاج عائلي جدا و نظيف
جنب الجامعه الهولندية
بعد مستشفى النساء والولاده
عاشق الليل
16-11-2009, 03:23 PM
مثل ماقال الرجال رتااااج .. هي افخم شي اتوقع وسعرها مناسب
ويجي بعدها شقق بجانب كرك النعيمي الي بالسد ,, برضوو عائليه وحلوه .. وبالتوفيق
saranay1
16-11-2009, 04:31 PM
ويجي بعدها شقق بجانب كرك النعيمي الي بالسد ,, برضوو عائليه وحلوه .. وبالتوفيق
شكرا لكم
وين بالظبط لاني ماعرف كرك النعيمي
saranay1
16-11-2009, 04:33 PM
رتاج
جنب الجامعه الهولندية
بعد مستشفى النساء والولاده
قصدك بين دوار مستشفى النساء واشارات بن عمران
عند هيئة التقاعد
يعني ايبين من على الشارع
البحار00
16-11-2009, 04:42 PM
رتاج الريان بدون منازع

جنب منطقه السفارات وانت ماخذ دوار الشيراتون سيده تعدي الفورسيزون

المبنى بيكون على يسارك
saranay1
16-11-2009, 08:23 PM
رتاج الريان بدون منازع

جنب منطقه السفارات وانت ماخذ دوار الشيراتون سيده تعدي الفورسيزون

المبنى بيكون على يسارك

هذا فندق نظام حجر مو شقة
شكرا لك
بس للأستفادة من الموضوع حصلت

https://www.somerset.com/en/qatar/doha/somerset_west_bay.html

شكرا لكم
سعد آل شريم
17-11-2009, 12:20 PM
فندق w دبليو ..

من الطابق ال15 وطالع كلها شقق
بوعلي 78
18-11-2009, 12:32 AM
Holiday Villa

على اشارة المنتزه
4 نجوم
وشقق حلوه وراقيه واسعاره ممتازه
غرفتين 900 ريال مع الفطور
3 غرف 1100 ريال مع الفطور

Holiday Villa
شركه ماليزيه والشقق عندهم ممتازه والخدمه بعد
مكان نظيف وراقي
هام السحاب
18-11-2009, 01:03 AM
جورج الثاني من اشارات الاطفال باتجاه الشرق
( قريب من الامن الوقائي )
saranay1
18-11-2009, 01:44 PM
للأستفادة
شقق فلامنجو نظيفة وواسعة
غرفتين اب 650
عجبتني
خلف معارض البي ام دبليو
محمد اليهري
19-11-2009, 07:37 PM
صراحة من أفضل الشقق اللي شفتها مناسبة وكشخة وسعرها بعد زين.. اسمها ما أتذكره بالضبط!!! أعتقد اسمها رتاج مادري شنو.. عندهم أظن غرفة وصالة ومطبخ وعندهم بعد غرفتين... بس صراحة خوش شقق نظيفة ووسيعة والأثاث كشخة .
مكانهم خلف دوحة ستي (محل الأثاث والمستلزمات المنزلية) اللي مقابل الصحة المدرسية.
والمجسد حذا الفندق.. على كيف كيفك.. وأسعارهم أخبر العام الشقة العودة بــ 800
الله يوفقك.. وحي الله بضيوفك الكرام في دوحة الخير.
QAT999
20-11-2009, 07:17 PM
http://www.somerset.com/qatar/doha/somerset_west_bay.html

somerset شقق فندقيه فخمه جدا جمب فندق w جمب الستى سنتر والكورنيش
الليله ب900 رال تقريبا غرفتين شقه خمه وايد وشقق لها خصوصيه وايد
امن فيها قوى ممنوع احد يدخل الا يضرب كرت الغرفه فى المصعد