الأطفال المنغوليين ........... !!

[بوخالد911]

هلا بكم

؛؛؛


موضوعي : الاطفال المنغوليين

اولا واخيرا وقبل كل شي ؛ الخيرة فيما اختاره الله
ولا اعتراض على مشيئة الله

بس حبيت اسئل اللي عندهم أطفال منغوليين :

هل عندهم قدرات وتفكير مثل الأطفال الأسوياء ؟

هل لهم عمر محدد وبعدها يموتون ؟

هل لهم مدارس خاصة بهم ؟


كيف تتعاملون معاهم ؟


بلييز
اللي يقدرني يفيدني بقووله مشكور من قلب
او اللي يعرف ناس عندهم هالاطفال

يا ريت يذكر لنا التجربة



تحياتي قبل ان تجف كلماتي

؛؛؛

مسيوو / بوخالد911

[Realistic]

اول شغله اخوي .. اللفظ الي استخدمته لوصفهم " المنغوليين" لفظ مستهجم عالما.. وتمت ازالته من الكتب العلمية من 3 عقود واستبداله بـ اسماء عده مثل : متلازمة التثالب الصبغي 21 او الاسم الاكثر شوعا هو متلازمة داون Down syndrome

المرض سببه تشوه في الكروموسون رقم 21

قدارتهم تختلف من شخص إلى آخر .. وفي الكثير منهم في الغرب يدخلون مدارس عاديه .. لكن البعض تكون قدراتهم اقل من اقرانهم بكثير يعني عمره يكون 20 وعقله في مستوى طفل ذو 10 سنوات

للاسف ماظن ان في عالمنا العربي تمت عملية دمج الاطفال المصابين بمتلازمة داون مع اقرانهم من الاطفال الاسوياء .. للاسف هذا يزيد في سوء حالتهم


الاعمار بيد الله .. وماسمعت ان لهم عمر محدد
لكن معروف ان خصوبتهم تكون معدومه .. حيث يكونون غير قادرين على الانجاب


هممم لدي من اقربائي من هو مصاب بمتلازمة داون .. وتعامل اهله معاه تعامل عادي جدا.. وهذا يساعد في نمو قدراته وتفكيره ..


ماعندي معرفه عن المدارس الخاصه لهم في قطر .. لان الي يقرب لي في الامارات مب في الدوحه

لكن اتوقع ان مدرسة الشفلح فيها اطفال مصابين بمتلازمة داون


والسموحه

[العصامي]

يعطيك العافيه
الملف المرفق ربما يفيدك وهو مأخوذ من الموقع التالي:
//http://www.werathah.com/down/questions.htm
من تاليف د.عبدالرحمن السويد استشاري الوراثه الاكلينيكيه وامراض الاطفال بمدينة الملك عبد العزيز بالحرس الوطني بالرياض.
اتمنى ان اكون قد افدتك.

[وتبقى الدنيا حلوه]

الله يشفيهم يارب

[حـــنـــان]

واللة ماعندي فكرة اخوي بو خالد ...اتمنى الاعضاء اللى عندهم فكرة يفيدونك

فك اللة همك وسع لك صدرك

[alrheeb2020]

نتمنى من الاعضاء اللي عندهم علم يفيدونه ..

[شويهينــه]

عدد الكروموسومات عند كل شخص سليم هو 23 زوج من الكروموسومات

في متلازمه داون يكون الخلل في الكروموسوم رقم 21 يعني يكون عندهم 3 نسخ من نفس الكروموسوم

وتختلف درجه المرض من حاله الى اخرى

في حالات تلاقي عندهم التخلف شديد وفي حالات تلاقيهم عاديين بس شكلهم مميز

الاغلب ان حالات الداون تكون عندهم مشاكل صحيه ثانيه مثل ثقب في القلب او الحساسيه وهذي بعد يعتمد على درجه المرض

بس رب العالمين اذا خذ شي يعوضه بغيره يعني في حالات تكون عندهم نسبه الذكاء عاليه

وفي قطر في مدرسه الشفلح هي متخصصه لمثل هالحالات وعادي ممكن يندمجون مع الاطفال العاديين ويعيشون حياتهم الطبيعيه

[قطر دزاين]

هلا بو خالد

انا عندي اختي عمرها 37 سنه الله يمد بعمرها ان شاء الله
وهي تقوم بكل شي بنفسه من لبس وتنظيف نفسها وكل شي تقريبآ

واتميز بن الصح والخطاء وين من هم من اهل البيت والغريب
بس لا تكلم للغه غير مفهومه

وفيه ناس من الجماعة نفس الشي ولكمهم ودوه وتعلم وينطق

نسبه الذكاء طلعأ اقل من الاشخاص العادين

اتمنى اني افدتك لو بشي القليل

[doha1]

فعلا لي قرايب وعندهم بنت واوافق زد صدودك في صعوبة النطق بشكل سليم فقط

ولكنها تلعب وتضحك وتمشي حياتها مثل مايقولون

[قطر دزاين]

ازيد بو خالد ها النقطة
يفضل يودى وهو في سن صغير للتعلم

[قناصه]

اخي الكريم

حبيت اضيف شغله صغيره ... بخصوص المدارس

في واحد من الاهل عنده ولد عمره 7 سنين ...دخله مدرسة الجزيره وهي مدرسه خاصه ...وفيها دمج بين الاصحاء والمعاقين

وهو الولد فيه المتلازمه اللي ذكرتها

و عينو له مدرسه خاصه يسمونها (shadow teacher) يعني مدرسه تكون معاه طوال فترة الدوام ...

وهذا لأنه بيكون متأخر شوي عن الاطفال الطبيعين وهي تساعده ..

وماشاء الله في تحسن في حالة الولد ... وكون صداقات مع اطفال طبيعين

[ريتال]

اللي عنده اطفال مصابين بمتلازمة داون

يتابع الحالة في مستشفى رميلة يدربون على اشياء اساسية

والمدارس يختلف حسب قددراته العقلية فيه مدرسة التربية الفكرية وفيه الشفلح

وحاليا في مدارس خاصة تستقبل حالاتهم

اهم شي ان الاب والام يتقبلون حالة ابنهم

اعرف ناس ضلوا لسنوات مصرين ان ابنهم ما فيه شي وهذا ما كان من مصلحتة لانهم تاخروا بعلاجة

الاطفال الداون لازم تبدا معاهم بالتعليم من اهم صغار

عشان يكتسب السلوكيات حتى الاسياسية منها كالنظافة الشخصية وغيرها

هذي كتبه رب العالمين انهم يولدون جي اهم شي الاب والام يتعدون مرحلة الصدمة والحزن

ويبتدون خطوات عملية في تعليم ابنهم

[almaha19999]

فعلا دور الاهل في هالنقطه مهم جدا

اعرف عائله عندهم بنت مصابه بهذا المرض
ما تتكلم بس كل شي تسويه بنفسها
من لبس واهتمام بنظافتها حتى انها تطبخ بعض الاشياء البسيطه
بس انتبه لزياده الوزن لان اغلبهم يكون وزنهم زايد
ايام ما كنت مدرسه كانوا هذه الفئه دامجينها في الصفوف مع الاسوياء
وكونت صداقات مع البنات

[anything99]

اهم شيء ان يتقبل الوالدين وبالاخص الام وجود هذا الطفل وما كتبه الله عليه .. ويتغلبا على الصدمة بسرعة .. للبدء بعلاجه .. سواء علاج حركي او وظائفي .. وكلما بدء التدخل في عمر صغيرة تحسن الطفل بشكل اسرع .. موقع اطفال الخليج موقع مفيد جدا http://www.gulfkids.com/ar/index.php?action=show_res&r_id=7

[بوخالد911]

اول شغله اخوي .. اللفظ الي استخدمته لوصفهم " المنغوليين" لفظ مستهجم عالما.. وتمت ازالته من الكتب العلمية من 3 عقود واستبداله بـ اسماء عده مثل : متلازمة التثالب الصبغي 21 او الاسم الاكثر شوعا هو متلازمة داون Down syndrome

المرض سببه تشوه في الكروموسون رقم 21

قدارتهم تختلف من شخص إلى آخر .. وفي الكثير منهم في الغرب يدخلون مدارس عاديه .. لكن البعض تكون قدراتهم اقل من اقرانهم بكثير يعني عمره يكون 20 وعقله في مستوى طفل ذو 10 سنوات

للاسف ماظن ان في عالمنا العربي تمت عملية دمج الاطفال المصابين بمتلازمة داون مع اقرانهم من الاطفال الاسوياء .. للاسف هذا يزيد في سوء حالتهم


الاعمار بيد الله .. وماسمعت ان لهم عمر محدد
لكن معروف ان خصوبتهم تكون معدومه .. حيث يكونون غير قادرين على الانجاب


هممم لدي من اقربائي من هو مصاب بمتلازمة داون .. وتعامل اهله معاه تعامل عادي جدا.. وهذا يساعد في نمو قدراته وتفكيره ..


ماعندي معرفه عن المدارس الخاصه لهم في قطر .. لان الي يقرب لي في الامارات مب في الدوحه

لكن اتوقع ان مدرسة الشفلح فيها اطفال مصابين بمتلازمة داون


والسموحه




تسلم اخووي الواقعي

ولا هنت للمعلومات الغزيرة


والله توني اعرف منك ان الاسم تغير


كلي شكر لشخصك الكريم


:nice::nice::nice:

[ضوى]

اعرف واحدة من بنات جيرانا القدامى وااااايد كانت عندهم بنت تعاني من متلازمة داون وماشاء الله الحين كبيرة ومرة بس ماتزوجت ماجاها نصيب عمرنا ماحسينا انها مش طبيعية يمكن الشكل شوي بس كتصرفات مافي اي شئ غير طبيعي فيها بس اعتقد هذا المرض بسبب الانجاب في سن متاخر بعد الاربعين في غالب الاحيان مش مقياس يعني

[بوخالد911]

يعطيك العافيه
الملف المرفق ربما يفيدك وهو مأخوذ من الموقع التالي:
//http://www.werathah.com/down/questions.htm
من تاليف د.عبدالرحمن السويد استشاري الوراثه الاكلينيكيه وامراض الاطفال بمدينة الملك عبد العزيز بالحرس الوطني بالرياض.
اتمنى ان اكون قد افدتك.



تسلم العصامي
لا هنت

ما تقصر

:nice:

[ام شهد قطر]

ممكن تتواصل مع مركز الشفلح راح يفيدونك اكثر لانهم متخصصين لهذه الحالات وكيفية التعامل معاها في سن مبكر

[بوخالد911]

الله يشفيهم يارب



اميين

يسلمووو

:nice:

[كازانوفا]

فعلا ربي يصبر كل ام واب رب العالمين رزقهم طفل بهذه الحاله وعلى حسب ما عرفتهم انهم يعتبرو شفعاء لوالديهم ان شالله

[E L L E]

بنت عمي صف ثاني ماشاء الله ذكيه وتتكلم وتعرف وشكلها عادي بس بعض الكلمات ثقيله والا عااااااااااديه جدا

الله يحفظها

[بنت^البحرين1]

انا ولد عمتي عمره 15 سنه الحين ( والسبب ان عمتي جابته بعد سن الأربعين) لان ماعندنا احد غيره جذي

بس مسكين ، هو من النوع الجايد جدا جدا،، يعني كلامه غير مفهوم أبدا ويضرب اي حد جدامه ..ويخرب ويكسر ومايعرف شي، بس لين يحطون سالي يقعد يصيح، لكن بالصج حتى هم يقولون مسكين كلش كلش مافي اي وعي ، وحتى ودوه عندنا مدرسة خاصة حق المتلازمة داون ، بس كم شهر والمدرسة اعتذروا عنه ماقدروا ، خاصة انهم ماشاءالله هالفئة يجون بعافية ماشاءالله يعني بلغ وطول بعرض والادارة اشتكوا انه يضرب المدرسة ومحد يقدر عليه كلهم حريم ، فلذلك اعتذروا وخلاص ماكمل وياهم ، وحتى يوم وياهم يدرسونه حروف كلش مافي فايدة يستقبل شي منهم، كل اللي حفظه يرقص ويضرب ويرجع


يعني شكلا واضح انه مب طبيعي وكلامه مب مفهوم والمدرسة ماتقبل العدوانيين بطريقة اكثر من اللازم، وهو مسكين عدواني وايد ويضرب اي حد يمر صوبه


الله يكون في عون اهله وان شاءالله لهم الاجر

[بوخالد911]

واللة ماعندي فكرة اخوي بو خالد ...اتمنى الاعضاء اللى عندهم فكرة يفيدونك

فك اللة همك وسع لك صدرك




يسلمووو للحضور

والاعضاء فيهم الخير والبرركة


يسلموو تووو متش



:nice::victory::nice:

[butterfly qatar]

اخـوي نسبة الذكاء والتفكير تختلف من شخص لي أخر على حسب

على حسب علمي هو خلل في الكرموسوم

واكيد لهم مدارس خاصه الشفلح لهم قسم خاص

الله يحفظهم ويرعاهم يارب

[ملسونه]

الله يجيرنا

خذت عنه في ثالث .. هو خلل في الكروموسوماات

[بوخالد911]

نتمنى من الاعضاء اللي عندهم علم يفيدونه ..



والله سعييد بتواصلهم

وما شاء الله عليهم
ما قصروا بموضووعي

الله يسهل عليكم
ورحم الله والديكم


:victory::victory::victory:

[بوخالد911]

مشكورين جدا للتفاعل الجميل

والله يواليكم 1000 عافية