تجار التأشيرات و رساله الى المؤسسه الوطنيه لمكافحه الاتجار بالبشر

[الخفي]

السلام عليكم ورحمه الله وبركاته

بالامس صادفت شخص من الجنسيه الاثيوبيه وكان شخص بسيط وفقير

وكأن يدور شغل وسألته ليش انت مانشتغل قال لا انا اشتغل عامل باليوميه

وقلت له ليش الشركه اللي تشتغل فيها ماتعطيك راتب شهري قالي الشركه اللي اشتغل

فيها لا اعرفها ولا شفتها احنا مجموعه من 700 اثيوبي جينا على نفس الشركه

ونشتغل في الشارع والحين صار لنا فتره مافيه شغل وقلت هالعدد الكبير جايين على

كفاله شركه وحده قالي نعم واعطاني البطاقه واذا بالفعل مؤسسه صغيره نشاطها

ديكور وصيانه قلت له انتم كلكلم جايين على كفاله نفس الشركه قالي نعم وندفع لهم

السنه 3000 ريال مع العلم ان الشركه نفسها تدفع سنويا للداخليه 1200 ريال

كأقامه وطبعا صاحب الشركه ( الدجال ) يدخل من ال 700 فرد مليون و250 الف ريال

تخيل طبعا انا عندي بعض الاسئله لأداره العمل

1- كيف تم اعطاء موافقه لعدد 700 شخص لمؤسسه صغيره ويشتغلون لدى الغير

2- كيف تم السماح له بأن يكسب هالمبلغ الكبير جدا جراء ( بيع التأشيره )والاتجار بهم

3- كيف بيسمح للشركات ان تجلب عماله لتستغل حاجتها لتكسب كسب حرام من

هالمساكين وتستغلهم وتنشر هالعدد الكبير في الدوحه من اجل الربح السريع

4- هل من قانون يجرم هالشركه وصاحبها اللي يتاجر بالبشر عن طريق التأشيرات

ويخالف قانون الدوله

اخيرا : لو كنت مسئول والله لاحاسب صاحب الشركه واحاكمه ليكون عبره لغيره

للأسف انه مافيه قانون يحمي المواطن في حاله هروب العامل على كفالته الشخصيه

بل مجبور ان يشتري له تذكره رغم انه هو من اخل بالعقد وهرب

لكن القانون يحمي اصحاب الشركات اللي يتاجرون بالبشرون ويجيبون ب ال 700 و

500 عامل لينتشرون في البلد ليكسب صاحب الشركه مبالغ بالتفافه على القانون

واستغلالا لحاجه هالمساكين

[HIGHNESS]

هم مايفكرون في اقتصاد البلد ؟؟ في الخلل في التركيبة السكانية ؟؟ في ادخال اي احد البلاد سواء شخص محتاج ولا مجرم ولا غيره !!! .. وتركهم على راحتهم ... حتى المكاتب اعتقد تقوم بهالشي .. تاخذ منهم فلووس الفيزا قبل لاتجيبهم ... على قولة دريولنا احنا نبيع بيوتنا عشان نحصل تأشيرة ونجي نشتغل ...
هالشي اولاً حرااام ومايجوز ....
ثانياً لازم يحطون معايير وشروط للشخص اللي بيدخل البلاد مو اي حد يعطونه فيزا الا بعد اجراءات وتدقيق ...
وفرض غرامات كبيرة على المخالفين ....

[الخفي]

هم مايفكرون في اقتصاد البلد ؟؟ في الخلل في التركيبة السكانية ؟؟ في ادخال اي احد البلاد سواء شخص محتاج ولا مجرم ولا غيره !!! .. وتركهم على راحتهم ... حتى المكاتب اعتقد تقوم بهالشي .. تاخذ منهم فلووس الفيزا قبل لاتجيبهم ... على قولة دريولنا احنا نبيع بيوتنا عشان نحصل تأشيرة ونجي نشتغل ...
هالشي اولاً حرااام ومايجوز ....
ثانياً لازم يحطون معايير وشروط للشخص اللي بيدخل البلاد مو اي حد يعطونه فيزا الا بعد اجراءات وتدقيق ...
وفرض غرامات كبيرة على المخالفين ....



السؤال اللي يطرح نفسه وين اداره العمل ووزاره الداخليه من تجار التأشيرات

اللي يتاجرون بالبشر وللأسف لدينا حقوق انسان ولدينا اداره عمل ولدينا مؤسسه

تعني بالاتجار بالبشر ومن كم يوم استضفنا مؤتمر لحقوق الانسان ومكافحه الفساد

لكن لم نرى تصدي لهم بل محاكمتهم لو كان الامر بيدي

[بواردي]

اخوي
المختفي في بعد نقطة مهمة

ياليت تساله
كم دفع ثمن التاشيرة

والله نسمع بلاوي من تجار الاقامات

واليكم اسعار التاشيرات حسب تسعيرة السوق السودة
الهندي = من 10 الى 20 الف
البتاني = من 20 الى 30 الف
السوري = من 10 الى 15
اللبناني = اقل من 10

[jajassim]

الله يعطيك العافية ــ أخوى المختفي ،، ممكن ترسل اسم المؤسسة عالخاص ،،

[بنت العالي]

مؤسسه ديكور = 70 شخص ؟
للاسف لو تبحث راح تحصل ان راعي المؤسسه شخص له علاقات حميمه مع الاشخاص المسؤلين
لاني اعتقد شركه مقاولات وهي تعتبر اكبر من مؤسسه ديكور يعطونك 20 فيزا واذا حبيت تزيد لازم تجيب عقود عمل وخرابيط اشياء تعجيزيه
لاكن صج لقال المثل القانون على ناس وناس للاسف

[الخفي]

اخووي جاجاسم القضيه موب بسيطه عشان فقط ارسل الاسم

قبل لا ارسل اسم الشركه هل القانون يجيز للشركه جلب العدد الكبير هذا 700 شخص

وهل عملهم خارج الشركه يعتبر مخالف للقانون

وبعد الاجابات واعطائك اسم الشركه لانريد بحث فقط دون ان يكون هناك عقوبه توازي الجريمه

انا اعتبرها طبعا جريمه

انا في انتظار اجابتك على تساؤلي وبعدها مستعد اجيك لين مكانك واعطيك كل البيانات اللي تحتاجها

[doha1]

بل بل بل قوووووووووووووووووووويه

شنو هالظلم والله عدد كبير مش بسيط وهالشي له نتائج ضاره ع كثير من الامور

حسبي الله ونعم الوكيل كل شي ولا الظلم

وانا مؤمن بان من العواقب التي تعجل فالدنيا الظلم

حرام والله كفايه انهم متغربين عشان لقمة العيش تروح تلعب فيهم كذا

ربي يمهل ولايهمل

[الخفي]

مؤسسه ديكور = 70 شخص ؟
للاسف لو تبحث راح تحصل ان راعي المؤسسه شخص له علاقات حميمه مع الاشخاص المسؤلين
لاني اعتقد شركه مقاولات وهي تعتبر اكبر من مؤسسه ديكور يعطونك 20 فيزا واذا حبيت تزيد لازم تجيب عقود عمل وخرابيط اشياء تعجيزيه
لاكن صج لقال المثل القانون على ناس وناس للاسف
-------------------------------------------------------------------------------------------

توضيح فقط : العدد وعلى ذمه الشخص يقولي جلب 700 شخص وليس 70

وعلى الادارات المعنيه التأكد من اعطى شركه للديكور صلاحيه باستقدام 700 شخص

ولا بعد غير انه باع لهم التأشيرات تركهم يعملون لدى الغير والادهى والامر انه ياخذ

منهم سنويا 3000 ريال - 1200 للتجديد و1800 في رصيده ضرب 700 = مليون

و250 الف ريال

يعني صاحب الشركه يتاجر في الرقيق في بلد فيه حقوق انسان واداره عمل

ومؤسسات تناهض هالنوعيه من الجرائم

------------------------------------------------------------------------------------------------

[jajassim]

اخووي جاجاسم القضيه موب بسيطه عشان فقط ارسل الاسم

قبل لا ارسل اسم الشركه هل القانون يجيز للشركه جلب العدد الكبير هذا 700 شخص

وهل عملهم خارج الشركه يعتبر مخالف للقانون

وبعد الاجابات واعطائك اسم الشركه لانريد بحث فقط دون ان يكون هناك عقوبه توازي الجريمه

انا اعتبرها طبعا جريمه

انا في انتظار اجابتك على تساؤلي وبعدها مستعد اجيك لين مكانك واعطيك كل البيانات اللي تحتاجها


القانون يسمح بهالعدد للمؤسسة ،، اذا كان هنالك مشروع يحتاج لهذا العدد ــ ويكون باثبات عن طريق ترسية المناقصة :victory:

والقانون يسمح العمل بخارج الشركة وفقاً للشروط مثل تصريح بالعمل لدى غير الكفيل بعد الدوام الأصلي او بالاعارة ،، بس ماعتقد بهالعدد ،، :omen2:

[بواردي]

من فترة بنيت لي ملحق
ودار حديث بيني وبين المقاول
عرفت منه
ان كفيله ( حرمة ) عندها مؤسسة وتطلع تاشيرات وتبيعها
ويوم يجون الدوحة يدفعون رسوم الاقامة + 1500 للكفيلة
واذا تاخر تبلغ عليه انا شارد

والقاهرني
انه حلف لي
انه اي اوراق توقعها له مثل اوراق الليسن او توثيق عقد تاخذ منه 100 ريال

يعني كله محسوب

وبصراحة ما صدقت افتك منهم
اذا ما رحمت العمال
توقع منها اي شي

[بواردي]

القانون يسمح بهالعدد للمؤسسة ،، اذا كان هنالك مشروع يحتاج لهذا العدد ــ ويكون باثبات عن طريق ترسية المناقصة :victory:

والقانون يسمح العمل بخارج الشركة وفقاً للشروط مثل تصريح بالعمل لدى غير الكفيل بعد الدوام الأصلي او بالاعارة ،، بس ماعتقد بهالعدد ،، :omen2:

مشكور اخوي جاسم على جهودك الواضحة

حبيت اسالك

شالفرق بين الاعارة والعمل بعد الدوام الرسمي من حيث الرسوم والمدة المحددة

وينفع اسوي هالشي لدريول او طباخ ( كفالات شخصية )؟؟؟

[ابو ماجد]

الله يعطيك العافية ــ أخوى المختفي ،، ممكن ترسل اسم المؤسسة عالخاص ،،

اسمحلى اقولك انى الاحظ عليك معظم الامور اللى اتعلق عليها تبى الاعضاء يرسلون لك على
الخاص مع ان الموضوع ايهم عامه الناس من حيث الاستفاده وغيره

ياريت اذا انت اتشوف انك راح اتعالج الموضوع او المشكله مثلا ياريت اتعلمنا بالنتائج او الحلول التى تم اتخاذها لكى تعم الفائده

[jajassim]

مشكور اخوي جاسم على جهودك الواضحة

حبيت اسالك

شالفرق بين الاعارة والعمل بعد الدوام الرسمي من حيث الرسوم والمدة المحددة

وينفع اسوي هالشي لدريول او طباخ ( كفالات شخصية )؟؟؟

نفس شئ أخوى من حيث الرسوم 100 ريال لكل شهر والمدة المحددة سنة وقابل للتجديد ،،

نعم ممكن للكفالات الشخصية ،، :victory:


http://www.moi.gov.qa/site/arabic/departments/PassportDept/resources/2008/02/03_6126.pdf

http://www.moi.gov.qa/site/arabic/departments/PassportDept/resources/2008/02/03_6128.pdf

[jajassim]

اسمحلى اقولك انى الاحظ عليك معظم الامور اللى اتعلق عليها تبى الاعضاء يرسلون لك على
الخاص مع ان الموضوع ايهم عامه الناس من حيث الاستفاده وغيره

ياريت اذا انت اتشوف انك راح اتعالج الموضوع او المشكله مثلا ياريت اتعلمنا بالنتائج او الحلول التى تم اتخاذها لكى تعم الفائده

طبعا أخوى ،، :nice:

[الخفي]

القانون يسمح بهالعدد للمؤسسة ،، اذا كان هنالك مشروع يحتاج لهذا العدد ــ ويكون باثبات عن طريق ترسية المناقصة :victory:

والقانون يسمح العمل بخارج الشركة وفقاً للشروط مثل تصريح بالعمل لدى غير الكفيل بعد الدوام الأصلي او بالاعارة ،، بس ماعتقد بهالعدد ،، :omen2:




من الحين اقولك استحاله يكون عند الشركه مناقصه وتخلي هالعدد الكبير

يشتغل في الشارع وهذي المخالفه الاولى

والشي الثاني الاعاره تكون لجهه معروفه وتوثق في الجوازات موب تعال وادفع

لي مبلغ التأشيره وسنويا تسدد لي 3000 ريال نص للداخليه والنص الثاني في الجيب

والشي الثالث والاهم لو كانت المؤسسه لديها مناقصه تخولها لجلب هالعدد الكبير

لكان التجديد على حساب الشركه موب على حساب هالمساكين

على كل حال بكره باعطيك المعلومات اللي تخص الشركه بس بغيت تبلغني اول

بأول ايش صار في الموضوع وياليت عالعام عشان الجميع يكون في الصوره

ويتم في المستقبل محاربه مثل هالتجار المجرمين اللي يسببون خلل في البلد بنشر

عماله تشتغل في الشوارع والبعض منهم يلجأ للسرقه لانه اصبح بدون عمل ودفع

مبلغ كبير عشان يجي الدوحه ووراه 3000 ريال يدفعها كل سنه عشان كذا يحاول

يدخل مبالغ ليسدد ديونه في بلده اللي شرى منها الفيزا ويسدد ال 3000 ريال لتاجر

الرقيق اللي مستعبدهم باستغلال حاجاتهم لكن ان افلت من السلطات بالتحايل على

القانون والواسطااااااااااات اللي اتاحت له جلب الرقيق ليتاجر بهم فأين سيهرب من

الله يوم الحساب

[jajassim]

من الحين اقولك استحاله يكون عند الشركه مناقصه وتخلي هالعدد الكبير

يشتغل في الشارع وهذي المخالفه الاولى

والشي الثاني الاعاره تكون لجهه معروفه وتوثق في الجوازات موب تعال وادفع

لي مبلغ التأشيره وسنويا تسدد لي 3000 ريال نص للداخليه والنص الثاني في الجيب

والشي الثالث والاهم لو كانت المؤسسه لديها مناقصه تخولها لجلب هالعدد الكبير

لكان التجديد على حساب الشركه موب على حساب هالمساكين

على كل حال بكره باعطيك المعلومات اللي تخص الشركه بس بغيت تبلغني اول بأول ايش صار في الموضوع
وياليت عالعام عشان الجميع يكون في الصوره

ويتم في المستقبل محاربه مثل هالتجار المجرمين اللي يسببون خلل في البلد بنشر

عماله تشتغل في الشوارع والبعض منهم يلجأ للسرقه لانه اصبح بدون عمل ودفع

مبلغ كبير عشان يجي الدوحه ووراه 3000 ريال يدفعها كل سنه عشان كذا يحاول

يدخل مبالغ ليسدد ديونه في بلده اللي شرى منها الفيزا ويسدد ال 3000 ريال لتاجر

الرقيق اللي مستعبدهم باستغلال حاجاتهم لكن ان افلت من السلطات بالتحايل على

القانون والواسطااااااااااات اللي اتاحت له جلب الرقيق ليتاجر بهم فأين سيهرب من

الله يوم الحساب

فالك طيب ،، :nice:

[المفكــر]

الفكرة طرحت من قبل ولد عمي قبل هالمرة في المنتدى واخوي صاحب

الموضوع جاب دليل على الكلام لكن في امور عليها اتفاق وفي امور غصب

اذا في اتفاق دفع مبلغ سنوي اعتقد ها الشي عادي لكن اذا اجبار بيكون حرام
http://www.qatarshares.com/vb/showthread.php?t=300501


يعطيك العافية

[ابو ماجد]

طبعا أخوى ،، :nice:

يعنى ننتظر منك خبر اغلاق الشركه وفرض عقوبه عليها ومنع اعطائها اي نوع من التاشيرات
لاتنسى ننتظر الرد ---------- لا تنسى ننتظر الرد ------------ لاتنسى ننتظر الرد

لو سمحت

[بواردي]

الفكرة طرحت من قبل ولد عمي قبل هالمرة في المنتدى واخوي صاحب

الموضوع جاب دليل على الكلام لكن في امور عليها اتفاق وفي امور غصب

اذا في اتفاق دفع مبلغ سنوي اعتقد ها الشي عادي لكن اذا اجبار بيكون حرام
http://www.qatarshares.com/vb/showthread.php?t=300501


يعطيك العافية

اخوي المفكر حتى لو الموضوع فيه اتفاق
ممكن تقول لي باي حق ياخذ من هالمساكين رسوم الاقامة وفوق هذا كله يحط في مخباه 1500 او اكثر...؟

يعني الاحتيال على قوانين الدولة وجلب عمالة هامشية بحاجة لها هل هذا مباح؟
ياليت لو تسال لنا احد يفتي لنا في هالموضوع؟

علما ان قوانين الدولة ما تسمح بهالشي و تلزم صاحب العمل بدفع رسوم الاقامة و تامين سكن وعمل لهم.
والحبيب ما سوى لهم شي . واللي اعرفه ان الكفيل يدفع للمكفول اشوف السالفة معكوسة المكفول يدفع للكفيل راتب سنوي