المساعد الشخصي الرقمي

مشاهدة النسخة كاملة : عــنـــدنــــا مـــطــــاعــــم مـــطـــلــــة عالـبـحـر فــي قـــطـــر .. ؟


بـن عدوان
16-11-2009, 10:27 PM
.

.

.


السلام عليكم ورحمة الله وبركاته ...


شخباركم يالغاليين ان شاءالله طيبين .. ؟

بغيت اسألكم، عندنا مطاعم مطلة على البحر مباشرة .. ؟

غير الفورسيزن او الريتز ...

ياليت من أهل الخبرة يفيدونا :nice:

وشاكر لكم تعاونكم مقدما

تحياتي
ضوى
16-11-2009, 10:36 PM
بلهمبار
ضوى
16-11-2009, 10:37 PM
بالفعل استغرب ليه مافي مطاعم عالبحر ليش مايسمحون للمواطنين باخذ المشاريع هناك

الواجهة البحرية في الكويت رهيبة مطاااااعهم اشكال والوان
ولد النواخذه
16-11-2009, 10:38 PM
مطعم الشاهين فندق الشيراتون بس فوق بس جاماته عالبحر
بـن عدوان
16-11-2009, 10:38 PM
بلهمبار

اختي لو تكرمتي بغيت اعرف مكانه ونوع الاكل
yosif1
16-11-2009, 10:40 PM
في مطعم تحت الانشاء عجيب عبارة عن جزيرة في البحر تابع لفندق الانتركونتننتال
تحداني
16-11-2009, 10:41 PM
.. اعتقد كل الفنادق المطله على البحر ..
بها مطاعم مطله على البحر كذلك ..


الفورسيزن .. :)
وعندك ايضا الانتر..



طعاما شهيا .. وجلسه مميزه ..
وخاصه هذه الايام ..
الخير كله
16-11-2009, 10:41 PM
بلهمبار

لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااا
نصيحه......
ولد النواخذه
16-11-2009, 10:42 PM
بس ياليت لو في مطاعم مطله على كورنيش الدوحه واتوقع في مشروع اللؤلؤة بيكون في مطاعم مطلة مستقبليا
بـن عدوان
16-11-2009, 10:44 PM
راسة النسعه كان مطل ع البحر بس صكروه ... :(

وعيبه انه شيشة بالاساس ...
sara_qatar
16-11-2009, 10:47 PM
اخوووي عندك النادي الدبلوماسي على البحر و بلهمبار اللي على الكورنيش
ضوى
16-11-2009, 10:55 PM
اختي لو تكرمتي بغيت اعرف مكانه ونوع الاكل


جنب اوري المتجنس :) دايركت

جربته مرة وكنت غبية لانه استغفلني ودفعني فلوس على اكل اي كلام الحمد لله والشكر عالنعمة وربي يزيدها غالي والاكل مايسوى
شيط ويط
16-11-2009, 10:59 PM
فندق شرق

الماريوت

حد علمي بس مب متاكد :rolleyes2:
واحد ثقة
16-11-2009, 11:35 PM
أنصحك بالمطعم الموجود في مكان مطعم بلهمبار سابقاً !

بلهمبار لم يعد له وجود ، وأصبح المطعم لبناني وإسمه ( المرجان )

الأكل ماشي حاله ولكن الإطلاله مميزة جداً جداً ،،

المطعم لايصلح للعائلات لعدم توفر الخصوصية ،،
بوعيسى
17-11-2009, 12:14 AM
المطعم الايطالي في اللؤلؤة

يطل على البحر واكلهم حلو
مسباح عاج
17-11-2009, 12:43 AM
مطعم (الصياد) في النادي الدبلوماسي

متخصص في الأكلات البحرية والشرقية والغربية
سماء الرياض
17-11-2009, 01:31 AM
المرجان حلو على الكورنيش بس اسعاره غاليه الصراحة
s o s o
17-11-2009, 10:52 AM
لافرندا قبل لاتدخل الشيرتون اللفه الي على يدك اليمين

منك للبحر على طول
zeknon
17-11-2009, 02:11 PM
المطعم اللي في النادي الدبلوماسي عجيب واكلة حلو و مطل على البحر وسيف رائع
وخصوصية ومافية ازعاج ودائما لاتوجد بة زحمة
امن العديد
17-11-2009, 02:18 PM
مطعم البندر كان على الكورنيش واهدموه
ولد الغانم
17-11-2009, 06:57 PM
في اللؤلؤة مطعم .. برج الحمام .. مكانه حلوو .. بس مادري افتحوه ولا .. لا

::

ومن المطاعم المعروفه .. عندك الصياد بالنادي الدبلوماسي

ولافراندا .. بالشيراتون

::
بــوعــوف
18-11-2009, 09:09 AM
مرحبا ..

في مطعم اسمه على ما أظن السلطان في الانتركونتيننتال ..

ورا الفندق على البحر ...

أكلات بحرية وقعده روعه وخصوصا على الجو الحلو هالايام ..

وتختار أي شي قدامك فررررش ويطبخونه له على الطريقة اللي تبيها ..


في العافية ..
بـن عدوان
22-11-2009, 12:25 PM
شاكر لكم اخواني وخواتي على الافادة

بيض الله وجيهكم
(البرنس)
22-11-2009, 06:14 PM
اخوي مطعم برج الحمام في اللؤلؤه في البورتو اريبيا المطعم عجيب
HEART_LION
23-11-2009, 10:16 AM
انشالله كلنا نستفيد يعطيك العافيه يابن عدوان
بوحماده
23-11-2009, 06:16 PM
بلهمبار اللي ع الكورنيش
الهـواوي
24-11-2009, 07:04 AM
اخذ اكلمك من المطعم وروح البحر
وانتهت المشكله
ها ها ها ها ها