سوق واقف

[بيرق_المجد]

الموضوع اليوم اللى كان فيه مباره مصر والجزائر طلعت من الدوام الساعه 8 في الليل المهم رحت صوب السوق دخلت المواقف وخبركم المواقف الحين بفلوس دخلت وكان فيه زحمه في المواقف دخلت وعلى طول طلعت يادوب يمكن ماتجي عشر دقايق وقفت عند المحاسب مال الخروج عطيته الكرت مال الدخول قال 3 ريال دفعت المبلغ وطبعن المبلغ مايذكر ولا حاجه بس الكلام شلون الواحد مجرد انه يدخل ولا يحصل موقف يدفعونه المبلغ 3+3+3 الى اخره بتكون الاف وانا متكد ان صاحب القرار ماعنده خبر او راحت عن بالهم وترك لكم الموضوع

[الوعد2016]

نطلب من المكتب الهندسي النظر في الموضوع واعفاء اول نصف ساعه من الرسوم
كل الشكر لصاحب الموضوع لطرح الموضوع ولمناقشته ولتوصيل الفكره للمختصين

[هذلان]

نطلب من المكتب الهندسي النظر في الموضوع واعفاء اول نصف ساعه من الرسوم
كل الشكر لصاحب الموضوع لطرح الموضوع ولمناقشته ولتوصيل الفكره للمختصين

اقتراحك في محله ياريت ينظرون فيه .. انا اكره هالسوق من بعد ماختلطت التنوره القصيره مع عباه الراس . اروح مظطر لمحل معين ولا اقعد اكثر من ١٠ دقايق
ليش ادفع حق ساعه و غيري بيقف مكاني و بيدفع حق نفس الموقف !

[وتبقى الدنيا حلوه]

اي والله لو يعفونا من اول نص ساعه

[Sharshooooor]

عادي هم اصلا يستعبطون نفس سالفة المطار لين يجمعون مبالغ ويتكلمون الناس ويشتكون
بعدها يعطونك ربع ساعة فرصة

يعني بذمتكم مايدرون ان القوانين كلها تنص بهالشي
انا متأكد ان صاحب القرار ماغابت عن باله الفكرة بس حب يكسب مبدئيا ولاثارة جدل لاغير

[بيرق_المجد]

نطلب من المكتب الهندسي النظر في الموضوع واعفاء اول نصف ساعه من الرسوم
كل الشكر لصاحب الموضوع لطرح الموضوع ولمناقشته ولتوصيل الفكره للمختصين

ان شاء الله يوصل لهم الكلام وهم فيهم الخير والبركه بصراحه المكتب الهندسي فيهم الخير وهم حرصين على كل شي

[بيرق_المجد]

اقتراحك في محله ياريت ينظرون فيه .. انا اكره هالسوق من بعد ماختلطت التنوره القصيره مع عباه الراس . اروح مظطر لمحل معين ولا اقعد اكثر من ١٠ دقايق
ليش ادفع حق ساعه و غيري بيقف مكاني و بيدفع حق نفس الموقف !

شاكر لك على المداخله وان شاء الله بيعطونا اقل شي لو ربع ساعه

[فارس قطر333]

في هاذي معاك حق والله

رسوم دخول ليش اذا انا ماراح القى موقف يعني دخلتي على الفاضي وادفع مقابلها فلوس

والله حرام

[بيرق_المجد]

في هاذي معاك حق والله

رسوم دخول ليش اذا انا ماراح القى موقف يعني دخلتي على الفاضي وادفع مقابلها فلوس

والله حرام

اهلين اخوي والله مانقدر نقول اللى على البوابه مراح اعطيك والدعوه مبلغ زهيد انا حبيت اوضح الدعوه لان بصراحه حتى الى على البوابه من كلامه مكانه راضي بس مغلوب على امره مايقدر

[صاروخ]

نطلب من المكتب الهندسي النظر في الموضوع واعفاء اول نصف ساعه من الرسوم
كل الشكر لصاحب الموضوع لطرح الموضوع ولمناقشته ولتوصيل الفكره للمختصين

السلام عليكم ورحمة الله وبركاتة
حبيت اوضح بخصوص مواقف سوق واقف (( بأنها مؤجرة من قبل المكتب الهندسي الخاص لشركة خاصة بموجب عقد إيجار سنوي للمواقف وذلك لادارة وتشغيل مواقف سوق واقف

واعتقد تحديد رسوم الدخول وغيرة من الرسوم خاص با الشركة المستأجرة
وفيه اشتراكات شهرية للمواقف لمن يرغب .

[الجوكر90]

ههههه
انا ماطب هالسوق خير شر

[وليف قطر]

اول ربع ساعه المفروض يعفى منها الزوار

[بوهلال]

لعلم فقط

رسوم مواقف سوق واقف

تذهب الى الاسر المتعففه في قطر


طبعا قبل لا تاكلوني بقشوري

روحوا المكتب الهندسي الخاص

في سوق واقف وسألوا وفالكم طيب

وبيجاوبونكم لا تخافون مب ساجنينكم ولا بيذبحونكم

[بيرق_المجد]

روحوا المكتب الهندسي الخاص

في سوق واقف وسألوا وفالكم طيب

وبيجاوبونكم لا تخافون مب ساجنينكم ولا بيذبحونكم


اهلين اخوي
مراح يسجنونا ولا يذبحونا
و انا مايحقلى ولا لغيري يسال عن مدخول المواقف ولا السوق كم ولا صافي ارباح السوق وين تروح انا طرحت الموضوع للنقاش وتوصيل الرساله لاصحاب القرار

[doha1]

والله قهر

مره نزلت الشيبه السوق وطلعت بس ماصفيت حتى ودفعوني

القهر انك ماصفيت حتى دقيقه

همهم بس البيزه ولا شسالفه