الفرق بين الزمنين او الجيلين

[اسيــر الليل]

http://t0.gstatic.com/images?q=tbn:oN1cIZTk92GeeM:http://www.pardonthedisruption.com/WindowsLiveWriter/logo_facebook-rgb-7inch.jpg


في زمن الوالد ماكان للكمبيوتر وجود وبعد اختراعه وانتشاره

احنا خلاص

كنا اكبار ,,,والوالد او الجيل السابق ما كانوا مستوعبينه ,ولا كانوا مهتمين

ولا مفتكرين لسبب وجوده

علشان جذي خوفونا,, وحذرونا,, من كل شي مريب ومنها

الكمبيوتر

وخاصة هو شبيه للتلفزيون لا ووصل حق التلفزيون وطافه

واحنا خذنا دورنا ..وقمنا انربي عيالنا

بنفس الاتجاه

تدرون ...مثل واحد قاعد يحارب الواقع والتكنلوجيا على اساس مبادئ

تربى عليها

ومَثل ثاني ,,,الاف داخلين عليك ويدزون الباب وانت من وراء الباب اتقاوم

اكيد بتنهزم

لانه مافي اي تكافؤ في الميزان القوة والدخول

صج احنا اخف من ابائنا في الخوف من القادم.. لانه الجيلين مختلفين نهائيا

لكن في النهاية

استسلمنا للواقع

وقمنا نستخدمه اكثر من عيالنا و

لا اكثر من هاي جبنا لكل ولد وبنت كمبيوتر لمطلبات

العصر والدراسة

واحنا ك اباء وقفنا عند ماسنجير والحين هم داخلين على فيس بوك

ياترى عيالهم بيدخلون

على ايش وايش

وماقول غير ان

اجمل شي في الحياة انك اتقوم بدور المعلم والمربي لعيالك

واتكون اقريب منهم واتشاركهم اي جديد وتشجعهم حتى من بعدك

يقومون بنفس الدور وزيادة

اسيـــــــــرالليــــل

[روح-قطر]

اخاف حزه عيالي يكبرون بيطلع شي ماعرفه واتوهق نفس اباهاتنا واماهاتنا وبيكون كلامي بس نصيحه تحملوا منه وماادري اشفيه ومافيه..

الله يعين من هالتكنولوجيا انا ماحبها ولا اايدها:)..

يسلمووووووووووووووووووووووو

[اسيــر الليل]

اخاف حزه عيالي يكبرون بيطلع شي ماعرفه واتوهق نفس اباهاتنا واماهاتنا وبيكون كلامي بس نصيحه تحملوا منه وماادري اشفيه ومافيه..

الله يعين من هالتكنولوجيا انا ماحبها ولا اايدها:)..

يسلمووووووووووووووووووووووو


هذا هو القادم لعيالنا ايش بيكون

يعطيك العافية

[بيرق_المجد]

الله المستعان عصر التطور مخيف للجيال القادمه

[نسناسة]

حتى لو طلع في المستقبل شي غريب وجديد علينا واهتمووو فيه اولادنااا المفروووض نحاول نفهموا ونتعامل معوو عشان نكون بنفس مستوى اولادنا
زززمان كانو اهلنا الشي الي مابيعرفوو شي عنووو بخلونا نبعد عنوو وبصراحةةة كل ممنوع مرغوووب

بس احنا اليوم غيررر المفرووض ما نكرر غلطة الأهل زمان

[doha1]

كلامك مسمار في لوح

واذا الاساس صح اكيد الانتاجيه المستقبلية راح تكون صح وللابد صح

وع طاري الكمبيوتر بشكل عام استانست لما شفت دعاية المجلس الاعلى للاتصالات اللي فالشارع

صورة طفل جمب لاب توب وفي نصيحه فوق ان اشرح لهم عن مافي هالجهاز من الصغر اعتقد

افضل مستقبلا لان ع كبر مشكله وازمه

كل الشكر مع فائق الاحترام

[المفكــر]

احنا لوقدرنا نتمسك بعاداتنا القديمة وقتها نقدر نقاوم التكنلوجيا

يعطيك العافية

[روح-قطر]

باااااااااااااال بيكون ماعندي شغل الا امسك كل برنامج جديد واقعد ادرسه علشانهم خيرررررررررر بيكون شكبري ادور الراحه من عقب الركضه :)

[قطر دزاين]

دوام الحال من المحال

الله يستر ايش اللي بيجي لعيلنا

[تغلبية]

صحيح .. أجمل شي إنك تشارك عيالك .. وتربيهم وتعلمهم عشان تظمن ان اللي علمتهم اياه وصل ويسوون به
والأجمل أن يكون هناك علاقة صداقة .. بين الأب وولده .. لو واجه أي أمر مستحدث في التكنولوجيا تنكره النفس ..
يعرف لمن يلجأ ... يلجأ لصديقه ووالده اللي علمه على استخدام التكنولوجيا والوالد بدوره يقوم ويربي من حيث الأبن لايدري!

ليس المطلوب منا مقاومة التكنولوجيا لأنها أصبحت عصب العصر اللي احنا فيه ..
لكن الأفضل أن نفقه فيها بما يسد حاجتنا ويسير أمورنا اليومية ولا مانع من الترفيه فيها :)

شكرا على الموضوع الجميل

[غاوي مشاكــل]

اجمل شي في الحياة انك اتقوم بدور المعلم والمربي لعيالك

طرح مختصر ومفيد ووقوف امام القادم من الكنلوجيا خطاء

والتكييُف هو الحل , بحيث تجعله معاك وليس ضدك , وتسيطر

ولا يسيطر عليك