المساعد الشخصي الرقمي

مشاهدة النسخة كاملة : سؤال حق الي عنده شقه في اللؤلؤه


moon_night
18-11-2009, 02:47 AM
انا عندي شقه في اللؤلؤه ولحين ماستلمتها مع ان المفروض تكون جاهزه من سنه ونص

والحين توهم من اسبوعين يقولون لي انها خلصت بس للحين ماوصلت الكهربا:eek5:

ويوم سألتهم بس انتوا الي ماوصلتكم الكهربا قالولي لا كل الابراج
الحين صج هالكلام ولا لا؟؟؟؟؟؟
ahmad79
18-11-2009, 07:44 AM
شقتك في اي برج؟ منهو المطور؟
رحال
18-11-2009, 08:43 AM
أعمل لهم زيارة وأطلع على الموضوع بنفسك

واذا كانت هناك أي نواقص أرفض الأستلام أو أبدي ملاحظاتك

والله يوفقك فيها ان شاء الله
محمد2009
18-11-2009, 07:39 PM
لاتهمل موضوعك خلك صارم وياهم ولوتبي رايي اشتك عليهم واسال مجرب ولا تسال طبيب
moon_night
18-11-2009, 09:39 PM
مشكوريين على الرد

المطور شركة الارض
وايييي صح نسيت اقولكم يوم قلت لهم بتعوضوني قالولي لا
صج قهر
اخوي رحال هم ماراح يسلموني الشقه بس اتصلوا يبلغوني انها خلصت واقدر اشوفها بس اما التسليم يوم توصل الكهربا
اخوي محمد شلون اكون صارمه معاهم يعني شسوي واذا بشتكي وين اروح؟؟

زين محد رد علي الحين صج الكهربا ماوصلت باقي الابراج؟؟؟
الـخـور
18-11-2009, 10:29 PM
اذا عطوج موعد استلام وماالتزمو بالموعد فهنا تقدرين ترفعين عليهم قضية
بشرط ان يكون عندج اثباتات بالموعد الموحدد

ولكن لو وعدوج بيوصولن الكهربا قريب مايحتاي وجع الراس
bond007
19-11-2009, 01:29 AM
اختي .. كلامهم غير صحيح لان البرج رقم 4 فيه ناس ساكنينه من شهر 5 .... والبرج تابع للمتحدة/اللؤلؤة نفسهم .. وطبعا فيه كهربا ..

وانا شقتي في برج La Riviera توهم موصلين الكهربا وباعثين لي رسالة يقولون فيها ان الكهربا وصلت ...
المزن الرياني
19-11-2009, 07:44 AM
اختي .. كلامهم غير صحيح لان البرج رقم 4 فيه ناس ساكنينه من شهر 5 .... والبرج تابع للمتحدة/اللؤلؤة نفسهم .. وطبعا فيه كهربا ..

وانا شقتي في برج La Riviera توهم موصلين الكهربا وباعثين لي رسالة يقولون فيها ان الكهربا وصلت ...



:victory:
moon_night
19-11-2009, 10:45 PM
مشكورين كلكم

كان عندي احساس ان كلامهم مش صحيح

مادري هذي الشقه متى بستلمها
bond007
04-12-2009, 02:14 AM
مشكورين كلكم

كان عندي احساس ان كلامهم مش صحيح

مادري هذي الشقه متى بستلمها


سبب التاخير ممكن يكون من عدة اطراف .. يعني الكل له يد ..
اللي راح وشاف الشوارع في الجزيرة بيعرف ليش التاخير..
المتحدة متاخرين كثير في تطوير البنية التحتية بس يمكن لاسباب جيدة بالنسبة لهم لان اسعار المواد في نزول

وطبعا نفس الشي بالنسبة للمطورين ..

ولا ننسى ان الايرادات قاعدة تقل نظرا لنزول اسعار الشقق، وقلة عدد المشترين .. بالتالي التوفير في البناء (مثال: الغاء الاوفرتايم) يجنب الشركات من تكبد الخسائر ..

الحل الوحيد هو الصبر .. واشالله فالكم طيب :victory:
مستثمر 999
04-12-2009, 02:36 AM
سؤال مهم ارجوا الرد عليه للأهميه

هل صحيح ان رسوم الصيانه تكلف تقريبا بين 3000 -4000 ريال شهريا

هل الكلام هذا صحيح

ارجو الرد لاني على وشك اني اشتري شقه مساحتها 112 متر مربع ب مليون و 300 الف ريال
bond007
04-12-2009, 04:24 AM
سؤال مهم ارجوا الرد عليه للأهميه

هل صحيح ان رسوم الصيانه تكلف تقريبا بين 3000 -4000 ريال شهريا

هل الكلام هذا صحيح

ارجو الرد لاني على وشك اني اشتري شقه مساحتها 112 متر مربع ب مليون و 300 الف ريال



اخوي رسوم الصيانة تشمل استخدام المرافق من نادي صحي وحمام سباحة وجم .... الخ

بس الرسوم تفرق من مطور لاخر .. وبعد تفرق على حسب مساحة الشقة ..

3000 ريال شهريا اشوفه مبالغ فيه ..
انا خبري انه في حدود 100 للمتر سنويا ..

يعني خلنا نقول تقريبا 11,200 في السنه او 933 شهريا (هذا لو كانت الشقة 112 متر)

بس تاكد من الشركة او المطور نفسه..
Qatari2003
04-12-2009, 05:34 PM
الرسوم بين 2500 الى 5000 على حسب حجم الشقة
الرسوم تشمل ليس المبنى فقط بل الجزيرة بعد يعني تدفع حق كل شي حتى التنظيفات والصيانة حق الجزيره وانا سمعت ان في ناس ارفضو استلام شققهم بسبب الرسوم المبالغ فيها

طبعا هذا الكلام صحيح 100% لاني سالت شركة استيكو وهي احد المطورين للمشروع وهذا الشي غير راي رفيجي الي كان على وشك يشتري الشقة
bond007
05-12-2009, 02:17 AM
الرسوم بين 2500 الى 5000 على حسب حجم الشقة
الرسوم تشمل ليس المبنى فقط بل الجزيرة بعد يعني تدفع حق كل شي حتى التنظيفات والصيانة حق الجزيره وانا سمعت ان في ناس ارفضو استلام شققهم بسبب الرسوم المبالغ فيها

طبعا هذا الكلام صحيح 100% لاني سالت شركة استيكو وهي احد المطورين للمشروع وهذا الشي غير راي رفيجي الي كان على وشك يشتري الشقة

الشيخ .. استيكو مش مطور .. اهي شركة تسويق فقط ..
يعني بالعامية دلالوة .. وانت اكيد عارف الدلالوة شيسون في الاسعار .. كل سعر تاخذه منهم اقسمه على اثنين
Qatari2003
05-12-2009, 02:56 PM
الشيخ .. استيكو مش مطور .. اهي شركة تسويق فقط ..
يعني بالعامية دلالوة .. وانت اكيد عارف الدلالوة شيسون في الاسعار .. كل سعر تاخذه منهم اقسمه على اثنين

اخوي رفيجي كان بيشتري الشقة من صاحبها وليس من استيكو. لكن انا سالت شركة استكو وهم عطوني الاسعار واكدها لي واحد لبناني شاري شقة اهناك اريع اغرف وقال يدفع 5000 كل شهر وقال قبل خبروه ان التكيف لانه مركزي من ضمن ال 5000 لكن طلع لا. يعني بمعنى اخر غير مجدية للاستثمار من وجهة نظري المتواضعة وطبعا رفيجي هون عن الشقه لانه مش فاضي يدفع مبالغ على شي يمكن ما يستفيد منه
الدفعات 2500 او 5000 ليست شهرية بل تدفعها مره في السنه يعني تدفع مبلغ محترم واذا كل سنه بما يعدل من2500 الى 5000 شهريا
bond007
06-12-2009, 01:53 AM
اخوي رفيجي كان بيشتري الشقة من صاحبها وليس من استيكو. لكن انا سالت شركة استكو وهم عطوني الاسعار واكدها لي واحد لبناني شاري شقة اهناك اريع اغرف وقال يدفع 5000 كل شهر وقال قبل خبروه ان التكيف لانه مركزي من ضمن ال 5000 لكن طلع لا. يعني بمعنى اخر غير مجدية للاستثمار من وجهة نظري المتواضعة وطبعا رفيجي هون عن الشقه لانه مش فاضي يدفع مبالغ على شي يمكن ما يستفيد منه
الدفعات 2500 او 5000 ليست شهرية بل تدفعها مره في السنه يعني تدفع مبلغ محترم واذا كل سنه بما يعدل من2500 الى 5000 شهريا

اي نعم مثل ماتفضلت اخوي .. الاربع غرف لازم يكون رسومها اكثر ..

خلنا نقول لو كانت المساحة 330 متر للشقة الاربع غرف:
330 متر
x
150 ريال في السنة للمتر
= 49,500 ريال سنويا
يعني حدود 4100 شهريا


خلاصة القول، التكلفة تزيد على حسب المساحة
الدوحة قطر
06-12-2009, 12:57 PM
اخوي صاحب الموضوع الكهربا وصلت لبعض الابراج وانا شقتي وصل لها الكهرباء وباستلمها ان شاء الله نهاية هالشهر

موفق
meromero
06-12-2009, 04:04 PM
متاخرين سنه ونصف وصابر عليهم وبدون شرط جزائي بس شاطرين يسحبو فلوس وبس واسعار خياليه بعدين اني سمعت ان مشروع الؤلؤه توقف فتره كبيره مشان الازمه الاقتصاديه وكثير شركات سحبت عمالها والخ
رجعهم واشتكي من التاخير يمكن ينزلو الك شوي من السعر او يعطوك تعويض
bond007
07-12-2009, 02:16 AM
اخوي صاحب الموضوع الكهربا وصلت لبعض الابراج وانا شقتي وصل لها الكهرباء وباستلمها ان شاء الله نهاية هالشهر

موفق

الشيخ .. من المطور لشقتك؟