+++ "رادارات ذكية" ترصد سرعة السيارات على طول الطريق +++ [الأرشيف]

jajassim

18-11-2009, 06:53 AM

لمت "الراية" أن ادارة المرور والدوريات اعتمدت نوعا جديدا من الرادارات يسمى ب"الرادار الذكي" مزود بكاميرا فيديو وبدون فلاش لرصد السيارات المسرعة على الطرق. ويتميز الرادار الجديد بأنه يرصد السيارات المسرعة في أي من حارات الطريق بخلاف الرادارات الأخرى الموجودة حاليا والتي ترصد السيارات التي تسير في الحارة اليسرى من الطريق فقط.

يقوم "الرادار الذكي" برصد السرعة الزائدة بين نقاط الرادارات الثابتة المنتشرة على الطرق السريعة، حيث يقوم بعملية حسابية يتم من خلالها رصد سرعة السيارة قبل الدخول الى نقطة الرادار وبعد تجاوزها وقبل الوصول الى نقطة الرادار التالية لتسفر في النهاية عن سرعة السيارة على الطريق.

ويهدف ذلك الرادار إلى إيقاف نزيف الطرقات ومواجهة تحايل سائقي السيارات على الرادارات الثابتة، حيث يعمد السائقون الى تخفيف السرعة قبل الوصول الى نقطة الرادار الثابت وزيادتها بعد تخطيه.

وتعتزم إدارة المرور تشغيل هذا النوع من الرادارات قريبا ونشرها على الطرق الخارجية والداخلية بهدف الحد من السرعة والتهور خاصة بعد أن أكدت الإحصائيات المرورية أنها من الأسباب الرئيسية لوقوع الحوادث.

وتتضمن الخطة التي وضعتها إدارة المرور والدوريات لمواجهة السرعة الزائدة للسيارات كذلك نشر عدد من الرادارات في كثير من المناطق، خاصة تلك التي شهدت حوادث قاتلة، كما تتضمن وضع رادارات داخل الأنفاق بعد تكرار الحوادث داخلها، فضلا عن الرادارات المتحركة والمحمولة على السيارات لرصد السرعات الجنونية على الطرق السريعة، يساعدها على ذلك سهولة الحركة والتنقل من مكان لآخر.

معيذر جنوب

18-11-2009, 06:58 AM

ناقص شي واحد رادار عند كل لفة

المنسى

18-11-2009, 07:03 AM

واحنا ناقصين رادارات الله يعينا

الخير كله

18-11-2009, 07:05 AM

ناقص شي واحد رادار عند كل لفة

يستاهلون لعيبه المنتخب.....
اكيد بيزيدون رواتبهم:)

الوفي

18-11-2009, 07:17 AM

هههههههههههههههه مافية الا المرور يخترع شرطي مرور ذكي لا و ذكي جداً ؟

مسكين

18-11-2009, 07:23 AM

ياليتهم حريصين بتفعيل القانون اللي يمنح التفصخ والخدش بالحياء في الأماكن العامة واللي مضرته أشد من زيادة السرعة 10 و 20 كيلو

أدري ناس بيقولون السرعة قتل لأرواح الأبرياء ... والمنكر أليس هو قتل للهوية والعفاف والحشمة

هدهد سليمان

18-11-2009, 07:33 AM

هذا اسمه رادار خبيث!

غير البشر

18-11-2009, 07:36 AM

اخوي جاجاسم يعطيك العافيه

حق الرادارات يجيبون احسن الانواع

والشوارع والزحمه الله بالخير

عشان يكون الرادار مجدي اكثر يخففون الزحمه عشان الواحد يسرع اشوي

ههههههههههههههههههههههه :telephone:

بنت العلي

18-11-2009, 07:37 AM

ناقص شي واحد رادار عند كل لفة

افففففففففففففففففف هاي اللي ناقص بس:nice:

jajassim

18-11-2009, 07:40 AM

هذا اسمه رادار خبيث!

هو حميد ،،،:victory: بس اذا عرفت قيمه منفعته :deal:

كازانوفا

18-11-2009, 07:47 AM

مدخول راااائع رايح يكون
يعني انتبهو لا تسرعون عشان الراتب يتبقى منه على القليل شي ناكل ونشرب منه
الله يوفقهم

وطن

18-11-2009, 07:51 AM

علمت الراية من المنتدى أكيد
من الموضوع اللي انطرح امس

اشك في مصداقيتهم
لانهم ما يتعبون نفسهم ع الاخبار

سوق واقف

18-11-2009, 07:54 AM

هو حميد ،،،:victory: بس اذا عرفت قيمه منفعته :deal:

أخي العزيز جاسم .. هذا ضرر وليس منفعه يعني في طرق حاطين السرعه 80 وخط طويل ؟

الشيء الثاني أنتو ما تتنازلون كلش عن السرعه يعني مثال اذا السرعه 120 أنا أمشي 121 المفروض ما أتخالف حرام والله

الإمارات يتنازلون عن بعض الكليو مترات ...

قبل لا تحطونهم أولا
1- لازم تغيرون سرعه بعض الطرق السريعه الي حاطين فيها السرعه 80 كيلو مثل خط علاء الدين وغيره

2- الطرق السريعه مثل خط الخور 120 شوي على الأقل 140 أو التنازل عن كم كيلو متر ؟

الرادارات تحت الجسور 60 يا خوي ليش 60 والله

الشيء الثاني اشارات الجامعه أقسم الله تفتح ثانية وتسكر وما تلحق سيارة تطلع الى واهي مسكره وصايدك الرادار

أولا لازم تعديل بعض الأمور قبل وضع هذا الرادار

وأنا معاكم ...السرعه كلت شبابنا صح ولكن وان تعددت الأسباب فالموت واحد

stocker

18-11-2009, 07:56 AM

السلام عليكم ورحمة الله وبركاته

الله يجزي المرور الخير والله يجزي المفكر المروري على الردرات

بس عفوا هل تعتقد وضع الردرات حل للحد من السرعه والحوادث ؟

واذا بالامكان ممكن تسال المفكر المروري كم حادث صار والسبه من الردرات اللي حطها ؟

سهم متردد

18-11-2009, 08:03 AM

ماشاء الله عليهم

حق الفلوووس مافي احسن منهم اما الزحمة الي كل يوم الصبح نعانيها مافي لها حل الا يوقفون هل الشرطي المسكين كل صبباح على الدوار (صج الله يعينه)

مضاربه

18-11-2009, 08:15 AM

مشكله بلادنا كل شي يسوونه على بالهم انهم مختلفين عن باقي الدول ومميزين والله اشوفه تخلف تسرع 85 يصيدك رادار ليش ماتخلونها 40 بس بنبيع مواترنا وبنشتري سياكل اوفر لنا وارخص ذيك الساع بنشوف المرور بيطلعون لهم سالفه يديده علشان ينهبون فلوس الشعب المسكين الراتب ينزل ويروح حق كيوتل وحق الرادارات وحق مكاتب الخدم هههههههههه شر البليه مايضحك

هام السحاب

18-11-2009, 08:36 AM

مطيع الله

18-11-2009, 08:47 AM

اشلون الدولة تقدر تحمي المستهلك من التاجر الجشع؟
اذا التاجر ماخذ الدولة قدوة:(

العلم الوكاد

18-11-2009, 08:51 AM

والله من الزحمة

توقف في الزحمة وتشوف الرادار جنبك

وتفكر اش بيصيد اذا الزحمة معدية الرادار

rashid alkubaisi

18-11-2009, 08:56 AM

يفكوووووونا من كثر الرادارات ويسون (( الشرطي الذكي )) رجل ألي في كل سياره :tease:

مداوي القلوب

18-11-2009, 09:08 AM

هذا اسمه رادار خبيث!

ههههههههه

أنا بقولك شالسالفه
أصلا مثل مانت عارف أن الرادارات شوي اللي في الدوحه
وخاصة المتحركة
فمافي أي إشكالية يزيدوا حبتين رادار

بوسعد قطر

18-11-2009, 09:22 AM

السلام عليكم ورحمة الله وبركاتة

أخــوي جـــــاســـم

يعني ما أتوصيني أشتري سيارة جديده مرسيدس 2010 حجم 500 أس ؟

أنا أوصي الشباب يبيعون سياراتهم ويشترون سيارة مش اربعه سلندر لا ثلاث سلندر احسن ..

والله تدري اخوي جاسم ذكرتني بالسوزكي القديم 79 ثلاث سلندر ....

http://qatarshares.com/vb///attachment.php?attachmentid=20003&stc=1&thumb=1&d=1250562111

عساهم بس ما يحطون رادارات بالبر ......

Riku3

18-11-2009, 09:25 AM

انه خاطري افهم مافي اداره فالداخليه الا المرور :rolleyes2:
ودي اسمع في يوم ان اداره الامن الوقائي استخدموا اجهزه جديده
ودي اسمع في يوم ان اداره خفر السواحل استخدموا مكاين سرعتها اكثر من 350
ودي تشوف الهم و شلون سوى :omen2:

عيل نفق و السرعه 80 ليش مسويين نفق عيل
والحين رادارات ذكيه كملت
الفلوس والدخل العالي وين ؟ .. هذا المهم :victory: .. مشروع مربح ورأس المال يرجع في يوم وبعدها صاااااااافي ارباح .

انا ما اكره النظام ، ولكن بنفس الوقت لازم يراعون الزحمة وان الكل متأخر وببعض الاحيان نجلس بالساعة في طريق مايستاهل 15 دقيقة فأكيد الواحد يبي الفكه :\ .

ولازم يراعون سرعة الطرق لان السرعات الحالية ماهي منطقية ابداً .. طريق سلاح الجو مثلاً .. شارع جديد ورائع 3 سيود + مكان كبير على الاطراف يعطيك انطباع انك في شارع دولي ماشاء الله واخرتها حاطين لوح السرعة 80 ؟؟؟ .. واتوقع بعد الافتتاح الكامل لو بيرفعونه بيكون 100 ...... شوي صراحه ولازم اقل شي 120 ولين نوصل قريب المايروت ينزل 100 ..

وامثله كثيرة مثل العسيري وغيره كلها امور لازم ينظرون لها بحيادية وليس بآراء شخصية .

يعطيك العافية جاسم :] .

ذهب

18-11-2009, 09:29 AM

اذا في رادر ذكي توجد ايضا اجهزه ذكيه في امريكا باطلبها بألف ريال ولا اقعد كل يوم يصيدني رادر ب 500 ريال اجهزه كشف الرادر في امريكا تكشف لك اي جهاز متحرك على الطريق يعني تعب على الفاضي يا اخوانا في اداراه المرور ههه

jajassim

18-11-2009, 10:27 AM

Lookout :playball:

أبوهاشل

18-11-2009, 10:39 AM

الي بيحط عاكس على اللوحه بيصيده الرادار الذكي ولا تصويره فيديو

سمو انسان

18-11-2009, 10:50 AM

شالسالفه كل يوم شي جديد .. ياخي بدال ما تضيعون وقتكم في الرادارات والفلوس شوفوا لنا حل مع الزحمه اللي تجيب المرض !! نااااس وايد يرتفع الضغط عندها بسبة هالزحمه والمشكله ما تحركوون ولا تسوون شي .. اللهم قاطين كم من شرطي على كم من دوار واثنين حق مخالفات الحزام واثنين حق المتجاوزييييين !! لا والمصيبه تخالفووووون في الزحمه !!

وثانياً بدال ما تفننون في الاساليب العجيبه واالمميزه في الحصاد ليش ما تسووون برامج توعويه للشباب في المدارس ليش ما تدخلون منهج لطلاب الابتدائيه والاعداديه والثانويه تنصحونهم وتوعونهم عن مخاطر السرعه والمووووت !! ليش ما تكون مخالفاتكم برامج تاديبيه للمسرعييين + مبالغ رمزيه !! ليش همكم الاول والاخير الفلووووس .. شبتسوون في الفلوس .. الحمدلله الدوله في خير ونعمه ومنتم ناقصين الف ولا الفين من كل واحد !!

والسموحه ,, اللي في قلبي على لساني !!

عذب الكلام 1

18-11-2009, 11:03 AM

انا سمعت ان في زياده رواتب العساكر اها الحين فهمت السالفه مبروك مقدمااا وكل عيد وانتو ا بزياده

سهم العرب

18-11-2009, 11:36 AM

اخوي جاسم يعطيك العافية اظن انه ماحايكون في رادار متحرك دام انه بكون الطريق كله مراقب،،، نفس الشي خط دخان بعد والا داخل الدوحة

porsche

18-11-2009, 11:59 AM

انا قررت اشتري سيكل..ارخص واسرع وفي نفس الوقت رياضه..

ahmaaaddd

18-11-2009, 12:02 PM

لاداعي

18-11-2009, 12:08 PM

هذا اسمه رادار خبيث!

:nice:

halah

18-11-2009, 12:11 PM

خلهم يخلصون الشوارع والمشاريع اللي بتفكنا من الزحمة

وعقب حطوا رادارات

لكن جذي لا

الضرب في الميت حرام

وطن

18-11-2009, 12:17 PM

هذول ينفعون
ضد الرادارات

http://www.scottwesterfeld.com/blogimages/tuk1.jpg

أنا ملاحظه الكل صدق الخبر
وهو للحين علمت الراية :)

ومصدرها مب معروووف

فتى الجود

18-11-2009, 12:55 PM

المفروض يركبون في راس كل مواطن رادار

أو يسون خطة خمسية ويبتدون من مواليد 2010

تتركب شريحة في صدر كل مواطن

(( نفس الشريحة اللى حق الطيور ))

وبعدها بيضمنون أن محد بيسرع
على فرض أن واحد كان في الحوش
وصادة أسهال

مايقدر يركض ولازم يتقيد بأصور السرعه

وبهذا نحافظ على القطرين

روح الشمال

18-11-2009, 01:07 PM

هو الظاهر المرور ودها تنافس كيوتل بأي طريقة لشفط جيوب خلق الله وكله معلقين السالفة على السرعه الجنونيه الا مب السرعة الجنونيه فقط حتى تحويلاتكم اللي على طريق الشمال اللي ودت خلق الله الى مقبرة بوهامور جنونية والله في حياتي ماشفت تحويلات بالطريقة هذي ؟!!!!! وزحمة هالشوارع ومشاريع البنى التحتية الناجحة ماشاءالله واللي ماتعوق تجهز !!! ماشاءالله مثاليين في كل شي ؟!!! انا ماشفت خربطة شوارع مثل شورعنا مانقول الا الصبرثم الصبر

دهــن العود

18-11-2009, 01:27 PM

ماعلى البلوى غير الصبر !!!!

الصيـاد

18-11-2009, 01:51 PM

اشلون زادو رواتبهم وسيارات الداخلية اخر موديل وصرفيات

من جيب المواطن والمقيم اهني دور ابتكار طرق البزنس المروري رادار تحت الجسر

رادار يحسب المسافة يقصون علينا يحسب المسافة بنفهم بعدين طريقة عملها وبنتعامل معاها

بحرفنة

وبعدين ليش ما يحطون رادار تحت جسر العلي ولا حيلكم علي الصغير وهم كل يوم طيارة

هل قانون المرور يستثني سيارات الحكومة طبعا لا اعتقد لذلك ما حطوا رادار علشان لا ينحسب

عليهم وينحرج المرور

عواااصف

18-11-2009, 03:51 PM

:eek5:رحنا فيها

Breakaway

18-11-2009, 04:40 PM

خبر ممتاز، بس كيف يقيس السرعة قبل دخول نقطة الرادار كما يقول المقال؟

هذا يذكرني بالرادار اليدوي القديم! : مثلا، الشارع طوله 60 كيلومتر كان فيه شرطي يسجل وقت دخول السائق من نقطة البداية وشرطي آخر في نهاية الشارع يسجل وقت الوصول، وطبعا هم حاسبينها ان هذا الشارع لو مشيت فيه على السرعة القصوى 120كلم ستقطعه في 20 دقيقه مثلا فإذا السائق أستغرق مشواره اقل من 20 دقيقة معنى ذلك انه مخالف ويتم تحرير مخالفة سرعه عليه.

اعتقد هذا الرادار الذكي يعمل بنفس الفكرة.

مافيا قطر

18-11-2009, 05:14 PM

يبون فلوس وخلاص حطوا رادار خبيث ولا حميد السرعه موجوده موجوده عند الشباب

والشباب يعرفون يمشون نفسهم

من الحين حمله على الرادر اللى بيحطونه نرش عليه فليت ولا واحد يوقف فى ويه الكاميرا ويبتسم لهم المرور

نعنى بدال مايفكون الزحمه الموجوده ييضيعون فلوسهم على رادر من وشو

وانا اقول من وين سيارتهم موديل جديد وينك جاجاسم ترد على ردود الشباب

بوعلي 78

18-11-2009, 05:19 PM

انا بس ودي اعرف الشركه إلي تبيع رادارات حق قطر كم ارباحها السنويه؟؟؟؟

..er..

18-11-2009, 05:27 PM

انا بس ودي اعرف الشركه إلي تبيع رادارات حق قطر كم ارباحها السنويه؟؟؟؟

مافي الا قطر تتعامل وياهم :nice:

بوعلي 78

18-11-2009, 05:29 PM

مافي الا قطر تتعامل وياهم :nice:

وشكلها بعد مب ملحقه على الطلبات حق الرادارات الجديده :telephone:

jajassim

18-11-2009, 06:08 PM

أخي العزيز جاسم .. هذا ضرر وليس منفعه يعني في طرق حاطين السرعه 80 وخط طويل ؟

الشيء الثاني أنتو ما تتنازلون كلش عن السرعه يعني مثال اذا السرعه 120 أنا أمشي 121 المفروض ما أتخالف حرام والله

الإمارات يتنازلون عن بعض الكليو مترات ...

قبل لا تحطونهم أولا
1- لازم تغيرون سرعه بعض الطرق السريعه الي حاطين فيها السرعه 80 كيلو مثل خط علاء الدين وغيره

2- الطرق السريعه مثل خط الخور 120 شوي على الأقل 140 أو التنازل عن كم كيلو متر ؟

الرادارات تحت الجسور 60 يا خوي ليش 60 والله

الشيء الثاني اشارات الجامعه أقسم الله تفتح ثانية وتسكر وما تلحق سيارة تطلع الى واهي مسكره وصايدك الرادار

أولا لازم تعديل بعض الأمور قبل وضع هذا الرادار

وأنا معاكم ...السرعه كلت شبابنا صح ولكن وان تعددت الأسباب فالموت واحد

الله يحييك يالغالي ،، وكلامك درر :nice:

بس وين ( الرادارات تحت الجسور 60 ) اى جسر ؟

بالنسبة لاشارات الجامعة ،، كلامك صحيح ( تم ارسال ملاحظاتك القيمة )

بالنسبة لخط الخور ماعتقد يتعدل الى 140 وحتى خط مسيعيد والشمال ودخان ) باستثناء طريق سلوى ،، :victory: وعلى العموم ،، اتمنى الزيادة الى 130 اما 140 لم ولن ،، :protest:

jajassim

18-11-2009, 06:10 PM

jajassim

18-11-2009, 06:12 PM

علمت الراية من المنتدى أكيد
من الموضوع اللي انطرح امس

اشك في مصداقيتهم
لانهم ما يتعبون نفسهم ع الاخبار

عارفهم ،، بس :telephone:

jajassim

18-11-2009, 06:14 PM

الي بيحط عاكس على اللوحه بيصيده الرادار الذكي ولا تصويره فيديو

كان غيرك أشطر ،، :victory:

هدهد سليمان

18-11-2009, 06:15 PM

يقولون عقب مده من الزمن بيرد العالم مثل قبل .. ما عدا الرادار بيتم والدليل هالصوره

http://imagenic.net/images/olf4i7ceqt7290ds1bvv.jpg

jajassim

18-11-2009, 06:15 PM

مسكين

18-11-2009, 06:42 PM

الأخ جاسم .. طريق سلوى الحين السرعة عليه 140 !

qatar.com

18-11-2009, 07:21 PM

بس كذا بسيطة عجل بتسابق مع رفيجي من الرادار الاول اذا وصلنا الرادار الثاني وقفنا شوي لمدة كمن دقيقة لين ماعدي الوقت عقب نعدية

qatar.com

18-11-2009, 07:31 PM

انا سمعت ان في زياده رواتب العساكر اها الحين فهمت السالفه مبروك مقدمااا وكل عيد وانتو ا بزياده

مشاء الله عليج صدتيهم

إنسان عادي

20-11-2009, 02:48 AM

بس كذا بسيطة عجل بتسابق مع رفيجي من الرادار الاول اذا وصلنا الرادار الثاني وقفنا شوي لمدة كمن دقيقة لين ماعدي الوقت عقب نعدية

هههههههههههه عجيب

وافق شنن طبقة

20-11-2009, 03:25 AM

كل ٍ يحسب ان هالرادرات تنحط حق الشباب,,
هالشي غير صحيح ,, هالرادارات تنحط حق حمايتهم

ياعالم تعانوا مع المرور عشان ارواحكم وفلوسكم بعد ,,
ترى اذبحوا اعمارهم اربع سنوات حملات مكثفة حق التوعية في كل مكان
وانتو تفكرون ان الهدف مادي ,, انزين بدال لاتعاندونهم ,, سايروهم وخسروهم
وشوفوا منو اللي بيستفيد اخر شي ,,

لاهنت اخوي على الخبر المفرح

رحال

20-11-2009, 03:32 AM

الله يستر

هذلان

20-11-2009, 03:48 AM

هههههههه انتو كفو تهنون في الشوارع الي بدت بشاير افتتاحها شوي شوي تبين

لايبه يحطون لكم هالرادار و يطعمون الشارع بكم رادار متحرك عن الحلال و الحرام .

في احد المشاركات من شهر تقريبا ذكرت هالمعلومه عن الرادار و ايضا فيه الرادار المتحرك الي يحطونه بين الشارعين و يصيد من الجهتين .... فنتك الخويا

عقليات مريضه ،، احطهم فوق راسي لو كانت النيه هي الحفاظ على سلامه السائق بس للاسف.. الحقيقه و الاكيد انهم حاطينها عشان الفلوس

ياخي و بكل صراحه افرضو علينا ضرايب و فكونا من هالاساليب الي تحسسك انك فعلا عايش في دوله من دول العالم الثالث .

يبيلك تبرقع هالرادار بخيشه عيش :rolleyes2:

The Blade

20-11-2009, 03:57 AM

يعطيك العافيةي اخوي جاسم واتوقع هذا هو الحل الوحيد لحل مشكلة السرعة وتقليلها قبل المرور من امام الرادار,,
اتوقع انه تم تركيبة على طريق ابوسمرا ,

فويرط

20-11-2009, 04:46 AM

اول شي ... الحمدلله ان في تطور في الحد من السرعة
لان الهدف الاول حماية ارواح شبابنا

ثاني شي ... الجريدة لين الحين تكتب ( إدارة المرور والدوريات ) مع ان هذي الادارة تكنسلت من زمان وصارت ادارتين ، الادارة الاولى ( إدارة المرور ) والاداراة الثانية ( إدارشرطة النجدة - الفزعة ) اما الجريدة مصرة على كتابة اسم الادارة القديمة حتى الان ....

bu 3li

20-11-2009, 04:54 AM

الحين بيتي فالدوحه ودوامي في لفان وكل يوم امشي 140 واخذ ساعه الى ساعه ونص لين اوصل
يعني لين ثبت على 120 ومع زحمة الدوحه .. متى لازم اطلع ؟؟ 5 ولا 5 ونص ؟؟
اللي يبي يطبق الشي لازم يراعي كل الظروف .. ترى مب الكل مينون ولا مطيور
لكن اتقوا الله فينا يا جماعة الخير ..

عندنا تقاطع شارع ازغوى و شارع زكريت .. الاشاره اللي توديك سيده حق محطة طيبه وباتجاه خط الشمال
ماتاخذ 10 ثواني وتصك .. على عكس باقي الاشارات
والتجاوز من اليمين ماله حل عند الاشارات وخصوصاً الدوار اللي تحت جسر الشمال والاشارات اللي تحت نفق اللاند مارك ياليت لو يثبتون ناس هناك .. احنا نلتزم ونتنقع وغيرنا يجي ويدعس خشم موتره

الرافعي

20-11-2009, 09:29 AM

عقليات مريضه ،، احطهم فوق راسي لو كانت النيه هي الحفاظ على سلامه السائق بس للاسف.. الحقيقه و الاكيد انهم حاطينها عشان الفلوس
rolleyes2:

كلام سليم 100%

يعني اللخبطة اللي تصير منهم ما عليها رقيب ولا حد يتحاسب عنها
اشارات مخبطة تفتح ثانية وتسكر
سرعات 60 تحت الجسر ورادارات ويوووووووووووووم شبعوا مخالفات عدلوا السرعة

اشدعوه تبونا نصدق انه هامكم الشباب او ارواحهم

اذا بالفعل تبون المصلحة العامة عدلوا الشوارع وافتتحوها وبسروا على الناس ووفروا لهم كل شي يعني سووا كل المطلوب منكم و بعدين حاسبوهم على المطلوب منهم

مثلا ذاك اليوم 20 دقيقة بس عند اشارة واحدة والسبب عدم توافق الاشارتين مع بعض
اقصد بها اشارة المعمورة مع تقاطع العطية .. تفتح اشارات العطية على ما تفتح الثانية الااللي جايين من صوب السوق المركزي ما لهم مكان

يعني اذا مشواري كله ما ياخذ 20 دقبقةايش تتوقع مني اذا راحت الـ 20 د عند اشارة واحدة اكيد بتصير تجاوزات وسرعة عشان الحق

هذي كوم ونفسية هالبشر كوم
الواحد يبتدي يومه متنرفز ومتوتر