من وين شريت الاضحية ؟ وبكم شريتها ؟ )

[شيط ويط]

http://www.itkallem.com/wp-content/uploads/2006/12/image001.png





باختصار هل شريتوا الاضحية والا ليما الحين ؟؟ ..

وبكم شريتوها ؟؟ وشنهو نوع الاضحيه ؟؟؟

ومن وين ؟؟

وهل بتضحي السنة ذي والا بتطلع فلوس عن الاضحية ؟؟


وشنهي ذكرياتكم مع الاضحية ان كانت فيه ذكريات تذكر

الموضوع بين اياديكم

:shy:

[الأغر]

اشتي اشتري لكن ماشي زلط يا خبره

[حراير قطر]

http://www.itkallem.com/wp-content/uploads/2006/12/image001.png

[/B][/SIZE][/COLOR]

مسكين وعليه عليه هذا كله خوف

يقولكم اسألوا عن الاهل

ما راح اضحي بخرفان باضحي باودم بشريه :tease:

يعطيك العافيه ...

[أبوهاشل]

مسكين هالخروف شكله اول اضحيه سمين وكبير احسن ضحيه

[رمــش الغلا]

ان شاء الله بضحي السنة

وبيكون أول مره مادري شنو الأحسن فلوس وإلا في البيت
شنو الأجر الأكثر
وجزاكم الله خير

[شيط ويط]

اشتي اشتري لكن ماشي زلط يا خبره

نسلفك افا عليك ابشر بعزك يا (عزي) :nice:

[be.happy]

:weeping::weeping:انا عن نفسي كان ودي ادفع فلوس قطر الخيريه امورهم زينه وميسره داخل وخارج قطر
بس امي قالت لازم تذبح

[شيط ويط]

مسكين وعليه عليه هذا كله خوف

يقولكم اسألوا عن الاهل

ما راح اضحي بخرفان باضحي باودم بشريه :tease:

يعطيك العافيه ...


اي مسكين هالخروف .. مذبوح مذبوح :rolleyes2:

والله يستر من اضحية الاوادم وين قاعدين في (فيتنام) :secret:

الله يستر منج شكلج (تخوفين) .. شنهو يقربون لج ( ريا وسكينه ) :shy:

[تغلبية]

ان شاء الله بضحي السنة

وبيكون أول مره مادري شنو الأحسن فلوس وإلا في البيت
شنو الأجر الأكثر
وجزاكم الله خير

في البيت أحسن علشان تحيين سنة مؤكدة نبوية عظيمة
وتستحضرين أمر الله لسيدنا ابراهيم بذبح ابنه اسماعيل عليها السلام
وتشهدين ذبح اضحيتج وتكبرين عليها
وتكون عادة عندكم في البيت ما تنقطع
وفي الأخير هي من الشعائر والطقوس الجميلة في البيت وهي فرحة العيد .


بالنسبة لي إن شاءالله باضحي في البيت اذا الله يسر..

[فتى الجود]

السلام عليكم

بسبب أنى نويت أطلع الأظحية ألى خارج قطر

من أمس دفعت مبلغا لجمعية قطر الخيريه (( لخارج قطر ))

ونسأل الله تعالى أن يتقبلها لوجهة الكريم وأن لاتكون سمعةً ورياء

والحمدالله

[الدوحه 2006]

يعني يجوز اني ادفع فلوس للخارج بدال ما اضحي بنفسي ؟ لانه اشوف غيري احوج مني للاضحيه ؟ وياليت حد يقول لي كم المبلغ تقريبا ؟

[فتى الجود]

يعني يجوز اني ادفع فلوس للخارج بدال ما اضحي بنفسي ؟ لانه اشوف غيري احوج مني للاضحيه ؟ وياليت حد يقول لي كم المبلغ تقريبا ؟

كلامك صحيح 100%

نعم أخوى

عندك حق الصومال والنيجر بــ 250
السودان بــ 400

كوسوفا وألبانيا 850


طبعاً أغلى شي قطر
1300 داخل قطر " سورى"




روح أى مكتب للجمعيات الخيرية اللى بمدخل أى مجمع

((اللاند مارك أو اللولو أو الرويال بلازا بالسد أو فيلاجوا))

وهم عندهم الكوبون والأسعار على حسب البلدان

والحمدالله
بلادنا الخير بها واجد

وناس تضحي عندنا

وأنت ضح برع

[الدوحه 2006]

جزاك الله خير اخوي ..

هنا الخير الحمد لله وايد وغيري محتاج لها اكثر ما عندهم ياكلون

[الهاجرية]

اسعار الاضاحي خيالية جنو وقعدوا
بس لازم بنضحي ان شاء الله محد ضامن عمرة ويكفي انها سنة :)
عسى الله يتقبل من الكل ان شاء الله

[شيط ويط]

مسكين هالخروف شكله اول اضحيه سمين وكبير احسن ضحيه

اتفق وياك شكله راهي :secret:

[شيط ويط]

ان شاء الله بضحي السنة

وبيكون أول مره مادري شنو الأحسن فلوس وإلا في البيت
شنو الأجر الأكثر
وجزاكم الله خير

الاثنين فيهم اجر ان شاء الله .. ولكن اللي في البيت تطبيق واتباع لسنة المصطفى عليه الصلاة

والسلام .. ماقلتي لنا بكم شريتي الاضحية ومن وين ؟؟ :secret:

[الواعد]

طيب سؤال

بخصوص إذا بدفع فلوس للخارج متى اقدر احلق بالضبط ؟؟

وإذا بدفع بالداخل هل صحيح اني ممكن احلق بعد الصلاة ؟؟؟


البعض للأسف مو مهتم بهالموضوع

[رحال]

عن طريق الأهل

[بدون زعل]

انا قاعد افكر ادفع حق جمعية خيريه حق اخوانا المسلمين بالخارج

[عضو قديم]

انا شريتها ب1250 ريال سوري وان شاء الله بضحي به ومن الحوطة اللي في معيذر

[غناتي1]

من معرض الغنم ---

والاضاحي وصلت ب 1200 ريال

[شيط ويط]

:weeping::weeping:انا عن نفسي كان ودي ادفع فلوس قطر الخيريه امورهم زينه وميسره داخل وخارج قطر
بس امي قالت لازم تذبح

عليك وعلى رضا الوالده :)

[المتضرعه لله]

والله كلمت واحد اتعامل معهاه دايما وقلت ابي اضحيه

قال السوري 1400 والسعودي من 1700 والف وتمان ميه والافضل الانسان يضحي ببيته ويكبر ويقرا والضحيه امامه ويشوفها كامله وبصحه وان ياخذ منها الثلث ويوزع الثلثين ويامكثر الفقارى بقطر والمحتاجين خاصه معيذر الجنوبي وابو هامور

[بوعمير]

عن نفسي الاضحية من عزبتي والذبح في البيت كل السنة، منها أجر وسنه ومنها نعلم العيال على شرع دينهم.

الي بيضحي لا يقص شيئ من شعرة أو ظوافرة كما فعل الرسول صلى الله علية وسلم
من العايدين وكل عام أنتم بخير.

[rayyani4ever]

لو احد من الاخون نزل السوق,, يتكرم و يقول لنا كم وصلت اسعار الاضاحي بمختلف انواعها,,,

[بوخالد911]

الله يتقبل

[رمــش الغلا]

الاثنين فيهم اجر ان شاء الله .. ولكن اللي في البيت تطبيق واتباع لسنة المصطفى عليه الصلاة

والسلام .. ماقلتي لنا بكم شريتي الاضحية ومن وين ؟؟ :secret:

باطلع فلوس ان شاء الله

[شلبي]

من معرض الغنم ---

والاضاحي وصلت ب 1200 ريال

صحيح امس كانت بين 1200 -1300
حتى الهرافي

اليوم مدري كم وبعد يومين اكيد بترتفع وتوصل قريبا 1500 ويا ريتها تستاهل :discuss:

[أبورودي]

طيب سؤال

بخصوص إذا بدفع فلوس للخارج متى اقدر احلق بالضبط ؟؟

وإذا بدفع بالداخل هل صحيح اني ممكن احلق بعد الصلاة ؟؟؟


البعض للأسف مو مهتم بهالموضوع

بعد صلاه الاضحي
يمكن الحلق
لانك فوضت الجمعيه وما عليك شي هم وكيلك الان

[بلاهويـــــة]

ان شاء الله باضحي في البيت والله يتقبل ان شاء الله

[ورقــة أمــل]

من هم اللي يستحب انهم يضحون؟؟ وشلون الطريقة

انا ماقدر اضحي في البيت وماعرف شلون هل هو واجب ولا سنة ولا ايش بالضبط

[السهم الحلال]

السلام عليكم

أنا عندي ملحق في بيت الوالد
هل يجوز نشترك أنا والوالد في أضحية واحدة ؟

[فتى الجود]

كلامك صحيح 100%

نعم أخوى
عندك حق الصومال والنيجر بــ 250
السودان بــ 400
كوسوفا وألبانيا 850
طبعاً أغلى شي قطر
1300 داخل قطر " سورى"
روح أى مكتب للجمعيات الخيرية اللى بمدخل أى مجمع
((اللاند مارك أو اللولو أو الرويال بلازا بالسد أو فيلاجوا))
وهم عندهم الكوبون والأسعار على حسب البلدان
والحمدالله
بلادنا الخير بها واجد
وناس تضحي عندنا
وأنت ضح برع

وهذا رابط الأظاحى



http://www.qcharity.org/arabic/pdf/adahifleir.pdf


وهذا رابط جمعية قطر

http://www.qcharity.org/arabic/index.aspx


ومرفق صورة من الأسعار

[Most Wanted]

1500 ريال السوري و1200 الايراني وعلى كلام اللي نتعامل معاه السوري قليل لان موسم وقف التصدير بلش في سوريا

الافضل انك تذبح في البيت على حسب السنه

وكل عام وانتم بخير

[شيط ويط]

في البيت أحسن علشان تحيين سنة مؤكدة نبوية عظيمة
وتستحضرين أمر الله لسيدنا ابراهيم بذبح ابنه اسماعيل عليها السلام
وتشهدين ذبح اضحيتج وتكبرين عليها
وتكون عادة عندكم في البيت ما تنقطع
وفي الأخير هي من الشعائر والطقوس الجميلة في البيت وهي فرحة العيد .


بالنسبة لي إن شاءالله باضحي في البيت اذا الله يسر..

جزاج الله خير على التوضيح

[شيط ويط]

السلام عليكم

بسبب أنى نويت أطلع الأظحية ألى خارج قطر

من أمس دفعت مبلغا لجمعية قطر الخيريه (( لخارج قطر ))

ونسأل الله تعالى أن يتقبلها لوجهة الكريم وأن لاتكون سمعةً ورياء

والحمدالله

الله يتقبل ان شاء الله وانا بعد بسوي مثلك ان شاء الله

[شيط ويط]

يعني يجوز اني ادفع فلوس للخارج بدال ما اضحي بنفسي ؟ لانه اشوف غيري احوج مني للاضحيه ؟ وياليت حد يقول لي كم المبلغ تقريبا ؟

نعم يجوز .. والمبالغ تبتدي من 250 ريال وانت طالع حسب البلد وحسب نوع الاضحية وتقدر تسال الاخوان في الجمعيات الخيرية لان مبلغ الاضاحي تكون عن طريقهم

[شيط ويط]

كلامك صحيح 100%

نعم أخوى

عندك حق الصومال والنيجر بــ 250
السودان بــ 400

كوسوفا وألبانيا 850


طبعاً أغلى شي قطر
1300 داخل قطر " سورى"




روح أى مكتب للجمعيات الخيرية اللى بمدخل أى مجمع

((اللاند مارك أو اللولو أو الرويال بلازا بالسد أو فيلاجوا))

وهم عندهم الكوبون والأسعار على حسب البلدان

والحمدالله
بلادنا الخير بها واجد

وناس تضحي عندنا

وأنت ضح برع


جزاك الله خير اخوي ..

هنا الخير الحمد لله وايد وغيري محتاج لها اكثر ما عندهم ياكلون



جزاكم الله خير :nice:

[روح-قطر]

امس في بيت ابوي نتناقش نعرف واحد من الاهل يجيبهم من السعوديه ويبيعهم كل سنه ناخذ منه هالسنه قال مابجيب لانهم بالسعوديه 1200 وغير اجار السياره وغير وغير يعني بكم بابيعهم بالدوحه بيكون سعر غالي واللي عرفته ان سعرهم وصل 1800..

للحين ماشريت لي شريت بقول:)

[برنس قطر]

في البيت أحسن علشان تحيين سنة مؤكدة نبوية عظيمة
وتستحضرين أمر الله لسيدنا ابراهيم بذبح ابنه اسماعيل عليها السلام
وتشهدين ذبح اضحيتج وتكبرين عليها
وتكون عادة عندكم في البيت ما تنقطع
وفي الأخير هي من الشعائر والطقوس الجميلة في البيت وهي فرحة العيد .


بالنسبة لي إن شاءالله باضحي في البيت اذا الله يسر..


كلام جميل ومنطقي وتمنى الجميع يتقيد فيه علشان عيالنا يشووفون وعرفوون الضحيه وحيااء سنة نبوية

[السعدي999]

لو احد من الاخون نزل السوق,, يتكرم و يقول لنا كم وصلت اسعار الاضاحي بمختلف انواعها,,,

السوري والهرفي السعودي اليوم اسعارهم بين 1200 و 1500 ريال

بحوطة شركة مواشي السوري 1150 ريال

والهرفي ممكن 7 اشهر بسعر 950 ريال حوطه مقابل المقصب

البربري بسعر 500 ريال
الهندي ب550 ريال

وغير الهرفي والسوري لاتفضل عليه تدفع فلوس وتأكل لحم يبيض الوجه

[love1972]

اخواني المسلمين

تذكير لكل من له نية الذبح ،،، لا يجوز له الاخذ من شعره وأظافرة

[طارق]

السلام عليكم

بسبب أنى نويت أطلع الأظحية ألى خارج قطر

من أمس دفعت مبلغا لجمعية قطر الخيريه (( لخارج قطر ))

ونسأل الله تعالى أن يتقبلها لوجهة الكريم وأن لاتكون سمعةً ورياء

والحمدالله


انا سويت نفسك - وحشرني واحد واتهمني اني بخيل واني مب اقطري ولا ابي أجر

قتله ياخوك بدل ماضحي ابخروف اب 1000 في قطر - اضحي ب 3 بنفس السعر في الدول المسلمه الفقيره

[فتى الجود]

الله يتقبل ان شاء الله وانا بعد بسوي مثلك ان شاء الله

منا ومنكم



انا سويت نفسك - وحشرني واحد واتهمني اني بخيل واني مب اقطري ولا ابي أجر

قتله ياخوك بدل ماضحي ابخروف اب 1000 في قطر - اضحي ب 3 بنفس السعر في الدول المسلمه الفقيره

ياخوك ترفع النيات قبل الأعمال

والله يعلم بنيتك قبل عملك

وهذي الأعمار ماهلا علاقة بقطرى أو غير قطري

والله يتقبلها منك

[..er..]

الحمدالله خذت لي ثنين طلع الواحد بـ 1400 :secret:


وكلها كم يوم واصير سفاح الفريج :nice:

:victory:

[يراعٌ فراتي]

ياجماعة ممكت تدلوني على مكان تكون اسعاره مقبولة يعني بين 1000 - 1100

سوري

[بحر العذاب]

انا لحين ماشريت مادري من وين أشتري لأني سمعت أن الاسعار مابين 1200 الى 1400

أرجو الافاده من أصحاب الخبره

[ahmaaaddd]

شريت والحمد لله من حوطة اللي في معيذر
اثنين واحد على 1150والثاني 1200 ونوعهم سوري مقصوص
ونسأل الله القبول وان شاء الله بدفع بعد لجمعية عيد الخيرية حق فلسطين (((((((((((( غزة ))))))))) وهم أولى من غيرهم والأجر على قدر المشقة والتكلفة وبالذات اذا كنت في ضيق مالي لاجل ان يوسع عليك مثل ماوسعت على عباده
وأسأل الله لي العفو والعافية وسعة الرزق

[استغفرالله]

السوري والهرفي السعودي اليوم اسعارهم بين 1200 و 1500 ريال

بحوطة شركة مواشي السوري 1150 ريال

والهرفي ممكن 7 اشهر بسعر 950 ريال حوطه مقابل المقصب

البربري بسعر 500 ريال
الهندي ب550 ريال

وغير الهرفي والسوري لاتفضل عليه تدفع فلوس وتأكل لحم يبيض الوجه

وين حوطه شركة المواشي

[شيط ويط]

ياجماعة ممكت تدلوني على مكان تكون اسعاره مقبولة يعني بين 1000 - 1100

سوري

في الحوطه اللي في ام صلال .. لكن على 1200 ريال :secret:

[شيط ويط]

اسعار الاضاحي خيالية جنو وقعدوا
بس لازم بنضحي ان شاء الله محد ضامن عمرة ويكفي انها سنة :)
عسى الله يتقبل من الكل ان شاء الله

اللهم آمين

[هتـان قطر]

سمعت اليوم والعهدة على الراوي..ان الاضحية وصلت 2200 ريال :eek5:

معناتها ان الاغلبية بيضحون خارج البلد..والمساكين عندنا ينطرون اللحم يجيهم

[شيط ويط]

سمعت اليوم والعهدة على الراوي..ان الاضحية وصلت 2200 ريال :eek5:

معناتها ان الاغلبية بيضحون خارج البلد..والمساكين عندنا ينطرون اللحم يجيهم

لا لا تو ماتش 2200

اليوم وصلت 1700 ريال :shy:

[بو الطيب]

ضحية ب900 ريال سعودي

[نسناسة]

صراحة مابنحس بفرحة العيد الا بعد الذبح
الله يعطي الكل من خير الله ويبارك في كل من تذكر اهلو وناسو
والناس المساكين
يارب عيد الأضحى الجاي أشهدو معكو ويعطي الكل طولة العمر
كل عام وانتو بخير

[العلم الوكاد]

1700

ولله الحمد

حتى الاضاحي بعد التجار مستغلينها

ولا حرمة للمشاعر الدينية

الله المستعان

[جوال 11]

الحمد لله الجمعيات الخيرية وفروا الاضاحي بأسعار طيبة وكثير من المسلمين قي حاجة لهذه الأضاحي

[المتألق]

شريتها 1200

من سوق العنم

خروف سوري