اقتراح طريق سلوى

[كلاسيك قطر]

السلام عليكم ورحمه الله وبركاته

اخواني تعرفون طريق سلوى شارع حلو ووسيع

وانا رايح الدوام مع اخوي الكبيرعلى طريق سلوى قالي اخوي لو يحطون محطات في طريق سلوى بيكون احسن

لانه من الدوحه الين ابو سمره مافي اله محطتين محطه ابو نخله ومحطه الرمزاني

ومن ابو سمره الين الدوحه وله محطه

جذي بيكون مب شي والله

لانه اذا احد جاء من الخارج وخلص البترول ع الطريق بيتوهق

وانتو شاريكم في الاقتراح

[الموضوعي]

واتمنى انهم يرتقون شوي نفس أبوظبي واوربا ويخلون السرعة 140 بدل 120 على طريق سلوى

[دكتورة روح]

بس في رجعات للمحطات ؟؟ صح ؟؟
هو صحيح لو يحطون كذا محطة يكون افضل

[كلاسيك قطر]

ونبي محطات جديده مو نفس محطه الرمزاني

جذي مب شي والله

[ثاني]

نتمنى من وقود انشاء محطات في طريق سلوى.

[كلاسيك قطر]

يالله خلنا انكلمهم يسون محطات في طريق سلوى

[ahmed jasim]

وأنا أشوف الطريج كله من الدوحة لين الأحساء مافيه خدمات
لا السعودية ولا قطر مهتمة به
كل واحد معتمد على الثاني
لو يعطونه شركة تهتم به أحسن

[jajassim]

كلامك جميل

يفضل ترسل اقتراحك هنا

http://www.woqod.com.qa/net/arb/others/feedback_arb

[كلاسيك قطر]

كلامك جميل

يفضل ترسل اقتراحك هنا

http://www.woqod.com.qa/net/arb/others/feedback_arb

تم المراسله معاهم وانتظر الرد

[الماليه]

اخوي سحيم ملاحظه جميله ولو تلاحظ ان المحطات اللي ذكرتها كلها وانت رايح لبوسمره بس وانت داخل الي الدوحه ولا محطه صح

[زمن الغدر]

اقترح يخلصون الجسر الي خاسوا وهم يسونه

وسوى ازمه للي يروح الصناعيه
فديت الامارات

[واحد في حاله]

ابد يعطوني تصريح لمحطه وابشروا بالخير:p

[كازانوفا]

اقتراح حلو
بس السرعه تزيد اكثر عن 120 لا خلنا على هذا السرعه مؤدبين احسن

[الدوحي7]

احلى شي محطه الرمزاني من احلى محطات العالم ههه،والله اذا اروح في موتر من مواتري رنقه 22 والله اخاف خوف من البنشر داخل المحطه مسامير حصى حفر تقول داخل لعبه الحصن،، ههههه،،

[ANONYMOUS]

الطريق مش 700 كيلو..

محطتين وانت رايح كفايه..

وانت راد.. ضروري تكون في محطه..

بس اذا مصّر على رايك.. انا اتمنى يكون في فنادق على طول الطريق.. ومطاعم مندي :)

[شيط ويط]

خوش اقتراح

[روح الشمال]

والله انا اقترح على هذا الطريق يكون منطقة ابراج وفنادق ومجمعات تجارية كوجهه للبلد نفس شارع الشيخ زايد وانت داخل دبي بيكون منظر قمة في الروعه وراح يكون انتشارفي الرقعة السكانية وعدم التكدس في مكان واحد

مجرد اقتراح ووجهة نظر

[كلاسيك قطر]

مشكووووووووووووورين والله ويزاكم الله الف خير

وانا الحين ارسلت رساله لموقع وقود وانشاءاله اوشوف رد منهم

[كلاسيك قطر]

لحد الان لم يتم الرد علي


حسافه

[الدوحي7]

لحد الان لم يتم الرد علي


حسافه

لايئس معا الحياه ،، حاول مره ثانيه،،

[كلاسيك قطر]

حاولت مافي فايده

واذا احد يعرف الي شتغلون

ياريت يكلمهم او شي والله

[بوخالد911]

نعم وبقووة

ونبي محطات جديدة
فييها كل الخدمات
وتعمل ع مدار الساعة


لا هنتواا

[كلاسيك قطر]

مشكوووووور يا بوليد

[M!$s ĀŁ!eN]

ان شاء الله اخواني ..
موضوعكم في النظر .. لا تخااافون .. ينجوف فيه ان شاء الله
وين اهم خلي يخلصون من المشااريع اللي بدوحه عشان يلتفون االلي برااا .. يعني
قريب بدو ..
انجوف محطااات .. في الحدود ..
اللي تكلم عن الامااارات اكبر من قطر .. يعني 3 ساعات من بوظبي الي دبي
وساعتين من بوظبي لين العين
يعني المساافات كبيره ..
احنا بقطر مساافات قليله بداخل الدوحه .. وفيها محطات كل 20 متر << بالغت شوي
يعني الكورنيش مااافي الا وحده ..
وحظ الخور بعد في الطريج اروحه ومحطه
الرده محطه بدايه الحط انتي راجع الدوحه

تبي يكون في انتباه لمحه بترول في الخط .. السلوي الحدودي
يااليت لو يسون فندق او مرافق في المنظقه الصحراويه ..
والله لان العااالم تجي وتقابل .. مساحه من البر والصحراء


انا اقترح لو يسون فندق الاستراحه مثل ما اشوفه في امريكا .. بين الولاياات .. موتال ( فندق) بعرفه ..
والله انا اشوفه حلوو بس يكون راقي .. هب مرعب ومرتع الوحوش وخاااصه ان السفر بعيد عن الحياه
ولا شرايكم

[رجل الجزيرة]

وأنا كتبت لهم رسالة وجزاكم الله خير على التنبيه.

[كلاسيك قطر]

وأنا كتبت لهم رسالة وجزاكم الله خير على التنبيه.

يالغالي انت رسلت رساله وانا صارلي سنه اطرش رساله ومافي رد ع الرساله

[رجل الجزيرة]

يالغالي انت رسلت رساله وانا صارلي سنه اطرش رساله ومافي رد ع الرساله

سنة كاملة ولا أحد منهم رد عليك بكلمة "شكر" إن لله وإنا إليه راجعون.