ممكن مساعدة ؟؟؟؟

[YOUSEF MAMA]

ممكن حد يساعدنى ويقولى كيف يقدر ارتب سفر الى ماليزيا

عشان شهر عسل لمدة اسبوعين وايش افضل الفنادق الى تكون اسعارها معقولة ..

هل القطرية ممكن تعطيني عرض حلو ؟؟ ولا احجز عن طريق السفريات ؟؟

ولا عن طريق النت ؟؟

انا سمعت عن الشركة العربية للسياحة ..

ايش رأيكم فيها اذا في حد جربها ؟؟

وشكرا للمساعدة

[YOUSEF MAMA]

ليش ما في مساعدة من الاعضاء ؟؟

معقول استفسارى صعب ؟؟

[غير البشر]

ان شاء الله الاخوان يفيدونك

عمري مارحت شرق اسيا :rolleyes2:

يا الخليج او المتوسط او اوروبا بس ههههههههههههههه

وماعرف شي عن السفريات :(

كل تذاكري والفنادق احجزها عن طريق النت <<<< الكسل مشكله :discuss:

ههههههههههههههههههههههههههههههه

تبي حجوزات عن طريق النت اقدر اساعدك شي ثاني ماعرف :(


بالتوفيق يارب :nice:

[استغفرالله]

احجز انت التذكره والفندق-الميريديان او الهيلتون

وفنادقهم حلوه شوف اللي يناسبك من ناحية السعر والاقرب لمركز التجاره العالمي

وفي كل فندق بتلقى شركات عندها رحلات سياحيه مع البروتشر للرحله

اختر اللي تبيه

[وارث العز]

مبروك مقدما

[سياتل]

نصيحه عشان يتبارك العرس ان شاءالله

أول كم يوم روح عمره عقب سافر

ومبروك مقدماً

[سياتل]

http://www.sfari.com/forums/sfari15/travel43547/

وشوف هالعنوان بيفيدك في بعض الاشياء

[مسباح عاج]

الف مبروك مقدماً

بالنسبة للطيران ، ممكن تاخذ طيران الامارات أو القطرية ، لكن الطائرات قديمة وأوقاتها غير مناسبة.

انصحك بالنسبة لكوالالمبور تسكن في فندق مندرين أورينتال بجوار ابراج بتروناس التوأم والحديقة المائية
أو فندق الريتز كارلتون أو الماريوت بجوار شارع العرب ، والمدينة حلوة وفيها أسواق وحدائق ومولات زينة
وأنصحك بزيارة جنتنغ هاي لاند (الألعاب الثلجية)

بالنسبة لأسعار الفنادق فأن أفضل سعر يكون لسفارة دولة قطر ، انصحك تحجز عن طريق السفارة
الحجز مضمون وأرخص من سفريات الدوحة .

وممكن تزور جزيرة لنكاوي ، وتسكن فيها ثلاث أو أربع أيام ، فيها منتجعات وفنادق ممتازة .

بالنسبة للمواصلات في كوالالمبور ، انصحك تستخدم سيارات الفنادق (بريميم تاكسي) ولا تلجأ للتاكسي العادي إلا للضرورة القصوى.

وهناك موقع اسمه دليل ماليزيا ، مفيد جداً لك.
http://www.daleel-malaysia.com/

[HAMAD9030]

فندق مدرين وايد حلو

[بوراشد 66]

مندرين او الريتز او الماريوت في كولامبور - شارع العرب

والحجز من اي سفريات

وعقب عندك - جنتنج - منطقة باردة - فيها فندقين بس مالت يوم واحد
بينج + لنطاوي جزر -

جو غريب حر + رطوبة + مطر

انا عن نفسي ماعجبتني ... لو تغير افضل ..

[export]

الف مبروك مقدما
اخوي روح ماليزيا وانت مغمض
ورتب رحلتك عدل قبل السفر
كوالالمبور + بينانج + لنكاوي+ جنتينج + سن واي لاجون + والافاموسا
عندك سن واي لاجون فيها فيلا تشمل حمام سباحه داخلي شي موطبيعي
الافاموسا : مكان جدا مميز من اكواريوم + حديقه حيوان + عروض سيرك رهيبه بالاضافه اذا حبيت الاقامه توجد فلل تشمل حمام سباحه خاص
وكوالالمبور اسكن في ميلينيام فندق روعه وفخم وسط شارع العرب
بينانج اسكن في شينغرالا 5 ستار
لانكاوي عندك فندق الشيراتون
واي استفسار حاضر ياعريس

والف مبروك وعقبال السفره الثانيه مع الاولاد

[OM_almayasa]

انا اقول روح اي مكان في ماليزيا الا لانكاوي مب حلوه او حر او حشرات او مادري اش اوصفها مع انا سكننا في الشيرتون
المكان الحلو بعد كوالالمبور بيننغ