الخطوط الجويه القطريه ...مرة اخري

[hot2000]

الى متى وخطوطنا الوطنيه لغير القطريين

السالفه الاولى:-
لدي صديق في دوله شقيقه مجاورة وقالي ان رايح ماليزيا في عطله الصيف وعلى الدرجه الاولى وقتله على اي خطوط قالي بالحرف الواحد على ارخص خطوط بالعالم وفئة خمس نجوم وقالى خطوطكم الوطنيه:eek5:

السالفه الثانيه:-
فكرت في عطله الربيع ان اتوجه للندن ورحت مكتب القطرية وقالت لي بيوم الفلاني وبالتاريخ الفلاني وعلى الدرجه الاولى بتكون 17500 ريال ذهاب وعوده.
وبعد بكم يوم رحت البحرين وباقي على الطيارة وايد قلت خلني اروح اسأل عن تذكرة لندن ويالها من مفاجأه
نفس اليوم والتاريخ 10400 ريال
7000 الاف ريال فرق بين الدوحه والبحرين والمسافة 20 دقيقة وتذكرة البحرين 900 ريال
الى متى
الى متى
الى متى

ودمتم في رعايه الله وحفظه،،، ،، ،

[قطري هامور]

إلى ان يأتي الله بالفتح أو أمر من عنده سبحانه

[دورني]

حدث فلا حرج ..

[كازانوفا]

عليك بالدعااااااااااااااااااااااااااااااااااااء
ما لنا غير الله

[saranay1]

ابي اعرف وين المسؤلين عن الباكر
ليش هاي الاسعار ما تنطبق الى على اهل البلد ..
من كثرنا
حسبي الله ونعم الوكيل

[rashid-1]

ابي اعرف وين المسؤلين عن الباكر
ليش هاي الاسعار ما تنطبق الى على اهل البلد ..
من كثرنا
حسبي الله ونعم الوكيل

السلام عليكم

أعتقد من وجهة نظري معاهم حق في تخفيض الأسعار للأجنبي لأن الأجنبي ينزل ترانزيت ويهدر وقت طويل ويتبهدل من مطار لمطار عكس اللي يطلع من الدوحة فأنه يصل لبلد الوصول بدون تعب وبدون توقف


لكن أنا أتفق معاكم بأن يكون للمواطن القطري حظ في تخفيض التذكرة

وشكرا

[ملسونه]

لا حووول ولا قووة

[عبدالرحمن]

السلام عليكم

أعتقد من وجهة نظري معاهم حق في تخفيض الأسعار للأجنبي لأن الأجنبي ينزل ترانزيت ويهدر وقت طويل ويتبهدل من مطار لمطار عكس اللي يطلع من الدوحة فأنه يصل لبلد الوصول بدون تعب وبدون توقف


لكن أنا أتفق معاكم بأن يكون للمواطن القطري حظ في تخفيض التذكرة

وشكرا

يالحبيب يقولك البحرين تقول الاجنبي يتبهدل ويهدر وقت طويل(بعدين شعلينا منه يتبهدل ولا مايتبهدل احنا الى متبهدلين وخالصين) ياخي ضبط وقتك انك تروح مثلا قبل الاقلاع بساعتين ولا 3 بالكثير وسافر الله لايهينك البحرين ترانزيت وانت درجة اولى لاتنسى بسط في الصاله وتسوق في سوقهم (السوق الحرة) خوش سوق شوي الا يعلنون عن اقلاع الطائره ووفرت على عمرك 7000 والله مب شوي وخصوصا انت لمن تسافر لندن ماتروح بروحك وياك ناس واضرب العدد في 7000 شوف الفرق اعتقد الفرق كفيل انه يغطي اقل شي مصاريف سكنك لمده اسبوعين هناك
ياراعي الموضوع عطني رقم المكتب الي استفسرت عنده ولا تهون بحجز حق هالصيف

[AL_MUTAEM]

شي مش غريب ولا ننسى ان الخطوط القطريه لغير القطريين ....!

:anger1:

[فارس قطر333]

استغفر الله مادري لين متى بتمون يستخفووووون بالشعب القطري

واحنا بس دفع واحنا ساكتين والله قهر

[وتبقى الدنيا حلوه]

ابي اعرف مالك خطوط الطيران ليش حاقد على القطريين !

[قطري33]

طائرات القطرية اللي على خط ماليزيا مافيها درجة اولى :) رجال أعمال فقط

[BuFaisal]

ابي اعرف مالك خطوط الطيران ليش حاقد على القطريين !

لانه ماهو منهم

[rashid-1]

يالحبيب يقولك البحرين تقول الاجنبي يتبهدل ويهدر وقت طويل(بعدين شعلينا منه يتبهدل ولا مايتبهدل احنا الى متبهدلين وخالصين) ياخي ضبط وقتك انك تروح مثلا قبل الاقلاع بساعتين ولا 3 بالكثير وسافر الله لايهينك البحرين ترانزيت وانت درجة اولى لاتنسى بسط في الصاله وتسوق في سوقهم (السوق الحرة) خوش سوق شوي الا يعلنون عن اقلاع الطائره ووفرت على عمرك 7000 والله مب شوي وخصوصا انت لمن تسافر لندن ماتروح بروحك وياك ناس واضرب العدد في 7000 شوف الفرق اعتقد الفرق كفيل انه يغطي اقل شي مصاريف سكنك لمده اسبوعين هناك
ياراعي الموضوع عطني رقم المكتب الي استفسرت عنده ولا تهون بحجز حق هالصيف

أفهم شقلت أنا بعدين رد ياعبدالرحمن

[أخر الدنيا]

اكبر الباكر وما ادراك ما اكبر الباكر

[yousef545]

محد فاهمني الا انت راشد

الله ايهديكم انشالله

اي شركة طيران في العالم ماشيه على هالنطام

و الدليل دشو موقع طيران الاتحاد جيكو من بوظبي حق لندن بكم

و من قطر ترانزيت بوظبي و عقبها لندن بكم

و نفس الشي طيران الامارات

و نفس الشي القطريه

و نفس شي طيران الخليج

وين النصب الحين ؟

[وسمي2016]

هي كلها عباره عن منافسه بين الخطوط

واحتكار للخطوط المباشره من قطر

ولذلك لو تروح لندن عن طريق البحرين على طيران الخليج

بتشوف

التذكره ارخص لانهم يعتبرونك اضافه الى سوقهم,,,,

تسلم اخوي على الموضوع المهم لكل مسافر من الدوحه,,,:victory:,,,

الله يوفق الجميع