المساعد الشخصي الرقمي

مشاهدة النسخة كاملة : تجربتي مع زراعة الشعر , للصلعان فقط


blackjacket
19-11-2009, 08:08 AM
الموضوع باين من العنوان :nice:
بنزل الموضوع للي يبون او يفكرون يسوون زراعة شعر:)
انا الصراحة كنت اعاني من التساقط و الصلع و مافي دوا ما استعملته ,في ادوية توقف التساقط بس لازم تستخدمها
باستمرار و اذا وقفت الاستخدام يتساقط الشعر ,فكرت اني اسوي عملية زراعة شعر و سئلت في لبنان و فرنسا قالولي الشعر ب دولار و فرنسا ب دولار و نص و بريطانيا انسي تسوى العملية ! شفت ايرانيين ساكنين في بريطانيا و بلجيكا جايين يسوون العملية في ايران عشان السعر و قالوا لي انه هناك في بريطانيا مافيه اقبال من الناس على عملية زراعة الشعر ! هني في الدوحة شفت طبيب زائر في عيدة خاصة قال لي العملية بتكلفك تقريبا 40 الف ريال , المهم عن طريق واحد من الشباب سافرت ايران و شفت اكثر من مركز و اخيرا قررت اني اسوي العملية في المركز الي شفته و شفت صور قبل و بعد العملية لبعض المرضى و الصراحة انصح اي واحد يعاني من الصلع يروح يسوي زراعة لانه العملية بسيطة كلها خمسة ايام و انت خالص هاي اذا المنطقة الخلفية للراس عندك فيها شعر ممكن تخلص في خمسة ايام او اقل و اذا الكثافة قلقلة ممكن في مرحلتين .
واذا بتروحون مكان ثاني يفضل انكم تسوون العملية عند دكتورة مش دكتور و ما تكون كبيرة في السن لانه العملية هذي يبي لها تركيز و بال طويل بمعنى انهم يزرعون شعرة شعرة و الشعر لازم يكون جنب بعض عشان الكثافة تكون كثيرة و الشعر يبين طبيعي ,طبعا اذا بخششت الفنية 500 و 1000 ريال امورك بتكون خالصة,
العملية اسبوع بالكثير و اسبوع بعدها يتم غسل الراس ,ممكن عملية اغسل تسويها بنفسك و بعدها تسوي اسبوع جلسات ليزر كل يوم 20 دقيقة ,هاي ممكن تسويها في الدوحة ,بس انا انصح انه تكون اجازتك 3 اسابيع عشان تخلص كل شي هناك ترجع و لا حد يحس انك مسوى عملية زراعةشعر.:nice:
بالنسبة للتكلفة انا زرعوا لي 10000 شعرة و كلفتني تقريبا 13 الف ريال و نفس كمية الشعر في الدوحة قالوا لي 40 الف ريال ,طبعا هناك عندهم غرف في اي بي يعني تكون بروحك في غرفة خاصة و تدفع فرق بسيط , الصراحة انا عجبني كل شي عندهم والي يبي يروح يسوي زراعة الشتاء احسن وقت ,الصيف هم زين بس الحر يمكن يأذيكم شوي. عندي صور اذا حبيتوا ممكن انزلها لكم , و الي حابب يروح ممكن اعطيه العنوان و فيه واحد هناك ممكن يضبط له الفندق و ياخذ مواعد للزراعة .

على اذنكم بروح اسوي سشوار و احط جل على شعري:nice: <<<<< اصلع سابق
كيفـي
19-11-2009, 08:12 AM
بالتوفيق.. اهم شي مايطيح..:d

بقول لأبوي عشان يكشخ..:)
أسد الجزيرة
19-11-2009, 08:15 AM
مبروك على النيو لوك يبيله حق المستقبل
ودي أكون
19-11-2009, 08:16 AM
زرعوا لك 10000 شعرة

10 الاف شعره براسك :omg:

يمال العافيه :tooth:
أحبك يا قطر
19-11-2009, 08:18 AM
ههههههههههههههه

الف مبرووووك على الشعر الجديد بغيت التفاصيل على الخاص اخوي عندنا اصلع في البيت
halah
19-11-2009, 08:30 AM
عندي سؤال مهم لو سمحت

الشعر المزروع ممكن يطول مثل الشعر العادي؟ وألا يتم على طوله اللي انزرع فيه؟
Bu Rashid
19-11-2009, 08:38 AM
على اذنكم بروح اسوي سشوار و احط جل على شعري:nice: <<<<< اصلع سابق



الحمد لله على السلامه اخوي بلاك جاك ...
الموضوووع مفيد وخفيف الظل .... :)
Sharshooooor
19-11-2009, 08:57 AM
ياخي وينه وينه
وين العنوان >>> جندي اصلع :nice:
Thamer_Qat
19-11-2009, 08:58 AM
مبرووك عليك الشعر الجديد

والصور اللي بتنزلها بتكون للصلعه قبل وبعد يعني عادي بتروينا؟ ولا حق مناظر وطبيعة ايران

موضوع جيد تشكر عليه ومبروك مره ثانيه
مايمدح السوق
19-11-2009, 08:59 AM
يبيله
بس عندي استفسار اذا مليون شعره كم يطلع الحساب :)
eXpert*
19-11-2009, 09:06 AM
يبيله
بس عندي استفسار اذا مليون شعره كم يطلع الحساب :)

عليك الحسبة 10.000 شعرة بـ 13.000 ريال

100.000 شعرة بـ 130.000 ريال

1.000.000 بـ 1.300.000 ريال

أحسن لك أنسى الموضوع
موضي قطر
19-11-2009, 09:12 AM
أهنيك على جراتك اخوي ومشكور على موضوعك خفيف الظل

اللي يشجع غيرك على ذكر تجاربهم مع الصلع والزرع بس

ترى نبي صورة على الخاص عندنا كم واحد خف شعرهم من

قدام من لبس ( البريهه ) ...
Sharshooooor
19-11-2009, 09:14 AM
يبيله
بس عندي استفسار اذا مليون شعره كم يطلع الحساب :)

ليش ليش هالكثر

لايكون بتزرع اذنك بعد واللحية :nice:

ترى 10000 شعرة تكفي وتزيد وتلبي رزه القدله
مايمدح السوق
19-11-2009, 09:17 AM
عليك الحسبة 10.000 شعرة بـ 13.000 ريال

100.000 شعرة بـ 130.000 ريال

1.000.000 بـ 1.300.000 ريال

أحسن لك أنسى الموضوع

ههههههههه من قلب انسى الموضوع اليوم بحاول اسوي دراسة جدوى كم العدد المطلوب :)



ليش ليش هالكثر

لايكون بتزرع اذنك بعد واللحية :nice:

ترى 10000 شعرة تكفي وتزيد وتلبي رزه القدله

ههههه اما اذنك
لا مليون شعره لي وللشباب لانه للحين مب معترفين بالمشكلة الى عندهم مستخدمين تقنيات الخداع والثقة بالنفس :)
سهم مديون
19-11-2009, 09:18 AM
ممكن تطرش صور قبل وبعد العملية !:discuss:
_بوشهاب_
19-11-2009, 09:18 AM
اخوي ممكن الصور لاني بصراحه بديت اقرع من قدام وناوي على زراعه
سنافي قطر
19-11-2009, 12:28 PM
وانا بعد على وجهه زواج واعاني من المرحله الأولى للصلع

يعني 50% نسبه الصلع قدام ومؤخره الرأس

ابي التفاصيل وابي مجموع المبلغ كامل في الثلاث اسابيع ماعليك أمر

والأهم هو صدق الشعر المزروع ينأخذ من شعر الشخص نفسه !!

وهل الشعر عليه ضمان مايرد يطيح مره ثانيه

هل هناك اثار جانبيه فالمستقبل !!

وهل اتعامل مع الشعر بعد العمليه كأنه شعر طبيعي مثل القصات والكريمات !!

اسئله كثيره نطرحها لكم ونتمنى الأجابه عليها << فيصل القاسم خخخخخ

قواك الله
eXpert*
19-11-2009, 12:38 PM
بصراحة انا سمعت مستقبلاً اللي يزرع شعر وخصوصاً اذا كانت مساحات شاسعه راح يعاني من صداع ؟

هل صحيح هذا الكلام ؟
ANONYMOUS
19-11-2009, 01:07 PM
ههههههههه من قلب انسى الموضوع اليوم بحاول اسوي دراسة جدوى كم العدد المطلوب :)




ههههه اما اذنك
لا مليون شعره لي وللشباب لانه للحين مب معترفين بالمشكلة الى عندهم مستخدمين تقنيات الخداع والثقة بالنفس :)


ماسمعت عن المثل اللي يقول

واثق القرعه يمشي ملكا

انا احس اني ملك بصراحه :shy:
ANONYMOUS
19-11-2009, 01:08 PM
بصراحة انا سمعت مستقبلاً اللي يزرع شعر وخصوصاً اذا كانت مساحات شاسعه راح يعاني من صداع ؟

هل صحيح هذا الكلام ؟

الممشكله مش في الصداع


المشكله في السماد اللي بيحتاجه مستقبلا.. عشان يطلع منبت حسن :p
asadfg
19-11-2009, 01:11 PM
اهنيك على جرأتك ونتمنى نشوف الصور
العلم الوكاد
19-11-2009, 01:12 PM
اخاف اعلق ويقولون اصلع

جزاك الله خير اخوي

وهي مشكلة يعاني منها الكثير

وفعلا معلومات قيمة

ما قصرت يا الغالي
السهم الحلال
19-11-2009, 01:13 PM
أنا صلعت بدري وخلاص اقتنعت

الله يخلي الغترة والعقال ساترين الحال
blackjacket
19-11-2009, 01:30 PM
بالتوفيق.. اهم شي مايطيح..:d

لا ياخوي مايطيح و عندهم ضمان يزرعون لك مرة ثانية اذا طاح و ما طلع:)
الشعر المزروع بعد شهر يطيح و يطلع مرة ثانية
يعني ماميش خوف:nice:

بقول لأبوي عشان يكشخ..:)
يستاهل الوالد :)
بس اخاف بعدين يتشجع و يفكر يتزوج واحدة ثانية :eek5:


مبروك على النيو لوك يبيله حق المستقبل
الله يبارك فيك:)

زرعوا لك 10000 شعرة

10 الاف شعره براسك :omg:

يمال العافيه :tooth:
5000 الاف فوليكول يضربونها في 2 تصير عشرة الاف شعرة:nice:

ههههههههههههههه

الف مبرووووك على الشعر الجديد بغيت التفاصيل على الخاص اخوي عندنا اصلع في البيت
حاضرين و جاهزين حق اي استفسار :)


عندي سؤال مهم لو سمحت

الشعر المزروع ممكن يطول مثل الشعر العادي؟ وألا يتم على طوله اللي انزرع فيه؟
الشعر المزروع ماخذينه من راسي من الجهة الخلفيو و الاجناب:) و يطول و مايطيح لين اخر العمر لانه الشعر مايتاثر بالورائة لانه البصيلة مشيوله من خلف الراس , مثل ما قلت بعد شهر او 45 يوم يطيح الشعر و يطلع من جديد:nice:




الحمد لله على السلامه اخوي بلاك جاك ...
الموضوووع مفيد وخفيف الظل .... :)


حاضرين ياخوي و شاكر لك مرورك

ياخي وينه وينه
وين العنوان >>> جندي اصلع :nice:
حاضرين حق جدك نرجعه شباب بو 20 سنة:nice:

مبرووك عليك الشعر الجديد

والصور اللي بتنزلها بتكون للصلعه قبل وبعد يعني عادي بتروينا؟ ولا حق مناظر وطبيعة ايران

موضوع جيد تشكر عليه ومبروك مره ثانيه
لا طبعا صوري قبل و بعد الزراعة طبعا لازم اسوي شوي تعديل عشان محد يعرفني:nice:


يبيله
بس عندي استفسار اذا مليون شعره كم يطلع الحساب :)

اشدعوة مليون شعرة :omen2::eek5: تبي تزرع شعر في كل جسمك:nice:
blackjacket
19-11-2009, 01:48 PM
أهنيك على جراتك اخوي ومشكور على موضوعك خفيف الظل

اللي يشجع غيرك على ذكر تجاربهم مع الصلع والزرع بس

ترى نبي صورة على الخاص عندنا كم واحد خف شعرهم من

قدام من لبس ( البريهه ) ...
ياخوي انا بحط الصور عل عام بس عطوني فرصة اضلل الوجه و اختار لكم كمن صورة:nice:


ممكن تطرش صور قبل وبعد العملية !:discuss:
ياخوي انا بحط الصور عل عام بس عطوني فرصة اضلل الوجه و اختار لكم كمن صورة


اخوي ممكن الصور لاني بصراحه بديت اقرع من قدام وناوي على زراعه
ياخوي انا بحط الصور عل عام بس عطوني فرصة اضلل الوجه و اختار لكم كمن صورة:eek5: ياخوي الصلع عندك ورائة ولا من شي ثاني ؟ في بدايته ولا صار له زمان ؟


وانا بعد على وجهه زواج واعاني من المرحله الأولى للصلع

يعني 50% نسبه الصلع قدام ومؤخره الرأس

ابي التفاصيل وابي مجموع المبلغ كامل في الثلاث اسابيع ماعليك أمر

والأهم هو صدق الشعر المزروع ينأخذ من شعر الشخص نفسه !!

وهل الشعر عليه ضمان مايرد يطيح مره ثانيه

هل هناك اثار جانبيه فالمستقبل !!

وهل اتعامل مع الشعر بعد العمليه كأنه شعر طبيعي مثل القصات والكريمات !!

اسئله كثيره نطرحها لكم ونتمنى الأجابه عليها << فيصل القاسم خخخخخ

قواك الله
الشعر ياخذونه منك من المنطقة الخلفية من الراس يعني اذا الكثافة اوكي ما عنك مشاكل ويخلصونك في اسبوع بس اذا مش اوكي يسوون العملية على فترتين يعني تجيهم بعد شهرين و في حالات ياخذون من شعر الصدر و يزرعونه في الراس :nice:
الشعر يطيع بعد شهر و يطلع مرة ثانية و يعطونك ضمان اذا ما طلع بعد 6 شهور يزرعون لك مرة ثانية :) شفت وايد شباب كانوا زارعين من شهرين و ثلاث و و قالوا انه طاح و طلع مرة ثانية :) بعد العمللية ب اسبوعين تسوى 10 جلسات ليزر و بعد شهرين تسوي 10 جلسات ليزر و هاي كله مع العملية ما تدفع فلوس زيادة.
اخوي المبلغ مثل ما قلت لك الشعرة يمن بريال و ربع او اكثر شوي و عندك السكن تقدر تسكن فندق خمس نجوم ولا 3 نجوم و المصاريف الثانية نفس الدوحة الاكل الوجبة ب 15 ريال :)
الشعر طبيعي و حط جل و كريمات مثل ما تبي هاي بعد ما يطلع الشعر و ما في اثار جانية محد من الي شفتهم ذكر اي اعراض غير انه فروة الراس تكون مخدرة لين فترة بسيطة .
الصراحة شفت اقبال رهيب من الايرانيين الصراحة المواعيد فل لين شهرين قدام و المرشي من شباب و شيبان جايين يزرعون ,تخيل واحد عمره 52 و جاي يزرع شعر:eek5:


بصراحة انا سمعت مستقبلاً اللي يزرع شعر وخصوصاً اذا كانت مساحات شاسعه راح يعاني من صداع ؟

هل صحيح هذا الكلام ؟
انا ما سمعت الكلام و الشباب الي كانوا زارعين من ثلاث او اربع شهور الي قابلتهم هناك في العيادة ما ذكروا هاي الشي:)


ماسمعت عن المثل اللي يقول

واثق القرعه يمشي ملكا

انا احس اني ملك بصراحه :shy:
اهلا يا ملم نورت الموضوع:)


الممشكله مش في الصداع


المشكله في السماد اللي بيحتاجه مستقبلا.. عشان يطلع منبت حسن :p

ياخوي ما يبيله سماد كله شويه فيتامينات من b , zink, folic acid,finastride لمدة 6 شهور بعد الزراعة و تكون امورك زينة:nice:
blackjacket
19-11-2009, 01:55 PM
اهنيك على جرأتك ونتمنى نشوف الصور
ان شاء الله بحط الصور بس اصبروا على شوي:)


اخاف اعلق ويقولون اصلع

جزاك الله خير اخوي

وهي مشكلة يعاني منها الكثير

وفعلا معلومات قيمة

ما قصرت يا الغالي
حاضرين لك ياخوي و علق و خذ راحتك:)


أنا صلعت بدري وخلاص اقتنعت

الله يخلي الغترة والعقال ساترين الحال

ياخوي صج الغترو تستر بس بينك و بين نفسك مشكلة حتى اذا شافوك بدون الغترة بينصدمون فيك:nice:
تخيل واحد من الشباب اعرفه من 10 سنين كلة اشوفه بالغترو و العقال و مرة شفته في المطار لابس بدلة بيسافر, من شفت شعره حسدته عل شعر الطويل , المهم بعد شهر او شهرين شفته في مركز قطر اصلع ولا شعره في راسه و انصدمت انه يلبس باروكة:eek5: الصراحة تشوف شكله تقول عمره تقول 50 سنةهو هو توه 34 سنه:nice:
saranay1
19-11-2009, 01:59 PM
الموضوع باين من العنوان :nice:
تسوي اسبوع جلسات ليزر كل يوم 20 دقيقة ,هاي ممكن تسويها في الدوحة ,nice: <<<<< اصلع سابق

معقوله
اسبوع ليزر
20 دقيقة
وعلى الراس
ايش رايكم بالآثار السلبية لو بعد فترة طويلة
blackjacket
19-11-2009, 02:11 PM
معقوله
اسبوع ليزر
20 دقيقة
وعلى الراس
ايش رايكم بالآثار السلبية لو بعد فترة طويلة

ياخوي الليزر هاي عشان ينشط الدوررة الموية و بصيلات الشعر و مش قوي او حارق , قوتة نفس مشط الليزر الي ينباع في المحلات , حتى هم قالوا لي اذا ما تبي تسوي ليزر هني اشتر المشط و سوه بنفسك , حتي انا اخذت الاعدادات عشان اسوي الليزر في مركز قطر ,قوته طلعت بسيطه كلش, بس سويت الليزر هناك و ريحت عمري:)
ANONYMOUS
19-11-2009, 02:13 PM
اخاف اعلق ويقولون اصلع

جزاك الله خير اخوي

وهي مشكلة يعاني منها الكثير

وفعلا معلومات قيمة

ما قصرت يا الغالي



علقت ولا ماعلقت

اترك عنك

دامك دخلت معانا الموضوع.. طلعت حليف استراتيجي لنا.. لا.. و لاعب اساسي.. مش احتياط

مرحبا بك في عالم الصلعان المثير

:omen2:
شيط ويط
19-11-2009, 02:24 PM
أسالك العملية (تعوّر) :shy: والا لا ؟
جاسم القطري
19-11-2009, 02:24 PM
ههههههههههههههههههههه

على بالي انا الاصلع الوحيييييد بالمنتدى


طلعنا حزب كبير


والله تعودنا على القرعه غتره وعقال ومش حالك

عاد المدام تحن تقولي .... مب متخيله شكلك بشعرررر

والله يبيله ليش لاء

ناطرين الصووور وبالتوووفيق

وتحياتي لاصدقائي الصلعااان
alrheeb2020
19-11-2009, 02:36 PM
ههههههههههههههههههههه

على بالي انا الاصلع الوحيييييد بالمنتدى


طلعنا حزب كبير


والله تعودنا على القرعه غتره وعقال ومش حالك

عاد المدام تحن تقولي .... مب متخيله شكلك بشعرررر

والله يبيله ليش لاء

ناطرين الصووور وبالتوووفيق

وتحياتي لاصدقائي الصلعااان



الله يعينكم ..

انتم السابقون ونحن الاحقون :nice:
QaTaR_OnE
19-11-2009, 02:45 PM
وانا بعد على وجهه زواج واعاني من المرحله الأولى للصلع

يعني 50% نسبه الصلع قدام ومؤخره الرأس

ابي التفاصيل وابي مجموع المبلغ كامل في الثلاث اسابيع ماعليك أمر

والأهم هو صدق الشعر المزروع ينأخذ من شعر الشخص نفسه !!

وهل الشعر عليه ضمان مايرد يطيح مره ثانيه

هل هناك اثار جانبيه فالمستقبل !!

وهل اتعامل مع الشعر بعد العمليه كأنه شعر طبيعي مثل القصات والكريمات !!

اسئله كثيره نطرحها لكم ونتمنى الأجابه عليها << فيصل القاسم خخخخخ

قواك الله


عن اذن راعي المشاركه

بعد بغيت نفس الاستفسارات

ومبرووك على النيو لوك
الماليه
19-11-2009, 02:55 PM
عندي واحد من الشباب جسمه كله شعر بس اصلع
يعني غزاره في الانتاج وبس سوء في التوزيع
بقوله اليوم يروح يزرع بس راسه عود وايد ماعتقد دكتور واحد يكفي
blackjacket
19-11-2009, 03:03 PM
أسالك العملية (تعوّر) :shy: والا لا ؟
اول ابرة في فروة الراس تحس فيها بس بعدين لين يبدا مفعول التخدير ما تحس فس شي :)

ههههههههههههههههههههه

على بالي انا الاصلع الوحيييييد بالمنتدى


طلعنا حزب كبير


والله تعودنا على القرعه غتره وعقال ومش حالك

عاد المدام تحن تقولي .... مب متخيله شكلك بشعرررر

والله يبيله ليش لاء

ناطرين الصووور وبالتوووفيق

وتحياتي لاصدقائي الصلعااان
ان شاء الله بحط الصور


عن اذن راعي المشاركه

بعد بغيت نفس الاستفسارات

ومبرووك على النيو لوك
الشعر ياخذونه منك من المنطقة الخلفية من الراس يعني اذا الكثافة اوكي ما عنك مشاكل ويخلصونك في اسبوع بس اذا مش اوكي يسوون العملية على فترتين يعني تجيهم بعد شهرين و في حالات ياخذون من شعر الصدر و يزرعونه في الراس
الشعر يطيع بعد شهر و يطلع مرة ثانية و يعطونك ضمان اذا ما طلع بعد 6 شهور يزرعون لك مرة ثانية شفت وايد شباب كانوا زارعين من شهرين و ثلاث و و قالوا انه طاح و طلع مرة ثانية بعد العمللية ب اسبوعين تسوى 10 جلسات ليزر و بعد شهرين تسوي 10 جلسات ليزر و هاي كله مع العملية ما تدفع فلوس زيادة.
اخوي المبلغ مثل ما قلت لك الشعرة يمكن بريال و ربع او اكثر شوي و عندك السكن تقدر تسكن فندق خمس نجوم ولا 3 نجوم و المصاريف الثانية نفس الدوحة الاكل الوجبة ب 15 ريال
الشعر طبيعي و حط جل و كريمات مثل ما تبي هاي بعد ما يطلع الشعر و ما في اثار جانية محد من الي شفتهم ذكر اي اعراض غير انه فروة الراس تكون مخدرة لين فترة بسيطة .
الصراحة شفت اقبال رهيب من الايرانيين الصراحة المواعيد فل لين شهرين قدام و اكثرشي من شباب و شيبان جايين يزرعون ,تخيل واحد عمره 52 و جاي يزرع شعر



عندي واحد من الشباب جسمه كله شعر بس اصلع
يعني غزاره في الانتاج وبس سوء في التوزيع
بقوله اليوم يروح يزرع بس راسه عود وايد ماعتقد دكتور واحد يكفي

هاها ها :nice:
مو مشكلة ممكن اثنين يشتغلون على راسه و يخلصونه بسرعة:nice:
دكتورة روح
19-11-2009, 03:09 PM
اخوي بغيت التفاصيل ممكن وووين وكيف وكم ؟؟
بالنتظار
Northman
19-11-2009, 03:13 PM
ممكن اللوك قبل وبعد؟؟
qatar.com
19-11-2009, 03:16 PM
أهنيك على جراتك اخوي ومشكور على موضوعك خفيف الظل

اللي يشجع غيرك على ذكر تجاربهم مع الصلع والزرع بس

ترى نبي صورة على الخاص عندنا كم واحد خف شعرهم من

قدام من لبس ( البريهه ) ...



شفت شلون محد يقدر اقولك وانا اسبح الشعر الي ينزل اكثر من الماي كله من الابريهه
Most Wanted
19-11-2009, 03:23 PM
عندي واحد من الشباب جسمه كله شعر بس اصلع
يعني غزاره في الانتاج وبس سوء في التوزيع
بقوله اليوم يروح يزرع بس راسه عود وايد ماعتقد دكتور واحد يكفي

هههههههههههههههه

ذبحتني من الضحك الله يغربل ابليسك
QaTaR_OnE
19-11-2009, 03:24 PM
ممكن عنوان المستشفى .. ورقم الرجال اللي يرتب الامور

ويعطيك العافيه
الملكة الام
19-11-2009, 03:37 PM
اخي blackjacket


جزاك الله خير على هالموضوع ادري داشه غلط ...


بس ممكن العنوان ؟؟؟ ولدي مثلك ومايفصخ القحفية ابد ...



اختك العوده


الملكة الام
Sharshooooor
19-11-2009, 05:05 PM
وووووووين العنوان :anger1:
doha1
19-11-2009, 05:29 PM
امممممممم والله شي طيب

انا ماتزوجت واعاني اظاهر بعطي اهل المره صورتي وانا صغير ههههههههههههههههههههه

بس تسوي فيني خير لو تبعث لي العنوان الخاص بالدكتوره

لان سبق ورحت وعندي صديق هناك بس ماقلت لي في اي منطقة في ايران

اذا شيراز شغل فله بس اذا غير شيراز عطني عنوان المترجم الخاص فيك
ولد النواخذه
19-11-2009, 06:40 PM
مبروك الشعر ياخي بس وين الصور

ممكن العنوان بعد مال العيادة
سداوي&مدريدي
19-11-2009, 06:47 PM
زراعه :eek5:

أحلا شي في وقته .. مع موسم الأمطار بيطلع أكثر :victory:

ألف مبــروك تستاهل .. وين العزيمه :tease:
مرتبش
19-11-2009, 09:06 PM
ههههههههههاي
حلوة فكرة السماد
يبي لها تفكير السالفة
جرير
19-11-2009, 10:07 PM
مبروك على النيو لوك

طالع عجيب ما شالله عليك

الا كنت بسألك عن العمليه هم خذو الشعر من خلفيه الراس مباشره من دون ما يقصون مساحه من فروه الراس . . . او قصو مساحه مقطعيه من فروه الراس وبعدين خذو منها
الشعر وسوو لك خياطه

.وبعدين انت قلت فيه ناس خذو شعر من اماكن ثانيه غير الراس مثل
الصدر او اليد . . . بس حسب علمي ان السعر يزيد اذا كان الشعر من مكان ثاني
بالعربي اذا السالفه كلها من دون عمليه قص وخياطه يزيد سعر العمليه لانه شيل من
هني وحط هني ومن دون قص وخياطه
dammaj77
19-11-2009, 10:10 PM
ممكن الصور لاهنت قبل وبعد :)

ومبروك اخوي على اللوك الجديد

هذي مشكلة من الماء عندنا تركيبته غير سليمه ويسبب جفاف بالجلد وهشاشه بالشعر
ودي أكون
19-11-2009, 10:12 PM
عندي واحد من الشباب جسمه كله شعر بس اصلع
يعني غزاره في الانتاج وبس سوء في التوزيع
بقوله اليوم يروح يزرع بس راسه عود وايد ماعتقد دكتور واحد يكفي

ههههههههه سوري :shy:
اسم العضو
19-11-2009, 10:19 PM
شفت شلون محد يقدر اقولك وانا اسبح الشعر الي ينزل اكثر من الماي كله من الابريهه

أهلاً أخوي ... ممكن تقول لي يعني شنو البريهه ؟ دورت في جوجل و طلعت لي قبيله يمنيه
ودي أكون
19-11-2009, 10:20 PM
أهلاً أخوي ... ممكن تقول لي يعني شنو البريهه ؟ دورت في جوجل و طلعت لي قبيله يمنيه

لبريهه اعتقد يقصد فيه الكاب مال الشغل
La Bella
19-11-2009, 10:22 PM
البريهه = قحفية العساكر
تلتوله
19-11-2009, 10:23 PM
ههههههههههههههه مبروك ان شاء الله زوجي بعد يطلع له شعر
La Bella
19-11-2009, 10:25 PM
وبالنسبة للزراعة حل حرام ولا عادي ؟؟
مهره
19-11-2009, 10:32 PM
الشيخ الصورة والعنوان ضروري لناس اعرفهم فى امس الحاجة لهالسوالف
الـعــضــيـد
20-11-2009, 01:01 AM
على اذنكم بروح اسوي سشوار و احط جل على شعري:nice: <<<<< اصلع سابق[/QUOTE]


هههههههههههههههههههههههههههه


عيل ماتعرف الغترة والاعقال شرايك تلبس سبورة حتى في الشغل

الله يهنيك اخوي
ريد قطر
20-11-2009, 01:37 AM
عندي واحد من الشباب جسمه كله شعر بس اصلع
يعني غزاره في الانتاج وبس سوء في التوزيع
بقوله اليوم يروح يزرع بس راسه عود وايد ماعتقد دكتور واحد يكفي

خخخخخخخخخخخخخخخخخخخخخخخخخخخخخخخخخ
الله يقطع ابليسك
بل طلعتوا كلكم صلعان يبيلكم مستشفى مب دكتور واحد بس
واقعي وصريح
20-11-2009, 04:06 AM
يا خوي بغيت شعرتين بيض و3 شعرات سود بكم يطلعون

:))))))
QaTaR_OnE
20-11-2009, 09:08 AM
البريهه = قحفية العساكر

حلوه قحفيه العساكر .. اول مره اسمع بهالاسم :rolleyes2:

هذي البريهه اللي على راسهم للي مايعرفها

http://www14.0zz0.com/2009/11/20/06/925878057.jpg (http://www.0zz0.com)
هدوء 2
20-11-2009, 10:25 AM
وانا بعد على وجهه زواج واعاني من المرحله الأولى للصلع

يعني 50% نسبه الصلع قدام ومؤخره الرأس

ابي التفاصيل وابي مجموع المبلغ كامل في الثلاث اسابيع ماعليك أمر

والأهم هو صدق الشعر المزروع ينأخذ من شعر الشخص نفسه !!

وهل الشعر عليه ضمان مايرد يطيح مره ثانيه

هل هناك اثار جانبيه فالمستقبل !!

وهل اتعامل مع الشعر بعد العمليه كأنه شعر طبيعي مثل القصات والكريمات !!

اسئله كثيره نطرحها لكم ونتمنى الأجابه عليها << فيصل القاسم خخخخخ

قواك الله

نفس السؤال


واحد من ربع أخوي ف الدوام راح عمل زرعه في شعره ف ايران بس الشعر الاصلي بعد فترة تم يطيح أضطر يرجع مره ثانيه ايران وعمل زراعه لكل شعره من بعدها أخوي تم ينصحنا ياليت نعرف ليه متى الواحد بيستانس في الشعر المزروع :shy: علشان ما وهق اللي عندي :weeping:
غير البشر
20-11-2009, 10:34 AM
الف مبروووك اخوي بلاك جاكيت :nice:


بس اتقول يطلع الشعر عقب 6 شهور

شلوون بتروح الحين بتحط جل ههههههههههههههه

الله يبارك لك فيه يارب :nice:
المتألم
20-11-2009, 11:06 AM
طلعوا الصلعان أكثر من اللي عندهم شعر بالمنتدى

زين يحس الواحد إنه مب لوحده بهالبلوه
وإن حزب الصلعان كثر ولهذا أشوف نسوي حزب
نرفع معنويات بعض
بروحه الواحد بدون غتره وعقال يبين عمره بالسبعين
والواحد توه بالثلاثين



يا خوي بغيت أسألك عن العمليه

أنا قريت عنها وايد بس لحين ما قررت أسويها
لأن في أنواع للعمليات مب نوع واحد

في نوع يقومون بقص قطعة مستطيلة من فروة الرأس
سواء من الجوانب أو من الخلف
وعقب يقومون بفصل الشعر وتركيبه فيما يشبه المسدس
وبعدها يتم وضعه حسب التخطيط في المنطقة المراد زراعتها
وهذه العملية يعملونها بيوم وآحد بس
والمتعب هو ما بعد العملية من إهتمام وعدم غسل الشعر
والمحافظة على فروة الرأس وغيره

وفي نوع آخر لا يتم فيه قص قطعة من فروة الرأس وإنما يتم نزع الشعر
شعرة شعرة بحيث يتم نزعها من مكانها وزرعها في المكان المراد

طبعا الكثافة تعتمد على كمية الشعر المراد زراعته
ومن الأفضل عمل العملية على فترتين بحيث تكون الفترة الثانية بعد سنة من الأولى
حتى يتم تثبيت الشعر بشكل ممتاز ثم يتم زراعة الجديد في الفراغات بين الشعرات
المزروعة سابقا ..

حسبما أعرف من أحدهم وهو سوا العملية بباكستان
إن لا تأثيرات للعملية سوى قضية الإهتمام بعدها عتى لا يتم إفشال العملية

كثيرون يتساقط شعرهم نتيجة عدم الإهتمام لأن غسيل الشعر يجب ان يكون بلطف وهدوء لمدة 3 أشهر حتى تثبت الشعرة مكانها وتستقر

حسبما قرأت أيضا أن الشعر لا يتساقط لأنه منزوع من جوانب الرأس أو من خلف الرأس
وهذا النوع من الشعر قوي جدا وصعب تساقطه
ولهذا حتى عند الصلعان نادرا جدا أن نرى رجل أصلع الرأس بالكامل


أنتظر منك الرد والصور أخوي وياريت وصف كامل ودقيق للعملية وما يتبعها

ولك الشكر

ملاحظه في موقع اليوتيوب هناك فيديوهات كثيرة جدا عن العمليات وأنواعها وقد أصبحت بسيطة
وعادية وتتم والشخص واعي ويشوف المرايا بعد
www. youtube .co m

أكتب HAIR TRANSPLANT
وستظهر لك أفلام كثيرة تستفيد منها


وأحلى شي لو نروح بشكل جماعي نحصل خصم لكل رأسين رأس خخخ
حقيقه
20-11-2009, 01:54 PM
بااال القرعان واجد بالمنتدى :taunt:

مبروك الشعر الجديد وان شاءالله يتم على طول
موضي قطر
20-11-2009, 07:08 PM
شفت شلون محد يقدر اقولك وانا اسبح الشعر الي ينزل اكثر من الماي كله من الابريهه


لاحظت انه كذا عضو يفكروني رجال:eek5: تراني ( موضي تسمعون ) :anger1:

واللي يلبسون بريهه اخواني وعيال خواتي :rolleyes2:
الـقـاسـي
20-11-2009, 08:17 PM
والله ياخوي مشكله تساقط الشعر منتشره عند 80% يمكن من اهل قطر ..
مادري هل هو مثل مايقولون انه من الماي المستخدم عندنا في قطر ..

انا عندي تساقط فالشعر وبدى الشعر من فوق يخف يعني اتوقع بعد سنه ولا سنتين بدخل في رابطة الصلعان اللي بتسوونها ..

اخوي ولا عليك امر بغيت عنوان هالعياده هذي واذا عندك ارقام او شي ..
ريم المدينة
20-11-2009, 11:12 PM
انا شعري خف من الحرات والمضرات <_<

فاشلون ارجعه مثل قبل مرة ثانية؟؟
سهم قطر
20-11-2009, 11:47 PM
ياليت اخوي تحط التفاصيل على العام
ومبروك يابوقذله
المتألم
21-11-2009, 03:53 PM
وينك أخوي

شفنا ناطرينك لا تبطي علينا


خبرك هالأيام هوا والواحد يريد جذلته تطاير بالهوا ويحس بالانتعاش
ويستعمل بيرت بلاس بالنعناع

خخخخخخخ
ANONYMOUS
21-11-2009, 07:43 PM
الشيخ الصورة والعنوان ضروري لناس اعرفهم فى امس الحاجة لهالسوالف



شدعوه امس الحاجه

بيموتون مثلا.. !
blackjacket
21-11-2009, 11:55 PM
امممممممم والله شي طيب

انا ماتزوجت واعاني اظاهر بعطي اهل المره صورتي وانا صغير ههههههههههههههههههههه

بس تسوي فيني خير لو تبعث لي العنوان الخاص بالدكتوره

لان سبق ورحت وعندي صديق هناك بس ماقلت لي في اي منطقة في ايران

اذا شيراز شغل فله بس اذا غير شيراز عطني عنوان المترجم الخاص فيك

بطرش لك العنوان :)


مبروك الشعر ياخي بس وين الصور

ممكن العنوان بعد مال العيادة
بطرشه لك :)





مبروك على النيو لوك

طالع عجيب ما شالله عليك

الا كنت بسألك عن العمليه هم خذو الشعر من خلفيه الراس مباشره من دون ما يقصون مساحه من فروه الراس . . . او قصو مساحه مقطعيه من فروه الراس وبعدين خذو منها
الشعر وسوو لك خياطه

.وبعدين انت قلت فيه ناس خذو شعر من اماكن ثانيه غير الراس مثل
الصدر او اليد . . . بس حسب علمي ان السعر يزيد اذا كان الشعر من مكان ثاني
بالعربي اذا السالفه كلها من دون عمليه قص وخياطه يزيد سعر العمليه لانه شيل من
هني وحط هني ومن دون قص وخياطه
ياخوي التقنية الي ياخذون مساحة من فروة الراس اسمها fut و هاي ما تنفع لانه مكان الخياطة ما يروح و جزء من فروة الراس يكون مش مغطي و اذا حلقت راح تشوف خط عرضي في فروة اراس:eek5:
انا سويت mfit الي هي ميكرو فوليكولار ايتم , يعني ياخذون شعره شعره من خلف الراس و يزرعونهم جنب بعض عشان ما يكون فراغات بين الشعر و الكثافة تكون طبيعية.
هم ياخذون من الصدر اذا كثافة الشعر في المنطقة الخلفية من الراس كانت قليلة , بس ما يمدحون شعر الصدر لانه ما يطول ,حده 3او 4 سانتي :)
ما في فرق بالنسبة للسعر كله نفس الشي


ممكن الصور لاهنت قبل وبعد :)

ومبروك اخوي على اللوك الجديد

هذي مشكلة من الماء عندنا تركيبته غير سليمه ويسبب جفاف بالجلد وهشاشه بالشعر
الصور بنزلها اليوم , من الماي و الورائة تلعب دور كبير ياخوي:omen2:


ههههههههههههههه مبروك ان شاء الله زوجي بعد يطلع له شعر
بيطلع له شعر اهم شي ما يفكر واجد ,ترى التفكير يأثر واجد في عملية التساقط:anger1:

وبالنسبة للزراعة حل حرام ولا عادي ؟؟
اعتقد حلال , :)


الشيخ الصورة والعنوان ضروري لناس اعرفهم فى امس الحاجة لهالسوالف
بطرشه لج عل خاص:)

على اذنكم بروح اسوي سشوار و احط جل على شعري:nice: <<<<< اصلع سابق


هههههههههههههههههههههههههههه


عيل ماتعرف الغترة والاعقال شرايك تلبس سبورة حتى في الشغل

الله يهنيك اخوي[/QUOTE]
لا ياخوي الحين ما اقدر البس غترة و عقال لانه توني زارع ما ابي اسوي ضغط على راسي , :)


يا خوي بغيت شعرتين بيض و3 شعرات سود بكم يطلعون

:))))))
اخوي السود بريال و نص و البيض بالمجان:nice:


نفس السؤال


واحد من ربع أخوي ف الدوام راح عمل زرعه في شعره ف ايران بس الشعر الاصلي بعد فترة تم يطيح أضطر يرجع مره ثانيه ايران وعمل زراعه لكل شعره من بعدها أخوي تم ينصحنا ياليت نعرف ليه متى الواحد بيستانس في الشعر المزروع :shy: علشان ما وهق اللي عندي :weeping:

ياخوي الشعر المزروع مايطيح الا مرة وحدة بعد شهر او 45 يوم من الزراعة و بعدين يطلع من جديد و يتم لين اخر العمر معاك لانه ياخذونه من المنطقة الخلفية الي هي ما تتاثر بالوراثة ,بالنسبة لاخوك ممكن راح سوى زراعة مع بداية التساقط و الشعر الي طاح يمكن ما يكون الشعر المزروع ,يمكن يكون شعره الاصلي , اذا افترضنا انه الشعر المزروع الي هو طاح المفروض كان يصبر لين ما يطلع مرة ثانية لانه عنده فترة لين 6 شهور عشان يطلع و اذا ما طلع المركز يزرع لك مرة ثانية بالمجان, و السبب الثاني للتساقط ممكن يكون انه الفني اخذ الشعر من المنطقة الي قابلة للتساقط و هاي طبيعي انه يتساقط لانه البصيلات متاثرة بالوراثة, الشعر الوحيد الي ما يتساقط بعد الزراعة هو الشعر المأخوذ من ورا الاذن و المنطقة السفلية من الراس:)
blackjacket
22-11-2009, 12:41 AM
الف مبروووك اخوي بلاك جاكيت :nice:


بس اتقول يطلع الشعر عقب 6 شهور

شلوون بتروح الحين بتحط جل ههههههههههههههه

الله يبارك لك فيه يارب :nice:
الشعر اذا طاح يطلع بعد فترة بسيطة بس اذا ما طلع الشعر عندك فترة 6 شهور اذا ما طلع الشعر المزروع المركز يزرع لك مرة ثانية , اما انه الحين شعري طوله سانتي او اكثر لاني توني زارع فرشششش:nice: بالنسبة للجل و السشوار هاي مزحة ياخوي :nice: بس يبيله حق شهر 6 لندن زيك الساعة يبله جلللللللل:nice:



طلعوا الصلعان أكثر من اللي عندهم شعر بالمنتدى

زين يحس الواحد إنه مب لوحده بهالبلوه
وإن حزب الصلعان كثر ولهذا أشوف نسوي حزب
نرفع معنويات بعض
بروحه الواحد بدون غتره وعقال يبين عمره بالسبعين
والواحد توه بالثلاثين



يا خوي بغيت أسألك عن العمليه

أنا قريت عنها وايد بس لحين ما قررت أسويها
لأن في أنواع للعمليات مب نوع واحد

في نوع يقومون بقص قطعة مستطيلة من فروة الرأس
سواء من الجوانب أو من الخلف
وعقب يقومون بفصل الشعر وتركيبه فيما يشبه المسدس
وبعدها يتم وضعه حسب التخطيط في المنطقة المراد زراعتها
وهذه العملية يعملونها بيوم وآحد بس
والمتعب هو ما بعد العملية من إهتمام وعدم غسل الشعر
والمحافظة على فروة الرأس وغيره

وفي نوع آخر لا يتم فيه قص قطعة من فروة الرأس وإنما يتم نزع الشعر
شعرة شعرة بحيث يتم نزعها من مكانها وزرعها في المكان المراد

طبعا الكثافة تعتمد على كمية الشعر المراد زراعته
ومن الأفضل عمل العملية على فترتين بحيث تكون الفترة الثانية بعد سنة من الأولى
حتى يتم تثبيت الشعر بشكل ممتاز ثم يتم زراعة الجديد في الفراغات بين الشعرات
المزروعة سابقا ..

حسبما أعرف من أحدهم وهو سوا العملية بباكستان
إن لا تأثيرات للعملية سوى قضية الإهتمام بعدها عتى لا يتم إفشال العملية

كثيرون يتساقط شعرهم نتيجة عدم الإهتمام لأن غسيل الشعر يجب ان يكون بلطف وهدوء لمدة 3 أشهر حتى تثبت الشعرة مكانها وتستقر

حسبما قرأت أيضا أن الشعر لا يتساقط لأنه منزوع من جوانب الرأس أو من خلف الرأس
وهذا النوع من الشعر قوي جدا وصعب تساقطه
ولهذا حتى عند الصلعان نادرا جدا أن نرى رجل أصلع الرأس بالكامل


أنتظر منك الرد والصور أخوي وياريت وصف كامل ودقيق للعملية وما يتبعها

ولك الشكر

ملاحظه في موقع اليوتيوب هناك فيديوهات كثيرة جدا عن العمليات وأنواعها وقد أصبحت بسيطة
وعادية وتتم والشخص واعي ويشوف المرايا بعد
www. youtube .co m

أكتب HAIR TRANSPLANT
وستظهر لك أفلام كثيرة تستفيد منها


وأحلى شي لو نروح بشكل جماعي نحصل خصم لكل رأسين رأس خخخ

ياخوي ما شاء الله عليك تدري كل شي عن العملية :nice:
بالنسبة للي يشيلون جزء من فروة الراس هاي تقنية قديمة و يسمونها FUT و اتحصل الي يسوي العملية رجال لانه الطريقة اسهل و مايبلها طولة بال قص من الراس و بعدين يقطعون الجزء المشيول الى اجزاء صغيرة و يزرعون الشعر بس العيب في هاي الطريقة انه مكان شيل الشعر و الخياطة يتم و مايروح كلش و اذا حلقت شعرك يبن خط عرضي خلف الراس ,
الطريقة الثانية الي هي FIT الي يشيلون الشعر من البصيلات و ممكن اكثر من شعرة تنشال في المرة الوحدة و هاي الطريقة احسن لانه مافي خياطة ولا شي , الطريقة الي سويتها انه هي MFIT و هي ميكرو فوليكولار ايتم ترانسبلانت يعني يزرعون لك الشعر بكثافة و جنب بعض و طبعا هاي يعتمد علي طولة بال الفنية الي تشتغل على راسك و مثل ما قلت ب 100 الف ايراني يعني 370 ريال تدفعها للفنية اول يوم تضمن زراعة و كثافة و شغل مضبوط و اهم شي انك تاخذ و تعطي مع الفني او الفنية عشان امورك تمشي ,كل يوم قول لهم احوال شما خوبست:nice:
يمكن المشكلة الي راح تعانيها اول ايام الزراعة هي انك ما تقدر تنام علي كيفك لانه المنطقة المزروعة لازم ما تلامس المخدة عشان الشعر ما يطيح بس بعد غسل الراس ما في مشكلة :)
و مكان الزراعة يكون مخدر لبعض الوقت بس المنطقة الخلفية من الراس الي شالو منه الشعر يطيب من اول اسبوع و مافي مشاكل:nice:




بااال القرعان واجد بالمنتدى :taunt:

مبروك الشعر الجديد وان شاءالله يتم على طول
اكيد ياخوي يتم على طول :nice:


والله ياخوي مشكله تساقط الشعر منتشره عند 80% يمكن من اهل قطر ..
مادري هل هو مثل مايقولون انه من الماي المستخدم عندنا في قطر ..

انا عندي تساقط فالشعر وبدى الشعر من فوق يخف يعني اتوقع بعد سنه ولا سنتين بدخل في رابطة الصلعان اللي بتسوونها ..

اخوي ولا عليك امر بغيت عنوان هالعياده هذي واذا عندك ارقام او شي ..

بطرش لك العنوان بس الحين ما انصح تسوي زراعة لانه انت في بداية التساقط , بس اذا حاب ممكن تسوي العملية عشان مايبين عليك الصلع:)


انا شعري خف من الحرات والمضرات <_<

فاشلون ارجعه مثل قبل مرة ثانية؟؟
الصراحة ما عندي خلفية شوفي لج دكتور جلدية :)


ياليت اخوي تحط التفاصيل على العام
ومبروك يابوقذله
ياخوي ما في تفاصيل كل الي ينقال قلته عن العملية و الصور بحطها اليوم في المنتدى :nice:


وينك أخوي

شفنا ناطرينك لا تبطي علينا


خبرك هالأيام هوا والواحد يريد جذلته تطاير بالهوا ويحس بالانتعاش
ويستعمل بيرت بلاس بالنعناع

خخخخخخخ
امر ياخوي اشتبي ؟ الصور ؟
من عيوني بحطهم اليوم :nice:
blackjacket
22-11-2009, 12:58 AM
مركز تحميل التابع للمنتدى معطل للصيانة :omen2:
بنزل الصور اليوم العصر:)
مافيا قطر
22-11-2009, 01:03 AM
طيب اخوى ممكن عنوان العياده هناك ورقم الرجال لانه عندى كذا واحد من الشباب يعانى من ظهور الصلعه فى المنطقه الوسطى لا احد يفكر ميدان رمايه هاى مكان فى الراس يبون يسون هاى الشى
المتضرعه لله
22-11-2009, 01:07 AM
والله ابو العيال سواها بالرياض

مدري كم كلفته لكن قهر والله رد شهره بعد اربع شهور كنه في العشرين وصار جون ترافلتا


لكن ياخوي لازم تقولهم كيف شكل الوجه مع العمليه ايام الزراعه حتى ما يتفاجئون لان زوجي فتحوا له شق طولي خلفية الراس وكانه عمليه اخذوا الشعر منه بالبويصلات وتم توزيعها في الصلعه مع ضخ مواد والله ماشفت ايش هي لكن لما طلع الله لايوريكم وجهه كنه قدر منتفخ وعيونه ماتبين تخرعت:(

كنت افرح بصلعته قلت خلاص كبر لكن الحين يامال العافيه شعر ولا وصف له
مافيا قطر
22-11-2009, 01:10 AM
هههههههههههههههههههههههههههههههههههههههههههههههههه هههههههه

الله يغربل ابليسك المتضرعه لله قدر منتفخ

ليه حاطينه فى فرن
الجوكر90
22-11-2009, 04:16 AM
السلام عليكم
اخوي ممكن تفاصيل السفره ع الخاص
وتسلم وماتقصر
وبالتوفيق ان شاء الله
سهم قطر
22-11-2009, 06:16 AM
اخوي نبي اسم المستشفى والدكتور والمنطقة والمترجم هذي التفاصيل اللي كنت اقصدها
حـــنـــان
22-11-2009, 06:37 AM
مبروك النيولوك الجديد 56674 بصراحة الرجل اللى لة شعر احلى وغييير ويبين اصغر اذا كبر...لان الصلعة تكبر الشخص....اللة يهنيك انشاللة ويحفظك من العين
blackjacket
22-11-2009, 07:59 AM
طيب اخوى ممكن عنوان العياده هناك ورقم الرجال لانه عندى كذا واحد من الشباب يعانى من ظهور الصلعه فى المنطقه الوسطى لا احد يفكر ميدان رمايه هاى مكان فى الراس يبون يسون هاى الشى
ابشر بسعدك ياخوي و بطرش لك كل شي عل خاص:)


والله ابو العيال سواها بالرياض

مدري كم كلفته لكن قهر والله رد شهره بعد اربع شهور كنه في العشرين وصار جون ترافلتا


لكن ياخوي لازم تقولهم كيف شكل الوجه مع العمليه ايام الزراعه حتى ما يتفاجئون لان زوجي فتحوا له شق طولي خلفية الراس وكانه عمليه اخذوا الشعر منه بالبويصلات وتم توزيعها في الصلعه مع ضخ مواد والله ماشفت ايش هي لكن لما طلع الله لايوريكم وجهه كنه قدر منتفخ وعيونه ماتبين تخرعت:(

كنت افرح بصلعته قلت خلاص كبر لكن الحين يامال العافيه شعر ولا وصف له
اولا مبروك النيو لوك لابو العيال :nice:
بعدين طريقة الشق الي سووها لابو العيال هاي قديمة و يسوونها العيادات الي يبون يخلصون المريض عل سريع و يريحون نفسهم :) العيادة هذي عندهم نفس الطريقة بس ما يمدحونها ولا يسونها الا اذا المريض اصر انه يسويها , اصلا الشق الي ورا الراس اثار الخياطة اتم ولا تروح ,ان شاء الله بنزل الصور و شوفي و احكمي بنفسج, بالنسبة للوجه ما صادني اي انتفاخ لانه كانوا يحطون لي كمادات ثلج وقت الزراعة و بالفندق كنت احط كمادات ثلج و الحمدلله ما صادني شي و كنت اخذ مضاد حيوي لين يوم بعد الزراعة و كل شي تمام:)


السلام عليكم
اخوي ممكن تفاصيل السفره ع الخاص
وتسلم وماتقصر
وبالتوفيق ان شاء الله

بطرشه لك ياخوي:)


اخوي نبي اسم المستشفى والدكتور والمنطقة والمترجم هذي التفاصيل اللي كنت اقصدها
بطرشه لك عل خاص ياخوي:)


مبروك النيولوك الجديد 56674 بصراحة الرجل اللى لة شعر احلى وغييير ويبين اصغر اذا كبر...لان الصلعة تكبر الشخص....اللة يهنيك انشاللة ويحفظك من العين

اكيد غير بالاضافة انه الواحد تزيد اثلقة في نفسة:)
انه احس انه رجعت 10 سنين ورا و صار عمري 20 سنه:nice:
ANONYMOUS
22-11-2009, 08:16 AM
اني أرى صلاعا قد اينعت وآن قطافها

كنايه عن كثر القرعان في المنتدى.. نورتونا والله.. الموضوع منور .. خبركم الصلعه تعكس النور :p
hxamad
22-11-2009, 08:56 AM
تستاهل خير
_بوشهاب_
22-11-2009, 02:36 PM
ولله شوقنا للصور ياخوي
QaTaR_OnE
22-11-2009, 02:44 PM
اخوي ممكن العنوان والتفاصيل على الخاص ؟
!الشايمه!
22-11-2009, 10:42 PM
هههههههههههههههههههههه

موضوع......كيوت....ويا مال الكشخه لكل.....الاخوة القرعان

بس اللي شعره عبل...خساره يضيع فلوسه :secret:

لو يدور له فلبيني ياخذ منه بصيلات شعر......ابرك

وقتها صدق الشتا راح يكون غير مع القذل :nice:


تحية
حالي الذوق
22-11-2009, 11:22 PM
ممكن التفاصيل من عنوان المستشفى ورقم الشخص لحجز فندق مع الصور لوسمحت :shy:
المغروره
23-11-2009, 12:50 AM
تساااقط الشعر عندنا ماامنه منشووووووود ؟؟؟؟؟؟؟؟؟؟؟؟ الله يعطييك العااافيه
blackjacket
23-11-2009, 04:27 PM
اني أرى صلاعا قد اينعت وآن قطافها

كنايه عن كثر القرعان في المنتدى.. نورتونا والله.. الموضوع منور .. خبركم الصلعه تعكس النور :p
صدقت ياخوي ,حتى انه قمت احط نظارة شمسية من ادخل الموضوع من كثر النور:nice:


تستاهل خير
شكرا و ما قصرت ياخوي:)


ولله شوقنا للصور ياخوي
خلاص اليوم بنزل الصور:)


اخوي ممكن العنوان والتفاصيل على الخاص ؟
ابشر بسعدك ياخوي جايك العنوان في الطريق:)



هههههههههههههههههههههه

موضوع......كيوت....ويا مال الكشخه لكل.....الاخوة القرعان

بس اللي شعره عبل...خساره يضيع فلوسه :secret:

لو يدور له فلبيني ياخذ منه بصيلات شعر......ابرك

وقتها صدق الشتا راح يكون غير مع القذل :nice:


تحية
انه خذت الخدامة الفلبينية معاي ,:nice: خبرك شعر الحريم مايطيح :nice:


ممكن التفاصيل من عنوان المستشفى ورقم الشخص لحجز فندق مع الصور لوسمحت :shy:
بطرشه لك ياخوي :)


تساااقط الشعر عندنا ماامنه منشووووووود ؟؟؟؟؟؟؟؟؟؟؟؟ الله يعطييك العااافيه
نورتي الموضوع ,مع انه الموضوع منور من نفسه من كثر الصلعان:nice::tease:
blackjacket
23-11-2009, 04:29 PM
http://www.shawati.cc/uploads/12589834470.jpg (http://www.shawati.cc/download.php?img=69290)

هاي السبت اول يوم الساعة 9 الصبح , يحلقون لك شعرك و يجيك الفني يرسم لك حد الشعر ,
alrheeb2020
23-11-2009, 04:33 PM
http://www.up.qatarw.com/get-11-2009-iw6h2xj6.jpg (http://www.up.qatarw.com)
هاي السبت اول يوم الساعة 9 الصبح , يحلقون لك شعرك و يجيك الفني يرسم لك حد الشعر ,


مبرووك عالشعر اخوي ..

والله يوفقك
blackjacket
23-11-2009, 04:58 PM
http://www.shawati.cc/uploads/12589835440.jpg (http://www.shawati.cc/download.php?img=69293)

هاي نهاية اليوم الاول بعد ما رسم حد الشعر و سووا الزراعة , طبعا بعد الزراعة ما تقدر تنزل حد الشعر تحت , اذا ما عجبك حد الشعر ممكن ينزلونه لك قبل الزراعة ,
http://www.shawati.cc/uploads/12589846720.jpg (http://www.shawati.cc/download.php?img=69300)


http://www.shawati.cc/uploads/12589845820.jpg (http://www.shawati.cc/download.php?img=69299)
blackjacket
23-11-2009, 05:10 PM
http://www.shawati.cc/uploads/12589848660.jpg (http://www.shawati.cc/download.php?img=69302)
هاي اخر يوم الخميس ,بعد اسبوع يكون غسل الراس

http://www.shawati.cc/uploads/12589849650.jpg (http://www.shawati.cc/download.php?img=69304)
هاي الصورة بعد الغسيل ,اسبوع بعد العملية

http://www.shawati.cc/uploads/12589850360.jpg (http://www.shawati.cc/download.php?img=69305)

هاي ثاني اسبوع بعد العملية

http://www.shawati.cc/uploads/12589851850.jpg (http://www.shawati.cc/download.php?img=69306)
هاي مكان شيل الشعر , هاي اخر يوم في العملية

http://www.shawati.cc/uploads/12589852740.jpg (http://www.shawati.cc/download.php?img=69307)
هاي يوم الغسيل ,ما في اي اثار لجروح او شي , عكس الطريقة الي يشيلون جزء من فروة الراس ,الي ما تخليك تنام عدل ولا ائارها تروح:)

ترى العملية مش صعبة و تستاهل انه الواحد يسويها و
سلامتكم:nice:
alrheeb2020
23-11-2009, 05:16 PM
http://www.shawati.cc/uploads/12589848660.jpg (http://www.shawati.cc/download.php?img=69302)
هاي اخر يوم الخميس ,بعد اسبوع يكون غسل الراس

http://www.shawati.cc/uploads/12589849650.jpg (http://www.shawati.cc/download.php?img=69304)
هاي الصورة بعد الغسيل ,اسبوع بعد العملية

http://www.shawati.cc/uploads/12589850360.jpg (http://www.shawati.cc/download.php?img=69305)

هاي ثاني اسبوع بعد العملية

http://www.shawati.cc/uploads/12589851850.jpg (http://www.shawati.cc/download.php?img=69306)
هاي مكان شيل الشعر , هاي اخر يوم في العملية

http://www.shawati.cc/uploads/12589852740.jpg (http://www.shawati.cc/download.php?img=69307)
هاي يوم الغسيل ,ما في اي اثار لجروح او شي , عكس الطريقة الي يشيلون جزء من فروة الراس ,الي ما تخليك تنام عدل ولا ائارها تروح:)

ترى العملية مش صعبة و تستاهل انه الواحد يسويها و
سلامتكم:nice:


جزاك الله خير عالصور ..

ويعطيك العافيه ..

والله يهنيك فالشعر :nice:
جاسم القطري
23-11-2009, 05:19 PM
مبروك على الشعر ياخووي


اذا ممكن العنوان وارقام التليفون
وكل التفاصيل الخاصه بالمستشفى
blackjacket
23-11-2009, 06:08 PM
جزاك الله خير عالصور ..

ويعطيك العافيه ..

والله يهنيك فالشعر :nice:
شكرا ياخوي و ماقصرت :)


مبروك على الشعر ياخووي


اذا ممكن العنوان وارقام التليفون
وكل التفاصيل الخاصه بالمستشفى
الله يبارك فيك و يلا شد حيلك نبي نشوف صورك:nice:
مـالـﮓ رجى
23-11-2009, 09:35 PM
ممكن التفاصيل على الخاص وجزاك الله خير
المجروح
23-11-2009, 10:15 PM
ياريت لو كان عندك صوره قبل العمليه عشان نقدر انعرف راسك من فوق كم من في الاميه اصلا كان فيه شعر
ويعطيك العافيه ويمكن انخلي الوالد يسوي
مكنتوش
23-11-2009, 10:45 PM
عندي سؤال ومقولة الكل يتناقلها
البعض يقول اللي يضرب موس في الراس دائما يحمي الشعر من التساقط صحيح ؟
Thamer_Qat
23-11-2009, 11:06 PM
ياريت لو كان عندك صوره قبل العمليه عشان نقدر انعرف راسك من فوق كم من في الاميه اصلا كان فيه شعر
ويعطيك العافيه ويمكن انخلي الوالد يسوي


متأكد الوالد اللي بيسوي الزراعه:con2:
alrheeb2020
23-11-2009, 11:09 PM
متأكد الوالد اللي بيسوي الزراعه:con2:


ههههههههههههههه استر :tease:
رهج السنابك
23-11-2009, 11:15 PM
نبي نشوف صورة حديثة الحين نشوف النتايج بيطلع شعر فلبيني ولا افريقي ^_^ << متشوقة للنتايج
روح الشمال
24-11-2009, 01:12 AM
يعطيك العافية
VIP-QATAR
24-11-2009, 01:14 AM
الحمدلله على السلامة

اخوي انت قلت العملية على خمسة ايام
ممكن تحدد لنا الشغل الي يكون في هاذي الايام

وتفاصيل المستشفى والسكن لوسمحت
Om Majed
24-11-2009, 01:44 AM
الحمدلله على السلامة

اخوي انت قلت العملية على خمسة ايام
ممكن تحدد لنا الشغل الي يكون في هاذي الايام

وتفاصيل المستشفى والسكن لوسمحت


نفس السؤال وعليك بالعافيه بس نبي نشوف صورتك بعد ماطول الشعر :shy:
عندنا ناس نبي نزرع شعرهم :)
AL_MUTAEM
24-11-2009, 02:51 AM
تبووون الصج احس نسبة الصلعان كبيره ..

انا بصراحه احس انها مالها داعي الزراعه ولو ان الواحد متعود يطلع بدون غتره وهو اصلع عادي بتمر عليه الايام ويتعود على مظهره بس المشكله ان الغالبيه يكونون بقطر او بأي دوله خليجيه تحت ساتر الغتره وبالسفر ينكشف المستور وتصير لماااعيه مع اني اشوفها عادي ..

انا ولله الحمد مش اصلع وشعري مع اني ما اهتم فيه بس لله الحمد حلو ولا فيه امل اني اصله <<< عيني علي بارده:nice:

بس المشكله واحد من اعز الناس علي وهو حاول يزرع بلبنان وبلجيكا بس مافيه امل لان الصلع نسبته كبيره ما اعرف بالضبط ..
:eek5:
السؤال اقدر اتبرع له بشرط اني ما احلق شعري او يصير احنا شباب وكل واحد يتبرع له بالف ولا الفين شعره يعني الموضوع قطية شعر ...:victory:

الموضوع جدي ومش غشمررره المسكين اتصلت فيه ابلغه قال بروح من بكرا بس من وين لي شعر ؟؟ كسر خاطري وقلت اتبرع له:weeping:
qatar124
24-11-2009, 11:16 AM
السلام عليكم
اخوي ممكن عنوان ورقم المستشفى
مع الشخص الي بيكون موجود لحجز الفندق والترتيبات
بومحمد1
24-11-2009, 11:34 AM
الموضوع باين من العنوان :nice:
بنزل الموضوع للي يبون او يفكرون يسوون زراعة شعر:)
انا الصراحة كنت اعاني من التساقط و الصلع و مافي دوا ما استعملته ,في ادوية توقف التساقط بس لازم تستخدمها
باستمرار و اذا وقفت الاستخدام يتساقط الشعر ,فكرت اني اسوي عملية زراعة شعر و سئلت في لبنان و فرنسا قالولي الشعر ب دولار و فرنسا ب دولار و نص و بريطانيا انسي تسوى العملية ! شفت ايرانيين ساكنين في بريطانيا و بلجيكا جايين يسوون العملية في ايران عشان السعر و قالوا لي انه هناك في بريطانيا مافيه اقبال من الناس على عملية زراعة الشعر ! هني في الدوحة شفت طبيب زائر في عيدة خاصة قال لي العملية بتكلفك تقريبا 40 الف ريال , المهم عن طريق واحد من الشباب سافرت ايران و شفت اكثر من مركز و اخيرا قررت اني اسوي العملية في المركز الي شفته و شفت صور قبل و بعد العملية لبعض المرضى و الصراحة انصح اي واحد يعاني من الصلع يروح يسوي زراعة لانه العملية بسيطة كلها خمسة ايام و انت خالص هاي اذا المنطقة الخلفية للراس عندك فيها شعر ممكن تخلص في خمسة ايام او اقل و اذا الكثافة قلقلة ممكن في مرحلتين .
واذا بتروحون مكان ثاني يفضل انكم تسوون العملية عند دكتورة مش دكتور و ما تكون كبيرة في السن لانه العملية هذي يبي لها تركيز و بال طويل بمعنى انهم يزرعون شعرة شعرة و الشعر لازم يكون جنب بعض عشان الكثافة تكون كثيرة و الشعر يبين طبيعي ,طبعا اذا بخششت الفنية 500 و 1000 ريال امورك بتكون خالصة,
العملية اسبوع بالكثير و اسبوع بعدها يتم غسل الراس ,ممكن عملية اغسل تسويها بنفسك و بعدها تسوي اسبوع جلسات ليزر كل يوم 20 دقيقة ,هاي ممكن تسويها في الدوحة ,بس انا انصح انه تكون اجازتك 3 اسابيع عشان تخلص كل شي هناك ترجع و لا حد يحس انك مسوى عملية زراعةشعر.:nice:
بالنسبة للتكلفة انا زرعوا لي 10000 شعرة و كلفتني تقريبا 13 الف ريال و نفس كمية الشعر في الدوحة قالوا لي 40 الف ريال ,طبعا هناك عندهم غرف في اي بي يعني تكون بروحك في غرفة خاصة و تدفع فرق بسيط , الصراحة انا عجبني كل شي عندهم والي يبي يروح يسوي زراعة الشتاء احسن وقت ,الصيف هم زين بس الحر يمكن يأذيكم شوي. عندي صور اذا حبيتوا ممكن انزلها لكم , و الي حابب يروح ممكن اعطيه العنوان و فيه واحد هناك ممكن يضبط له الفندق و ياخذ مواعد للزراعة .

على اذنكم بروح اسوي سشوار و احط جل على شعري:nice: <<<<< اصلع سابق


ممكن تروينا صورة صلعتك قبل وبعد العملية

علشان نتشجع:nice:
a1h1m1e1d
24-11-2009, 02:26 PM
أخي الفاضل ألسلام عليك و رحمة الله و بركاته أكون ممتن لك لو أرسلت لي عنوان المستشفى و أسم الطبيب الذي اجرى لك الزرع لآني بأذن الله من الذين ينوون تجربتها باقرب وقت و جزاك الله الف خير و رزقك دوام الصحة و العافية
الرويـس
24-11-2009, 06:27 PM
أكثر من 40000 مشاهده
واكثر من 100 رد
:secret:


مساكم الله بالخير يامعشر الصلعان
:rolleyes2:
radawee
24-11-2009, 08:50 PM
السلام عليكم
ممكن العنوان في ايران لزراعة الشعر

شاكر لك
blackjacket
24-11-2009, 11:54 PM
ممكن التفاصيل على الخاص وجزاك الله خير

بطرشه لك :)

ياريت لو كان عندك صوره قبل العمليه عشان نقدر انعرف راسك من فوق كم من في الاميه اصلا كان فيه شعر
ويعطيك العافيه ويمكن انخلي الوالد يسوي

ياخوي اول صورة منزلها هي حق قبل العملية و اخر صورة هي احدث صورة الي هي بعد 3 اسابيع من العملية , انا اصلا توني زارع ما كملت شهر :)


عندي سؤال ومقولة الكل يتناقلها
البعض يقول اللي يضرب موس في الراس دائما يحمي الشعر من التساقط صحيح ؟ هي مجرد مقوله ياخوي ما في شي يوقف تساقط الشعر الوراثي الا الزراعة


نبي نشوف صورة حديثة الحين نشوف النتايج بيطلع شعر فلبيني ولا افريقي ^_^ << متشوقة للنتايج لا فلبيني ولا افريقي طلع اوروبي و اشقر بعد:nice:
اخر صورة هي الي نزلتها في الصفحة السابقة ,شوي شوي قاعد يطول:nice:



يعطيك العافية


الحمدلله على السلامة

اخوي انت قلت العملية على خمسة ايام
ممكن تحدد لنا الشغل الي يكون في هاذي الايام

وتفاصيل المستشفى والسكن لوسمحت

يوميا عندك ثلاث جلسات شيل و غرس الشعر
تبدي من الساعة 9 الصبح لين 4 العصر طبعا مش متواصل في بينهم فترات راحة ,طبعا مش لازم 5 ايم ممكن اقل حسب نسبة الصلع في الراس !




نفس السؤال وعليك بالعافيه بس نبي نشوف صورتك بعد ماطول الشعر :shy:
عندنا ناس نبي نزرع شعرهم :)
توني زارع ما كملت شهر احث صور نزلتهم في المنتدى:)



تبووون الصج احس نسبة الصلعان كبيره ..

انا بصراحه احس انها مالها داعي الزراعه ولو ان الواحد متعود يطلع بدون غتره وهو اصلع عادي بتمر عليه الايام ويتعود على مظهره بس المشكله ان الغالبيه يكونون بقطر او بأي دوله خليجيه تحت ساتر الغتره وبالسفر ينكشف المستور وتصير لماااعيه مع اني اشوفها عادي ..

انا ولله الحمد مش اصلع وشعري مع اني ما اهتم فيه بس لله الحمد حلو ولا فيه امل اني اصله <<< عيني علي بارده:nice:

بس المشكله واحد من اعز الناس علي وهو حاول يزرع بلبنان وبلجيكا بس مافيه امل لان الصلع نسبته كبيره ما اعرف بالضبط ..
:eek5:
السؤال اقدر اتبرع له بشرط اني ما احلق شعري او يصير احنا شباب وكل واحد يتبرع له بالف ولا الفين شعره يعني الموضوع قطية شعر ...:victory:

الموضوع جدي ومش غشمررره المسكين اتصلت فيه ابلغه قال بروح من بكرا بس من وين لي شعر ؟؟ كسر خاطري وقلت اتبرع له:weeping:
المشكلة في الغترة و العقال ياخوي ,الواحد فرحان انه ساتر نفسه بس من يلبس بدلة صدقني الكل ينصدم فيه:) حتى الواحد اذا بيتزوج و هو اصلع لازم قبل ما يملج يقول انه اصلع عشان ما تنصدم البنت:nice:
ياخوي مايصير تتبرع له لانه الجسم ما يتقبل !
بس هو اصلع ما عنده شعر حتي ورا الراس ؟
بس ممكن ياخذون شعر من الصدر تراني جاد و ما امزح, بس اذا صدره هم مافي شعر وايد الصراحة الله يعينه:shy:


السلام عليكم
اخوي ممكن عنوان ورقم المستشفى
مع الشخص الي بيكون موجود لحجز الفندق والترتيبات
بطرشه لك عل خاص


ممكن تروينا صورة صلعتك قبل وبعد العملية

علشان نتشجع:nice: صور قبل و بعد العملية موجودة في الموضوع


أخي الفاضل ألسلام عليك و رحمة الله و بركاته أكون ممتن لك لو أرسلت لي عنوان المستشفى و أسم الطبيب الذي اجرى لك الزرع لآني بأذن الله من الذين ينوون تجربتها باقرب وقت و جزاك الله الف خير و رزقك دوام الصحة و العافية

مبروك مقدما وبطرش لك العنوان


أكثر من 40000 مشاهده
واكثر من 100 رد
:secret:


مساكم الله بالخير يامعشر الصلعان
:rolleyes2:
هلا ياخوي نورت الموضع
ترى انا ما انعد من الصلعان خلاص ودعت عالم الصلعان:nice:


السلام عليكم
ممكن العنوان في ايران لزراعة الشعر

شاكر لك

بيجيك عل خاص
الكواري
25-11-2009, 12:00 AM
السلام عليكم
ممكن العنوان في ايران لزراعة الشعر

شاكر لك
جاكم الأعصار
25-11-2009, 12:28 AM
ياخوي حلاه الرجال بقرعته تعطيه هيبه وتخلي البنات يركضون وراه

الله يهداك ياخوي كان حطيت ال13 الف في صدقه جاريه والا كفلت ايتام

الكمال لله وحده يعني بالشعر اللي زرعته صرت كامل الاوصاف!!

ياخي شوفني انا شحلاتي اقرع ووسيم كني كوجاك :)
alrheeb2020
25-11-2009, 12:31 AM
ياخوي حلاه الرجال بقرعته تعطيه هيبه وتخلي البنات يركضون وراه

الله يهداك ياخوي كان حطيت ال13 الف في صدقه جاريه والا كفلت ايتام

الكمال لله وحده يعني بالشعر اللي زرعته صرت كامل الاوصاف!!

ياخي شوفني انا شحلاتي اقرع ووسيم كني كوجاك :)



يمكن متأثر بمهند انت اشدراك :tease::tease:
دكتورة روح
25-11-2009, 01:00 AM
اخوي بلاك جاكيت
امسح من رسايلك ابي اطرش لك :(
جرير
25-11-2009, 04:46 AM
الصور ترتيب ما شالله

وياريت تطرش لي الصور الاصليه مالتك بس بدون

ما تغطي صوره الوجه عشان بنزلك موضوع قبل العمليه

وبعد وبيكون مرتب ان شالله وبحاول انزله قبل العيد

( التلفون الله لا يهينك والعنوان واذا فيه لهم موقع على النت )
alrheeb2020
25-11-2009, 04:54 AM
الصور ترتيب ما شالله

وياريت تطرش لي الصور الاصليه مالتك بس بدون

ما تغطي صوره الوجه عشان بنزلك موضوع قبل العمليه

وبعد وبيكون مرتب ان شالله وبحاول انزله قبل العيد

( التلفون الله لا يهينك والعنوان واذا فيه لهم موقع على النت )



تبيين اطلعين الفضايح الله يهديك :tease::tease:
blackjacket
25-11-2009, 04:56 PM
السلام عليكم
ممكن العنوان في ايران لزراعة الشعر

شاكر لك

بطرشه لك :)


ياخوي حلاه الرجال بقرعته تعطيه هيبه وتخلي البنات يركضون وراه

الله يهداك ياخوي كان حطيت ال13 الف في صدقه جاريه والا كفلت ايتام

الكمال لله وحده يعني بالشعر اللي زرعته صرت كامل الاوصاف!!

ياخي شوفني انا شحلاتي اقرع ووسيم كني كوجاك :)

كلامك صح ياخوي و انا معاك

صدقني انا سويت العملية عشان ارتاح من البنات ,ياخوي املاحقيني املاحق في الشغل في الشارع ...قلت ازرع لي كمن شعرة عشان يخلوني في حالي :nice:


اخوي بلاك جاكيت
امسح من رسايلك ابي اطرش لك :(
خلاص فضيت الصندوق




الصور ترتيب ما شالله

وياريت تطرش لي الصور الاصليه مالتك بس بدون

ما تغطي صوره الوجه عشان بنزلك موضوع قبل العمليه

وبعد وبيكون مرتب ان شالله وبحاول انزله قبل العيد

( التلفون الله لا يهينك والعنوان واذا فيه لهم موقع على النت )

ياخوي انا محد يدري اني مسوي عملية الحين تبي تحط صوري و تفضحني:eek5::secret:

بطرش لك العنوان
الوجبه
25-11-2009, 06:29 PM
السلام عليكم

حبيت بس احذركم من حاجه ووضح لكم الموضوع ولحد يستعجل :)

شوفو يا اخوان سقوط الشعر اما بحاله نفسيه او وراثه ..

اذا كانت حاله نفسيه وسقط فهذا من طبيعه الشخص وكيف حياته ووضعه

الاسري والبيئي ..

اما اذا وراثه فهذا ايضا شي متوارث من جيل لجيل والله سبحانه (ميز)

البشر بامور كثيره ..

ندخل في الموضوع الان ..

طبيعه الجسم البشري ما يقبل اي شي جديد وحتى لو اقبله فهو (لفتره بسيطه)

وبعدها اكيد بيتعرض لمشاكل كثيره في جسمه ..

اسال اي واحد مركب (حديد) او (مسمار) وتسمعون عن دكتور نسى ماده

في جسم مريض بعد فتره يطردها الجسم مهما كانت ..

فالجسم يطرد اي شي غريب عليها ..

ثانيا ..

ايش ضمنك ان (المشارط) او الابر المستخدمه في هذه الدول تكون (نظيفه)

وما اتسبب لك امراض او تنقل لك امراض وخاصه انها في دول (بدائيه)

..

الله سبحانه خلق الانسان وله عمر معين يعيش فيه فاذا وصل ال 30 وطالع

وطالع الاغلب تكون له مشاكل في الشعر وهذا ما يقتصر على الرجال

فالحريم ايضا يطيح شعرهن لكن بنسب متفاوته فهذا كله من سنن الحياه

ونرد ونقول (لحد) يلعب في جسمه او جلده لان المخاطر تطلع اذا كبر

في السن واخذ جلده في التغير من جديد فهنا (يرد) يسقط من جديد لان الجسم

(بيلفظه) باعتبار انه شي غريب عليه لانه في الاصل شعر من مكان ثاني

وانزرع في مكان غير مكانه ..

دوره الانسان في الحياه يا اخوان ممنوع احد يلعب بها فهذا والله من (العبث)

في الجسد ..

فحبيت اقول لكم ان الزراعه هذي مؤقته لمن يزرع ومدتها قصيره ..

ممكن تستمتع فتره بسيطه ولكن بيتم (جزء) من راسك بعد فتره بدون شعر

غير ان الشعر له طول محدد وفيه الكثير من الممنوعات ما يقدر يمارسها

وفي حال مارسها او تعرض لها (رجع) اصلع من جديد .. يعني في النهايه

بيرجع مثل ما هو عليه ..

فمثل ما قالو بعض الاخوان عدم الصرف على هذي الامور اللي ما منها فايده ..

وفيه (خطر) كبير في حال كان في الابره او المشرط او غيرها عدم نظافه

مما يتسبب له في امراض او نقل عدوى ..

فالرجل رجل ما يهمه شي سواء كان اصلع او غيره فالواجب ينتبه لعمله

ومستقبله ودراسته .. وتكون نظره الشخص بعيده مش في مظهر :)

وسلامتكم
شموخ وبس
25-11-2009, 06:31 PM
مبروك يابلاك انزين لازم اقرعون لو انا ابي اسوي لازم اقرع خخخخ بتخيل شكلي قرعه
صج اسالهم اهناك حتى الحريم اتقرعونهم هههههه وحده جريئة
شموخ وبس
25-11-2009, 06:35 PM
في واحدامسوي زراعة في لبنان عقب فتره تساقط شعره يوم ركب الطياره هاي غير فعلا ادواتهم يمكن مش نظيفة
QAT2020
25-11-2009, 11:25 PM
السلام عليكم
اخوي ممكن عنوان ورقم المستشفى
مع الشخص الي بيكون موجود لحجز الفندق والترتيبات
rma1g
26-11-2009, 12:34 AM
هههههههه
تسلم الغالي
blackjacket
26-11-2009, 08:27 AM
مبروك يابلاك انزين لازم اقرعون لو انا ابي اسوي لازم اقرع خخخخ بتخيل شكلي قرعه
صج اسالهم اهناك حتى الحريم اتقرعونهم هههههه وحده جريئة
ولا الحريم مادري ,بس بعد يطلع حلو الشكل الوحدة و هي مقرعة:nice: انتي قرعي و قولي هاي موضة ال 2010:nice:


في واحدامسوي زراعة في لبنان عقب فتره تساقط شعره يوم ركب الطياره هاي غير فعلا ادواتهم يمكن مش نظيفة
ياختي هم يقولون انه الشعر بعد شهر يتساقط و يطلع من جديد بس بعدين ما يتساقط, بالنسبة للنظافة الواحد يكون في وعيه وقت العملية و يشوف كل شي ,انا عن نفسي ما شفت شي مش نظيف و كل شي كان معقم عندهم :)


السلام عليكم

حبيت بس احذركم من حاجه ووضح لكم الموضوع ولحد يستعجل :)

شوفو يا اخوان سقوط الشعر اما بحاله نفسيه او وراثه ..

اذا كانت حاله نفسيه وسقط فهذا من طبيعه الشخص وكيف حياته ووضعه

الاسري والبيئي ..

اما اذا وراثه فهذا ايضا شي متوارث من جيل لجيل والله سبحانه (ميز)

البشر بامور كثيره ..

ندخل في الموضوع الان ..

طبيعه الجسم البشري ما يقبل اي شي جديد وحتى لو اقبله فهو (لفتره بسيطه)

وبعدها اكيد بيتعرض لمشاكل كثيره في جسمه ..

اسال اي واحد مركب (حديد) او (مسمار) وتسمعون عن دكتور نسى ماده

في جسم مريض بعد فتره يطردها الجسم مهما كانت ..

فالجسم يطرد اي شي غريب عليها ..

ثانيا ..

ايش ضمنك ان (المشارط) او الابر المستخدمه في هذه الدول تكون (نظيفه)

وما اتسبب لك امراض او تنقل لك امراض وخاصه انها في دول (بدائيه)

..

الله سبحانه خلق الانسان وله عمر معين يعيش فيه فاذا وصل ال 30 وطالع

وطالع الاغلب تكون له مشاكل في الشعر وهذا ما يقتصر على الرجال

فالحريم ايضا يطيح شعرهن لكن بنسب متفاوته فهذا كله من سنن الحياه

ونرد ونقول (لحد) يلعب في جسمه او جلده لان المخاطر تطلع اذا كبر

في السن واخذ جلده في التغير من جديد فهنا (يرد) يسقط من جديد لان الجسم

(بيلفظه) باعتبار انه شي غريب عليه لانه في الاصل شعر من مكان ثاني

وانزرع في مكان غير مكانه ..

دوره الانسان في الحياه يا اخوان ممنوع احد يلعب بها فهذا والله من (العبث)

في الجسد ..

فحبيت اقول لكم ان الزراعه هذي مؤقته لمن يزرع ومدتها قصيره ..

ممكن تستمتع فتره بسيطه ولكن بيتم (جزء) من راسك بعد فتره بدون شعر

غير ان الشعر له طول محدد وفيه الكثير من الممنوعات ما يقدر يمارسها

وفي حال مارسها او تعرض لها (رجع) اصلع من جديد .. يعني في النهايه

بيرجع مثل ما هو عليه ..

فمثل ما قالو بعض الاخوان عدم الصرف على هذي الامور اللي ما منها فايده ..

وفيه (خطر) كبير في حال كان في الابره او المشرط او غيرها عدم نظافه

مما يتسبب له في امراض او نقل عدوى ..

فالرجل رجل ما يهمه شي سواء كان اصلع او غيره فالواجب ينتبه لعمله

ومستقبله ودراسته .. وتكون نظره الشخص بعيده مش في مظهر :)

وسلامتكم




اولا ياخوي احنا نتكلم عن زراعة الشعر مش تركيب حديد ولا بلاتين في الجسم عشان تقول لي الجسم ما يتقبل , بعدين حتي تركيب البلاتين او اي شي ثاني في الجسم يسون فحص قبل ما يركبونه في جسم الانسان . بعدين ياخوي هم يشيلون من الراس و يزرعون في الراس و ممكن ياخذون من الصدر, و الاماكن الثانية مستحيل ياخذون منها لانه ما يصيرو هاي كلام الدكاترة هم يفهمون احسن مني و منك ياخوي و لعلمك عملية زراعة الشعر صار لها تقريبا 100 سنة و ما في اي ابحاث تاكد كلامك :)


ياخوي من نزلت الموضوع اكثر من 100 رسالة وصلنتي عل خاص ويمكن اكثر من 10 منهم زارعين شعر و في منهم الي زارع من سنة 2000 و لين يومك ما طاح شعره, ليكون ياخوي انت مسوي عملية زراعة و طاح شعر و صلعت من يديد:omen2::nice:

مستغرب منك تقول عن ايران دولة بدائية !!!!!!! ياخوي يصنعون عندهم كل شي من المخمة (الله يعزكم) لين طيارات حربية والطب متقدم عندهم هناك يسوون عمليات قلب مفتوح و زراعة كبد...كفاية انه نص الي كانوا في الفندق خليجين جايين يتعالجون.....
و بالنسبة لنقل امراض ياخوي قبل ما تسوي العملية لازم تسوي كمن فحص من ضمنهم فحص اتش اي في عشان ياخوي اولا يحمون نفسهم و ثانيا محد يتبلى عليهم انه صادة مرض منهم.
ياخوي اعتقد يمكن سمعت انه اكثر من مريض سفروهم بلاد برا للعلاج و رجعوا و فيهم الايدز و الهبيتايتس:eek5:
بالنسبة للزراعة مش لفترة موقتة ياخوي و مايطيح مرة ثانية لانه ماخوذ من منطقة ما تتاثر بالوراثة , بس ياخوي اذا انت تقول الكلام من واقع تجربة ياريت تفيدنا اكثر :)



السلام عليكم
اخوي ممكن عنوان ورقم المستشفى
مع الشخص الي بيكون موجود لحجز الفندق والترتيبات

بيجيك عل خاص


هههههههه
تسلم الغالي

:)
الوجبه
26-11-2009, 08:44 AM
هلا اخوي .. والله انا ناصح لك :) واتمنى شعرك لين كتفك .. بس قلت لك

له عمر افتراضي :)

وشوف هذا رد دكتور في موقع اخوي ..

- د. شريف زامر إخصائي جراحة التجميل وكان رده الآتي:

أخي العزيز، إن زراعة الشعر تطورت في السنوات الأخيرة بشكل كبير، وتتم عن طريق غرس بصيلات الشعر في المناطق الخالية من الشعر، وليس لهذه العملية أية مخاطر غير أن الشعر الذي يزرع يكون له عمر افتراضي نقدره نحن بحوالي خمس أو ست سنوات، ومن بعدها يسقط الشعر مرة أخرى وتعاد عملية زراعته.

أما عن التكاليف عزيزي فهي تختلف من مكان لآخر ومن جراح لآخر، وهنا في مصر تقدر تكاليف هذه العملية على حسب مساحة المنطقة المراد زرع الشعر فيها وتقدر بحوالي من 7-8 جنيهات للشعرة الواحدة.

هذا هو عزيزي ما تمكننا من الحصول عليه من معلومات حول سؤالك، ولك الخيار في أن تقدم على عملية زراعة الشعر بتكاليفها العالية مع احتمالية سقوط الشعر بعد سنوات قليلة أو أن ترضى وتقنع بأن الرجل ليس بشكله.. {إن أكرمكم عند الله أتقاكم}.
وفي انتظار استشارة أخرى منك تخبرنا فيها بما قررته.. داعين الله لك بدوام الصحة والعافية.

يمكنك مطالعة الاستشارات التالية لمزيد من الفائدة:

......

يعني ايش الفايده اذا هو بيسقط في الاخير .. لكن سقوطه اخوي بيكون (بشع)

يعني في النهايه بيكون راسك (مشوه) مش مثل الاصلع الطبيعي لانه بيسقط

في اجزاء معينه وبيتم في اجزاء بيصير راسك مثل (الحفر) انا والله ناصح

لك وللاخوان .. صلع طبيعي بيصير راسك مرتب ولا تستانس الحين وفي الاخير

بتغطي راسك عدل ويمكن (ادقها) لثمه ..

بالنسبه اخوي ل ايران والدول اللي تعمل عمليات فهذا كله شغل (تجاري)

حالها حال لبنان وسوريا وغيرها من البلدان ..

اما بالنسبه لانتفال المرض فماله علاقه انهم يعملون لك فحص قبل فهو ممكن

يكون من مشرط مستخدم من قبل او ابره هو مستخدمها لشخص قبلك ..

شلون تتاكد من نظافه المكان .. وشلون تتاكد ان المشرط والابره خاصه لك او نظيفه ..

اما بالنسبه لي اخوي .. انا والله استمتعت بشعري يوم كنت صغير ولين

صار عمري 44 سنه والحمدلله .. غزرتها في الدراسه وطلب العلم ولا فكرت

في امور تجميليه ..

نصيحه للي بيعمل العمليه .. فكر في المبلغ وفكر في الفتره الزمنيه وايضا

فكر اذا سقط بعدها شلون بيكون (راسك) :)

يعني لازم تلتزم معاهم .. اذا زرعت وعمرك 23 او 25 مثلا يعني في ال 30 بتزرع

مره ثانيه وهكذا ..يعني بيكون التزام ..

وشكرا
blackjacket
26-11-2009, 10:24 AM
هلا اخوي .. والله انا ناصح لك :) واتمنى شعرك لين كتفك .. بس قلت لك

له عمر افتراضي :)

وشوف هذا رد دكتور في موقع اخوي ..

- د. شريف زامر إخصائي جراحة التجميل وكان رده الآتي:

أخي العزيز، إن زراعة الشعر تطورت في السنوات الأخيرة بشكل كبير، وتتم عن طريق غرس بصيلات الشعر في المناطق الخالية من الشعر، وليس لهذه العملية أية مخاطر غير أن الشعر الذي يزرع يكون له عمر افتراضي نقدره نحن بحوالي خمس أو ست سنوات، ومن بعدها يسقط الشعر مرة أخرى وتعاد عملية زراعته.


انا اقول ياخوي ناس زارعين من سنة الفين و للحين ما طاح الشعر,ياخوي اذا خذوا الشعر من منطقة متأثرة بالجينات الوراثية اقول نعم و ابصم لك انه بيطيح بعد فترة,بس هم ما ياخذون من هل منطقة



أما عن التكاليف عزيزي فهي تختلف من مكان لآخر ومن جراح لآخر، وهنا في مصر تقدر تكاليف هذه العملية على حسب مساحة المنطقة المراد زرع الشعر فيها وتقدر بحوالي من 7-8 جنيهات للشعرة الواحدة.



ياخوي 7-8 جنيه يعني 6 ريالات للشعرة حتى اغلى من فرنسا انا اتكلم عن ريال و نص للشعرة شوف الفرق ياخوي ,تذكرة ايران على طيران الخليخ عل بزنس روحة و وردة مانوصل خمسة الاف ريال فرنسا فوق ال 15000 الف ريال ,يعني اغلى من تكلفة العملية كلها



هذا هو عزيزي ما تمكننا من الحصول عليه من معلومات حول سؤالك، ولك الخيار في أن تقدم على عملية زراعة الشعر بتكاليفها العالية مع احتمالية سقوط الشعر بعد سنوات قليلة أو أن ترضى وتقنع بأن الرجل ليس بشكله.. {إن أكرمكم عند الله أتقاكم}.
وفي انتظار استشارة أخرى منك تخبرنا فيها بما قررته.. داعين الله لك بدوام الصحة والعافية.



ياخوي انا زرعت و خلصت و التكلفة تحت ال15 الف :)
......

يعني ايش الفايده اذا هو بيسقط في الاخير .. لكن سقوطه اخوي بيكون (بشع)

يعني في النهايه بيكون راسك (مشوه) مش مثل الاصلع الطبيعي لانه بيسقط

في اجزاء معينه وبيتم في اجزاء بيصير راسك مثل (الحفر) انا والله ناصح

لك وللاخوان .. صلع طبيعي بيصير راسك مرتب ولا تستانس الحين وفي الاخير

بتغطي راسك عدل ويمكن (ادقها) لثمه ..


مدري ياخوي من كلامك احس انك زارع شعر:) ارد و اكرر اذا ماخذين الشعر من مكان صح الشعر ما يطيح مرة ثانية و اذا على قولتك الشعر المزروع بيطيح لازم يطيح كله مش اجزاء منه

بالنسبه اخوي ل ايران والدول اللي تعمل عمليات فهذا كله شغل (تجاري)

حالها حال لبنان وسوريا وغيرها من البلدان ..



ممكن توضح لي ياخوي من وين عرفت انه شغل تجاري ؟ بعدين ياخوي التقنية الي يقصون شريحة من فروة الراس و يزرعونها قدام والي موجودة في اوربا و لبنان احس انها تجارية ياخوي ,مش انه العملية ما تكون ناجحة,لا, لانها تخلص في يوم واحد ,بالنسبة للمركز الي رحته انا عندهم نفس ال تقنية بس ما نصحوني فيها ,انا سويت العملية في 5 ايام و شلو شعرة شعرة ياخوك ,فانت احسبها يزرعون لك في يوم واحد ولا خمسة ايام اي واحد احسن ,اذا كان تجاري كان يخلص المرضى في يوم واحد بدال ما يعطيهم مواعيد بالشهرين قدام

اما بالنسبه لانتفال المرض فماله علاقه انهم يعملون لك فحص قبل فهو ممكن

يكون من مشرط مستخدم من قبل او ابره هو مستخدمها لشخص قبلك ..

شلون تتاكد من نظافه المكان .. وشلون تتاكد ان المشرط والابره خاصه لك او نظيفه ..


اشلون فحص قبل العملية ماله دخل افرض ياخوك شخص خلع له ضرس في عيادة بعدين اصيب بمرض الايدز اشلون يقدر يثبت انه صاده من العيادة و ماكان عنده الايدز من قبل ؟ انت ياخوي وش دراك من تروح اي مستشفى وانت مخدر انهم ما يستخدمون ادوات غير نظيفة ؟

اما بالنسبه لي اخوي .. انا والله استمتعت بشعري يوم كنت صغير ولين

صار عمري 44 سنه والحمدلله .. غزرتها في الدراسه وطلب العلم ولا فكرت

في امور تجميليه ..

نصيحه للي بيعمل العمليه .. فكر في المبلغ وفكر في الفتره الزمنيه وايضا

فكر اذا سقط بعدها شلون بيكون (راسك) :)

يعني لازم تلتزم معاهم .. اذا زرعت وعمرك 23 او 25 مثلا يعني في ال 30 بتزرع

مره ثانيه وهكذا ..يعني بيكون التزام ..



بالنسبة للتكلفة الاجمالية للعملية حمدالله اقل من سعرة تذكرة دوحة لندن دوحة , الحمدلله ياخوي حنا درسنا و خلصنا دراسة و بالنسبة للعملية ياخوي ما اعتيرها تجميلية لاني لا مسوي تنفيخ لخدودي ولا امصغر خشمي ياخوك كان عندي شعر و طاح و رجعته,و مافي شي اسمه التزام ,الشعر المزروع مايطيح مرة ثانية, خلنا نفترض انه بيطيح بعد عشر سنين ,انا الحين عمري 30 بتزوج و خله يطيح بعد عشر سنين مافي مشكلة ذيك الساعة,



وشكرا

و كل عام و انت بخير و عساك من عواده:)
همي رضى ربي
28-11-2009, 11:48 PM
الله يجزيك الخير ابي العنوان والتفاصيل على الخاص لاني مسافره قريب
إينشتاين
29-11-2009, 04:35 AM
يعطيك العافيه اخوي على الموضوع الحلو
انا سويت عملية زرع شعر عند دكتور في الدوحة وكلفتني عشر ألآف ريال هذا الكلام سنة 2004 لكن للأسف العملية طلعت فاشلة والشعر مبين انه مزروع ويبنه مسافات شاسعة عشان جيه كنت مقرر اني اسوي عملية ثانية عشان اصحح الخطأ عند ناس تفهم
إذا ماعليك امر ممكن اسم وعنوان المستشفى ورقم الشخص الي يرتب لنا السكن والمواصلات
وتسلم اخوي مقدماً
سنافي قطر
30-11-2009, 02:55 AM
رحم الله والديك وبيض الله وجهك على مساعده الشباب وعلى التواصل بالرسائل الخاصه يالغالي
سهم قطر
30-11-2009, 03:39 AM
اخوي مارديت علي بخصوص اسم المستشفى واسم الدكتوره والعنوان
ورقم المترجم

وشكرااااا
همي رضى ربي
30-11-2009, 10:16 AM
السلام عليكم لوسمحت اخوي ممكن اطرش لي الرقم بسرعه عندي سفره قريب
yousef545
30-11-2009, 03:23 PM
بلاك جاك عندي اقتراح

اشرايك انجيب الدكتور الايراني الدوحه

و الوعد في العنه الي يبي ايزرع شعر

هههههههههههههههههههههههههههه

و تحياتي لكل صلعان المنتدى

احنا اربع اخوان اثنين اورثو الصلع

و اانا و اخوي الكبير ورثنا شي ثاني هههههههههههههه <= مب معلم
blackjacket
01-12-2009, 12:06 PM
الله يجزيك الخير ابي العنوان والتفاصيل على الخاص لاني مسافره قريب

بيجيج عل خاص

يعطيك العافيه اخوي على الموضوع الحلو
انا سويت عملية زرع شعر عند دكتور في الدوحة وكلفتني عشر ألآف ريال هذا الكلام سنة 2004 لكن للأسف العملية طلعت فاشلة والشعر مبين انه مزروع ويبنه مسافات شاسعة عشان جيه كنت مقرر اني اسوي عملية ثانية عشان اصحح الخطأ عند ناس تفهم
إذا ماعليك امر ممكن اسم وعنوان المستشفى ورقم الشخص الي يرتب لنا السكن والمواصلات
وتسلم اخوي مقدماً

ياخوي اهم شي في عملية زراعة الشعر طولة بال الفني الي يزرع لك الشعر ,الي يبي خلص سريع سريع يزرع لك الشعر بمسافات طويلة ...اعتقد الدكتور اعرفه عيادتة الحين في العسيري:)


اخوي مارديت علي بخصوص اسم المستشفى واسم الدكتوره والعنوان
ورقم المترجم

وشكرااااا
بيجيك عل خاص


بلاك جاك عندي اقتراح

اشرايك انجيب الدكتور الايراني الدوحه

و الوعد في العنه الي يبي ايزرع شعر

هههههههههههههههههههههههههههه

و تحياتي لكل صلعان المنتدى

احنا اربع اخوان اثنين اورثو الصلع

و اانا و اخوي الكبير ورثنا شي ثاني هههههههههههههه <= مب معلم

اقتراح مافي احسن منه
بس بنجيب الدكتور يسوي لنا كباب ايراني و انا بزرع لكم شعر:nice:
blackjacket
01-12-2009, 12:08 PM
رحم الله والديك وبيض الله وجهك على مساعده الشباب وعلى التواصل بالرسائل الخاصه يالغالي

والديك ياخوي و انا حاضر لأي استفسار:)
إينشتاين
02-12-2009, 02:07 AM
مشكور اخوي ويعطيك ألف عافيه على اهتمامك وردك على الخاص
الصوت المبحوح
02-12-2009, 03:10 AM
مبروك اخوي الشعر الجديد وعقبال باقي الصلعان :)
bobdeeer
10-12-2009, 02:21 PM
الأخ blackjacket

يعطيك 1000 عافية و عسى الله يوفقك يا رب و تستاهل كل خير موضوعك هذا ادوره دوارة و والله من اكثر من 10 ايامو انا ميت بحاول اشارك بالمنتدى و ماني قادر بسبب قصة الايميل الرسمي انا اخوك من الكويت و اعاني من الصلع المبكر و عمري 26 سنه و يا حسافة عالشعر عين ما صلت عالنبي عموما اخوي ابي من بعد اذنك تعلمني كل شي انا بعد شهرين بروح و ابيك تضبطني و اللي يرحم والدينك و والدين الجميع يالغالي هذا ايميلي NshNsh@live.com ممكن تضيفني و نتفاهم يالغالي و او ارسال التفاصيل عالخاص ادري أذيتك بس و ربي محتاجك يالخوي ناطر ردك و المشكلة ما اقدر ارسلك عالخاص لاني عضو جديد :) شكرا
سمرلاند
10-12-2009, 03:56 PM
تهنيــــــــت :)

ممكن التفاصيل عالخاص؟

وجزاك الله كل خير على عرض تجربتك
bobdeeer
10-12-2009, 08:38 PM
اخوي ناطرك على نار :)
bobdeeer
10-12-2009, 10:35 PM
blackjacket

ناطرينك يالعود الشباب بالكويت يدعولك لووووووووووول :)
Sharshooooor
10-12-2009, 10:51 PM
وين العنوان

:anger1:
bobdeeer
10-12-2009, 10:54 PM
خل ننطر شباب الاخ معذور ما دش النت ان شاء الله برد :)
شموخ وبس
10-12-2009, 10:56 PM
يصراحة يابلاك جاكيت افدت كل الشباب الله اهنيه جزاك الله خير وربحت المستشفى الايراني اللي هناك المفروض تاخذ عموله من المستشفى :-) اشرايك في اقتراحي خوش لا
بالتوفيق انشالله
bobdeeer
10-12-2009, 11:29 PM
يسناهل العين ومايها والله انه فادنا :) الله يوفقه :)
bobdeeer
11-12-2009, 10:30 PM
بلاك جاكيت وينك يالغالي
bobdeeer
11-12-2009, 10:31 PM
ياليت من احد الشباب اللي يقدر يرسل رساله خاصة يبلغة يشوف الموضوع و الله ابيه ضروري و سفرتي قربت :(
bobdeeer
12-12-2009, 02:14 AM
blackjacket
bobdeeer
12-12-2009, 02:14 AM
:) وينك تكفه
شموخ وبس
12-12-2009, 02:27 AM
:) وينك تكفه

كل تاخيره فيها خيره انشالله ابتلقاه اصبرلك اشوي ونصيحه صلي الاستخاره والسموحه عاللقافه
bobdeeer
12-12-2009, 04:08 AM
لا مسموح اخوي ممكن ترسلة رسالة عالخاص تقولة :)
الـجـنـاحـي
12-12-2009, 07:40 AM
على اذنكم بروح اسوي سشوار و احط جل على شعري:nice: <<<<< اصلع سابق

:shy::shy::shy::shy::shy:
bobdeeer
12-12-2009, 05:09 PM
ياليت من احد الشباب اللي يقدر يرسل رساله خاصة يبلغة يشوف الموضوع و الله ابيه ضروري و سفرتي قربت
bobdeeer
12-12-2009, 05:10 PM
تكفــــــــــــون شباب :(
ام سلطون
12-12-2009, 07:19 PM
مبروك اخوي والحمد لله على السلامة
ونت الصاج اختي ازرعت فمستشفى خاص فالدوحة 8000 شعرة ب40الف:eek5:
إذا اتدز لي التفاصيل على الخاص اكون شاكرة لك:victory:
bobdeeer
12-12-2009, 10:48 PM
ياليت من احد الشباب اللي يقدر يرسل رساله خاصة يبلغة يشوف الموضوع و الله ابيه ضروري و سفرتي قربت
bobdeeer
12-12-2009, 10:50 PM
:( وينك بلاك جاكيت
bobdeeer
12-12-2009, 10:51 PM
بنطرك لين ترد علي و ان شاء الله بترد يالغالي :)
bobdeeer
12-12-2009, 11:26 PM
:( am waitting
bobdeeer
13-12-2009, 08:36 AM
:) صباح الخير عالكل ان شاء الله بلاك جاكيت يرد علينا اليوم :)
Qtri-87
07-03-2010, 03:56 AM
اذا ممكن العنوان وارقام التليفون
وكل التفاصيل الخاصه بالمستشفى
saad1125
07-03-2010, 07:12 AM
الحمد لله على السلامة واكون شاكر لك لو ترسلي المعلومات على الاميل saad_ali633@hotmail.com عندي صلع وافكر في الزراعة من فترة
بوهديب
07-03-2010, 07:20 AM
على اذنكم بروح اسوي سشوار و احط جل على شعري <<<<< اصلع سابق

هههههههههههههههههههههههههههههههههههههههههه
هههههههههههههههههههههههههههههههههههههههههه