قرض الاسكان وبنك التنمية ،،، دعوة للنقاش

[روح الشمال]

الله يصبحكم ويمسيكم بالخير جميع

حبيت اطرح على اخواني الاعضاء هذا الموضوع لأهميته لدى الجميع واود ان اسمع رأي كل وحد فيكم وما هو اقتراحكم ومتطلباتكم وبكل جدية ، وهل هذا القرض يكفي لبناء بيت العمر ؟ وهي المليون و200000 في وقتنا الحالي ؟؟؟ هل تمت دراسة شاملة ومسح ميداني لأسعار مواد البناء والمقاولين و و و الخ... ؟!!! الا تتفقون معاي ان هذا المبلغ لايكفي الا لبناء (( عظم )) لاغير ؟؟ الا من المناسب ان يكون القرض المعقول هو (( مليونين و500000الف )) حتى الواحد على الاقل يكون نايم في بيتة وليس يخصم من راتبة وهو مازال يقوم بالتشطيب من جيبه ؟اسئلة كثيرة تدور في الذهن فارجو من الجميع المشاركة وابداء الرأي ...


تقبلوا تحياتي

[بويوسف]

لاتنسى انها كانت 600 الف فقط .. مليون ونص تكفي لبناء بيت متوسط بجودة عالية للتشطيب .

[العلم الوكاد]

ياليت يحطونها خمس ملايين

بس بصرااااااااحة مليون ومائتين

على مواصفات ومساحة بيوت الاسكان كافية

واشوف يوميا اعلانات في الجرايد تسليم مفتاح

من سبعمية الى ثمانمية الف

ودمتم

[ابو ماجد]

اقتراحى ان لو بنك التنميه حاط مثلا لمت اب او كحد اعلى 4000000 اربعه مليون ريال

و ترك حريه اختيار قيمه مبلغ القرض بالزياده او النقصان للمنتفع او صاحب البناء اى ان الكل يستفيد بغض النظر

عن مقدار راتب المنتفع

[شموخ دائم]

,

,

مرحبا اخوي

مع السلبيات البسيطه الموجوده في هذا القرض

الا انه يبقى احسن من الوضع السابق وهذا تقدم للافضل الحمدالله

بالنسبه هل يكفي لبناء فيلا ؟؟

نعم اخوي يكفي لبناء بيت متوسط وتشطيب متوسط

والحمدالله وبفضل من الله وليس مجامله لاحد

هذا القرض هو من احسن القروض في الدول الخليجيه

اذا ما قارنا نسبه اسعار المتر عند المقاولين مع المبلغ في قطر

اذا كل مواطن يريد بيته يكون فيلا فاخره جدا ومشطبه تشطيب سوبر

اكيد ماراح يكفي لمثل هذا الطموح الا اذا زاد المبلغ من جيبه الخاص

اذا تفكير المستفيد يكون في المتوسط وتشطيب متوسط

راح يكفي باذن الله

احنا كانوا يعطونا 600 الف وممنوع نشتري بيت جاهز بعد

الحين الحمدالله فتحوا شراء البيوت الجاهزه

في تقدم ان شاء الله ودائما للاحسن يارب

اتمنى للجميع حياه كريمه وبناء بيت العمر دون مشاكل وديون اكبر من طاقتهم

بالتوفيق لكم



,


,


,


اخوكم


شموخ دائم

[سوق واقف]

أخي العزيز الموضوع جميل جدااا

نعم المبلغ يكفي أذا بنيت مساحة 700متر بنيان تشطيب سوبر ديلوكس تسليم مفتاح يكفي ولكن السؤال ؟؟

والي عليه ديون ايش يسوي ولا يبقى شيء من راتبه ؟

الدليل أنه يكفى صديق لي الأسبوع الي طاف موفع عقد مساحة البنيان حول 900 متر مع الملاحق تشطيب سوبر ديلوكس السعر مليون و400000 الف فقط .

يعني أذا قللت من مساحة البنيان خليتها 500 أو 450 نعم تكفي وتزيد بعد

للعلم تسليم مفتاح الحين 1550ريال سعر أمس

[سهم صعب]

هاي اذا فرضنا ان الموضوع بنيان بس بس اشلون اللي ماعنده ارض هل المبلغ يكفي لارض وبنيان بيت
انا من وجهة نظري مايكفي
وشكرا

[روح الشمال]

سوق واقف - بويوسف - العلم الوكاد - شموخ دائم - بوماجد

يعطيكم العافية على المرور وابداء الرأي

ولكن ..

انا اختلف معاكم بأن هذا المبلغ لايكفي لبناء (( بيت العمر )) مو بيت فارضه علي الاسكان لاتنسا ان هذا المبلغ انت دافعه دافعه صح والا ؟ هذي وحده وبعدين لاتنسا الفوائد على القرض الثاني ! يا أخي خلك واقعي شوي اهل قطر اليوم اذا بيبني بيته له ولعياله مساحة البيت مع الملاحق ماتقل مساحته عن 700 إالى 1000 انا اقولك الاغلبية لانه بيت العمر يبي كل شي من الزين او المتوسط خلنا نقول طبعاً سعر المواد هو هو ماعدا الحديد وبدأ في ارتفاع مؤخراً بس بنسبه بسيطة وماتدري بكره شبيصير ... طيب ، لاتنسا تشطيب البيت وغير وغير وبعدين لو نرجع للوراء السنوات اللي مضت قرض الاسكان ال 300000 او 600000 حق كبار الموظفين كانت المواد رخيصه أي نفس القيمة الشرائية لو حسبتها باليوم يعني قبل احسن ومن غير فووووووووووووووائد ؟!! انا اقولك الموضوع لازم يأخذ بدراسة شاملة من قبل (( مهندسين قطريين )) وتشكل لجنة قطرية 100% غير ذلك مرفوض لان اهل قطر يعرفون ايش يبي المواطن واحتياجاته وعاداتهم وتقاليدهم في التصاميم واذواقهم ومستواهم هذا الواقع هو قرض قرض ودافع دافع خلني ادفع في شي انا مقتنع منه 100% واسكن بيتي وانا مرتاح مب كل يوم باعدل والا بكره كاسر طابوقة ومعدل وموسع وغير وغير الحمدالله احنا في خير ونعمه ومرد المراد دام انك اخذت مني (( فاااااااااااااااايدة )) عطني اللي ابيه حق بيت العمر او الشيْ المنطقي ...تعال شوف نظام البيت الشعبي الجديد ( حدث ولا حرج ) ؟!!! في ذمتك هذا تصميم بيت عايله قطرية وبيت عمر ( حدث العاقل بما يعقل ياجماعة ) وخلونا نعيش الواقع شوي احنا اهل قطر ياجماعة (( قصدي اعلى دخل في العالم )) ؟!!!!!!!!!!!!! قصدي اعلى دخل من جيب المواطن إلى البنوك ؟!!! وغيرة

اتمنى وصلت الفكره وتبقى وجهة نظر منطقية بالنسبة لي

تقبلوا تحياتي

[ودي أكون]

سوق واقف - بويوسف - العلم الوكاد - شموخ دائم - بوماجد

يعطيكم العافية على المرور وابداء الرأي

ولكن ..

انا اختلف معاكم بأن هذا المبلغ لايكفي لبناء (( بيت العمر )) مو بيت فارضه علي الاسكان لاتنسا ان هذا المبلغ انت دافعه دافعه صح والا ؟ هذي وحده وبعدين لاتنسا الفوائد على القرض الثاني ! يا أخي خلك واقعي شوي اهل قطر اليوم اذا بيبني بيته له ولعياله مساحة البيت مع الملاحق ماتقل مساحته عن 700 إالى 1000 انا اقولك الاغلبية لانه بيت العمر يبي كل شي من الزين او المتوسط خلنا نقول طبعاً سعر المواد هو هو ماعدا الحديد وبدأ في ارتفاع مؤخراً بس بنسبه بسيطة وماتدري بكره شبيصير ... طيب ، لاتنسا تشطيب البيت وغير وغير وبعدين لو نرجع للوراء السنوات اللي مضت قرض الاسكان ال 300000 او 600000 حق كبار الموظفين كانت المواد رخيصه أي نفس القيمة الشرائية لو حسبتها باليوم يعني قبل احسن ومن غير فووووووووووووووائد ؟!! انا اقولك الموضوع لازم يأخذ بدراسة شاملة من قبل (( مهندسين قطريين )) وتشكل لجنة قطرية 100% غير ذلك مرفوض لان اهل قطر يعرفون ايش يبي المواطن واحتياجاته وعاداتهم وتقاليدهم في التصاميم واذواقهم ومستواهم هذا الواقع هو قرض قرض ودافع دافع خلني ادفع في شي انا مقتنع منه 100% واسكن بيتي وانا مرتاح مب كل يوم باعدل والا بكره كاسر طابوقة ومعدل وموسع وغير وغير الحمدالله احنا في خير ونعمه ومرد المراد دام انك اخذت مني (( فاااااااااااااااايدة )) عطني اللي ابيه حق بيت العمر او الشيْ المنطقي ...تعال شوف نظام البيت الشعبي الجديد ( حدث ولا حرج ) ؟!!! في ذمتك هذا تصميم بيت عايله قطرية وبيت عمر ( حدث العاقل بما يعقل ياجماعة ) وخلونا نعيش الواقع شوي احنا اهل قطر ياجماعة (( قصدي اعلى دخل في العالم )) ؟!!!!!!!!!!!!! قصدي اعلى دخل من جيب المواطن إلى البنوك ؟!!! وغيرة

اتمنى وصلت الفكره وتبقى وجهة نظر منطقية بالنسبة لي

تقبلوا تحياتي

بالفعل أخوي معاك حق .. مليون و200 الف ماتكفي وخاصه في ايامنا هاذي .. متطلبات الحياة تغيرت .. قبل صج 600 الف .. بس كان كل شي رخيص والبيوت كانت بسيطه .. والبنات كلهم في غرفه ماتفرق ..

أما اللحين لازم كل واحد يحط في باله ان اكبروا البنات والشباب كل اثنين عالاقل في غرفه .. ومساحة البناء مو كبيره ..

اخواني الله يحفظهم ادفعوا من جيبهم عالنماذج للتصاميم و5000 مادري حق شو .. وباجر لين استلم المفتاح يبلى التأثيث والتأثيث لازم مو اي كلام .. ولا غرفه او غرفتين .. بيت كامل .. يعني اقل شي 150 الف .. ومن جيبهم الخاص راح يكون ..

ولين اخترب شي بعد تعال وحط من جيبك ..

يعني بالفعل القطري يعااااااااني معاناه .. ومحد حاس فيه :(

زواج واعيال ومصاريف وخدم ودريوليه ومدارس ومناسبات وبيت وتاثيت وتصليح .. وين الواحد يدخر له وحق اعياله ؟؟.. الحمدالله اني بنت :shy:

[غير البشر]

أخي العزيز الموضوع جميل جدااا

نعم المبلغ يكفي أذا بنيت مساحة 700متر بنيان تشطيب سوبر ديلوكس تسليم مفتاح يكفي ولكن السؤال ؟؟

والي عليه ديون ايش يسوي ولا يبقى شيء من راتبه ؟

الدليل أنه يكفى صديق لي الأسبوع الي طاف موفع عقد مساحة البنيان حول 900 متر مع الملاحق تشطيب سوبر ديلوكس السعر مليون و400000 الف فقط .

يعني أذا قللت من مساحة البنيان خليتها 500 أو 450 نعم تكفي وتزيد بعد

للعلم تسليم مفتاح الحين 1550ريال سعر أمس



اخوي سوق واقف ماعليك امر

كم سعر العظم بلستر حاليا

[فتى الدوحة]

أخي العزيز الموضوع جميل جدااا

نعم المبلغ يكفي أذا بنيت مساحة 700متر بنيان تشطيب سوبر ديلوكس تسليم مفتاح يكفي ولكن السؤال ؟؟

والي عليه ديون ايش يسوي ولا يبقى شيء من راتبه ؟

الدليل أنه يكفى صديق لي الأسبوع الي طاف موفع عقد مساحة البنيان حول 900 متر مع الملاحق تشطيب سوبر ديلوكس السعر مليون و400000 الف فقط .

يعني أذا قللت من مساحة البنيان خليتها 500 أو 450 نعم تكفي وتزيد بعد

للعلم تسليم مفتاح الحين 1550ريال سعر أمس

مساحة البنيان 500 أو 450 ؟؟
الله يهداك يا سوق واقف ، يعني تعيّش أسرتك في قرقور ؟؟؟؟
وثاني شي وش هالشركة اللي بتبني لك فيلا تسليم مفتاح 1550 للمتر المربع !!
على أديك وينهي هالشركة ؟ إلا إذا هالشركة من الزباين الدايمين للمحاكم ؟؟

[ابو ماجد]

أخي العزيز الموضوع جميل جدااا

نعم المبلغ يكفي أذا بنيت مساحة 700متر بنيان تشطيب سوبر ديلوكس تسليم مفتاح يكفي


الدليل أنه يكفى صديق لي الأسبوع الي طاف موفع عقد مساحة البنيان حول 900 متر مع الملاحق تشطيب سوبر ديلوكس السعر مليون و400000 الف فقط .



نصيحه لوجه الله قول حق رفيجك ايحط عينه على الاستشارى و المقاول

[سوق واقف]

مساحة البنيان 500 أو 450 ؟؟
الله يهداك يا سوق واقف ، يعني تعيّش أسرتك في قرقور ؟؟؟؟
وثاني شي وش هالشركة اللي بتبني لك فيلا تسليم مفتاح 1550 للمتر المربع !!
على أديك وينهي هالشركة ؟ إلا إذا هالشركة من الزباين الدايمين للمحاكم ؟؟

طرشت لك المعلومات كلها يالغالي وتأكد بنفسك

[روح الشمال]

يعطيكم العافية يالربع

واللة كلامكم يطمن لكن الواقع :omg: مايطمن الصراحة

[السد]

هي بحسبة بسيطة للغاية
تكلفة البناء مثلا 700 الف ريال
حط للتشطيب 600 الف ريال وهكذا

[مخاوي اليل]

اخوي سوق واقف
المقاول الي اتكلم عنه هل شفت بنيانه شفت له بيووت مبنيه
لان الاسعار تفرق على حسب نظافة الشغل( صف الطابوق - البلاستر - ....)
اذا انت متاكد من نظاقة شغلة الله لا يهينك طرش لي اسم ورقم المقاول واسم الشركه

[محسن العجي]

لا والله ماتكفي

يعطونك مليون 200 الف حق بيت جاهز

واذا عندك ارض يعطونك 600 الف ريال

غير الخصميات والديون الي عليك يعني ماتكفي

[محمد الكعبي]

ياجماعة الخير والله تكفي وزياده بعد اذا حق البناء بس ياخي لو قلنا المتر بلاستر عظم فيه من 900 ريال

لين 1150 ريال واذا كانت المساحه البناء 550 طبعا كبيره موصغيره وغرفها كبيره ومع الملحق الخارجيه

اتوصل 550 متر مربع يكون سعرها 632500الف ريال والباقي حق التشطيب وبيزيد عندك بعد..... بس

مشكلتنا انحب المهايط اشوي.....

[روح الشمال]

ياجماعة الخير والله تكفي وزياده بعد اذا حق البناء بس ياخي لو قلنا المتر بلاستر عظم فيه من 900 ريال

لين 1150 ريال واذا كانت المساحه البناء 550 طبعا كبيره موصغيره وغرفها كبيره ومع الملحق الخارجيه

اتوصل 550 متر مربع يكون سعرها 632500الف ريال والباقي حق التشطيب وبيزيد عندك بعد..... بس

مشكلتنا انحب المهايط اشوي.....


كثر منها هذي ( نحب المهايط ) !!! اذا انت تحب لمهايط تكلم على نفسك ولا تشمل
وبصراحه مادري من وين جبت هالعروض الخيالية مادري كان العمال اللي ورى سوق واقف قصدك يمكن !! وهذا الشي يناسبك واعتقد واعتقد انه يناسبك اذا انت محمد ( الكعبي ) ؟!!

حياك ياراعي لمهايط

[موضي قطر]

الله يعين الجميع

[ودي أكون]

ماله داعي العصبيه ياخوان ..

كلن له وجة نظر .. واحنا نتعامل مع الردود بغض النظر عن صاحب الرد .. فمافي داعي العصبيه ..

روح الشمال هد اخوي .. ندري المبلغ مايكفي والله .. والله يعينكم يارب ..

[عاشقة الجنه]

الصراحة مع ظروف الحياة المبلغ مايسوى شي لان الحياة صارت غالية
والاسعار مرتفعة
فنتمنى زيادتها

[روح الشمال]

ماله داعي العصبيه ياخوان ..

كلن له وجة نظر .. واحنا نتعامل مع الردود بغض النظر عن صاحب الرد .. فمافي داعي العصبيه ..

روح الشمال هد اخوي .. ندري المبلغ مايكفي والله .. والله يعينكم يارب ..




بالعكس انا في قمة الهدوء ولكن كلمة ( مهايط ) ليس لها مكان في منتدى محترم واعضاءه ناس كبار محترمين ومثقفين فالشخص هداه اللة اتهم اهل قطر ( بالمهايطية ) !!!! وهذا خطأ انت في المنتدى تطرح وجهة نظرك ... لكن تتهم الناس بألفاظ لقيطة ( من الشارع ) !! هذا مرفوض
اتمنى الفكرة وصلت

ونورتينا بمرورك