((قصة غلطت امي)) حيث غدر الايام وقساوة الزمن

[طموحي عالي]

بسم الله الرحمن الرحيم

السلام عليكم

اخباركم اعلومكم من عقب قصه عشق فيصل
جبت لكم قصة جديده واقعيه من كتابات الاخت ملاله
وهي واقعيه على حسب كلام الكاتبة
ولا احد يقولي صج هاي واقع
لان صج وواقع وبس غيرت الأسماء

ثانيا:بليز بليز اللي بيقرى القصه برع لايحرق القصه اهنيه وبعدين انا بنزل كل يوم بارتين ان شاء الله

اوكي وانتظروني
بالبارت الاول

بعد قليل

[حليتان*]

بسرعة الساعة 11و12 دقيقة
تاخرتي

[طموحي عالي]

خلاص بس ارتب

اصلا المنتدى فاضي

بس الحين خمس دقايق

وعموما المنتدى معلق

[طموحي عالي]

الفصل الاول

الجزء الاول
********
قامت لطيفة من النوم على صوت المنبه وكانت حدها تعبانه لانها نامت متأخر امس وكانت تدرس لان عندها امتحان بمادة الانجليزي وعلى فكرة اهي اخر سنه ثانوية عامةبثانوية خالدة بنت الاسوداللي بمنطقة سلوى ،، قامت من الفراش وهي تتمطط بدلال وكسل وبعد مانتهت من الحمام ولبست ملابس المدرسة خزت روحها بالمنظرة باعجاب وتبسمت كانت جميلة بشكل ملفت للنظر شعرها أسود ناعم وفيه لمعة غريبة،، وعيونها واسعة وحواجبها مرسومة وخشمها دقيق ولون بشرتها مايل على البرونزي وكانت تحس بجمالها من نظرات الناس لها.. وكانت وحيدة امها ،، لان ابوها انفصل عن امها بعد ولادتها بشهرين يعني ىما عندها اخوان الا من ابوها وعلاقتها فيهم سطحية،،المهم طلعت من غرفتها وراحت الصالة تنطر امها تقوم من النوم ..علشان توصلها المدرسة ..طولت الام وما طلعت من الغرفة فقامت لطيفة تطق الباب: يما يما.. يلا بسرعة بتأخر على الامتحان متى بتقومين؟؟وما ردت عليها امها فاضطرت انها تفتح الباب وتدخل على امها..شنو شافت؟؟ راح انعرف بعد اشوي؟؟

[حليتان*]

على راحتج

ما ورانا شي باجر اجازة

تم الجزء الاول

[طموحي عالي]

الفصل الاول

الجزء الثاني
*************

دخلت لطيفة الغرفة وبغت ترجع من الريحه اللي شمتها كانت الغرفة فيها ريحه غريبة ركضت صوب الدريشة تبي تفتحها فصرخت عليها امها صرخة خلتها توقف بمكانها ...
الام:لا تفتحين الدريشة شفيج ؟؟ شتبين؟؟ يعني ما أقدر أنام؟؟
لطيفة: يما ريحة الغرفة كريهة ،، وبعدين انا تأخرت على المدرسة وعندي امتحان الله يخليج مو كل يوم توصليني متأخرة ويزفوني األأبلات..
الام: أوووف يلا الحين بقوم اوديج بس طلعي من الغرفة وخلييني أبدل هدومي.
تفاجأت لطيفة بأن أمها نايمة بملابس الطلعة وكانت ملابسها غريبة وما تناسب سنها ..لكن سكتت وطلعت برة الغرفة تنطر امها وعلى الساعة ثمان اطلعت الام من الغرفة وعيونها حمر ومتفوخة ويبين عليها التعب .. وقالت لها :يلا قومي بسرعة والله ابتلشت فيج متى تسوقين سيارة وتفكيني.. قامت لطيفة وهي زعلانة من كلام امها ومن حالتها الغريبة لكن شتسوي الشكوى لله هذي امها وما تقدر تقول لها شي ...
ركبت مع امها السيارة ووصلت المدرسة متاخرة ومسكتها الناظرة وقالت لها مايصير يا لطيفة كل يوم تأخير .. انتي منو اللي يوصلج .. فردت عليها لطيفة وهي منزلة رأسها : انا آسفة يا أبلة أوعدج اني ما أتأخر مرة ثانية بس خليني أروح الصف الحين علشان الحق على الامتحان..
ردت عليها الناظرة: روحي بسرعة وباجر لا تيين المدرسة الا مع ولي أمرج،، راحت لطيفة الصف وهي تبجي ومقهورة من الحالة اللي وصلت لها امها وما تدري شنو السبب ودخلت وقعدت يم رفيجتها دلال: شفيج لطوف ؟ليش تبجين ؟ وليش متأخرة ؟ صرخت الابلة بس يادلال هذا امتحان وانتي يالطيفة اخذي الورقة وجاوبي قبل لا تنتهي الحصة

[سداوي&مدريدي]

صح النوم يا لطيفه :omg:

والله شي .. أكيد يوم بطلت الباب مالقت امها :tease:

بس السؤال الي يطرح نفسه وين راحت :eek5:

في انتظار البارت الثاني

[سداوي&مدريدي]

حلو الحين لطيفه ودلال ههههههههههههههههههه

متابعين كملي :nice:

[طموحي عالي]

الفصل الاول

الجزء الثالث

مسكينة لطيفة ما عرفت شلون قدمت الامتحان وشنوكتبت بالفرصة قعدت مع صديقتها دلال
وهي تفكر بامها وبحالتها..
دلال: شفيج لطوف شلي مضايقة قولي لي مو انا رفيجتج واعز صديقاتج.. التفتت لطيفة على صديقاتها وقالت لها: لا ما فيني شي بس تعبانه شوي من المذاكرة وانشاء الله اصير زينه.. الا اقول دلول انتي من الي يوصلج المدرسة كل يوم؟
ردت دلال: السايق واحيانا حمود اخوي يقطني قبل ما يروح الدوام يعني اذا كان دوامه الصبح لانه مثل منتي عارفة اهو ضابط بمخفر سلوى .. بس ما قلتي لي ليش تسألين؟ تبيني امر عليج ترى انا بالخدمة...
ردت لطيفة :بصراحة ما أدري شقول لج بس امي ظروفها هاليومين صعبة وما تقدر توصلني مبجر وبغيتج تمرين علي اذا تقدرين.
دلال: افا عليج شنو هالكلام انا رفيجتج من يوم كنا بالمتوسط ومثل اختج وبيتكم على طريجي يعني عادى ما فيها أي مشكلة.،،، طق الجرس وقامت لطيفة مع صديقتها ودخلو الصف يكملون يومهم الدراسي وصارت الهدة وطلعت لطيقة تدور امها مالقتها فقالت لها دلال امشي اوصلج البيت بدل ما توقفين بالشمس
وركبت معاها السيارة ووصلتها البيت وشافت سيارة امها عند الباب واستغربت (يعني امي مو بالدوام)ليش ما يت تاخذني من المدرسة؟؟؟
طقت الجرس وفتحت لها الخادمة ،، وين ماما؟؟ مامافي الصالة مع صديق مال اهيا.. ردت الخادمة. راحت لطيفة ودخلت على امها واهي معصبة وانصدمت من اللي شافته وصرخت بصوت عالي : شنو هذا شنو اللي قاعد يصير أنا بحلم ولا بعلم؟

[طموحي عالي]

الفصل الاول

الجزء الرابع

صرخت لطيفة بقهر: يمه شنو هذا شنو اللي قاعدة تسوينه؟
ردت الام ببرود: شنو قاعدة اسوي ؟ أدخن عادي نص الحريم اللي بالديرة يدخنون وبعدين لمتى بخش عنج انتي الحين كبيرة وتعرفين مصلحة نفسج،،ردت لطيفة بحرة وحزن:بس يا يمه مافي مرة محترمة تدخن ويا عالم شتسوين بعد غير التدخين؟ قامت الام من مكانها معصبة وعطت لطيفة طراق على ويها وقالت لها : انا محترمة غصبن عنج وعن ابوج اللي قطج وما درا عنج ذلفي دارج ما ابي اشوف ويهج بالصالة.. ركضت لطيفة ودخلت دارها وهي منقهرة من اللي شافته وسمعته من امها ودخلت وراها الخادمة( سيتا)وقالت لها : بس حبيبي لا يبجي هذا ماما ميخالف ،، فردت عليها لطيفة هذي مو ام الام ما تسوي جذي ببنتها طلعي برة سيتا خليني بروحي،، فردت عليها سيتا مايبي غدا.. وتمت لطيفة بروحها تبجي ومن التعب نامت بهدوم المدرسة.
فتحت عيونها ولا الساعة تسع بالليل ومحد سأل عنها ليما هالوقت ونادت الخادمة: سيتا سيتا وينج ؟ نعم لتوف شنو يبي
وين ماما ؟ ردت لطيفة،، ماما يطلع برة مع صديق مال اهيا تبي عشا؟ ردت لطيفة أي سوي لي عشا على ما اتسبح وبعدين اشوف هالماما وين تروح كل يوم؟
دخلت لطيفة الحمام وهي تحت الدش قامت تمر بخيالها اشياء عن امها ماكانت فاطنة لها من قبل .. دايما ترجع البيت ولطيفة نايمه،، وتتحجج انها مع صديقاتها او كانت بعرس وتاخرت. حتى مرة في يوم الجمعة قعدت لطيفة تدور امها وما لقتها نايمة بالبيت ولما اتصلت عليها قالت لها انها نايمه مع صديقتها بالمستشفى لانها تعبانة وبعد شوي بترجع وما رجعت الا العصر.. ومواقف وايد قامت تدور بمخها.. وقامت تربطها بالواقع الحالي واستنتجت ان امها عندها شئ واسرار بحياتها ما تدري عنها لطيفة ،، بس اشلون تكتشفها وقررت انها تراقب امها وتشوف .. فيا ترى شنو اللي راح تكتشفه لطيفة عن امها ..هذا اللي راح نعرفه بالفصل الثاني من القصة.....


والحين ابي اسمع آراءكم عن الفصل الاول

[شجرة الدر]

انا عندي سؤال جاوبيني بعدين باشجعج وين منطقة سلوى؟؟

علشان لما اندمج في القصه اعرف هي وين صايره،،

يعطيج العافيه ،،

[سداوي&مدريدي]

تبين رايي :anger1:

أمحق أم .. والله ونعم في الخدامه سيتا هههههههههههههه

قايمه بالواجب وزياده

مسكينه لطيفه :(

[طموحي عالي]

سوري صار غلط بين الثالث والرابع

وتم التعديل

[طموحي عالي]

انا عندي سؤال جاوبيني بعدين باشجعج وين منطقة سلوى؟؟

علشان لما اندمج في القصه اعرف هي وين صايره،،

يعطيج العافيه ،،

مو عندنا بالكويت

القصه كويتيه

[حليتان*]

ممتازه القصة


يسلموووو تاجرة

[طموحي عالي]

اراااااااااااائكم
وتعليقاتكم
وتشجيعكم

متابعتكم

والفصل الثاني بكره الظهر

[شجرة الدر]

مو عندنا بالكويت

القصه كويتيه


سوري ،، شكل سؤالي غبي ،،

على فكرة انا حسبتها سعووديه ،،منطقة سلوى قلت تبع مركز سلوى ،،:rolleyes2:

[ملاذ الروح]

القصة فيها تشويق نبي انعرف ايش بتكتشف لطيفه عن امها، وليش
اهي كام قاسية لهدرجة مع بنتها ، والله لطيفه تعور القلب

[alrheeb2020]

امحق ام ..

للاسف في امهات هالزمن اقسى من اللي بالقصه ..


يعطيج العافيه اختي ..

ومتشوقين لمعرفة باقي القصه

وفي انتظارج ..

[حليتان*]

تاجره شيكي خاص ما عليج امر

[طموحي عالي]

تاجره شيكي خاص ما عليج امر

مشكور ماقصرت على الملاحظه

[طموحي عالي]

حرام عليكم

فوق 150 مشاهد والردود 20 بالاضافه الى ردودي

[ريد قطر]

القصة حلوة
احس ان الام متزوجة مسيار شيطلعها من البيت هالكثر
وليش مب مهتمة في بنتها الوحيدة
اتعور القلب لطوف
يا الله نبي نشوف بارت 2
تسلمين حبوبة

[روح-قطر]

ننتظر التكمله مااقدر احكم للحين ما صار اكشن:)

[نفسي عزيزه]

يعطيج العافيه...بأنتظار التكمله

[بوعلي2]

:weeping:

انا يكسرون خاطري البنات او بالاحرى العيال الي امهم جذي وابوهم منفصل عنهم ولايسأل عنهم كلش :weeping:

ننتظر التكلمه :(

[طموحي عالي]

جمعه مباركه

شكرا على التشجيع

والتكمله ان شاء الله

عالساعه 2 الظهر او قبلها اذا قدرت

خبركم اليوم جمعه وصلاة جمعه والحين غدا

تبعونا وفالكم طيب>>>>>>>>ترى بايقتها من تلفزيون قطر لووول

[البنـدري]

القصه مشووقه :)

وننطر البارت الثاني

بس ياليت تنزلينها بسررعه :(

[طموحي عالي]

الفصل الثاني
الجزء الاول



في بداية الفصل الثاني احب اقدم لكم نبذة عن ((عالية)) أم لطيفة و((متعب)) ابو لطيفة اللي حبو بعض وهم بالجامعة وقرر متعب انه يخطبها لانه انبهر بجمالها لان امها لبنانية وهي ورثت جمالها ،، ولما فاتح اهله بالموضوع رفضوا لانهم يبونه يتزوج بنت عمه،، ولكن اهو كان يموت بعالية ولا يقدر يستغني عنها ويوم درو اهلها ان اهل متعب رافضين الزواج اطلبو منها انها تنساه لكنها ما قدرت وهددت اهلها يا اتزوجه أو ترى بنحاش معاه واتزوجه من وراكم .. وخافو اهلها من تهديداتها وقررو يزوجنهم ولكن ما لهم شغل بالمشاكل الي راح يواجهونها ،، وتم الزواج وعاشو ثلاث سنين عسل وحب لحد ما تخرج متعب من الجامعة وكانت عالية حامل بلطيفة وباجي لها سنه وتتخرج،، وطلب متعب من ابوه انه يوظفه بشركة عمة ولكن العم رفض لان متعب تزوج الغريبة وترك بنت عمه.. وهني بدا متعب يحس بغلطته وانه تسرع لما تزوج عالية.. ولكن الحين اهي حامل وما يقدر يتخلى عنها وفوق هذا يحبها ويموت فيها ، لكن طموحه زاد بعد ما تخرج من الجامعة وقام يفكر بعقله مو بقلبه ،، وطموحه ما راح يتحقق الا لما يشتغل بشركة عمه
وقرر انه يروح لعمه ويكلمه بروحه بدون واسطة،، ووافق العم انه يشغله بالشركة بس بشرط انه يتزوج بنته لانه ما يبي الحلال يطلع بره ، ووافق متعب انه يتزوجها بدون ما تدري عالية وتم الزواج وكانت عالية بشهرها السابع وما درت عن شي بس حست انه متعب تغير عليها ولكن ما توقعت انه يكون متزوج،، لحد ماقربت ولادتها وقامت بالليل وما لقت متعب يمها ودقت عليه ورد عليها وصوته نايم .. لكن حالتها ماسمحت انها تساله وينك؟ الحقني متعب فيني ولادة بسرعة تعال .. وياها متعب وداها المستشفى وولدت لطيفة وكان طاير فيها وعقب ما تحمد لها بالسلامة قالت له انت وين كنت نايم؟؟ وبين عليه الارتباك وما قدر يجذب عليها وخصوصا انه بنت عمه كانت تحن عليه انه يبلغها بزواجه..
فقال له الحقيقة وانهارت عالية وحست بالغدر والخديعة من الانسان اللي باعت الدنيا كلها عشانه وصممت على الطلاق ولكنه كان متمسك فيها لاخر لحظة ولكنها هددت متعب اذا ما طلقتني بروح عند بيت عمك وبسويلك مشاكل ،،فطلقها بعد شهرين من الولادة وقبل ما يتهنى ببنته،، وكان يبي ياخذها منها لكن زوجته مارضت انها تربي بنت شريكتها وقالت له انا راح اعوضك عن بنتك بعيالي،، ويابت بنتين وثلاث اولاد ونسى متعب عاليه وبنتها لطيفة وعاش حياته.

[طموحي عالي]

عى فكره الفصل الثاني ثمان اجزاء راح انزلهم الحين ورا بعض

اتمنى لكم قراءة ممتعه مع الجزء الاول

[البنـدري]

يللا ننطر :(

[طموحي عالي]

الفصل الثاني

الجزءالثاني

الساعة 12بالليل ولطيفة قاعدة بغرفتها تحل واجباتها وسهرانه لانها قاعدة متأخر من النوم وقررت اليوم تنطر امها لما ترجع واستغربت انها للحين ما رجعت وتاكدت ان امها كل يوم تتأخر لانه متطمنة ان لطيفة نايمة.. طلعت لطيفة وراحت الصالة ودقت على جهاز امها ولقت عندها خط ثاني وشافت باب الشقة مقفول وشايلة الخدامة المفتاح من الباب فقامت وحطت المفتاح بالقفل علشان لما ترجع امها ما تقدر تفتح الباب وبجذي تعرف متى رجعت،، وردت غرفتها وحاولت تنام وتقلبت وايد على الفراش لحد ما غفت عينها وفجأة... سمعت صوت الجرس وطق على الباب وتذكرت اللي صار وقامت من النوم تركض علشان تفتح الباب ولقت الخادمة واصلة قبلهاوأمها تصرخ وتقول للخادمة: يا الغبية انا جم مرة قايلتلج تشيلين المفتاح من الباب تبون تفضحونا جدام الجيران.. كان شكل الام حده رايح فيها دايخه ومو قادرة توقف على ريولها وتفاجأت بلطيفة واقفة بالصالة: نعم خير ،،شفيج تخزيني جذي اذا عندج كلام اجليه للصبح ترى ما لي خلقج وعلى فكره مدام عرفتي كل شئ لا تقعديني باجر الصبح اخذي تاكسي يوديج المدرسة ولا أقولج غيبي احسن شلج بالدراسة.. يلا تصبحين على خير

[طموحي عالي]

الفصل الثاني

الجزء الثالث

فتحت لطيفة عيونها وطالعت الساعة اللي يمها وشهقت: امبيه الساعة سبع ليش ما دق المنبه شلون راحت علي نومة،، وقامت تصارخ :سيتا سيتا،، ليش ما قعدتيني ،انتي ما تدرين انه وراي مدرسة؟؟ وركضت للحمام وبدلت ملابسهابسرعة وسمعت تيلفون البيت يرن،،
ردت لطيفة: الو، منو
دلال: وينج صار لي فوق الربع ساعة ناطرتج يلا
تأخرنا.
لطيفة: اسفة حبيبتي كاني الحين بطلع,, وركضت لطيفة وعند باب السيارة تفاجأت انه دلال مع أخوها حمود ،، واستحت حيل انها تركب لكن شتسوي الشكوى لله..
دلال: السلام,, أسفه على التأخير..وهي منزلة راسها،،ردو عليها السلام،، وحمود ما شال عينه عن المنظرة وقاعد يخزها ومو مصدق هالجمال والحلاوة،،شلونج لطيفة؟ قالها حمود وحست لطيفة برجفة بجسمها وهي تسمع صوته:بخير الحمد لله،،انا اسفة اذيتكم معاي بس انشاء الله هالاسبوع وتتحسن ظروفي،، رد حمود: لا عادي افا عليج انتي على طريجنا،، ووصلو المدرسه مع صوت الجرس ونزلو من السيارة وهما يركضون وحمود عينه على لطيفة ويقول حق نفسه: امبيه مو صج شنو هالغزال؟؟

[طموحي عالي]

الفصل الثاني
الجزء الرابع

حمود عقب ما وصل لطيفة وأخته دلال المدرسة راح دوامه بالمخفروكان باله مشغول حيل بلطيفة وبينه وبين نفسه كان يقول(شدعوة ياحمود شفيك موراضي تشيلها من بالك شنو اول مرة تشوف بنية حلوة) ياما مرو عليه بنات أشكال وألوان ولكن لطيفة غير مو راضية تروح عن باله وقرر انه بالهده يروح المدرسة علشان يشوفها مرة ثانية،، وبنفس الوقت بالمدرسة لطيفة كانت تفكر بنظرات حمود لها ودلال تخزها ومستغربه من سرحانها: هيييييييييي لطوف وين رحتي ؟؟ اللي ماخذعقلج،، التفتت عليها لطيفة وقالت لها: ها لا ما فيني شئ بس افكر مو جنه فشلة اخوج يمر علي،، أنا على بالي انج بتروحين مع السايق ،،لكن مدام اخوج اللي بيوصلج لا تمريني خلاص.. ردت دلال: شفيج لطوف ترى اخوي حمود حبوب وما يقول شئ انتي ليش مكبره السالفة,, وعلى فكرة ترى باجر الخميس انتي معزومة على عيد ميلادي وما راح اقبل منج أعذار اوكيييي،، ردت عليها لطيفة: كل سنه وانتي طيبة بس عذريني ما راح اقدر اييي ،، ردت دلال: لالا مو قبول بطرش لج السايق الساعة سبع كل بنات الصف راح يكونون موجودين وانا ما راح تكمل فرحتي الا بوجودج.
ردت لطيفة : خلاص اللي تشوفينه .
وصارت الهدة وطلعو البنات :واي دلول منو هالضابط الزوغة الي يأشر لج،، ردت دلال بفخر : هذا اخوي حمود قالت وحدة من البنات :تكفين عرفيني عليه ،، حست لطيفة يشعور غريب ما تدري شنو أسبابه ووقفت من بعيد تخز حمود وحست فيه انا ما شال عينه من عليها..
دلال: يلا لطوف امشي نوصلج معانا،، ردت لطيفة: لالامشكورة أنا أمي بتمرني( وهي تدري انه امها ماتدري عنها) ردت دلال:اوكي يلا باي.. وراحت حق اخوها حمود اللي كانت عيونه تراقب لطيفة ، وأول ما شاف اخته نسى روحه وقال لها: وين رفيجتج ؟ ما تبي نوصلها؟
جان تخزه دلال ذيج الخزة وتقول له انت شسالفتك ياي حقي ولا حقها.. ارتبك حمود وما عرف شيرد على اخته وقال :لا بس قلت يمكن ما عندها احد يردها البيت ،، ردت دلال: لا تحاتي امها بتمر تاخذها ويلا حرك ولا مستانس والبنات طايرة عيونهم عليك.. وعقب ما مشو راحت دلال حق الحارس وطلبت رقم التاكسي علشان يوصلها البيت ووقفت تنطر وما كانت تدري انه حمود بيقط اخته البيت وبيرجع ويشوفها ليما الحين واقفة عند باب المدرسة ..

[طموحي عالي]

الفصل الثاني

الجزء الخامس

حمود عقب ما وصل اخته البيت رجع المدرسة لانه كان وده يشوف لطيفة وكان عنده احساس انها ماراحت البيت للحين وفعلا كان احساسه بمحله ولقاها للحين واقفه عند الباب وكان وده يكلمها بس خاف يحرجها وتم واقف ينطرها لما ركبت التكسي واستغرب وقال بينه وبين نفسه( شلون تقول انه امها بتمرها)ولحقها ليما البيت وتاكد انها وصلت..

(( في بيت حمود ))
الام: دلال وين أخوج ؟.. دلال: ما ادري يمه قطني وقال بيرجع الدوام عنده شغلة ضرورية يلا ميته من اليوع حطو الغدا.. شويه ولا حمود داخل البيت ،،
الام: وينك يما ؟ وين رحت ؟
حمود: لايما سلامتج نسيت اوراق مهمة بالدوام ورحت اييبها يلا انا بغيير ملابسي وانزل اتغدى معاكم.
الام: شفيه اخوج.. جنه متضايق؟
دلال ؛ ما أدري انا بعد أحس جذي، ما علينا شلون الاستعدادات حق عيد ميلادي ترى عزمت كل رفيجاتي
الام: والله لنج متفرغة.
*******
دخلت لطيفة البيت وهي متضايقة من تحرشات راع التكسي فيها ودخلت سيده على امها ولقتها قاعده تزهب جنطة السفر
لطيفة: وين رايحة يمه
الأم:شتشوفين يعني ؟؟ بسافر مصر جم يوم مع رفيجتي وبرجع وحطيت لج فلوس عند الخادمة .
لطيفة:يما ليش تعامليني جذيوبينها وبين نفسها تقول (ياليت مابينت لها اني اعرف حقيقتها عالاقل قبل كانت تحاول تراعي مشاعري الحين كلش مو مهتمه فيني) يما انا مالي غيلاج اشلون تخليني بروحي وانا وتسافرين ؟ ما تخافين علي؟
الام: شوفي لطيفة ترى اللي فيني كافيني وما لي خلق حنه قلت لج كلها جم يوم وبرجع وانتي مو صغيرة وسيتا معاج بالبيت، واذا صارلج شئ دقي على شيخ الرياييل ابوج ويلا الحين وخري تاخرت.(وهي طالعة من الغرفة دق تلفونها )
ها خالد وينك .. أي انا جاهزة .. يلا الحين بنزل..
انصدمت لطيفة وقالت بينها وبين نفسها( اشكره امي قامت تكلم الرياييل جدامي لا وياي ياخذها من جدام البيت من غير حيا ما حسبت حساب الجيران يشوفونها وهم يدرون انها مطلقة) وطلت لطيفة من دريشة غرفتها وشافت امها تركب مع خالد بالسيارة . وقطت روحها على فراشها وقامت تبجي.

(( في الجزء اللي جاي بنعرف ليش ام لطيفة بتسافر مصر ، وشنو راح يصير بعبد ميلاد دلال ويغير حياة لطيفة))

[طموحي عالي]

نزلت خمس اجزاء من الفصل الثاني وبعد ردودكم اللي تشرج الصدر بنزل الثلاثه الباقي
يعني عالساعه ثلاث لاني الحين بزي شوي

[البنـدري]

لا عاد :(

كملي الثلاث الباقين :(

شوقتيني :(

[findi]

اوكي ناطرينج


بس لاتتأخرين بلييز :(

[ملاذ الروح]

ايش هالأم البلوى ، اذا القصة صج حسبي الله عليها من ام
متابعه

[طموحي عالي]

ايش هالأم البلوى ، اذا القصة صج حسبي الله عليها من ام
متابعه



القصه صج صج صج 100%

والحين بنزل الباقي

[طموحي عالي]

سوري عالتاخير

والاجزاء السادس والسابع والثامن

بعد قليل

[طموحي عالي]

الفصل الثاني
الجزء السادس

أم لطيفة (عالية) في الطريج للمطار تكلم خالد اللي قاعد يمها: متأكد من الكتور اللي رايحين له؟
رد عليها بنفسيه: أي يبا متأكد جم مرة تسألين؟ انا مكلمه امس وموعد العمليه الساعة عشر بالعيادة وماكو الا العافية.
عالية: يعني سبيصير لو انك متزوجني حتى لو بالسر جان صار موضوع الحما ل عادي وما اضطرينا نسوي اللي بنسويه
رد خالد: ياحبيبتي جم مرة اقولج خل اخلص مشاكلي مع زوجتي وبعدين اتزوجج وبينه وبين نفسه يقول(تحلمين اتزوج وحده مثلج).يعني باختصار ام لطيفة كانت على علاقة غير شرعيه بخالد وحملت منه بالحرام وسافرت مصر علشان تسوي عملية اجهاض.

&&&&&&&&&&
في نفس الوقت كانت لطيفة تكلم رفيجتها دلال بالتليفون وتعتذر انها ما راح تقدر تيي عيد الميلاد ودلال تحاول تقنعها: تدرين انا الحين بخلي السايق يقطني عندج وباخذج غصب يلا زهبي اغراضج ولا تعطليني علشان يمدينا نكشخ قبل لا يوصلون البنات يلا با ي باي وصكرت التلفون بويه لطيفة،، وقفت لطيفة تفكر: ياربي هاذي بالها فاضي وما تدري عن اللي أمر فيه،، انا وين واعياد الميلاد وين؟
ونادت سيتا علشان تساعدها وخذت معاها نفنوف قصير لتحت الركبه لونه احمر مع الاكسسوارات وحطته بهاند باك وقعدت تنطر لطيفة بالصاله وفكرة تيبها ةفكرة توديها.
وصلت دلال مع السايق الساعة خمس ونزلت لطيفة وركبت معاها وراحو الصالون وسوو شعرهم وبسرعة رجعو البيت لانه ما باجي شي وييون البنات .. دخلت لطيف مع دلال بيتهم وهي حاسة بشعور غريب واحراج وكانت ام دلال مع الخدم يشرفون على الترتيبات الاخيرة للحفلة وسلمت على ام دلال وراحو فوق بغرفة دلال علشان يبدلون.. وكانت لطيفة بنفنوفها الاحمر وتسريحتها الناعمة تطير العقل جما ونعومة وحطت مكياج خفيف بعكس دلال اللي مكياجها كان فاقع ونفنوفها كشخة اكثر من اللازم ( لأنه عيد ميلادها) .
دلال:لطوف انا بنزل اوري امي كشختي واشوفها تبي شي وانتي اخذي راحتج بالغرفة لما يوصلون البنات وطلعت وخلتها بروحها بالدار... شوي اسمعت طق على الباب وقبل لا ترد انفتح الباب وكان حمود جدامها وشهق بصوت مسموع لما شافها وقال: انا اسف على بالي دلال بروحها بالغرفة، وبينه وبين نفسه يقول ( شنو هالجمال والرقة ما مرت علي بنيه جذي) شلونج لطيفة؟ ردت لطيفة: بخير الحمد لله
حمود: على فكرة انا زعلان منج.
لطيفة مستغربة( شنو بيني وبينه علشان يزعل مني): ليش شسويت؟
حمود: انا شفتج وانتي تركبين التكسي .
لطيفة حست ان ودها الارض تنشق وتبلعها.. انا ما كان ودي اضايقكم وانتو مو مكلفين فيني تودوني وتيوبوني .
حمود: منو قال لج ان احنا متضايقين ترى عادي الناس للناس.
وتم واقف ما وده يروح وبس قاعد ويخزها ،، وبيطول بالكلام باي طريقة لحد ما وصلت دلال: ابوي يبيك بالدوانية.
رد حمود: يلا عن اذنج لطيفة .

ونزل حمود وتمت لطيفة واقفة مبهورة باللي صار وحاسة بصداع براسها وعوار بقلبها من للي صار

[طموحي عالي]

الفصل الثاني
الجزء السابع

في عيد الميلاد هيصة وصراخ والبنات مفرفشين الا لطيفة تفكر بأمها وحالتها .. وتفكر بحمود اللي خلا قلبها يرقع لاول مرة بحياتها والصداع اللي ماسكها من كثر ما بجت استأذنت من دلال وقالت لها بتمشى بالحديقة اشم اشوية هوا فقالت لها دلال بمشي معاج فردت لطيفة:لا حبيبتي خليج مع ضيوفج انا يس اشم هوا وأصير زينة انشاء الله..طلعت تتمشى بالحديقةوكان الجو حده رووعة وكانت الحديقة تطل علي الدوانية لمحها حمود وطار قلبه من مكانه وقام طلع بره وكان واقف وراها وما حست فيه وفجأة حست انه احد يراقبها فالتفت ولا حمود بويها وما بينها وبينه الا شبر فشهقت من الخرعه..
حمود: اسم الله عليج .. اسف اني خرعتج وقام يبتسم وبينو غمازاته اللي تزيد جمال ويهه..
لطيفة: لا عادي بس كنت متضايقة وبشم اشوية هوا.
حمود: الله ريحتج وايد حلوة.. داشة بخشمي وذوقج باللبس وايد حلو وانتي كلج حلوة( وحاط عينه بعينها يبي يشوف ردة فعلها..
ارتبكت لطيفة وما عرفت شلون ترد عليه فقالت : عن اذنك برج داخل .
حمود: لطيفة... ردت عليه: نعم .. حمود: عندج موبايل
لطيفة: لا ما عندي ..ليش تسأل؟ حمود: في موضوع خاص ابي اكلمج فيه وما بي دلال تدري عنه.. شلون اكلمج؟
لطيفة استغربت من جرأته بس تذكرت انه ضابط والضباط اغلبهم جريئين .. عطني رقمك ان ادق عليك( كانت تبي أي أحد تتكلم معاه وتفضفض.. عطاها الرقم كان سهل وحفظته ومشت وهي رايحه ناداها حمود: لطيفة... وهو يبتسم ترى ناطرج.
في مصر وبعيادة الطبيب عاليه (أم لطيفة ) وخالد قاعدين وهي حدها متوترةوتدخن بعصبية جان تييها الممرضة: ممنوع التدخين بالعيادة يا مدام ،، ماردت عليها : متى بندخل على الدكتورما صارت صار لنا ساعة ناطرين هذا واحنا دافعين زيادة عشان تدخلينا مبجر.
الممرضة: الكتور قالي اخليكم اخر حاجة دقايق ويخلص اللي بيدو وتدخلو بس بلاش سجاير
ردت عليها عالية بنفسية: خلاص اوكي
بعد اشوي دخلهم الدكتور وكان شكله كريه وما ارتاحت له عاليه بس شتسوي مجبورة وخالد كان يهديها علشان يخلصون الموضوع.وسألها الدكتور..،،
كم عمرك؟ 38 .. حامل في أي شهر؟ الثاني.. بتشتكي من أي أمراض؟ لا بس خلصني ، خزها الدكتور وقال لها تفضلي الغرفة الثانية افحصك وانخلصك وطلب من الممرضة تسكر العيادة .
دخلت ام لطيفة الغرفة الثانية وهي تقول (حسبي الله عليك يا خالد اللي حطيتني بهذا الموقف) اهي كان على بالها انها لما تحمل خالد بيخاف ويتزوجها على طول،، لكن خالد اول مادرى بسالفة الحمال هددها يااما تطيح اللي ببطنها او يهدها
وانسدحت على الفراش والدنيا تفتر فيها وغزها الدكتور ابرة وغابت عن الوعي....

[طموحي عالي]

الفصل الثاني
الجزء الثامن

الساعه 11 رجعت لطيفة البيت مع دلال واخوها حمود لان الام ما رضت ان السايق يوديهم وشافو البيت ظلمة ومبين ما فيه أحد ..
دلال: لطوف امج مو بالبيت؟
لطيفة: امبلا بس يمكن نامت؟؟ يلا تصبحون على
خير.
ردو مع بعض وانتي من اهل الخير. ودخلت البيت وكان حده ظلمة.. بطلت الليتات ونادت سيتا .. سيتا.. وياتها سيتا وشكلها كانت نايمه : لتوف انتي يجي ، انا يفكر انتي نوم بره؟؟
خزتها لطيفة وردت عليها : يعني وين بنام بره ؟ ماما ما يسوي تلفون؟ ردت الخادمة: لا مايسوي.
لطيفة: خلاص روحي نامي ولا تنسين باجر الجمعة يعني ماكو مدرسة مو تتليقفين وتطقين الباب علي .
دخلت لطيفة دارها وغيرت ملابسه وخذت لها شور وطول ماهي واقفة تردد رقم حمود بقلبها.. ولهت عن امها وبلاويها لما صارت الساعة 12 سحبت التلفون من الصالة ودقت على حمود( لا حسيب ولا رقيب في البيت) وبعد نص رنه رد حمود وقبل ما تتكلم قال لها هذا رقم بيتكم؟
ردت بصوت مبحوح: أي، حمود: شفيج خايفة احد يسمعج؟
لطيفة :أخاف امي تقعد،حمود: أنا مستغرب اشلون ما عندج موبايل؟ ، لطيفة: ما احس اني محتاجه له ،رد حمود: أي بس الحين حتى اليهال عندهم موبايلات وقام يضحك....
لطيفه: اقول حمود؟ حمود: الله يا حلاة اسمي بلسانج.قولي شبغيتي؟
لطيفة: ما قلت لي شنو السالفة اللي تبيني فيها؟
حمود: بدون لف ودوران؟ انا حدي معجب فيج وحبيت اتعرف عليج اكثر ، ردت لطيفة: يعني شنو؟ وحس حمود ان لطيفة مو من البنات المفتحين وانها على نياتها..
حمود: يعني ودي أعرف كل شي عنج ، وصدقيني ترى قصدي شريف ، لأنج حيل داشة مزاجي.وحبيت اعرف أشياء وايد عنج ،ممكن.
لطيفة: أشياء مثل شنو؟
حمود: كل شئ .. كل صغيرة وكبيرة بحياتج.. كل تفاصيل حياتج.
لطيفة: عيل ليما الصبح محنا مخلصين.
حمود: على راحتج أنا ما وراي شي ومو شرط تقولين كل شئ اليوم ، الايام جدامنا .. وحست لطيفة انه حمود يبي تكون في علاقة بينهم وتخوفت من الموضوع .
لطيفة :انا الحين تعبانة وبنام وانشاء الله باجر ارد على موضوعك.
حمود: وين رايحة تونا ما بدينا.. شفيج زعلتي ، لاتفهميني غلط ، انا قلت لج ترى قصدي شريف.
لطيفة: بس اللي قصده شريف ما يتكلم بالتليفون، يدش البيوت من بابها.
سكت حمود فترة وقال لها: معاج حق بس انا كان ودي اعرف عنج بعض الاشياء وانا بصراحة تعلقت فيج اول ما شفتج ، ومدام ما تبين تكلميني خلاص على راحتج ، وانا اوعدج أدخل بيتكم من الباب يلا تصبحين على خير وما عطاه فرصة ترد عليه وسكر الخط وتمت لطيفة تفكر بكلامه لحد مانامت...

( أنتظروني باجر انشاء الله بالفصل الثالث ومفاجآته المثيرة)

[روح-قطر]

ايم ويتنق:)..

اما الام مالها حل بصراحه الله يعين هالبنيه على امها..

[findi]

i am waiting too


:(

[طموحي عالي]

يلا

واخيرا خلص فصل اليوم اشوفكم بكره

كان وايد ويل وعباره عن ثمان اجزاء


اتمنى لكم قراءة سعيده


ودمتوا بود


اتقبل النقد
والتشجيع
وجميع الاسئله

وبدون تشجيع انا بزعل :weeping::weeping:

نايمين انتوا اليووووم

[أمير المحبه]

يلا

واخيرا خلص فصل اليوم اشوفكم بكره

كان وايد ويل وعباره عن ثمان اجزاء


اتمنى لكم قراءة سعيده


ودمتوا بود


اتقبل النقد
والتشجيع
وجميع الاسئله

وبدون تشجيع انا بزعل :weeping::weeping:

نايمين انتوا اليووووم


:eek5::eek5::eek5:

ويييين رحتي

اشبيرقدني لين بكره تاجره :weeping:

كملي كملي اليوم :(

ترا اول مره اتابع قصه في المنتدى ونطر تكملتها والله


وبخصوص اخوي اللي يقول القصه ايحسبها سعوديه

هههههههههههههههههههه اخوي جوف سرد القصه بتعرف

(امبيه مو صج شنو هالغزال؟؟) :victory:

اكيد اكويتيه القصه يالغالي حبيت فهمك بس :shy:


تاااااجره صراحه انا اشجعج القصه روعه يالله كملي

ناطر وبقوه بعد :discuss:

مسكينه هاللطوف انشالله اتكون من نصيب حمود

بس شكله سربوت صح :eek5:

والله خوفي تنحرف غصبن عنها هاللطوف ويلعب بحسبتها حمود :(

[سداوي&مدريدي]

مسرع ماوصلتو للجزء والفصل الثامن :eek5:

مايمديني الحق :(

[أمير المحبه]

مسرع ماوصلتو للجزء والفصل الثامن :eek5:

مايمديني الحق :(

رايح اتكرك وتبي ننطرك بعد خلك معانا اول بأول:anger1:

حبيبي سد مد :victory:

تابع ترا القصه حلوه والله

[أمير المحبه]

يالله قاعد امدح قصتج تاجره

بعدين ابي نسبه من الارباح

خخخخخ +_+

[black@white]

قصه مشوقه ننتظر البقيه

[سداوي&مدريدي]

رايح اتكرك وتبي ننطرك بعد خلك معانا اول بأول:anger1:

حبيبي سد مد :victory:

تابع ترا القصه حلوه والله

هههههههههههههههههههههههههههههه
هههههههههههههههههههههههههههههههههههه

الحمد لله على السلامه أميروه

عاش من شافك يالغالي

ان شاء الله مدير :shy:

[شجرة الدر]

يعطيج العافيه تاجره ،،

بانتظارج ،،

[be.happy]

متـــــــــــــابــــــــــع
يعطيج العافيه

[طموحي عالي]

قرقر واجد مايبي

بعدين يجي مدير يسوي حذف

[alrheeb2020]

لا حول ولا قوة الا بالله ...

انا اندمجت فالقصه ولا فالنهايه قريت انج بتكملين بكره .. :anger1:


الله يهديج حطيها مره وحده لاتشوقينه اكثر واكثر ..:weeping:

ناطر بأحر من جمر مافيني صبر :weeping:

[طموحي عالي]

يسلمو على تشجيعكم

ان شاء الله بحاول انزل الفصل الثالث

بعد صلاه العصر وبحاول قبلها بس الحين عندي ظرف طارئ

دعواتكم

[findi]

الله يعطيج العافيه تاجرره


يله بننطر


شــــــورانــــــا


:yawn:

[(بوعوف)]

اذا ما خاب ظني اخر القصة الحب ما يطلع الا على بذره
وبانتظار النهاية <<<<<<<<<<<شكلها نهاية مش سعيدة بالمره

[طموحي عالي]

***الفصل الثالث ***

الجزء الاول

الساعة كانت تقريبا ثلاث ونص الفجر قعدت لطيفة على صوت الباب والجرس بنفس الوقت وريال يصرخ: بطلي الباب ( عاليوه) انا ادري انج داخل سيارتج برة..
استغربت لطيفة منو هذا الريال ومبين من كلامه انه موطبيعي بالمرة،، فطلعت بالصالة والحمد لله توها سيتا رايحه بتبطل الباب فصرخت عليها لطيفة وقالت لها : لا تفتحين الباب رجعي دارج.. وما تدري لطيفة شلون طرى حمود على بالها .. وما لقت احد جدامها غيره وعلى طول اتصلت فيه ورد عليها وهو شبه نايم: الو
لطيفة : الحقني حمود مالي غيرك في واحد كسر الباب علينا وانا خايفة افتح له وما ادري شيبي بالضبط..
حمود: وين امج؟ لا تحاتين انا ياي بالطريق على طول ،بس ديري بالج لا تفتحين الباب وأنا بطرش دوريه قبلي لاتفتحين لما اقولج انا حمود اللي عند الباب.
لطيفة: حاضر بس الله يخليك لا تتاخر.
خمس دقايق والدورية كانت عند الباب ( المخفر كان قريب من بيتهم) ونزل منها الشرطي ومسك الريال اللي كان يطق الباب وما قاومهم لانه كان سكران،، وشافت لطيفة الشرطي يتكلم بالتلفون واستنتجت انه يكلم حمود.
شوي ولا سيارة حمود وصلت ونزل على طول وركب يم الريال ورى بالدورية ,, وتم فترة وبعدين نزل وحرك الشرطي وتم حمود واقف مكانه وصعد لشقة ام لطيفة وطق الباب وقال : فتحي لطيفة انا حمود.
فتحت لطيفة الباب وكان ويه حمود مو طبيعي حده معصب ومتنرفز وعلى طول قال لها : وين امج؟
ردت لطيفة: أمي مسافرة وانا بروحي بالبيت.
حمود: امج اسمها عالية؟
لطيفة : أي ليش؟
حمود: لطيفة الحين ابي اعرف كل شي عنج وعن امج واياني وياج تجذبين ، لان سوالف امج فاحت ريحتها
سكتت لطيفة وما عرفت شتقول: ادخل بالصالة ةانا بقول لك كل شئ بس أرجوك لا تفهمني غلط.
وما درت لطيفة ان هذا الاعتراف راح يدمر حياتها

[طموحي عالي]

الفصل الثالث

الجزء الثاني

دخل حمود الصالة وهو بينه وبين نفسه منصدم من الكلام اللي اسمعه من الريال.. (معقولة تكون امها جذي ..ما ني مصدقة.. هالبنت البريئة امها بهذي الأخلاق ولا كلام سكران و بس) وقفت لطيفة جدام حمود وهي منزله رأسها،،
حمود:تعالي قعدي يمي،، وبدون شعور ما حست لطيفة الا وهي قاعطه راسها على جتف حمود وتبكي بصوت عالي وقام حمود يمسح على راسها ويهديها وقال: خلاص اذا حاسة انه ما لج خلق تتكلمين بالموضوع مو لازم نأجلها باجر،،
لطيفة: لالا حمود أنا بقول لك كل شئ ، بس والله ما دريت عن حالة أمي الا من شهر واحد وبس،، وقالت له كل اللي عرفته عن امها وهو منصدم من الكلام اللي سمعه.
حمود: وابوج وينه، انت ما لازم تقعدين بهالبيت ولا دقيقة وحده عقب اللي صار، قعدتج فيها خطر عليج وخصوصا انج تقولين ان امج ما قام يهمها انها تخش سوالفها عنج مثل اول.
لطيفة: انا من فتحت عيني على الدنيا ما لقيت جدامي الا امي اشلون اتخلى عنها الحين.
حمود: عيل تبين تتخلين عن كرامتج وسمعتج.
لازم تحسمين الموضوع مع امج ، وتشوفين لج حل انتي بنت وألزم ما عليج سمعتج، اعذريني بس هاذي هي الحقيقة.
والحين اخليج ترتاحين وفكري عدل بالموضوع وسوي اللي تشوفين فيه مصلحتج. يلا نامي الحين وارتاحي وباجر راح اكلمج اول ما اقعد من النوم

[طموحي عالي]

الفصل الثالث
الجزء الثالث

في مصر ام لطيفة سوت العملية ونزلت الياهل وكانت دايخة وتعبانه حيل من تأثير البنج وراحت الفندق مع خالد .
خالد: أقول حباتي شرايج نقعد لنا جم يوم بمصر ، ما ورانا شي.
عالية: بس بنتي بروحها بالبيت وما كلمتها من يوم وصلت ، وهي مالها أحد غيري( بدت تحن على بنتها شوي وتحس فيها)
خالد: هاج التلفون دقي عليها وتطمني.
عالية خذت التلفون ودقت على لطيفة كانت الساعة تقريبا تسع ولطيفة للحين نايمه عقب سالفة أمس،،ردت عليها سيتا وبلغتها بللي صار،التفتت عالية على خالد وقالت له عن السالفة.
خالد: هذا أكيد سلطان ن قايل لج قطعي علاقتج معاه وفكينا منه.
عالية ردت بعصبية:جم مرة قلت لك ما أقدر استغني عنه اهو اللي يصرف علي وفاتح البيت ون عقب ما طردوني من الشغل.(كانت رايحه الدوام عقي سهرة حمرا ودايخة وحولها المدير للشؤون القانونية وفصلوها من الدوام) وتمت تحت رحمة عثمان وغيره يصرفون عليها، طبعا كل هذا ولطيفة ما تدري عن شئ.
عالية: خالد لازم نرجع الكويت اليوم قمت احايبنتي.
خالد: بس انتي توج مسويه العملية ما فيج شده على الطيارة .
عاليه؛ لا ما فيني شئ يلا خل نمشي
خالد: على راحتج.

[طموحي عالي]

الفصل الثالث
الجزء الرابع

رجعت أم لطيفة الكويت ودخلت البيت وكانت لطيفة قاعدة بالصالة قعدت يمها وقلت لها : يوم واحد أسافر بره الاقيج مسويه بلاوي.
لطيفة: يمه شفيج ويهج أصفر جنج مريضة.
الام: مريضة من فعايلج.قولي لي شصار بالضبط ومالج شغل بمرضي.
لطيفة قالت لامها كل اللي صار،
الام: يعني ماكنتي قادرة تحقرينه. لازم تدقين عل الشرطة وتسوين فضايح.
لطيفة: يما كنت بروحي بالبيت وخايفة والريال يصرخ وخفت انه يكسر الباب ويدخل.
الم:وبعدين هذا الضابط حمود من وين تعرفينه علشان ييج يركض بنص الليل.
لطيفة: يما قلت لج اخو دلال رفيجتي ،وما كان احد جدامي غيره.
الام: وليش ما دقيتي على ابوج,
لطيفة: مابغيت اسوي مشاكل مع ابوي ومرته ، وبينها وبين نفسها( زين اللي ما اتصلت علشان ما يشوف فضايحج.
الام: قومي دقي على حمود هذا وقولي له يي البيت ابي اكلمه.
لطيفة مستغربه: ادق عليه، الام: أي دقي عليه ابيه ضروري.على ما أبدل ملابسي تكونين دقيتي عليه.
اتصلت لطيفة على حمود وبلغته باللي قالته امها وقال لها خلاص اشوي وأكون عندكم،
وصل حمود بيت لطيفة وشاف الام وعرفها من أول نظرة انها مرة مو مضبوطة، كانت قاعدة وحاطة ريل على ريل والزقارة بيده ولطيفة قاعدة يمها وتقول بينها وبين نفسها( ياأرض انشقي وابلعيني ).
الام: تمد الباكيت حق خمود وهي تخزه من فوق لتحت: تدخن؟
حمود يطالعها باحتقار: لا مشكورة.
الام: اول شئ انا بشكرك على اللي سويته مع لطيفة، وثاني شئ في سوء تفاهم حصل مع الريال اللي كان ياي وانا ماني رافعة شكوى عليه وابيكم تطلعونه.
حمود باستهزاء: شنو على بالج الموضوع بكيفج وكيفه، اصلا قبل ما تدق علي لطيفة الجيران كانو داقين على المخفر ورافعين قضية، وبصراحة خافين من ان الامر يتكرر لان عندهم حريم وبنات يخافون عليهم، وانتي بكيفج اذا بتتنازلين عن حقج هذا شئ راجع لج.
خزته الام خزة لها معنى وسخ وقالت له: انت ضابط وبالمخفر لك معارف : ما تقدر تسوي شي.
وقف حمود وقال لها: اسف، والحين عن اذنكم.وطلع حتى من غير ما يلتفت على لطيفة اللي حست انه راح يغمى عليها من وقاحة امها.
عقب ما طلع حمود التفتت الام على لطيفة وقالت لها: لطوف ما تقدرين تقنعينه، ترى هذا الريال اللي مسكوه يهمني امره وهو اللي فاتح بيتنا.
دارت الدنيا بلطيفة وصارت سوده جدام عيونهاوما وعت الا وهي طايح بوسط الصالة.وغابت عن الوعي

[شجرة الدر]

يعطيج العافيه تاجره ،،،

خلج كريمه حطي لنا في اليوم بارتين ،،

[طموحي عالي]

الفصل الثالث

الجزء الخامس

فتحت لطيفة عيونها ولقت نفسها نايمه بالمستشفى والممرضة المصرية واقفه يمهاوتطالع الدربّ اللي معلق .
لطيفة: انا وين؟
الممرضة: ازيك ياعروسه انتي في المستشفى ، حمد الله على سلامتك.
لطيفة: شفيني ،ليش يايبيني هني؟
الممرضة: بتدلعي على ماما ، عايزة تشوفي انت غاليه عليها ولا لأ.
وتذكرت لطيفة اللي صار بين امها وحمود وحست بالدوخة وغمضت عيونها حيل ونزلو دموعها على خده.
الممرضة: بتعيطي ليه ( يعني ليش تبجين) انتي مافيكيش حاجة ، شوية ارهاق ، ترتاحي كم يوم وتقومي زي الحصان.
لطيفة: وين امي؟
الممرضة: امك راحت لانها بتقول انها اليوم وصلت من السفر وتعبانه وبكرة الصبح حتيجي .
لطيفة : ليش انا بنام اهني.
الممرضة: ايوه يا حبيبتي، علشان نعمل لك فحوصات نتطمن عليكي.
لطيفة: بس انا عندي امتحانات ودوام ( كان ما باقي شي على امتحانات نص السنه) وا اقدر اغيب.
الممرضة: الدراسة تتعوض المهم صحتك، ودلوقتي اخليكي ترتاحي واذا عزتي حاجة اضربي الجرس اللي جنبك.
بعد ما طلعت الممرضة حاولت لطيفة انها تنام بس ما قدرت ومع انها كانت تعبانه بس التفكير مخلي مخها يصحصح .
سحبت التلفون اللي يمها ودقت على البيت علشان توصي امها تلروح المدرسة وتبلغ الادارة انها بالمستشفى علشان يحسبون غيابها بعذر وما تنحلرم من الامتحانات.
دقت على البيت وطول على ما ردت سيتا : منو ؟ لطوف؟ اشلونج حبيبتي، انا واجد خوف على انتي.
لطيفة: مشكورة سيتا وين ماما؟
سيتا : ماما يروح بره ،انتي يبي شئ قولي انا ، انا ياخذ تكسي ويجي مستشفى.
لطيفة : مشكورة سيتا ، ما ابي شي،
وسكرت التلفون ودقت على نقال امها ولقت الجهاز مغلق.
الله يسامحج يمه انا بلمستشفى وانتي ولا همج ، ياربي شسوي.وحق منو اشكي همي.
ودقت على دلال علشان تبلغهاانها بالمستشفى ولا تمرها باجر وبالمرة تبلغ الادارة انها نايمه بالمستشفى.
ودقت على بيت دلال وردت الام: والله دلال نامت ، خير حبيبتي ، تبين شئ ضروري,
لطيفة: خالتي الله يعافيج بلغيها اني بالمستشفى وخليها تبلغ الادارة علشان ما يحسبوني غياب بدون عذر.
ام دلال: ما تشوفين شر حبيبتي انشاء الله الصبح ابلغها.
وصكرت الخط وكان توه حمود راد من الدوام كان دوامه العصر ويرد بالليل.
حمود :السلام عليكم.
الام: وعليكم السلام، هلا يما تبي عشا.
حمود: لا مشكورة يما بروح انام .
الام: وعليّ لطيفة ،، كسرت خاطري.
حمود بطل عيونه وقلبه يرقع: أي لطيفة؟
الام: لطيفة رفيجة اختك.
حمود: شفيها؟
الام: توها دقت تقول انها نايمه بالمستشفى..
وقبل ما تكمل الام كلامها قام خمود وطلع من البيت والام مستغربه من ردة فعله القويه.
ركب حمود السيارة وهو متضايق ويفكر شنو اللي صاير وليش لطيفة بالمستشفى؟ وفكرة توديه وفكرة تييبه ومو عارف شلون يوصل لها ، لا عندها تلفون ولا يدري باي مستشفى نايمة.
واخر شئ قرر انه يروح بيتهم واللي يصير يصير.
وارتاح لما وصل البيت وما لقى سيارة الام،ودق تلفون وردت عليه سيتا وسالها عن المستشفى وقالتله انها بمستشفى الهادي اللي بالجابرية, وطار حمود بالسيارة للمستشفى وهو باللبس العسكري، ودخل المستشفى يسأل عن لطيفة واستغرب موظف الاستقبال انه الضابط يسأل عنها وعلى باله في شي.
حمود: لا اهي بنت خالتي وانا ياي اتطمن عليها.
الموظف: الحمد لله انا كنت فاكر في حاجة لا سمح الله .
وقام الموظف ونادى الفراش علشان يوصل حمود بالجناح اللي نايمه فيه لطيفة.....

[طموحي عالي]

الفصل الثالث
الجزء السادس

صعد حمود مع الفراش لغرفة لطيفة وطول ما هو يمشي الناس يخزونه على بالهم ان في شئ صاير وتحسف حمود انه ما بدل ملابسه قبل ما ييي المستشفى وبينه وبين نفسه قال( الحين بفتح العيون عليها وعلى بالهم مسويه شئ وهي بروحها المسكينة مو ناقصة حجي)ووصل عند باب الغرفة وشاف اللمرضة المصريه توها طالعة من عندها واستغربت لما شافت الضابط واقف عند الغرفة.
الممرضة: خير يا فندم في حاجة؟
حمود: لا بس ياي اتطمن على بنت خالتي ،خير شفيها؟
الممرضة: لا شوية ارهاق ودلوتي اديتها حقنة علشان تنام, اتفضل شوفها لو عاوز ، بس ما تطولش علشان هيه تعبان وبتعيط.
دخل حمود على لطيفة ولقاها مغمضة عيونها بس مو نايمة،
حمود: سلامتج يا الغالية.
لطيفة فتحت عيونها كانت للحين تبجي: حمود؟ شدراك اني بالمستشفى.
حمود: ليش ما كنتي تبيني ادري،ولا ما تبين تشوفيني،عسى ماشر شفيج.
لطيفة:ما أدري أغمى علي عقب ما طلعت وفتحت عيوني لقيت روحي بالمستشفى.
حمود: أدري ان الكلام اللي بقوله مو وقته، بس لازم اقوله, وسحب الكرسي وقعد يمها ومسك ايدها ونزل راسه وهو يقول: لطيفة لازم تبتعدين عن امج ، امج بصراحة موكفو تربيج ،وعيشتج معاها فيها خطر على مستقبلج.
لطيفة وهي تبجي: وين اروح انا مالي أحد.
حمود: روحي لابوج وقولي له كل شئ وما اعتقد انه بيرضى تقعدين عندها عقب ما يعرف سوالفها.
لطيفة: يعني افضح امي وخلي مرة ابوي تتشمت فينا، مهما يكون يا حمود هذي امي اللي ربتني.
حمود وهو معصب: يعني انتي راضية بسوالفها، موخايفة على نفسج موخايفة تسحبج معاها بنفس الطريج، انا لو ما تهميني يا لطيفة جان ما قلت لج هالكلام، وصدقيني راح تلاقيني واقف معاج وما راح اتخلى عنج ،واذا ابوج ما يبيج روحي عنداهل ابوج او اهل امج بس المهم ما تقعدين معاها بنفس البيت ، وحده مثلها ما تستاهل انج تكونين بنتها، وينها عنج؟ مو المفروض تكون الحين معاج؟ صدقيني انا اقول هذا الكلام لمصلحتج وانتي كيفج.
سكتت لطيفة ونزلت راسها ما تبي تحط عينها بعين حمود،جان يحط ايده تحت حنجها ويرفع راسهاوقال لها: طالعيني لا تنزلين راسج وقولي لي انج موافقة على اللي قلته.
لطيفة: بس اهل ابوي ما يحبوني ولا يحبون امي وما اعتقد انهم راح يرضون فيني، واهل امي مقاطعينها من زمان ، وانا على بالي لانها تزوجت ابوي غصب عنهم، بس الظاهر لانهم عارفين سوالفها، يعني مالي الا ابوي اللي ما يدري عني ومرته اللي ما تحب تسمع أي شي عني.
شفت شلون ان المسألة مو سهلة مثل ما انت متصور.
سكت حمود وما عرف شيقول لها وكان حاس بينه وبين نفسه انه مسؤول عنها وما يبي يتخلى عنهاويتركها للضياع لانه عارف انها نظيفة وخام ومن السهل ان امها تلعب فيها وتجرها لطريجها.
حمود: والله ما أدري شقول لج أنا هم احترت مثلج، المهم الحين اخليج ترتاحين ، ومن اصبح افلح، حاولي تنامين وترتاحين واوعدج اني ما اتخلى عنج ، وباجر من الصبح راح اكون عندج. تبين شئ؟
لطيفة: لا مشكور، بس صج ما راح تتخلى عني.
تنهد حمود بصوت عالي وقال: لا ما راح اتخلى عنج.
وخلاها وطلع من الغرفة.
بالطريج للبيت كان حمود يفكر شفيني انا ليشبلطيفة وشلون دخلت حياته فجأة وتعلق فيها مرة وحدة ويقول حق نفسه متعلق فيها جذي وانا ما صار لي فترة من شفتها بس يمكن الله خلاني بطريجها علشان انقذها من الضياع، شسوي شلون انقذها من امها، اتزوجها؟ صعبه ،انا ضابط ومنصبي حساس
وأمها سمعتها زفت ، وحتى لو تجاوزت كل هالأموراهلي راح يرضون اني أتزوجها؟ما اعتقد وانا بعد عندي اخت وأخاف على سمعتها وطق السكان بيده حيل وهو يقول: اخ يا لطيفة ياليتني عرفتج بظروف غير جذي جان ما ترددت لحظة وحده اني اتزوجج،وكمل طريجه للبيت وفكره توديه وفكره تييبه........


( الى اللقاء بالفصل الرابع وقبل الاخير)

[طموحي عالي]

هاذي الفصل الثالث

وهو ست اجزاء

اتمنى لكم قراءة ممتعه

[روح-قطر]

يووووووووووووووووووووووووووووووووووووووووووووووووو وووووووووووووووووووووووو

شوقتينا ننطرج لا تتاخرين:)

[alrheeb2020]

يعطيج العافيه اختي ..

وناطرينج على احر من جمر ..

[black@white]

waiting

[طموحي عالي]

السلااااااااااام عليكم

ادري تاخرت عليكم ومانزلت البارت والله صارت لي ظروف

بس ان شاء الله اذا رجعت البيت بدري بنزله لكم

لان خبركم اليوم دوامات وجيت من الدوام ونمت والحين بروح اشتري للعيد :discuss::discuss:

وسامحوني مره ثانيه والاجزاء بنزلها بالليل ان شاء الله

[alrheeb2020]

امممم ..

الوقت كله اختي ..

بس لاتنسييين لما اتردين اتنزلينهم ..

[alrheeb2020]

:anger1::anger1::anger1:

[طموحي عالي]

لاتعصب توني واصله

انتظرني اكيد قبل 11 بيكونون عندكم

[طموحي عالي]

الفصل الرابع

الجزء الاول


مرت على حادثة نومة لطيفة بالمستشفى اسبوعين ، ولا كو حس اوخبر عن حمود ولا سأل عنها ابد وحست بشوق له ودها تكلمه وتسمع صوته، لكن مالها ويه تدق عليه ، وحاولت تعرف اخباره من دلال بطيق غير مباشر لكن لا حس ولا خبر ، فاشغلت نفسها بالدراسة وحاولت تتناسى حمود ، وطبعا الام عقب ما درت لطيفة عنها صارت تجاهر بالمعصية.ليما يه ذاك اليوم اللي قلب حياة لطيفة فوق تحت .
كان يوم الخميس وطبعا بهذا اليوم تكثر الخرابيط في الشقق المشبوهةوالسوالف اللي ماله داعي اتكلم عنها..المهم كانت لطيفة بالبيت تدرس وتحاول تعوض اللي فاتها لما نامت في المستشفى والام كالعادة سهرانه برة البيت .ولما صارت الساعة 12حست لطيفة بتعب وراحت تسوي لها نسكافيه علشان تصحصح وتكلم دراسة ،لان باجر الجمعه وما وراها شي، وسمعت صوت التليفون يرن بالصالة واستغربت منو اللي داق هالحزة وراحت ترد.
لطيفة: الو من معاي؟
حمود: انا حمود، شلونج لطيفة.
لطيفة: اخيرا اتصلت وبدون شعور قالت له( الا ياني ولهانه عليك) وسكت حمود وما علق على كلامها.
لطيفة: شفيك حمود ليش ما ترد؟
حمود: بصراحة ما أدري شقول لج ،بس امج امسكوها بشقة مشبوهة وهي اهني عندنا بالمخفر.واذا تعرفين رقم احد من اهلها...
وطاحت لطيفة على الارض وطاحت السماعة من ايدها.
وسمعت حمود صوت الطيحة وصرخ : لطيفة لطيفة وطلع يركض من المخفر.... يتبع

[طموحي عالي]

الفصل الرابع

الجزء الثاني

________________________________________
وصل حمود البيت ودق الجرس بشكل متواصل فقعدت سيتا من النوم وركضت على طول للباب بدون ما تلتفت للصالة وتشوف لطيفة اللي اغمى عليها .. فتحت الباب ودخل حمود على طول للصالة وشاف لطيفة مغمى عليها وكوب النسكافيه حارق ايدها.. صرخ على سيتا بسرعة ييبي ماي وثلج وقام يطقطق خدودها على الخفيف ويرش الماي على ويها لحد ما صحت ، ،
لطيفة: حمود عفيه قول لي انك تجذب علي وان امي ما مسكوها.
لمها حمود على صدره وقال لها: اهدي لطيفة ما صار الا الخير لا تسوين بنفسج جذي ، ترى امج ما تستاهل، ماشفتي شكلها ولا هامها قاعدة تصارخ بالمخفر ولا جنها مسويه شي
هدي عمرج حبيبتي والله ماتسوى دموعج هذي عشانها.
لفت لطيفه ويها عن حمود وكانت للحين طايحه على الارض ورافعها بيده فقال لها قومي الحين علشان نعالج الحرق اللي بيدج وبعدين يصير خير.
لطيفة: والحرق اللي بقلبي على امي منو يداويه وقامت تبجي بصوت مسموع ،، لمها حمود على صدره وقام يمسح على شعرها ويقول : هدي نفسج يا عمري وما يصير الا الخير .واخذ الثلج من سيتا وحطه مكان الجرح وسأل سيتها اذا عندها مرهم للحروق وراحت ويابت له المرهم وقعد يمسح على ايدها ويخزها بحب والم واعترف بينه وبين نفسه انه ما يقدر يكابر ويلف ويدور: انا احب لطيفة ،، لا واموت فيها بس آآآآآآآآآآآآه من امج يا لطيفة دمرت حياتج وبتدمرني معاج.. يتبع.

[طموحي عالي]

الفصل الرابع

الجزء الثالث

تم حمود مع لطيفة لحد ماهدت ونصحها انها ما تنام بالبيت بروحها وقال لها :دقي على ابوج ييي ياخذج انتي بنته وملزومه منه ، وغصب عليه يتحمل مسؤوليتج .
لطيفة: ما اقدر ادق حمود ارجوك لا تغصبني ، أنا وابوي ما بينا أي علاقة..
حمود: بس الحين الوضع مختلف، وين تروحين ، ما أخش عليج أمج قضيتها جايدة، سكر ودعارة يعني اكيد....
لطيفة: اكيد شنو؟
حمود: اكيد راح تنسجن.
لطيفة: لا عفيه حمود لا تقول جذي، حلاام امي تنسجن، امي مسكينة،آآآآآآآه يايمه ليش سويتي بنفسج وفيني جذي، وين اروح وين اولي.. منو بتحملني ،طول عمري مالي الا انتي،حمود الله يخليك ،لا تخليهم يسجنون امي.. سو شئ عفيه.. انت ضابط وتعرف وايد ضباط ..كلم ربعك.
وقف حمود وقال: ما اقدر لطيفة صدقيني الموضوع اكبر مني.
الموضوع طلع من المخبر ووصل المباحث الجنائية ويوم الاحد امج راح تترحل للسجن.وتركها بروحها وطلع وهو متحسف على اللي سواه.
شنو اللي سواه حمود؟؟ حمود عقب ما كلم لطيفة وشاف مامنها فايدة ومو راضية تترك امها،كلف واحد من المباحث انه يراقب ام لطيفة ويشوفها وين تروح ومع منو ، لحد ما تأكد من المكان اللي تترددعليه وسوالهم كمين واخذ اذن من النيابة باقتحام الشقة علشان يضبط ام لطيفة متلبسة ويسجنها وبجذيه يبعدها عن لطيفة. لكن عقب ما شاف حالة لطيفة كسرت خاطره وتحسف على اللي سواه.لكن الحين ماكو فايدة وام لطيفة وشلتها راحو فيها وهذا جزا من يمشي بالطريج الغلط.لكن منو الضحية لطيفة نعم لطيفة ضحية امها.
عقب ما طلع حمود قامت لطيفة وبغت تدق على يدتها ام امها وتكلمها بالموضوع لكن شافت الوقت متأخر وقررت تدق عليهم الصبح.. وتمت قاعدة تفكر بغلطات امها لحد ما طلعت الشمس
واتخذت قرارها الاخير.... ياترى شنو القرار اللي اتخذته لطيفة؟ يتبع...

[alrheeb2020]

الفصل الرابع

الجزء الثالث

تم حمود مع لطيفة لحد ماهدت ونصحها انها ما تنام بالبيت بروحها وقال لها :دقي على ابوج ييي ياخذج انتي بنته وملزومه منه ، وغصب عليه يتحمل مسؤوليتج .
لطيفة: ما اقدر ادق حمود ارجوك لا تغصبني ، أنا وابوي ما بينا أي علاقة..
حمود: بس الحين الوضع مختلف، وين تروحين ، ما أخش عليج أمج قضيتها جايدة، سكر ودعارة يعني اكيد....
لطيفة: اكيد شنو؟
حمود: اكيد راح تنسجن.
لطيفة: لا عفيه حمود لا تقول جذي، حلاام امي تنسجن، امي مسكينة،آآآآآآآه يايمه ليش سويتي بنفسج وفيني جذي، وين اروح وين اولي.. منو بتحملني ،طول عمري مالي الا انتي،حمود الله يخليك ،لا تخليهم يسجنون امي.. سو شئ عفيه.. انت ضابط وتعرف وايد ضباط ..كلم ربعك.
وقف حمود وقال: ما اقدر لطيفة صدقيني الموضوع اكبر مني.
الموضوع طلع من المخبر ووصل المباحث الجنائية ويوم الاحد امج راح تترحل للسجن.وتركها بروحها وطلع وهو متحسف على اللي سواه.
شنو اللي سواه حمود؟؟ حمود عقب ما كلم لطيفة وشاف مامنها فايدة ومو راضية تترك امها،كلف واحد من المباحث انه يراقب ام لطيفة ويشوفها وين تروح ومع منو ، لحد ما تأكد من المكان اللي تترددعليه وسوالهم كمين واخذ اذن من النيابة باقتحام الشقة علشان يضبط ام لطيفة متلبسة ويسجنها وبجذيه يبعدها عن لطيفة. لكن عقب ما شاف حالة لطيفة كسرت خاطره وتحسف على اللي سواه.لكن الحين ماكو فايدة وام لطيفة وشلتها راحو فيها وهذا جزا من يمشي بالطريج الغلط.لكن منو الضحية لطيفة نعم لطيفة ضحية امها.
عقب ما طلع حمود قامت لطيفة وبغت تدق على يدتها ام امها وتكلمها بالموضوع لكن شافت الوقت متأخر وقررت تدق عليهم الصبح.. وتمت قاعدة تفكر بغلطات امها لحد ما طلعت الشمس
واتخذت قرارها الاخير.... ياترى شنو القرار اللي اتخذته لطيفة؟ يتبع...



جزاج الله خير :nice:

وفي انتظار الجزء الاخير بكره .. :nice:

وننتظر على احر من جمر :anger1: :omen2:

[طموحي عالي]

لا لا مو بكره الحين بكمل الفصل

[طموحي عالي]

الفصل الرابع

الجزء الرابع

لطيفة طول الليل ما نامت وتفكر تروح حق منو وتكلم منو لحد ما قررت انها اخيرا ما تدخل ابوها بالموضوع لما تكلم يدتها ام عالية وتشوفها يمكن تقدر تحل الموضوع بسكات وقالت بينها وبين نفسها ماكو فايده اكلمه بالتلفون لازم اروح لها البيت واوضح لها كل شي بالتفصيل مهما يكون اهي يدتي وما راح تتخلى عني،ودقت على التكسي وخذت سيتا معاها وراحو بيت يدتها، وعند الباب شافت ريال واقف ومن اشباهه اعرفت انه خالها،لطيفة:السلام عليكم ،ممكن اكلم ام حمد(يدتها)استغربا الريال منو ها الياهل اللي تسأل عن امي
فقال لها : منو انتي وشتبين من امي؟
لطيفة :انا لطيفة ،بنت اختك عاليه،
الريال خز لطيفة خزة قوية وقال لها : انا ما عندي اخت
اسمها عالية ،ماعنديالا أخت وحده اسمها بدور والله ساتر عليها (ينغز على امها)وعايشه بالامارات مع ريلها.شتبين الحين؟ ابي اكلم يدتي الله يخليك الموضوع ضروري.
دخل خال لطيفة البيت وطلع بعد اشوي واشر لها:تعالي ودخلت لطيفة البيت وشافت يدتها اللي كانت نسخة من امها
لطيفة: شلونج اديده؟
اليده: شو بدك وبعدين مين اللي قال لك اني جدتك؟(اليده لبنانية).
لطيفة انزلت دموعها غصب عنها من مقابلة اهل امها لها وما عرفت شتقول(حتى ما قالو لها قعدي)
اليده: شو اللي خلاها عالية تفتكرنا بعد كل هالمدة وباعتتك النا؟اكيد في مصيبة.
لطيفة قالت حق الم اللي صار لامها وحاولت انها تقنعهم انها مهما يكون بنتهم وعلى الاقل يحطون لها محامي يدافع عنها لكن الخال ما استحمل وصرخ على الام: انا قايل لج هذي ما راح تييب لنا الا العار خليني اذبحها وافتك منها لكن انتي كل ترديني.
الام: وبدك ياني افرط فيك واضيع مستقبلك عشان وحده ما بتسوى.هيدي مش بنتي ولا بدي اعرفك ولا اعرفها ويلا اطلعي من البيت وروحي لابوك اللي دمر حياة بنتي ،ابوكي هو السبب باللي صار لامك، الله لا يسامحك ولا يسامح ابوكي.
طلعت لطيفة من البيت وهي مو شايفة الطريج من دموعها وسيتا تمشي وراها وتتبرطم بالهندي.
رجعت البيت وفكرت انها تكلم ابوها وقالت حق نفسها
(لازم اتصرف واحط حق امي محامي قبل ما توصل قضيتها للمحكمة).

[alrheeb2020]

لا لا مو بكره الحين بكمل الفصل

يعني اخر جزء بيكون احين ولا بكره اخر جزء ؟ :eek5:

[طموحي عالي]

الفصل الرابع

الجزء الخامس

قعدت لطيفة تفكر بامها واللي صار لها وتقول لنفسها: صج امي ضحية ابوي؟ بس هم اهلها مسؤوليين ليش ما احتوها ببيتهم عقب ما تتطلقت ورضو انها تعيش بروحها.. يعني امي ضحية الاهل والريل..مثل ما راح اكون انا ضحية امي.. وتكرت امها وقالت لنفسها يمكن امي عندها فلوس واقدر احط لها محامي.. المهم قامت تفكر شلون تشوف امها وين تروح وفكرت بحمود ،،أكيد اهو اللي يقدر يساعدني ويدل طريج امي..وخذت التلفون ودقت عليه:الو حمود اقدراطلب منك طلب.
حمود: ماكو شلونك، شخبارك،على طول الطلب، امريني شبغيتي؟
لطيفة: ابي اشوف امي ممكن؟
حمود:ليش؟
لطيفة: امي يعني شنو ليش تبيني اتخلى عنها خلاص ، مو كافي اهلها ما درو عنها.
حمود: انا قلت لج امج بالمباحث الجنائية وبتترحل يوم الاحد السجن المركزي لحد ما يعرضون قضيتها على المحكمة.
بس ممكن اخليج تشوفينها اليوم خليني اكلم رفيجي بالمباحث الجنائية وأرد لج خبر.
بعد دقايق اتصل حمود وقال حق لطيفة: تزهبي انا يايج بالطريج. وبعد عشر دقايق كان حمود تحت واتصل على لطيفة: انا تحت يلا نزلي.
وطلعت لطيفة بس هالمرة ما خذت سيتا معاها لانها كانت تحس بالامان مع حمود وركبت السيارة وبالطريج قالت حق حمود كل اللي صار لها مع اهل امها ، وقالت لحمود انها تفكر ما تروح المدرسة خلاص وبتأجل للسنه الياية لانها مو عارفة شنو راح يصير لها اذا انسجنت امها.
حمود: لطيفة سمعيني اذا محتاجه شئ قولي لي لا تستحين وان اعين واعاون ولا يردج الا لسانج.
لطيفة : انت مو ملزوم فيني ، اذا اهلي تخلو عني ..
حمود:لا تقولين جذي انا قلت لج من قبل اني بوقف معاج ولا راح اتخلى عنج.
وصلو مبنى المباحث الجنائية اللي يم دوار الجوازات وكلم حمود الضابط وقال له: احنا يايين لك من طرف النقيب***
والبنية تبي تشوف امها.
الضابط: أي تفضل معاي توه من شوي كلمني .. وقعدهم في غرفة وطلع برة وكانت لطيفة شاحبه وتحس بدوخه من الصبح ما طب حلجها شي وغير الموقف اللي صار لها ما يدتها.. فقال لها حمود: شفيج لطيفة ؟ليش ويهج اصفر انتي تعبانة؟ تبين اوديج المستشفى؟
لطيفة :لا ما فيني شي دوخة بسيطه ،لاني ما تريقت.
شوي وانفتح الباب ودخلت الام وطلع حمود مع الضابط بره علشان يخلون لطيفه مع الام على راحتهم..وكانت الام بحالة وتعبانة ركضت لطيفة ولمتها:يمه ليش سويتي جذي ،ليش ضيعتي نفسج وضيعتيني معاج..
الام بدون احساس: مو وقته هالكلام سمعي اللي بقوله لج عدل قبل ما يرجع الضابط ....
يا ترى شنو بتقول عالية حق بنتها لطيفة وشنو بتطلب منها.. يتبع

[طموحي عالي]

الفصل الرابع

الجزء السادس

عاليه:سمعي اللي بقوله عدل وفتحي معاي، انا ادري ان الكلب حمود اهو ورا المصيبه اللي انا فيها ،، وحسابه معاي انشاء الله عقب ما أطلع من هالمكان.. سجلي هذا الرقم عندج .. هذا رقم واحد اعرفه اسمه خالد ؟؟؟ (خالد اللي سافر معاها مصر) دقي عليه وقولي له السالفة وقولي له امي تقول لك تصرف وشوف لها حل بهالمصيبة ولاتحاتين الفلوس ترى عندي بالكبت صندوق فيه مبلغ تصرفي فيه لحد ماأطلع.
لطيفة منصدمة من كلام امها: يما شلون ادق على واحد ما أعرفه..
الام:انتي ما تعرفينه بس انا اعرفة ومو وقته هالكلام الحين وكلميه اليوم وبسرعه .
لطيفة:يمه انا رحت بيتكم اليوم.
الام: وليش رحتي انشاء الله ،على بالج امي وخواني بيون يركضون ويساعدوني،سمعيني يمه انا وانتي ما لنا احد مقطوعين ،لا تفكرين الا فيني رحتي ييتي مالج الا انا محد راح يحن عليج ويلا روحي الحين وكلمي خالد قبل لا يتطور الموضوع وسجلي الرقم عندج.
لطيفة: يما انتي تدرين ان باجر راح يودونج السجن المركزي
الام:علشان جذيه اقول لج روحي دقي عليه وبسرعة لاني اذادخلت هناك ماراح اطلع الا بمعجزة.
بهالوقت دخل عليهم الضابط: وقال حق الام يلا قومي كافي جذيه.
الام: لوسمحت ابي ورقة وقلم ابي اسجل لبنتي رقم صديقتي علشان تدق عليها تيي تنام عندها الليلة.. وعطاها الضابط الورقة والقلم وسجلت الرقم وعطته لطيفة وطلعت برة وشافت حمود واقف عند الباب وخزته ذيج الخزة وقالت:يصير خير إن ما خليتك تندم..
الضابط :يلا امشي جدامي هذا يزاه يايب لج بنتج علشان تشوفينها.صج انج ما تستحين.
حمود مارد عليها ودخل عند لطيفة وقال لها : يلا مشينا؟
راحت لطيفةمع حمود وبالسيارة قالت له:حمود صج انت السبب في اللي صار لامي.؟
حمود: مو انا السبب ، السبب فعايلها الشينه.
وما قالت لطيفة لحمود شي عن اللي دار بينها وبين امها.
حمود: تبين تاكلين شي؟
لطيفة: لا مشكور ودني البيت بس ابي ارتاح.
حمود: لطيفة شوفي ويهج شلون اصفر,, خل اوديج المطعم.
لطيفه: لا ما ابي شئ بس ابي ارتاح شوي.
حمود وصل لطيفة البيت وعند الباب طلع بوكه علشان يعطيها فلوس وقال لها:هذا المبلغ تصرفي فيه لحد ما نشوف حل لمشكلتج.
لطيفة وهي تنزل من السيارة: مشكور ما ابي شئ امي مخليتلي فلوس اصرف منها وسكرت الباب حتى من غير ما تقوله مع السلامة.
نزل وراها حمود ومسكها من ايدها وقال لها : ليش تكلميني بهالطريقة انا شسويت لج؟
لطيفة: وخر عني ما بي اشوفك انت السبب باللي صار حق امي واذا دخلت السجن ما راح اسامحك طول عمري .
ترك ايدها حمود وهو منصدم من اللي سمعه ومو مصدق انه امها قدرت اتأثر عليها جذيه.
دخلت لطيفة البيت وهي تبجي وتقول لنفسها: ليش تصرفت معاه جذيه اهو الوحيد اللي واقف معاي ويمكن امي غلطانه حمود ماله شغل باللي صار لها.
شوي ويدق التليفون وردت لطيفة.
لطيفة: الو ..
دلال:لطوف وينج فيه يا القاطع بغيت امرج علشان ندرس مع بعض ما حصلتج خدامتكم تقول انج طالعة,, وين رحتي ؟ وليش مو قاعدة تدرسين؟خبري فيج تاكلين الكتب اكال..
لطيفة: دلال انا امر بظروف صعبة وما اعتقد اني را ح اقدر امتحن او اكمل هاذي السنة اصلا..
دلال: ليش شلي صار وشنو هالظروف اللي تخليج تضحين بدراستج..
لطيفة: امي تعبانه وبالمستشقى وما اقدر اخليها بروحها ..تدرين ما لها احد غيري..
دلال بكل براءة: وييييي الله يشافيها ويقومها لج بالسلامة،بس حرام هذي اخر سنه لج حرام اتضيعينها.
لطيفة: امي اهم من الدراسة، والحين اخليج لاني مشغولة وصكرت التلفون من غير ما تسمع ردها.... يتبع

[طموحي عالي]

الفصل الرابع

الجزء السابع

بعد ما صكرت لطيفة التليفون ، راحت غرفة امها وقامت تفتش بالاغراض اللي بالكبت واستغربت من كمية المجوهرات اللي عند امها وقالت بينها وبين نفسها من وين لها هالذهب واهي ما تشتغل .. استغفر الله ماني شاكه فيها هاذي امي..ويمكن شاريتهم قبل ما تهد الشغل)وصكرت العلبة وردتها مكانها ولقت البوم صور تحت الملابس وقامت تطالع صورها وهي صغيرة (أيام البال الخالي )مع امها وشلون كانت تهتم فيها وبتربيتها ودراستها وحاولت بينها وبين نفسها تتذكرمتى امها بدت تسهر برة البيت وتتغير،يمكن لما رحت المتوسط ..اكيد بهالفترة تعرفت على خالد وهو اللي يرها لهالطريج،وتذكرت خالد وقامت بسرعة علشان تدق عليه
لطيفة: الو ،ممكن اكلم خالد؟
خالد: خالد؟؟ منو هالحلوة اللي تبيني؟
لطيفة: أنا لطيفة بنت عالية .
خالد:عالية؟؟ خير شفيها وشتبي (وكان خالد عارف السالفة من حارس العمارة اللي فيها الشقة بس مسوي نفسه ما يدري عن شيء).
لطيفة: امي قالت لي اتصل فيك.......وقالت له كل اللي صار.
خالد يسوي نفسه متأثر: لا ،لا تقولين شلون جذيه؟
لطيفة: امي تقول لك تصرف قبل ما يرحلونها السجن باجر.
خالد :اوكيه حبيبتي خلي الموضوع علي.
وصكر التلفون وقعد يفكر بذيج الليلة اللي الشرطة دخلت الشقة ومسكت الموجودين ومن ضمنهم ام عاليه وشلون القدر خلاه يطلع قبل ما يوصلون الشرطة بخمس دقايق.
كان قاعد معاهم بالشقة رقص وسكر ودق تيلفونه ولا زوجته تقول له :الحق على ولدك مسوي حادث بالسيكل وحالته خطيرة.فطلع يركض من الشقة وعقبها بدقايق وصلت الشرطه.( اوف الحمد لله صج رب ضارة نافعة يعني لو مو حادثة عبودي جان انا الحين بخبر كان) المهم الحين شلون اتصرف مع عالية ؟؟ اصلا انا بروحي مليت منها ومن طلباتها وحنتها علي تزوجني ومتى بتزوجني ومدام الحين بتدش السجن خلاص ادور لي صيده يديدة وعالية اصلا اكبرت وما قامت تونسني يبيلي وحدة فرفورة تونسني وتردني شباب (كان عمره خمسين سنه) بس مو مبين عليه لانه موشايل هم لا بيت ولا عيال والمرة اهي اللي متحمله مسؤولية كل شئ .(بنت عاليوه ما ادري جم عمرها وما ادري حلوة مثل امها) .. وقعد يفكر فيها وشلون يوصل لها وهاذي فرصتي البنت لا أم ولا ابو ولا أهل يسألون عنها (كان يعرف كل شئ من عالية) بس اكيد حلوة مثل امها اكر شفتها مرة مع امها بس كانت صغيرة وما اتذكر شغلها عدل..عاد انا ليش معور قلبي اروح لها البيت وأشوفها على الطبيعة أحسن .
لبس خالد وتكشخ وركب سيارته ودق على لطيفة: الو..يبه لطيفة(يسوي روحه طيب علشان تثق فيه وتفتح الباب)أنا ياييج البيت الحين علشان نتفاهم على موضوع امج..
وبغيت اعرف بعض الاشياء علشان اكون على علم بكل شي لما اروح للمحامي.
لطيفة: ششتبي تعرف قول لي وانا اقولك بالتلفون .
خالد: لايبه الحجي بالتلفون ما يفيد لازم اقعد معاج..وبعدين انا حسبة ابوج .يعني شنو مو واثقة فيني؟
لطيفة: لا عادي حياك الله.
مسكينه لطيفة صغيرة وعايشة بروحها وماعندها احد يوجهها يعني بمعنى أصح كانت عايشة على البركة( الله الحافظ اهو اللي قادر يحفظها ويحميها من شر الاشرار)شنو اللي راح يصير للطيفة وشلون راح تعيش بعد سجن امها هذا اللي راح نعرفه بالفصل الخامس والأخير.

[طموحي عالي]

يعني اخر جزء بيكون احين ولا بكره اخر جزء ؟ :eek5:

لا بكره بيكون الفصل الاخير

اان كل يوم انزل فصل يكون فيه 5 او 7 او 8 اجزاء

[alrheeb2020]

الفصل الرابع

الجزء السابع

بعد ما صكرت لطيفة التليفون ، راحت غرفة امها وقامت تفتش بالاغراض اللي بالكبت واستغربت من كمية المجوهرات اللي عند امها وقالت بينها وبين نفسها من وين لها هالذهب واهي ما تشتغل .. استغفر الله ماني شاكه فيها هاذي امي..ويمكن شاريتهم قبل ما تهد الشغل)وصكرت العلبة وردتها مكانها ولقت البوم صور تحت الملابس وقامت تطالع صورها وهي صغيرة (أيام البال الخالي )مع امها وشلون كانت تهتم فيها وبتربيتها ودراستها وحاولت بينها وبين نفسها تتذكرمتى امها بدت تسهر برة البيت وتتغير،يمكن لما رحت المتوسط ..اكيد بهالفترة تعرفت على خالد وهو اللي يرها لهالطريج،وتذكرت خالد وقامت بسرعة علشان تدق عليه
لطيفة: الو ،ممكن اكلم خالد؟
خالد: خالد؟؟ منو هالحلوة اللي تبيني؟
لطيفة: أنا لطيفة بنت عالية .
خالد:عالية؟؟ خير شفيها وشتبي (وكان خالد عارف السالفة من حارس العمارة اللي فيها الشقة بس مسوي نفسه ما يدري عن شيء).
لطيفة: امي قالت لي اتصل فيك.......وقالت له كل اللي صار.
خالد يسوي نفسه متأثر: لا ،لا تقولين شلون جذيه؟
لطيفة: امي تقول لك تصرف قبل ما يرحلونها السجن باجر.
خالد :اوكيه حبيبتي خلي الموضوع علي.
وصكر التلفون وقعد يفكر بذيج الليلة اللي الشرطة دخلت الشقة ومسكت الموجودين ومن ضمنهم ام عاليه وشلون القدر خلاه يطلع قبل ما يوصلون الشرطة بخمس دقايق.
كان قاعد معاهم بالشقة رقص وسكر ودق تيلفونه ولا زوجته تقول له :الحق على ولدك مسوي حادث بالسيكل وحالته خطيرة.فطلع يركض من الشقة وعقبها بدقايق وصلت الشرطه.( اوف الحمد لله صج رب ضارة نافعة يعني لو مو حادثة عبودي جان انا الحين بخبر كان) المهم الحين شلون اتصرف مع عالية ؟؟ اصلا انا بروحي مليت منها ومن طلباتها وحنتها علي تزوجني ومتى بتزوجني ومدام الحين بتدش السجن خلاص ادور لي صيده يديدة وعالية اصلا اكبرت وما قامت تونسني يبيلي وحدة فرفورة تونسني وتردني شباب (كان عمره خمسين سنه) بس مو مبين عليه لانه موشايل هم لا بيت ولا عيال والمرة اهي اللي متحمله مسؤولية كل شئ .(بنت عاليوه ما ادري جم عمرها وما ادري حلوة مثل امها) .. وقعد يفكر فيها وشلون يوصل لها وهاذي فرصتي البنت لا أم ولا ابو ولا أهل يسألون عنها (كان يعرف كل شئ من عالية) بس اكيد حلوة مثل امها اكر شفتها مرة مع امها بس كانت صغيرة وما اتذكر شغلها عدل..عاد انا ليش معور قلبي اروح لها البيت وأشوفها على الطبيعة أحسن .
لبس خالد وتكشخ وركب سيارته ودق على لطيفة: الو..يبه لطيفة(يسوي روحه طيب علشان تثق فيه وتفتح الباب)أنا ياييج البيت الحين علشان نتفاهم على موضوع امج..
وبغيت اعرف بعض الاشياء علشان اكون على علم بكل شي لما اروح للمحامي.
لطيفة: ششتبي تعرف قول لي وانا اقولك بالتلفون .
خالد: لايبه الحجي بالتلفون ما يفيد لازم اقعد معاج..وبعدين انا حسبة ابوج .يعني شنو مو واثقة فيني؟
لطيفة: لا عادي حياك الله.
مسكينه لطيفة صغيرة وعايشة بروحها وماعندها احد يوجهها يعني بمعنى أصح كانت عايشة على البركة( الله الحافظ اهو اللي قادر يحفظها ويحميها من شر الاشرار)شنو اللي راح يصير للطيفة وشلون راح تعيش بعد سجن امها هذا اللي راح نعرفه بالفصل الخامس والأخير.

:weeping::weeping: اخر جزء يعور القلب ..

الله يلعن هالاشكال من الناس ..

وعلى انتظارج بكره على احر من جمر ..

وجزاج الله خير

[findi]

آيـــه عليها لطوف

تكسر الخاطر

:(

الله يعطيج العافيه تاجره

وناطرين التكمله بكره

[بوهلال]

في انتظار البقيه

[الدوحي7]

عورتو قلبي على هالصبح،،

[umabdulla77]

مسكينة لطوووووووووووووووف عورتي قلبي بهالقصة

وان شاءالله خالد مايضرها

نزلي الاجزاء اليوم مايصير ننطر لين بكرة <<<< مندمجة من قلب

[طموحي عالي]

شنو هذا ماكو تشجيع

ماراح انزل البارت لين اشجعووني

وين الناس اللي كانوا في بدايه القصه

[الدوحي7]

شدعوا واحنا مب عاجبينكم ، كلملوا السالفه،، قبل لااروح ارقد،،

[طموحي عالي]

الحين انا نزلت كل اجزاء الفصل الخامس والاخير على لابي

يعني شجعوني شوي عشان عالمغرب انزلهم

الحين بروح اناااااااااااااام

وعلى فكره هي 9 اجزاء وقمه الاثثاره والحزن

وجيبوا معاكم فاين

والا تدرون بحط علبه فاين عن الباب

[طموحي عالي]

شدعوا واحنا مب عاجبينكم ، كلملوا السالفه،، قبل لااروح ارقد،،

لا دخيلك مافيني حيل المغرب بنزلهم توني جايه من الدوام

وعاجبني ونص بس انا ماحب الناس اللي ادش وتقرى وتطلع :weeping:

[ملاذ الروح]

بانتظارك تاجرة مبتدئه، والله يعينيك ، ترى شوقتينا للنهاية، مع انه اشوي اتضحت معالمها ، بس نبي العلم الوكاد

[alrheeb2020]

مانبي تأخير نفس امس لوسمحتي :anger1::anger1:

(طرار ويتشرط ) :shy:

[الدوحي7]

الحين انا نزلت كل اجزاء الفصل الخامس والاخير على لابي

يعني شجعوني شوي عشان عالمغرب انزلهم

الحين بروح اناااااااااااااام

وعلى فكره هي 9 اجزاء وقمه الاثثاره والحزن

وجيبوا معاكم فاين

والا تدرون بحط علبه فاين عن الباب
بياذن المغرب وبنروح نصلي وانت مانزلتي شي،، خلاص فليل ان شاء الله بنقراها بس نزليهااا،،واحس لعبه في القصه لايكون بس،،

[alrheeb2020]

بياذن المغرب وبنروح نصلي وانت مانزلتي شي،، خلاص فليل ان شاء الله بنقراها بس نزليهااا،،واحس لعبه افي القصه لايكون بس،،


ليكون تطلع لعبه :eek5:

[متفائله]

يعطيك العافيه تاجرة مبتدئة وأنا كنت أتابع بصمت ولكن قلت لا بد من كتابة كلمة شكر لك لتشجيعك

[alrheeb2020]

عالمغرب :secret:

:anger1:

[طموحي عالي]

بس بس كاني وصلت

لحين بنزلهم

[طموحي عالي]

الفصل الخامس****
الجزء الاول

وصل خالد لبيت لطيفة وطق الجرس وفتحت له سيتا الباب وقال لها: نادي لطيفة.. قولي بابا خالد.
راحت سيتا غرفة لطيفة وقالت لها:لتوف ،في رجال يبي انتي، هذا وجه مال اهوا كلش مو زين،، انتي أول يروح مدرسة هاذا يجي لماما.
لطيفة : روحي سيتا خلاص ما بي اسمع كلام زايد،قولي له الحين انا يايه.
وطلعت لطيفة للصاله وكان خالد قاعد على الغنفة ومعطيها ظهره وما تدري ليش قلبها انقبض وهي للحين ما شافت ويهه اصلا.
لطيفة: السلام.
التفت خالد عليها ووقف على حيله يوم شافها.. وعليكم السلام ، بسم الله ماشاء الله ، انتي لطيفة وبينه وبين نفسه يقول(هاذي وين وعالية وين شنو هالجمال .. هاذي اللي بتقضي علي) وفعلا كانت لطيفة احلى من امها وايد واللي زادها حلاة البراءة اللي فيها.
خالد: تعالي يبه قعدي يمي ،حياج.
لطيفة كانت تحس انه جبدها تقلب ما تدري ليش : عمي الله يخليك قول اللي تبيه بسرعة لاني تعبانه وبعدين انا بروحي بالبيت وما يصير يقعد معاي ريال غريب.
خالد: منو غريب انا!! افا عليج يالطيفة ، وبعدين شفيج تعبانه يابعد عمري.
عمي خالد: لالتكلمني جذيه لو سمحت ،انا لا اعرفك ولا تعرفني علشان تقول لي بعد عمري ، وبعدين انا لو مو أمي جان ما دقيت عليك..
خالد اوووللا هاذي نار وشرار)، عكس امها ولييين شلون بتصرف معاها .
خالدغير نبرة صوته: قعدي يبه انتي مو تبيني اساعد امج؟قعدي خل نتفاهم..قولي لي شتشرب.. جذيه على طول كليتيني بقشوري.. انتي تدرسين؟ باي صف؟
لطيفة كلش مو متقبله منه أي كلمه: انت ياي تحل مشكلة امي ولاتحقق معاي.. وبعدين انا وين والدراسة وين وانا بهالظروف الله يجازي اللي لعب بعقلها وخلاها تمشي بهالطريج(تقصده اهوا).
خالد: ياما نصحتها وقلت لها انتي عندج بنت خافي عليها بس اهي ما تدور الاعلى وناستها..
لطيفة: لو سمحت ما أسمح لك تتكلم عن امي جذية.
خالد: يحليلهم اللي يعصبون هااهاهااي.
لطيفة: لو سمحت تقوم تطلع برة انا قلت لك كل اللي وصتني امي اقوله وما بينا حجي ثاني نقوله.. اتفضل من غير مطرود.
خالد: بس خدمتي لامج لازم يكون لها ثمن(طلع على حقيقته).
لطيفة: شوف اشكثر تكلفك القضية وقولي .
خالد: فلوس لا ياحبي اذا تبين انا اعطيج فلوس .. انا أبي شئ ثاني....

[طموحي عالي]

الفصل الخامس

الجزء الثاني

في بيت حمود الام كانت قاعدة مع ابو حمود بالصالة ينطرون ردة حمود من الدوام علشان يتغدون..
ام حمود: خلاص ان أفاتحه اليوم بالموضوع.. وما راح يلقى احسن من بنت عمه أشواق أدب وأخلاق وجمال وفوق هذا مدرسة يعني دوامها مافيه رياييل وهذا اللي يبيه حمود..
ابو حمود: خلاص وحاولو تستعجلون الموضوع قبل ما يسافر اخوي للعلاج.
دخل حمود البيت وسلم على امه وابوه..
الام: هلا والله هلا بالمعرس زين الشباب..
حمود:معرس منو انا؟ ومنو العروس؟ وشفيج مستعيلة علي جذية.؟ مليتي مني خلاص؟
ابو حمود: شوي شوي على امك.. شنو تو الناس اللي كبرك تزوجو من زمان، وانت من زمان تشتغل وبعد جم شهر بتييك النجمة الثانية يعني بتصير ملازم أول، متى ناوي تتزوج لما تصير عميد.
حمود: لا يبا شدعوة، بس ما قلتو لي منهي العروس؟
الأم: أشواق بنت عمك، ها شرايك؟
حمود: والله خوش بنت ، بس انا اقول تو الناس على الزواج.
ابو حمود: شنو تو الناس انت على بالك البنت بتم ناطرتك لما تقرر تتزوج.
حمود: أنا ما قلت لها تنطرني ، خل تتزوج، وانا بلاقي الف وحدة تتمناني ويضحك ويلف ويهه على امه ويغمز لها: ولا شرايج يا أم حمود.
الام: بس البنت زوغة حرام تضيعها.
حمود: البنات الحلوين وايد والكويت متروسة بنات.
ابو حمود: يعني افهم من كلامك انك ما تبي بنت عمك؟ ليش حاط عينك على أحد معين.
طرت على باله لطيفة وقال بينه وبين نفسه آآآه يا يبا لو تدري من حاط عيني عليها جان حذفتني بأكبر ما عندك.. اللي احبها وابيها امها مسجنونه وبقضية تسود الويه..)
وهم يتناقشون دخلت لطيفة عرض بالموضوع:منو اللي بتزوج الله وناسه نبي عرس.
الام: ودنا نزوج اخوج بس ما ادري ليش موراضي.. ما يبينا نفرح.
حمود:انشاءالله بتفرحين يا أم حمود.وقام وخلاهم وهم محتارين ليش رافض الزواج.
ابو حمود:ولدج شكله في وحده لاعبة عليه ومتعلق فيها،ولا ليش ما يبي يتزوج؟
الام:اسم الله على ولدي ،ماعنده هالخرابيط وقته كله بالشغل حتى دواوين ما يروح.لا تظلمه حرام عليك.
ابوحمود:يعني شلون الحين نخلي البنت تروح من ايدنا.
الام: والله ماأدري يابوحمود خلني أحاول معاه وأكلمه مرة ثانية يمكن يقتنع...

[طموحي عالي]

الفصل الخامس

الجزء الثالث

في بيت ام عاليه الام تكلم بنتها اخت عالية اللي عايشة بالامارات مع ريلها وهي أكبر من عالية بسنتين .
الام: كيفك يا حياتي امتى جايه عالكويت؟اشتقتلك كتير انتي والاولاد.
أخت عالية: وانا بعد مشتاقة لكم وايد شخباركم وشلوناخواني؟
الام:كلنا بخير وبنسأل عنك ياعمري، امتى بدك تيجي عالكويت؟
اخت عالية: على عطلة الربيع لمايعطلون اليهال(أخت عالية عندها اربع صبيان العود زايد بالجامعة سنه ثالثة حقوق،والثاني ابراهيم كبر عالية اخر سنه ثانويه عامه، والاثنين الصغار توام حمد وشهاب بالابتدائي ) وطبعا اهم ما يدرون انه عندهم خاله اسمها عالية .
الام: ماقلتلك حبيبتي،احزري منو جانا على البيت؟ (وكانت اليدة حاسة بالندم على اللي سوته مع لطيفة لكنها تخاف من تهور عيالعا فتبي تقطع كل علاقة لها مع عالية علشان ما يحتكون فيها وتصير المشاكل.
أخت عالية: منو؟
الأم:بنت أختك عالية، اسم الله صبيه بتطير العقل،
أخت عالية:صج يمه؟ وشتبي وشلون اذكرتكم عقب هالمدة.
وقالت لها كل اللي صار.
اخت عالية: يما حرام ليش جذيه لي ماساعدتوها حرام اهي مالها ذنب ومهما يكون اهيا بنت بنتك والظفر مايطلع من اللحم.
الأم: احنا شو دخلنا فيها عندها اب مسؤول عنها ومابدي ادخل اخوانك بمشاكل عالية وبلاويها.
أخت عالية: بس البنت..
الأم: بس خلاص الموضوع انتهى واحنا طردناها ولاتفتحي السيرة مع اخوانك ولا تخليني اندم اني قلتلك.
أخت عالية : خلاص يمه اللي تشوفينه يلا الحين اخليج ديري بالج على نفسج وسلمي على إخواني وانشاء عن جريب انا عندكم.
الأم: الله يسلمك حبيبتي ،بوسي لي الاولاد.
******
في بيت لطيفة عقب ما ذلف خالد لطيفة قاعدة بالصالة تبجي ومنصدمة من الكلام اللي قال لها خالد وتقول حق روحها: هذا من صجه .. امي شلون تعرف هالأشكال صج ماعنده ضمير يبيني اكون الثمن علشان يساعد امي..شسوي ياربي ولمنو اروح لازم انقذ نفسي هذا حطني بمخه ومثل ما قال حمود لازم اترك البيت مثل ما قالي حمود بس وين أروح مالي الا ابوي ورفعت سماعة التلفون واتصلت بابوها وردت عليها مرة ابوها: نعم منو لطيفة.. ايييييييي لطيفة خير انشاء الله شذكرج بابوج؟
لطيفة: لو سمحتي عطيني ابوي ابيه ضروري,
مرة ابوها: ابوج مسافر البحرين مع ربعه وما راح يرد الا بعد اسبوع وسكرت الخط بويها.
وين تروح لطيفة ولمنو تلجأ وشلون تحمي روحها من غدر الزمن (كل منج يمه الله يسامحج دمرتني حياتي وقضيتي على مستقبلي وحملتيني الهم مبجر الله يسامحج) ودفنت ويها بالمخدة وقامت تبجي ... يتبع

[طموحي عالي]

الفصل الخامس

الجزء الرابع

انقطعت لطيفة عن المدرسة وتمت قاعدة بالبيت تنطرأبوها يرد من السفر ويدق عليها وما دق وكل ما تدق عليه بالبيت تقول لها زوجته مو اهني ولا مسافر ولا نايم لحد ما انفجرت فيها لطيفة وقالت:خلاص بسج جذب انا ادري انج انتي اللي ماتبيني اكلمه وانه ما يدري اني اتصل بس انا بروحي ومحتاجه له واذا ضعت ولا صار فيني شئ فذنبي برقبتك وصكرت التليفون بويها.. مرة ابوها خافت من الحوبه وقالت انا عندي بنات اخاف الله يحر قلبي عليهم أنا بقول لابوها وكيفه اهو وياها بس بشرط عليه انه ما يفكر ييبها عندي أنا عندي بنات وانا ما أدري شلون امها مربيتها واخاف تخرب بناتي..لما يه ابو لطيفة بلغته زوجته باتصال لطيفة وعطته رقمها ودق عليها واتفق انه ييها البيت وما قال لها تعالي لانه يدري انه زوجته ما تبيها.. وأول ما دخل البيت وبدون مايسلم عليها ولا جنه مو شايفها من يوم كانت بالروضة..قال أبوها:عيل وين امج؟
نزلت لطيفة راسها وما تكلمت.
الابو:على بالج انا ما أدري بسوالفها اصلا امج ريحتها فايحة بكل الدواوين وأحمد ربي ألف مرة إني طلقتها قبل ما تفضحني ..والمرة اللي تبيع أهلها علشان واحد ..تبيع روحها عشان الفلوس..يلا خلصي شبغيتي؟ كل يوم والثاني داقة ما جنج دوختينا.. وما عطى لطيفة فرصة تتكلم اصلا.
لطيفة منصدمه بأبوها: ويوم أمي ريحتها فايحه ليش مخليني عندها موانا شايله اسمك؟ ماخفت علي ،تدري انه امي انسجنت وانا عايشه بروحي وانا مالي احد.. قاطعها الابو: غير الفلوس ما عندي شئ ثاني روحي لاهل امج ، اهم لازم يتحملون غلطة بنتهم أنا ريال عندي بيتي وعيالي وماني ناقص عوار راس. في شئ ثاني؟
لطيفة: يبا أن ابي أساعد أمي وأحط لها محامي لان مالي غيرها الكل تخلى عني وما يبيني ..
أبوها ؛ بعد هذا اللي ناقص، ما بقى الا هالاشكال اللي احط لها محامي ، خلصي تبين شئ ثاني ولا أمشي ترى وراي شغل.
لطيفة: حسبي الله ونعم الوكيل.
وخلاها ابوها وطلع عقب ما قط على الطاولة شوية فلوس.
وبعد نص ساعة من طلع ابوها دق التيلفون .
لطيفة: الو..من يتكلم؟
خالد: ها لطوفتي شصار على موضوعنا؟
لطيفة: متى بتطلع أمي؟
خالد: لما تقررين ..ويضحك.
لطيفة: خلاص أنا موافقة على كل اللي تقوله وسكرت التلفون بدون ما تسمع الرد وركضت غرفتها تبجي...

[طموحي عالي]

الفصل الخامس

الجزء الخامس

ثاني يوم عقب ما كلمت لطيفة خالد وقالت له انا تحت امرك دقت لطيفة على دلال تبي تعرف أخبار المدرسة(وهي قصدها تبي تعرف أخبار حمود) وليش انقطع عنها وما قام يتصل ..
لطيفة: شلونج دلال ..شخبارج وشلون المدرسة؟
دلال: والله فاقدينج لطوف والبنات كلهم يسألون عنج ومستغربين ليش انقطعتي عن الدراسة وانا قلت لهم لان امج مريضة وتبين تجابلينها لان مالها غيرج.. الا شلون امج الحين.
لطيفة: للحين تعبانه.
دلال: ما قلت لج لطوف.. اخوي حمود بيتزوج.
لطيفة ساكته ومنصدمة من الخبر: متى ؟ ومنو بياخذ؟
دلال: متى ..ما ادري بالضبط ، وباخذ بنت عمي أشواق عاد يلا زهبي نفسج للعرس لازم تيين ما راح أقبل أعذار.
لطيفة: يصير خير، أخليج الحين بروح أشوف أمي .
دلال: عاد لا تقطعين وسلمي على امج.
لطيفة : الله يسلمج ، سلمي على حمود وباركي له.
صكرت التليفون وقامت تبجي بصوت عالي وحست ان الدنيا انهارت جدامها وعرفت انها حبت حمود.لكن شالفايدة ضاع منها والسبب...غلطة امها.
الساعة ثمان بالليل اتصل عليها خالد:ها لطوفتي مستعدة للسهرة.
لطيفة: أي سهرة؟
خالد: وبعدين معاج احنا ما اتفقنا امرج اليوم ونسهر مع بعض ، شنو نسيتي.
لطيفة: لا ما نسيت، بس اليوم تعبانه خلها باجر.
خالد: على راحتج ، بس كل ما تأخرتي ، راح تتأخر طلعة امج( وهو كان يجذب عليها لا يقدر يطلع امها ولا شئ لان قضيتها وصلت النيابه وبيحولونها المحكمة) يعني بتنسجن أكيد.
لطيفة:خلاص خلاص ، متى بتمر؟
خالد: بعد نص ساعة، بس ها حسبي حسابج انج تباتين عندي لاني بصراحة عقب ما أشرب ما احب اطلع من مكاني الا الصبح.
لطيفة: شننو تشرب؟
خالد وبكل حقارة :أشرب دوا ,هههههههههه.
لطيفة فهمت وسكتت وكانت سالفة حمود مأثرة فيها وايد فقالت له: اوكي.وانا منو بيسأل عني اذا نمت عندك أوعند غيرك.
خالد: أي جذي تعجبيني يلا انا يايج بالطريج. باي.
قامت لطيقة وبدلت ملابسها ونزلت لقت خالد وركبت معاه.
لطيفة: وين بنروح؟
خالد: بنروح الشاليه.. وطار بالسيارة.
***************
في بيت حمود قاعدين على العشا وحمود سرحان وقلبه مغموت.
دلال: يلا حمود متى بتتزوج؟ ترى عزمت نص رفيجاتي وعلى فكره لطوف تسلم عليك وتبارك لك.
حمود انتفخ ويهه وصار احمر: انتي منو قال لج اني بتزوج ، شهالقافة،
ابو حمود: حمود شفيك انفعلت جذيه؟اختي ما سوت شئ سمعتنا نتكلم ذاك اليوم وعلى بالها بتتزوج. ما صار شئ .
دلال وبكل برود: ويه يعني ماكو زواج وانا عزمت نص المدرسة.
قام حمود وهد الأكل...الام: وين رايح يما ماكملت اكلك.
حمود: الحمد لله شبعت.وصعد غرفته وهو يحاتي لطيفة وتأثير الخبر عليها وخصوصا بالظروف اللي تمر فيها.
وقرر انه يتصل عليها ويوضح لها الموضوع.
اتصل ببيت لطيفة وردت سيتا.
حمود: وين لطيفة؟
سيتا :يروح بره.
استغرب حمود وين راحت ومع منو؟
حمود: وين راحت ومع منو؟
سيتا: اهيا يسوي كلام رجال ويطلع بعدين.
حمود: منو بابا؟
سيتا: لا بابا يجي امس ويسوي مشكلة لتوف وقالت له السالفة.
حمود: عيل منو هذا؟
سيتا: ما يعرف، بس ممكن هذا صديق مال ماما خالد.
اهو يجي بيت ويسوي لتوف كلام.
انصدم حمود من اللي اسمعه وعرف خالد اللي كان مسافر عالية مصر .صك التليفون وهو معصب :شلون احصلها وين موديها ، ياربي ليكون يسوي فيها شئ والله لذبحه حرام حرام اللي قاعد يصير انا ليش ما وقفت معاها ليش تخليت عنها ..يمكن كانت متضايقة يوم عصبت علي .. ليش ما تحملتها..والله اذا صار لها شئ ما راح اسامح نفسي.
في نفس الوقت وصلت لطيفة مع خالد للشاليه.

[طموحي عالي]

الفصل الخامس

الجزء السادس

وصلت لطيفة الشاليةمع خالد وكان بمنطقة الزور عرفت من اللوحة الموجودة على الشارع الرئيسي ونزلو وكان الشاليه فاضي ما فيه احد غير الهندي اللي طلع لهم أول ما وقفت السيارة وعلى طول ركض صويب خالد ومبين انه متعود على شوفته..خالد: ها راجو كله تمام؟
راجو: أي بابا انا يسوي كل شئ.
خالد: اوكيه .دخل السيارة الكراج ولا تدخل الشاليه الا لما اناديك.والتفت على لطيفة اللي كانت للحين بالسيارة :ليش ما نزلتي شناطرة ، تبيني اشيلج؟
ونزلت لطيفة من السيارة وهي خايفة والدنيا تفتر فيها ومسكها خالد وسحبها داخل الشاليه.
******************
تم حمود يفتر بالسيارة لما صارت الساعة 12 ورد مرة ثانيه ودق على سيتا وقالت له انه لطيفة للحين ما رجعتوآخر شي تم واقف يم بيتها ينطلر يمكن ترجع بعد شوي وهو متحلف بخالد( والله لوريه اذا ما نتفته ماأكون حمود)
ولما صارت الساعة وحده وما رجعت قرر انه يرجع البيت ويمرها باجر من الصبح ويشوف شسالفتها مع خالد.
في الشاليه خالد من أول ما دخل وهو طايح له شرب ومو حاس باللي حواليه سكران حده ويتحرش بلطيفة بس مو قادر يسوي شي .. ولطيفة قاعدة يمه ولايعة جبدها منه بس شتسوي ووين تروح .
خالد: قومي لطوف قومي رقصي..
لطيفة: ما أعرف ارقص.خلصني أنا تعبانة .شلون باجر بتروح حق المحامي وانت سكران.
خالد:أي محامي انتي من صجج يبا امج راحت باي باي ماراح تطلع بتعفن بالسجن.( وطبعا السكران يطلع كل اللي بقلبه بدون ما يحس باللي يسويه).
لطيفة:يعني انت كنت تجذب علي؟ ايا الحقير ياالواطي ياللي ما عندك ذمه ولا ضمير يعني تجذب على وطلعت تركض بره الشاليه.. وهو يصرخ وراها :تعالي وين رايحه للحين ما سوينا شئ وطبعا ما قدر يطلع وراها لانه متخدر ومو قادر يتحرك... ركضت لطيفة صوب البحروهي تبجي : ياربي انت عالم بحالي وعارف اني مظلومة ووحيدة ساعدني يارب وقالت لنفسها( انا شلون صدقت هالحقير وبغيت اضيع روحي.. الحمد لله انه ما صار شئ وكشفته على حقيقته).بس وين اروح الحين ومنو يساعدني ادق على منو وانا حتى ما عندي تلفون وما اقدر ارجع الشاليه اخاف هالحقير للحين ناطرني.. وهي ما تدري انها من طلعت من الشاليه طاح على الغنفة وراح بسابع نومة.. وتذكرت الهندي راجو وراحت يم الكراج ولقته قاعد بره مع رفيجه وشاف حالتها وقام راح لها وقالت له لطيفة ممكن تلفون ابي اتصل بصديقتي.. وحن عليها الهندي وعطاها التلفون وأول مافكرت تتصل اتصلت بحمود اللي كان توه داش بيتهم وصرخ عليها أول ما سمع صوتها: انتي وينج فيه؟ شللي قاعدة تسوينه؟
لطيفة : حمود مو وقته ساعدني الله يخليك انا بمكان بعيد وما ادل حتى العنوان الي انا فيه.
حمود: صار لج شئ ؟ هالحقير سوا لج شئ؟
لطيفة: لا الحمد لله بس انا ابي ارد البيت ومو عارفة شسوي والتفتت على الهندي وقالت له : هاك كلمه وقول له يعطيك العنوان.وعطاه العنوان ورد كلم لطيفه: سمعي لطيفة لا يكون تدخلين الشاليه خليج بره مع الهندي انا وصيته عليج كلها نص ساعة واكون عندج..وصكر التلفون وركب سيارته وهو بالطريج اتصل على المخفر وطلب دوريه تروح قبله العنوان قبل ما يصحى خالد ويحس بروحه.
تمت لطيفة فاعدة برة مع الهندي وبعد عشر دقايق وصلت دورية الشرطة ونزل الشرطي وشاف لطيفة واقفة مع الهندي وقال لها : انتي لطيفة؟ ردت لطيفة: أي انا عيل وين حمود؟
الشرطي : حمود ياي بالطريج تفضلي معانا .. لطيفة :وين أروح انا ابي حمود.. الشرطي : قلت لج ياي بس احسن لج تقعدين داخل الدورية قبل ما نقتحم الشاليه على المتهم خالد.
خافت لطيفة وراحت مع الشرطي وركبت الدورية.وشافت الشرطة وهم يدخلون الشاليه على خالد ويسحبونه مثل الخروف....

[طموحي عالي]

الفصل الخامس

الجزء السابع

بعد ما طلعو الشرطة خالد من الشاليه صحصح شوي معاهم وقال لهم: انتو وين ماخذيني انا شسويت؟انتو تعرفون من انا؟
الضابط:منو انت ؟ انت واحد سكران وخاطف قاصر ومحرضها على الفسق والفجور .. يعني ثلاث تهم مرة وحدة بتروح فيها ورا الشمس.
خالد:لا لا مو خاطفها ..اهيا يايه معاي برضاها سألوها وينها وقام يصرخ:لطوفلطوف وينج..
الضابط : بس خلاص اسكت واذاعندك حجي قوله بالمخفر.
شوي ولا حمود واصل واول ما نزل من السيارة راح صوب خالد وعطاه بوكس على ويهه واهو بروحه ما كان ناقص وطاح على طول على الارض وطاح فيه حمود ترفس من كل صوب واخيرا مسكه الضابط :بس خلاصحمود انت ضابط وتعرف القانون وما يصير اللي قاعد تسويه.
خالد: والله بشتكي عليكم بالمخفر واقول انكم تهجمتو علي وطقيتوني على بالكم فوضى انا اوريكم اكيد انتو ربع عاليوه وتبون تنتقمون مني.
الضابط :سد حلجك وقوم وياي يلا.والتفت على حمود: ترى البنية بالدورية.
وكانت لطيفة قاعدة وشافت كل شئ ومنهارة من البجي ومن الموقف اللي حطت نفسها فيه... وفتح حمود باب السيارة وقال لها بنفس خايسة : يلا نزلي ونزلت وهي منزلة راسها ومستحيه تطالعه.. وقال حق الضابط اوصلها واييكم المخفر.
ركبت لطيفة السيارة وتمت ساكته وحمود بعد ما علق على الموضوع..
وبعد ماارتاح شوي قال لها سمعي اللي بقوله عدل: انا تعمدت اسويها قضية علشان ابوج را ح يستدعونه المخفر لان القضيه راح تطوله اهو بعد( اهمال قاصر) وعلشان يحس على دمه ويلتفت لج ويهتم فيج ومهما يصير ما ابيج تستسلمين وتنهارين وتحملي مرة ابوج واعتقد ان ضيمها اهون من البلاوي اللي بتشوفينها اذا عشتي بروحج..والحين روحي البيت وارتاحي وباجر استعدي راح يكون يوم طويل وانا راح اخذ على ابوج تعهد انه ما يسوي فيج شي لان خالد اكيد بيقول انج رحتي معاه برضاج ..بس لا تخافين انا راح اوقف معاج.
وما صارت فرصة يوضح لها انه ماراح يتزوج لان حس انه مو وقته.
لطيفة: ليش سويت جذيه انا ما بغيت فضايح ..شلون تبيني ادش المخفر واوقف جدام ابوي ويعرف اني كنت بالشاليه راح انفضح.
حمود: الفضيحة كانت بتصير لو اني ما لحقت عليج وحميتج من الجلب اللي رحتي معاه ..يلا نزلي الحين وباجر لنل حجي ثاني.
نزلت لطيفة من السيارة والدنيا سودة جدام وييها ومو عارفة شتسوي وما توقعت انه حمود بيكبر السالفة جذيه وبيوصلها للمخفر..وقررت بينها وبين نفسها انها تنهي هذي المأساة ، بس شلون هذا اللي بنعرفه بالبارت الياي

[طموحي عالي]

الفصل الخامس

الجزء الثامن

دخلت لطيفة البيت وكانت حالتها حاله وقررت انها تنهي حياتها وتنتحر.. شلون بتروح باجر المخفر وبتوقف جدام ابوها وحمود وخالد النذل اللي قدر يقص عليها واستغل ضعفها وقال لها بطلع امج.. واهل أمها اللي تخلوا عنها ودراستها ومستقبلها اللي ضاع وامها المسجونه وحمود اللي بيتزوج وبيتخلى عنها وهو الوحيد اللي وقف يمها يعني ما تم لها أحد... آآآآآه همي كبير وكل هذا بسبب غلطة امي اللي ما فكرت الابمصلحتها ووناستها وما فكرت فيني بالمرة .. وجودي اصلا في هاذي الحياة كانت غلطة بين امي وابوي اللي ما عرفو يحافظون على حياتهم وكل واحد يدور مصلحته ..ليش اعيش وشنو فايدة حياتي اللي بعمري يطاعون ويستانسون وماكوهموم تشغلهم وانا هم وراهم ومشكلة ورا مشكلة.. ودخلت غرفتها وقفلت الباب من الداخل وخذت علب الحبوب اللي كانت عندها من المرة اللي فاتت لما دخلت المستشفى وخلطت الانواع الموجودة وبلعتها مرة وحدة ونامت بهدومها على فراشها وغابت عن الوعى مرة وحدة .. فهل ياترى غابت عن الحياة.
********************
حمود دخل البيت وبدل ملابسه وقعد بفراشه يفكر جني قسيت عليها .. ويا ترى اللي سويته صح ..ماجني فضحتها باجر راح تتبهدل بالمخفر وسين وجيم ويمكن يحولونها الطب الشرعي وتنفضح البنيه ..بس هذي الطريقة الوحيدة الي اخلي أبوها يهتم فيها وياخذها..وانا شدراني انها راح تكون بخير عند ابوها .. وليييييييييين والله احترت ما ادري شسوي ووهقت نفسي اتخلى عنها ما اقدر احس ان في شي يجذبني لها ومتعلق فيها .. الله يجازيج يادلال اللي خليتيني اشوفها وأحبها.. وسكت وقال بينه وبين نفسه:: (انا صج احبها ولا ليش مهتم فيها لهذي الدرجة وعرضت نفس للمشاكل عشانها..تدرون شلون بدق على عبدالله(رفيجه الضابط اللي بمخفر الزور واللي قبض على خالد) وبقول له بس يوجه لخالد تهمة السكر وياخذ عليه تعهد بينه وبينه انه ما يتعرض للطيفة واتصل عليه وقال له:مانبي نفضح البنيه ونكبر الموضوع ويمكن اتروح فيها وابوها بيسوي فيها شئ فأبيك تنهي الموضوع بطريقتك.
الضابط: بس اهو فعلا يقول انه ما خطفها وانها يت معاه بروحها..
حمود: ياكل تبن ، اصلا اهوا حيوان استغل صغر سنها وسجن امها وحب يستغلها لكن الله سلمها ولحقناها باخر لحظة.
الضابط : خلاص .انا راح انهي الموضوع بطريقتي وأوعدك انه ما يتعرض لها مرة ثانية.
حمود: مشكور ما قصرت نخدمك بالافراح انشاء الله.
الحين قبل ما أنام وأريح خلني اتصل بلطيفة وأطمنها ان الموضوع انتهى اكيد اهي للحين ما نامت.
واتصل ببيت لطيفة والتلفون يدق ومحد يرد.. وانشغل قلب حمود ليش ما ترد لطيفة .. وتم يحاول يدق مرة ومرة ومرة وماكو رد

[طموحي عالي]

الفصل الخامس

الجزء التاسع والاخير

ملّ حمود وهو يدق على بيت لطيفة ليما اخرشئ ردت سيتا وصوتها فيه النوم وبدون مقدمات قال لها روحي شوفي لطيفة وينها.. وسمعها وهي تطق الباب على لطيفة وبدون ما ترد وسمعها تقوله لتوف فتحي باب وحس انه فيها شئ وقام طيران على بيتها حتى بدون ما يغير ملابسه ولمن وصل البيت لقى سيتا واقفة عند الباب وتبجى دخل على طول وحاول انه يفتح الباب وما قدر وكان مرتبك حده وطلب من سيتا انه تييب له أي شئ يفتح الباب مطرقة درنفيس أي شئ وعلى ما يابت المطرقة اتصل بالاسعاف لانه كان حاس انها مسوية شي بروحها .. وكسر الباب؟؟؟؟؟
وشاف ابشع منظر بحياته لطيفة ممدة على فراشها ولونها أزرق وباردة مثل الثلج وما فيها روح... وقام يهزها وشاف علب الدوا يمها فاضية .. وسيتا قامت تصرخ وتبجي ولمها حمود على صدره وحاول انه يسمع صوت تنفسها لكن ماكو نفس ابد.. ووصلت الاسعاف وحاولو يسعفونها وقال المسعف حق رفيجه : النبض ضعيف كلش ما اعتقد راح تعيش بس بنسوي اللي علينا.. ولما سمع حمود هالكلام درات فيه الدنيا وطاح على الارض موقادر يتحرك وحس بدموع حارة نازلة على خدوده,, وقال : يعني ماتت؟؟ راحت لطيفة.
التفت عليه المسعف: انت زوجها؟ لازم ننقلها حالا المستشفى تنفسها بطئ وانشاء الله نلحق عليها .. الله يكون بعونك.
ركب حمود مع لطيفة الاسعاف وطارت فيهم لمستشفى مباركوعلى طول تيمعو الاطبا ء حولها وكل واحد يهز راسه يعني ماكو فايدة وحمود يطالعهم بعيون حايرة وعرف من نظراتهم ان؟؟؟؟؟لطيييييييييييييييييفة مااااااااااتتتتتت .
حمود:لطيييييييفة ، انا اسف ،لا تموتين وتخليني صدقيني موقصدي كنت أحاول انقذج.. سامحيني والله أحبج وخذوه الدكاترة ونوموه وعطوه ابرة مهدئة في نفس الوقت اللغمض حمود عيونه... الممرضه رفعت الشرشف الابيض وغطت ويه لطيفة عن الدنيا اللي ما شافت فيها غير الهم والشقى..

*****************************
هذي كانت لطيفة اللي دفعت حياتها ثمن لغلطة امها خسرت دنيتها وخسرت آخرتها..وطبعا تبون تعرفون شصار للباجي.
(عالية): انهارت لما سمعت بانتحار لطيفة ولامت نفسها وايد على اللي سوته بحياتها بس شعقبه عقب ما فقدت بنتها الوحيدة.. وتابت لربها توبه نصوحه وردت عاشت مع امها واخوانها اللي تعاطفو معاها بعد سالفة انتحار بنتها..
(ابو لطيفة متعب) : طلق زوجته الثانيه لانه حس بانها السبب بقسوته على بنته وترك الكويت وأعتقد انه عايش بقطر.
(حمود): تم فترة طويلة حزين على لطيفة وأهله درو بالسالفة وأبوه تم وراه لمن خلاه يتزوج بنت عمه أشواق وياب منها ولد وسماه (عبداللطيف) ودايما يناديه (لطوف) ويذكره يمكن للحين بلطيفة.
(خالد): بعد ما طلعت عالية من السجن حاول انه يصلح غلطته معاها ويتزوجها لانه كان عارف انه السبب بانحرافها وسبب من اسباب انتحار لطيفة فحب يكفر عن ذنبه ،لكن عالية خلت اخوانها يطردونه بدون ما ما تسمع ليش اهوا يايهم البيت.

وتم قبر لطيفة بمقبرة الصليبخات بروحه وسط آلاف القبور
(ادعو انه الله يغفر لها ويسامحها ... لانها ضحيه وما لقت اللي ينصحها ويوجهها)
**************************
النهـــــــــــــــــــــــــــــــــاية

[طموحي عالي]

هاي كانت القصه وهاي نهايتها ومثل ماهو واضح ان القصه حقيقيه

يلا ابي ارائكم

ودمتوا بود

وإلى اللقاء مع قصه جديده

[شويهينــه]

:cry2::cry2:

انا اليوم انتبه للقصه وقريتها كلها مره وحده

صج تحزن لاحول ولا قوه الا بالله

[alrheeb2020]

هاي كانت القصه وهاي نهايتها ومثل ماهو واضح ان القصه حقيقيه

يلا ابي ارائكم

ودمتوا بود

وإلى اللقاء مع قصه جديده


والله قصه اتعور القلب :weeping::weeping:

الله يرحمها ويغفر لها ..

وان شاء الله الجنه مثواها ..

وهاذي عواقب الطلاق ..

البنت بين ام واب كل واحد منهم يدور مصلحته ..

وحسبي الله على كل ام واب مايربون ولا يهتمون في عيالهم صح ..

هاذي البنت المسكينه شنو ذنبها اذا كانت عايشه بين ام واب مب مهتمين كل منهم يدور على
وناسته ومصلحته !!! :anger1:

الله يهدي كل ام واب مب مهتميين في عيالهم ويركضون ورا مصلحتهم ..


جزاج الله خير اختي عالقصه ..

[الدوحي7]

لااله الا الله، لاحول ولاقوه الا بالله، الله يسامح من كان السبب والله يغفر لها يارب،، مادري شاقول ،،

[حـــنـــان]

عورتى قلبي بهاي القصة افففففففففف من هالامهات اللى شذى ..انا الوم الاب قبل الام وينة مايدري عن عرضة

[بوخالد911]

[COLOR="Blue"][يبدو انها قصة مؤلمة وباكية ومبكية


لي عودة لها بوقت لآحق


بورك فيكم

؛؛؛



مسيوو / بوخالد911/COLOR]

[black@white]

يعطيك العافيه على النقل قصه مؤثره جدا
تكسر الخاطر البنت كانت ضحيه تفكك الاسره لا ام ولا اب ولا اعمام ولا خوال

لم يعجبني دور حمود بالقصه كان معطي نفسه الصلاحيه بضم الفتاه الى صدره بكل وقت يجدها ضعيفه
كان ايضا دوره سلبي فكثيرا ما تخلى عنها

هل هذه القصه فعلا حقيقيه؟؟؟؟؟؟؟؟؟؟؟

[findi]

:omg:


مااااااتت ؟!!!!

لاحول ولاقوة الا بالله ماتوقعت تكون النهايه مأساويه جذيه

ان كانت هالقصه حقيقيه فـ الله يرحمها برحمته ويغفر لها ان شااااء الله

عورت قلبي والله :(

الله يعطيج العافيه تاجره وننتظر منج المزيد من القصص

قوااج الله ..

[شجرة الدر]

الله يرحمها ويغفر لهااا ،،،

ضحيه ويامكثر الضحايا هالايام ،،،

شكراً تاجره ،،

[sad-o-bas]

قصة روعة بصراحة رغم الجرأة الزايدة..

اليوم انتبهت لها، وقريتها على بارتين، قبل المغرب، وبعد الس11 بدون حرق أعصاب :)

يعطيج العافية، والله يرحمها ويجعل قصتها عبرة لمن لايعتبر..

أهم شي في القصة إن نتسنتج إن البيوت أسرار، ونقارن همومنا بهموم العالم، والله نكتشف في أغلب الأحيان إن حالنا أحسن من ناس وايد.. أحمدك ربي وأشكرك على كل حال.. وأعوذ بك من حال أهل النار..

جزاج الله خير وفي ميزان حسناتج..

[عبير قطر]

النهاية ليش جذيه؟؟
جان الكاتبة غيرت النهايه بزواجهم من بعض وارتحنا

ما حب النهايات الحزينه

[طموحي عالي]

القصه حقيقيه

عاد ضمها ماضمها انا مادري

يمكن الكاتبه زادت حبتين

[روح-قطر]

يعطيج مليون العافيه وهاي الوالدين لازم يطيح الفاس بالراس علشان يحسون:(

بس عندي سؤال اذا هي ماتت وماقالت حتى لرفيجتها في اشيا من وين انعرفت؟؟

[umabdulla77]

وعليه مااااااااااااااااااااااااااااااااااااتت حراااااام مسكينة

ربي يغفر لها ويرحمها برحمته

شهالام وشهالابو وشهالاهل حسبي الله ونعم الوكيل

شكان بيصير لو خذوا البنت واحتووها

صج قصة تعور القلب الله لايوري لاعدو ولا رفيج :(

اللهم احفظ اولادنا وبناتنا من كل سوء
ويهدي كل ام وابو ويسخرهم لعيالهم

[طموحي عالي]

والله مادري وين انعرفت

اما انتوا وايد ادققون صراحه

[حليتان*]

تاجره شلونج
انا اليوم قريت البارت الثالث
لين البارت الاخير

لان كان عندي امتحانات وكنت مشغول معاها

بس عجبتني حركاتج وانت تشوقينهم وناسه

اتحسين انج مهمه والناس ينطرونج
هههههههههههههههه
هههههههههههههه
هههههههههههههههه



بس صراحة ماكنت اتوقع انها تموت كنت متوقع انها تزوج حمود

ولما قريت نص البارت الاخير لما كلت الحبوب قلت اكيد حمود بدمع عينه على ويها وبتقوم



تسلمين تاجره على القصة


واتمنى انج ماتنزلين قصص مره ثانيه



وكل عام وانتي بخير

وعساج من عايدين العيد

[المالكي]

كل عام ونتي بخير تاجره

ويعطيج العافيهـ ع القصه ابصراحه تعور القلب بس هذا اللي صاير للاسف بواقعنا

الله يهدينا ويهدي كل ام واب غافلين عن عيالهم

مشكورهـ اختي وقواج الله

[روضه]

مرحبا متى بتكملين القصه؟

[حليتان*]

^^^^^^^^^^^^^^^^^

ههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههههههههه

القصه خلصت وانتي الحين تسالين

[بنت^البحرين1]

مرحبا متى بتكملين القصه؟

ههههههههههههههههههههههههههههههههههههههههههههه اااااااااااه بطني

اي قصة الشيخة ؟؟ من زماااااااان خلصت وعلقوا عليها وخلصوا وانتي تسألين ؟:taunt::eek2::happy:

[leopard]

الله يخليلها الخادمه-- سيتا :tease: