للايجار بيت شعبي

[خليجيه]

السلام عليكم ورحمه الله وبركاته

عندي بيت قديم في مدينه خليفه الجنوبيه تعتقدون كم الايحار

[بويوسف]

كم غرفة فيه

وهل هو مؤجر حاليا او خالي

[خليجيه]

ثلاث غرف نوم ومجلس وصاله وحمامين واخر الشهر بيكون فاضي

[بنـ الدحيل ـت]

السلام عليكم

كم الأجار يا الغالية .. ؟؟

[خليجيه]

وعليكم السلام ورحمه الله وبركاته

الصراحه انه ابي اعرف كم يوصل ايجاره في هذا الوقت00 وشكرا لج يابنت الدحيل

[الواحه]

خليجيه مرحبا 3500 عندي وأعطيج مقدم 3 شهور أذا البيت مو قديم وأجد ها أوك

[abdulaziz_2004]

خليجيه اشرايج تبيعينه

[خليجيه]

لا مستحبل ابيعه اته افكر في المستقبل ابني مكانه عماره بس قول ان شاء الله ترتفع الاسهم واقدر احقق احلامي

[راعي النيسان]

لا حول ولا قوة إلا بالله ياناس خافوا الله وين الانسانية .... ثلاث غرف نوم ومجلس وصاله وحمامين 3500 ريال ... يعني الغرفة الواحدة بالف ريال ... ولا بيت قديم ،،، خافوا الله ياجماعة ... رخصوا الايجارات ،، ترى الدنيا يوم لك ويوم عليكم ...

[bo_hamad]

اشكرك يا راعي النيسان على معرفتك بمشاعر الاخرين ،،، يا الخليجية لا تخنقين المستأجرين تراه والله الاجر على الله وخلي المستاجر يذكرج بالخير والدعاء

2000 ريال وخليج راضيه على الايجار


وتحياااتي

[خليجيه]

من قالك اني مااخاف الله قول هالكلام حق الي عندهم المجمعات السكنيه والعمارات يات علي انه الي عندي بيت قدبم00 صدقني كل الي اجرو عندي يدعون لي بالخير 00 وسلامتك

[راعي النيسان]

الشيخة انا ماقلت انك ما تخافين الله بالمعني الحرفي ، ولكن انا اقصد الخوف من الله في تسعيرة الاجار ... الله يرحم ايام زمان كانت الفلة من دورين بالكثير تتاجر بسعر 4500 لين خمسة الاف ريال والحين الغرفة صارت تتاجر بـ 1500 ريال ... والله العالم شلون ظروف المستاجر ... اختى العزيزة ما اقصده بانه الكثير من المستاجرين في غالبيتهم من اصحاب الدخل المحدود وغالبيتهم رواتبهم ما تترواح بين 2500 - لين 4500 ريال ،، لو دفع لك ايجار شهري 3500 ريال راح يبقى له من راتبه تقريبا 1000 ريال ،،، هذه شنو راح تسوي له ، فكري فيه والله ايش تسوي الف ريال هذه الايام لرجل عنده عيال ومصاريف وفاتورة كهرباء وماء وفاتورة تلفون مصاريف اكل وشرب ... هل تعتقيدن انه 1000 ريال تسوي شي ... زين عندي اقتراح لك جربي انتي تجربين انك تعطين روحك 1000 ريال وحاولي تقتصدين من الصرف فيها وشوفي روحك ايش كثر يبي لك لين تصرفين 1000 ريال صدقني يالشيخة ماراح يمر اسبوع وإلا وانتي صارفتهم بالراحة ولا وهذا انتي شخص واحد ، شلون لو كانت عندك اسرة تتكون من اربعة افراد او خمسة ....

لما قلت لك خافي الله كنت اقصد هذه النقطة ... فهل انتي حسابتي لهذا الشي يالشيخة ... لو انتي اجرتي بيتك بالفين ريال ترى مو عيب ولاب راح تخسرين شي لانه اجرك عند الله كبير ،،، والمسلم لابد ان يساعد اخوه المسلم ...

اختي العزيزة هذه الدنيا احنا كلنا فيها ضيوف ،، اليوم عايشين فوقها وبكرة رادين تحتها ،،، لاراح ناخذ معنا لا فلوس ولا اسهم ولا سيارات ولابيوت كل اللي راح يتم لنا عملنا الصالح وبس ز..

آسف لو ضايقك كلامي ،، بس هذه الرسالة اتمنى انه يتقيد بها كل شخص يبغي ياجر بيت على شخص آخر والحمد لله احنا في قطر الخير والخير الحمد لله موجود بفضل الله وبفضل حكمة أميرنا ، والله يخلي لنا أميرنا وشيخنا حمد بو مشعل ،،

تحياتي لك ....

[ابو فهد]

السلام عليكم


السعر المناسب ( 2000 ريال ) ، هذا ما يستحقة البيت

اذا خفتي الله فهذا هو السعر المناسب
اما اذا خفي ضياع الفرصه و كسب اكبر مبلغ ممكن و حاجة المستاجر ، فاصنعي ما شئتي.

والوضع الراهن الايجارات مرتفعة ،
و لاكن هل تعرفين لماذا مرتفعة -----> مرتفعة لان المساجر المسكين سوف ينام في الشارع مع ابناءه اذا لم يدفع المبلغ المطلوب ولا يمكنه ايجاد مسكن اخر.
لو ان المساكن متوفر لما استطعتي رفع الايجار ، فماذا الذي تغير قبل سنة
الذي تغير هو الجشع الذي زاد في قلوب الملاك،
وضع الله في ايديكم الرزق و عضلتم ارزاق الاخرين ...

ولتعلمي بان الملاك يجمعون المال و يجمعون الدعاء عليهم بعدم التوفيق في الدنيا و الاخره
فاجمعي المال ولا تجمعي الدعاء عليك

اعذريني اختي العزيز ،،
فوالله ان احبكم كلكم في الله


وهذا ما ظهر مني و الله يهدي الجميع ،،
.

[الرسام القطري]

أحبكم يا أهل قطر الخير كلامكم مثل العسل
نعم هذي خيرة اهل قطر أحبكم واللهمن كل قلبي
فديت بومشعل فديت تراب قطر

نعم أجري برخيص 2000 ريال معقول
نامي مظلومه ولا تنامين ظالمة

[خليجيه]

السلام عليكم ورحمه الله وبركاته

اولا انا مازعل من الحق الصراحه البيت اجاره 1500 ريال وانه على ارتفاع الايجارات ماطالبته باي زياده بس

هو يبي يطلع وانه من خوفي من الله كتبت الموضوع ابقي اعرف كم بتاجر وانه ماقلت 3500 بس مجرد اغرف



رئيكم وانه لو ابقي ااجره بمبلغ كبير جان عرضته على مكتب عقارات 00 وسلامتكم

[البنز]

جزاج الله خير أختي .. والله يبارك لج في حلالج ..

[mmkqtr]

انا أشوف أن خليجية لها الحق تحط السعر اللي تبيه والسوق عرض و طلب يعني لو واحد عرض عليها 3500 ليش ما تتوكل على الله !!! والأسعار في العقارات غالية هالوقت ومافي مانع انها تستفيد.
خليجية انا اشوف اذا حد عرض عليج سعر مناسب و مقتنعة فيه توكلي على الله
والراي الاول والاخير راجع لج لان اذا ما استفدتي الحين متى راح تستيفيدين
بيت و 3500 والله بلاش الحين اقل شقة ب 4500.
هذا مجرد رأي

[خليجيه]

اخوي البنز 0ويبارك لك الله في حلالك واشكرك على مرورك الكريم

[خليجيه]

اخويmmkqtr اشكرك على مرورك الكريم 00 والله يعطيك العافيه

[راعي النيسان]

انا أشوف أن خليجية لها الحق تحط السعر اللي تبيه والسوق عرض و طلب يعني لو واحد عرض عليها 3500 ليش ما تتوكل على الله !!! والأسعار في العقارات غالية هالوقت ومافي مانع انها تستفيد.
خليجية انا اشوف اذا حد عرض عليج سعر مناسب و مقتنعة فيه توكلي على الله
والراي الاول والاخير راجع لج لان اذا ما استفدتي الحين متى راح تستيفيدين
بيت و 3500 والله بلاش الحين اقل شقة ب 4500.
هذا مجرد رأي

والله محد مرفع الايجارات إلا الللي يتكلم مثلك :anger1: .... الاستفادة في الدنيا ولا شي ولكن الاستفادة في الآخرة اهي اللي راح تفيدها ... :nice:

[نديم]

أخت خليجية أن ادور بيت للإيجار على كم رسيتي وكيف ممكن نشوف البيت ؟

[mmkqtr]

والله محد مرفع الايجارات إلا الللي يتكلم مثلك :anger1: .... الاستفادة في الدنيا ولا شي ولكن الاستفادة في الآخرة اهي اللي راح تفيدها ... :nice:

هذا رأيي يا الأخو و بعدين شالمانع انها تستفيد في الدنيا وفي الاخرة ما اعتقد انها تسوي شي غلط اذا مشت مثل مالسوق ماشي واعتقد ان هذي تجارة واللي يبي يسوي الخير يعرف وين محله وشدعوة اذا عندك بيت بتصدق فيه ياليت نكون واقعيين أكثر

[راعي النيسان]

والله يالغالي انا لو عندي بيوت كان اجرتها بلاش ،،، على الاقل الدعوة لي بالخير والرزق تسوى الدنيا وملاينها كلها ... الواقعية تقول .. بس الاخرة تنتظر ... واحنا كلنا محاسبين .. اليوم او بكرة ...
وكان الله في عون العبد لاخيه ...

وحتى لوأجرت بأجر بالسعر العادي ما في داعي للمغالاة ، والحمد لله جاء القرار الاميري في وقته ،،، ووقف جشعكم وطمعكم في مال الدنيا ... والحمد لله يوم اني آكل واشرب واصرف ومرتاح في عيشتي والله مبارك لي في رزقي وميسر لي أمري ليش انغص حياة غيري ...

حسبي الله ونعم الوكيل ...

[خليجيه]

الصراحه انا كان موضوعي عن معرفه قيمه الايجار ماقلت باحره باي سعر ويمكن مااجره لاني ساكنه الحين

في فيلا 5000 ريال والعقد بينتهي وماادري بكم يطلب علينا اذا حبينا نقعد فيه وحبيت اعرف بيتي الشعبي

بكم يوصل وهل استطيع ان ادفع الفرق لو خبيت اقعد في الفيلا

[بويوسف]

اخواني الاعزاء .. خليجية كانت تحب تعرف تقييم البيت .. وانتوا عطيتوها النصيحة وجزاكم الله خير ... ومافي داعي للرجوع الى الموضوع .. لان الموضوع خذ حقه من النقاش بينكم ..

انه اشوف ان سعر 3000 ريال هو سعر مناسب في هذه الظروف ..

[mirage]

الموقع بالتحديد

[نديم]

الصراحه انا كان موضوعي عن معرفه قيمه الايجار ماقلت باحره باي سعر ويمكن مااجره لاني ساكنه الحين

في فيلا 5000 ريال والعقد بينتهي وماادري بكم يطلب علينا اذا حبينا نقعد فيه وحبيت اعرف بيتي الشعبي

بكم يوصل وهل استطيع ان ادفع الفرق لو خبيت اقعد في الفيلا
===========================
:eek3: :eek3: :eek3:

[بدوي]

ياجماعة الخير .. مايسوى عليها الأخت (خليجيه)

هي بس حبت تستفسر .. عن سعر الإجار .. قمتوا عليها قومه

بعدين ياجماعه (حدث العاقل بما يعقل) الحين شقه تتأجر بـ 4500 و 4000 ريال

هذي عادي .. والبيت بو 3 غرف وحمامين ومطبخ وحوش .. حرام فيه هالسعر

بعدين أعتقد الحلال حلالها وهي حره فيه .. وهي ماجبرت حد يجي ويأجر عندها

محد بيأجر منها الا اللي مقتدر ..

واحد من الربع عنده نفس مواصفات بيتج بالضببببط اللهم الحوش يكفي تقريبآ 3 سيارات

وكلمت لبناني يدور أجار لأخوه .. وهو قالي ابي أجار في الدوحه .. والحمد لله أجره 5500 ريال



نصيحه :

أختي عشان تفكين عمرج ولا يعورج قلبج على أي مؤجر .. أجري بيتج على شركه

(صدقيني) .. الشركه عادي .. تدفع

ماتحنينها نفس المؤجر .. نصيييييييحه .. وهذا اللي انا مسويه


أختي الحلال حلالج وانتي حره فيه .. واذا على البيت صدقيني بيجيب 5000 ريال

بس مثل ماقلت لج .. شوفي شركه سنعه

[قناص قطر]

السلام عليكم

4000 ريال وانتي تضحكين

بس والله لوتفكرين شوي بالمسكين المحتاج اللي يبي مكان يسكن فيه

انا عندي بيت بنفس المنطقه وشعبي ومؤجر على 2000 ريال

حطي لافته للايجار واللي له نصيب ان شاء الله بياخذه صدقيني دعاء اللي بياخذه بيكون في ميزان حسناتك

[سهم طايح]

مافي شقة او بيت في الدوحة ب 3000 ريال

خل نكون منطقيين اذا بتأجر البيت ب 5000 ريال فاعتقد ان هالمره كريمة لان بكل تأكيد يجيب اكثر واذا الواحد بيطلب منها تنزل في الاجار فخل يحط روحه مكانها وانا واثق ان مافي احد منا راح يأجره الا بسعر السوق

بيت شعبي في المعمورة 5 غرف 8000 ريال

الطوفة ترفسها تطيح

[mmkqtr]

الحمدلله ان في ناس تأيد كلامي و فاهمه السوق !!!!!!!!!

والله يوفقج يا خليجية

[رفيع الشان]

شلون نعرض على الشركات ؟؟ وين نودي اوراق البيوت؟؟ حق اي مكتب او حق من ؟؟
ماعندي فكره بليييز افيدوني..
اذا عندي فيلا ابغي أأجرها شاسوي؟؟ المكاتب تجيب مؤجرين عاديين مو شركات!!!

[خليجيه]

صباح الخير يااخواني الاعزاء

اشكركم على مشاركاتكم الكريمه والله يعطيكم العافيه 00 انا شايفه فيلا للايجار ب 14000 وانا قلت لكم عن

قيمه ايجار بيتي حسستوني اني ظالمه00

[نديم]

الله يوفقك اختي ....على كل حال اذا فكرتي تأجري ترانا ندور ...لا تنسي اخوانك في المنتدى
:) :)

[خليجيه]

ان شاء الله لو حبيت ااجره بتكون انت اول واحد00 ومستحيل انساكم وانا من المتواجدين يوميا في المنتدى

[الرسام القطري]

سبحان الله


سبحان الله



سبحان الله


أخي العزيز mmqatrنصيحة لوجه الله تعالى لاتنصح الناس بغلاء الإيجارات لأنه سيأتي يوم عليك اليوم أنت غني وبكره ما تدري ايش بتكون .....

خاف الله

غدا الى القبر أخي العزيز

:anger2: :anger2:

[شاب مستثمر]

اذا تبغين اتأجرين ب2000 انا باجر البيت وباعطيج مقدم سنه

[A.L.I]

باجر البيت 4000