تكييف الحمام ! وانتوا بكرامه !

[Chambray]

السلام عليكم
عندي استفسار
كيف اخلي الحمام بارد وقت الصيف بدون لا اركب مكيف
في طريقة او مراوح اخلي درجته مقبوله يعني احس ان في تهويه تدخل فيه
وانا ما اقصد تكييف بتركيب مكيف في الحمام .. لا ، اقصد اخلي الحمام وانتوا بكرامه ينعمل به نظام تهويه بحيث يدخل به هواء بارد . بحيث الي يدخل الحمام مايفطس من الحر خصوصاً اذا كان الحمام كبير
في انتظار اقتراحاتكم ..

[لطيف الروح]

الامر بسيط جدا اعمل فتحة 30x30 سم على شكل ريش مقلوبه في اسفل باب الحمام وركب مروحة شفط بالحمام وخلها شغاله و بهذه الطريقه يكون عندك هواء بارد من مكيفات البيت او الغرفه يدش الحمام ويبرده في الصيف و الشتاء يدفيه من حرارة الدفايه

[وطن]

اسهل شي مروحة الحمام تكون شغاله طول الوقت
والمكيفات في الغرف المجاوره شغاله
بيكون الجو تمام

ومثل ما قال لطيف الروح ممكن تكون في ريش في الباب

مثل هذي

بس تكون تحت ومساحتها اقل

http://www.masonite.com/img/products/Choose/interiordoor_MDFWoodLouverDoor_Main.jpg

[ناصح لكم]

الملاحظ أن المقاولين لا يعزلون جدار الحمام من الخارج
إذا ركب طابوق أحمر للبيت يركب طابوق عادي للحمام
أحرص على عزل الحمام حاله حال البيت وبيكون بارد صيفا ودافيء شتاء

اذا الحمام مبني راي الاخوان صح

[مملوح]

حط مكيف يغرفه الملابس وخل الحمام مفتوح بيبورد عليك

[فتى الجود]

الملاحظ أن المقاولين لا يعزلون جدار الحمام من الخارج
إذا ركب طابوق أحمر للبيت يركب طابوق عادي للحمام
أحرص على عزل الحمام حاله حال البيت وبيكون بارد صيفا ودافيء شتاء

اذا الحمام مبني راي الاخوان صح

أخوى السبب أنه أذا في تسلييك بايبات المياه
بالطبوق الأحمر لايصلح للتكسير والتسلييك
لانه معالج حرارياً
وأى دق به قد يخسر الجدار
فالأفضل تركيب الطابوق الأسود العادى ( الأسمنتي )

أمــــــــــــــــــــــــــــــــــــــــــا
بخصوص تبريد المكيف
فأفضل شيئ تركب لفك مكيف أسلييت

وأنتهى الموضوع والمعاناه

وركب مكييف أسبليت اللى فيه دفايه للشتا