يهددها ان يكشف علاقتها به

[ديمه]

السلام عليكم اخواني واخواتي
عندي موضوع حساس مادري من وأين ابدأ وكيف أبدأ ( يووووووه ما احب هالمواضيع و اشمئز من حتى قرأتها )
امممم الله يعيني و يعينكم
نهاية السنه الدراسية الماضية جاءتني احدى طالباتي تحكي لي قصة صديقة لها ( وانا تأكدت ان المشكلة مش مشكلتها فعلا) عموما البنت تقول تعرفت رفيقتها على شاب وانها تحبه ومن ذا الخرابيط وكانت تقول لي رفيقتي تبي تطلع معه ( يشوفها يعني) واطلبت مني اساعدها وادّعي لاهلها انها كانت في زياره لي فإيش الحل ؟

عاد انا نصحتها باللي ربي قدرني عليه وبينت لها بان هذي جريمة وانها بتكون مشاركه فيها وانها اذا كانت اتحبها فعلا لا ترميها للشيطان وتحاول انها تمنعها بكل قوتها والا خسارة هالصداقة وانها بتكون مثلها البنت كانت مقتنعه ان اللي تسويه رفيقتها غلط طلبت رقم رفيقتها ارفضت تعطيني اياه و انتهت الدراسة وما عاد عرفت وش صار ....


من فترة جاءتني نفس الطالبة تحكي لي اخر التطورات وهو ان رفيقتها قررت تقطع علاقتها بالشاب بس هو مهو مخليها في حالها وطرش لها خالته تكلمها ( اظن انه يكذب) تقول لها ان فلان يبي يرد لها وانه ما ياكل ولا يشرب ومن ذا السوالف البنت ما عاد تبي اترد له وصاير ايهددها انه يفضحها وتقول انه يعرف بيت اهلها وخالتها ومره وقف عند بيت خالتها ومعه ربعه وقال لها انزلي اشوفج وصار يهددها وانه مره تبعها بالسيارة والبنت اللي قالت لي السالفه كانت معها وانه حاول يدعمهم احس الولد مريض نفسيا


الزبده البنت ما اعرف هي تابت والا لا بس ما عاد تبي هالشاب
البنت اتخاف من اهلها ما تقدر اتعلمهم
الشاب يلحقها في كل مكان ويهددها

طالبتي تعبانه نفسيا خايف على رفيقتها عاد انا استغليت الموقف وتميت انصحها انها تاخذ عبره من هالقصة وكيف ان الغلط يمكن يتساهل فيه الشخص ويعتبره تسليه مثل كرة الثلج اللي تبدأ صغيره وبعدين تكبر لين ادمر كل اللي حولها


انا محتاره ما ادري بايش انصحها قلت لها مافيه حل الا انها اتعلم اهلها وتتحمل نتيجة خطأها بس اهم شي لا تخضع لتهديده بس هي قالت مستحيل


ياليت فيه مكاتب استشارية وعلاجية تتعاون مع الشرطة لمثل هالحالات تحاول اتساعد البنت اللي تخطئ بحيث تطلع من هالتجربة بأقل الخساير بدون فضايح وتراقب البنت للتأكد من عدم تكرارها للخطأ وتوقف بعض الشباب والبنات عند حدهم في حين حاول احدهم الرجوع والتوبه و اصر الاخر استمرار العلاقة ولو بالتهديد لان بعض البنات امام التهديدات بالفضيحة تضعف وتستجيب

ادري الموضوع صعب وحساس وان البنت تستاهل خيزران منقعه في ماي وملح بس صار اللي صار ونبيها تطلع باقل الخساير ونبي انوقف الشاب هذا واشكاله عند حدودهم

اريد المساعده بالنصيحه لحل هذه المشكله لاني احس نفسي عاجزه وما ادري كيف اساعدهم

[hemoud123]

ما اعتقد انها ممكن تطلع من هذه التجربة الغبيه بدون مساعدة من الاهل , او على الاقل واحد قريب من الاهل تثق فيه ويكون فعلا مقتنع انها تابت من الخطأ , لان هذي النوعيه من الشباب طول ما هو حاس انها وحيده في مواجهته اكيد راح يتمادى في التهديد , ولكن بمجرد ما يجيه تيلفون من رجل يقول اوقف عند حدك , يختفي ولا عاد يبين .
اللهم استر على بنات المسلمين اجمعين
وجزاك الله خير

[abu abdulla]

بسم الله الرحمن الرحيم
الله يستر على الجميع..... خليها تروح مركز الاستشارات العائليه او تتصل بالعضيد وتخبرهم عنه وتطلب منهم يجيبونه ويتعهد بعدم التعرض لها باي شكل من الاشكال ...

[ولد الشحانية]

كل نتيجة كل وحده تمشي بالغلط الله يستر عليها

[روح-قطر]

الاستشارت العائليه تقولهم مابي اسمي واخاف من اهلي خلاص هم يتصرفون معاه

[Northman]

خليها تكلم العضيد ,, هم الي يتكفلون بهلمسائل ,, و بيسنعونه لها تسنيع

و كل شي بيكون بسريه تامه ,, لاتخاف ولاتحاتي,,

بس الاهم انها تتعض و تتعلم من درسها

[مسكين]

الاستشارات العائلية متعاونة مع العضيد تتصل ولا تخاف


مب ماخذين اسمها الكامل ولا أي معلومة شخصية عنها بس لو طلعت كذابة تتحمل اللي يجيها



وعسى هالموقف يكون درس لها ولغيرها

[وطن]

ممكن تطلع منها
بالتقرب من الله والاكثار من الاستغفار والتوبة الصادقه

خلها تكثر من الصدقات والدعاء في جوف الليل

والله يهديه ويبعده عنها ان شاء الله

[مستجدة]

انا اشوف انه ماتستسلم له وتخسر اكثر ماخسرت واذا خائفه من ردة فعل الاهل
اتبلغ العضيد وهم راح يحلون الموضوع ان شاءالله وبهدوء وبدون فضيحه


ربي يتسر على عيالنا وبناتنا من هالزمن

[وليف قطر]

بالعكس اختي .. انا سمعت عن موضوع قريب من موضوعج

وفيه .. راحت البنت للمركز .. وبلغت الضابط بالتفاصيل .. وبظروفها وبأنها تخاف من الفضيحه وماتبي احد يعرف

وبالفعل قام الضبط .. بعمل كمين .. والبنت في بيتها ولا عليها اي خوف

اللهم خلاها تتصل له لا اكثر .. وتم القبض عليه وتسجيل مكاملته

و أكل التهمه عدل : )


فإنتي تقدرين تروحين او هي تقدر .. وتعطون الضابط التفاصيل وهم بيقومون بدورهم واكثر

[وتبقى الدنيا حلوه]

اختي الامن الوقائي يتعاملون مع السالفة بسرية و هذي وظيفتهم السريه على عكس المركز

و صدقيني ان بيأدبونه عدل و بيتحسف قد شعر راسه و بيحرم يكلم اي بنت

و بعد العضيد

[دلوليانوز]

انا لو اكون في المخابرات..ولا القسم المسؤول عن ههالمواضيع

صج..بتصير وايد مطاردات...في الدوحة...بشيب راسهم..خاصه اللي مسوي روحه رامبو..ويهدد..لعنه الله

البنت..غلطانه..طيب...والولد غلطان...بس فضايح...ليش

خلنا بس انلاقيه..واندخل عليه..ثلاثه سوررين..من الحسكه ولا الزور...وبيأدبونه عدل

طبعا..مثل ما قالوا الاخوان...العضيــــــــــــــــــــــــــد..وبسريه تامه لا اتخافين

[مخباط]

ما لج الا العضيد والامن الوقائي


لانهم عندهم خبره بهذي السوالف

[alqtri]

اقرب مركز شرطه يسحبونه من رقبته مثل (( الـ ......)) ويعلمونه السنع اللي ماتعلمه في بيتهم :)

[ديمه]

بسم الله الرحمن الرحيم
الله يستر على الجميع..... خليها تروح مركز الاستشارات العائليه او تتصل بالعضيد وتخبرهم عنه وتطلب منهم يجيبونه ويتعهد بعدم التعرض لها باي شكل من الاشكال ...

هلا اخوي امين يارب الله يستر على بناتنا وعيالنا ويكفيهم شر انفسهم وشر عيال وبنات الحرام
بحاول اقنعها بس اتمنى الشاب يخاف وما يكون من اللي عندهم ربع ومعارف ويطلع منها وتكبر السالفه

[بوعلي2]

خليها تكلم العضيد ,, هم الي يتكفلون بهلمسائل ,, و بيسنعونه لها تسنيع

و كل شي بيكون بسريه تامه ,, لاتخاف ولاتحاتي,,

بس الاهم انها تتعض و تتعلم من درسها

مثل ماهو يتعض بعد هي يبيلها خيزرانه ومثل الي يجيه يجيها على شان تتعض

العين بالعين والسن بالسن مافي مفر :)

[ديمه]

ما اعتقد انها ممكن تطلع من هذه التجربة الغبيه بدون مساعدة من الاهل , او على الاقل واحد قريب من الاهل تثق فيه ويكون فعلا مقتنع انها تابت من الخطأ , لان هذي النوعيه من الشباب طول ما هو حاس انها وحيده في مواجهته اكيد راح يتمادى في التهديد , ولكن بمجرد ما يجيه تيلفون من رجل يقول اوقف عند حدك , يختفي ولا عاد يبين .
اللهم استر على بنات المسلمين اجمعين
وجزاك الله خير

صح كلامك وانا قلت لها هي أخطأت لازم تتحمل نتيجة خطأها وتكون قد التصرف الغبي اللي سوته والا تبي تخطأ ولا تتعاقب بس بعد بنات اصغار ومع غياب الوازع الديني واهمال الاهل اكيد بتصير بلاوي والا بنت بهالسن وتطلع وادش على كيفها الا عند صديقاتي او بروح مع صديقاتي ليه البنات يتأمنون مع بعض بدون شخص كبير يوجههم الا اكيد بيتجرأون على الغلط تشوفون البنات يوم يكونون مع بعض في المجمعات والا في اماكن عامه كيف الضحك بصوت عالي والحركات اللي لو يكون معهم احد كبير او احد من اخوانهم مستحيل يسونها

[ديمه]

كل نتيجة كل وحده تمشي بالغلط الله يستر عليها

صحيح الغلط دايما عواقبه وخيمة الله يعافيها و لا يبلانا

[ديمه]

الاستشارت العائليه تقولهم مابي اسمي واخاف من اهلي خلاص هم يتصرفون معاه

جزاك الله خير واتمنى ما تتطور الامور للأسوا بكره على خير بقول لها وعسى ربي يستر عليها وعلى بنات المسلمين

[ديمه]

خليها تكلم العضيد ,, هم الي يتكفلون بهلمسائل ,, و بيسنعونه لها تسنيع

و كل شي بيكون بسريه تامه ,, لاتخاف ولاتحاتي,,

بس الاهم انها تتعض و تتعلم من درسها

اتمنى انها تتعض مع ان ودي انها تتعاقب اشوي ويعطونها كم اسطار علشان تحرم تغلط طول عمرها بس بدون فضايح وبدون ما تنكسر العلاقه بينها وبين أهلها

[سوق واقف]

لاتخاف ولا شيء تروح مركز العاصمة عندهم قسم خاص وكله حريم وسرية تامه وراح يلاقي هذي الشاب جزاه ....

وربي يستر عليها يا رب

[سوق واقف]

هلا اخوي امين يارب الله يستر على بناتنا وعيالنا ويكفيهم شر انفسهم وشر عيال وبنات الحرام
بحاول اقنعها بس اتمنى الشاب يخاف وما يكون من اللي عندهم ربع ومعارف ويطلع منها وتكبر السالفه

أختي العزيزة شنو ربع ومعارف

أحنا في بلد القانون والله يجيبونه من أذانيه بنات الناس مب لعبه

[ديمه]

الاستشارات العائلية متعاونة مع العضيد تتصل ولا تخاف


مب ماخذين اسمها الكامل ولا أي معلومة شخصية عنها بس لو طلعت كذابة تتحمل اللي يجيها



وعسى هالموقف يكون درس لها ولغيرها

المشكله الدروس وايد والبلاوي اللي تصير من ورا هالمواضيع الكل يعرفها بس اذا الاهل موب واعين ويعطون بناتهم وعيالهم جرعات وقائية ويراقبون تصرفاتهم خصوصا في هالسن راح يصير المحضور وتتكرر القصة

[ديمه]

ممكن تطلع منها
بالتقرب من الله والاكثار من الاستغفار والتوبة الصادقه

خلها تكثر من الصدقات والدعاء في جوف الليل

والله يهديه ويبعده عنها ان شاء الله

جزاج الله خير نعم بالالتجاء الى الله وقلت لها قصة البنت اللي كان الشاب يهددها بصور كيف ان الله نجاها بدون فضايح بالاستغفار والعوده الى الله وربك هو الهادي

[ديمه]

انا اشوف انه ماتستسلم له وتخسر اكثر ماخسرت واذا خائفه من ردة فعل الاهل
اتبلغ العضيد وهم راح يحلون الموضوع ان شاءالله وبهدوء وبدون فضيحه


ربي يتسر على عيالنا وبناتنا من هالزمن

وانا كل خوفي انها تستسلم بحاول معها بكره والله يستر وما أضر البنت

[ديمه]

اختي الامن الوقائي يتعاملون مع السالفة بسرية و هذي وظيفتهم السريه على عكس المركز

و صدقيني ان بيأدبونه عدل و بيتحسف قد شعر راسه و بيحرم يكلم اي بنت

و بعد العضيد

الله يسمع منج وتنتهي السالفه على خير وجزاج الله خير

[ديمه]

انا لو اكون في المخابرات..ولا القسم المسؤول عن ههالمواضيع

صج..بتصير وايد مطاردات...في الدوحة...بشيب راسهم..خاصه اللي مسوي روحه رامبو..ويهدد..لعنه الله

البنت..غلطانه..طيب...والولد غلطان...بس فضايح...ليش

خلنا بس انلاقيه..واندخل عليه..ثلاثه سوررين..من الحسكه ولا الزور...وبيأدبونه عدل

طبعا..مثل ما قالوا الاخوان...العضيــــــــــــــــــــــــــد..وبسريه تامه لا اتخافين



ما لج الا العضيد والامن الوقائي


لانهم عندهم خبره بهذي السوالف


اقرب مركز شرطه يسحبونه من رقبته مثل (( الـ ......)) ويعلمونه السنع اللي ماتعلمه في بيتهم :)

المفروض هو يتسنع وهي بعد لازم ايكون لها نصيب من التسنع واهلها بعد اللي ما يدرون بنتهم وش تسوي

بس السؤال احد سمع عن مثل هالقصة و انحلت بهدوء وباقل الخساير

[العلم الوكاد]

الموضوع بسيط وفيه جهات كثيرة ممكن تساعدها

بس المفروض تكون الجهة الاولى الاهل

اذا تم الشي من ورى الاهل فهذا تمادي في الخطأ

عندك على سبيل المثال

المؤسسة القطرية لحماية الطفل والمراة
الاستشارات العائلية
المجلس الاعلى للاسرة
لجنة حقوق الانسان
مراكز الشرطة
العضيد

بس ياليت ذكرتي عمرها
عشان التصرف يختلف من عمر الى عمر

الله يستر عليكم جميع

[غناتي1]

الله يستر على بنياتي وعيالي --- وينات المسلمين

[ساحل الشمال]

المفرووض وجود شرطة آداب او هيئة الامر بالمعروف والنهي عن المنكر،،، ويتم التعامل مع هذه القضايا بسرية كاملة .. الخراب كله من بعض هالمدارس الاجنبية او اللي سايرة على منهجهم اللي شاطرين يقوون العيال على اهاليهم ويقولون لهم لو ظربك ابوك اشتك عليه في الشرطة ، حسبنا الله عليهم .

[حقيقه]

خليها تكلم حد تثق فيه وهو بيساعدها ,,, واهم شيء انها تعترف له بكل شيء عشان يعرف يتصرف

[ديمه]

يا جماعة الخير الوقت صعب والمغريات كثيره والشيطان وقلة الوازع الديني عوامل اتساعد على انحراف البنت او الشاب والثقة العمياء وانا اعتقد ان الاهل صاروا عيزانين يراقبون اعيالهم الدنيا اشغلتهم عنهم اهم شي يأكلونهم ويشربونهم ويلبسونهم احسن شي وما عاد لهم بارض على حنة العيال ( اسباير، الجمعية المجمات ) ويالله مع الدريول والخدامه هل الدريول والخدامه بيكونون حريصين على عيالكم اصلا والا همهم يقومون سلوكهم وان افترضنا حرصهم هل الابناء والبنات بيسمعون كلامهم
وحده من صديقاتي اتقول بنية عمرها من 11 الى 12 واقفه قدام محل وتأشر لشاب وتسوي حركات وتكتب رقمها في الهواء ويوم اعيزت اطلبت ورقة من العامل اللي في المحل وودتها للشاب اللي كان كبير في السن تقريبا 30 اشوي الا الخدامة طالعه من الالعاب وتهاوش البنت وتهددها اتعلم امها ( طلعت البنت قايله لامها انها تبي الالعاب )
وتطلع البنت كاشخة ومطلعه الشعر ويالله مع الخدامه انا ما ادري ليش مودين الخدامه علشان تشيل الاغراض ؟؟؟؟؟؟؟؟؟؟؟

والا اللي يعطون بناتهم المراهقات جوالات البنت في هالسن وش حاجتها في الجوال ما فيه تلفون بيت اتكلم صديقاتها ( الله يرحم يوم كان تلفون البيت من المحرمات وما يسمحون لنا حتى انمر من صوبه ، والحمدلله ما شوف هالشي عقدنا و الا امرضنا نفسيا ) واذا فرضنا ان الجوال مهم ولازم ايكون عند البنات جوالات للضروره ليش ما يكون الجوال مشترك عند الام او الاب يراقب المكالمات الصادره والوارده والمسجات
يعني هل البنت اذا كلمها شاب بالغلط وتم ايطرش لها مسجات ووسائط حب وغرام بتقاومه
واللاب توب وما ادراك ما اللاب توب
الله يرحم الاهل صاروا هم اللي يدفعون بناتهم باهمالهم للغلط

[ديمه]

المفرووض وجود شرطة آداب او هيئة الامر بالمعروف والنهي عن المنكر،،، ويتم التعامل مع هذه القضايا بسرية كاملة .. الخراب كله من بعض هالمدارس الاجنبية او اللي سايرة على منهجهم اللي شاطرين يقوون العيال على اهاليهم ويقولون لهم لو ظربك ابوك اشتك عليه في الشرطة ، حسبنا الله عليهم .

ايه الاهل مسؤليتهم صعبه الله يعينهم ومصادر الخطر من كل صوب الاصدقاء المدارس التلفزيون الانترنت الجوالات البلاك بيري( يعني بنيه مراهقة وش تبي بالبلاك بري) شي يبط الجبد
اذا ما فيه تربيه على القيم والدين والصح والخطأ و كل شي مباح ومسموح وما فيه حدود الطفل بنت او ولد مراح احبسه عندي لازم بجي يوم ويطلع ويختلط بالعالم الزين والشين اذا ما اضبط ميزان الخطأ والصح عنده اشلون بيقاوم الخطأ و بيبتعد عنه وعن اصحابه اذكر طالبة تقول لي عن وحده من زميلاتها تعطي البنات رقم على انه رقمها وتقول يوم اتصلنا لقيناه رقم شاب حاط نغمته نغمة حب ورومانسية ويالله يتكرر نفس السيناريو والاهل راقدين في العسل واذا نصحتهم طنقروا واتهموك بالتخلف والرجعية


اخواني واخواتي انا متخلفة ورجعية ويسعدني اني متخلفة ورجعية والله يزيد المتخلفين والرجعين اللي يحافضون على بناتهم وعيالهم

[ناصر30]

ديمــه

ان شاء الله ان الاخوان والاخوات ماقصروا واهم شي الانسان يواجهه

اخطاءه ومايخاف او يتردد ويتحمل اي نتيجه محتمله .


الحقيقه هالموضوع الاحظ انه منتشر بكثره بين المراهقات والمراهقين

وهذا يرجع للاهمال من الاهل في التربيه وغيابهم

نقص الوازع الدينى , البيئه المحيطه اللى تشجع على الغلط

واصدقاء السؤ طبعاا , الاعلام المفتوح اللى يعلم البنات والشباب

كيفيه الجريمه واللعب واالاشياء اللى تخالف الاخلاق .

لا ننسى الثقه العمياء من الاهل ,


اعتقد ان المدرسه لها دور مهم في ظل غياب الدور الاساسي

للبيت اقل شي في حل الامور مثل حالة الطالبه اللى تقولين عنها


جزاج الله خير ياديمـه على خوفج على اعراض المسلمين

وسعيج في حل مشاكلهم وكل من يحمل نفس الهم



لك كل الاحتــرام والتقدير

[ذوق]

اعرف وحده صار معاها مثل هالموضوع ... راحت الأستشارات الأسريه وقالت موضوعها وتواصلوا مع الشرطه بسكاااات ووقعوها تعهد ان ماتعيدها وقبضوا على الشاب بعد التأكد .. وكان الله غفورآ رحيمـا ..

كل انسان معرض للغلط ، وخير الخطائين التوابين :)

والله يستر عليها

[ضوى]

الافضل لها تكلم اقرب اهلها لها وتشرح له الموضوع وهو يحل الموضوع او يدخل الامن الوقائي لانهم اقدر ناس على حل مثل هذه المشاكل الله يعينهم ويقويهم والله يهدي هالبنت ويكون لها درس ان شاء الله

[كازانوفا]

اللجوء الى الله هو الحل

[بلاهويـــــة]

اللهم استر على بنات المسلمين اجمعين

[شبح الصمت]

الله يستر عليهم

[جاسم القطري]

العضيد

[مطيع الله]

خليها تكلم العضيد ,, هم الي يتكفلون بهلمسائل ,, و بيسنعونه لها تسنيع

و كل شي بيكون بسريه تامه ,, لاتخاف ولاتحاتي,,

بس الاهم انها تتعض و تتعلم من درسها

كلام خاطئ،
في قطر لا يوجد سرية.

[مطيع الله]

الموضوع بسيط وفيه جهات كثيرة ممكن تساعدها

بس المفروض تكون الجهة الاولى الاهل

اذا تم الشي من ورى الاهل فهذا تمادي في الخطأ

عندك على سبيل المثال

المؤسسة القطرية لحماية الطفل والمراة
الاستشارات العائلية
المجلس الاعلى للاسرة
لجنة حقوق الانسان
مراكز الشرطة
العضيد

بس ياليت ذكرتي عمرها
عشان التصرف يختلف من عمر الى عمر

الله يستر عليكم جميع

فضييييحة

[بن داوود]

تتعرف وتحب وتلعب وماعندها مانع تعطيه صورتها الشخصيه بالمكياج بعد واذا اشبعت من اللعبه قالت الحقو علي

[eXpert*]

تتعرف وتحب وتلعب وماعندها مانع تعطيه صورتها الشخصيه بالمكياج بعد واذا اشبعت من اللعبه قالت الحقو علي

كلامك فيه شئ من الصحة ،، الله يهديهم ،، بس صدقونيّ أغلب البنات اللي يتعرفون و ما الى ذلك لديهم مشاكل اجتماعية و تفكك أسري .

[أم وضحى]

اعتقد الام ضرووووري تعرف اللي صاير لبنتها .. للأسباب التالية :

1- تشوف نتيجة تربيتها الغلط
2- تشيل هم بنتها وتصحصح من الغفله اللي عايشتها .
3- الأم أكثر وحده تقدر تحل الموضوع ..وبتستر عشان ماتنفضح بنتها .. حتى قدام زوجها وعيالها .
4- لو تم حل الموضوع بعيد عن عين الام او الاهل عموماً .. راح ترجع البنت تلعب من جديد بعد ما اتوب كم شهر .
5- معرفة الام ضروريه عشان تراقب البنت بعد اللي صار لها وتعجل بزواجها اذا كانت من الامهات المتشرطات ..
6- الموضوع هذا بيكون درس للأم والبنت بنفس الوقت .


واعتقد ان هذا الحل أفضل من العضيد وغيره ..
قطر صغيره .. واللي بالعضيد او بأي مؤسسة ثانيه .. بيعرف ان البنت من بيت فلان او علان ..
ولا ننسى ان البنت سمعه .. وكل ابن آدم خطاء ..


ولا ننسى الطرف الثاني .. ( الشاب )
يمكن يكون طالب والاتصال بالجهات الحكوميه يضيع مستقبله ..
او حتى موظف ويتفنش من وظيفته .. والسبب الشيطان لعب براسه ..
وفي مجال انه يرتدع ويتوب هو بعد ..

مايصير تفكرون في البنت وتنسون الشاب ..


والله يستر على بنات وعيال المسلمين ..

[العلم الوكاد]

اعتقد الام ضرووووري تعرف اللي صاير لبنتها .. للأسباب التالية :

1- تشوف نتيجة تربيتها الغلط
2- تشيل هم بنتها وتصحصح من الغفله اللي عايشتها .
3- الأم أكثر وحده تقدر تحل الموضوع ..وبتستر عشان ماتنفضح بنتها .. حتى قدام زوجها وعيالها .
4- لو تم حل الموضوع بعيد عن عين الام او الاهل عموماً .. راح ترجع البنت تلعب من جديد بعد ما اتوب كم شهر .
5- معرفة الام ضروريه عشان تراقب البنت بعد اللي صار لها وتعجل بزواجها اذا كانت من الامهات المتشرطات ..
6- الموضوع هذا بيكون درس للأم والبنت بنفس الوقت .


واعتقد ان هذا الحل أفضل من العضيد وغيره ..
قطر صغيره .. واللي بالعضيد او بأي مؤسسة ثانيه .. بيعرف ان البنت من بيت فلان او علان ..
ولا ننسى ان البنت سمعه .. وكل ابن آدم خطاء ..


ولا ننسى الطرف الثاني .. ( الشاب )
يمكن يكون طالب والاتصال بالجهات الحكوميه يضيع مستقبله ..
او حتى موظف ويتفنش من وظيفته .. والسبب الشيطان لعب براسه ..
وفي مجال انه يرتدع ويتوب هو بعد ..

مايصير تفكرون في البنت وتنسون الشاب ..


والله يستر على بنات وعيال المسلمين ..

اتفق معاك قلبا وقالبا اختي الكريمة

[Om Majed]

الله يستر علينا وعلي بنات المسلمين
أختي إذا ماتبغي البنت تبلغ العضيد وألا العوين حاولي إنتي تساعدينها ..
خذي رقم تلفون البنت وخلي واحد من إخوانج يكلمه على إنه أخوها وخله يمسح به الأرض وماراح يتجرأ
يكلمها مره ثانيه ...
وإذا ما تاب عليها بالعضيد ...

ومن ستر على مسلم ستر الله عليه في الدنيا والآخره ..

[ahmed8]

الله يستر على جميع المسلمين

[amal qatar]

الله يستر عليها وعلى جميع بنات المسلمين ..
الصراحه ماظن حد بيستر عليها كثر أمها .. حتى لو راحت الاستشارات العائلية ولا غيره .. من يضمن ان محد بيتكلم عنها برع شغله ..
شكثر سمعنا عن فضايح الناس .. ومن كان المصدر ؟
( موظف أو موظفه ماعندهم ذمة ولا ضمير )

[بويعقوب]

لاحول ولا قوة الا بالله
هذا الطريق نهايته معروفه
الله يستر عليها وعلى بنات المسلمين
انا ملاحظ ان الشاب ( بايعها بريال ) يعني مهب مهتم من ناحيوة الفضيحه .
واشوف انها تكلم امها و شخص قريب وبعيد يعني عمها او خالها علشان يسنعون الشاب ((طووووووووط ))

[المتضرعه لله]

خليها تكلم العضيد ,, هم الي يتكفلون بهلمسائل ,, و بيسنعونه لها تسنيع

و كل شي بيكون بسريه تامه ,, لاتخاف ولاتحاتي,,

بس الاهم انها تتعض و تتعلم من درسها

افضل حل وبسريه تامه وهم بيتكفلون به ولا تخاف لانها كانت صغيره وطايشه وينقص عليها بس تعي الدرس ولا عاد تعيدها لان الله يمهل ولا يهمل

[بنوته]

السلام عليكم ورحمة الله وبركاته

سالفه تعور القلب ....سببها بعد الاهل وقلة الوازع الديني

الله يستر علينا وعليها وعلى جميع بنات المسلمين

خلها تكلم العضيد والله يسهل عليها ويهديها

[biz-qtr]

بتشتكي عليه وبنسجن وبياكل التهمه عدل صح

لكن بيطلع وبنتقم ....

الافضل تقول لاهلها استر لها لان اهم يخافون ع بنتهم اكثر من اي جهه ثانيه

واهلها سترها وغطاها واهلها يراقبونها احسن من حد ثاني

والله يستر عليها يارب وع جميع المسلمين يارب

[alrheeb2020]

بالعكس اختي .. انا سمعت عن موضوع قريب من موضوعج

وفيه .. راحت البنت للمركز .. وبلغت الضابط بالتفاصيل .. وبظروفها وبأنها تخاف من الفضيحه وماتبي احد يعرف

وبالفعل قام الضبط .. بعمل كمين .. والبنت في بيتها ولا عليها اي خوف

اللهم خلاها تتصل له لا اكثر .. وتم القبض عليه وتسجيل مكاملته

و أكل التهمه عدل : )


فإنتي تقدرين تروحين او هي تقدر .. وتعطون الضابط التفاصيل وهم بيقومون بدورهم واكثر


اعتقد انه الحل المثالي

يعطيك االعافيه وليف ..


وان شاء الله تعدي مشكلتها على خير ..

وتوب من بعد اللي صار ..

[king999]

اختي اذا الموضوع ما زال يرجى التواصل معاي ع الخاص وحلها عندنا

[ديمه]

اشكر لكم تواصلكم اخواني واخواتي واسفه على التأخير
البنت مثل ما سمعت من صديقتها مش قطرية خليجية وعايشين في قطر والولد كأنه مستوطي حيطتها على ما يقولون وصح كلام اختي اللي قالت ان الولد بعد يمكن يضيع مستقبله بتصرف طايش وقلة عقل ولو كل شاب قبل لا يكون علاقة مع اي بنت اتذكر ان وراه اخت او بنت او ام راح ينأخذ الدين منهم كان حسب احساب بنات الناس وحسبهم مثل شوفاته بس للأسف لا البنت تتعلم ولا الشاب صار يخاف من الله في بنات الناس
( حاولت اخلي احد من صوبي يكلمه بس اخوي وحيد وخايفه اورطه خصوصا انه ما يحب ذا الحركات والولد اللي هذي تصرفاته ممكن ما يحشم اللي يكلمة خصوصا اذا عارف ان ماله اي سلطه عليه وذيك الساعة بيتمنى ان امه ما جابته )

انا مع اللي قالت ان الام لازم تعرف بس البنت رافضة تماما ان امها تدري واخاف اكلم الام و تكون الام عصبية والا فيها مرض خطير وتروح فيها

بحاول اكلم البنت شخصيا و بنكلم الاستشارات وبنشوف افضل حل يناسب البنت وظروفها
وبعلمكم بآخر التطورات

والله يكفينا شرور الاشرار

وجزاكم الله خير

ودمتم

[ديمه]

بس ياليت ذكرتي عمرها
عشان التصرف يختلف من عمر الى عمر

الله يستر عليكم جميع

البنت عمرها 18 سنه تقريبا

[الشاااهين]

انا اشوف الاستر لها وبلا فضايح تخليه يسوي اللي يساويه اذا ما كان عنده الله لايقول صور لها اشبيسوي
صدقيني وانا متأكد انه ماراح يسوي شي اهو شافها ضعيفه واستقوى الله يستر على بناتنا وعيالنا.

[وارث العز]

تتعرف وتحب وتلعب وماعندها مانع تعطيه صورتها الشخصيه بالمكياج بعد واذا اشبعت من اللعبه قالت الحقو علي


لا وبعض المشاركات تقول انها تروح تشتكي في العاصمة

صج وية قوي

[روح الشمال]

لاحول لله ولا قوة الا بالله

من خرج عن شرع اللة ورضاه تاه في الدنيا والاخرة

[..er..]

ما اعتقد انها ممكن تطلع من هذه التجربة الغبيه بدون مساعدة من الاهل , او على الاقل واحد قريب من الاهل تثق فيه ويكون فعلا مقتنع انها تابت من الخطأ , لان هذي النوعيه من الشباب طول ما هو حاس انها وحيده في مواجهته اكيد راح يتمادى في التهديد , ولكن بمجرد ما يجيه تيلفون من رجل يقول اوقف عند حدك , يختفي ولا عاد يبين .
اللهم استر على بنات المسلمين اجمعين
وجزاك الله خير

:nice:

[براتزية برازيلية]

الله يستر عليها و حسبي الله على هالاشكال اللي ماتخاف ربها بكرة الله بيورجيه سواته في زوجته و بناته

[راعي البيرق]

مدري ليش حاسس انها نفس قصة فتاة القطيف بس تقليد مب الاصلية !!!!
مجرد احساس بس

[سكرمر]

اختى اشكرج على هالاهتمام بالطالبه

فعلن نادر انك تحصل وحده تهتم فى مشاكل الاخرين


تحياتي لج

اتمني ان تبلغي العضيد لانه يتصرف مثل هالامور وبأتقان وبسريه تامه

او تبلغ العاصمه وصدقييني بيتفاهمون عدل للموضوع

وبيتسنع هالشخص عدل

وعليها بالاكثار من الاستغفار والتوبه لله

واذا تبوني اكون وسيط بينكم وبين العضيد انا جاهز


تحياتي

[ديمه]

مدري ليش حاسس انها نفس قصة فتاة القطيف بس تقليد مب الاصلية !!!!
مجرد احساس بس
احساسك غلط اخوي الله بيستر على هالبنت وبتكون هالتجربة درس لها ولغيرها

بس ياجماعة الله الله في بناتكم البنت لازم لها مراقبة وتوجيه مهما كان البيئة اللي تربت فيها انتوا تعرفون اساليب رفاق السوء في مرحلة يصبح الرفاق والاصدقاء اقوى تأثير على المراهق الذي يحاول ان يرضي الشله دون التفكير في صحة التصرف من عدمه والمدرسه فيها الزين والشين مع الحرص على توعيتهم في كل مناسبة باسلوب غير مباشر من خلال قصة او برنامج او محاضره
يعني اذكر طالبة كانت تكذب وتألف قصص على الطالبات ومشاغبة وتهرب من الحصص وقد كانت من افضل الطالبات والسبب انضمامها لشله مشاغبه ولما استدعينا امهات الطالبات وام الطالبة من ضمنهم استاءت وتمت تهاوش المدرسات وتتهمهم انهم يتبلون على بنتها وتقول انا مربيتها احسن تربية ومو مخليه عليها قاصر قلت لها انتي ماقصرتي في تربيتها بس بعد خروج الابن او البنت للمجتمع الخارجي لازم نراقب تصرفاتهم ونقيس مدى جدوى هذه التربية يمكن الاسلوب كان قديم يمكن الولد او البنت كان محتاج لجرعات اكثر من الارشاد والتوعية في كيفية انتقاء الاصدقاء وبينت لها اثر الاصدقاء في هذه المرحلة ومدى خطورتهم


وفي الاخير الله هو الحافظ

[ديمه]

اختى اشكرج على هالاهتمام بالطالبه

فعلن نادر انك تحصل وحده تهتم فى مشاكل الاخرين


تحياتي لج

اتمني ان تبلغي العضيد لانه يتصرف مثل هالامور وبأتقان وبسريه تامه

او تبلغ العاصمه وصدقييني بيتفاهمون عدل للموضوع

وبيتسنع هالشخص عدل

وعليها بالاكثار من الاستغفار والتوبه لله

واذا تبوني اكون وسيط بينكم وبين العضيد انا جاهز


تحياتي

بيض الله وجهك وجزاكم الله خير على اهتمامكم
وصدق الرسول صلى الله عليه وسلم حين قال "المؤمن للمؤمن كالبنيان المرصوص يشد بعضه بعضا"

وانا ما سويت الا واجبي واجب كل مؤمن ومالي فضل هذولا بناتنا وعيالنا اذا ما قومناهم وساعدناهم وبينا لهم الصح من الخطأ من بساعدهم واتمنى من كل شخص يطبق حديث الرسول صلى الله عليه وسلم حين قال :

"انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره."

[سكرمر]

تسلمين اختى ونحن فى الخدمه


ابتغاء الاجر / وبحكم وظيفتى

تحياتي

[موضي قطر]

الله يصلح بناتنا وبنات المسلمين والله يازين تربيتنا وايامنا

حتى مانعرف شي بنات هاليومين عينهم قويه