المساعد الشخصي الرقمي

مشاهدة النسخة كاملة : انفلونزا بلاك بيري


بوعبدالله779
22-11-2009, 05:54 AM
مساكم / صباحكم ســــــــ ك ـــــر




عسى الكل بخـــ ي ـــر





اليوم بطرح عليكم موضوع جديد




انفلونزا بلاك بيري



مرض انتشر في اونه الاخيرة من النصف الاول من سنه 2009 بالتحديد



يمكن ماهو بمرض ولكنه انتشر كمرض معدي او وباء



نعم فهذا ما حدث حقا في دول الخليج




انتشر بلاك بيري في قطر بسرعه كبيرة كانها تكاثرت كالبكتيريا




فالصغير يحملها قبل الكبير



الشيخ قبل الشاب




هيا بنا نتحاور عن موضوعنا




قبل شهرين لقي شاب مواطن حتفه وهو منشغل في بلاك بيري وهو يقود السيارة




ماهو السبب بأعتقادكم؟؟



مرض انفلونزا بلاك بيري



فالنذهب الي المراكز فنرى الكل منشغل في المسن



ماذا حدث لجيلنا




هل المرض سيستمر ام هناك علاجا؟؟





اتمنى ان تحاوروني من خلال هالموضوع




والسموحه منكم



منقول
بنت العلي
22-11-2009, 06:48 AM
هاي مرض ماله علاج .....للاسف
alshams
22-11-2009, 06:56 AM
وانا اقوووول ...


هدي الموضه .. والناس تمشي ورا الموضه ...

وتبون الصراحه .. انا شريت منه .. للرزه مثل مايقول البعض ..

استخدمته شويه وعقب رديته بكرتونه ...

استخدم لاب توب احسنلي ....

بلا ب ب بلا بطيخ ...

ههههههههههههههههههههههه


ههههههههههههه
بوعبدالله779
22-11-2009, 07:03 AM
شكرا للجميع ونبي نشوف راي الباقي من الاعضاء
القاضي 8
22-11-2009, 07:07 AM
اخوي اللي لقى مصرعه على قولتكم ولد عم رفيجي
وطبعا الله يهداهم طلعو اشاعه على طول انه كان يتعبث في البلاك بيري
ياناس ترا كان عنده شفت عصر ومتأخر
واللي كاتبه الله بيستوي فيده البلاك بيري ولا حتى مبطل عينه

والمرض مب من البلاك بيري ... من مستخدمينه ... ترا يطلعون اشاعات واايد
والمشكله الكبيره انا لو ابي انشر شي بسهوله بنشره
باسوي برود كاست وباقولهم هااي من مصدر فلان .. وطبعا المتلقي على طول بيسوي برودكاست وبالتالي اسهل منه مافي ..
ادري اني طلعت برع الموضوع بس بليز اللي بينشر خبر يتأكد منه
ومشكور اخوي على الموضوع
be.happy
22-11-2009, 10:32 AM
على فكره البلاك بيري موجود في الدوحه من 2007 اما من ناحيه توه منتشر صح

بعدين بالنسبه للحوادث وغيرها من الامر السلبيه . . . هذي سوء استخدام يعني الحين تلفونك النوكيا اذا جاتك رساله ورديت عليها وانت تسوق اكيد بيكون سوء استخدام والبلاك بيري خدمه مقدمه من كيوتل برسوم رمزيه وتستقبل كل انواع الملفات وبكل الاحجام الي التلفونات الثانيه ماتقدر تستقبلها ويفتح كل انواع الايميلات وغيره من المميزات واسعاره مناسبه في متناول الجميع حاله حال اي تلفون بس بمميزات احسن
هذا رأيي ... وتقبل مروري
cayenne s
22-11-2009, 02:16 PM
قبل شهرين لقي شاب مواطن حتفه وهو منشغل في بلاك بيري وهو يقود السيارة

عن المبالغه يمكن نوكيا يمكن اريكسون
ابو مشعل
22-11-2009, 02:20 PM
في جميع انحاء العالم ..
مب بس في قطر !

في
كندا
ماليزيا
السعوديه
سنغافورة


وحتى كرستيانو رونالدو بمباراه مدريد الامس انشغل عن فريقه وهو يـ " جتجت " بالبلاك بيري .. :D

لا تكبروالموضوع يعني !!:nice:

يعطيكم العافيه
بوعبدالله779
22-11-2009, 07:24 PM
في جميع انحاء العالم ..
مب بس في قطر !

في
كندا
ماليزيا
السعوديه
سنغافورة


وحتى كرستيانو رونالدو بمباراه مدريد الامس انشغل عن فريقه وهو يـ " جتجت " بالبلاك بيري .. :d

لا تكبروالموضوع يعني !!:nice:

يعطيكم العافيه
جزاك الله خير على الر والمشاركة وترى الموضوع مطروح علشان ناخذ الاراء مب نفرض راي واذا انت تعرف مزايا وخفايا بلاك بيري غير الشات والمسنجر علمنا يا اخوي علشان نقدر نستفيد بعد واذا انت كتبت وقلت شفت كرستيانو رونالدو مشغول في بلاك بيري ترى نحنا المسلمين مب قدوتنا رونالدوا ولا غيره يعني نبي مشاركه فيها راي وطرح فكره بموضوعيه بعيد عن التعصب علشان اللي يقراء يقدر يستفيد ويليت لو تدخل منتديات دولة الامارات وتشوف الشكاوي من متزوجات من بلاك بيري واللي سوى في اسرهم من خراب وانا ما اقول انه جهاز سيئه بس اقول نحنا المسلمين نستخدم استخدام سيئة لاي تكنلوجيا مثل اللي صار مع البلوتوث في البداية وعن المشاكل اللي صارت من وراء ---
غلا الدوحه
23-11-2009, 06:07 AM
الشباب والبنات

يمتلكون وقت فراااغ رهيب
القلم الصريح
23-11-2009, 09:41 AM
احس انه احنا ماعندنا شخصيه ثابته لنا احنا تبعيين ،(( امعه)) اللي يسويه واللي عنده فلان وعلان نسوي نفسه
Qatar-King
23-11-2009, 09:45 AM
الشباب والبنات

يمتلكون وقت فراااغ رهيب


:nice::nice: هذا اللي حااصل بالفعل ,,,


يعني وقت الفرااغ سبب رئيسي في امتلاك البلاك بيري ,,,


وبعدين صرااحه انا شريته قبل كم يوم مو علشان الموضه انا بس حبيت تصميمه الخارجي,:)

من ناحية خدمة الماسنجر والشات انا ما استخدمهم وحتى مركب شريحة هلا العاديه بس,

ومن ناحية مواصفات تقنيه يوجد أفضل منه لكن شكله هو اللي حببني فيه ,,
فــلان
23-11-2009, 12:51 PM
أكبر خطأ لو فرضنا إن المشكله في لبلاك بيري ,, البلاك بيري جهاز بريء من سوء إستخدامنا و اللي ناتج عن ضعف مبادئنا و ثقافتنا السطحيه وتأسيسنا الضعيف كعرب إلا طبعا ً من رحم ربي

هالجهاز مب أول المواقف مثل ما تفضل أحد الأخوان و ذكر أيام طفرة لبلوتوث و كيف تم إستخدامه بصوره شنيعه , إلا من أيام لبليب يوم قمنا إنركب له تييك و إطلعت عليه أغاني راعي لبليب

إستخدمنا الجوال حرقنا جده بالبلوتوث و نغمات الأغاني الواحد يكون قاعد يصلي في مسجد أو مراجع في دائره حكوميه و واحد جنبه إلا تطلع خيريه الطقاقه مع فرقتها من جواله وصوت النغمه فووق

دخلوا علينا بالأنترنت وعقبها أول شي دورنا عليه برنامج كاسر لبروكسي!!!

شررف لبلاك بيري اللي هو فالأساس مرغوب لرجال الأعمال و مدراء الشركات الكبيره لأنه يتحول لسيرفر مستقل في مجال إستقبال و إرسال البيانات و هالمزايا بطبيعة الحال لا تمت للمواطن البسيط بأي صله

و ما شراه غير عشان خدمة الشات العاثره اللي فيه و من الطبيعي ما يدمن عليه غير الإنسان اللي ماعنده أي شي يسويه في الحياه و ولا مسؤوليات ولا غيره , ولا تبون تقنعوني إن أحد عنده وظيفه مثل الناس و فاتح بيت ناجح فيه راح يلتفت لشي مثل هذا ويهدر ساعات و ساعات على ( الهذره السلبيه ) ؟

و كيوتل وحده من المؤسسات الربحيه 100% وقايمه بدورها على أكمل وجه بالترويج عن هالجهاز و خدمات الشات اللي فيه بأسعار تنافسيه متجاهله ضعف ثقافة معظم عيال لبلاد و قاعده تزيد النار حطب


الزبده : أنا أشوف إننا لازم نلتفت لأنفسنا و نصلح ذاتنا بدال ما نظل نلقي الإتهامات جزافا ً على تكنولوجيا ذات حدين إحنا المسؤولين عنها , و ذيك الساعه لا بلاك بيري ولا ستروبيري حتى راح
يأثر على سلوكنا




السموحه على الإطاله
هام السحاب
23-11-2009, 12:54 PM
موضه وبتعدي
فقط قطر
23-11-2009, 01:31 PM
الجهاز قديم..... واللي انشرة اكثر الرئيس اوباما.....بعد ماتم نشر مقاله مفادها ان جهاز الامن الخاص بالرئيس طلب منه ان يتخلى عن جهاز البلاك بيري الخاص به..وطبعا الرئيس رفض الفكرة...

الجهاز جيد بحد ذاته...ولكن استخدامه من قبل بعض الفئات عندنا ( دول العالم الثالث ) هي المشكلة..
الجهاز لا يعيب عليه في شيء ( غير شكله الغبي ) من احسن الاجهزة ويتميز بتضمينه للماسنجر ( اللي العالم ميتين عليه )
عموماً بعد مدة راح تنزل شركة النوكيا جهاز جديد فيه نفس مواصفات البلاك بيري ومتضمن الماسنجر...
وراح تدور الدوائر على النوكيا..
انا لست مع او ضد...
alshams
23-11-2009, 01:49 PM
ويليت لو تدخل منتديات دولة الامارات وتشوف الشكاوي من متزوجات من بلاك بيري واللي سوى في اسرهم من خراب وانا ما اقول انه جهاز سيئه بس اقول نحنا المسلمين نستخدم استخدام سيئة لاي تكنلوجيا مثل اللي صار مع البلوتوث في البداية وعن المشاكل اللي صارت من وراء ---


فدييييييييييييت الامارات واهلها ... ورمستك صدق والله ..هالشي يصير .. والله يعين الحريم ع هالبلاوي ..

وانا اقول شو احسن ب ب ولا عديله على روسهن ..

خخخخخخخخخخ ... اكيد بيقولن لالالالا ال ب ب احسن ..ههههههههههه

وارحم بعد ...

والسموحه ,,,
cayenne s
23-11-2009, 02:52 PM
انا الصراحه ماخذ واحد لانه ينفعنى بالايميلات وما عمرى شغلت الماسنجر عليه ولا راح اشغله
الجوكر90
23-11-2009, 05:59 PM
السلام عليكم
في ناس تفضلوا وقالوا موضه وبتعدي
صح انا معاهم نفس البلوتوث موضه وعدت
بس موضه البلوتوث ماعدت الا بعد الفضايح
وهم البلاك بيري نفس الشي
وانا عندي بلاك بيري بس مب فاتح الخدمه بس جي شكل
بوعبدالله779
24-11-2009, 01:32 PM
الشكر للجميع على المشاركة