شباب محتاج مساعدتكم ولا عليكم امر

[Al-Kuwari]

شباب سويت حادث بالامس والحمدلله ماصار فيني شي

موتري رنج سبورت 2009

الموتر تعور من ناحيه الصدام والشبك من قدام

والايرباج يوم طلع شلخ لي الجامه اللي قدام وتحتاج تبديل الحين


حاب اعرف طريقه شراء قطع الغيار اللي ابيها من الامارات لأنهم ارخص
الحين على اساس اطلبهم واصلح موتري , شلون ؟ ووين اروح وشسوي ؟

[بو عيسى]

اول شي الحمدلله عالسلامه وماتشوف شر انشالله وبالنسبه للرنج اذا بغيت نصيحتي اشتر لك قطع غيار من الوكاله اللي بالامارات بتحصلهم ارخص بس يمكن ارخص بشي بسيط وحرام تاخذ له قطع غيار من بره موترك جديد وموديل السنه ومادري اذا ربعنا عندهم فكره عن اماكن بره الوكاله وبسعر زين وانشالله بيفيدونك وموفق اخوي

[المريش]

ما تشوف شر اخوي وحمدلله علي سلامتك
انشالله الشباب يفيدونك بس نصيحة لا تروح لأي كراج موترك جديد وانتبه مب اي حد يظبط الايرباق

[تميمي1]

ما تشوف شر

[qatar2090]

حمدالله عل السلامة اخوى
بس نصيحه صج الوكالة غالية بس ماانصحك الا الوكالة او تصلحها بوكالة الامارات او البحرين لو تشوفها ارخص

[sporty]

خاطك السوء.....وانشالله رااااااااااح يفيدونك الاخوان

[aljaber1]

خطاك الشر والحمد الله على السلامه

[Al-Kuwari]

الله يسلمكم والشر مايجيكم

انا بصلح فالوكاله بس قلت لو قطع الغيار ارخص بشتري من هناك وبصلح اهني

سؤال ثاني شباب

الجامه اللي قدام انكسرت بسبه خروج الايرباج

لا انا ولا العبري ضربنا فالجامه هل هالشي يعتبر عيب مصنعي ومن حقي اقاضي الشركه عليه ولا عادي ؟
ع اساس اوضح لكم الصورة اكثر الايرباج يكون داخل الطبلون صح ؟ الطبلون انفتح والقطعه اللي طلع منها الايرباج هي اللي شلخت الجامه وكسرتها

لنفرض الايرباج كسر الجامه بالكامل وجا الزجاج علينا ؟ مش من المنطق ان الايرباج يكسر الجامه ويعرض حياه الركاب للخطر صح ؟

[بوسيف الهاجري]

الحمدالله على السلامه
في محل اسمه نجوم الخليج يبع قطاع غيار الرنج اصليه
انشالله بحاول اجيب لك رقمه وكلمهم وبالنسبه للسعر يفرق معاك من 25 الى 40 %

[Al-Kuwari]

ربي يسلمك وتسلم يا ياماها تسوي خير والله

بس وين مكانه هالمحل فالدوحه ولا بره ؟

وبخصوص سؤالي عن الايرباج فالرد اللي قبل ردك, تقدر تفيدني بهالنقطه بحكم انك شغال في هالمجال وعندك خبره ؟

[بوسيف الهاجري]

المحل في الشارقه
وبا النسبه للايرباق انفتح من الصوبين ولا جهت السايق بس

[HEART_LION]

الله يسلمكم والشر مايجيكم

انا بصلح فالوكاله بس قلت لو قطع الغيار ارخص بشتري من هناك وبصلح اهني

سؤال ثاني شباب

الجامه اللي قدام انكسرت بسبه خروج الايرباج

لا انا ولا العبري ضربنا فالجامه هل هالشي يعتبر عيب مصنعي ومن حقي اقاضي الشركه عليه ولا عادي ؟
ع اساس اوضح لكم الصورة اكثر الايرباج يكون داخل الطبلون صح ؟ الطبلون انفتح والقطعه اللي طلع منها الايرباج هي اللي شلخت الجامه وكسرتها

لنفرض الايرباج كسر الجامه بالكامل وجا الزجاج علينا ؟ مش من المنطق ان الايرباج يكسر الجامه ويعرض حياه الركاب للخطر صح ؟

لا اخوي ماتقدر لانه حادث بيقولون لك الجامه ممكن تنكسر بسبب عوامل الطقس بدون حوادث الضمان يشمل العيب المصنعي فقط

[بوطويشم]

السلام عليكم

الحمد لله على السلامة

تأمينك شنو؟؟؟

اذا فل صلح فالوكالة

[Al-Kuwari]

ربي يسلمكم من كل شر

ياماها: انفتح من صوبي وصوب العبري

صوب العبري القطعه اللي انفتحت عشان يطلع الايرباج مواجهه الجامه فيوم تتبطلع تروح عالجامه على طول ومن قوة الضربه كسرتها

قلب الاسد: صحيح بس الحادث كلش كلش ماجا صوب البانه والجامه الحادث كان تحت فالصدام والشبك والراديتر بس
حتى الليتات ماصارلها شي والجامه انكسرت بسبب قوة ضربه القطعه اللي انفتحت على اساس يطلع منها الايرباج اللي هي اصلا مواجهه الجامه يعني فكل الاحوال بتكسر الجامه بتكسرها

بوطويشم: ربي يسلمك الشيخ لأ مب شامل على حظي العام كان شامل وطول السنه ماصار شي وتوني مجدد استمارتي قبل شهر بالضبط وخليته ضد الغير وصار الحادث

قدر الله وما شاء فعل والحمدلله على كل حال

[راعي ال2008 الاسود]

الحمدلله في الحديد ولا فيك يالكواري والنصيحه اشتر قطع الغيار من الامارات وود الرنج الشركه الي في الدوحه وجيب لهم قطع الغيار وهم بيضبطونه لك ولا توديه لاكراج ول شي الشركه وقطع غيار الموتر جيبه من الامارات ارخص لك بواجد من الدوحه

بالتوفيق ان شاء الله

[Al-Kuwari]

ربي يسلمك من الشر وهذا اللي بسويه ان شاء الله ياراعي الاسود

ناوي اخذهم من برع اذا كانوا ارخص واصلح فالوكاله

:)

[الزيبق]

حمدالله على السلامه

[بحر العذاب]

الحمد الله عالسلامه .. ماتشوف شر

[Al-Kuwari]

الله يسلمكم وارحم الله والديكم

[احساس غريب]

الله يعينك يالكواري وماتشوف شر ف الحديد ولافيك يالغالي..

[بومشعل]

الحمدالله على السلامه يالكواري
واذا تبي نصيحتي صلح في الوكاله احسن لك واظمن
لان اذا كان في فرق في السعر اذا انك بتشتري قطع الغيار برع لاتنسى انت بعد تحسب تكاليف السفر من تذاكر وسكن وغربال من محل لين محل وزحمه دبي...
عليك بالفردان تراهم بعد بتساهلون وينزلون لك في السعر اذا ضبطت لك حد وحنيت فوق راسه
ولاتنسى ان شغلهم بيعطونك عليه ظمان كامل
هذا رايي لك وماتشوف شر مره ثانيه
ولاتنسى التامين مره ثانيه وانا اخوك

[Al-Kuwari]

احساس , بومشعل

الله يسلمكم من كل شر والشر مايجيكم
ويعطيكم الف عافيه عالمرور الطيب