المساعد الشخصي الرقمي

مشاهدة النسخة كاملة : !!!! هل تطبق قطر فاونديشن نسبة التقطير ؟!!!!


رهج السنابك
22-11-2009, 12:16 PM
السلام عليكم

من ملاحظتي عن موضوع التقطير .. لقيت ان وزارة العمل تتابع فقط القطاع الخاص ومشدده عليهم في التقطير مثل قطاع الشركات والبنوك وغيره

لكن القطاع العام والوزارات مافيه اي تشديد او رقابة على الموضوع


المناسبة من فتح الموضوع هو اني ابغي اتحدث عن قطر فاونديشن وهي ليست قطاع خاص

لكن اللي ياخذ جولة في قطر فاونديشن يكتشف وجود جنسيات يفترض ان لا تشغل بعض الوظائف


مثلا مسؤل الموارد البشرية ( لكل جامعه مسؤل موارد بشرية خاص به ) لقيت مصرية ولقيت شامية ماسكين وظائف ادارية في الموارد البشرية
ولقيت سكرتيرات من جنسيات عربية
ولقيت مسؤلة علاقات عامة من جنسية عربية
وسودانية ماسكة قسم المالية يعني الرواتب ومصروفات الادارة وغيرها

هل هذه الوظائف صعبة وتحتاج الى خبرة عالية وشهادات كبيرة عشان يلجأون لتوظيف العرب والاجانب ويتركون بنات وعيال البلد ؟؟ وللعلم كل الموظفات صغيرات بالعمر بين 25-30 سنة يعني متى هالانسات حصلوا خبرة ؟؟! وهل الخبرة اصلا مطلوبة في هالوظائف البسيطه ؟

دخلت على موقع قطر فاونديشن ولقيت الجماعه حاطين اعلان عن ادارة التقطير وانهم مهتمين بالتقطير ويبحثون عن القطريين

قلت خلني اجرب واراسلهم ( للعلم انا عندي خبرة وشهادات عالية وتقديري امتياز ودورات خارجية في رصيدي )

وارسلت ايميل مع سيرتي الذاتية لاحد الاماكن التابعه لقطر فاونديشن جاني رد منهم بعد شهر ونص تقريبا على الايميل وكان الرد سخيف للغاية

بأنهم يختارون الموظفين على اساس تنافسي وانهم بعد ماراجعو سيرتي الذاتية وجدوا ان مؤهلاتي غير مطلوبة في الوقت الحالي !! وعندما نقوم بالاعلان في الجرائد عن وظائف شاغرة ارسلي لنا مرة ثانية !!

والايميل من مسؤلة في الموارد البشرية وهي أجنبية من اسمها ( روسالين مدري شنو )

انا بسألكم عمركم شفتوا اعلان مطلوب توظيف قطريين في الجرايد ؟؟ من قطر فاونديشن ؟؟

انا ادعوكم بس لزيارة لقطر فاونديشن ومروا بجنب المكاتب والقوا نظره على الموظفين بداخلها وراح تعرفون ان كان فيه تقطير فعلا ولا مجرد كلام على الفاضي والمدينة التعليمية مليانه عرب واجانب والقطري يرمون سيرته الذاتية ويقولون له رجاءا لا تزعجنا لما نحط لكم اعلان في الجريدة تعالوا قدموا ! << ايه طل تحطون اعلان


وسؤال لوزارة العمل هل قطر فاونديشن معفية من نسبة التقطير ؟؟
ولماذا لا يتم رفع نسبة التقطير في القطاع العام الى 50 او 70 % ؟؟
ولماذا لا يتم وضع لائحة بالوظائف التي لابد ان يتم شغرها بالقطريين مثل وظائف السكرتارية والموارد البشرية والمالية والتدريب وغيره من الوظائف التي لا تحتاج الى خبراء نظراً لانها وظائف داخلية
cristal
22-11-2009, 12:54 PM
فعلاً اختى مثل ماقلتى
اذا مسؤلة الhr من جنسية عربيه اش بتوظف مثلاً !!!!!!


على قولتهم القطريه ماتجيد اللغه الانجليزيه مثل باقي الجنسيات ووظيفه السكرتيره لازم تكون جينير واغلب القطريات مستواهم بالانجليزي متدني يعني هم مافيهم شده يعلمونها والا يساعدونها يبون وحده جاهزه<<طبعاً ذى كلامهم
asadfg
22-11-2009, 12:56 PM
انا خبره اج ار بنوك ابي اتوظف بقطر فاونديشن احين عرفت ليش مايردون علينا اثاري السالفه ها الشكل حلو حلو
دلوليانوز
22-11-2009, 01:03 PM
خذي نصيحة مجرب..ولين اليوم ما توظفت عندهم...من مقابله لين مقابله...ومع واسطه...وحب خشوم....وال واحد واثنين وثلاثه...من شهر 12 2008..لين اليوم ,,وانا اركض وراهم..


طيعيني...كلها واسطات...لا تقطير...ولا اجانب...معارفك تضمن لك وظيفه

شالفرق..قطرية ولا غيرها..المشكله الرواتب..وهم بشكل غريب..يدفعون اكثر ما يدفعون لو قطريه في منصب الموارد البشريه..

طيب...ما ننسى..الوثائق الموقعه بين ..قطر.." المدينة التعليميه" وغيرها من شركات اجنبية..تبي تشتغل على ظهرهم..

شركات..للتعين..وتاخذ نسبه من معاش كل شخص متعين..هذيلا لازم يشتغلون..

وكفلائهم...لهم نصيب...بعد هذيلا لازم يترزقون..

افهموا..حقيقة واحده...الشغل...صارت اللي تتحكم فيه "عصـــــــــــــــابات مافيا الوظائف"

وما تفرق..قطري..او غير قطري..المهم معارفك داخل المؤسسه او الشركة..ومراات حتى هذا ما يفيد..اذا العووود..مب راضي

ف المثل الوحيد..لهم
ما على الدنيا عتب...صدق عبادي
بويوسف
22-11-2009, 01:44 PM
عادي اختي يعني ماتدرين .. كفاءات او غير كفاءات مايفرق عندهم .. بدون واسطة ودز مايمشي حالج ..
بنوته
22-11-2009, 04:26 PM
السلام عليكم ورحمة الله وبركاته

غريبه قطر فانديشن ....راكضو ورا اختي اكثر من مره يدقون عليها يبونها ....بس اختي رافضه لانها عرست وبيتها في الشمال وياسلام على الراتب شي عجيب ؟؟؟؟

بخصوص بعض الوظايف مثل السكرتاريه لاتعليق اغلب الاماكن تلاقيهم من جنسيات مختلفه وبعضهم بعقود مؤقته يتم تجديده لهم بقدرة قادر ويتمون سنين...رفيجتي جامعيه وامها قطريه توظفت في جهتين براتب مقطوع تم فتره وينهون عقدها عشان فلانه رجعت من الاجازه لانها بديل مؤقت....من الاولى في هالوظيفه

الله المستعان
hot2000
22-11-2009, 04:44 PM
لدي زميل كان يعمل في كهروماء وهو اللي ماسك القسم والشغل كله على راسه وقدم استقالته والآن يعمل في قطر فاونديشن

الله يوفقه ويكون سفير المواطنين في مكان جميعم اجانب

وتقبلي مروري
طلعة الروح
22-11-2009, 04:45 PM
على طاري شركات التوظيف الاجنبية
اتصلي بريطاني وقالي بنشغلج في كتر فونديشن بقسم التدريب على ما اعتقد
وطرش لي التوصيف الوظيفي عالايميل وقالي نطري المكالمه
وحياتكم بعدها ما شفت الا غبرته
بس من البداية اقولكم هالأماكن ماعندي ثقه فيهم لأنه وايد ناس توظفوا هناك واهم بصوب والكفاءه بصوب واعتمادهم الاول كان على معارفهم بالمكان..
وافهم يا لبيب..

مشكورة على الطرح اختي
هدهد سليمان
22-11-2009, 10:07 PM
يستاهل الرفع .. قطر فاونديشن - الجزيرة - الجزيرة للأطفال
( براعم ) - الجزيرة الرياضية - الخطوط القطريه !
اّل ثاني 77
22-11-2009, 10:15 PM
يستاهل الرفع .. قطر فاونديشن - الجزيرة - الجزيرة للأطفال
( براعم ) - الجزيرة الرياضية - الخطوط القطريه !

هاهاهاهاهاها
اهل قطر مابحبون يشتغلون في هالاماكن ،كم مرة اعطيهم الوصفة لاكن بدون فايدة
الوصفة كالتالي :
1- صبغ الشعر باللون الاصفر
2- لبس بدلة
3- حلق الشنب واللحية مع وضع نسبة مناسبة من كريمات ترطيب البشرة واهم شئ الجل على الشعر
هذا بالنسبة للشباب
لاكن بالنسبة للبنات:secret:
هدهد سليمان
22-11-2009, 10:22 PM
هاهاهاهاهاها
اهل قطر مابحبون يشتغلون في هالاماكن ،كم مرة اعطيهم الوصفة لاكن بدون فايدة
الوصفة كالتالي :
1- صبغ الشعر باللون الاصفر
2- لبس بدلة
3- حلق الشنب واللحية مع وضع نسبة مناسبة من كريمات ترطيب البشرة واهم شئ الجل على الشعر
هذا بالنسبة للشباب
لاكن بالنسبة للبنات:secret:


:secret:

الله يعين تصدق ان في عندهم ناس ما يحملون شهادات جامعيه ويعملون كمهندسين في احد هذه القنوات .. والرجاء كل الرجاء التدقيق في الشهادات لان هالكلام متأكد منه ! لكن احتفظ بالمصدر لنفسي !! وتصدق ان بوناب قدم استقالته من اسبوعين او اكثر وللآن لم يأت رد او بالأصح لم تقبل والله أعلم .. هل تعلم ان هناك موظفة استقبال اصبحت مديرة او مسؤولة التوظيف عندهم ( بل شهالواسطه اللي عندها ) وهناك الكثير لكن نقول حبه حبه .. وكل شي ينكشف بوقته زين !
طارق
22-11-2009, 10:33 PM
هاهاهاهاهاها
اهل قطر مابحبون يشتغلون في هالاماكن ،كم مرة اعطيهم الوصفة لاكن بدون فايدة
الوصفة كالتالي :
1- صبغ الشعر باللون الاصفر
2- لبس بدلة
3- حلق الشنب واللحية مع وضع نسبة مناسبة من كريمات ترطيب البشرة واهم شئ الجل على الشعر
هذا بالنسبة للشباب
لاكن بالنسبة للبنات:secret:

لاتنسى تشرب خمر واتخلي علاقتك طيبه جداا مع زوجه الأجنبي العجوز :secret:
وماتخلي اي عيد ميلاد ماترقص وتشرب فيه
بواردي
22-11-2009, 10:40 PM
لاتنسى تشرب خمر واتخلي علاقتك طيبه جداا مع زوجه الأجنبي العجوز :secret:
وماتخلي اي عيد ميلاد ماترقص وتشرب فيه

الشيخ ؟؟؟؟

عسى ما شر

انت دوم ردودك في نفس المستوى ؟؟؟؟؟؟

هذي امور ما فيه مزح ولا غشمرة

اتق الله

كنت داش ابي اعلق على سالفة التقطير
لكن هونت
طارق
22-11-2009, 10:42 PM
:secret:

الله يعين تصدق ان في عندهم ناس ما يحملون شهادات جامعيه ويعملون كمهندسين في احد هذه القنوات .. والرجاء كل الرجاء التدقيق في الشهادات لان هالكلام متأكد منه ! لكن احتفظ بالمصدر لنفسي !! وتصدق ان بوناب قدم استقالته من اسبوعين او اكثر وللآن لم يأت رد او بالأصح لم تقبل والله أعلم .. هل تعلم ان هناك موظفة استقبال اصبحت مديرة او مسؤولة التوظيف عندهم ( بل شهالواسطه اللي عندها ) وهناك الكثير لكن نقول حبه حبه .. وكل شي ينكشف بوقته زين !



كان عندي يشتغل تحتي هندي حاشاك احمار في شغله
كل سنه في أداره يتنقل من أداره لأداره - وانا القطري اذا حبيت اغير أدارتي تجيني اورقتي مكتوت عليها شاي مع الرفض

المراد

نقل من عندنا عند أداره كلها علوج ماوعيت الي مطرشلي بعد يومين رساله مع تغير المسمى الوظيفى الى Specialist
يودت راسي ترقيتين مره وحده وانا الترقيه تجيني كل 3 سنين بعد اكمال من وقتي الخاص الكثير من الدورات التدريبيه عشان أترس هالملف
والله استغربت
وربعي جامعيين وأصحاب ماجيستيرات يعاملون معامله الشهادات الأبتدائيه
مستقلة
22-11-2009, 11:01 PM
انا كم مرة قدمت عندهم و قالو لي
انت over quialified يعني الوظايف اللي عندهم اقل من مستواي التعليمي ومايبون يظلموني مساكييين؟؟
ياريت بس لو حد يوصل الصورة و الوضع للأمير و الشيخة موزة بنت ناصر؟؟
عيل مسؤؤلة القبول و التسحيل في اعرق الجامعات مصرية صغيرة ماعندها خبرة ؟
يعني مافي قطرية أحسن منها
COME ON!
هدهد سليمان
22-11-2009, 11:15 PM
انا كم مرة قدمت عندهم و قالو لي
انت over quialified يعني الوظايف اللي عندهم اقل من مستواي التعليمي ومايبون يظلموني مساكييين؟؟
ياريت بس لو حد يوصل الصورة و الوضع للأمير و الشيخة موزة بنت ناصر؟؟
عيل مسؤؤلة القبول و التسحيل في اعرق الجامعات مصرية صغيرة ماعندها خبرة ؟
يعني مافي قطرية أحسن منها
COME ON!


in fact .. that is true .. but i dont tell nationality
رهج السنابك
22-11-2009, 11:15 PM
فعلاً اختى مثل ماقلتى
اذا مسؤلة الhr من جنسية عربيه اش بتوظف مثلاً !!!!!!


على قولتهم القطريه ماتجيد اللغه الانجليزيه مثل باقي الجنسيات ووظيفه السكرتيره لازم تكون جينير واغلب القطريات مستواهم بالانجليزي متدني يعني هم مافيهم شده يعلمونها والا يساعدونها يبون وحده جاهزه<<طبعاً ذى كلامهم

غلطانين اجل المغربية والتونسية هي اللي تجيد الانجليزية ؟؟

إلا ماكلينها حبيبتي بينهم .. والغلط الاكبر على اللي يحط مسؤلة الموارد البشرية وحده اجنبية شيء طبيعي تجيها حساسية من القطريين ماتبي الا ربعها وعشيرتها
هدهد سليمان
22-11-2009, 11:17 PM
كان عندي يشتغل تحتي هندي حاشاك احمار في شغله
كل سنه في أداره يتنقل من أداره لأداره - وانا القطري اذا حبيت اغير أدارتي تجيني اورقتي مكتوت عليها شاي مع الرفض

المراد

نقل من عندنا عند أداره كلها علوج ماوعيت الي مطرشلي بعد يومين رساله مع تغير المسمى الوظيفى الى specialist
يودت راسي ترقيتين مره وحده وانا الترقيه تجيني كل 3 سنين بعد اكمال من وقتي الخاص الكثير من الدورات التدريبيه عشان أترس هالملف
والله استغربت
وربعي جامعيين وأصحاب ماجيستيرات يعاملون معامله الشهادات الأبتدائيه


للأسف هذا اللي يحدث .. صدقني ان الكباريه ما يدرون لإنهم يوصول لهم صورة غير هالصوره !
مستقلة
22-11-2009, 11:19 PM
in fact .. that is true .. but i dont tell nationality

What do you mean by "don't tell nationality"?
رهج السنابك
22-11-2009, 11:21 PM
انا خبره اج ار بنوك ابي اتوظف بقطر فاونديشن احين عرفت ليش مايردون علينا اثاري السالفه ها الشكل حلو حلو

انصحك تسوي زيارة وتاخذ فرة هناك وتلف على المكاتب وتقرأ الاسماء المكتوبة على كل مكتب عشان تعرف الجنسيات المتعينه والوظايف اللي ماسكينها :omg: ورب البيت حرام


يعني مو كافي ان طلابنا ماقدروا يستفيدون من الدراسة فيها ولا شبابنا وبناتنا قدروا يتعينون فيها اجل ليه خسرنا المليارات عليها ولازلنا نخسر عشان عيون الغرباء ؟؟ :anger1:
رهج السنابك
22-11-2009, 11:23 PM
خذي نصيحة مجرب..ولين اليوم ما توظفت عندهم...من مقابله لين مقابله...ومع واسطه...وحب خشوم....وال واحد واثنين وثلاثه...من شهر 12 2008..لين اليوم ,,وانا اركض وراهم..


طيعيني...كلها واسطات...لا تقطير...ولا اجانب...معارفك تضمن لك وظيفه

شالفرق..قطرية ولا غيرها..المشكله الرواتب..وهم بشكل غريب..يدفعون اكثر ما يدفعون لو قطريه في منصب الموارد البشريه..

طيب...ما ننسى..الوثائق الموقعه بين ..قطر.." المدينة التعليميه" وغيرها من شركات اجنبية..تبي تشتغل على ظهرهم..

شركات..للتعين..وتاخذ نسبه من معاش كل شخص متعين..هذيلا لازم يشتغلون..
وكفلائهم...لهم نصيب...بعد هذيلا لازم يترزقون..

افهموا..حقيقة واحده...الشغل...صارت اللي تتحكم فيه "عصـــــــــــــــابات مافيا الوظائف"

وما تفرق..قطري..او غير قطري..المهم معارفك داخل المؤسسه او الشركة..ومراات حتى هذا ما يفيد..اذا العووود..مب راضي

ف المثل الوحيد..لهم
ما على الدنيا عتب...صدق عبادي


معلوومة خطيرة أول مرة اسمع فيها :omg:
غناتي1
22-11-2009, 11:46 PM
الجواب ببساطة لا ----

بس فيه بواسطة !!!
genesis
23-11-2009, 12:10 AM
معلوومة خطيرة أول مرة اسمع فيها :omg:


ما أعرف سبب إستغرابك..لقد كتبت ذلك في كذا موضوع سابق.

للأسف في كثير من المؤسسات والهيئات ( وأنا لا أقصد مؤسسة قطر بالتحديد)، تجد شركات التوظيف منافذ في إدارات الموارد البشرية لتمرير السير الذاتية اللي عندها من خلال الموظفين العاديين وليس من قبل الادارة المعنية . لو لم يكن لتلك المؤسسة أو الهيئة نظام تدقيق داخلي دقيق وشفاف، فإحتمالية الفساد الإداري( من كومشنز وخلافه) وارد جدا.

"وهذا حدث من حوالي عام ونصف في أحد الهيئات":secret:

برأيي لو المسؤليين في تلك القطاعات يولي إهتمام لتلك الامور وعدم الاعتماد الكامل على المساعدين...لكانت الامور أفضل

المشكلة في رأيي ليست بشركات التوظيف، بل في إدارات التوظيف ومدى شفافيتها ووجود رقابة عليا عليها.
رهج السنابك
23-11-2009, 10:53 PM
عادي اختي يعني ماتدرين .. كفاءات او غير كفاءات مايفرق عندهم .. بدون واسطة ودز مايمشي حالج ..

اووووف واسطه واسطه بكل مكان واسطه متى العرب تتعدل اوضاعهم

ولو انا ابي الواسطة اعرف ادلها بس كرامتي ماتسمح لي اطلب من احد خدمه
ان مؤهلاتي وكفائتي ماشفعت لي الواسطة مابيها
رهج السنابك
23-11-2009, 10:54 PM
:nice:
السلام عليكم ورحمة الله وبركاته

غريبه قطر فانديشن ....راكضو ورا اختي اكثر من مره يدقون عليها يبونها ....بس اختي رافضه لانها عرست وبيتها في الشمال وياسلام على الراتب شي عجيب ؟؟؟؟

بخصوص بعض الوظايف مثل السكرتاريه لاتعليق اغلب الاماكن تلاقيهم من جنسيات مختلفه وبعضهم بعقود مؤقته يتم تجديده لهم بقدرة قادر ويتمون سنين...رفيجتي جامعيه وامها قطريه توظفت في جهتين براتب مقطوع تم فتره وينهون عقدها عشان فلانه رجعت من الاجازه لانها بديل مؤقت....من الاولى في هالوظيفه

الله المستعان


اختج حظها من السماء:nice:
رهج السنابك
23-11-2009, 11:10 PM
على طاري شركات التوظيف الاجنبية
اتصلي بريطاني وقالي بنشغلج في كتر فونديشن بقسم التدريب على ما اعتقد
وطرش لي التوصيف الوظيفي عالايميل وقالي نطري المكالمه
وحياتكم بعدها ما شفت الا غبرته
بس من البداية اقولكم هالأماكن ماعندي ثقه فيهم لأنه وايد ناس توظفوا هناك واهم بصوب والكفاءه بصوب واعتمادهم الاول كان على معارفهم بالمكان..
وافهم يا لبيب..

مشكورة على الطرح اختي

شاكرة اضافتج :)