(( أبي افسخ العقد مع الإستشاري ضروري ))

[ريد قطر]

ابي افسخ العقد مع الاستشاري قبل انتهاء الفترة المتفق عليها ومب راضي
انا مضطرة اوقف البنيان لفترة لظروف وطبعا لازم ادفع له حاولت معاه ما فيه
فايدة شالحل ؟

حد عنده فكرة شسوي

[المهندس عبدالعزيز]

كتاب رسمي بالبريد المسجل للاستشاري بإلغاء العقد وإيقاف الأعمال فوراً

[ريد قطر]

كتاب رسمي بالبريد المسجل للاستشاري بإلغاء العقد وإيقاف الأعمال فوراً
شلون كتاب رسمي اذا ممكن تشرح لي
بعدين الاستشاري تابع لشركة

مشكور اخوي

[شموخ دائم]

,


,


مرحبا اختي

ممكن تعطينا معلومات حتى نقدر نفيدك

هل هناك فقره في العقد تم ذكر الغاء العقد ؟؟

هل العقد محدد بفتره ( سنتين مثلا ) او يستمر مع عقد المقاول ؟؟

يعني في حاله الغاء العقد يدفع الطرف كامل التكاليف .. مثلا

اذا مافي فقره يكون من حقك الغاء العقد

تكتبين كتاب تذكرين فيه رغبتك الغاء العقد بسب توقف المشروع بينك وبين المقاول وتكتبين اسمك وعنوان المشروع وتذكرين

وعليه يترتب الغاء العقد مع الاستشاري لانه اصبح دون جدوى لتوقف المشروع

وتاخذينه البريد وتكتبين عنوان المكتب اسم الشركه وصندوق بريدهم تلاقين عنوانهم على العقد اكيد مسجل

وتطلبين من البريد تكون الرساله ( مسجله ) يعني مضمونه الوصول كما ذكر المهندس عبدالعزيز

لان هذا في المحكمه يسئلون المحامي هل ارسلتي لهم كتاب مسجل برغبتك بانهاء العقد

وقولي للمكتب كلميهم اما توقفون العقد او نروح للطرق القانونيه

وحطي محامي من احد المكاتب يتابع القضيه هناك

ولا تخافين من شي ماعليك اي ضرر ان شاء الله

يعني اكبر ما بيكون في المحكمه الزامك بالدفع

هذا اكبر شي ممكن يحصل

وممكن ان شاء الله تكسبينها

وممكن المكتب الاستشاري يطلب منك تسويه يعني تدفعين نص المبلغ المتبقي مثلا

وتنهين العقد

وبالتوفيق لك يارب

,

,

اخوك


شموخ دائم

[لطيف الروح]

ابي افسخ العقد مع الاستشاري قبل انتهاء الفترة المتفق عليها ومب راضي
انا مضطرة اوقف البنيان لفترة لظروف وطبعا لازم ادفع له حاولت معاه ما فيه
فايدة شالحل ؟

حد عنده فكرة شسوي

مثل ماتفضل به اخوي المهندس عبدالعزيز كتاب مسجل بالغاء العقد و توقيفه عن عمل الاشراف بالموقع دون ذكر الاسباب و ضروري نسخه من الكتاب للمقاول و البلديه التابعين لها كذلك بنك التنميه اذا كان المشروع سكن يموله و اذا كان المشروع خاص ويموله احد البنوك نسخه لهم كذلك . اهم شي ان ينبعث الكتاب بالبريد الممتاز (اسرع) وعلى العنوان المذكور في العقد (مهم جدا) . وانا حاضر لاي استفسار على الخاص

[الكتاروني]

أختي ... برجاء مراجعة العقد مع الإستشاري جيدا .... فقد يكون من حقك فسخ العقد لعدم إلتزام الإستشاري بأي من بنود العقد .... كعدد الزيارات الشهرية أو مدة تواجدة بالمشروع أو خلافة.

[ريد قطر]

,


,


مرحبا اختي

ممكن تعطينا معلومات حتى نقدر نفيدك

هل هناك فقره في العقد تم ذكر الغاء العقد ؟؟

هل العقد محدد بفتره ( سنتين مثلا ) او يستمر مع عقد المقاول ؟؟

يعني في حاله الغاء العقد يدفع الطرف كامل التكاليف .. مثلا

اذا مافي فقره يكون من حقك الغاء العقد

تكتبين كتاب تذكرين فيه رغبتك الغاء العقد بسب توقف المشروع بينك وبين المقاول وتكتبين اسمك وعنوان المشروع وتذكرين

وعليه يترتب الغاء العقد مع الاستشاري لانه اصبح دون جدوى لتوقف المشروع

وتاخذينه البريد وتكتبين عنوان المكتب اسم الشركه وصندوق بريدهم تلاقين عنوانهم على العقد اكيد مسجل

وتطلبين من البريد تكون الرساله ( مسجله ) يعني مضمونه الوصول كما ذكر المهندس عبدالعزيز

لان هذا في المحكمه يسئلون المحامي هل ارسلتي لهم كتاب مسجل برغبتك بانهاء العقد

وقولي للمكتب كلميهم اما توقفون العقد او نروح للطرق القانونيه

وحطي محامي من احد المكاتب يتابع القضيه هناك

ولا تخافين من شي ماعليك اي ضرر ان شاء الله

يعني اكبر ما بيكون في المحكمه الزامك بالدفع

هذا اكبر شي ممكن يحصل

وممكن ان شاء الله تكسبينها

وممكن المكتب الاستشاري يطلب منك تسويه يعني تدفعين نص المبلغ المتبقي مثلا

وتنهين العقد

وبالتوفيق لك يارب

,

,

اخوك


شموخ دائم


هلا اخوي
بالنسبة لفقرة الغاء العقد مكتوب في الاتفاق انه يلزم اخطار الطرف الأخر كتابيا قبل فترة لا تقل عن شهر من تاريخ الغاءالعقد
والعقد مب محدد بمدة معينة ولا الاستمرار مع عقد المقاول
طرشت له ورقة بانهاء العقد مع أخوي ورفض يوقع عليها
سألنا قالوا ما تقدرون تجبرونه على التوقيع
ما لقيت حل الا اني استمر وادفع له

[ريد قطر]

مثل ماتفضل به اخوي المهندس عبدالعزيز كتاب مسجل بالغاء العقد و توقيفه عن عمل الاشراف بالموقع دون ذكر الاسباب و ضروري نسخه من الكتاب للمقاول و البلديه التابعين لها كذلك بنك التنميه اذا كان المشروع سكن يموله و اذا كان المشروع خاص ويموله احد البنوك نسخه لهم كذلك . اهم شي ان ينبعث الكتاب بالبريد الممتاز (اسرع) وعلى العنوان المذكور في العقد (مهم جدا) . وانا حاضر لاي استفسار على الخاص

بالنسبة للمشروع خاص ما يموله بنك التنمية ولا البنك
تسلم أخوي انا كتبت نبذة عن الموضوع يا ليت تقراها وتفيدني

[ريد قطر]

أختي ... برجاء مراجعة العقد مع الإستشاري جيدا .... فقد يكون من حقك فسخ العقد لعدم إلتزام الإستشاري بأي من بنود العقد .... كعدد الزيارات الشهرية أو مدة تواجدة بالمشروع أو خلافة.

بصراحة الاستشاري مب مقصر في شي وسبب فسخ العقد اني موقفه البنيان لفترة وان شاء الله بكمله
تسلم أخوي

[لطيف الروح]

بالنسبة للمشروع خاص ما يموله بنك التنمية ولا البنك
تسلم أخوي انا كتبت نبذة عن الموضوع يا ليت تقراها وتفيدني

اختي تم الرد على الخاص

[RAHA]

ما اعتقد ان الإستشاري
ممكن يرد مثل هذا الطلب
خلي الموضوع بصفه وديه
و لكن بكتب رسميه
طلب وقف إشراف مؤقت
و أخذي الرد بالموافقه

إذا الإستشاري معروف
ما أعتقد ان يبخل في مثل هذا الأمر

[ريد قطر]

ما اعتقد ان الإستشاري
ممكن يرد مثل هذا الطلب
خلي الموضوع بصفه وديه
و لكن بكتب رسميه
طلب وقف إشراف مؤقت
و أخذي الرد بالموافقه

إذا الإستشاري معروف
ما أعتقد ان يبخل في مثل هذا الأمر

هلا اخوي
انا كلمته واخوي ودي بس ما رضا
وانا قلت هالكلام من قبل

[ريد قطر]

منتظرة حد ايساعدني
:(

[بويوسف]

اختي الموضوع سهل العقد اللي كتبتيه ما مكتوب فيه شرط الانتهاء من العقد ؟

وبعدين انتي اذا ارسلتي الكتاب مش شرط يوقع عليه كفاية الاستلام بالبريد المسجل .. عاد وقع او ماوقع خلاص البريد المسجل يوصله لي مكانه ... وبعد الشهر يصير الانفكاك ..

[ريد قطر]

اختي الموضوع سهل العقد اللي كتبتيه ما مكتوب فيه شرط الانتهاء من العقد ؟

وبعدين انتي اذا ارسلتي الكتاب مش شرط يوقع عليه كفاية الاستلام بالبريد المسجل .. عاد وقع او ماوقع خلاص البريد المسجل يوصله لي مكانه ... وبعد الشهر يصير الانفكاك ..

طيب الكتاب انا كاتبته وهاي اول مرة لي فيه شروط لازم تتوفر في الكتاب والا عادي

[RAHA]

الشيخه
اعملي مسح (سكان) للكتاب
و طرشيه
و امسحي اسم الشكرة و اسمك
ابعثيه على العام او الخاص

[عابر سبيل]

هلا اخوي
بالنسبة لفقرة الغاء العقد مكتوب في الاتفاق انه يلزم اخطار الطرف الأخر كتابيا قبل فترة لا تقل عن شهر من تاريخ الغاءالعقد
***
***
ما لقيت حل الا اني استمر وادفع له



تحية
و ما قصروا الاخوان
و انا اشوف كلام استاذنا/راحه
هو الاسلم..يعني بالتفاهم
و ترا ..حسب كلامج اللي اقتبسته اعلاه..
العقد في صفج موب في صفه..

المهم..بالتفاهم...

وهذاج انتي تقولين ان العقد يعطيج الحق في فسخ العقد
و يعطيه هو الحق ان يجيه اخطار قبل تاريخ الفسخ بشهر..

قالعقد بينكما متزن..اذا تم تطبيق الشرط كما هو.

عليه...فالرسالة اللي اشاروا لها الاخوان
بالاعلى تكون بسيطه و واضحة
و اهم شي ان تاريخ انهاء العقد
هو بعد شهر..
و بعد ارسال الكتاب له..
لا تدفيعين له اي شي..
و هو بيسكت اصلا
لان المحكمة موب من صالحه
و لا تسوى عليه بهدلتها...

و في اصى الحالات..هو بيشرف على
مين اذا المقاول اصلا متوقف
و ما فيه انجاز..هو ياخذ اجره
بناء على هالأمر.

خلّيه هو اللي يروح للمحكمة اذا أصر..
و يتبهدل..

إلا ان كان بالعقد اللي بينكم اي شي يقف في جانبه
فهالشي لازم تحطينه لنا عشان اتجيج الآراء بشكل دقيق..

اذا ممكن تحملين العقد كمرفق او تسوين له "اسكان"
و تحطينه جدامنا بعد مسح المعلومات الخاصة..

اعتقد هالشي بيفيد المتابعين و بيفيدج اختي..
خاصة اذا كان في العقد شي مهم و انتي موب منتبهه له.

و بالتوفق!.

[ريد قطر]

فيه أشياء ما اقدر اقولها في العام وتخص البنيان :(

[ahmed jasim]

أختى عندى عقد مع الأستشاري وفيه 3 نقاط توحى بأنه مومحتاج عوار الراس ويبقى الفكية ولذلك للأطمئنان إبعثى له إشعار مسجل .

1)يقوم المالك بدفع مبلغ 1500 ريال للأستشاري طوال مدة التنفيذ نظير قيامه بالأشراف على عملية التنفيذ (مالم يتوقف العمل بإشعار من المالك بتوقف العمل).
2)يتم الدفع شهريا مقدما وفى حالة عدم الدفع عن شهرين متتاليين بدون سبب فإن المكتب سوف يتوقف عن الأشراف ويتم إبلاغ وزارة الشئون البلدية والزراعة بإلغاء الأشراف.
3)فى حالة توقف العمل بسبب خلاف بين المالك والمقاول فإن المكتب سيطلب من المالك بدل إشراف إذا كان العقد ساري المفعول مالم يطلب المالك فسخ العقد.

[ريد قطر]

ادفع له 2000 ريال
وقفت البنيان 5أشهر واتفقت معاه رضا بس الحين المقاول يشتغل في البنيان مع اني قايلة له ايوقف بس هو يبي ايخلص متفقة معاه عظم المشكلة هو يشتغل فلازم ادفع حق الاستشاري انا ابي الغي عقدي معاه احس ما عنده شغل ولا يسوي شي
في تفاصيل ما اقدر اذكرها واهي الي محيرتني

[بوحارب]

تقصدين الأستشاري المشرف على البناء !!

اخبر يوم كنت ابني اتصلت حق الأستشاري من اول يوم بدو فيه البنيان وقلت له استريح ولا تمر على موقع البناء الا لين ماتصلك

وعينك ماتشوف الا النور وماتصلت له الا عقب سنه وشهرين يوم خلصت البنيان ههههههههههههههههههههههههههههههه

ورحت للمكتب عندهم عقب البنيان ابي شهادة الأشراف عشان اكمل اجرائات البيت

وخذيت اورقة اخلاء طرف منهم مع اورقة التدقيق

الصراحة انه ماعترف في شي اسمة استشاري مشرف كلش كلش

واشرف على البنيان بنفسي وحتى ربعي دايما يتصلون لي عشان اشرف على بيوتهم <<< مهندس الغفلة

والله يعينج

[ريد قطر]

تقصدين الأستشاري المشرف على البناء !!

اخبر يوم كنت ابني اتصلت حق الأستشاري من اول يوم بدو فيه البنيان وقلت له استريح ولا تمر على موقع البناء الا لين ماتصلك

وعينك ماتشوف الا النور وماتصلت له الا عقب سنه وشهرين يوم خلصت البنيان ههههههههههههههههههههههههههههههه

ورحت للمكتب عندهم عقب البنيان ابي شهادة الأشراف عشان اكمل اجرائات البيت

وخذيت اورقة اخلاء طرف منهم مع اورقة التدقيق

الصراحة انه ماعترف في شي اسمة استشاري مشرف كلش كلش

واشرف على البنيان بنفسي وحتى ربعي دايما يتصلون لي عشان اشرف على بيوتهم <<< مهندس الغفلة

والله يعينج

ما شاء الله عليك
بس انت ريال تقدر اتروح وتشرف واكيد عندك خبرة لكن انا يا حظي غامرت وبنيت ولا اعرف شي والمشكلة وصلت لين العظم ومب قادرة اكمل
وهالاستشاري يقول لازم اشرف لين اخر مرحلة والله ما له لزمة ما يسوي شي
بحاول اسوي مثل ما قالولي اكتب كتاب مسجل بعد العيد والله كريم