طفل مخطوف .. هل الخبر صحيح او مجرد إشاعة

[Arab!an]

وصلني خبر من شوي عن طفل قطري مخطوف من أمام منزلهم البارحة ..


هل هذا الخبر صحيح او إشاعة .. وياليت حد يؤكده او ينفيه ممنهم متأكدين


على العموم انا فتحت الموضوع لآجل السؤال والاطمئنان فقط

[w.qatar]

الله يحفظ عيالنا ان شاء الله الخبر غير صحيح

[تحداني]

.. : ) ...
سيبدأ العد التنازلي بعد قليل ..

الله ينور طريقك ..
وهل تعتقد أن الجواب على السؤال ..
يؤكد حقيقه الحدث ..


الجميع ينتظر أدله ..
ودون دليل يكون الخبر مجرد خبر ..


وإثاره الرعب في قلوب الناس ..



جملك الله برضى الرحمن

[سوق واقف]

بلاك بيري اكيد اشاعه

[بواردي]

وصلني خبر من شوي عن طفل قطري مخطوف من أمام منزلهم البارحة ..


هل هذا الخبر صحيح او إشاعة .. وياليت حد يؤكده او ينفيه ممنهم متأكدين


على العموم انا فتحت الموضوع لآجل السؤال والاطمئنان فقط

اخوي

الحين سوالك يدعم الاشاعة ؟

[بدون زعل]

اشاعات البلاك بيري

[سوق واقف]

يا رب يكون الخبر غير صحيح

[Arab!an]

اخوي

الحين سوالك يدعم الاشاعة ؟

لا ابدا

بمجرد ما يدخل حد يثبت ان الموضوع اشاعه بيتقفل الموضوع ..


وان كان الموضوع صحيح ندعي للولد ولأهله ونتضامن معاهم ..



قد يكون في نشر الموضوع خير للولد ولأهله .. الا ان كان هناك مايمنع

[ريد قطر]

ايه وصلني بالبلاك بيري وكاتبين اسم الطفل بالكامل

[Arab!an]

ايه وصلني بالبلاك بيري وكاتبين اسم الطفل بالكامل

ما ينفي انه اشاعه .. اتمنى وجود حد من العارفين بالموضوع

[تحداني]

اشاعات البلاك بيري



.. إلا تلفون السوالف ..
..وحجي العجايز ..

[غناتي1]

يا ويلكم من غرامة الاشاعات ومروجيها

الله يحفظ عيالنا جميعا

[%حورية قطر%]

وانا نفس الشي وصلني ع البلاك بيري مع اسم الولد كامل

[ريد قطر]

ايه الخبر اكيد توني متأكدة وعمره 13 سنه

[مناحي السادس عشر]

الله يحفظه هالولد يارب




ياخي لازم ادخل عالم البلاك بيري

[Arab!an]

ان كان في الامر اشاعه و احدكم متأكد انها اشاعه يقول ان السالفه اشاعه خلونا نوضح للناس انها اشاعه .. وانا اول واحد بقول انها اشاعه .. وبكتب هالشي في البيري وبنشره


بعد بيكون لنا وقفه في الحالتين


على العموم .. مازلت انتظر احد العارفين بالموضوع .. او يترك الامر للأدارة

[Arab!an]

ايه الخبر اكيد توني متأكدة وعمره 13 سنه

اختي اتعرفين هله ؟ ومتأكده من الخبر ؟

[ريد قطر]

ايه في الريان توني متأكده من هله

[alrheeb2020]

الله لا يقول ..!!

[alrheeb2020]

ايه في الريان توني متأكده من هله

يعني الخبر صح !!! :omg:

[Arab!an]

ايه في الريان توني متأكده من هله


طيب ياريد .. مشكورة على التوضيح ..



الله يرده لهله ويستر عليه ويحفظه لهم



اتمنى وجودج مرة ثانيه في حال سمعتى أخبار طيبة عنه .. طمنينا

[%حورية قطر%]

لا حول ولا قوة الا بالله

الله يرده لاهله :(

[سداوي&مدريدي]

لاحول ولاقوة الا بالله

أتمنى انها أتكون اشاعه

وعندي احساس انه يلعب بلاي ستيشن في بيت الجيران

ان شاء الله يطلع احساسي صح :(

[زمردة]

لا حول ولا قوة الا بالله

[غزلان]

لا حول ولا قوة الا بالله

الله يحفظه ويرده لهله

خفت بصراحه شلون بنام:eek5:

[المتضرعه لله]

وصلني خبر من شوي عن طفل قطري مخطوف من أمام منزلهم البارحة ..


هل هذا الخبر صحيح او إشاعة .. وياليت حد يؤكده او ينفيه ممنهم متأكدين


على العموم انا فتحت الموضوع لآجل السؤال والاطمئنان فقط


الخبر وصلني وصح

لكن مب خطف هو مختفي اثر خلاف مع اخيه

نسال الله ان يرده لامه واهله واكيد هو عند احد من معارفه او اصدقائه

ياليت احد يطمنا عليه

[حدالكلمه]

اللهم في هذه الايام الفضيله -- ان ترد الطفل الضائع الى اهله معافي -- اللهم امين

[Arab!an]

الخبر وصلني وصح

لكن مب خطف هو مختفي اثر خلاف مع اخيه

نسال الله ان يرده لامه واهله واكيد هو عند احد من معارفه او اصدقائه

ياليت احد يطمنا عليه


مشكورة على التوضيح اختي المتضرعه ..


كلامج هذا هو أول التطمينات ..

[alrheeb2020]

الله يرده بالسلامه ويحفظ اعيال المسلمين والمسلمين من كل سوء

[Toomy]

الخبر صحيح بس مش خطف هو كان متهاوش مع اخوه و طلع الولد من البيت بعد المغرب و لين الحين ما لقوه وهالكلام من مصدر موثوق من هله ,الله يرده لاهله سالم والله حاتيه من دريت بالسالفة الله يحفظه لايكون ركب مع حد في سيارة او صار فيه شي..كثروا العزوب و كثروا أصحاب المشاكل في البلاد..
بس انا أقول ان شاء الله يكون منخش في مكان مع انهم دوروه في كل مكان ما لقوه

[سوق واقف]

الخبر صحيح هو كان متهاوش مع اخوه و طلع الولد من البيت بعد المغرب و لين الحين ما لقوه وهالكلام من مصدر موثوق من هله ,الله يرده لاهله سالم والله حاتيه من دريت بالسالفة الله يحفظه لايكون ركب مع حد في سيارة او صار فيه شي..كثروا العزوب و كثروا أصحاب المشاكل في البلاد..
بس انا أقول ان شاء الله يكون منخش في مكان مع انهم دوروه في كل مكان ما لقوه

يا خوي طمنا أذا في شيء جديد اي خبر تكفى يا خوي والله خبر جداا حزين بس بإذن الله يككون عند أحد من ربعه أو قرايبه :weeping:

[Arab!an]

وصلني خبر انهم عينوه.. حد يأكد الخبر

[الوهاااااج]

الخبر صحيح وسبب ذلك خلاف مع احد اخوانه وهو زعلان فقط لا غير وليس مخطوف وهذي كل السالفه وسلام عليكم

[Toomy]

يا خوي طمنا أذا في شيء جديد اي خبر تكفى يا خوي والله خبر جداا حزين بس بإذن الله يككون عند أحد من ربعه أو قرايبه :weeping:

والله و انا اختك من المغرب اتصل و ارسل رسايل ولاحد يرد بس اطمأنوا حتى لو الفجر إن شاء الله باجيب لكم الخبر الأكيد.

[سداوي&مدريدي]

وصلني خبر انهم عينوه.. حد يأكد الخبر

ان شاء الله يطلع الخبر صحيح ويلقونه :nice:

شكله بينضرب :(

[Arab!an]

الوهاج تومي المتضرعه .. الف شكر لكم ..

وياليت تتأكدون من الخبر الجديد

[Arab!an]

خبر البيري "الولد حصلوه في بيت خالته"


صحيح ؟

[طواش]

خبر البيري "الولد حصلوه في بيت خالته"


صحيح ؟

الحمد لله

لكن يا جماعة أكدوا على أهله قبل ما يعاقبونه يعرفون دوافعه ويتأكدون أنه أدرك واستوعب

مدى قلقهم عليه وحبهم له .

[Toomy]

خبر البيري "الولد حصلوه في بيت خالته"


صحيح ؟

ماادري والله انا قلت لهم اكيد منخش بس الظاهر الجماعه تعبوا وانهد حيلهم من كثر ما يدورونه و ناموا هذا إذا جاهم نوم...الله يكون بعونهم و يكون خبر أنهم حصلوه صحيح.

[Arab!an]

حتى انا يالرويس =)

[Arab!an]

خلاص اغلقوا الموضوع يا ادارة الولد لقوه .. والحمدلله على سلامته

[بوخالد911]

الحمدلله

[E L L E]

اي الخبر صحيح من امس طالع زعلان من البيت ومنخش ف بيت خالته والاهل الله العالم بحالتهم مساكين الله يكون بعوونهم يارب الام تعبت وشوي وتستخف لولا حفظ الله

اللي سواااه البزر انا اعتبره بزر عمره 13 هذا كله من الدلع والا شفيها لو ادبه اخووه علشان دراااااسه الله يعينهم ان شااااااء الله

الجماعه نعرفهم معرفه شخصيه واللهم لك الحمد


الرجاء اغلااااااق الموضووع

[alrheeb2020]

الحمدلله على سلامته

[ودي أكون]

واشدعوه العالم كلها درت ان الولد زعلان وطالع من البيت ويالسين يدورونه .. وبيت خالته ماخبروا امه وابوه ان هو عندهم !!

بصراحه

لا تعليق هه ..

[ام الحلوين]

جعله مايرضى كان زعلة سبب روع امه وهله
لااااااااااابد مش تصرف قامت الدوحه وقعدت من الروع عليه

[!الشايمه!]

صحيت من النوم... وشكثر سوالف ع البي بي:)<< فاتها الاكشن

الله يحفظه...والله الجهال صايرين حساسين ...ومقابل هالافلام
يحط براسهم افكار غريبة....


تحية

[كازانوفا]

نزلو اسم الولد بالكامل يلاااااا اذا كان الخبر صحيح

[هتـان قطر]

الصراحة عشنا لحظات من الخوف البارحة..

خطف مرة وحدة..؟؟ صحيح الدنيا ما عاد فيها أمان

لكن ولله الحمد ما وصلنا الى هذه الدرجة ..

انا على طول قلت اكيد منخش في مكان

اهم شي الحمدلله على سلامته..خاطري اعرف وش سوو فيه :telephone:

[ملسونه]

ياحليله ذكرني بايام الطفوله

انخشيت انا واخوي في زاويه فالبيت والله قعدوا يدورونا ساعات

حمدلله ع سلامته .. ^_^

[ودي أكون]

نزلو اسم الولد بالكامل يلاااااا اذا كان الخبر صحيح

ياحبك للسوالف :anger1:

[حراير قطر]

شالسالفه هاذي الصراحة

اللي كتب يقهر فيه فرق بين المخطوف

وانه متزاعل مع اخوه وطلع من البيت

وهاذي خالته ليش ما اتصلت على اهله

اتقولهم ولدكم عندنا تعالوا خذوه والوقت تأخر ووراه مدرسه

شكلهم يبون يسون اكشن في البلاد ...

صج صج ما عندهم سالفه

احنا بروحنا خوافين وبعد نسمع باخبار سخيفه

وبسنا اتعيشونا بقلق وحاله والله

[مسلمة]

هاي من مساوئ البلاك بيري

وكل واحد يبي يكون مراسل الأسهم القطرية وينزل أي خبر

[بوجاسم 75]

الحمدلله على سلامته

[خوي الشوق]

وايد الي يزعلون اذا كل مازعل حد طلع من البيت عيل البيوت بتخلى من الناس

[تميم 2002]

الحمد لله الخبر اكيد والحمد لله انه وصل ورجع لاهله بالسلامه ححححححححافظو على عيالكم فهم امانه

[جاسم القطري]

اتمنى اللي توصله مثل هالاخبار انه ما يقعد يرسلها ويسووي برودكاست

اشاعات وايد تطلع وتصير حاله من اثاره الذعر والقلق

في جهات مسئوله في الدوله مختصه بمثل هاذي المواضيع

يعني لو قعدنا ننشر هالخبر في البلاك بيري تتوقعون بنلقاه بسرعه

ولا بنسوي حمله تدور في الفرجان وتنادي عليه لين يلقوونه


شغلوا مخكم شوي

[ولدالمنتدي]

الله يحفظ عيالنا ان شاء الله

[Toomy]

الولد كان منخش عند رفيجه في السيلية ومالقوه الا الصبح هذي المعلومات من هله.

[alrheeb2020]

الولد كان منخش عند رفيجه في السيلية ومالقوه الا الصبح هذي المعلومات من هله.

واهل رفيجه شيسوون :anger1::anger1:

[الشاااهين]

حمدلله على سلامته

[ضوى]

يعني ولد وعمره 13 سنة وينخطف هاي مصيبة

[ضوى]

الموضوع مش محبك ابدا

[اسير الاوهام]

والله العظيم ماعرفنا ..
هو عند خالته ولا عند رفيجه ولا شنو بالضبط ؟؟؟؟
وبعدين شجاب خالته عند رفيجه ؟؟؟؟؟؟؟؟
ولو عند خالته ليش ماعلمتهم ؟؟؟
ولو عند رفيجه في السيليه .. شلون وصل هناك وهو عمره 13 سنه ؟؟؟
راح مشي ولا في كروة ؟؟؟

[Toomy]

والله العظيم ماعرفنا ..
هو عند خالته ولا عند رفيجه ولا شنو بالضبط ؟؟؟؟
وبعدين شجاب خالته عند رفيجه ؟؟؟؟؟؟؟؟
ولو عند خالته ليش ماعلمتهم ؟؟؟
ولو عند رفيجه في السيليه .. شلون وصل هناك وهو عمره 13 سنه ؟؟؟
راح مشي ولا في كروة ؟؟؟

مالها خص خالته كان عند رفيجه و أنا خذت الخبر منهم بمسج بس أكلمهم و أرد لكم خبر بس خالته مالها دخل في السالفة كلش و لا هو بمخطوف ولا شي هو بس كان متزاعل مع اخوه..واللي ما يبي يصدق براحته هالسالفة صج مب كذب لان لو شايفين حالتهم هاليومين ما قلتوا هالكلام.. و هو خلاف عادي بين اخوان بس اللي مش عادي انه ينخش عند رفيجه و في منطقة مش منطقتهم.

[روح الشمال]

والله اليوم الربع يسولفون في الدوم وقالوا من القبيلة الفلانية مخطوف من عند الباب على قولتهم !!!

يعني كل السالفة ( يقولك ويقولون )



وانشاءاللة الموضوع إشاعه

[اسير الاوهام]

مالها خص خالته كان عند رفيجه و أنا خذت الخبر منهم بمسج بس أكلمهم و أرد لكم خبر بس خالته مالها دخل في السالفة كلش و لا هو بمخطوف ولا شي هو بس كان متزاعل مع اخوه..واللي ما يبي يصدق براحته هالسالفة صج مب كذب لان لو شايفين حالتهم هاليومين ما قلتوا هالكلام.. و هو خلاف عادي بين اخوان بس اللي مش عادي انه ينخش عند رفيجه و في منطقة مش منطقتهم.


متابعين