المساعد الشخصي الرقمي

مشاهدة النسخة كاملة : هل غسيل السياره بل ماي من الداخل يأثر على جلد السياره ؟


qatari-vip
24-11-2009, 07:45 PM
السلام عليكم

استفسار

بخصوص غيسل السياره من الداخل

والاسيات جلد هل الماء يأثر على الجلد

لا ني وديتها مغسله وقالي بغسلها بل ماي والصابون ؟

وانا خااايف لا يخترب الجلد من المااي

او اغسلها بي مواد خاصه

سؤال لااهل الخبره

لا هنتو
المريش
24-11-2009, 08:24 PM
نصيحة لا تغسل الجلد الا عند مكان متخصص
اما واحد يلعبلك بالجلد
لان الجلد اذا انغسل بالماي ولا نشف زين بتطلعله ريحه تكرهك بالموتر
سطح القمر
24-11-2009, 10:50 PM
اخوي انا غسلت موتري من داخل بماي سمعت نصيحة واحد من الربع وياليتني ما سمعت النصيحه تقطع الجلد كله اما بخصوص الريحه ماطلعت عندي ريحه بس الجلد رااااح وطي متقطع ومتشقق
الـخـور
25-11-2009, 06:22 AM
في مواد خاصة لغسيل الجلد تلاقيهم بمحلات الزينه
واذا تبي مكان متخصص لغسيل الجلد عندك زيبارت
يغسلون الجلد ويحطون طبقة عازلة عليه عشان مايتوصخ بسرعة

احسن شي بعد ماتغسل الجلد .. تسوي تفصيل خلق على الكراسي وتلحفهم لان جونا صراحة مب مال جلد
بوعمير
25-11-2009, 06:38 AM
أخوي الجلد عمره ما ينغسل بماي ابداً .. فيه مواد مخصوصة حق تنظيف الجلد (بخاخ ومعجون) بتعينها في محلات الاكسسوارات الخاصة بالمواتر، وموفق خير.
Index Signal
25-11-2009, 06:52 AM
حسبي الله عليك ياللي قلتلي غسل سيارتك عند الصقر..!!

عبالي شركه محترفه عطيته السياره و مشيت و لما رجعت مطلع السيتات بالشارع أسأله ليش يقول تنشيف..!!

الأخ غاسلهم بماي و صابون شقق الجلد .. و المشكله الموتر الماني و الجلد طبيعي يعني لازم يكون عارف الفرق بينه و بين جلد العراوي الصناعي ..!!

والله كل ما أركب موتري أدعي عليه .. قسم بالله ناس ما تفتهم شغلها يشتغلون أي شغله عشان الفلوس بدون خبره .
qatari-vip
25-11-2009, 10:20 PM
يعطيكم العافيه

وبيض الله وجيهكم

انا والله متردد بس وااحد من الربع قالي عاادي بس انا ماارااح اغسل الجلد لا بمواد خااااصه

لا هنتو على التواجد
qatari-vip
25-11-2009, 10:21 PM
حسبي الله عليك ياللي قلتلي غسل سيارتك عند الصقر..!!

عبالي شركه محترفه عطيته السياره و مشيت و لما رجعت مطلع السيتات بالشارع أسأله ليش يقول تنشيف..!!

الأخ غاسلهم بماي و صابون شقق الجلد .. و المشكله الموتر الماني و الجلد طبيعي يعني لازم يكون عارف الفرق بينه و بين جلد العراوي الصناعي ..!!

والله كل ما أركب موتري أدعي عليه .. قسم بالله ناس ما تفتهم شغلها يشتغلون أي شغله عشان الفلوس بدون خبره .

الله يعينك ويعوضك خيير نشالله

كاان رحت مكاان مختص

المهم ليكون اختر عليك الجلد ؟
Index Signal
25-11-2009, 10:32 PM
الله يعينك ويعوضك خيير نشالله

كاان رحت مكاان مختص

المهم ليكون اختر عليك الجلد ؟


إخترب و نشف و تشقق و نفسي عافت الموتر ..

أنا شاورت الإخوان في المنتدى و كثير منهم إنصحوني بالصقر مع إني لما شفته شكله مغسله عاديه ..

كغسيل سياره من الخارج الشغل ١٠٠٪ .. لكن تنظيف داخلي أو تلميع خارجي بصراحه فااااشله ..

أفضل شي للتنظيف الداخلي هو الوسام وديتله موتري الثاني طلعه لي وكاله .
نيساني
26-11-2009, 10:37 PM
تحمَل بيخترب الجلد!
aldeem
26-11-2009, 11:44 PM
اول شي الله يعوض عليك خراب الجلد وثاني شي الوسام وكيل مواد تعبر الافضل فى السوق والدليل على ذلك انا رحت وكالة الاودي القديمه الدرويش وسألت مديرهم اسمه عمر عن المواد الي يستخدمونها بعد صبغ السياره وطلع يشترون المواد من الوسام والي ممصدق ايروح ويسأله اما الصقر فاماحط فى ذمتي مادري شالمواد الي يستخدمها واسمحولي طولة عليكم
QaTaRViP
27-11-2009, 10:57 AM
كل عام وانت بخير اخوي وعيد عليك مبارك اخوي في اماكن مخصصه للغسيل من الداخل عندك محل اسمه الوسام ع طريق سلوي قريب من دوار الجزيره اذا ماخب ظني وفيه واحد بعد عند معرض الجوارح لسيارات اسمه المستقبل ع ماظن .. هو في صفت المعارض والسموحه ع الازعاج والله يوفقك ويوفق الجميع......تحياتي لك
qatari-vip
27-11-2009, 02:10 PM
عيدكم مباررك

وبيض الله وجيهكم