ماخذ بشتك ... شايل خضرتك .... راكب قطارك.....((( صور شبكة قطار قطر ))) الله يبلغنا!!!

[مستثمر رشيد]

http://farm3.static.flickr.com/2470/4128602981_287e316e7b.jpg

http://farm3.static.flickr.com/2796/4129371976_fdc02362c4.jpg

http://farm3.static.flickr.com/2524/4128606597_c3e450e2a8.jpg

http://farm3.static.flickr.com/2682/4129374346_1e9ae8eaac.jpg

http://farm3.static.flickr.com/2488/4129374780_e999997959.jpg

http://farm3.static.flickr.com/2626/4129375242_1de810b8dc.jpg

[رجل الجزيرة]

ما شاء الله تبارك الله ولا قوة إلا بالله.

[GULFSUN]

ما شاء الله تبارك الله ولا قوة إلا بالله :nice:

الالوان توحي بان كروه لها يد في الموضوع :)

[ودي أكون]

يخوفي يصير نفس قطار دبي صار حق الهنود من كثرهم :tease:

قصدي مترو :tease:

[ورقــة أمــل]

واحنا بس كله نقلد

ماعندنا افكار يديدة

[موضي قطر]

بس السؤال متى بيخلص ؟؟

وهل الشركات المكلفة بإقامته جاهزة لاستلام مشروع كهذا ؟؟

[السهم الكلاسيكي]

قطار دبي يخدم خمسين منطقة سكنية وقتصادية

قطارنا كم منطقة بيخدم ؟؟؟؟؟؟؟؟؟؟؟

[كازانوفا]

اظن على 2015 ويمكن 2020
مش متذكره بالضبط بس لا تخااااف الايام تركض بشكل جنوني ومش حاسين فيها للاسف الشديد ربي يحسن خاتمتنا ومشكور اخوي على الصور الحلوه

[عضو المنتدى]

يا ريال هالمنظر مب موجود في ألمانيا بسونا لنا !!

رحت المانيا وشفت قطارات عادية مب مثل إللي في الصورة الخيالية .

[شيط ويط]

إلى الامام ان شاء الله .. مشروع اكثر من رائع .. وبيخفف الزحمه اللي الكل يشتكي منها :nice:

مشكور اخوي على الصور

[Doha Sun]

2015 او 2020 ان شاء الله ربي يكتب لنا عمر..,

[زهرةالسوسن]

:توني اشوفه واقول حق ولدي لصغير هذا قطار بيسوونه عندنا بقطر والله كان هذا رده
(ليش يسوون في قطر قطار قطر اصغيره نقدر نوصلها بالسياره ) والله ما زدت على كلامه شي وللعلم هو عمره ثمان سنوات حتى ما كملها:rolleyes2:

[سداوي&مدريدي]

ما شاء الله تبارك الرحمن .. بالتـوفيق لبلادي

والشركه الي بتمسك المشـروع من ألمانيا وتم توقيع العقد معاها

[سداوي&مدريدي]

أسمح لي يا صاحب المـوضوع ..

شركة المانية توقع عقدا لتأسيس شركة تطوير سكك حديد قطر بقيمة 25 مليار دولار
2009:11:23.13:16


وقعت شركتا ((الديار)) القطرية للاستثمار العقاري و((دويتشية باهن)) الالمانية يوم الاحد / 22 نوفمبر الحالى / 2009 عقد شراكة استراتيجية لتأسيس شركة تطوير سكك الحديد القطرية برأس مال يقدر بحوالي 25 مليار دولار. :eek5:

وذكرت وكالة الانباء القطرية ان "رئيس الوزراء القطري الشيخ حمد بن جاسم بن جبر آل ثاني ووزير اتحاد النقل الالماني شهدا التوقيع على عقد الشراكة الاستراتيجية بين شركتي الديار القطرية ودويتشية باهن الالمانية لتأسيس شركة تطوير سكك الحديد القطرية برأس مال يقدر بحوالي 25 مليار دولار امريكي".

وقال وزير الدولة للتعاون الدولي القطري خالد بن محمد العطية، إن توقيع العقد سيعزز أواصر الشراكة ويساهم بفعالية فى تمتين أوجه التعاون بين قطر وألمانيا ويكرس من تضافر جهود شركتينا الرائدتين كل في مجالها، لافتا الى ان شركة الديار القطرية تعد الذراع الرسمية للاستثمار العقاري لهيئة الاستثمار القطرية.

واضاف "ان دويتشة بان هي شركة رائدة وسباقة عالمياً في تطوير وبناء أحدث نظم شبكات السكك الحديدية المتطورة في العالم"، مشيرا الى ان التعاون المشترك بين الشريك الألماني وقطر سيفجر ثورةً جديدة في مجال النقل والمواصلات. (شينخوا)

[المستقل]

الله يوفق القائمين عليه لما فيه مصلحه قطر

[هتـان قطر]

اللي له عمر بيلحق عليه وبيشوفه..الله يبلغنا

[JCJJJ]

حلوة ماخذ بشتك ... شايل خضرتك .... راكب قطارك.....((( ههههههههههههه:nice:

[الألماسي]

الله يوفقهم و يخلص و يخدم الاجيال القادمه . .

بس اخواني ما تلاحظون ان جيلنا (( أنـانـي )) . .!!

يبي كل شئ لـزمنه فقط . . و نسـى جيـل عياله و أحفاده . .!

:)

[عضو المنتدى]

قطار دبي يخدم خمسين منطقة سكنية وقتصادية

قطارنا كم منطقة بيخدم ؟؟؟؟؟؟؟؟؟؟؟

لليحين ... جواب غير معروف ...؟؟:weeping:

[براتزية برازيلية]

ممم نايس بس للاسف ماراح الحق اشوفه
شكرا ع نقل الخبر

[butterfly qatar]

إلى الامام دايماً ان شالله

ماشالله شكله مشروع رهيب

وقطر تتخطط مشاريعها وتنفذها ماشالله

والي يقولون تقليد ..
مافيها شي نقلد ف الشي الزين يعني الحين يوم بنسوي قطار قلدنا غيرنا
لو على سالفة التقليد جان الحين عايشين في خيام مب بيوت عشان مانقلد الغير....؟

[ملسونه]

مشالله

بس بعرف هو وين بيكون ..

ومتى بيخلص ؟؟


شكله الجسر بيخلص قبله


يعطيك العافيه ع الصور

وشكله بيصير قطار كروه



لا هنت

[doha1]

مشروووع ممتاز ونتمنى يسهم في حل هالازدحام الرهيب اليومي

[هدهد سليمان]

ما ادري يقولون 2015 الله كريم .. لكن مشروع طيب يخفف الزحمه

[الخفي]

للتوضيح : المشروع سكه حديد للنقل بين دول الخليج واسيا عبر قطر

وللتنقل بين بعض المناطق والمناطق الحيويه مثل المدينه التعليميه ولوسيل

وليس قطار للتنقل بين مناطق الدوحه هذا مالمسته من التقرير ممكن اكون غلطان

اتمنى ان تكون معلوماتي غلط

[فتى الجود]

ما شاء الله تبارك الله ولا قوة إلا بالله

نسأل الله العلي القدير

ان يولى هذا المشروع ناسٌ أكفاء يخافون الله
في لقتمهم ويعملون بما يرضي الله
وأن لايتعطل المشروع كما تعطلت الكثيرمن
مشاريع الدولة بسبب ...............

[عازف الاورج]

ههههههههههه الله يعطينا طوله العمر

يعني بنصير شياب هههههه

[toota]

هوى قطار محلي
او للسفر من دوله لاخرى

[ولد البدع]

الله يلحقنا خير إنشاء الله

[ريم المدينة]

مسخرة...

قاعدة اتخيل المنظر...قطريين ونركض ورا القطار لايروح عنا خخخ

[BuFaisal]

ما احب اكون متشائم
بس اتمنى نتعلم دروس من تجربة دبي ولا ننتظر لين نطب مثلهم

[امل الحب]

ما احب اكون متشائم
بس اتمنى نتعلم دروس من تجربة دبي ولا ننتظر لين نطب مثلهم

مابزيد عليك :)

بس احنا فينا عيب مانتعلم من الخطأ ونعدل عليه .. لا لازم نروح ونجربه بنفسنا ..

[alrheeb2020]

اظن على 2015 ويمكن 2020
مش متذكره بالضبط بس لا تخااااف الايام تركض بشكل جنوني ومش حاسين فيها للاسف الشديد ربي يحسن خاتمتنا ومشكور اخوي على الصور الحلوه

:shy:
---


اخاف ينقرض فيه القطري نفس اللي ساير في باصات كروه

[مساهم عادي]

شي جميل ورائع ان تكون لدينا شبكة قطارات حديثة ومتطورة ..

ولكن السؤال الأهم ..

ماذا عن شبكة الطرق والجسور والأنفاق للسيارات ؟؟؟؟؟؟؟؟؟؟؟؟؟؟؟؟؟؟؟؟؟؟؟

[امل الحب]

شي جميل ورائع ان تكون لدينا شبكة قطارات حديثة ومتطورة ..

ولكن السؤال الأهم ..

ماذا عن شبكة الطرق والجسور والأنفاق للسيارات ؟؟؟؟؟؟؟؟؟؟؟؟؟؟؟؟؟؟؟؟؟؟؟

لاتحاتي .. حتى اشعار اخر .. القطار اولى

[rma1g]

قصدك ماخذ وزارك

[ولد النواخذه]

صور رائعه نتمنى نشوفها على ارض الواقع

[بوخالد911]

بوركت الجهود الطيبة

[وحيد-الشوق]

قصدك ماخذ وزارك

من زمان ماضحكت هههه

خل الشوارع تخلص ومطارنا الي من زمان نسمع عنه يخلص :telephone:

وعقب لاحقين عالقطار

:)

[مرتبش]

السلف تلف

[halcrow]

ما احب اكون متشائم
بس اتمنى نتعلم دروس من تجربة دبي ولا ننتظر لين نطب مثلهم

الشاطر هو اللي يتعلم من اخطاء غيره

[هبوب الشمال]

يالله يارب انه ما يستوي هالمشروع وانه يتوقف من بدايته وقبل لا يصرفون عليه اي ريال

يالله ياكريم

عشان يرصفون شارع يكسرون 1000 شارع

عشان يسوون هالمحطه كم مدينه بيعطبون لهم وكم شارع

؟؟؟؟؟؟؟؟؟؟؟؟