يامدير المرور بخصوص اشارة محطة بوهامور (تولع على طول حمرا )6000 ريال

[محمد 2002]

السلام عليكم ورحمة الله وبركاته

الى مدير المرور بخصوص الاشارة الضوئية الي امام محطة بترول ابوهامور (منزل الشيخ فالح)

للعلم الاشاره تولع من اخضر الى اصفر الى احمر في ثواني


عكس الباقي من الاخضر وبعدها تطفي وتولع ثلاث مرات وعقبها اصفر واحمر

كم مره وانا امر عليها احصل ارتباك كامل قدام الاشاره حتى وهي خضرا الكل خايف يطوف وتولع فجئه


يرجى تصحيح الوضع في المكان لتجنب الحوادث والمخالفات

وشكراً

[عضو المنتدى]

أغلب ألأشارات يبغيلها إعاده النظر فيها ونفس الشي من إللي قلته .

ويعطيك الف عافية

[حـــنـــان]

وفي وحدة من الاشارات اللى تكون على اليسار كأنك بتروح ساعات تسمح بمرور سيارتين فقط وعقب تسكر حمرا ..غير الرادار شغال عمال على بطال يلقط ارقام السيارات

[شبح الصمت]

الله يعينا والله ..
انا توني مراجع المرور امس واليوم عشان مخالفة اني قطعت الاشارة والسبب انه وراي اسعاف واوكي ورحت للضابط وقالي خلاص روح وشيك بكره فالنت وبتحصلها مشلولة ،، وشيكت على النت الا شل مخالفة 6آلاف ريال وخلو لي مخالفة 500 ريال رحت اراجع كل واحد يوديني للثاني كل لين وصلت لضابط اخرتها قالي جزاه الله الف خير انه عطاك 500 ؟؟ ؟؟؟؟؟ اشدعوه يالربع الحين انا مب غلطان ويقولون لي هالكلام يعني نخلي الاسعاف والي فيه يموت ؟؟ والله حترنا نسوي الصح نطلع غلط ..
:omen2::omen2:

[الهـواوي]

ياريال شتسوي

[بوخالد911]

يوميا أمر عليها


ويفضل لو ركبوا عداد تنازلي للثواني
يبدا مثلا من 40 ثانية - 0

اسوة بدول جنوب شرق آسيا


مسيوو/ بوخالد911

[Al- noor]

لا حياااة لمن تنادي

[jajassim]

الله يعينا والله ..
انا توني مراجع المرور امس واليوم عشان مخالفة اني قطعت الاشارة والسبب انه وراي اسعاف واوكي ورحت للضابط وقالي خلاص روح وشيك بكره فالنت وبتحصلها مشلولة ،، وشيكت على النت الا شل مخالفة 6آلاف ريال وخلو لي مخالفة 500 ريال رحت اراجع كل واحد يوديني للثاني كل لين وصلت لضابط اخرتها قالي جزاه الله الف خير انه عطاك 500 ؟؟ ؟؟؟؟؟ اشدعوه يالربع الحين انا مب غلطان ويقولون لي هالكلام يعني نخلي الاسعاف والي فيه يموت ؟؟ والله حترنا نسوي الصح نطلع غلط ..
:omen2::omen2:

ممكن رقم سيارتك ،، :victory:

[jajassim]

السلام عليكم ورحمة الله وبركاته

الى مدير المرور بخصوص الاشارة الضوئية الي امام محطة بترول ابوهامور (منزل الشيخ فالح)

للعلم الاشاره تولع من اخضر الى اصفر الى احمر في ثواني


عكس الباقي من الاخضر وبعدها تطفي وتولع ثلاث مرات وعقبها اصفر واحمر

كم مره وانا امر عليها احصل ارتباك كامل قدام الاشاره حتى وهي خضرا الكل خايف يطوف وتولع فجئه


يرجى تصحيح الوضع في المكان لتجنب الحوادث والمخالفات

وشكراً

شكرا لك على هالملاحظة ،،

:victory:

وانتظر الرد ، :nice:

[شبح الصمت]

ممكن رقم سيارتك ،، :victory:


اشكرك ياخوك على انك تبي تساعدني بس يا هل ترى بتساعدني والا بس بتسأل جزاك الله الف خير ولا راح يصير شيء .. لاني ناوي ادخل على محمد بن سعد الخرجي - مدير المروربعد العيد وبشرح له موضوعي

[jajassim]

اشكرك ياخوك على انك تبي تساعدني بس يا هل ترى بتساعدني والا بس بتسأل جزاك الله الف خير ولا راح يصير شيء .. لاني ناوي ادخل على محمد بن سعد الخرجي - مدير المروربعد العيد وبشرح له موضوعي

الله يوفقك ، :nice:

[بن علان]

الله يوفقك ، :nice:

طول بالك اخوي جاسم .. صار الموضوع عام وكلنا نبي نعرف شسالفة الـ 500 ريال

يقول انه قطع الإشارة عشان سيارة الإسعاف تمر وخالفوه 500 ريال بدل 6000 ريال

هل هذا الكلام صحيح .. نبي نفهم

شخصيا اتوقع إنها مخالفة رادار قديمة ما سددها :telephone:

[شبح الصمت]

طول بالك اخوي جاسم .. صار الموضوع عام وكلنا نبي نعرف شسالفة الـ 500 ريال

يقول انه قطع الإشارة عشان سيارة الإسعاف تمر وخالفوه 500 ريال بدل 6000 ريال

هل هذا الكلام صحيح .. نبي نفهم

شخصيا اتوقع إنها مخالفة رادار قديمة ما سددها :telephone:


لا اخوي مب مخالفة رادار قديمه ولا شيء ،، على كلامهم انه يعني شلينا منك 6آلاف وحطينا لك بـ 500 ريال ؟؟؟؟؟؟؟؟ ليش دام شلو مني المبلغ الكبير وانا مب غلطان ليش خلو 500 ابي افهم هالشيء ممكن يوضح لي اخوي جاسم

[doha1]

كثير من الاشارات فيها سلبيات وحلو انك فتحت الموضوع

واخونا جاجاسم خير سفير لتوصيل هالطرح بارك الله فيك اخو دنيا

واتمنى طرحك يفتح العيون ع كل الاشارات لمتابعتها بشكل دقيق

[بنت قطر202]

خبركم احين في رواتب والمرور تلاقيهم يبون يجمعون من الاشارات والا من اي مخالفه بسيطه على طول مخالفه

[الرويـس]

لا اخوي مب مخالفة رادار قديمه ولا شيء ،، على كلامهم انه يعني شلينا منك 6آلاف وحطينا لك بـ 500 ريال ؟؟؟؟؟؟؟؟ ليش دام شلو مني المبلغ الكبير وانا مب غلطان ليش خلو 500 ابي افهم هالشيء ممكن يوضح لي اخوي جاسم

من صجك ؟؟

يعني لو وراي اسعاف وتبي تمر وانا قدامها ، أقوم انا واقطع الاشارة
عشان اسعاف المريض ( وأُكافأ ) بغرامة 500 ريال !!!! :eek5:

عنها ما وصلت :anger1:

[شبح الصمت]

من صجك ؟؟

يعني لو وراي اسعاف وتبي تمر وانا قدامها ، أقوم انا واقطع الاشارة
عشان اسعاف المريض ( وأُكافأ ) بغرامة 500 ريال !!!! :eek5:

عنها ما وصلت :anger1:




والله ياخوك هذا الي صار معاي ولا زدت والا نقصت في اي كلمة بس الله يخليه بوسعد بدخل عليه ان شاء الله بعد العيد وبينصفني

[العلم الوكاد]

الله يعينا والله ..
انا توني مراجع المرور امس واليوم عشان مخالفة اني قطعت الاشارة والسبب انه وراي اسعاف واوكي ورحت للضابط وقالي خلاص روح وشيك بكره فالنت وبتحصلها مشلولة ،، وشيكت على النت الا شل مخالفة 6آلاف ريال وخلو لي مخالفة 500 ريال رحت اراجع كل واحد يوديني للثاني كل لين وصلت لضابط اخرتها قالي جزاه الله الف خير انه عطاك 500 ؟؟ ؟؟؟؟؟ اشدعوه يالربع الحين انا مب غلطان ويقولون لي هالكلام يعني نخلي الاسعاف والي فيه يموت ؟؟ والله حترنا نسوي الصح نطلع غلط ..
:omen2::omen2:

انا لو مكانك اروح مدير المرور والضابط يا اما انه يطلع مخالف انه شل 6 الاف
او غلطان انه خلا 500ريال

مايصير اخوي يا ايشيل المبلغ كامل يا ايخليه

لكن الحل الوسط ما ينفع

كل الشكر لصاحب الموضوع

[بن علان]

لا اخوي مب مخالفة رادار قديمه ولا شيء ،، على كلامهم انه يعني شلينا منك 6آلاف وحطينا لك بـ 500 ريال ؟؟؟؟؟؟؟؟ ليش دام شلو مني المبلغ الكبير وانا مب غلطان ليش خلو 500 ابي افهم هالشيء ممكن يوضح لي اخوي جاسم

اخوي الله لا يهينك ادخل على رابط المخالفات المرورية في هذا الرابط :

http://www.moi.gov.qa/site/Arabic/index.html

وشوف نوعية المخالفة ونحن في الإنتظار

أو على الاقل كان عطيت جاسم رقم اللوحة في الخاص ويجيب لك الخبر الأكيد

وأنا متأكد انهم ما يخالفونك لقطع الإشارة من أجل إفساح الطريق لسيارة الإسعاف

عموما نحن في إنتظار معرفة الحقيقة .. وعيدك مبارك

[شبح الصمت]

اخوي الله لا يهينك ادخل على رابط المخالفات المرورية في هذا الرابط :

http://www.moi.gov.qa/site/arabic/index.html

وشوف نوعية المخالفة ونحن في الإنتظار

أو على الاقل كان عطيت جاسم رقم اللوحة في الخاص ويجيب لك الخبر الأكيد

وأنا متأكد انهم ما يخالفونك لقطع الإشارة من أجل إفساح الطريق لسيارة الإسعاف

عموما نحن في إنتظار معرفة الحقيقة .. وعيدك مبارك




اخوي هذه هي المخالفة
عدم اتباع الا رشادات الموضحة على أي علا مة مقامـة أو منقوشـة على الطريق بواسطة السلطة المرخصة ؟؟ صراحه انا ما فهمت شنو هالجملة هي نفسها كانت مكتوبه على مخالفة قطع الاشارة

[شبح الصمت]

إلا إذا قطعت الإشارة فوق السرعة المحددة .. طبعا تدفع 500 ريال مخالفة سرعة :discuss:


ياخوك انا كنت واقف فالاشارة كانت حمره ما قطعت اشار ولا شيء بس شفت الاسعاف منحكر وكان السيد اليسار فاتح فتحت لي قدام اشوي تعديت الخط صادتني شفت بعد محكروين كاملت يسار عشان السير يمشي

[بن علان]

اخوي هذه هي المخالفة
عدم اتباع الا رشادات الموضحة على أي علا مة مقامـة أو منقوشـة على الطريق بواسطة السلطة المرخصة ؟؟ صراحه انا ما فهمت شنو هالجملة هي نفسها كانت مكتوبه على مخالفة قطع الاشارة

ولا أنا فهمت .. وينك يا جاسم نبي توضيح والا ترى محد فينا بيفتح الطريق للإسعاف :nice:

الله يعينك اخوي شبح الصمت شكل المرور خذوا عيديتهم منك :secret:

[شبح الصمت]

ولا أنا فهمت .. وينك يا جاسم نبي توضيح والا ترى محد فينا بيفتح الطريق للإسعاف :nice:

الله يعينك اخوي شبح الصمت شكل المرور خذوا عيديتهم منك :secret:


ياخوك شكلي بدفع وانا اضحك ،، اتصلت فيهم المخالفات يقولون لي لا دام شل مخالفة 6آلاف يخلون عليك 500 ريال ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟
:eek5::eek5:

[بن علان]

اخوي هذه هي المخالفة
عدم اتباع الا رشادات الموضحة على أي علا مة مقامـة أو منقوشـة على الطريق بواسطة السلطة المرخصة ؟؟ صراحه انا ما فهمت شنو هالجملة هي نفسها كانت مكتوبه على مخالفة قطع الاشارة



ياخوك شكلي بدفع وانا اضحك ،، اتصلت فيهم المخالفات يقولون لي لا دام شل مخالفة 6آلاف يخلون عليك 500 ريال ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟
:eek5::eek5:

اخوي اتوقع مشكلتك إنك ما رحت تاخذ ورقة من طواريء حمد لاثبات ان سيارة الاسعاف مرت في هذه اللحظة وقطعت الاشارة وصور الرادار ماتبين سيارتك لذا انحسبت عليك مخالفة عدم اتباع الا رشادات الموضحة على أي علا مة مقامـة أو منقوشـة على الطريق

وأي واحد يقطع الاشارة وبعدين يتجه الى اليمين او الى اليسار ما يعتبر قطع الاشارة انما عدم التقيد بالخطوط الأرضية فهم لقوا لك مخرج لعدم دفع الـ 6000 ريال وعليك دفع الـ 500 ريال لانك ما حميت نفسك بورقة الطواريء وأيضا صور الرادار لم تستطع تصوير سيارتك.

وعلينا الإنتظار لحين اصدار القانون المعدل من قبل مجلس الشورى ،

وهنا يتضح امر وهو عندما يغفل السائق ويقطع الإشارة فعليه الرجوع للخلف لان صور الرادار ستجعل المخالفة تنخفض من 6000 ريال مخالفة قطع إشارة إلى 500 ريال مخالفة عدم التقيد بالخطوط الأرضية ومن يملك عذر كورقة طواريء حمد يكون قد حمى نفسه من أي مخالفة

[alrheeb2020]

حضرتهم حابين يسوون فخ ..

ويبون عيديتهم :tease:

[حـــنـــان]

ويييي بس هذا حرااااام ...مال حرااام .. يعنى اللى يوسع الطريج للاسعاف وتخطى الاشارة يحسبونة مخالف ...بس شذي بيسون ازمة من عقب سالفة الاخ..ماراح حد يوسع للاسعاف خوفا من المخالفة..شنهو يدفع 500 الحين هذا جزاة ان سوة طريج للاسعاف..واللة منكر انشوف

[بن علان]

حضرتهم حابين يسوون فخ ..

ويبون عيديتهم :tease:

اخوي كل المطلوب من الشخص اللي يقطع الإشارة لفسح الطريق لسيارة الإسعاف هو الحصول على ورقة من طواريء حمد

ومن يرى في هذا الامر مشقة فيقول لن أقطع الإشارة لفسح الطريق لسيارة الإسعاف مرة اخرى نقول له تذكر إنه عمل إنساني فإذا كنت أنت أو من يعز عليك لسمح الله في سيارة الإسعاف فهل تريد من السائقين أن يفسحوا الطريق أم لا

وكيف ستكون نظرتك لمن يقول لا

[بن علان]

ويييي بس هذا حرااااام ...مال حرااام .. يعنى اللى يوسع الطريج للاسعاف وتخطى الاشارة يحسبونة مخالف ...بس شذي بيسون ازمة من عقب سالفة الاخ..ماراح حد يوسع للاسعاف خوفا من المخالفة..شنهو يدفع 500 الحين هذا جزاة ان سوة طريج للاسعاف..واللة منكر انشوف

اختي وضحنا الأمر وتأكدي بدون وجود قانون مروري صارم سيستغل ضعاف النفوس هذا الأمر وستشاهدين بقية السيارات تقطع الإشارة بعد مرور سيارة الإسعاف معتمدين على التوقيت لذا وجب الحصول على ورقة من طواريء حمد

[حـــنـــان]

اخوي كل المطلوب من الشخص اللي يقطع الإشارة لفسح الطريق لسيارة الإسعاف هو الحصول على ورقة من طواريء حمد

ومن يرى في هذا الامر مشقة فيقول لن أقطع الإشارة لفسح الطريق لسيارة الإسعاف مرة اخرى نقول له تذكر إنه عمل إنساني فإذا كنت أنت أو من يعز عليك لسمح الله في سيارة الإسعاف فهل تريد من السائقين أن يفسحوا الطريق أم لا

وكيف ستكون نظرتك لمن يقول لا

صحيح كلامك ...بس المرور لاارحمت المريض اللى في سيارة الاسعاف لكي يتسنى حق السائقين يفسحون لة الطريج لكى يوصل المستشفى بسرعة... ولا ارحمت السائق المسكين اللى لاحول ولاقوة لة... بيتطر يوسع سواء احسبو علية مخالفة ام مااحسبو رحمة بالمريض اللى في سيارة الاسعاف..اللة المستعان

[بن علان]

صحيح كلامك ...بس المرور لاارحمت المريض اللى في سيارة الاسعاف لكي يتسنى حق السائقين يفسحون لة الطريج لكى يوصل المستشفى بسرعة... ولا ارحمت السائق المسكين اللى لاحول ولاقوة لة... بيتطر يوسع سواء احسبو علية مخالفة ام مااحسبو رحمة بالمريض اللى في سيارة الاسعاف..اللة المستعان

الحمدلله ان الشعب متفهم وفي قلبه رحمه مواطنين ومقيمين وهذا عمل إنساني فكل المطلوب تثقيف مروري في مثل هذه الحاله ماذا عليهم فعله كي لا تُحسب عليهم مخالفة وقد وضحنا ما يجب عمله

[استغفرالله]

يعني اذا في سيارة اسعاف لازم مانزحم لها

لان ما يسوى علينا نروح حمد ناخذ ورقه

[الرافعي]

يعني الداخلية اللي خدماتها ينضرب بها الوصف في توفير المشاوير على خلق الله ، تبي الواحد يروح طوارئ حمد ياخذ ورقة؟
يا اخي تفاهموا انتو ومؤسسة حمد ووفروا على المواطن المشوار .. هذا جزا المعروف
المسألة حتى من ناحية الامن الصحي وتناقل الامراض فيها نظر
المفروض اللي يفتح للاسعاف يكافؤنه مب يمرمطونه

[MeMe MoOoON]

الله يعين اصلا الاشاراات اللي على الدوار خاصه احسها صج غلط

[بن علان]

يعني اذا في سيارة اسعاف لازم مانزحم لها

لان ما يسوى علينا نروح حمد ناخذ ورقه

هناك من يقول يكفي اتصالك بالمرور حين قطع الإشارة لفسح الطريق لسيارة الإسعاف ونحتاج التأكيد من الأخ جاسم

[بن علان]

يعني الداخلية اللي خدماتها ينضرب بها الوصف في توفير المشاوير على خلق الله ، تبي الواحد يروح طوارئ حمد ياخذ ورقة؟
يا اخي تفاهموا انتو ومؤسسة حمد ووفروا على المواطن المشوار .. هذا جزا المعروف
المسألة حتى من ناحية الامن الصحي وتناقل الامراض فيها نظر
المفروض اللي يفتح للاسعاف يكافؤنه مب يمرمطونه

نتمنى الموافقة لإصدار القانون المعدل من قبل مجلس الشورى

[بن علان]

الله يعين اصلا الاشاراات اللي على الدوار خاصه احسها صج غلط

من خلال مقارنتي لحركة المرور على دوار وقود ما قبل وضع الإشارة الضوئية وما بعدها نجد الأفضلية حين تركيب الإشارات الضوئية

ولكن أشاطرك الرأي حين يكون الدوار صغير تحدث اختناقات داخل الدوار لذا لا بد من وجود شرطي المرور ليمنع تسلل السيارات إذا كانت الإشارة الضوئية داخل الدوار حمراء

[QaTaR_OnE]

احسن حل لحد يفتح حق الاسعاف من اليوم اذا السالفه فيها مخالفه

[s4qatar]

يوميا أمر عليها


ويفضل لو ركبوا عداد تنازلي للثواني
يبدا مثلا من 40 ثانية - 0

اسوة بدول جنوب شرق آسيا


مسيوو/ بوخالد911


حتى القاهرة فيها

[بن علان]

احسن حل لحد يفتح حق الاسعاف من اليوم اذا السالفه فيها مخالفه

الله يجيرك من الشر وما تكون انت داخل الإسعاف .. يمكن تغير رايك الحين :discuss:

[الجوكر90]

السلام عليكم
اخوي راعي المخالفه الي ب500
شوف انا اخوي نفس حالتك يعني سياره الاسعاف وراه وهو قطع الاشاره وراح المرور وطيحووا عنه المخالفه ولا عطوه 500
ولا تدفع ولا ريال والي يقولك زين منهم وماعرف وشو قوله عطني اسمك وتعال معاي عند الوزير عبدالله بن ناصر وخل نشوف اذا بدفع ولا لا
عسى ماشر افتح حق الاسعاف طريق وادفع 500 عيل ماراح افتح
والرجال الي قال انه عدم اتباع الخطوط الارضيه
ترى هالمخالفه ب300 ريال مب 500 انا تخالفت هالمخالفه وكانت 300
كل السالفه انهم يبون يسحبون من المواطن فلوس غصب طيب يبون يسحبون

اخوي روح حق المدير او الوزير ولاتسكت وتقول 500 بالعكس 500 من 10000 يطلعون 500000 وصدقني الوزير راح ينصفك واذا تقدر اذكر اسامي الضباط الي قالوا لك زين منهم عطوك 500
عشان يعرف ان زين منك انت الي فتحت الطريق مب منهم هم الي طيحوا عنك المخالفه
والساكت عن الحق شيطان اخرص
وبالتوفيق ان شاء الله

[بن علان]

السلام عليكم
اخوي راعي المخالفه الي ب500
شوف انا اخوي نفس حالتك يعني سياره الاسعاف وراه وهو قطع الاشاره وراح المرور وطيحووا عنه المخالفه ولا عطوه 500
ولا تدفع ولا ريال والي يقولك زين منهم وماعرف وشو قوله عطني اسمك وتعال معاي عند الوزير عبدالله بن ناصر وخل نشوف اذا بدفع ولا لا
عسى ماشر افتح حق الاسعاف طريق وادفع 500 عيل ماراح افتح
والرجال الي قال انه عدم اتباع الخطوط الارضيه
ترى هالمخالفه ب300 ريال مب 500 انا تخالفت هالمخالفه وكانت 300
كل السالفه انهم يبون يسحبون من المواطن فلوس غصب طيب يبون يسحبون

اخوي روح حق المدير او الوزير ولاتسكت وتقول 500 بالعكس 500 من 10000 يطلعون 500000 وصدقني الوزير راح ينصفك واذا تقدر اذكر اسامي الضباط الي قالوا لك زين منهم عطوك 500
عشان يعرف ان زين منك انت الي فتحت الطريق مب منهم هم الي طيحوا عنك المخالفه
والساكت عن الحق شيطان اخرص
وبالتوفيق ان شاء الله

كلامك صحيح اخوي الجوكر90 .. وهذا ينطبق عليه القول "خيرا تفعل شرا تلقى" هذه المخالفة ان صحت ستجعل الناس ما فيهم مروه .. واللي اعرفه عن مخالفة الـ 500 ريال تكون في حالة شخص إذا كانت شاحنة قدامه وما شاف الإشارة الحمرا وقطعها يقطون عنه الـ 6000 ريال ويحسبون عليه الـ 500 ريال أما واحد مسوي خير ويمكن انقذ إنسان من الموت يكون جزاه مخالفه .. أنا اقول ما يصح إلا الصحيح وراح تلقى ناس موب فاهمين شغلهم في كل مكان في المرور وفي كيوتل وفي مستشفى حمد وغيره ولكن نقول ما ضاع حق وراه مطالب

[ثاني]

حتى القاهرة فيها

الدمام فيها وهذي صورة