في الاعياد..تعرف قيمة الاولاد على البنات:ثوب و غتره...بلا فيونكات ولا مناكيرو لاشنطه

[عابر سبيل]

التجهيز للعيد

احيانا ايجيب لنا مشاعر "جاهلية"
الولد..احسن من لبنية!

ليش:

الاولاد تجهيزهم..
انعال او جوتي اعزكم الله و ثوب
وملابس داخليه..
و غترة و اعقال و قحفية!


و البنيات...
كل شي في صوب...
و محلات الحنا و الصوالين
و >>>>المناكير<<<<
اللي تصل لحد "المناكر"..
في صوب

تكلفة تجهيز ولد للعيد
في مقابل تكلفة تجهيز "لبنية"

بدون حسبة و لا اورقة ولا قلم..

لو اسرف الولد و تزبر بكل ما في السوق..
صحيح - و العهده ع الراوي-
انه ما يجي بنص تكلفة فستان حق
"ابنية"!

التجهيز للعيد..
من الدوحة و لا الحسا
و لا من "فينا"

هل صار هالشي...
هم وغم و من مظاهر الاسراف...
و لا هي لزوم هالايام
و متطلبات الفتاة العصرية...

و ما للوالدين الا انهم يواكبون القافلة
وا يقصرون ع الاولاد
بس عشان تجهيز و تزيين
هـ"البنية"!


بالعقل...
هل يحق للبعض
انهم ايقولون
ع الاقل في العيد..

الولد احسن من البنية

و لو انه شعار من ايام الجاهلية:secret:

[المقهوره]

شعار من ايام الجاهليه


لان فستان البنت يمكن يجي بقيمه الكبك حق الولد طبعا كبك ماركه ؟

والجوتي ارخص من الولد اذا بتجيب له شي يسوي مب نعال بـ 60 ريال

اما المناكير مانحط

والصالون مب كل مره نتحنى بصراحه حسب المزاج والبنات الصغار احط لهم
ورده باليد ويستانسون

وكان الله غفورا رحيما



وفوق هذا كله البنت بالنسبه لي احسن من الولد

بالذات بالتربيه سهله مب عسره وكل شي عندها لبيه وانشاء الله اما الولد زين منه يقول انشاء الله مره بالشهر

وبصراحه مب خساره فيها

[بوجاسم 75]

والله صدقت ياخوي انا الحمدلله عندي صبيان من جاتني بنيه وزادت المصاريف الإ شعر الإ فستان الإ رولات الإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإ
وفى الأخير نقول الحمدلله ، ماشاء الله لاحول ولاقوة الابالله

[جاكم الأعصار]

اشم في الموضوع ريحه فكر جاهلي لمن قال او اعتقد ما تفضلت اعلاه اخي عابر سبيل..

في كل شئ من السلع على مستوى الالبسه تجد باهظ الثمن والمعتدل والرخيص..

البسه الاولاد ابتدائا بالغتره والقحفيه وخاامه الثوب والازره والنعل اعزكم الله قد تكلف ما لايقل عن 3000 ريال وقد لا تتجاوز التكلفه 1000 ريال

ذات المسأله مع البسه الفتيات ففيها الباهظ والمعتدل والرخيص ابتدائا من اعلى الراس حتى اخمص القدمين ..حتى ان مجال التلاعب في قيمه ملبوسات الفتيات اصبحت اكثر
فقد زادت الالوان البراقه والاكسسوارات وماركات المكياج واصبح الذهاب للصالونات امر مقتصر على الشابات والنساء اما الصغيرات فتجهزهن امهاتهن في المنازل فمعدات التزيين تباع وباسعار رمزيه وماركات..

وكلن يمد ريوله على قد لحافه ..ورزق الزرازير والهوامير على الله

وكل عام وانتوا بخير

[المقهوره]

والله صدقت ياخوي انا الحمدلله عندي صبيان من جاتني بنيه وزادت المصاريف الإ شعر الإ فستان الإ رولات الإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإ
وفى الأخير نقول الحمدلله ، ماشاء الله لاحول ولاقوة الابالله

يمكن الام تبالغ في لبسها

بس ككل بالنسبه لي البنت عادي مصاريفها لو بغت الام
اذا اذا كان اسراف بزود هالشي راجع للاهل نفسهم


ومصروف الولد اساسا اكثر من البنت

الولد يبي يروح مع ربعه
يبي يتمشى
يبي ويبي ويبي

عكس البنت قاعده في البيت ولا بيت اهلها ولا جماعتها وان اطلعت اطلعت لشي ضروري



والله الي اشوفه ان اخواني كلهم مصاريفهم وتجهيزاتهم اكثر مني
حتى دوم اقول لهم والله انا بنت ما اصرف كثركم.

[Mozanee]

حلاة العيد بالسوالف ذي فستان وشنطة ,,,انا بالنسبة لي لين اشتري متعة مب هم

لو ان هالوقت الناس على طول تشتري الجديد وتلبسه وما تحس بقيمته ,,,عشان جذي

اتجوفهم في العيد يبالغون في اللبس حتى تفرق ايام العيد عن باقي الايام ,,,

ولك مني كل الشكر ,,,

[عابر سبيل]

شعار من ايام الجاهليه


لان فستان البنت يمكن يجي بقيمه الكبك حق الولد طبعا كبك ماركه ؟

والجوتي ارخص من الولد اذا بتجيب له شي يسوي مب نعال بـ 60 ريال

اما المناكير مانحط

والصالون مب كل مره نتحنى بصراحه حسب المزاج والبنات الصغار احط لهم
ورده باليد ويستانسون

وكان الله غفورا رحيما



وفوق هذا كله البنت بالنسبه لي احسن من الولد

بالذات بالتربيه سهله مب عسره وكل شي عندها لبيه وانشاء الله اما الولد زين منه يقول انشاء الله مره بالشهر

وبصراحه مب خساره فيها



اشوي اشوي يالمقهوره..

حنا نبي نقارن التفاحه بالتفاحه
موب برتقاله بتفاحه..

يعني...
البنات و الاولاد
اللي بنفس العمر..

و احسبيها..
بدون لا تقتير او بخل
و لا اسرااااف
لا ع الولد و لا البنية

اطفال من شهر لين 5 اسنين..

اشقد الولد بيكلف و اشقد
هي المتطليات حق تجهيز لبنية!

من 5- 10 اسنين..
و هلم جرا...

متلطبات تجهيز البنت حسب الموضة
موب حسب المزاج..


افصل حق الولد بو 5 سنوات..طاقة اثياب
يعني 7 او 8 اثواب..
حق 6 شهور ما تجي بالف اريال..

شقد تتطلب حاجيات بنت في عمره؟

حسبيها و انتي بتعرفين الفرق
و المقصد...

متطلبات المظاهر الاجتماعية
فرق بين الولد و ابوه
و بين اكثر البنات و الامهات

[المقهوره]

اطفال من شهر لين 5 اسنين.. ============= نفس السعر خاصه ان هالعمر بالاولاد يلبسون بدل والبدل غاااااااااااااااليه واحيانا نفس سعر البنات


اشقد الولد بيكلف و اشقد
هي المتطليات حق تجهيز لبنية!

من 5- 10 اسنين.. نفس الشي دام ا لولد يلبس بدل فبيكون نفس البنت و هلم جرا...

متلطبات تجهيز البنت حسب الموضة ====== المزاج هو نفسه الموضه يعني مستحيل البس بنتي شي مب على الموضه والي موجود بس في حدود المعقول ماراح اشتري لها فستان تلبسه في العيد بس بقيمه 900 ولا فوق مستحيييييييييييييييييييييييييييييل خاصه اني احب الاشياء الناعمه ما احب الخرابيط الكثيره


صدقني مب ذيك التكلفه ........

ماعاد فيه ذاك الفستان النافش الي شكبره في العيد ( كل الملابس حاليا ناعمه وهاديه)

ولا عاد فيه ذاك الذهب المرصرص على الشعر والكف والرقبه الخ ( حاليا اكسسوارات ) وان شريت ذهب شريت سلسال يدوم عندها على طول واسواره وخلاص. ومب في كل عيد طبعا مره بالحياه ويتم عندها مخزن تلبسه في المناسبات بس


انت تقول طاقه ثياب للولد
ليش مايلبس بناطلين وبديات وقمصان الـــــــــــــخ



اذا الولد مايلبس بدلات صح بيكون تكلفته اقل
بس اذا يلبس لا بيكون نفس التكلفه ويمكن اكثر

[المقهوره]

للعلم انا عندي ولد واحد

وصدقني يكلف حيييييييييييييييييييييييييييييييييييييل

وبنات اخوي ماا شوف ابوهم يتشكى منهم

يقول انتي تلبسين ولدك لبس اغلى من لبس البنات نفسهم .



البدلات تكلف حيل ترى

[عاشقة الطاووس]

اخوي عابر سبيل ،،

بغض النظر عن مصاريف البنت او الولد ،، الحين الحياة تصعبت وكل شي غالي سواء اغراض

البنت ولا الولد والمشكله المحلات العادية صارت تنافس المحلات العالمية بالاسعار بالرغم من

سوء الصناعه ورداءة الجودة وبالنهايه قيمة الصرف للولد هي نفسها قيمة الصرف للبنت .

بالنسبه للشعار الجاهلي " الولد احسن من البنية " انا ممكن اردد هالشعار في حالة وحده بس وهي ان الولد يحصل

اغراضه اسرع من البنت يعني يقدر من محلين يخلص اموره ،، لكن البنت تتم تدور كل السوق

وبعض المرات تضطر انها تتنقل من سوق لسوق على الله تلاقي لها شي :rolleyes2:

تحياتي لك ،،

[شبح الصمت]

الله يحفظهم فديتهم اذا ما ونسناهم بونس من،، خلاص الواحد يسوي لاخرته ويفرح هالفطافيط الصغار،، ويا زينه نوافي فديته يوم امشي معاه ويتقهوى ويسلمون عليه خشم ويرتز يمي .. ربي يحفظهم باقي خلودي بس ما يقط الغتره ويخليها على راسه

[هدوء الصباح]

التجهيز للعيد

احيانا ايجيب لنا مشاعر "جاهلية"
الولد..احسن من لبنية!

ليش:

الاولاد تجهيزهم..
انعال او جوتي اعزكم الله و ثوب
وملابس داخليه..
و غترة و اعقال و قحفية!


و البنيات...
كل شي في صوب...
و محلات الحنا و الصوالين
و >>>>المناكير<<<<
اللي تصل لحد "المناكر"..
في صوب

تكلفة تجهيز ولد للعيد
في مقابل تكلفة تجهيز "لبنية"

بدون حسبة و لا اورقة ولا قلم..

لو اسرف الولد و تزبر بكل ما في السوق..
صحيح - و العهده ع الراوي-
انه ما يجي بنص تكلفة فستان حق
"ابنية"!

التجهيز للعيد..
من الدوحة و لا الحسا
و لا من "فينا"

هل صار هالشي...
هم وغم و من مظاهر الاسراف...
و لا هي لزوم هالايام
و متطلبات الفتاة العصرية...

و ما للوالدين الا انهم يواكبون القافلة
وا يقصرون ع الاولاد
بس عشان تجهيز و تزيين
هـ"البنية"!


بالعقل...
هل يحق للبعض
انهم ايقولون
ع الاقل في العيد..

الولد احسن من البنية

و لو انه شعار من ايام الجاهلية:secret:


عابر سبيل شفيك على بناتنا:anger1:
ترا المنكير والبدكير هالايام مب بس حق البنات!!:telephone:
المسألة طبعا نسبية ويمكن ان نشتري اشياء للبنت او الولد بالمعقول
وهذا الشي يرجع للام..
يعني في ام تجهز اولادها قبل العيد بفترة ويمكنها بذلك اختيار الاجود والارخص
وفي الي تركض بأخر لحظة وتنكوى بنار الاسعار والزحمة وغيرها..
البذخ كما علق البعض ممكن يكون للولد بالجوتي وقماش الثوب الخ!!
ويمكن يكون للبنت بكل ما ذكرت..
والاعتدال يمكن ان يتحقق للاثنين..
بس طبعا بالمجمل مطلبات البنات (يحليلهم)اكثر من متطلبات الولاد في الفترة العمرية التي ذكرتها..
وفي الختام كل عام وانت بخير .

[المقهوره]

اخوي عابر سبيل ،،

بغض النظر عن مصاريف البنت او الولد ،، الحين الحياة تصعبت وكل شي غالي سواء اغراض

البنت ولا الولد والمشكله المحلات العادية صارت تنافس المحلات العالمية بالاسعار بالرغم من

سوء الصناعه ورداءة الجودة وبالنهايه قيمة الصرف للولد هي نفسها قيمة الصرف للبنت .

بالنسبه للشعار الجاهلي " الولد احسن من البنية " انا ممكن اردد هالشعار في حالة وحده بس وهي ان الولد يحصل

اغراضه اسرع من البنت يعني يقدر من محلين يخلص اموره ،، لكن البنت تتم تدور كل السوق

وبعض المرات تضطر انها تتنقل من سوق لسوق على الله تلاقي لها شي :rolleyes2:

تحياتي لك ،،


تصدقون انتوا عكسي

انا بالنسبه للبنت احصل على طول

عكس الولد بالذات البدلات مايعجبني اي شي

البنت الفرص والالوان اكثر فخلصها على طول

عكس الولد يجنني اني القى له شي يملى عيني

انا ماعندي بنات إلا الآن

بس كنت اجهز لبنت اختي لان اختي كانت تعبانه وانا الي جهزت لها في عيد الفطر

[شهد]

صدقت اخوي مصاريف بنتي اكثر من ولدي في العيد
ولد ثوب وقحفيه ونعال وانتم بكرامه وخلاص
لان ريلي مايرضا يلبس ولدي بدله في العيد لازم ثوب وغتره ولوازمه
واللى احسن بالموضوع ابوه يجهزه انا مااشيل هم ملابسه
بنتي ياربييييييييييي تطلع عيني لين مااانسق في الوان
وشبسات وووووووو
ولكن عسل على قلب ابوها يموووووووووت في بنته

[ROSE]

فديت البنات والله ياربي يسلمهم وفديت كل روزي صغنونه ههههههههههههه

لو قد ماصرفنا عليهم مايوفي ضحكه منهم يعل ربي يسلمهم


لاتحاول ياعابر البنات افضل خاصه ان كل بنت تمثل ذوق امها ههههههههه

[sapphire]

فعلاً تجهيز الولد للعيد اسهل من البنت
هذا واقع مهما حاولنا انكاره او تبريره

لا نسميها "جاهلية" خلها "واقعية"

[أم البنات]

أولاً هذا الأعتقاد قبل كان يمشي الحين العكس

الولد نعاله من تميمه ب 450 ريال وبوك وكبكات وغتره وعقال ماعرف بكم بس كله من الزين تكفل أبوه بتجهيزه وكلفه 1800 ريال .

في حين أنا تكفلت بتجهيز 4 بنات ب 1500 ريال :nice:

البنات صنادلهم ب 120 ريال أعتقد أو 150 مب أكثر

البنات فديتهم كل وحده فستان من زارا كيوت ب 150 ريال ووحده 250
ريال

وشناط ب 39 ريال من ماكس

وأكسسوارت للشعر من الرونق وكليرز

وكل شي راقي وكيوت

وطلعوا يهبلون الكل يسألني العيد الي طاف بناتج يهبلون من وين أمجهزتهم

طبعا هذا التجهيز لأول يوم العيد لأن ما نطلع الأ يوم العيد والصبح وعقب

ننخش بالبيت أنا وبناتي

:nice:

[المقهوره]

أولاً هذا الأعتقاد قبل كان يمشي الحين العكس

الولد نعاله من تميمه ب 450 ريال وبوك وكبكات وغتره وعقال ماعرف بكم بس كله من الزين تكفل أبوه بتجهيزه وكلفه 1800 ريال .

في حين أنا تكفلت بتجهيز 4 بنات ب 1500 ريال :nice:

البنات صنادلهم ب 120 ريال أعتقد أو 150 مب أكثر

البنات فديتهم كل وحده فستان من زارا كيوت ب 150 ريال ووحده 250
ريال

وشناط ب 39 ريال من ماكس

وأكسسوارت للشعر من الرونق وكليرز

وكل شي راقي وكيوت

وطلعوا يهبلون الكل يسألني العيد الي طاف بناتج يهبلون من وين أمجهزتهم

طبعا هذا التجهيز لأول يوم العيد لأن ما نطلع الأ يوم العيد والصبح وعقب

ننخش بالبيت أنا وبناتي

:nice:



:nice::nice::nice::nice:

[عابر سبيل]

والله صدقت ياخوي انا الحمدلله عندي صبيان من جاتني بنيه وزادت المصاريف الإ شعر الإ فستان الإ رولات الإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإلإلإلإلإلإلإلإل إلإلإلإلإلإلإلإلإلإلإلإلإلإلإلإلإلإ
وفى الأخير نقول الحمدلله ، ماشاء الله لاحول ولاقوة الابالله



دوم نحمد الله على كل شي يا خوي بوجاسم..

بس خل عنك تكلفة هالاغراض..
المشاويير اللي بين هالسوق و الاخر و لا هالمحل و الثاني
و عاد يا ويله اللي بيروح شارع النصر من اليوم و بكره
صوب الصوالين...ول ول..و لا الدائري الرابع
من المشاطه لين صالون..اقصد مركز حسن عبدالله..
و الله الواحد يفتح له هالصوالين و لا عيادة جلد
و ليزك مدري ليزر...احسن من امجابل هالبورصة...


السؤال..اشله؟؟؟
حق ساعتين او 4 ساعات..
هالمصاريف و المذابح..
اشعشانه..
عشان بعض الامهات تكشخ اببنتها
و حتى منظر خدامتها!!!

حتى العجايز الله ايحفظهم و ايبارك فيهم..
جاتهم هالعدوى..
عدوى تكشيخ الخدامات في العيد!!

مدري من وين ترقع لهم..
صغيراتهم و لا عجايزهم..

تزبر و مفوشر ماله اول و لا اخر!!!.

ما نبي نزايد..
الاولاد عبالتهم
و انت شاهد يا بوجاسم..
اخف - قبل السواقه- من عبالة البنات
و هالشي
ايخلي الواحد..
احيانا ما يلوم اللي ايقول ..
اشلي بالبنات!!!

[المقهوره]

خاطري في بنت اكشخها

:( :(

[المقهوره]

بصراحه انا مااشتط واجد للعيد

الي القاه اخذه ما احوس في كذا سوق

سوقي هالمره رحت فيلاجيو وماعجبني شي

ويوم شفت نفسي خلاص مافيه امل إلا اروح سوق ثاني

رجعت لمحل واخذت لبس عادي بـ 250 ريال وربطه شعر واكسسوار وقلت تبارك الله في الموجود


خواتي يسموني العجوز لاني ما احب ادور واجد اخذ




والين الحين ماخلصت ماشريت إلا البدله بس والاكسسوار بس سلسال

يعني لا جوتي لاشيله لا عبايه لا ولا ولا كله بسبب الكسل

وفي عيد الفطر يوم شفت الصالون زحمه وذبح ومذابح رجعت البيت وسويت طبوقه مثل جدتي

لدرجه ان امي عصبت تقول انتي عجوز ههههههههههههههههه كله ولا اوقف وانتظر بموووووووووووووت حشره بصراحه


بس بنتي ان جات بكشخها :) بس مليون في الميه شي بسيط لاني احب الذوق الكلاسيك اكثر ما احب الملابس الي فيها هشك بشك كن الوحده جايه ولابسه كل ملابسها

[نااااني]

هههههههههههههههههههههههههههههههههههههههههههه
والله انك صادق انا خذيت لبناتي 6 لبسات مع النعال الله يعزكم واكسسوارات الشعر وغيرها...لبسه اول ايام العيد كلفتني1030والباقي كلفوني فوق 3000من غير لبسات الشتاء...والحين بروح الصالون احنيهم..وحماتي عندها عيال بتلبسهم لبس عيد الفطر ولا حد يدري الا ثوب ابيض...هههههههههههههه...بس فديت بناتي وربي يخليهم لي ويرزقني بولد وتقبل مروري....

[عابر سبيل]

اشم في الموضوع ريحه فكر جاهلي لمن قال او اعتقد ما تفضلت اعلاه اخي عابر سبيل..

في كل شئ من السلع على مستوى الالبسه تجد باهظ الثمن والمعتدل والرخيص..

البسه الاولاد ابتدائا بالغتره والقحفيه وخاامه الثوب والازره والنعل اعزكم الله قد تكلف ما لايقل عن 3000 ريال وقد لا تتجاوز التكلفه 1000 ريال

ذات المسأله مع البسه الفتيات ففيها الباهظ والمعتدل والرخيص ابتدائا من اعلى الراس حتى اخمص القدمين ..حتى ان مجال التلاعب في قيمه ملبوسات الفتيات اصبحت اكثر
فقد زادت الالوان البراقه والاكسسوارات وماركات المكياج واصبح الذهاب للصالونات امر مقتصر على الشابات والنساء اما الصغيرات فتجهزهن امهاتهن في المنازل فمعدات التزيين تباع وباسعار رمزيه وماركات..

وكلن يمد ريوله على قد لحافه ..ورزق الزرازير والهوامير على الله

وكل عام وانتوا بخير



كلامك عين العقل يا الاعصار..

بس...المتلطبات الاجتماعية بين
المجتمع الرجالي و النسائي
يفرق...و هذا هو المقصد و بيت القصيييييد..

يعني الواحد كاب او ام
اكيد ما يحب ان اعياله يكونون
بصورة اقل من قرنائهم..

القرناء..تحكمهم الامهات و الموضة والازياء..

شوف يا خوي العصار..
هالايام اذا تبي اتشوف حد من الربع
ما شفته من زمان..
روح للحسا..
و وقف في حد الاسواق تنتظر هلك يتقظون..
انت جالس مستحي و متوهق ...اشجابني
عشان السوق..
اشوي..و بتشوف كل هل الربع جايبينهم اهاليهم
للتسوق في الحسا...اتقول ليش..
بقولون لك ..حق النسوان و البنات..
ايقولون ارخص و الموضات احلى..

جرب التسوق في الحسا مره..
و ستندم الف مره!

[طواش]

يا أخوي يا عابر كل ومقدرته

ما أظن الأب اللي بلبس بنته جوتي ب500 بلبس ولده نعال ب 50

غتر بعض العيال - الله يحفظهم لأهلهم - توصل الآلاف .

كل إنسان على قده ومستوى معيشته .

والبنت - وأنا أخوك - إذا لبست بين عليها اللبس لأنها تلبس ملون ومزركش

وهالأيام بدل بعض الأطفال الصغار من بنين وبنات بالآلاف .

العيد فرحة للجميع

عسى الله يديم علينا وعليكم الفرح والسرور .

والسوق يطرح الغالي والمتوسط والرخيص .

والحمد لله كل يلقى اللي يشتريه حق عياله .

على أيامنا أخواتنا وبنات فريجنا - مع عدم الوفرة الشرائية - أغلبهم يفصلون لهم أهلهم

بالسبع دراريع حق سبعة أيام كل يوم دراعة غير الذهب والبخانق المرطخة بالزري تجلب لهم

من الهند ، وكانوا يشوفونه حلو على قلوبهم.

وقديما قالوا :

البنت أحسن من الولد لو البشارة ساعة .

[روح الشمال]

والله فديت البنات وفديت مصاريفهم حلوة على قلبي وفديت الصبيان بعد وفديت عيالي كلهم خير ونعمة وهذي سنة الحياة

تقبل مروري

[ضوى]

لي عودة ان شاء الله

بس تصدق بالله ، انه الاولاد يكلفوني اكثر من البنت فديت قلبها ، هالعيد بس الصبيان كلفوني فوق الالف ريال والبنت فديت عمرها حتى 300 ريال ماوصلت ها اشرايك ؟؟ طبعا لي عودة بالتفاصيل ان شاء الله

[عابر سبيل]

حلاة العيد بالسوالف ذي فستان وشنطة ,,,انا بالنسبة لي لين اشتري متعة مب هم

لو ان هالوقت الناس على طول تشتري الجديد وتلبسه وما تحس بقيمته ,,,عشان جذي

اتجوفهم في العيد يبالغون في اللبس حتى تفرق ايام العيد عن باقي الايام ,,,

ولك مني كل الشكر ,,,


و الشكر موصول لج.. على هالمرور

نعم هالايام من كثر النعم - الله ايزيد و ايبارك-..
جيل هالايام ماتحس كلش بالجديد...
و بايام العيد..
و السبب تراه في الاصل موب منهم..

الاباء بشكل مباشر او بعدم الاكتراث
او تتبع الموضات و الشايع و و و..
يزرعون في فيهم هالشي!

[عابر سبيل]

صدقني مب ذيك التكلفه ........

ماعاد فيه ذاك الفستان النافش الي شكبره في العيد ( كل الملابس حاليا ناعمه وهاديه)

ولا عاد فيه ذاك الذهب المرصرص على الشعر والكف والرقبه الخ ( حاليا اكسسوارات ) وان شريت ذهب شريت سلسال يدوم عندها على طول واسواره وخلاص. ومب في كل عيد طبعا مره بالحياه ويتم عندها مخزن تلبسه في المناسبات بس


انت تقول طاقه ثياب للولد
ليش مايلبس بناطلين وبديات وقمصان الـــــــــــــخ



اذا الولد مايلبس بدلات صح بيكون تكلفته اقل
بس اذا يلبس لا بيكون نفس التكلفه ويمكن اكثر



و اشله بعد نلبسهم في العيد بدلات..
خاصة اذا عدوا الخمس اسنين

و حتى الاولاد لصغار..فيه لهم اثياب و اشحلاتهم
بالاثياب...

اما البنات..صدق ان الحين ما فيه ذهب و مضاعد
و اشغابات و مدري ايش...

لكن يا ليتها توقف على هالاشيا..ع الاقل الذهب
شي يبقى و ممكن تزيد قيمته..

بس صبغ وجه و ميش و مدري ايش..
و حنّا تروح بعد اسبوع.. او 3 ايام..
و يندفع لها مئات او الاف الريالات..

هذا ما تسمينه اسراااااف و مصاريف
زايدة..

فيه بيوت يالمقهورة..
تكت على بناتها امهات 10 و 13 سنه..
الواحد ايقول..هذيلا من بيتزوج بناتهم بعدين..
اذا هالقد صرف و تبذير و مكياج و مكيير من الحين..
اذاتزوجت..بتطلع عين الولد و بتشق مخباه...


و اللي الله معافيه يا المقهورة..
ايقول الحمد لله..
بس فيه ناس موب هامها..
المهم التزبر و ال"شو" جدام الزائرات
من حريم الجيران و لا الاقارب..
و التصور بالكاميرااات.

هذي اللي نقول لهم..
تفكروا ترا اللي تسوونه وبال عليكم
و على بناتكم..اذا تبون لهم حياة مستقبلية
مع زوج يشتريهم موب اي حد..

امهات الاول كانوا ايربون اعيالهم و بناتهم
في كل المناسبات..العادية و لا حتى
الاعياد!!!

[عاشقة الطاووس]

تصدقون انتوا عكسي

انا بالنسبه للبنت احصل على طول

عكس الولد بالذات البدلات مايعجبني اي شي

البنت الفرص والالوان اكثر فخلصها على طول

عكس الولد يجنني اني القى له شي يملى عيني

انا ماعندي بنات إلا الآن

بس كنت اجهز لبنت اختي لان اختي كانت تعبانه وانا الي جهزت لها في عيد الفطر




بصراحه انا ماعندي لا بنات ولا صبيان ^_*

بس لاني اشوف مرت اخوي ماتتعب لما تشتري حق عيالها مع ان ما شاء الله عندها 5 عيال و

كلهم صبيان ،، اما اختي عندها بنت وحده وتدوخ على ماتحصل لها شي لدرجة ان بعض المرات

تشتري لها شي مب مقتنعه فيه لانها مجبورة و مافيه خيارات وايد ،، وخبرج مشالله اسواقنا اي شي عتيج

تلقينه عندهم :)

الله يحقق امنيتج ان شاء الله ويرزقج في بنوته حلوه ،، ويحفظ ولدج ويطرح فيه البركه.

[عابر سبيل]

اخوي عابر سبيل ،،

بغض النظر عن مصاريف البنت او الولد ،، الحين الحياة تصعبت وكل شي غالي سواء اغراض

البنت ولا الولد والمشكله المحلات العادية صارت تنافس المحلات العالمية بالاسعار بالرغم من

سوء الصناعه ورداءة الجودة وبالنهايه قيمة الصرف للولد هي نفسها قيمة الصرف للبنت .

بالنسبه للشعار الجاهلي " الولد احسن من البنية " انا ممكن اردد هالشعار في حالة وحده بس وهي ان الولد يحصل

اغراضه اسرع من البنت يعني يقدر من محلين يخلص اموره ،، لكن البنت تتم تدور كل السوق

وبعض المرات تضطر انها تتنقل من سوق لسوق على الله تلاقي لها شي :rolleyes2:

تحياتي لك ،،



و لج التحية على هالمرور و المشاركة الصريحة في حق البنات..

نعم..الايام استصعبت..
بس اللي صعبها احنا..

و هالشي اللي انقوله اهنيه..
اشله الكل يجري بشكل عمياني
وراء اللي ايسوقونه لنا التجار
و يلعبون به علينا هل المولات
و لا اللي مسويين -يبلفيت- تنزيلات..

و الادهى..التقليد ..مثل
بنت فلان و لا بنات علان!

و هذاج انتي اتقولين..
الاولاد من اول محل و لا الثاني و مخلصين
كل شي..و هالشي كان نفسه للبنات..
الصغيرات و لا الكبيرات..

بس الحين..
موب ايلفون سوق و لا سوقين..
ما سمعتي عن اللي ايسافرون للحسا
و لا دبي بالامارات..
ما تكفيهم اسواقنا و المولات..
لافين "العثيم" و الشارع الماجد بالحسا
و وصلوا حق الخبر ..ركضة و را اخر الموديلات!


هالشي..ايذكرني بواحد من الشياب اللي ايقول..
اللي يبي يتاجر و يربح..
ايسوي له تجارة اما حق اليهال او حق النسوان..
كل شي يمشي عليهم..و حتى بدون دعايات..
قول هاي الموضه و شوف:omg:

[انا حره]

الولد بتروحون سوق العلي بتخلصون اغراضه

البنت بتروحون كل مجمعات الدوحه واخر شي مالقينا شي حللو

[انا حره]

وبعض النسوان الله يهديهم يعجبهم فستان ايقولون ها لا كل الدوحه شايفته اجل ليه ماتسوون لكم مارمه بروحكم خخخ

[alrheeb2020]

الاثنين فيهم الخير والبركه ..

[بوجاسم 75]

وفى الاخير الخسارة خسارة الروح

[هتـان قطر]

الله يبارك فيهم كلهم..بدون ادني شك الولد اريح من البنت في مشتريات العيد

واقل تكلفة ..الا اذا كان الولد زباي هذا شي ثاني..

عندي واحد من العيال طالع زقرتي وما يعجبه العجب من يوم كان صغير وهو طلباته غير

الا نعال تميمة ..نظارة ريبان ..ازرة ماركة..ثوب كنه حطبة تسمع صوته من على بعد كيلو ..

مع انه مازال صغير..اما البنات الله يحفظهم تجهيزهم للعيد يستمر اشهر..وليييين ليلة العيد

ويالله يالله يخلصون..شنسوي ما نبي نحزنهم مادام كل شي بالمعقول بدون مبالغة

فرحة العيد ماتحلى الا بفرحتهم ووناستهم..

عيدكم مبارك مقدما

راح انقطع عنكم الى ما بعد العيد

عسى ربي يفرح ايامنا وايامكم

ويعيده علينا وعليكم هالسنة وكل سنة

[م. عبدالعزيز]

احمدوا ربكم .. ناس ماعندهم عيال :)

[رهج السنابك]

بالعكس لما اقارن نفسي انا واخوي مثلا القى صرف اخوي اكثر مني !! في العيد

هو يشتري نعال تميمة بـ 1000 ريال
ويفصل ثوبين او ثلاثة بــ 500 ريال تقريبا
وهالعيد ماخذ له عطر الشيخ يمكن بـ 900 ريال
وشنو بعد اممممم
ايه والغترة يمكن 250 ريال
ونثريات اخرى حوالي 500 ريال

يعني تقريبا تكلفة اغراضة حوالي 3000 ريال

ااما انا تكلفة اغراضي
صفر ريال قطري :)

لاني ماشريت ولا شي للعيد ..عندي كم جلابية مالبستها .. بلبسها لما يزورنا احد وقيمتها يمكن 200 ريال .. وكان الله غفورا رحيما .. ولا راح اطلع في العيد ولا ازور احد بدز كم مسج لثلاث صديقات بتكلفة ريالين ونص :) وباقي الوقت بخلص الابحاث اللي اسويها واعتكف على قراءة كم كتاب وكم رواية ..



شفت الفرق بين البنت والولد !!

[عابر سبيل]

الله يحفظهم فديتهم اذا ما ونسناهم بونس من،، خلاص الواحد يسوي لاخرته ويفرح هالفطافيط الصغار،، ويا زينه نوافي فديته يوم امشي معاه ويتقهوى ويسلمون عليه خشم ويرتز يمي .. ربي يحفظهم باقي خلودي بس ما يقط الغتره ويخليها على راسه


الله ايحفظ لك نواف و خالد يا بو نواف..
و يتربون في عزك و اتقر ابهم عينك
في الدنيا و الاخرة ...


معاك..نفرّح لعيال و ما نقصر عليهم..
بس ما نفرحهم بالمادة و نبخل عليهم
بالعلم و الادب و التربية...و انفسقهم
بالزبو او بالمباغة في الزينه و التزبّر.

الفطافيط..امرهم هين..
بس المشكله عند بعض من اهل
هالفطافيط على قولتك!
*
*
،،
في العيد سلم على نوافكم خشم نيابة عنا
و عن المنتدى و قوله عيدك مبارك..
و بالمرة تعطيه عيدية نيابة عنا ..
لو نوصل له ما قصرنا معاه!

تحية يا خوي شبح الصمت.

[عابر سبيل]

عابر سبيل شفيك على بناتنا:anger1:
ترا المنكير والبدكير هالايام مب بس حق البنات!!:telephone:
المسألة طبعا نسبية ويمكن ان نشتري اشياء للبنت او الولد بالمعقول
وهذا الشي يرجع للام..
يعني في ام تجهز اولادها قبل العيد بفترة ويمكنها بذلك اختيار الاجود والارخص
وفي الي تركض بأخر لحظة وتنكوى بنار الاسعار والزحمة وغيرها..
البذخ كما علق البعض ممكن يكون للولد بالجوتي وقماش الثوب الخ!!
ويمكن يكون للبنت بكل ما ذكرت..
والاعتدال يمكن ان يتحقق للاثنين..
بس طبعا بالمجمل مطلبات البنات (يحليلهم)اكثر من متطلبات الولاد في الفترة العمرية التي ذكرتها..
وفي الختام كل عام وانت بخير .


موب مشكله يا سيدتي/ هدوء ان متطلبات البنات اكثر من الاولاد..

المشكلة في من ينتحون او ينهجون البذخ
في اللي يسوى و اللي ما يسوى..
و ما يحسبون احساب... لا خوف من تبذير او اسراف!
كله بحجة انها فرحة و مرة و المرة تجرها
مرات و علم جرا..لين ما تصير هي العادة!
***

بعدين...اتقولين البدي كير و المنكير مدري (المناكر) مو بس
حق البنات..ليش ..
حق منهو بعد انشاء الله..
ليكون حق الجن و لا طلعتوا لنا بعد
في الاوادم..شي غير المذكر و المؤنث؟؟؟:omg::omg:

اطفال الانابيب تراهم اوادم..
و استنساخ للحين ما صار حق الاوادم..
من المقصود اذا؟؟؟.

[روعة الجوري]

يالبيه يالبنات

فديتهم والله

الولد ثوب وغترة وعقال وقحفية وزرار (ارخص واحد ب45 ريال) ونعال ب200

المجمل كله كم؟ نقول350

البنت

اذا بتفصل لها عند خياط عادي بيطلع 60 ومع حساب القطعة الاورجنزا 30 و الجوتي ب69 و الهيلاهوب ب18 و الشنطة ب 30 و الشباصات ان غلت ب25 والحنة ان غلت ب50 هذي اذا بتتحنى في الصالون اذا في البيت ولا شي ينذكر

المجمل كم؟ 232

هذي مقارنة بين اللي شريناه لعيالنا واللي شريناه لبنيتنا

والبنت من غير زينه مهب بنت

من جابتنا امهاتنا واحنا نتعدل للعيد على سنقة عشرة

ومن سنة الدنيا البنت مش مثل الولد في اللبس

الزينة اصلا للبنت مش للولد

[عابر سبيل]

صدقت اخوي مصاريف بنتي اكثر من ولدي في العيد
ولد ثوب وقحفيه ونعال وانتم بكرامه وخلاص
لان ريلي مايرضا يلبس ولدي بدله في العيد لازم ثوب وغتره ولوازمه
واللى احسن بالموضوع ابوه يجهزه انا مااشيل هم ملابسه
بنتي ياربييييييييييي تطلع عيني لين مااانسق في الوان
وشبسات وووووووو
ولكن عسل على قلب ابوها يموووووووووت في بنته


الله ايبارك لج في الاثنين..الولد و البنت اخت/ شهد..

اول شي شكرا على الشهادة..واقول..
و شهد شاهد من اهلها..و الحمد لله..

بس ترى موب القصد ان نترك او نهمل تزيين البنت
او ما ندور لهم عن الزين حتى لو تطلع العين!

القصد..انه ما يكون فيه تبذير و لا تضييع زايد للوقت
في البحث من كل الاسواق و المجمعات..

الاعتدال و انا اخوج هو المطلوب..

و عيدكم مبارك مقدما و عسا الله
ايهني كل اسرة باعيالها و بناتها..و عسى الله يرضى عليهم اجمعين.



فديت البنات والله ياربي يسلمهم وفديت كل روزي صغنونه ههههههههههههه

لو قد ماصرفنا عليهم مايوفي ضحكه منهم يعل ربي يسلمهم


لاتحاول ياعابر البنات افضل خاصه ان كل بنت تمثل ذوق امها ههههههههه


انا احط كلامج مع كلام اختج/ شهد..
عشان الكل يشهد انج منحازة بشكل مطلق يا روز..و حتى ما تاخذين
بكلام النسوان اللي يأيدوني!!!.
انحياز اعمى حق كل "الروزات الصغيرات"
و يمكن الكبيرات بعد:secret:

ول و ل..نبي انصاف و عداله!.
*****
و نعم بما قلتيه ..ان ضحكة اليهال تدخل فرحة و سعادة
حق الاباء لان فيها دليل على النجاح
و ادخال السعادة للبيت و من هم تحت ولايتنا..

بس المشكلة في جملتج الاخيرة..مو في البنات..
في ذوق- بعض الامهات- اللي يمكن..
بعضكن تبي اتطلع حرتها هي و اللي ما سوته في صغرها..
تبي اتسويه في هالبنوتات على قولتج..عدل لو لا<<<<<<<Challange

نفرحهم يا روز و نسعدهم..بس ما نعلمهم
على المصاخة والتبذير و الصرف اللي من غير
حساب و لا دبره..
كله عشان بنتي تكسر بنات الفريج
و الام تنتصر على امهاتهم:eek5::eek5:

هذي بس سوالفكم:)

[هدوء الصباح]

موب مشكله يا سيدتي/ هدوء ان متطلبات البنات اكثر من الاولاد..

المشكلة في من ينتحون او ينهجون البذخ
في اللي يسوى و اللي ما يسوى..
و ما يحسبون احساب... لا خوف من تبذير او اسراف!
كله بحجة انها فرحة و مرة و المرة تجرها
مرات و علم جرا..لين ما تصير هي العادة!
***

بعدين...اتقولين البدي كير و المنكير مدري (المناكر) مو بس
حق البنات..ليش ..
حق منهو بعد انشاء الله..
ليكون حق الجن و لا طلعتوا لنا بعد
في الاوادم..شي غير المذكر و المؤنث؟؟؟:omg::omg:

اطفال الانابيب تراهم اوادم..
و استنساخ للحين ما صار حق الاوادم..
من المقصود اذا؟؟؟.
شكللك ياعابر دقة قديمة !!
وللحين تروح الصالونات الي الحلاقين فيها هنود او باكستان او...
روح الصالونات(اللب....)!!! وانت تشوف الشباب وخاصة التن أيجرز يسوون البدكير والمنكير وتنظيف البشرة واللازم منه!! شكلي خرجت عن الموضوع!!